23/12/2025
What is Functional Grief?
Functional grief ဆိုတာ နာကျင်မှုကိုရင်ဝယ်ပိုက်ပြီး ဘဝကို ရှေ့ဆက်လျှောက်ခြင်းဖြစ်ပြီး ဘဝရဲ့ အဆင်မပြေဖြစ်မှုတွေ၊ ဝမ်းနည်းမှုတွေကို အပြည့်အဝ ခံစားနေရပေမယ့် တစ်ဖက်မှာလည်း နေ့စဉ်ဘဝရဲ့ လုပ်ငန်းဆောင်တာတွေကို ပုံမှန်အတိုင်း လုပ်ဆောင်နိုင်ခြင်း၊ ဆုံးဖြတ်ချက်ချနိုင်ခြင်းနဲ့ ဘဝကို ရှေ့ဆက်နိုင်ခြင်းတွေကို ဆိုလိုပါတယ်
ဒါဟာ ဝမ်းနည်းမှုကို ရင်ဝယ်ပိုက်ထားပေမယ့် အဲ့ဒီဝမ်းနည်းမှုကြောင့် ဘဝကြီး ရပ်တန့်မသွားအောင် ထိန်းကျောင်းနိုင်တဲ့ စွမ်းရည်တမျိုးပဲဖြစ်ပါတယ် ဒီလိုလူမျိုးတွေအများစုဟာ ဆုံးရူံးမှုကိုလည်း လက်ခံထားနိုင်ကြတယ် နာကျင်မှုတွေနဲ့လည်း အတူယှဉ်တွဲနေထိုင်တတ်ကြတယ် သူတို့အတွက် ဝမ်းနည်းမှုက ကားမောင်းသူ မဟုတ်တော့ဘဲ ဘေးက လိုက်ပါစီးနင်းသူ (Passenger) အဖြစ်ပဲ ရှိနေတော့တာပါ
Functional grief ရှိသူတွေဟာ လူရှေ့မှာ တည်ငြိမ်နေပေမယ့် ကွယ်ရာမှာ ရှိုက်ကြီးတငင် ငိုကြွေးတတ်ပါတယ်
ဝမ်းနည်းနေပေမယ့် အတွေးထဲမှာ မနစ်မွန်းတတ်ကြဘူးဆုံးရှုံးမှုအကြောင်းကို စိတ်မထိခိုက်ဘဲ ပြောပြနိုင်တယ် နေ့စဉ်လုပ်ငန်းဆောင်တာတွေကို မပျက်မကွက် လုပ်နိုင်ကြပါတယ်
သူတို့ဟာ
Emotional Regulation - စိတ်ခံစားမှုကို ထိန်းညှိခြင်း ပြင်းထန်တဲ့ ခံစားချက်တွေ အလွန်အမင်း ဝါးမျိုတာမခံရအောင် ထိန်းညှိနိုင်ကြတယ်
Cognitive Integration - သိမြင်မှုဆိုင်ရာ ပေါင်းစပ်ခြင်း ဖြစ်ပြီးခဲ့တာက နာကျင်စရာကောင်းတယ်၊ ဒါပေမဲ့ ဒါဟာ တကယ့်အရှိတရားပဲဆိုပြီး လက်ခံနိုင်ရှိကြတယ်
Compartmentalization - အခန်းကန့်ထားခြင်း
တနေ့တာ အလုပ်လုပ်ချိန်မှာတော့ ဝမ်းနည်းမှုကို ခေတ္တခနဘေးဖယ်ထားတတ်ကြပြီး အားလပ်တဲ့အချိန်မှ ပြန်လည်ခံစားတတ်ကြတယ် (ဒါက ခံစားချက်တွေကို ဖိနှိပ်ထားခြင်းမဟုတ်ဘဲ အချိန်ခွဲခြားထားခြင်းသာ ဖြစ်ပါတယ်)
ဒါဆိုရင် လူတချို့ကဘာကြောင့် ဒီလိုဖြစ်လာရသလဲ
Functional Grief ရှိသူအများစုဟာ ဒီလိုနေထိုင်မှုကို ရွေးချယ်သင်ယူတတ်ကြတာမဟုတ်ပဲ ကြီးပြင်းလာတဲ့ပတ်ဝန်းကျင်ကြောင့် ဖြစ်တတ်ပါတယ်
- ဆုံးရှုံးမှုတွေကြားကပဲ
အားတင်းပြီးရှေ့ဆက်ခဲ့ရသူတွေ
- ငယ်စဉ်ကတည်းက စိတ်ပိုင်းဆိုင်ရာအရ ကိုယ့်ကိုယ်ကိုယ်ပဲ အားကိုးခဲ့ရသူတွေ
- "ငါပြိုလဲလို့မရဘူး" ဆိုတဲ့ အခြေအနေမျိုးမှာ အကြိမ်ပေါင်းများစွာ နေခဲ့ရသူတွေစီမှာ ဒီလို ပုံစံမျိုး တွေ့ရတတ်ပါတယ်
Functional Grief ရဲ့နောက်မှာ ပေးဆပ်ရတဲ့ Hidden Cost တွေလည်းရှိပါတယ် သူတို့ဟာအပြင်ပန်းမှာ ကြံ့ခိုင်တယ်လို့ထင်ရပင်မယ့် နောက်မှ တသီတတန်းကြီး ပြိုလဲသွားနိုင်ပြီး လူတွေနဲ့ စိတ်ချင်းဝေးကွာလာနိုင်တယ် နာကျင်မှု တွေကို ဦးနှောက်နဲ့ပဲ ခွဲခြမ်းစိတ်ဖြာပြီး နှလုံးသားနဲ့ အမှန်တကယ် မခံစားတတ်တော့ကြဘူး
Functional Grief ဆိုတာ နာကျင်မှု မရှိတော့တာမျိုး မဟုတ်ဘူး နာကျင်နေလျက်နဲ့ ရှင်သန်နိုင်အောင် ကြိုးစားတဲ့ "နည်းလမ်း" တစ်ခုသာ ဖြစ်ပါတယ် အချို့က ဆုံးရှုံးမှုအောက်မှာ ပြိုလဲသွားကြတယ်၊ အချို့ကတော့ အဲ့ဒီဆုံးရှုံးမှုကို ပိုက်ပွေ့ပြီး လမ်းလျှောက်တတ်အောင် သင်ယူကြတယ် နှစ်ခုလုံးဟာ လူသားဆန်တဲ့ နာကျင်မှုတွေဖြစ်ပြီး
ခံစားချက်တွေစီကနေ ရှောင်ပြေးမယ့်အစား သူတို့ကိုရဲရဲရင့်ရင့် ရင်ဆိုင်ပြီး သင်ယူသင့်စရာသင်ယူ၊ ထားခဲ့သင့်တာထားခဲ့ပြီး ရှေ့ဆက်နိုင်ခြင်းသာ အဓိကကျပါတော့တယ်
