Santhitsa (2025)

06/05/2025

မိုးကြီးမည့်သတိပေးချက် (၄-ဂက/၂၀၂၅)
==============================
၁၃၈၇ ခု၊ ကဆုန်လဆန်း ၁၀ ရက်
========================
၂၀၂၅ ခုနှစ်၊ မေလ ၆ ရက်
===================
“ယနေ့မြန်မာစံတော်ချိန် (၀၆:၃၀) နာရီအချိန် နောက်ဆုံးရရှိသည့် အချက်အလက်များအရ အရှေ့ဘက်နှင့် အနောက်ဘက်မှလာသော လေပွေလှိုင်းများ၊ ဘင်္ဂလားပင်လယ်အော်အတွင်း ဖြစ်ပေါ်လာနိုင်သည့် လေဖိအားနည်းရပ်ဝန်း၏ အရှိန်ဖြင့် လွှင့်စင်လာမည့် အပူပျံတက်တိမ်တိုက်များနှင့် အာရှကုန်းတွင်းဒေသမှ လေအေးများ တွေ့ဆုံနိုင်မှုတို့ကြောင့် (၁၀-၀၅-၂၀၂၅) ရက်နေ့မှ (၂၂-၀၅-၂၀၂၅) ရက်နေ့အတွင်း နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်၊ ရှမ်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး နေရာကွက်၍မိုးကြီးခြင်း၊ ဒေသအလိုက်မိုးကြီးခြင်း၊ လျှပ်စီးလက်ခြင်း၊ မိုးခြိမ်းခြင်း၊ မိုးကြိုးပစ်ခြင်း၊ မိုးသီးကြွေခြင်းနှင့် မိုးသက်လေပြင်း တိုက်ခတ်ခြင်းတို့ ဖြစ်ပေါ်နိုင်ပြီး မိုးသက်လေပြင်းကျစဉ် ရေပြင်မြေပြင်လေသည် တစ်နာရီလျှင် မိုင် (၄၀) မှ မိုင် (၅၀) အထိ တိုက်ခတ်နိုင်သည်ဟု ခန့်မှန်းရပါသည်။”

သို့ဖြစ်ပါ၍ (၁၀-၀၅-၂၀၂၅) ရက်နေ့မှ (၂၂-၀၅-၂၀၂၅) ရက်နေ့အတွင်း မိုးရွာသွန်းခြင်းကြောင့် ဖြစ်ပေါ်လာနိုင်သည့် ရေကြီးခြင်း၊ မြေပြိုခြင်းနှင့် လေပြင်းတိုက်ခတ်ခြင်းကြောင့် ဖြစ်ပေါ်လာနိုင်သည့် အဆောက်အအုံများ၊ သစ်ပင်သစ်ကိုင်းများ၊ ဖိုင်ဘာလိုင်းနှင့် လျှပ်စစ်ဓာတ်အားလိုင်းများ ပြိုကျယိုင်လဲခြင်း စသော သဘာဝဘေးအန္တရာယ်တို့ ဖြစ်ပေါ်နိုင်သည့်အတွက် ကုန်းမြင့်ဒေသအနီးတွင် နေထိုင်ကြသူများအနေဖြင့် မိုးကြိုးပစ်ခြင်းနှင့် မြေပြိုမှုအန္တရာယ်ကိုလည်းကောင်း၊ မြန်မာ့ကမ်းရိုးတန်းတစ်လျှောက်၊ မြစ်ငယ်ချောင်းငယ်များအနီးနှင့် မြေနိမ့်ပိုင်းတွင် နေထိုင်ကြသူများအနေဖြင့် လေပြင်းအန္တရာယ်နှင့် လျှပ်တစ်ပြက် ရေကြီးရေလျှံမှုအန္တရာယ်တို့ကိုလည်းကောင်း ကြိုတင် သတိပြုနိုင်ပါရန်နှင့် စိုက်ပျိုးမွေးမြူတောင်သူများအပါအဝင် ပြည်တွင်းလေကြောင်း ပျံသန်းရေး၊ ပြည်တွင်းရေကြောင်း သွားလာရေး၊ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီးကမ်းဝေး ငါးဖမ်းရေယာဉ်များ၊ စက်လှေများ၊ သင်္ဘောများအနေဖြင့်လည်း ကြိုတင်သတိပြုနိုင်ပါရန် ကြိုတင်၍ သတိပေးနှိုးဆော် တင်ပြအပ်ပါသည်။

သဘာဝဘေးအန္တရာယ်တို့မှ ကင်းလွတ်ငြိမ်းအေးကြပါစေ...

ထူးခြားမိုးလေဝသ သတင်းများအား အချိန်နှင့်တပြေးညီ သိရှိနိုင်ပါရန် မိုးလေဝသမြန်မာ ရန်ကုန်ဌာနခွဲ Page အား Follow ပြုလုပ်ထားနိုင်ပါသည်။

ဒေါက်တာ စိုင်းခွန်အာကာ (စီမံညွှန်ကြားရေးမှူး)
မြန်မာနိုင်ငံကိုယ်စားပြုဋ္ဌာန
မိုးလေဝသမြန်မာ

28/04/2025

ကျောက်ဖြာတစ်ခုကို အလေးချိန် တန် ၄၀,၀၀၀,၀၀၀,၀၀၀ နဲ့ ဖိတဲ့အခါ...
ကျွန်တော်တို့ လူသားအားလုံးဟာ ကျောက်ဖြာကြီး ၁၆ ချပ် (16 principal tectonic plates) ပေါ်မှာ အသက်ရှင်နေကြရတာပါ။ Burma Plate ဆိုတဲ့ ကျောက်ဖြာက minor tectonic plate တွေထဲက တစ်ခုပါ။ မိတ်ဆွေရဲ့ ခြေထောက်အောက်က အဲဒီ ကျောက်ဖြာကြီးတွေရဲ့ ဟိုးအောက်မှာ အခုထိ မခဲသေးတဲ့ ပူပြီး ပျော့နေတဲ့ ပျော်နေတဲ့ ချော်ရည်တွေ ရှိတယ်။ အပေါ်ယံလေး ခဲနေပြီး ပတ်ကြားတွေ အက်နေတယ်။ "စစ်ကိုင်းပြတ်ရွေ့" ဆိုတာက အဲဒီ ပတ်ကြားအက်လေးတွေထဲက အက်ကြောင်းကြီး တစ်ခုပေါ့ဗျာ။ (ဒီငလျင်ကိစ္စကို လူငယ်တွေကို မကြာမကြာ ရှင်းရှင်းပြနေရလို့ ချရေးလိုက်ပါတယ်။)
Ref: https://en.wikipedia.org/wiki/List_of_tectonic_plates
ပြဿနာက အဲဒီ အပေါ်ယံ ခဲနေတဲ့ ကျောက်ဖြာတွေက ဟိုရွေ့ဒီရွေ့ ဖြစ်နေတာက ဆိုးတာဗျ။ ကျောက်ဖြာ အောက်မှာကလည်း ချော်ရည်တွေက ပွက်နေတာ တွန်းနေတာကိုး။
ရွေ့တာကလည်း ဖြေးဖြေးလေး ရွေ့တာဗျ။ ဥပမာ- မြန်မာပြည် အရှေ့ခြမ်းပါတဲ့ ကျောက်ဖြာ Eurasian Plate က တစ်နှစ်ကို ပုံမှန် ၁၈~၂၀ မီလီမီတာ ရွေ့တယ်လို့ ဖတ်ရပါတယ်။ ပုံမှန်ရွေ့နေရင် ဘာမှ မဖြစ်ပါဘူး။ အချို့အပိုင်းတွေက တစ်ခုခုက ခုနေလို့/ခံနေလို့ ၁၈ မီလီမီတာ နှစ်တိုင်း မရွေ့ ဖြစ်ဘူးဖြစ်တတ်ပါတယ်။ ဥပမာ အချို့နေရာက ၁၀ မီလီမီတာ ရွေ့ရင် တစ်နှစ်ကို ၈ မီလီမီတာ အကြွေး ကျန်တယ်။ ၆ မီလီမီတာပဲ ရွေ့ရင် တစ်နှစ်ကို ၁၂ မီလီမီတာ အကြွေးကျန်တယ်။ ရွေ့စရာရှိတာ မရွေ့နိုင်ဘဲ အကြွေးကျန်နေတာကို stress တက်တယ်လို့ ပညာရှင်တွေက ခေါ်တာပါ။ တစ်နှစ် တစ်နှစ် အကြွေးကျန်တွေ စုစုလာပြီး၊ ဘယ်လိုမှ တင်းမခံနိုင်တော့တဲ့အခါ အတိုးချပြီး ရုတ်တရက် ရွေ့သွားတာကို #ငလျင် လှုပ်တယ်လို့ ခေါ်ကြတာ ဖြစ်ပါတယ်။ ဒီနှစ် ၂၈-၃-၂၀၂၅ မှာ ဖြစ်သွားတဲ့ ငလျင်က အများဆုံးနေရာမှာ ၁၆ ပေ ရွေ့သွားတယ်လို့ သိရပါတယ်။
ဟုတ်ပြီ။ ကျွန်တော် တင်ပြချင်တာက တရုတ်ပြည်က "မြစ်ကျဉ်းသုံးသွယ်ဆည်" (Three Gorges Dam) ဆိုတဲ့ ကမ္ဘာ့အကြီးဆုံးဆည်ရဲ့ အကျိုးသက်ရောက်မှုပါ။ အဲဒီဆည်ကြီး ကို ၁၉၉၅ က စဆောက်လိုက်တာ ၁၀ နှစ်လောက် ဆောက်လိုက်ရတယ်လို့ သိရတယ်။ အဲဒီဆည်က ကြီးလွန်းလို့ ရေလည်းဖြည့်လိုက်ရော၊ ကမ္ဘာကြီးလည်ပတ်တဲ့ နှုန်းတောင် တစ်ရက်ကို 0.06 microseconds (၀.၀၆ မိုက်ခရိုစက္ကန့်) ပိုနှေးသွားတယ်လို့ NASA သိပ္ပံပညာရှင်တွေက ရှာဖွေသိရှိ ခဲ့ကြတယ်။ အဲဒီကတည်းက ဒီဆည်ကြောင့် အခြား ဘာတွေ ဖြစ်နိုင်သေးလဲ မသိဘူးလို့ ကြုံတိုင်း တွေးမိနေတာတော့ ကြာပါပြီ။ အတည် မပြုရသေးတဲ့ ကျွန်တော့် အယူအဆ hypothesis လေး တင်ပြပါရစေ။
မြစ်ကျဉ်းသုံးသွယ်ဆည်က ရေတွေထုထည်က အကြမ်းဖျဉ်း အလျား အနံ အမြင့် ကီလိုမီတာ ၄၀ x ၄၀ x ၄၀ စီ (39.3 billion cubic meters) ရှိတယ်။

မြစ်ကျဉ်းသုံးသွယ်ဆည်ထဲက ရေတွေ အားလုံးက စုစုပေါင်း တန် သန်း ၄၀,၀၀၀ နီးပါး (39,300,000,000 or 39.3 billion tonnes) လေးပါတယ်။ ထည့်ဆောက်ထားတဲ့ သံမဏိကတင် 463,000 တန် လေးနေပြီ။ ခေတ် ကမ္ဘာ့သက်တမ်း တလျောက် ဘယ်တုန်းကမှ မရှိခဲ့တဲ့ အလေးချိန်နဲ့ အခုမှ လူလုပ်လို့ ကျောက်ဖြာကြီး တစ်ချပ်တည်းကို တန် သန်း ၄ သောင်းနဲ့ ဖိမိနေပြီ။ ကဲ... ဘာဖြစ်လာမလဲ?
ရှင်းရှင်းလေးပါ။ တစ်ဘက်နင်း တစ်ဘက်ထောင်မှာပေါ့။ ပုံမှန် ဖြစ်ရိုးဖြစ်စဉ် မဟုတ်တာတွေ ထထ ဖြစ်မှာပေါ့။ အဲဒီ ကျောက်ဖြာကို မတန်တဆ အလေးချိန်နဲ့ ဖိထားမိတဲ့အတွက်ကြောင့် ထိစပ်နေတဲ့ ဘေးပတ်လည်က ကျောက်ဖြာတွေနဲ့ စပ်ကြားနေရာတွေကို သွားပွတ်ပြီး ငလျင် လှုပ်စေနိုင်တာပေါ့... ဆိုတဲ့ ဖြစ်နိုင်ခြေ hypothesis လေး တင်ပြချင်တာပါ။ geo-tech expert တွေ ဆက်စဉ်းစား သုတေသန လုပ်ဘို့တိုက်တွန်းပါရစေ။
ငလျင်အကြောင်း ဝီကီစွယ်စုံကျမ်း ဆောင်းပါး။
https://my.wikipedia.org/wiki/ငလျင်
ဖြည့်စွက်ချက်။ ငလျင်တင် မဟုတ်ဘူးခင်ဗျ။ လွန်ခဲ့တဲ့ နှစ် ၃၀ လောက်အတွင်းမှာ တရုတ်နိုင်ငံမှာ စက်ရုံတွေအများဆုံး ဖြစ်လာ၊ မီးခိုးတွေ အများဆုံး ထုတ်လာတာ အားလုံး အသိပါ။ အဲဒီအခါမှာ တရုတ်ပြည်က လေတွေဟာ နယ်နမိတ်ကျော်ပြီး၊ မုတ်သုန်လေ အဖြစ်နဲ့ မြန်မာအပါအဝင် ပတ်ဝန်းကျင် နိုင်ငံအားလုံးကို ရောက်ပါတယ်။ သူတို့ရဲ့ လေထုညစ်ညမ်းမှုက ဘေးပတ်ဝန်းကျင်နိုင်ငံအားလုံးရဲ့ ရာသီဥတုကို အနည်းနဲ့ အများထိခိုက်စေတယ် ဆိုတာလည်း အားလုံး သိထားသင့်တဲ့ အချက်တစ်ခုပဲ။
Ref: မြစ်ကျဉ်းသုံးသွယ်ဆည်။
https://en.wikipedia.org/wiki/Three_Gorges_Dam
https://my.wikipedia.org/wiki/မြစ်ကျဉ်းသုံးသွယ်_ရေကာတာ

Zaw Htut

26/04/2025

ငလျင်ကြောင့်ပျက်စီးသွားသည့် အဆောက်အဦများ စစ်ဆေးခြင်း (လို-တို-ရှင်း)

(အင်ဂျင်နီယာမဟုတ်သည့် အိမ်ပိုင်ရှင်များနှင့် အင်ဂျင်နီယာငယ်များအတွက် အတိုင်းအတာတစ်ခုအထိ အထောက်အကူဖြစ်လိမ့်မည်ဟု မျှော်လင့်ပါသည်)

မှတ်သားရ လွယ်ကူစေရန် ဇယားထဲတွင် အကူအညီယူရန်လိုအပ်မည့် ပညာရှင်သရုပ်ဖော်ပုံ ထည့်သွင်းေပးထားပါသည်။

ပျက်စီးမှုများအား အဆင့်(၄)ဆင့် ခွဲခြားထားပါသည်။

အဆင့်(၁) ပန်းရန်ဆရာဖြင့် ပြင်ဆင်နိုင်
အဆင့်(၂) ပန်းရန်ဆရာဖြင့် ပြင်ဆင်နိုင်။ သို့သော်ကြာရှည်ခံစေရန် ဓါတုဆေးအကူအညီနှင့် ကျွမ်းကျင်သူဖြင့် ပြုပြင်ရန် လိုကောင်းလိုမည်။
အဆင့် (၃) ပျက်စီးမှုသည် အဆောက်အဦကြံ့ခိုင်မှုအား ထိခိုက်မှုရှိသဖြင့် အင်ဂျင်နီယာ အကူအညီလိုအပ်၊
အဆင့် (၄) ပျက်စီးမှုသည် အဆောက်အဦကြံ့ခိုင်မှုအား ဆိုးရွားစွာထိခိုက်မှုရှိသဖြင့် structure ပိုင်းကျွမ်းကျင်သည့် အင်ဂျင်နီယာ အကူအညီလိုအပ်သည်။

မူကြမ်းကို ဖတ်ရှုအကြံဉာဏ်ပေးခဲ့ကြသည့် UK နှင့် စင်ကာပူမှ လူငယ်အင်ဂျင်နီယာများအား ကျေးဇူးအထူးတင်ပါသည်။

(ဆက်ရန်)

European Commission မှ ထုတ်ဝေသည့်
Post Earthquake Damage and Usability Assessment of Buildings: Further Development and Applications- Final Report ကို မှိငြမ်းပါသည်။

25-Apr-2025

-01
to u sannwe

05/04/2025

ကျွန်ုပ်ကို အကြွေးပေးရန်ရှိသူများ သိစေရန်။

“ပိုက်ဆံမပေးနိုင်လို့ လိမ်ပြေးတယ်တို့၊
ခပ်တည်တည်ပဲ မပေးလည်း ဘာဖြစ်လဲတို့“
စတာတွေဟာ အကြွေးယူထားတဲ့လူတွေ
ခုခေတ် လုပ်ချင်ရင် လုပ်လို့ရတဲ့ အရာတွေပါ
ဒီလိုတွေလုပ်လို့ အဆင်ပြေသွားသလား ။

NO ပါ။

ပိုက်ဆံပေးထားတဲ့ အကြွေးရှင်တွေက
ဘာဖြစ်သွားလဲ။ ပိုက်ဆံတောင် ထုတ်ပေးထားနိုင်တဲ့ သူဌေးတွေပါဆိုနေမှ ဒီပိုက်ဆံအတွက်ပဲ ရှူံးတာပါ။
ကျန်တာ သူတို့မှာ ဘာဆိုဘာမှ မထိခိုက်ပါဘူး။

ဟုတ်ပြီ။ လူလိမ်တွေဘက်ကတောင်
ရန်ပြန်ထောင်နေကြတာ၊ ဘုရားတရားတွေ ရှယ်ပြနေကြတာနဲ့၊ ကျေးဇူးရှင်ကို စော်ကားပြပြီး လိုင်းပေါ်မှာ ခပ်တည်တည်နဲ့ နေနေနိုင်ကြတာ ဆိုတော့ ~ ဒါဆို
အကြွေးယူသွားတဲ့ လူက နိုင်တယ် ထင်မှာပေါ့နော်။

NO ပါ။ သူတို့က ပိုဆိုးပါတယ်။

(၁) အသက်ဆက်ရှင်မယ့် နှစ် ၃၀ သို့ နှစ် ၄၀ စာလုံးအတွက် ဂုဏ်သိက္ခာ သွားပါပြီနော်။

(၂) စီးပွါးရေး မိတ်ဖက်ကောင်းတွေ ထပ်မရတော့ပါဘူး။ (လိမ်ထားတဲ့လူ များရင် များသလို စီးပွါးရေးဘောင်က ကျဉ်းလာပါတယ်။ ဒီတော့ ပိုကျပ်တည်းလာမယ်)

(၃) မျိုးဆက်ရဲ့ အနာဂတ်။ (သားသမီး မြေး မြစ်တောက်လျှောက် အရိပ်မည်းပါလာမယ်) ဘယ်သူမှ မသိရင်တောင် အကြွေးပေးထားတဲ့လူက သိတယ်။

(၄) သင်တို့ရဲ့ အလိမ်အညာအကြောင်းကို လူတွေအချင်းချင်း တီးတိုးပြောပြီး သင့်ကို အပြင်ပန်းသာ ပြုံးပြနေပြီး တဖြည်းဖြည်း ဖယ်ခံထိမယ့် အပယ်ခံဘဝ။

(၅) ဘုရားရိုက်မယ့် ဒဏ်။ (ဒါကတော့ အဆိုးဆုံးပါ။ ၇ရက် ၇ လ ၇နှစ်အတွင်း ပိုက်ဆံပေးထားသူရဲ့ သီလသမာဓိကောင်းလေ ပိုခံရလေမို့ မှန်းကြည့်ရင် သိနိုင်ပါတယ်။ ကိုယ်လိမ်တဲ့လူက ကိုယ့်လို လူလိမ်ဆို အဆင်ပြေကောင်းပြေဦးမယ်။ ချွေးနည်းစာနဲ့ ကောင်းရောင်းကောင်းဝယ် ရတဲ့ပိုက်ဆံကို လိမ်မိတာဆိုရင်တော့ အနည်းဆုံး (အနည်းဆုံးနော်) သေချာတာတော့ လုပ်ကိုင်စားသောက်ရခက်လာတာအမှန်ပါပဲ။

(၆) မပေးချင်တာ မဟုတ်ဘူး မပေးနိုင်တာလို့ဆိုရင်လည်း လိမ်မှုတစ်ခု တိုးပါတယ်။ ကိုယ့်ကိုကိုယ် လိမ်တာနဲ့ သူများကိုပါ လိမ်တာပါရောပေါ့။ ဖဲ့ဆပ်တတ်ရင် ကျေတဲ့ အကြွေးကို ဆပ်နေမယ့်အစား “ဟိုဟာလေးဝယ်ချင် ဒီဟာလေးဝယ်ချင်လို့ မပေးနိုင်ဘူး“ ဆိုပြီး လိမ်တာမို့ လိမ်တဲ့ မုသာဝါဒကံတစ်ခု ကျူးလွန်ပြန်တယ်။ ခံပေဦးတော့ သံသရာမှာနော်။

(၇) ဒီဘဝမှာ အတိတ်ကံကြောင့် တစ်ချိန်ချိန် ချမ်းသာခဲ့ရင်တောင်
နောက်ဘဝ အကြွေးရှင် ခိုင်းတာလုပ်ဖို့ ပြင်ဆင်ထားပါ။

(၈) ဒီတော့ အကြွေးရှင်ကို မုန်းပြီး ဒင်းတို့ သေရင်အေးမယ် မတွေးပါနဲ့။ သင်အကြွေးမကျေခင် အကြွေးရှင် သေသွားရင် နောက်ဘဝ သူ့ကျွန်ဖြစ်ဖို့ ပိုမြန်သွားပါပြီ။ သင်လည်း သေဖို့ မစဉ်းစားပါနဲ့ဦးလေ။ နောက်ဘဝ ပြန်တွေ့မှ ဖိုးသူတော်နဲ့ ပြောင်းဖူးခင်း ပုံပြင်ထဲကလို ယူမိတာ ပြောင်းဖူးနှစ်ဖူး ဆပ်ရတဲ့ ဝဋ်ကြွေးက လုပ်ရတဲ့ အလုပ်တွေက ငရဲကျသလို ဖြစ်နေပါမယ်။

(၉) ဒီတော့ အကြွေးမကျေမချင်း မိမိလည်း နေကောင်းအောင် နေရမယ်။ အကြွေးရှင်ကိုလည်း နေကောင်း ကျန်းမာစေရန် မေတ္တာ အမြဲပို့ပေးရပါမယ်။

(၁၀) နောက်ဆုံးတစ်ခုက အခုလို အကြွေးနဲ့ပတ်သက်တဲ့စာတွေ တွေ့တိုင်းလည်း စိတ်မလုံဖြစ်ရတဲ့ ဒုက္ခကိုကြုံရတတ်ပါတယ်။

စတဲ့ စတဲ့ အရှုံး ၁၀ ချက်ကို ကြုံရတတ်တာမို့

ကိုယ်ကြိုက်တဲ့လမ်း ကိုယ်ရွေးကြပါ
credit သက်ဆိုင်သူသို့

11/02/2025

မြန်မာပြည်ထဲမှာကိုအောက်ကအဖြစ်လိုမျိုးတွေ

နေ့တိုင်းဖြစ်နေတာတွေ့နေရပြီ
# # # # # # # # # # # # # # # # # # #

သူခိုးဓါးပြထက်ကိုဆိုးလွန်းလို့ ဘာနဲ့နိူင်းပြောရမလဲ မသိအောင်ပါပဲ

ကျတော်က စိမ့်စိမ့်မွှေးဆိုတဲ့ နာမည်နဲ့ လက်ဖက်ခြောက် / ဝိုင် ဖြန့်ချိရေးလုပ်ငန်းကို လက်ရှိလုပ်ကိုင်နေပါတယ် Online မှာလည်း ဖုန်းနံပါတ်တွေနဲ့ ကြော်ငြာတင်ပါတယ်

ဖြစ်ပုံက ဒီလိုပါ
နို၀င်ဘာ လ ကုန်ပိုင်းလောက် ဖုန်း ၀င်လာပါတယ်
(-----) Delivery service က သူ့နာမည် ဗညားကျော်ပါ လို့မိတ်ဆက်ပြီး
သူတို့ Deli က ဘယ်လို ၀န်ဆောင်မူ ပေးကြောင်း စျေးနူန်းသက်သာကြောင်း နဲ့ အလုပ်ချိတ်ဆက်လုပ်ဖို့ မိတ်ဆက်ပါတယ်
ကျတော်လည်း စမ်းပြီးလုပ်ချင်ကြောင်း ဘယ်လို လုပ်ရမလဲမေးတော့ သူကကျတော့်လုပ်ငန်းအကြောင်းအသေးစိပ်မေးလာပါတယ်
ပြီးတော့ စာချုပ်လုပ်ရမယ် လျှောက်လွှာတင်ရမယ်ပေါ့ နယ်ကမလို့ Online ကနေ App နဲ့ တင်လို့ရကြောင်းပြောပြီး Link တခု ပို့ပေးပါတယ်
အဲ့ဒါကို Down ပြီး ဖုန်းနံပါတ်နဲ့ ၀င် လိုအပ်တာဖြည့်ပြီး သူ့ကို ပြန်ဆက်သွယ်ပါပေါ့
ကျတော်လည်း ချက်ချင်းပဲ သူပြောသလို လုပ်လိုက်ပါတယ်
App ကိုDown ပြီးပြီးချင်း open လုပ်တဲ့အခါ ခုတင်ထားတဲ့ ပုံထဲကအတိုင်း ပါဆယ်ပို့နေတဲ့ ကာတွန့် ရုပ်လေး ပေါ်လာပါတယ် ထပ်နှိပ်တဲ့အခါ permission တောင်းတဲ့ Allowed/Accept တွေ ဆက်နှိပ်ပြီး ၀င်ရပါတယ်

ပြီးတော့ သူ့ကို ကျတော် ဖုန်းဆက်ပါတယ် သူက လိုအပ်တာ အကုန် ပြည့်စုံကြောင်းနဲ့ သူတို့ဖက်မှ စာရင်းတင်ထားပြီလို့ပြောပြီး နောက်ရက် ဆက်သွယ်ပါ့မယ်ပြောပါတယ် ကျတော့်ဖုန်းကိုလည်း Viber သုံးလား မေးပါတယ်

အဲ့ညမှာ ပဲ Viber ကနေ V call ခေါ်လာပါတယ်
မနက်ဖြန်ကို အကို့ဖုန်းကို Code ပို့ပြီး အတည်ပြုပါလိမ့်မယ် လို့ပြောပါတယ် သူပြောတဲ့အတိုင်းပဲ နောက်ရက်မှာ ကျတော့်ဖုန်းကို Sms ၀င်လာပါတယ် ချက်ချင်းပဲ သူက ဖုန်းဆက်ပြီး Code တောင်းပါတယ် ပြီးတော့ ရပြီပေါ့ အလုပ်ချိတ်ဆက်လုပ်ဖို့ ok ပါပြီ တဲ့ ဒါနဲ့ အကို့ဖုန်းနံပါတ်က K pay/ Wave pay မပေါ်ဘူး ပြောပါတယ် ပစ္စည်းပို့ပြီး ငွေလွဲတဲ့အခါ
သုံးမယ့်နံပါတ် Register လုပ်ဖို့လိုကြောင်း ပြောပြီး K pay /wave pay နံပါတ် တောင်းပါတယ်
ကိုယ်အသုံးပြုတဲ့ K pay /wave ကိုလည်း Wallet မှာ စာရင်းတင်တဲ့အခါ အတည်ပြုကုဒ် ပို့ပါမယ် အဲ့ကုဒ် ပြန်ပြောပါ ပြောတော့ ကျတော် တချက်စဥ်းစားပါသေးတယ်
တကယ် Code ပို့လာတဲ့အခါ k pay / wave က ပို့တာမျိုးမဟုတ်ဘဲ တခြားLink က ပို့တာ ဖြစ်တဲ့အတွက် ကျတော်လည်း စိတ်ချစွာနဲ့ပဲ သူတို့ပို့တဲ့ code ကို ပြန်ပြောလိုက်ပါတယ်

ဒီလိုနဲ့ နောက်တရက် နေ့ခင်းပိုင်းလောက်မှာ ကျတော့ wave / k pay ထဲကို ငွေလွဲတွေ ၀င်လာပါတယ် 35500 ks amount ဆတူ ၆ ခု ဆက်တိုက်၀င်လာပါတယ် ခနအကြာမှာ
ဖုန်းဆက်လာပါတယ်
ငွေလွဲမှားမိကြောင်း ပြန်လွဲပေးပါ သူက ဝန်ထမ်းအသစ်မို့ပါ တရစပ် မနားပဲ ဖုန်းပြောပါတယ်
ကျတော့်အနေနဲ့ကလည်း အဲ့လောက်အထွေအထူး စဥ်းစားမနေပါဘူး သူများမှားလွဲတဲ့ငွေကိုလည်း မလိုချင်ကြောင်းပြောပြီး ပြန်လွဲပေးလိုက်ပါတယ်
နောက်ရက်မှာလည်း အဲ့လို တခါ ထပ်ဖြစ်ပါသေးတယ်

အဲ့လိုနဲ့ ၅ရက် ၆ရက် အကြာမှာ မနက် ၈ နာရီ ကစလို့ ညနေအထိ ဖုန်းစိမ်းတွေ တရစပ်၀င်လာပြီး ကိုဗညားကျော်လား /ကမ္ဘာကျော်လား မေးပြီးOnline ချေးငွေကပါ
အကြွေးဆပ်ပါ ချေးငွေဆပ်ပါ ဖုန်းတွေ တောက်လျှောက်၀င်ပါတယ်
ကျတော်လည်း သူတို့မေးတဲ့ နာမည်မဟုတ်ကြောင်း မယူထားကြောင်း မသိကြောင်းပြောတော့ ဆဲပါတယ် မကြားဝံ့မနာသာ စကားတွေနဲ့ ဆက်တိုက် ဖုန်းခေါ်ဆဲပါတယ် ယောက်ျားသံ မိန်းမသံအစုံပါပဲ ခင်များအကောင့်ကို ငွေလွဲထားတယ် ဘယ်ရက်က ဘာညာ ပြောတော့ ကျတော်လည်း ဟုတ်ပါတယ် အဲ့ရက်ကငွေလွဲတွေ ၀င်လာတယ် ဒါပေမယ့် ငွေလွဲမှားတယ် ဖုန်းဆက်လို့ ချက်ချင်းပြန်လွဲပေးကြောင်း ရှင်းပြပါတယ် ဒါကို လုံး၀ လက်မခံဘဲ ကျတော့်နာမည် တပ်တပ်ပြီး ဆဲပါတယ်

ဖုန်းတွေကို မနားတမ်းဆက်တိုက်ခေါ်ခေါ်လာတာ နံပါတ်အမျိုးမျိုးနဲ့ပါ
ကျတော်ရှင်းပြတာကို နားမထောင်ဘဲ သူတို့ပြောချင်ရာပြောပြီး အဖေတွေ အမေတွေကိုင်တုပ်ဆဲတော့
ကျတော်လည်း ဖုန်းတွေကို မကိုင်တော့ပါဘူး
ဆက်တိုက်ဆိုသလိုဆက်ပါတယ် ကိုယ်တိုင်က စျေးသည်မလို့ Customer တွေဖုန်းဖြစ်မှာစိုးလို့ ကိုင်လိုက်တိုင်း အဆဲခံရပါတယ်
၂ရက်၃ရက် မြောက်တဲ့နေ့မှာ
ကျတော့် အသိတွေ ဖုန်းဆက်လာပါတယ် ကျတော့်ကို ငြူစူ အပြစ်တင်ကြပါတယ် နင် online မှာ ငွေချေးတာ ငါတို့ ဖုန်းနံပါတ် ဘာလို့ပေးတာလဲ ဆိုပြီး ကျတော်လည်း ကြောင်ပြီး ဆွံ့အ သွားပါတယ်

ဆက်တိုက်ဆိုသလို ကျတော့်မိတ်ဆွေတွေ တယောက်ပြီးတယောက်ဆက်လာပြီး အဲ့လိုပဲ ပြောပါတယ် ကျတော်ပြန်စဥ်းစားကြည့်တယ်
သူတို့ဖုန်းဆက်တဲ့အခါ နင်အကြွေးမပေးရင် contact ဆက်မယ် ဆဲမယ် ပြောတာ သတိထားမိပါတယ်

နောက်ဆုံး သိလိုက်ရတာ
ကျတော့်ကို ပေးတဲ့ link ကို down မိလိုက်ရာက ကျတော့်ဖုန်းကို hark သွားပါပဲ
ဖုန်းထဲက call log/sms/photo/videoကအစ app တွေ google acc တွေပါမကျန် hark သွားတာပါ
ကျတော့်ကို ပထမဆုံး ဖုန်းဆက်လာတဲ့ သူကို ဆက်တော့ အစက ကိုင်ပါတယ် အူ လည်လည်ဖြေပြီး နောက် ဆက်လို့မရတော့ပါဘူး
Deli ရုံးကို ဖုန်းဆက်စုံစမ်းတော့လည်း အဲ့နာမည်နဲ့ ၀န်ထမ်း မရှိကြောင်း သိရပါတယ်

အဲ့လိုနဲ့ပဲ နေ့စဥ်ရက်ဆက် ကျတော့ဆီ ဖုန်းဆက်ဆဲ ကျတော့်ဖုန်း contact ထဲကလူတွေလိုက်ဆက်ဆဲနေတော့
ကျတော်လည်း အရှက်ရ သိက္ခာကျပါတယ်

ကျတော်လည်း အဲ့ငွေ ပေးမယ် အခုလုပ်ရပ်တွေရပ်ပါ ပြီးတော့ acc တွေ ဖျက်ပေးပါ clear လုပ်ပေးပါ သဘောတူပြီး ငွေ ၂၄၀၀၀၀ ကျော်လွဲပေးလိုက်ရပါတယ် ကျတော်လည်းဖုန်းကို reset ချ
နားအေးသွားတော့ ကျတော် သက်ပြင်းချလို့ရသွားပါတယ်
၂ ရက်ပဲ ကြာလိုက်ပါတယ်
Viber ကနေ V call ခေါ်တုန်းက ပုံSsရယ်
ကျတော့် ဖုန်းထဲကပုံတွေ မှတ်ပုံတင်တွေ လာပြပြီး ၁၀ သိန်းကျော် ဆပ်ပေးရမယ် မပေးရင် ပုံတွေကို လိုင်းပေါ်တင်မယ် ခြိမ်းခြောက် ငွေတောင်းပါတယ်
ကျတော်လည်း ထပ်မပေးနိုင်တော့ ဒီနေ့အထိ ကျတော့်ဖုန်း contact ထဲကသူတွေကို နေ့တိုင်း ဖုန်းဆက်ဆဲ လိုက်နှောင့်ယှက်နေပါတယ်
ဒါတင်မကပါဘူး
Fb မှာ ကျတော့် နာမည် ဖုန်းနံပါတ် မှတ်ပုံတင်အမှတ် ပါတင်ပြီး
ဒီကောင် ဒလန်ပါ
pdf ပါဆိုပြီး group ပေါင်းစုံမှာလိုက်တင်ပါသေးတယ်

ကျတော်လိုက်စုံစမ်းကြည့်တော့ online မှာ ကျတော့်လို အဖြစ်မျိုး လူများစွာ ခံနေရပါတယ် သူတို့က အုပ်စုဖွဲ့ပြီး မလိမ့်တပတ် လုပ်စားနေကြတာပါ တရားမ၀င် online ချေးငွေ လုပ်ပြီး ချေးတဲ့သူအနေနဲ့က ငွေလွဲမှားတဲ့ပုံစံနဲ့ ပြန်တောင်းယူပြီး ချေးပေးတဲ့အဖွဲ့က ငွေလက်ခံ အကောင့်K pay / wave ပိုင်ရှင်တွေကို နာမည်တပ်ပြီးလိုက်ဆဲ အရှက်ခွဲပါတယ် သူတို့က တဖွဲ့တည်းသား တွေပါ

သူတို့အဖွဲ့ က အများကြီးးမှ တကယ့်ကို အများကြီး ရှိပါတယ် တိုက်ခန်းတခန်းမှာ လူစုပြီး Computer တွေနဲ့ ဖုန်းတွေ လိုက် hack ပြီး လုပ်စားနေတယ်လို့သိရပါတယ် အများကြီးထဲကမှ
ကျတော် စုံစမ်းသိရတဲ့ လိပ်စာကတော့
** ရန်ကုန်သံလျင် star city အိမ်ယာ တိုက်အမှတ် b5 , 8လွှာ ** ပါ
ဆူးလေ ၃၉ လမ်း တိုက်ပြာ မှာလည်း တဖွဲ့ရှိတယ်လို့သိရပါတယ်

သန်လျင်က လိပ်စာ အတိအကျပါ

ကျတော့်လို အများဒုက္ခမရောက်အောင် လူတွေသိအောင် ကူညီ share ပေးကြပါလို့ မေတ္တာ ရပ်ခံပါတယ်
ဖုန်းနံပါတ်တွေကတော့...
09400728973
09751648730
09880917770
09765495979
09753448859
09890858406
09665698595
09890101724
09671137094
09776849076
09880917774
09776849076
09793185124
09458932135
09667547702
09797331910
09421427819
09780110581
09403683539
09664108029
09880917773
09880915380
09421430436
09765495873
09765495965
09783469861
09789128778
09979303471
09671591110
09403908717
09698518820
09661542482
09251337690
09421470808
09765495871
09880917770
09880915382
09690335222
09755933166
09420677094
09698506181
09441544437
09665301891
09403908717
09683251480
09880915380
09880915379
09975191138
09698556014
09888317892
09698556014
09441543880
09895714273
09441544437
09796078611
09420677094
09440895049
09441543729
09753448859
09755190358
09955917420
09797037250
09665061785
09403684741
09441800057
09441544090

ဒီလောက်ထိအောင် များတဲ့ ဖုန်းနံပါတ်တွေပါ

ပြန်လည်ဝေမျှခြင်းဖြစ်ပါတယ်

31/01/2025

အရက်မသောက် ဘီယာမသောက် အသည်းရောင် ဘီပိုး စီပိုး မရှိဘဲအသည်းခြောက် အသည်းကင်ဆာဖြစ်တယ်ဆိုတာ(Fungus) မှို က အသည်းကို တန်းထိလို့ပါ။

Fungus ဟာမြင့်မားတဲ့အပူချိန်မှာတောင် မသေပါဘူး။
ရေနှင့်ဘယ်လိုဆေးကြောသန့်စင်ပျောက်မသွားပါဘူး။

မြန်မာနိုင်ငံရဲ့အစားအသောက်အတော်များများမှာ
မှို(Fungus)ဖြစ်ပေါ်မှုသည်၇၅% ရှိပါတယ်။

လူရဲ့ခန္ဓာကိုယ်အပေါ်ယံအရေပြားမှာချွေးပေါက်တွေသည်လည်းအမြဲသန့်ရှင်းမှုမရှိပါက မှိုစွဲကပ်မှုဖြစ်ပေါ်စေပါတယ်။

အဲဒါကြောင့် တစ်ကိုယ်ရေသန့်ရှင်းရေး
အမြဲပြုလုပ်သင့်ပါတယ်။

ကင်ဆာရောဂါရဲ့၈၀% ဟာမှို(Fungus) ကြောင့်ဖြစ်တယ်
လေ့လာရရှိသလောက်မျှဝေပါတယ်။

မှိုတက်တဲ့ အစားအစာတွေကတော့
အများကြီးပါပဲ။ မှိုများများတွေ့ရတတ်တာ

ငြုတ်သီးခြောက်၊ ငြုတ်သီးမှုန့်/ကွမ်းသီး/ကွမ်းစားဆေးအမျိုးမျိုးအချဉ်အမျိုးမျိုး မုန်ညင်းချဉ် မုန်လာချဉ်
ကြက်သွန်ဥချဉ် ကတက်ချဉ် လဘက်အစို
စီတိုဝူး သနပ်မျိုးစုံ ယိုမျိုးစုံ ပဲအကြော်စုံ
ရက်လွန် ဟင်းလျာများ စသည်ဖြင့်
ဖြစ်ပါတယ်။
#ကျန်းမာရေး

31/01/2025

ကင်ဆာ ရောဂါနှင့် ပက်သက်သော နောက်ဆုံး
ထုတ်ပြန်ချက်။ ( လူတိုင်းဖတ်ကြည့်သင့်ပါတယ် )
--------------

ဒီအကြောင်းအရာကို သင့်ဘ၀မှာ အရေးပါတဲ့
လူတွေဆီ ပေးပို့ သင့်ပါတယ် ။
ဆေးသွင်းကုသခြင်း ( CHEMOTHERAPY ) ဟာ ကင်ဆာေ၇ာဂါ ပျောက်ကင်းအောင်ပြုလုပ်၇ာမှာ တစ်ခုတည်းသော နည်းလမ်းဖြစ်တယ် လို့ နှစ်ပေါင်းများစွာ ပြောကြားလာခဲ့ရာက အခုနောက်ဆုံးမှာတော့ တခြားနည်းလမ်းတစ်ခုလည်းရှိတယ် လို့ ဂျွန်ဟော့(ပ်) ကင်း(စ်) ကပြောကြားလာပါပြီ ။

ဂျွန်ဟော့(ပ်)ကင်း(စ်) မှကင်ဆာရောဂါနှင့်
**********************************
ပက်သက်သော နောက်ဆုံးထုတ်ပြန်ချက်။
**********************************

၁။ လူတိုင်းရဲ့ခန္ဓာကိုယ်ထဲမှာ ကင်ဆာဆဲလ်)တွေရှိတယ်။ဒီကင်ဆာဆဲ(လ်)တွေဟာ သန်းထောင်ပေါင်းအနည်းငယ်ထိ ပွားများမလာမချင်းတော့ ပုံမှန်ရောဂါရှာဖွေစစ်ဆေးချက်မှာ ပေါ်လာမှာ မဟုတ်ဘူး။

ဆေးကုသခံယူပြီးနောက် ကင်ဆာလူနာတွေကို သူတို့ကိုယ်မှာ
ကင်ဆာဆဲ(လ်)တွေ မရှိတော့ဘူးလို့ ဆရာ၀န်တွေကပြောတဲ့အခါ
လူတွေရဲ့ကိုယ်ထဲက ကင်ဆာဆဲ(လ်)တွေဟာ စစ်ဆေးသိရှိနိုင်တဲ့အရေအတွက်အထိ မရောက်ရှိသေးဘူးလို့သာ အဓိပ္ပါယ်သက်ရောက်ပါတယ်။

၂။ လူတစ်ယောက်ရဲ့ ဘ၀တသက်တာမှာ ကင်ဆာဆဲ(လ်)တွေဟာ ၆ ကြိမ်မှ ၁၀ ကြိမ်အထက်အထိ ပေါ်ပေါက်ပါတယ်။

၃။ လူတစ်ယောက်ရဲ့ ရောဂါပြီးစနစ် အားကောင်းနေရင် ကင်ဆာဆဲ(လ်)တွေဟာ ဖျက်ဆီးခံရပြီး မပွားများနိုင်ပါဘူး၊ အကျိတ်လည်းမဖြစ်နိုင်ပါဘူး။

၄။ လူတစ်ယောက်ကင်ဆာရောဂါဖြစ်ပြီဆိုရင် သူဟာအဟာရအတော်များများချို
့တဲ့နေပြီ ဆိုတာကို ပြသတာပါဘဲ၊ ဒါဟာမျိုးရိုး၊ပတ်၀န်းကျင်၊အစားအစာနဲ့ လူနေမှုပုံစံစတဲ့ အချက်တွေကြောင့် ဖြစ်နိုင်ပါတယ်။

၅။ ဒီလိုအဟာရမျိုးစတဲ့ချို့ တဲ့နေတာကို ကျော်လွှားနိုင်ဖို့ ဆိုရင်စားသောက်ပုံစံကို ပြောင်းလဲပြီး ဖြည့်စွက်အစား အစာတွေ စားပေးခြင်းဖြင့့်် ရောဂါပြီးစနစ်ကို အားကောင်းစေနိုင်ပါတယ်။

၆။ ဆေးသွင်းကုသခြင်းဟာ အပွားမြန်တဲ့ကင်ဆာဆဲ(လ်)တွေကို အဆိပ်သင့်စေသလို ရိုးတွင်းခြင်ဆီ၊ အစာအိမ်နဲ့ အူလမ်းကြောင်းစသည်တို့ မှာရှိတဲ့ အပွားမြန်တဲ့ ဆဲ(လ်)ကောင်းတွေကိုပါ ပျက်စီးစေပြီး အသည်း၊ကျောက်ကပ်၊
အဆုတ်စတဲ့ ကိုယ်တွင်းကလီစာတွေကို ထိခိုက်စေနိုင်ပါတယ်။

၇။ ဓါတ်ရောင်ခြည်နဲ့ကုသခြင်း (ဓါတ်ကင်ခြင်း)ဟာ ကင်ဆာဆဲ(လ်)တွေကို
ပျက်စီးစေသလို ကောင်းတဲ့ဆဲ(လ်)တွေ တစ်သျှုးတွေ၊ ကိုယ်တွင်းကလီစာတွေကိုပါ ထိခိုက်စေပါတယ်။

၈။ ဓါတ်ရောင်ခြည်(သို့)ဆေးသွင်းကုသတဲ့အခါ အစပိုင်းမှာတော့ အများအားဖြင့်
အကျိတ်တွေ ကျုံ့သွားတတ်ပါတယ်၊
ဒါပေမယ့် ရေရှည်ကုသတဲ့အခါ ထိရောက်မှုကျဆင်းသွားပါတယ်၊အကျိတ်တွေ နောက်ထပ် မကြေပျက်တော့ပါဘူး။

၉။ ဆေးသွင်းကုသခြင်းနဲ့ ဓါတ်ကင်ခြင်းတို့ကြောင့်ခန္ဓာကိုယ်အတွင်း အဆိပ်အတောက်တွေများလာတဲ့အခါ ရောဂါပြီးစနစ်ဟာ အားလျော့တာတွေ၊ပျက်စီးတာတွေ ဖြစ်ပေါ်လာပါတယ်။အဲ့ဒီအခါမှာ လူတွေဟာ
ရောဂါပိုး အမျိုးမျိုးကြောင့် ဖြစ်စေ နောက်ဆက်တွဲ အမျိုးမျိုးကြောင့်ဖြစ်စေ အသက်ဆုံးရှုံးနိုင်ပါတယ်။

၁၀။ ဆေးသွင်းကုသခြင်းနဲ့ ဓါတ်ကင်ခြင်းဟာ ကင်ဆာဆဲ(လ်)တွေကို
ဗီဇပြောင်းစေနိုင်ပြီး ဖျက်ဆီးရခက်စေနိုင်ပါတယ်။
ခွဲစိတ်ကုသခြင်းဟာလည်း ကင်ဆာဆဲ(လ်)တွေကို အခြားနေသို့ပြန့်နှံ့
့စေနိုင်ပါတယ်။

၁၁။ ကင်ဆာရောဂါကို တိုက်ဖျက်ဖို့ထိရောက်တဲ့ နည်းလမ်းတစ်ခုကတော့ သူတို့မျိုးပွားရာမှာလိုအပ်တဲ့ အဟာရတွေကိုဖြတ်
တောက်လိုက်ခြင်းပါဘဲ။

(က) သကြား။ ။သကြားဟာကင်ဆာရဲ့ အဟာရတစ်ခုပါဘဲ ။ သကြားကို ဖျက်လိုက်ခြင်းအားဖြင့် ကင်ဆာဆဲ(လ်) တွေရဲ့ အဓိက အဟာရတစ်ခုကို ဖြတ်လိုက်သလိုပါဘဲ။ Nutra Sweet,Equal,Spoonful စတဲ့သကြား အစားထိုးပစ္စည်းတွေဟာ Aspartame ဆိုတဲ့အရာ ပါ၀င်တဲ့အတွက် လူကိုထိခိုက်စေနိုင်ပါတယ်။ သဘာ၀အစားအစာဖြစ် တဲ့ ပျားရည် ဒါမှမဟုတ် တင်လဲရည်နည်းနည်းလေးက ပိုကောင်းပါတယ်။

စားပွဲတင်ဆားဟာ
ဓာတုပစ္စည်း ရောထားတဲ့အတွက် ဖြူဖွေးနေတာပါ၊ ပင်လယ် နေလှမ်းဆားကပိုကောင်းပါတယ်။

(ခ) နို့ ။ ။ နို့ဟာခန္ဓာကိုယ်ကို အကျိအချွဲ တွေ ထွက်စေပါတယ် ၊ အထူးသဖြင့်
အစာအိမ်နဲ့ အူလမ်းကြောင်းမှာပါ အကျိအချွဲတွေကို ကင်ဆာဆဲ(လ်) တွေ က စားသုံးနိုင်ပါတယ် ။ နို့အစားသကြားမပါတဲ့ ပဲနို့သောက်ရင် ကင်ဆာဆဲ(လ်)တွေကို အစာပြတ်စေနိုင်ပါတယ်။

(ဂ) ကင်ဆာဆဲ(လ်)တွေဟာအက်ဆစ်(အချဉ်)၊ပတ်၀န်းကျင်မှာ
ပိုပွားနိုင်ပါတယ် ။ အသားအခြေခံတဲ့ အစားအစာဟာ အက်ဆစ်ဓာတ်ကို အားပေးတယ် ။ အမဲသား၊၀က်သားထက် ငါးစားတာအကောင်းဆုံးပါဘဲ ။ ဒါမှမဟုတ် ကြက်သား နည်းနည်းစားနိုင်ပါတယ် ။ အသားတွေမှာ မွေးမြူရေးကသုံးတဲ့ ပဋိဇီဝဆေးတွေ ၊ ကြီးထွားဟော်မုန်းတွေနဲ့ ကပ်ပါးပိုးတွေ ပါလာတတ်ပါတယ် ၊ ဒါတွေဟာ လူတွေ အထူးသဖြင့် ကင်ဆာရောဂါသည်တွေကို ထိခိုက်စေနိုင်ပါတယ်။

(ဃ)လတ်ဆတ်တဲ့ ဟင်းသီးဟင်းရွက်နဲ့ သူတို့ ရဲ့အရည်။ ဖြူအောင်မဖွတ်ရသေးတဲ့အစေ့ ။ အဆန် ။ အနှံ နဲ့ သစ်သီးအနည်းငယ်ကို အစား အစာရဲ့ ၈၀% အချိုးနဲ့ စားရင် ခန္ဓာကိုယ်ကို အယ်(လ်)ကာလိုင်း(ALKaLine) အခြေအနေရောက်စေနိုင်တယ် ။ ကျန်၂၀% ကိုတော့ ပဲအပါအ၀င် ပြုတ်ထားတဲ့ အစားအစာတွေအဖြစ် စားသုံးနိုင်ပါတယ် ။ လတ်ဆတ်တဲ့ဟင်းသီးဟင်းရွက်အရည်ထဲ မှာ စွံမ်းအားမြင့် အင်ဆိုင်းတွေ ပါ၀င်တယ် ။ ခန္ဓာကိုယ်က အလွယ်တကူ စုပ်ယူနိုင်ပြီး ၁၅ မိနစ်အတွင်းမှာ ခန္ဓာကိုယ်က ဆဲလ်များဆီ ရောက်နိုင်တယ်။ ဆဲ လ်တွေကို အဟာရပြည့်စေပြီး ကျန်းမာတဲ့ဆဲလ် တွေအဖြစ် ဖွံဖြိုးဖို့ အားပေးတယ်။

ကျန်းမာတဲ့ဆဲလ် တွေ တည်ဆောက်ဖို့ စွမ်းအားမြင့်အင်ဆိုင်းတွေရရှိအောင်
လတ်ဆတ်တဲ့ ဟင်းသီးဟင်းရွက် အရည်နဲ့့ မချက်ရသေးတဲ့ ဟင်းသီးဟင်းရွက်တွေကို တနေ့နှစ်ကြိမ် သုံးကြိမ်လောက် စားသောက်သင့်တယ် ။အပူချိန်104’F (40’c)
ဆိုရင် အင်ဆိုင်းတွေပျက်စီးသွားနိုင်တယ်။

(င) ကဖိန်း ( Caffeine ) တွေအများကြီးပါတဲ့ ကော်ဖီ၊ လက်ဖက်ရည်နဲ့ ချောကလက်တွေကို ရှောင်ပါ။
လက်ဖက်ရည် ကြမ်း ( Green Tea ) ဆိုပိုကောင်းတယ်။ ကင်ဆာကို
ခုခံတဲ့ သတ္တိလည်းရှိတယ်။ ရေဆိုရင် သောက်ရည်သန့် ဒါမှမဟုတ်
သေချာစွာ စစ်ထားတဲ့ရေဟာ အကောင်းဆုံးပါဘဲ ဘုံပိုင်ရေမှာက သတ္တုအလေးစား (
Ileavy Metals ) တွေ၊ အဆိပ်အတောက်တွေ ပါလာတတ်တယ်။ ပေါင်းခံရည်ကျတော့
အက်ဆစ်ဖြစ်စေတယ်။ ရှောင်ပါ။

၁၂ ။ အသားမှာ ပရိုတိန်းတွေဟာ အစာကြေဖို့ ခက်ခဲပြီး အစာခြေအင်ဆိုင်းတွေ အများကြီးလိုအပ်တယ်။ အစာမကြေဘဲ လူတွေဆီရောက်လာတဲ့ အသားတွေဟာ ပုတ်သွားပြီး အဆိပ်အတောက်တွေ ပိုမိုဖြစ်ပေါ်စေပါတယ်။

၁၃ ။ ကင်ဆာဆဲ(လ်) တွေမှာခိုင်ခံ့တဲ့အပေါ်ယံ ပရိုတိန်းအလွှာရှိတယ်။ အသားကို လျှော့စားရင်ဖြစ်စေ၊ အသားမစား ဘဲနေရင်ဖြစ် ကင်ဆာဆဲ(လ်) ရဲ့ ပရိုတိန်းနံရံတွေကို တိုက်ခိုက်ဖို့ အင်ဇိုင်းတွေ ပိုမိုလာတဲ့ အတွက် ခန္ဒာ ကိုယ်ရဲ့ သုတ်သင်ရေးဆဲ(လ်) (Killer Cells ) တွေဟာ ကင်ဆာဆဲ(လ်) တွေကို သုတ်သင်ဖို့ပိုလွယ်သွားပါတယ် ။

၁၄ ။ ဖြည့်စွက်အစားအစာဖြစ်တဲ့ ဓာတ်တိုးဟန့် တားပစ္စည်း ( Antioxidants )
ဗီတာမင်သတ္တုဓာတ် ( Minerals ) IP6, Flor – ssence, Essiac, EFAS စသည့်တို့
ဟာ ခန္ဒာကိုယ်ရဲ့ ရောဂါပြီးစနစ်ကို မြင့်တင်ပေးနိုင်ပြီး သုတ်သင်ရေး ဆဲ(လ်)
တွေ အားသုတ်သင်စေနိုင်တယ်။ အခြားဖြည့်စွက်အစားအစာဖြစ်တဲ့ ဗတာမင် ( E )
ဟာလည်း ခန္ဒာကိုယ်မှာ ရှိတဲ့ မလိုအပ်တဲ့ဆဲ(လ်) တွေ ၊ မလိုချင်တဲ့ဆဲ(လ်) တွေ ၊
ထိခိုက်ခံထားရတဲ့ဆဲ(လ်) တွေကို ရှင်းလင်းပစ်ရာမှာ ပံ့ပိုးပေးနိုင်းကြောင်း သိရပါတယ် ။

၁၅ ။ ကင်ဆာရောဂါဟာ ကိုယ်ရယ် ၊ စိတ်ရယ် ၊ အတွေးအမြင်ရယ် ကြောင့်ဖြစ်တာပါ
။
၁၆ ။ ကင်ဆာဆဲ(လ်) တွေဟာ အောက်ဆီဂျင်များပြားတဲ့ ပတ်၀န်းကျင်မှာ မပွားများနိုင်ပါဘူး ။
နေ့စဉ်ကိုယ်ကာယ လေ့ကျင့်ခန်း လုပ်ခြင်း အသက်ပြင်းပြင်းရှုရှိုက်ခြင်းဟာ
ကိုယ်တွင်းရှိဆဲ(လ်) တွေ အထိ အောက်ဆီဂျင်များများရောက် စေနိုင်တယ်။
အောက်ဆီဂျင်ကုထုံး ( Oxygen Therapy ) ဟာကင်ဆာဆဲ(လ်) တွေကို
ချေဖျက်နိုင်တဲ့ နောက်ထပ်နည်းလမ်းတခုပါဘဲ ။

(၁) မိုက်ခရိုဝေ့(ဗ်) မီးဖိုထဲမှာ ပလပ်စတစ်ခွက်တွေ မသုံးရန်။

(၂) ရေခဲသေတ္တာထဲမှာ ပလပ်စတစ်ရေဗူးတွေ မထည့်ရန်။

(၃) မိုက်ခရိုဝေ့(ဗ်) မီးဖိုးထဲမှာ ပလပ်စတစ်ထုပ်ပိုးပြီး မသုံးရန် ။

ဒီအကြောင်းတွေကို မကြာသေးခင်ကဘဲ ဂျွန်ဟော့ (ပ်) ကင်း(စ်) က သတင်းလွှာမှာထုတ်ပြန်ခဲ့ပါတယ် ။ ဒီသတင်း အချက်အလက်တွေကို ဝေါ်(လ်) တာ ရိ (ဒ်) တပ်မတော်ဆေးဗဟိုဌာန ( Walter Reed Army Medical Center ) မှာလည်း ဖြန့်ဝေထားပါတယ်။ ဒိုင်အောက်ဆင်း ( Dioxin )
ဓာတုပစ္စည်းဟာကင်ဆာ ၊ အထူးသဖြင့် ရင်သားကင်ဆာ ဖြစ်ပါတယ် ။ ဒိုင် အောက်
ဆင်းဟာ ကျွန်တော် တို့ ခန္ဒာကိုယ်ထဲက ဆဲ(လ်) တွေအတွက် အလွန်ပြင်းထန်တဲ့ အဆိပ်တောက်ဖြစ်ပါတယ်။ ပလပ်စတစ်ဗူးတွေကို ရေခဲသေတ္တာထဲမှာ မထားပါနဲ့ ။ ဒိုင်အောက်ဆင်းတွေထွက်လာမှာမို့ပါ ။

ဒီ ကျန်းမာရေး ပြသနာကိုမကြာသေးခင်ကဘဲ ဒေါက်တာ အက်(ဒ်)၀ပ်(ဒ်) ဖူဂျီမိုကို ( Dr. Edward Fujumoto ) ဟာ ရုပ်သံ အစီးအစဉ်ကနေ ထုတ်လွှင့်ပြခဲ့ပါတယ်။ သူဟာ Castle ဆေးရုံက Wellness Program ဆိုတဲ့ ကျန်းမားရေး အစီအစဉ်ရဲ့မန်နေဂျာဖြစ်ပါတယ် ။
သူဟာ ဒိုင်အောက်ဆင်းရဲ့ဆိုကျိုးတွေ ကို တင်ပြဆွေးနွေးထားပါတယ်။
ပလပ်စတစ်ဗူးတွေထဲ အစားအစာထည့်ပြီး မိုက်ကရိုဝေ့(ဖ်) မီးဖိုမှာ အပူမပေးသင့်
ပါဘူး လို့ သူကပြောပါတယ်။

အထူးသဖြင့် အဆီပါတဲ့ အစားအစာတွေပေါ့။ ပလပ်စတစ်ရယ် ၊ အဆီရယ် ၊ အပူချိန်မြင်မြင့်ရယ် ပေါင်းစပ်လိုက်ရင်
ဒိုင်အောက်ဆင်းတွေထွက်လာပြီး အစားအစာထဲ ရောက်ရှိသွားကာ နောက်ဆုံးမှာ
ခန္ဒာကိုယ်က ဆဲ(လ်) တွေထဲ ရောက်သွားပါတော့တယ်။ ပလပ်စတစ်အစား ဖန်ထည် ၊ ကြွေထည် စတာတွေ ( Glass, Corning Ware, Pyrex, Ceramic ……….)
ကို သူကသုံးခိုင်းပါတယ် ။ ဒိုင်အောက်ဆင်းမထွက်တော့ပါဘူး ။ ဒါကြောင့်
အသင့်စားသုံနိုင်တဲ့ အစားအစာတွေကို နွေးတဲ့ အခါ မူလ ဗူးခွက်တွေကို
မသုံသင့်ပါဘူး။

စက္ကူကို သုံးရင်လည်းမဆိုးဘူး ။ ဒါပေမယ့်
စက္ကထဲမှာဘာပါသလဲဆိုတာ မသိရဘူး။ ဖန်ထည် ၊ ကြွေထည်သုံးတာဘဲ ပိုဘေးကင်းပါတယ် ။
အသင့်စားသုံးနိုင်တဲ့ စားသောက်ဆိုင် အတော်များများဟာ ဖော့ဗူးအစား
စက္ကူတွေကို သုံးလာကြပါပြီ။ အဓိက အကြောင်းရင်းတစ်ခုကတော့ ဒိုင်အောက်ဆင်းပါဘဲ လို့ သူကပြောပါတယ် အစားအစာတွေကို ပလပ်စတစ် ပါးပါးနဲ့ ထုပ်ပြီး မိုက်ကရိုဝေ့(ဖ်) မီးဖိုမှာ ချက်ပြုတ် တာဟာလည်း အလားတူ အန္တရာယ်ရှိတယ်လို့ သူကပြောပါတယ် ။

မြင့်မာတဲ့ အပူချိန်ကြောင့် ပလပ်စတစ်အပါးကနေ အဆိပ်တောက် တွေထွက်ပြီး အစားအစာထဲရောက်ရှိစေပါတယ် ။ စက္ကူပုဝါသုံးရင် ပိုကောင်းပါတယ် ။
ကျန်းမာချမ်းသာကျပါစေ

- ရတီ

20/01/2025

မင်းအကြောင်းတွေ ပြောမှာ
မကြောက်ပါနဲ့ ...

" မင်းသာ အမှားမလုပ်ခဲ့ဘူး ဆိုရင်
အမှန်တရားက
မင်းဘက်မှာ ရှိနေပါလိမ့်မယ် " တဲ့ ။

ဒီတော့…
မင်းကိုယ်မင်း ယုံကြည်တယ် ဆိုရင်

မင်းရဲ့အကြောင်း
ကောင်းကောင်း မကောင်းကောင်း
ပြောချင်ရာတွေ ပြောကြပါစေ။

မင်းရဲ့နောက်ကွယ်မှာ
မင်းအကြောင်းတွေကို ပြောလေလေ...
မင်းက အောင်မြင်လေလေပဲ။

မင်းအကြောင်းတွေ သူတို့ခေါင်းထဲမှာ
ရှိနေလေလေ...
မင်းက သူတို့ကို လွှမ်းမိုးနေလေလေပဲ။

သူတို့တွေ မင်းအကြောင်းတွေကို
တွေးမှာ…
သူတို့တွေ မင်းအကြောင်းတွေကို
ပြောမှာ
သူတို့တွေ မင်းကို ဝေဖန်မှာကို
လုံးဝမှ ကြောက်မနေပါနဲ့။

မင်း ကြောက်ရမှာက…
မင်းကိုယ်မင်း ယုံကြည်မှုမရှိမှာကိုပဲ
ကြောက်ပါ။

မင်းကိုမင်း ယုံကြည်မှု မရှိရင်…
မင်းဟာ အမြဲတမ်း ရှုံးနိမ့်နေမှာပဲ။

သူများပြောစကားတွေကြောင့်
လမ်းမဆုံးပါစေနဲ့။

အပင်မြင့်ရင် လေဒဏ်ခံရမယ်။
လူမှန်ရင် ဝေဖန်ခံရမယ်။

မင်း အောင်မြင်ချင်ရင်တော့
ဝေဖန်ခံနိုင်ဖို့ လိုတယ်။

18/01/2025

မနာလိုစိတ်ဆိုတာ ယင်ကောင်နဲ့ တူတယ်။
ယင်ကောင်တွေရဲ့ သဘောက ဘယ်နေရာမှာ
အညှီအဟောက် ပုပ်စိုနံနေသလဲ
အဲဒီနေရာကိုမှ ရွေးရွေးပြီးတော့ ဝိုင်းအုံတာ။

လူ့ခန္ဓာကိုယ် သန့်ရှင်းနေရင်
အဲဒီနေရာဆို မနားဘူး၊
ဒါပေမဲ့ ညစ်ပတ်နေတဲ့နေရာဆို
ယင်ကောင်တွေက ကြိုက်ကြတယ်။

အဲဒီလိုပဲ၊ မနာလိုစိတ် ရှိသူတွေက
လူတစ်ယောက်ရဲ့ ကောင်းကွက်ဆိုရင်
ဘယ်တော့မှ မမြင်နိုင်ဘူး၊
ဘယ်နေရာ မကောင်းဘူးလဲ
အဲဒီနေရာကိုမှ မြင်တာ၊ ပြောချင်တာ။

မနာလိုစိတ် များလေလေ၊ ယင်ကောင်လို
အပုပ်အပွနဲ့ပဲ ထိုက်တန်လေလေမို့ ယင်ကောင်လို
မဖြစ်အောင် သတိထား ဆင်ခြင်ရမယ်။

#စာဖတ်ခြင်းဖြင့်_ဘဝကိုမြှင့်တင်ပါ

06/01/2025

"အကြံတူ ရန်သူမဟုတ်''
Thomas Edison and Henry Ford

၁၈၉၆ ခုနှစ်ကဖြစ်သည်။ လျှပ်စစ်မီးသီးကို တီထွင်ခဲ့သူ သောမတ်စ် အက်ဒီဆင်သည် အခြားတီထွင်မှု တစ်ခုဖြစ်သည့် မော်တော်ကားကို တီထွင်ရန် ကြိုးပမ်းနေသည်။ ထိုအချိန်တွင် သူ့ကုမ္ပဏီမှ လူငယ် တစ်ဦးသည် မော်တော်ကားကို စမ်းသပ်နေပြီဖြစ်ကြောင်း သတင်းကြားလိုက်သည်။

အက်ဒီဆင်သည် နယူးယော့ခ် ကုမ္ပဏီပါတီပွဲတွင် ထိုလူငယ်နှင့်တွေ့ဆုံခဲ့သည်။ ထိုလူငယ်ကား ဟင်နရီဖို့ဒ် ဖြစ်သည်။ အက်ဒီဆင်က လျှပ်စစ်ဓာတ်အားဖြင့် စွမ်းအင်ကိုထုတ်လုပ်နိုင်ရန် ကြိုးစားနေချိန်တွင် ဖို့ဒ်က လောင်စာဆီဖြင့် စွမ်းအင်ကိုလုပ်ဆောင်နိုင်ရန် ကြိုးစားနေသည်ကို သိလိုက်ရသဖြင့် သူက ဖို့ဒ်နှင့် တွေ့ဆုံချင်နေသည်။ သူတို့နှစ်ဦးတွေ့ဆုံကြသည့် အခါတွင် အက်ဒီဆင်က

“ဟေ့ ... မင်းလုပ်နေတာပိုကောင်းတယ်ကွ။ မင်းလုပ်တာမှန်တယ်။ မင်းဆက်ပြီးတော့ သုတေသနလုပ်ကွာ။ ငါအားပေးတယ်” ဟု ချီးကျူးစကား ပြောကြားခဲ့သည်။

အလွန်နာမည်ကြီးနေသည့် အက်ဒီဆင်လို ပုဂ္ဂိုလ်ကြီးတစ်ယောက်ထံက အားပေးစကားသည် ဖို့ဒ်အတွက် ခွန်အား တစ်ခုဖြစ်စေခဲ့ပါသည်။ ဖို့ဒ်သည် မော်တော်ကားလုပ်ငန်းကို ဆက်လက်တီထွင်ကြိုးပမ်းခဲ့ရာ အောင်မြင်သွားသည့်အပြင် ထိုလုပ်ငန်းနှင့်ပင် သူဌေးကြီးတစ်ဦးဖြစ်သွားခဲ့သည်။

၁၉၁၄ ခုနှစ် ဒီဇင်ဘာ ၉ ရက်နေ့တွင် အက်ဒီဆင်၏ အလုပ်ရုံဓာတ်ခွဲခန်းကြီးတစ်ခုလုံး မီးလောင်ပြီး ပြာကျသွား ခဲ့သည်။ ထိုအချိန်တွင် အက်ဒီဆင်မှာ အသက် ၆၇ နှစ် ရှိနေပြီ။ အလုပ်ရုံအတွက် အာမခံထားသော်လည်း ပြန်ရမည့်ငွေကြေးပမာဏမှာ သူ့လုပ်ငန်းကြီးတစ်ခုလုံးကို ပြန်လည်ထူထောင်နိုင်ရန်အတွက် မလုံမလောက် ဖြစ်နေသည်။

အလုပ်ရုံပြာပုံကြီး မအေးမီမှာပင် ဟင်နရီဖို့ဒ်က အက်ဒီဆင်ထံ ဒေါ်လာ ၇၅၀,၀၀၀ တန်သော ချက်လက်မှတ် တစ်စောင်ပို့လိုက်သည်။ “လိုရာသုံးပါခင်ဗျာ” ဆိုသည့် မှတ်ချက်စာတိုလေးတစ်စောင်လည်း ရေးပေး လိုက်သေးသည်။

၁၉၁၆ ခုနှစ်တွင် ဖို့ဒ်သည် အက်ဒီဆင်၏ အိမ်ဘေးအိမ်ကို ပြောင်းလာသည်။ အက်ဒီဆင် တွန်းလှည်းလေးနှင့် သွားနေရသည့် အချိန်တွင် အက်ဒီဆင်က ဖို့ဒ်ကို တွန်းလှည်းတစ်စီး လက်ဆောင်ပေးကာ သူတို့နှစ်ယောက် တွန်းလှည်းချင်းပြိုင်ကြသည်။

သူတို့နှစ်ယောက် ကွယ်လွန်ချိန်အထိ မိတ်ဆွေကောင်းများအဖြစ် ရပ်တည်သွားခဲ့ကြသည်။

အကြံတူ ရန်သူများအဖြစ် တစ်ယောက်နှင့်တစ်ယောက် ဆွဲချရန် ကြိုးပမ်းနေသူများ အက်ဒီဆင်နှင့် ဖို့ဒ်တို့ နှစ်ဦးကို အတုယူသင့်ပါသည်။ အကြံတူ ရန်သူမဟုတ်ပါ။ အကြံတူ ဉာဏ်ကူရပါသည်။ ကိုယ်တိုင်က ပြိုင်ပွဲတစ်ခုတွင် မနိုင်မှန်း သိသည့်အခါ ပြိုင်ဘက်ကို ခြေထိုးခံရန် မဟုတ်ပါ။ ယုတ်မာသောစိတ်ဖြင့် ခြေထိုးခံမည့်အစား ပြေးနိုင်သူကို ရေတစ်ခွက်ကမ်းပေးလိုက်ခြင်းမှာ သူ့အတွက် အားတစ်ခုကို ဖြစ်စေနိုင်ပါ သည်။

ကိုယ့်လက်ထဲမှာကိုင်ထားသည့် မီးတောက်နှင့် ဖယောင်းတိုင်ကို အခြား ဖယောင်းတိုင်တစ်တိုင်အား မီးကူး ပေးလိုက်ခြင်းဖြင့် ကိုယ့်တောက်လောက်မှုအရှိန်လျှော့မသွားပါ။

အက်ဒီဆင်နှင့် ဖို့ဒ်နှစ်ယောက်တို့၏ ချစ်ခင်လေးစားစွာဖြင့် တစ်ဦးနှင့်တစ်ဦး ယိုင်းပင်းကူညီမှုအပေါ် သင်ခန်းစာ ယူနိုင်ကြပါစေ။

(Ref: Never be jealous of someone else's success)

တင်ညွန့်

၃၁.၁၂.၂၀၂၄

27/11/2024

အပြောင်းအလဲမြန်တဲ့ လောကကြီးထဲ
ဗလောင်းဗလဲဆန်တဲ့ လူတွေရဲ့စိတ်က
ပိုတရားကျဖို့ ကောင်းတယ်။
လိုတစ်မျိုး ၊ မလိုတစ်မျိုး
ရှေ့တစ်မျိုး ၊ ကွယ်ရာတစ်မျိုး
ခုတစ်မျိုး ၊ တော်ကြာတစ်မျိုး
မနေ့ကတစ်မျိုး ၊ ဒီနေ့တစ်မျိုး အမျိုးမျိုးပါပဲ။
သူတို့အလိုကျ ရေးလိုက်ပြင်လိုက်တဲ့
ဇာတ်ညွှန်းတွေထဲမှာလည်း ကိုယ်ဟာ
မင်းသားဖြစ်လိုက် လူဆိုးဖြစ်လိုက်ပေါ့။
ရိုးတော့ မရိုးသေးပေမဲ့
ဆန်းတော့လည်း မဆန်းတော့တာမို့
အထူးတလည် ခံစားနေရတာမျိုးတော့
မဖြစ်တော့ပါဘူး။
အပြောင်းအလဲ ဗလောင်းဗလဲကြားမှာ
တစ်ခါတစ်ခါ မသိချင်ယောင်ဆောင်လို့
တစ်ခါတစ်ခါလည်း အ,ချင်ယောင်ဆောင်လို့
ကိုယ့်စိတ်ကလေး အရောင်ပြောင်းမသွားအောင်ပဲ
ကြိုးစားနေလိုက်တော့တယ်...။ ။

19/11/2024

#ကူညီတာများရင်
ဝတ္တရားဖြစ်တက်တယ်တဲ့
ဒီစကားက အလကားမဟုတ်ဘူး

တန်ဖိုးမထားတက်တဲ့
လူတစ်ယောက်ကို
တခါ နှစ်ခါကူညီဲကြည့်
ကျေးဇူးတင်လိမ့်မယ်

သုံးလေးခါထက်ပိုသွားရင်
ဝတ္တရားတခုလိုဖြစ်လာလိမ့်မယ်

မကူညီနိုင်တဲ့အခါ
ရှေ့က ကူညီခဲ့တာတွေပါ
လုံးဝ မေ့သွားလိမ့်မယ်

#လောကမှာ
ဘယ်သူ့ကမှ
ဘယ်သူ့ကိုလုပ်ပေးရမယ်လို့
တာဝန်မရှိဘူးနော်
ကူညီတယ်ဆိုတာ
ဝတ္တရားမဟုတ်ဘူး

လုပ်အားကူညီခဲ့ဖူးတာ
အချိန်အားဖြင့်
လူအားဖြင့်
စိတ်ခွန်အားစသဖြင့်
ကူညီခံခဲ့ရဖူးရင်
မမေ့တက်ခြင်းက
လူပီသခြင်းတမျိုးပါဘဲ

Santhitsa

06/05/2025

28/04/2025

26/04/2025

05/04/2025

11/02/2025

31/01/2025

31/01/2025

20/01/2025

18/01/2025

06/01/2025

27/11/2024

19/11/2024

Address

Telephone

Website

Alerts

Contact The Business

Shortcuts

Share