Wonder Texts

21/04/2022

Amazon က World Book Day 2022 အတွက် အီးဘုတ် ၁၀ အုပ် အလကားပေးနေ

ဧပြီ ၂၃ ဆိုရင် ကမ္ဘာ့စာအုပ်နေ့ကို နှစ်စဉ်ကျင်းပနေကြဖြစ်ပါတယ်။ Amazon က ကမ္ဘာ့စာအုပ်နေ့ ကျင်းပတာကို ပါဝင်ဆင်နွှဲတဲ့အနေနဲ့ Kindle အီးဘုတ် ၁၀ အုပ်ကို အလကားပေးနေပါတယ်။

ယူနက်စကိုက စုစည်းကျင်းပတဲ့ အဲဒီနေ့ကို World Book ၊ Copyright Day ၊ International Day of the Book လို့လည်း ခေါ်ကြပါတယ်။

Amazon က အလကားပေးတဲ့ အဲဒီစာအုပ်တွေကို ရယူဖို့ Amazon account တော့ရှိရပါမယ်။ ပြီးရင် စာအုပ်ဖတ်ဖို့ Kindle app ကို စမတ်ဖုန်းမှာဖြစ်ဖြစ်၊ ကွန်ပျူတာမှာ ဖြစ်ဖြစ် တင်ရပါမယ်။

အခမဲ့ စာအုပ် ၁၀ အုပ်ပေးတဲ့ အစီအစဉ်ကို ဧပြီ ၂၇ အထိ ဆောင်ရွက်ပေးမှာ ဖြစ်ပါတယ်။ မနှစ်ကပေးခဲ့တဲ့ စာအုပ်တွေပါပဲ ကမ္ဘာအနှံ့က စာအုပ်တွေ ပါဝင်မှာ ဖြစ်ပြီး၊ ဆယ်နိုင်ငံက အမျိုးအစား ဆယ်မျိုး ပါဝင်မှာ ဖြစ်ပါတယ်။

စာအုပ် ၁၀ အုပ်လုံးကတော့ အင်္ဂလိပ်လို ဘာသာပြန်များ ဖြစ်ပါတယ်။

1) The Puma Years by Laura Coleman
Travel Memoir (Bolivia)

2) The Ardent Swarm by Yamen Manai
Literary Fiction ( Tunisia)

3) North to Paradise by Ousman Umar
Memoir (Ghana)

4) Where the Desert meets the Sea by Werner Sonne
Historical Fiction ( Israel)

5) An Eye for an Eye by Carol Wyer
Thriller (England)

6) The Other Man by Farhad J. Dadyburjor
Book Club Fiction (India)

7) The Easy Life in Kamusari by Shion Miura
Contemporary Fiction (Japan)

8) Mother Dear by Nova Lee Maier
Psychological Thriller (Netherlands)

9) To the Sky Kingdom by Tang Qi
Fantasy (China)

10) The Caiman by Maria Eugenia Manrique
Children's Book (Venezuela)

16/03/2022

ဗီယက်နမ်သရုပ်ဖော်စာရေးဆရာ Marcelino Truong ရဲ့ ကိုယ်တိုင်ရေးအတ္ထုပ္ပတ္တိကို David Homel က ဘာသာပြန်ထားတဲ့ စာအုပ်ပါ။

ပြင်သစ်မိခင်နဲ့ဗီယက်နမ်အဖေက မွေးခဲ့တဲ့ ထရွန်ဟာ ၁၉၆၀ နှစ်များ အစောပိုင်းမှာ ကိုယ်တိုင် တွေ့ကြုံ ဖြတ်သန်းခဲ့တာတွေကို ဆိုင်ဂုံနောက်ခံထားပြီး သရုပ်ဖော် မှတ်တမ်း နှစ်အုပ်ရေးခဲ့တာရဲ့ ပထမစာအုပ်ဖြစ်ပါတယ်။

တောင်ဗီယက်နမ်အစိုးရသစ်နဲ့လက်တွဲနေတဲ့ ဖခင်ဖြစ်သူနဲ့အတူ ကမ္ဘာအနှံ့‌ေရွှ့ပြောင်းသွားလာရင်း မိသားစုရင်ဆိုင်ရတဲ့ စိတ်ပိုင်းဆိုင်ရာ ခံစားမှုကို က ဖော် ကျူးနိုင်စွမ်းခဲ့ပါတယ်။

အနက်ရောင်လိုင်းထူထူ စုတ်ချက်နဲ့ဆွဲထားတဲ့ သူ့ရဲ့လက်ရာ၊ တခါတလေ ရေဆေးနဲ့ တစ်ရောင်တည်းဆွဲထားတဲ့ အနုပညာလက်ရာဟာ အသက်ဝင်တဲ့အစွမ်းပြင်းရှပါတယ်။ အသေးစိတ်ကျတဲ့ သမိုင်းအချက်အလက် သင်ခန်းစာတွေနဲ့ ရေးဖွဲ့ထားမှုက အဝေးကအတိတ်ကို ကွက်ကွက်ကွင်းကွင်း မြင်စေပါတယ်။

မိသားစုနောက်ခံကားချပ်နဲ့ ဖြစ်ရပ်မှန်အခြေပြုဇာတ်ကြောင်းက သမိုင်းကို နားလည်ဖို့ သင်ကြားရာမှာ အထောက်အကူ ဖြစ်စေလို့ အမေရိကန်တက္ကသိုလ်တချို့မှာ သင်ရိုးဖြစ်နေတဲ့စာအုပ်ပါ။

27/02/2022

နာမည်ကျော် ကမ္ဘာ့ခေါင်းဆောင် ၃၂ ဦးရဲ့ အတ္ထုပ္ပတ္တိအကျဉ်းနဲ့သူတို့ရဲ့ ဓာတ်ပုံတွေနဲ့ အားကောင်းလှတဲ့ ကိုးကားစကားတွေက သမိုင်းကို နှစ်သက်တဲ့ စာဖတ်သူ‌တွေကို သဘောတွေ့စေမှာပါ။

အမေရိကန်စာရေးဆရာ Peggy Anderson က စုစည်းထားတဲ့ ဒီစာအုပ်က မဖြစ်မနေဆောင်ထားသင့်တဲ့ ပညာပေး စာအုပ်ပါပဲ။

24/02/2022

စစ်မဟာဗျူဟာရေးရာမှာ ဂန္ထဝင်ဆရာကြီးဖြစ်တဲ့ ဆွန်ဇ(ဆွန်ဇူး)ရဲ့ စစ်ပညာကျမ်းဟာ စစ်မှုရေးရာနဲ့ပတ်သက်ရင် သင်ပုန်းကြီးတစ်ဆူပါပဲ။

minimalist ဖြစ်ပြီး စာရေးဆရာ၊ သရုပ်ဖော်ပညာရှင် ဂျက်ဆီကာဟာဂီရဲ့လက်ရာတွေဟာလည်း အိုင်ဒီယာတွေကို ရှင်းရှင်းလင်းလင်း ဖော်ထုတ်နိုင်လို့ နာမည်ကြီးပါတယ်။

ဟာဂီရဲ့ သရုပ်ဖော်မှုတွေနဲ့ ဖန်တီးထားတဲ့ The Art of War Visualized: The Sun Tzu Classic in Charts and Graphs ဟာ မရှိမဖြစ် ဆောင်ထားရမယ့် စာအုပ်လို့ Harvard Business Review က သုံးသပ်ထားပါတယ်။

စီးပွားရေးပညာကို တင်စားသရုပ်ဖော်ထားတာကြောင့် မန်နေဂျာတွေအတွက် လက်စွဲစာအုပ်ပါလို့ HBR က ညွှန်းပါတယ်။

အညွှန်းစာချပ်တွေလို သရုပ်ဖော်ထားပေးတာကြောင့် modern office politics ရဲ့ သရုပ်သကန်တွေကို ဆွန်ဇရဲ့ အတွေးတွေနဲ့ဖော်ထုတ်ပေးထားသလိုပါပဲ။

visual synonym တွေသုံးပြီး ဖန်တီးပေးထားမှုက ဖတ်သူကို အလွယ်တကူ မှတ်သား အသုံးချဖို့ လွယ်ကူစေပါလိမ့်မယ်။

ခေါင်းဆောင်နေရာကတွေးပြီး သရုပ်ဖော်ထားတာရှိသလို၊ အလုပ်လုပ်သူနေရာကတွေးပြီး သရုပ်ဖော်ထားတာလည်း ပါဝင်ပါတယ်။

သရုပ်ဖော်ပညာရှင် ဟာဂီက “Awareness of all levels of strategic behavior is key. Strategy happens at every elevation. I did my best to honor that sentiment.”

မဟာဗျူဟာကျကျ ပြုမူဖို့ အလွှာအသီးသီးမှာသတိနိုးကြားနေမှုက အဓိကကျပါတယ်။ ဘက်စုံကနေ ရှုမြင်မှုတိုင်း မဟာဗျူဟာကျရပါတယ်။ ဒီသဘောထားအမြင်ကို ဂုဏ်ပြုဖို့ ကျမ အစွမ်းကုန် အားထုတ်ခဲ့ပါတယ်လို့ ပြောခဲ့ပါတယ်။

က 📚📚📚 စာအုပ်သတင်း၊ ဝေဖန်သုံးသပ်ချက်တွေကို တင်ဆက်ပေးနေပါတယ်။ စာအုပ်နဲ့ပတ်သက်လို့ ဗဟုသုတတွေ တင်ဆက်ဖို့ အလေးထားရေးသားပေးပါမယ်။

🤳🤳🤳 နှစ်သက်တယ်ဆိုရင် Like 👍👍👍 နဲ့share ⤴️⤴️⤴️ လုပ်ဖို့ တောင်းဆိုပါတယ်။

18/02/2022

၁၃ ရာစု ပါရှန်းစွန်နီမွတ်စလင် ကဗျာဆရာ၊ အစ္စလာမ်ပညာရှင်၊ ဘာသာရေးဆရာ၊ ဆူဖီဂန္ဓာရီပုဂ္ဂိုလ် ရူမီရဲ့ မာစနာဝီ (၆)တွဲထဲက အဓိက ကဗျာတွေကို ပုံပြင်တို ၁၀၅ ပုဒ်အဖြစ် ဖွင့်ဆိုထားတဲ့ The Book of Rumi (105 Stories and Fables that Illumine, Delight, and Inform)ကို အီရန်ပညာရှင် မာယမ်မာဖီက ဘာသာပြန်ဆိုထားပါတယ်။

နေ့စဉ်ဘဝရဲ့သာမန်အသေးအဖွဲ ဖြစ်ရပ်လို့ ထင်ရတာတွေကို ရူမီက ဆူဖီ သင်ကြားရေး သင်ခန်းစာတွေအဖြစ် ပြောင်းလဲသုံးစွဲခဲ့ပါတယ်။ ဒီစကားပြေ ရတနာတွေက ရှေးဟောင်းဖြစ်ရပ်ထူးတွေကို သိမြင်နားလည်ဖို့ လမ်းဖွင့်ပေးမှာပါ။

ရူမီရဲ့လေသံက မြူးတဲ့အခါမြူးမြူးနဲ့ အာဏာသံပါတဲ့အခါပါ၊ သာမန်ဘဝအကြောင်း ပုံပြင်တွေကို ပြောသလိုနဲ့သင်ကြား၊ အတွေးနယ်ချဲ့လိုသူ၊ အသိဉာဏ်ထူး ရလိုသူတွေကို ဖိတ်ခေါ်သင်ကြား။ လွယ်မယောင်နဲ့ခက်၊ တိမ်မယောင်နဲ့နက်တဲ့အတွေးတွေလို့ တင်စားကြပါတယ်။

ရူမီရဲ့ကဗျာဆန်မှုကို မာဖီရဲ့ဘာသာပြန်က သယ်ဆောင်ပေးနိုင်ပါတယ်။ ရူမီရဲ့အရေးအသားတွေထဲက အပြုသဘော လေသံကိုလည်း မပျက်စေရ၊ စိတ် တထင့်ထင့်နဲ့ဇာတ်လမ်းအဖုံဖုံရဲ့အရသာကိုလည်း ပါစေတယ်လို့ ပါရှန်းစာပေပညာရှင် နာဂတ်ဇာဖာဇက်က ဆိုထားပါတယ်။

ခုစာအုပ်ထဲက ပုံပြင်တစ်ပုဒ်ကို ဘာသာပြန်ဖော်ပြပေးလိုက်ပါတယ်။

လှေသမားနဲ့ပရော်ဖက်ဆာ

အဲဒီနေ့က နောက်ကျနေပြီ။ ပရော်ဖက်ဆာဟာ သူနေတဲ့ ကျွန်းကို ပြန်ဖို့ ရေကို ဖြတ်ရမယ်။ အဲဒါနဲ့ ပထမဆုံး တွေ့တဲ့ လှေပေါ်ကို တက်၊ သူနေတဲ့နေရာကို အမြန်ဆုံးပို့ပေးဖို့ လှေသမားကို ပြောလိုက်တယ်။ လှေက ဆိပ်ကမ်းက တဖြည်းဖြည်းခွာလာတယ်။ ပရော်ဖက်ဆာလည်း လှေကုန်းပတ်မှာ သက်သောင့်သက်သာနေနေတာပေါ့။ လှေသမားကို တစ်ချက်ကြာကြာ ကြည့်လိုက်တယ်။ အင်း၊ ဒီလူတော့ စာမတတ်တာဖြစ်ဖို့များတယ်လို့ ဆုံးဖြတ်သတ်မှတ်လိုက်တယ်။ သူ့လျှာ သူမထိန်းနိုင်ဘဲ လွှတ်ကနဲ ပါးစပ်က စကားထွက်သွားတယ်။ ခင်ဗျား၊ ကျောင်းသွား၊ စာများပေများ သင်ဖူးသလားလို့ မေးလိုက်မိတယ်။

လှေသမားက မသင်ဖူးပါဘူးလို့ ရိုးရိုးသားသားပဲ ဖြေတယ်။

ဒါဆို ခင်ဗျား ဘဝရဲ့ထက်ဝက်လောက်က အခွင့်ကောင်းကို လက်လွတ်ဆုံးရှုံးခဲ့တာပေါ့၊ ကိုယ့်လူရာ။

လှေသမားဟာ အစော်ကားကြီး စော်ကားခံလိုက်ရပေမယ့် မတုံ့ပြန်ခဲ့ဘူး။ သူ့အလုပ်သူဆက်လုပ်နေတယ်။ ပြီးတော့ ကလဲ့စားချေဖို့ အခွင့်အရေးကို စောင့်နေလိုက်တယ်။

ခရီးတဝက်ရောက်တော့ ရာသီဥတုက ပြောင်းတယ်။ မုန်တိုင်းက ရောက်လာတယ်။ ချိုမြိန်တဲ့ကလဲ့စားချေဖို့ ရလာတဲ့ အခွင့်အရေးကို လှေသမားက အမိအရ ယူလိုက်တယ်။

ထိတ်ထိတ်ပြာပြာ ဖြစ်နေတဲ့ ပရော်ဖက်ဆာကို ဉာဏ်နီဉာဏ်နက်နဲ့မေးလိုက်တယ်။ လေးစားရပါသော ဂုဏ်သရေရှိ ဆရာပါမောက္ခကြီး ရေကူးတတ်ပါသလားခင်ဗျ။

မိုက်မိုက်မဲမဲ ရုပ်ချောလူတတ် ကိုယ့်သူငယ်ရင်းရယ်၊ ဘယ်ကူးတတ်ပါ့မလဲ။

အိုး၊ သနားစရာပါလား၊ ဘာလို့ဆို ခင်ဗျားဘဝရဲ့ကျန်တဝက်ကို လက်လွတ်ဆုံးရှုံးရတော့မှာမလို့ပဲ။ လှေက ဝဲ ထဲရောက်နေပြီ။ ရေကူးပြီး လွတ်အောင်လုပ်ဖို့ပဲ ရှိတော့တယ်။ ခင်ဗျားရဲ့တန်ဖိုးကြီးမားတဲ့ စာပေတွေအားလုံးက တစက်လေးမှ မကူညီနိုင်ဘူး။ ခင်ဗျားက ကျုပ်ကို ငတုံးလို့ထင်တယ်။ ခု ခင်ဗျားကို ကြည့်၊ ခင်ဗျားကမှ ငကြောင်။

11/02/2022

Sayings of the Buddha
New Translations from the Pali Nikayas

Translated by Rupert Gethin

Oxford World's Classics စီးရီးရဲ့ ပါဠိစာပေမှ ဗုဒ္ဓတရား ဘာသာပြန် စာအုပ်

This new translation offers the best selection of the Buddha's most important sayings across a full range of themes and literary styles

✓✓✓ The most critically up-to-date edition
✓✓✓ Scholarly and readable translation that offers a wide selection of complete discourses within a single volume

✓✓✓ The only anthology of material exclusively from the Pali Nikayas, one of the oldest and most important sources for the teachings of the Buddha

02/02/2022

ပါဝါနဲ့မဟာဗျူဟာရေးရာ ပညာရှင် Robert Greene ရဲ့ နေ့စဉ်သုံး နိယာမများ

The Daily Laws
366 MEDITATIONS ON POWER, SEDUCTION, MASTERY, STRATEGY, AND HUMAN NATURE
By Robert Greene

လူသန်းပေါင်းများစွာအတွက် အကြံပေးသူကြီးအဖြစ် ဆယ်စုနှစ်နှစ်ခုကျော်ကြာ ထင်ရှားကျော်ကြားခဲ့သူ Robert Greene ရဲ့ စာအုပ် ငါးအုပ်မှ အဆီအနှစ်များ၊ ယခင်က ထုတ်ဝေဖူးခြင်း မရှိသေးသည့် စာများကို စုစည်းထားသော စာအုပ်သစ် ဖြစ်သည်။

တစ်နှစ်တာ၏နေ့စဉ်တိုင်းအတွက် ကျစ်လျစ်စွာ ဖန်တီးထားသည့် အသိပညာများကို တစ်မျက်နှာချင်းစီက ပေးနေမည် ဖြစ်သည်။

မိနစ်အနည်းငယ်အတွင်း မှတ်သားနာယူနိုင်သည့် အဆုံးအမ ပညာများကို The Daily Laws က ပေးမည် ဖြစ်သည်။

အလွယ်တကူ မှတ်သားလိုက်နာနိုင်မည့် နိယာမသဘောတရားများက ဘဝတိုက်ပွဲအတွက် မရှိမဖြစ် လမ်းညွှန်ဖြစ်ပါလိမ့်မည်။

power ( စွမ်းပကား) ၊ seduction (သွေးဆောင်မှု)၊ persuasion (ဆွဲဆောင်မှု) strategy (မဟာဗျူဟာ)၊ human nature (လူ့သဘာဝ)၊ toxic people (အန္တရာယ်ပေးသောသူ)၊ self-control ( မိမိကိုယ်ကို ထိန်းချုပ်နိုင်စွမ်း)၊ mastery (တဖက်ကမ်းခပ် ကျွမ်းကျင်ပိုင်နိုင်မှု)၊ psychology (စိတ်ပညာ)၊ leadership (ခေါင်းဆောင်မှု)၊ adversity (အခက်အခဲ) ၊ or creativity (ဖန်တီးနိုင်စွမ်း) တို့နှင့်ပတ်သက်ပြီး လစဉ် အကြံပြုချက်များကို ဖတ်ရှုမှတ်သားရမည် ဖြစ်ပါသည်။

ပါဝါကြီးချင်ပါသလား။ ထိန်းချုပ်နိုင်စွမ်း ကြီးလိုပါသလား။ အကောင်းဆုံးသော စွမ်းဆောင်မှုကို ရယူချင်ပါသလား။

ဒီစာအုပ်ကို နေ့စဉ် ဖတ်ရှုပါ။

27/01/2022

1️⃣ ဆရာများအတွက် အတွေးစကား ၃၆၅

စိတ်ခွန်အားပေးသောအတွေးများ အတွက် ကျော်ကြားသည့် အရောင်းရဆုံး စာရေးဆရာစာရင်းဝင် Danny Steele ()ရဲ့ ဆရာများအတွက် အားတက်ဖွယ်ရာ ကိုးကားစကား ၃၆၅ ခွန်းကိုဖတ်ပြီး နေ့သစ်များအတွက် အားယူလိုက်ပါ။

🤳🤳🤳 ကျောင်းသားတွေကို ထိတွေ့ဆက်သွယ်ဖို့၊ လုပ်ဖော်ကိုင်ဖက် ဆရာတွေနဲ့ လက်တွဲလုပ်ကိုင်ရာမှာ ကြည်နူးအားတက်စေဖို့၊ ကိုယ့်ကိုယ်ကိုယ် ဂရုစိုက်ဖို့၊ ကိုယ့်ရဲ့ ဦးတည်ချက်ကို အမှတ်ရနေစေဖို့ စတဲ့ အကြောင်းအရာ အမျိုးမျိုးအတွက် ကိုးကား အားထားရမယ့် စကားတွေကို ဒီစာအုပ်မှာ ဖတ်ရှုလိုက်ပါ။

🎯🎯🎯 မနက်ခင်းကို တက်ကြွစွာ စတင်ဖို့၊ ညနေခင်းမှာ အေးအေးသက်သာ ရှိစေဖို့၊ ခွန်အားပြန်မွေးဖို့ ဒီ ကိုးကားစာတွေကို ဖတ်ကြည့်လိုက်ပါ။

ဒီစာအုပ်ကို ရေးသားသူ Danny Steele ဟာ အမေရိကန် အယ်လာဘားမားပြည်နယ်၊ ဘာမင်ဟမ်က ကျောင်းအကြီးအကဲတစ်ဦးပါ။ ပြည်သူ့ပညာရေးနယ်ပယ်မှာ ၂၈ နှစ်ကျော် ကျင်လည်ခဲ့တဲ့သူပါ။ ၂၀၁၆ တုန်းက အယ်လာဘားမားရဲ့ Secondary Principal of the Year အဖြစ် အသိအမှတ်ပြုခံထားရသူပါ။

22/01/2022

19/01/2022

There’s No Such Thing As An Easy Job
Kikuko Tsumura
$16.20

မိန်းကလေးငယ် တစ်ယောက် အလုပ်အကိုင်အေဂျင်စီထဲ လမ်းလျှောက်ဝင်သွားတယ်။ အလုပ် ရှာပေးပါလို့ တောင်းဆိုခဲ့တယ်။ သူလိုချင်တဲ့အလုပ်က သူ့အိမ်နဲ့နီးရမယ်။ စာရေး၊ စာဖတ်လုပ်ဖို့ မလိုရဘူး။ ပြီးတော့ နည်းနည်းပဲ တွေးရမယ့်အလုပ်မျိုးလည်း ဖြစ်ရမယ်။

အရင်လုပ်ခဲ့တဲ့ အလုပ်က ပေးတဲ့ စိတ်ပင်ပန်းဝေဒနာကနေ ပြန်နာလန်ထူဖို့ ကြိုးစားနေတဲ့ ဇာတ်ဆောင်အမျိုးသမီး(အမည်ပေးမထား) ဟာ ယာယီအလုပ်တွေကို စလုပ်ရပါတော့တယ်။ မှောင်ခိုပစ္စည်းလက်ခံတာကို စောင့်ကြည့်ရတဲ့အလုပ်၊ ဘတ်စကားကုမ္ပဏီအတွက် ကြော်ငြာရေးပေးရတဲ့အလုပ်၊ တောက်တိုမယ်ရအလုပ်၊ အများအတွက်ကြော်ငြာပိုစတာ ကပ်ရတဲ့အလုပ်၊ ပန်းခြံထဲ ပြပွဲလက်မှတ် အပေါက်ဖောက်ရတဲ့အလုပ်။ ကျပန်းအလုပ် မျိုးစုံကို သူ လုပ်ရပါတော့တယ်။

ဂျပန်စာရေးဆရာ ကီကူကိုဆူမူရက ဂျပန်ဘာသာနဲ့ ၂၀၁၆ က ရေးထားတဲ့ ဒီစာအုပ်ကို ပေါ်လီဘာတန်က အင်္ဂလိပ်လို ဘာသာပြန်ထားတဲ့ There’s No Such Thing As An Easy Job ဟာ အရင်းရှင်စနစ်ကို လှောင်ရယ် ရယ်ထားတဲ့၊ အတွေးတွေပေးတဲ့ စာအပ်ဖြစ်ပြီး ၂၀၂၁ မှာ ဖတ်ကိုဖတ်ရမယ့်စာအုပ်လို့ TIME မဂ္ဂဇင်းကသုံးသပ်ထားတဲ့စာအုပ်ပါ။

ဂျပန်ရဲ့ဂုဏ်သိက္ခာအကြီးဆုံး စာပေဆုဖြစ်တဲ့ Akutagawa Prize ၊ Noma Literary New Face Award၊ Dazai Osamu Prize ၊ Kawabata Yasunari Prize၊ Oda Sakunosuke Prize စတဲ့ ဆုအမျိုးမျိုး ရရှိထားတဲ့ ဂျပန်စာရေးဆရာ ဆူမူရရဲ့ စာအုပ်တွေထဲမှာ အင်္ဂလိပ်လို ပထမဆုံး ဘာသာပြန်ထားတဲ့ ဒီစာအုပ်ဟာ ဂျပန်ရဲ့ ခေတ်ပေါ်ယဉ်ကျေးမှုကို ကွက်ကွက်ကွင်းကွင်း ပုံဖော်နိုင်တဲ့ စာအုပ်လို့ ချီးကျူးကြပါတယ်။

ဒီစာအုပ်ကို မှာယူချင်တယ်ဆိုရင်တော့ Book Store and Printing Service ကို ဆက်သွယ် မှာယူနိုင်ပါပြီ။

16/01/2022

Sapiens: A Brief History of Humankind က ပေးတဲ့ သင်ခန်းစာ သုံးခု

လူသားနဲ့ခေတ်သစ် ကမ္ဘာရဲ့ ဖြစ်ထွန်းတိုးတက်မှု၊ သမိုင်းကြောင်းကို စူးစမ်းရှာဖွေထားသော စာအုပ်

ကမ္ဘာ့အချမ်းသာဆုံး သူဌေး ဘီဂိတ်နဲ့ အမေရိကန်သမတဟောင်း ဘာရက်အိုဘားမားတို့က ချီးကျူးထားတဲ့ စာအုပ်

စိတ်ကူးယဉ်ထိုးဇာတ်မဟုတ်တဲ့ non-fiction အမျိုးအစားထဲမယ် ရောင်းအားအကောင်းဆုံးစာရင်းဝင်စာအုပ်

လူသားရဲ့အခြေအနေကို နားလည်စေတဲ့ ဒီစာအုပ်ဟာ လူသားကို ဇီဝဗေဒဆိုင်ရာ ရှုထောင့်၊ ဘောဂဗေဒဆိုင်ရာ ရှူထောင့်၊ ဉာဏ်ပညာဆိုင်ရာ ရှုထောင့်ကနေ ရှင်းလင်းတင်ပြပါတယ်။

လူဆိုတာ ခြေသလုံးအိမ်တိုင် လူဝံဘဝကနေ ဘဝအဓိပ္ပာယ်ကို စူးစမ်းရှာဖွေတဲ့ ဒဿနလူသားအဖြစ် ဘယ်လိုဘယ်ပုံ ရောက်လာသလဲဆိုတာကို ကမ္ဘာကျော် သမိုင်းပညာရှင်၊ ဒဿနပညာရှင် ယူဝါးနိုအာ ဟာရာရီက ရှင်းလင်းတင်ပြထားပါတယ်။

ကိုယ့်ကိုယ်ကိုယ် ထိန်းသိမ်းကာကွယ်တာဟာ လူသားမျိုးနွယ်ကို သက်ရောက်မှုကြီးမားတဲ့ ဇီဝဗေဒဆိုင်ရာ အခြေခံ ဗီဇပါ။ ဒီနေ့ လူသားတို့ရင်ဆိုင်နေရတဲ့ ပြဿနာတချို့ကို နားလည်ဖို့ အခြေခံ သိမှုတစ်ခုပါပဲ။

လူသားဟာ ဘဝနေမှု လွယ်ကူဖို့ ကြိုးပမ်းရင်း ခက်ခဲမှုတွေ ဖန်တီးရက်သား ဖြစ်ရတယ်။ အဲဒီသံသရာကို ဖြတ်ထွက်ဖို့ လူသားဟာ ရုန်းကန်ရပြန်ပါတယ်။

လူမှုဆိုင်ရာတန်ဖိုးကို လူသားတွေကပဲ ဖန်တီးတာဖြစ်လို့ ဘယ်တန်ဖိုးက အဓိကအကျဆုံးဆိုတာ လူသားကပဲ ဆုံးဖြတ်နိုင်ပါတယ်။

အခြေတကျ နေထိုင်ဖို့အတွက် ရေကြည်ရာမြက်နုရာ ဘဝနေထိုင်မှုကို စွန့်လွှတ်လိုက်တယ်။ လူ့အသိုက်အမြုံကို အုပ်ချုပ်ဖို့ တန်ဖိုးတွေကို ဖန်တီးရတယ်။ ဒီလို စိတ်ကူးနဲ့တည်ဆောက်ရတာတွေကို မေးခွန်းထုတ်ရင်း လူသားဟာ အသိဉာဏ်လွတ်လပ်မှုကို နီးကပ်လာနိုင်ပါတယ်။

ပျော်ရွှင်မှုဆိုတာ လူသားမျိုးနွှယ်အတွက် အရေးကြီးလာပါတယ်။

ပျော်ရွှင်မှုဆိုတာ ထိတွေ့လို့မရတဲ့၊ တွက်ချက်လို့မရတဲ့ စိတ္တဇနာမ်ပါလို့ ဟာရာရီက ထောက်ပြပါတယ်။ အနီးစပ်ဆုံးတိုင်းတာရနိုင်တာက ကျေနပ်မှုပါ။ အသိအမြင်အတွေး တော်လှန်ပြောင်းလဲမှု ဖြစ်လာတာနဲ့ ပျော်ရွှင်မှုရဲ့ အရေးကြီးမှုဟာ ထိုးထွက်လာပါတယ်။

# # # ကမ္ဘာကျော် ဒီစာအုပ်ကို စာအုပ်နဲ့ဖတ်ချင်တယ်ဆိုရင်တော့ ကို ဆက်သွယ် ဝယ်ယူနိုင်ပါတယ်။ တစ်အုပ်ကို ၁၁၀၀၀ ပါ၊ အိမ်အရောက်ပို့ ဝန်ဆောင်မှုနဲ့ မှာယူနိုင်ပါတယ်။