Naung Yoe

30/05/2024

30/05/2024

#ဆေအိုးပုတ်ပင်ဆေးအစွမ်းအာနိသင်

လျှာကင်ဆာ
ပါးစပ်အတွင်းအပူနာ
လည်းပင်းကင်ဆာ
သွားပိုးစား
သွားကိုက်
သွားနာ
မဲ့ခရု
ပါးစပ်အတွင်း ရေယုံစတဲ့
ခံတွင်းနှင့်ဆိုင်သောရောဂါများ ပျောက်ကင်းသက်သာစေသည်။

နွယ်မြက် သစ်ပင် ဆေးဖတ်ဝင်ဆိုသော ရှေးလူကြီးများ၏ ဆိုရိုးအတိုင်း ယ္ခုပုံပါ ခရမ်းရောင်ပွင့်ပါ ဆေးအိုးပုတ်ပင်သည် အင်မတန်မှ အစွမ်းထက်လှသော ဆေးပင်တစ်မျိုးဖြစ်ပေသည်။

ပြောက်ကင်းသော ရောဂါဝေဒနာများမှာ အထက်က တင်ပြထားသော ရောဂါဝေဒနာများအား ဆေးဖိုးအကုန်အကျခံ
ခွဲစိတ်စရာမလိုပဲ ၃-၄ ကြိမ်ခန့် အသုံးပြုယုံဖြင့် ယူပစ်သလို ပြောက်ကင်းနိုင်သော အံ့မခန်း ဆေးပင် တစ်မျိုးဖြစ်ပါသည်။

အသုံးပြုပုံ

၁။ ဆေးအိုးပုတ်ပင်၏ အရွက်လက်တစ်ဆုတ်ခန့်အား ရေဆေးပြီးလျှင် ဝါး၍ ပါးစပ်အတွင်း ၅မိနစ်ခန့် ငုံထားခြင်းကို တစ်နေ့ ၃ ကြိမ်ခန့် ပြုလုပ်ပေးပါ။

၂။ ဆေးအိုးပုတ်ရွက်အား အနည်းငယ်ခူးပြီး
ပြီးနောက်အရွက်များနှင့် ပဉ္စငါးပါးကို ရေဖြင့် ၃ခွက် ၁ခွက်တင် ကျိုပါ။ ( ပဉ္စငါးပါး ဆိုတာ အသီး၊ အရွက်၊ အမြစ်၊ အပွင့်၊ ပင်စည် တစ်ပင်လုံးကို ခေါ်ပါတယ်)
ကျိုပြီးလျှင် ထိုအရည်အား သောက်ပါ။ ငုံခြင်း ပါးလုပ်ကျင်းခြင်းကိုလည်း အချိန်ရသလို ပြုလုပ်ပေးပါ။
ထူးခြားစွာ သက်သာပြောက်ကင်းသွားမည်ကို အံ့သြစွာ တွေ့ရှိရမည်ဖြစ်ပါသည်။

အပင်ပုံသဏ္ဍာန်
အရွက် ရှည်ရှည် ငရုပ်ကောင်း အရွက်ပုံသဏ္ဍာန်နှင့် ခပ်ဆင်ဆင်တူ၏

အပွင့်မှာ ခရမ်းရောင်အပွင့်ဖြစ်ပြီး သစ်ခွပန်း အပွင့်နှင့်ဆင်၏

အသီးမှာ သောက်ရေအိုး ပုံသဏ္ဍာန် အိုးပုတ်ငယ် ပုံသဏ္ဍာန် အဆင်းရှိ၏။အပွင့်အောက်ခံက အိုးဖုတ်ပုံစံလေးပါ။

အခြားပျောက်ကင်းနိုင်မည့်ရောဂါများ

ညောင်ရေအိုးပန်း(သို့)ဆေးအိုးပုတ်ပင်(သို့)လျှာမဲပင်
Botanical Name - Melastoma malabathricum L.
Family : Melastomataceae
အိုးပုတ်ပင်အစွမ်းအံ့မခမ်း
အိုးပုတ်ပင်သည်အရွက်ကြမ်းမျိုးဖြစ်သည်အပင်အမြင့်မှာပုံမှန်အားဖြင့်နှစ်ပေခွဲ သုံးပေရှိပြီး
အပင်သန်ပါကလေးပေခွဲငါးပေခန့်ရှိသည်အ
ပွင့်မှာခရမ်းရောင်ဖြစ်ပြီးအသီးမှာကလေးက
စားသောအိုးပုတ်သဏ္ဌာန်ရှိပါသည်အသုံးဝင်
ပုံမှာအမြစ်နှင့်အခေါက်သည်လည်ချောင်းနှင့်
ခံတွင်းရောဂါများအတွက်အသုံးပြုပါသည်အ
ပွင့်ကိုမီးယပ်သွေးဝမ် နာတာရှည်ဝမ်းပျက်ရော
ဂါ အသားနုတက်ဆေးများတွင်သုံးသည် အာ
ယုဗ္ဗေဒအသုံးအရအမြစ်ကိုအသုံးများသည်
သွားကိုက် အကြောအဆစ်အမြစ် နှင့်သွား
တိုက်ဆေးဖေါ်ရာတွင်လည်းသုံးသည် အာရုံ
ကြောအားနည်းခြင်း သွေးကြောပုံမှန်မဖြစ်ခြင်း
အမျိုးသားများပန်းညှိုးခြင်း သုတ်လွှတ်မြန်ခြင်း
ဆီးချိုရောဂါ ဆီးလမ်းကြောင်းရောဂါ နှလုံးရော
ဂါ ဝက်ရူးပြန်ရောဂါ ကိုယ်လက်သေခြင်းများ
ကိုကုသရာတွင်လည်းသုံးသည် အိုးပုတ်ပင်ကို
တပင်လုံးအသုံးပြုသော်လည်းဘေးထွက်ဆိုး
ကျိုးမရှိပါ အိုးပုတ်ပင်ကိုကြိုသောက်သော်ဖန်
တွတွအရသာရှိသည် ချောင်းဆိုးရင်ကြပ် ပန်းနာ အဆုတ်ရောဂါ အစာအိမ်ကင်ဆာ
ရောဂါ လည်ချောင်းကင်ဆာရောဂါ များကို
အိုးပုတ်ပင်၏အရွက်အကိုင်းများကိုသုံးခွက်တခွက်တင်ကြိုသောက်နိုင်သည် ချောင်းဆိုးရင်
ကြပ်ရောဂါ နာတာရှည်ပန်းနာရင်ကြပ်ရောဂါ
အဆုတ်အတွင်းအနာဖြစ်သောရောဂါ များအတွက်သုံးခွက်တခွက်တင်ကြိုထားသည်
ကိုရက်ပေါင်း ၆၀ ခန့်သောက်ပါကသက်သာ
စေပါသည် ဝေဒနာရှင်များဆေးသောက်နေစဉ်
ရေစိမ်းမသောက်ပဲဆေးအိုးပုတ်ပင်ကြိုရေကို
ရေဆာတိုင်းသောက်ရမည် ဘေးထွက်ဆိုးကြိုး
မရှိပါ အိုးပုတ်ပင်ကိုအဆီချက်ပြီးကြာရှည်စွာ
ထားလျှင်ရသည် ထိုအဆီကိုလ္ဘက်ရည်ဇွန်း
တဇွန်းခန့်ကိုရေနွေးဖြူအကြမ်းပန်းကန်တလုံးခန့်နှင့်ရောစပ်သောက်နိင်သည်

ဤဆေးနည်းကိုသူရဇ္ဇမဂ္ဂဇင်းအတွဲ ၁၂ အမှတ် (၁) ၂၀၁၂ခုနှစ်ဇန္နဝါရီလထုတ်တွင် တင်ပြထားခြင်းကိုကိုးကား တင်ပြခြင်းဖြစ်ပါသည်။

ရရှိနိုင်မည့်နေရာ

သန်လျင်ကျောက်တန်း တစ်ဝိုက်၊

လှည်းကူးမြို့နယ် ကျွန်းကုန်း၊

တွံတေးဗောင်းတော်ချုပ် လေးမျက်နှာ ဘုရားအနီးနားတွေမှာ အလေ့ကျပေါက်တယ်လို့ကြားပါတယ်။

အလေ့ကျပေါက်တဲ့ အပင်ဖြစ်လို့ ချုံနွယ် ပိတ်ပေါင်းများတဲ့နေရာတွေ ရထားလမ်းဘေးတွေမှာလည်း ရှာတွေ့နိုင်ပါသည်။

စေတနာရှင်ဆေးပင်အလှူရှင်များနှင့် ရောဂါ ဝေဒနာရှင်များအားလုံး ကိုယ်စိတ်နှစ်ဖြာ ကျန်းမာ ချမ်းသာ လိုရာဆန္ဒပြည့်ဝကြပါစေ။

Crd
မြန်မာတိုင်းရင်းဆေး

22/04/2024

#ခရမ်းကစော့ ရဲ့ ကျန်းမာရေးအကျိုးပြုပုံ

ကင်ဆာ ကာကွယ်ပေးတယ်
ခရမ်းကစော့သီးလေးတွေ က ကင်ဆာ ကာကွယ်ပေးနိုင်သလို ကင်ဆာကုသရာမှာလည်း ထိရောက်မှုရှိပါတယ်။ ခန္ဓာကိုယ်ကျန်းမာစေဖို့ အာဟာရတွေပြည့်ဝစွာပါဝင်နေသလို ကင်ဆာဆဲလ်တွေ မပွားစေဖို့လည်း အကောင်းဆုံးဟန့်တားပေးနိုင်ပါတယ်။ ခရမ်းကစော့သီးကို ရှေးယခင်ကာလတွေကတည်းက ကင်ဆာကာကွယ်ဖို့ အသုံးပြုခဲ့ကြပါတယ်။

#အကိုက်အခဲ သက်သာစေနိုင်တယ်

ခရမ်းကစော့သီးတွေက နာကျင်မှုကို သက်သာစေနိုင်ပါတယ်။ ခရမ်းကစော့သီးမှာပါတဲ့ ဓာတ်တစ်မျိုးက နာကျင်မှုကိုသက်သာစေသလို အရောင်ကျစေနိုင်တဲ့ အာနိသင်လည်းရှိပါတယ်။ ခန္ဓာကိုယ်မှာဖြစ်တဲ့ နာကျင်ကိုက်ခဲမှုတွေသက်သာစေဖို့အတွက် အသုံးပြုပေးလို့ရပါတယ်။

#ရောင်ရမ်းမှုကို သက်သာစေနိုင်တယ်

လည်ချောင်းနာတာ၊ ပါးစပ်ထဲမှာ အနာလေးတွေဖြစ်ပြီး နာကျင်ရောင်ရမ်းတာကို သက်သာစေဖို့လည်း ခရမ်းကစော့သီးကို စားပေးလို့ရပါတယ်။ ထိခိုက်ဒဏ်ရာတွေကြောင့် နာကျင်ရောင်ရမ်းတာကို သက်သာစေဖို့လည်း စားပေးလို့ရပါတယ်။

#အနာတွေကို သက်သာစေနိုင်တယ်

#အဖျားကျစေနိုင်တယ်

ခရမ်းကစော့သီးကို စားသုံးပေးတာက ကိုယ်ခံအားကောင်းစေနိုင်ပြီး ဖျားနာမှု ကင်းစေနိုင်ပါတယ်။ ရေစင်အောင်ဆေးထားတဲ့ ခရမ်းကစော့သီး ပြုတ်ရည်ကို သောက်ပေးတာကလည်း အဖျားကျစေဖို့ အကောင်းဆုံး အထောက်အပံ့ပေးနိုင်မှာပါ။

#ဘက်တီးရီးယားတွေကို တိုက်ဖျက်ပေးနိုင်တယ်

ခရမ်းကစော့သီးမှာ ဘက်တီးရီးယားတွေကို တိုက်ဖျက်ပေးနိုင်တဲ့ အာနိသင်ရှိတာကြောင့် ခန္ဓာကိုယ်ကို ရောဂါပိုးတွေအန္တရာယ်ကနေ ကာကွယ်ဖို့ စားသုံးပေးလို့ရပါတယ်။

#ဗီတာမင် C ချို့တဲ့မှုကင်းစေတယ်

ခရမ်းကစော့သီးမှာ ဗီတာမင် C ကြွယ်ဝစွာပါဝင်နေပြီး ခန္ဓာကိုယ်မှာ ဗီတာမင် C ချို့တဲ့မှုကြောင့်ဖြစ်စေနိုင်တဲ့ ကျန်းမာရေးပြဿနာတွေကို အထိရောက်ဆုံးကာကွယ်ပေးနိုင်ပါတယ်။

#ရေယုန် သက်သာစေနိုင်တယ်

ခရမ်းကစော့သီးမှာ ရေယုန်ကိုသက်သာစေနိုင်ပြီး မဖြစ်အောင်လည်း ကာကွယ်ပေးနိုင်ပါတယ်။

#ဓာတ်တိုးဆန့်ကျင်အာနိသင် ကြွယ်ဝတယ်

ခရမ်းကစော့သီးက ဓာတ်တိုဆးန့်ကျင်အာနိသင်ကြွယ်ဝတာကြော်င့ ခန္ဓာကိုယ်မျာ ဓာတ်တိုးပစ္စည်းတွေကြောင့် ထိခိုက်တာမျိုးမဖြစ်အောင် အထိရောက်ဆုံးကာကွယ်ပေးနိုင်ပါတယ်။ အသားအရေကို ကျန်းမာစေနိုင်သလို ရောဂါတွေကနေလည်း အထိရောက်ဆုံး ကာကွယ်ပေးနိုင်မှာပါ။

#သန်ကျစေနိုင်တယ်

ခရမ်းကစော့သီးက သဘာဝသန်ကျဆေးတစ်မျိုးပါ။ သန်ထမှာစိုးတယ်။ သန်ချဆေးလည်း မသောက်ချင်ဘူးဆိုရင်တော့ ခရမ်းကစော့သီးလေး တို့စားပေးပါ။

#အမြင်အာရုံကောင်းစေတယ်

ခရမ်းကစော့သီးကို ထက်ခြမ်းခြမ်းပြီး ထောပတ်နဲ့ ပုံမှန်ကြော်စားပေးတာက အမြင်အာရုံကို ကျန်းမာစေနိုင်မှာပါ။

မြန်မာဆေးကျမ်းများ အလိုအရ စပ်ရှားရှားရှိ၏၊ခါး၏၊ပူ၏၊ လေသလိပ်ကို ကြေစေ၏၊ နှုတ်ကိုမြိန်စေ၏၊ နှလုံးကို အားပေး၏၊နူနာ၊ အဖျား၊ ပန်းနာ၊ လေနာ၊ယားနာ တို့ကို နိုင်၏ ။

#တိုင်းရင်းဆေးကျမ်းများအရ

ပဉ္စငါးပါးရည်ကို ညှစ်သောက်ခြင်း၊ကြိတ်ဖတ်ဖြင့် အုံပေးခြင်းဖြင့် မြွေဆိပ်၊ ကင်းဆိပ်ပြေပျောက်စေ၏။

သွားကိုက်၊ နာကျင်ခြင်းနှင့် သွားပိုး ထသောအခါ အမြစ်ကို သွေး၍ သွား၌ သိပ်ပေးခြင်းဖြင့်၊ အမြစ်မှုန့် ကိုမှိုင်းတိုက်၍ အခိုးရှူပေးခြင်းဖြင့် သွားနှင့်ပတ်သက်သောရောဂါများ ပျောက်၏။

အမြစ်ကို ဆန်ဆေးရည်နှင့် သွေး၍ သောက်ပါက နှာခေါင်းသွေးလျှံခြင်း ပျောက်၏။

နား၌ ပိုးကောင်ဝင်လျှင် ကစော့ခါးသီးကို မီးရှို့ပြီး အခိုးခံပါက ပိုးထွက်၏။

ကစော့ခါး မြစ်ကိုအမှုန့်ပြုပြီး ကွမ်းရွက်ပြုတ်ရည်နှင့် သောက်ခြင်းဖြင့် အညှော်ခံ ငန်းဆေးကြီးအဖြစ် အသုံးပြု၏။

ပဉ္စငါးပါး နုပ်နုပ်စဉ်း၍ ရေထက်ဝက် ခန်းအောင် ကျိုပြီး ပိတ်သန့်သန့်ဖြင့် စစ်၍ အေးလျှင် ပျားရည်တစ်ဆယ်သားခန့် ထည့်ပါ။ လက်ဖက်ရည် ပန်းကန်ဖြင့် ထက်ဝက်ခန့် တစ်နေ့ နှစ်ကြိမ် သောက်ပါက မီးယပ်ဖြူဆင်းသည့်ရောဂါ ပျောက်၏။
#ခရမ်းကစော့
#ကစော့ခါး
မြန်မာတိုင်းရင်းဆေး

13/04/2024

ကွမ်းစား သူများအတွက်
ဆီးကျောက်ကြေ ဗေဒါပင် နှင့်ဗေဒါပွင့်သုပ်

#အပွင့်!

ဆီးကျောက်တည်သူများ ဆီးစပ်ကိုက်၍ ဆီးအောင့်သူများ
ဝက်သားနဲ့ သုပ်စားပါက လက်တွေ့ပျောက်ကင်းကြောင်း သူငယ်ချင်း
လေးငါးယောက်က ကိုယ်တိုင်ပြောဖူးပါတယ်။ ကွမ်းစားသူများ
ဖြစ်တတ်သည်မို့ မကြာခဏစားသုံးသင့်ပါတယ်။ အသီးအရွက်များများ
စားခြင်းကလည်း ကျန်းမာရေးကို လုံးဝအထောက်ကူ ဖြစ်ပါတယ်။

#အပင်!

ဗေဒါပင် အရင့်တွေ အနည်းငယ်ဖယ်ရှားပြီး သုံးပင်ယူပါ။
လက်တစ်လုံးလောက်စီ ကိုဖြတ်ပါ။ ၎င်းဗေဒါများကို ဝက်သား
( ၂၅ ) ကျပ်သားဖြင့် စားကောင်းအောင် ဟင်းခတ်အမွှေးအကြိုင်
အကုန်ထည့်ပြီး ချက်ပါ။ ဝက်သားနူးနပ်သည်အထိချက်ပြီး
ထမင်းနဲ့ပဲစားစား ဒီအတိုင်း ထမင်းလွတ်ပဲစားစား ကုန်အောင်
စားပေးပါ။ တစ်ခါစားနဲ့ ကျောက်များကြေပြီး ကျပါတယ်။

ဆေးနည်းမှာ ကျောက်ကြေမကြေ စမ်းချင်သပဆို
ဟင်းချက်စမှာ လက်သန်းဖျားလောက် ကျောက်ခဲလေးတစ်လုံး
ရေစင်အောင်ဆေးပြီး ထည့်ထားပါ။ ဟင်းကျက်ရင် အဲဒီကျောက်ခဲ
ဘယ်ရောက်သွားလဲ လိုက်ရှာကြည့်ပေါ့နော်။

Credit ကိုဖေအောင်

13/04/2024

#ခွေးတောက်
ခွေးတောက်ကို မြန်မာတို့သည် အရက်ချိုးချသောဆေးအဖြစ် သုံးစွဲကြသည်။ အရက် သောက်သုံးမှုများပြီး အရက်နာကျသူများ သက်သာပျောက်ကင်းစေရန်အတွက် ခွေးတောက်ရွက်ကို ကြက် ရိုးဖြင့် ချက်စားကြသည်။ ဟင်းခါးချက်သောက်ကြသည်။

အညောင်းများသူ၊ အထိုင်များသူ၊ ခါးနာရောဂါစွဲ နေသူများသည် ဆေးခါးကြီးအစား ခွေးတောက်ရွက်ကို ဟင်းချိုချက်သောက်၍လည်းရသည်။ မကြာခန ဆီးအောင့်တတ်သူ၊ အဝေးပြေးကားမောင်းသူများ ဆေးဖက်ဝင်အဖြစ် သုံးစွဲလေ့ရှိကြသည်။

ဆေးဖက်ဝင်အသုံးပြုပုံ

၁။ အနာစိမ်း၊ သွေးစုနာများပေါက်လျှင် ခွေးတောက်ရွက်ကို မီးကင်၍ ကပ်ပေးလျှင် နုသောအနာများပိန်၍ ရင့်သောအနာများ ပြည်ပေါက်စေနိုင်သည်။

၂။ လေထိုးလေအောင့်ရောဂါ၊ ဆီးအောင့်ဆီးချုပ်ရောဂါဖြစ်လျှင် ခွေးတောက်ရွက်ကို ကြော်စားခြင်း၊ အတို့ အမြှုပ်လုပ်စားခြင်းဖြင့် ပျောက်ကင်းစေနိုင်သည်။

၃။ ရေယုံပေါက်လျှင် ခွေးတောက်ရွက်ကို အရည်ညှစ်၍ လိမ်းပေးခြင်းဖြင့် သက်သာပျောက်ကင်းစေ နိုင်သည်။

၄။ ဥတုဖျား၊ တုတ်ကွေးဖျားများမှ ကာကွယ်ရန်အတွက် ခွေးတောက်ရွက်ကို ဘဲဥနှင့် ရော၍ ကြော်စားပါ။ အားရှိ၍ အဖျားမှ ကာကွယ်သည်။

၅။ အပူနာ၊ အကျိတ်အလုံးကြီးများထွက်လျှင် ခွေးတောက်ရွက်ကို ထောင်း၍ အုံစည်းပေးခြင်းဖြင့် သက် သာစေနိုင်သည်။

၆။ ဒူးနာရောဂါဖြစ်လျှင် ခွေးတောက်ရွက်များကို မီးကင်ပြီးကပ်၍ ပတ်တီးစည်းပေးခြင်းဖြင့် အကိုက်အခဲ သက်သာစေသည်။

၇။ အရက်၊ ထန်းရည်ချိုးကပ်အောင် သောက်သုံးသူများ အရက်ချိုးများအတွက် ခွေးတောက်ရွက်ကို ကြက်သားဖြင့် မကြာခန ချက်၍ စားပေးသင့်သည်။

၈။ ခွေးတောက်မြစ်ကို အဆိပ်အတောက်မိလျှင် အန်ဆေးအဖြစ် သွေးပြီးတိုက်လေ့ရှိသည်။ ခွေးရူးပြန် ဆေး၊ သလိပ်ကြေဆေးများတွင်လည်း ထည့်သွင်းအသုံးပြုသည်။

၉။ဆီးကျိတ်ကြီးရောဂါရှိသူများသည် ခွေးတောက်ရွက်ကို နေ့စဉ်စားသုံးပေးခြင်း။သို့မဟုတ် တစ်ပါတ်(၂)ကြိမ်စားသုံးပေးခြင်းဖြင့်သက်သာစေနိုင်သည်။
#ခွေးတောက်ရွက်
Crd
မြန်မာတိုင်းရင်းဆေး

10/04/2024

#မျက်စိ ဝေဒနာရှင်များအတွက်

မျက်မှန်တပ်ထားရသူများ
လက်တွေ့သာ စမ်းသပ်သုံးစွဲကြည့်ကြပါ...

အသက်(၃၀)ကျော်မှပဲ မျက်စိမကြည်။
မှုန်ဝါးဝါးမို့ ဆရာဝန်ပြကြည့်တော့
အနီးကြည့် ပါဝါ (+၁၅၀)ဒီဂရီ မျက်မှန်
တပ်ခဲ့ရသည်။

အခုအသက်(၄၀)ကျော်မှ
မျက်မှန်လွတ်လေတော့ ထူးဆန်းနေသလို
အများက ထင်ကြတော့သည်။

ဆေးနည်း အချိုးအစားအတိုင်း
လွယ်ကူစွာ ဖေါ်စပ်ရန် ဖြစ်လေသည်။

ဆေးနည်း

(၁) ဆီးဖြူးသီးကို ထုထောင်းပြီး အစေ့ဖယ်၊
နေလှန်း၊ အမှုန့်ပြုလုပ်ရန်။

(၂) ကြိတ်မှန်ရွက်ကိုခူး အရိပ်မှာ
အလိုအလျောက် သဘာဝအတိုင်း
အခြောက်ခံ အမှုန့်ပြုရန်။

(၃) ကွမ်းရွက်ကို အခြောက်လှန်း
အမှုန့်ပြုရန်။

(၄) ပျားရည်စစ်စစ်

ထို(၄)မျိုးသာ လိုပါသည်။

ယခုခေတ်ကာလ မျက်မှန်ကောင်းတစ်လက်
လုပ်ပါမူ
ကာလတန်ဖိုး လေးသောင်းငါးသောင်းမက
ကုန်သည်သာ။

နေရာတကာ မျက်မှန်မပါတော့ စိတ်ပျက်ဖွယ် အကန်းကြီးလိုဖြစ်ပြန်သည်။ မျက်မှန်မေ့ကျန်ပါလျှင် ဘာမှမမြင်ရချင်တော့၊ စာဖတ်ဖို့၊ ဖုန်းပွတ်ဖို့ အကုန်ခက်ချေသည်။

မျက်မှန်ပါဝါက အကျမရှိ အတက်သာ။
ထိုမျှမက ပါဝါမကိုက်ပါလျှင် ဇက်ကြောတက်
စိတ်ပျက်ဖြစ်ရပြန်သည်။

"သုံးဆောင်ရန်"

ညအိပ်ပြီဆိုပါလျှင်

ဆီးဖြူသီးမှုန့်လက်ဖက် စားဇွန်း(၁)ဇွန်း

ကြိတ်မှန်ရွက်မှုန့် လက်ဖက်စားဇွန်း(၁)ဇွန်း

ကွမ်းရွက်ခြောက်မှုန့်လက်ဖက်စားဇွန်း(၁)ဇွန်း

ထိုဆေးသုံးပါးအား
ပျားရည်လက်ဖက်စားဇွန်း(၃)ဇွန်းနှင့်
ရောမွေ၍ စားပေးရန်သာ ဖြစ်သည်။

သုံးလသာ ပုံမှန်မပျက် ယုံကြည်ချက်ဖြင့် စားပေးပါ။

မျက်စိကြည်လင်လာပြီး မျက်မှန်လွတ်မှာ
သေချာနေပါလိမ့်မည်။

ထိုမျှမက အကျိုးရလဒ်က
အညောင်းအညာပါ ပြေလာပါလိမ့်မည်။

မြန်မာတိုင်းရင်းဆေး အစွမ်းအား
လက်တွေ့လုပ်ဆောင်ခြင်းဖြင့်
ဂုဏ်ကိုမြင့်တင်ကြပါစို့။

Credit..to.မူရင်း

10/04/2024

" တရုတ်လူကြီးသူမတွေ ဆုံးမလေ့ရှိတဲ့
စီးပွားရေးလမ်းညွှန် (၁၇) ချက် "

၁။ ဆိုင်နေရာကောင်းခြင်းဟာ
ဆိုင်ကြီးတာ ငယ်တာထက် ပိုအရေးကြီးတယ်။

၂။ ရောင်းကုန်ရဲ့ အရည်အသွေးဟာ
ဆိုင်နေရာထက် ပိုအရေးကြီးနေတတ် ပြန်တယ်။

၃။ စကားချိုချိုသာသာ စျေးရောင်းတတ်ခြင်းဟာ
အရေးကြီးပါတယ်။
ဖောက်သည်ကို ပိုမြဲစေပါတယ်။

၄။ အရင်းအနှီး နည်းတာကို စိုးရိမ်ခြင်းထက်၊
ယုံကြည်မှု နည်းတာကို ပိုစိုးရိမ်သင့်ပါတယ်။

၅။ ဆိုင်ကို လှလှပပ ခင်းကျင်းတတ်ခြင်းဟာ
အရေးကြီးပေမဲ့
နည်းနည်း ရှုပ်ပွနေတဲ့ ဆိုင်ငယ်ကလေးက
ပိုရောင်းကောင်းနေတတ်ပါတယ်။
စျေးချိုတယ်ဆိုတာကို ဝယ်ယူသူများက
ထင်မြင်သွားစေလို့ပါ။

၆။ ဝယ်သူကို တောက်လျှောက်လိုက်ကပ်နေတာမျိုး၊
မဝယ်မချင်းတိုက်တွန်းနေတာမျိုးရှောင်ကြဉ်ပါ။

၇။ ပိုက်ဆံ တစ်ကျပ်သုံးနိုင်တဲ့ သူကိုလည်း
ပိုက်ဆံ တစ်ရာသုံးနိုင်တဲ့သူလိုပဲ မျှမျှတတ ဆက်ဆံပါ ။

၈။ ငွေလည်ပတ်မှု မြန်ဆန်ပါစေ။

၉။ ဝယ်သူရဲ့ ရှေ့မှာ ဆိုင်ဝန်ထမ်းတွေကို
ဆဲဆိုအပြစ်တင်ခြင်းဟာ ဝယ်သူကို မောင်းထုတ်တာပါ။

၁၀။ နည်းနည်း၊ များများ လက်ကားဖောက်သည်ကို
အမျိုးလို သဘောထားပါ။
တတ်နိုင်သမျှ သူတို့ရဲ့တောင်းဆိုချက်ကို ဖြည့်ဆည်း
ပေးပါ။

၁၁။ ရောင်းကုန်ပစ္စည်း ပြတ်သွားတယ်ဆိုတာ
ဖောက်သည်ကို လျစ်လျူရှုတာ ၊
စော်ကားတာနဲ့ အတူတူပဲ။

၁၂။ စျေးနူန်းတစ်ခုတည်း ဖြစ်ပါစေ ။
တစ်ခုခုကြောင့် စျေးလျှော့ရောင်း ခြင်းဟာ
စိတ်ရှုပ်ထွေးမူကို ဖြစ်စေတတ်ပါတယ်။
ကတိကို ထိခိုက်နိုင်စေပါတယ်။

၁၃။ ဘယ်သူ့ကိုမှ အတင်းရောင်းချခြင်း မပြုပါနဲ့ ။
ဝယ်သူ ကြိုက်တဲ့ပစ္စည်းဟာ
ဝယ်သူ အကျိုးရှိစေတဲ့ ပစ္စည်းလည်း ဖြစ်ပါစေ ။

၁၄။ စက္ကူ တစ်ရွက်ပဲဖြစ်ဖြစ်၊
လက်ဆောင်ကို လူတိုင်းနှစ်သက်တတ်ကြပါတယ်။

၁၅။ ကလေးများဟာ ကျေးဇူးရှင်ပါ။
ဝယ်သူများက ကလေးကို ခေါ်ဆောင်လာတာပဲ ဖြစ်ဖြစ်၊
ကလေးစျေးလာဝယ်တာပဲ ဖြစ်ဖြစ် အထူးဂရုစိုက်ပေးပါ။
(ကလေးကို လွှတ်တာတောင် ဖြစ်ကတတ်ဆန်း
မလုပ်ဘူး) ဆိုတာ သိပါစေ။

၁၆။ အသစ်ထွင်ပါ။
ဝယ်သူကို ဆွဲဆောင်နိုင်အောင်အမြဲ ကြိုးစားပါ။

၁၇။ အရောင်းအဝယ် ကြီးကြီးသေးသေး
အစွမ်းကုန် ကြိုးစားပါ။
ဆိုင်တစ်ခုလုံး ရှင်သန်နေပါစေ။
ဝယ်သူ များလာအောင်
ဆွဲဆောင်နိုင်ကြပါလိမ့်တယ်။

Ye Win Naing

28/03/2024

28/03/2024

စာမေးပွဲဖြေပြီး …. အဖြေတိုက်ကြသောအခါ 😝

15/01/2024

အတွေ့အကြုံက စျေးကြီးတယ်
"""""""""""""""""""""""""""""""""""""""""""

ဧရာမသင်္ဘောကြီး၏ အင်ဂျင်ပျက်သွားသည်။
မည်သူမျှ မပြုပြင်နိုင်ကြ။
ထို့ကြောင့် အတွေ့အကြုံ နှစ် ၄၀ ကျော်ရှိသော စက်ပြင်အင်ဂျင်နီယာထံ ပို့လိုက်ကြလေသည်။

စက်ပြင်ဆရာက အင်ဂျင်ကို အပေါ်ကနေ အောက်အထိ သေသေချာချာစစ်ဆေးသည်။

အားလုံးကိုစစ်ပြီးနောက် အင်ဂျင်နီယာသည် အိတ်ထဲမှ တူလေးတစ်ချောင်းကို ဆွဲထုတ်လိုက်သည်။

အင်ဂျင်စက် တစ်နေရာကို ကို ညင်သာစွာ ခေါက်လိုက်သည်။ မကြာခင်မှာ အင်ဂျင်ပြန်အသက်ဝင်လာသည်။ အားလုံးကောင်းသွားလေပြီ။

အင်ဂျင်နီယာက ဧရာမသင်္ဘောကြီးကို ပြုပြင်ရန် စုစုပေါင်းကုန်ကျစရိတ်မှာ ဒေါ်လာ 10,000 - တစ်သောင်း ဖြစ်ကြောင်း ပိုင်ရှင်ကို ပြောကြားခဲ့ပါသည်။

"ဘယ်လို....?" ဟု ပိုင်ရှင်က မကြေမနပ်နှင့် မေးသည်။

"မင်း ဘာမှ ပြင်ရတာလဲမဟုတ်ဘူ။ ငါ့ကို အသေးစိတ် ဘေလ်ရေးပေးပါ။"

စက်ပြင်ဆရာက
ဘောလ်ထဲမှာ ဤကဲ့သို့ ရေးလိုက်ပါတယ်..
- တူဖြင့် ခေါက်ခက- $2 နှစ်ဒေါ်လာ။
ဘယ်နေရာကိုခေါက်ရမယ် နှင့် ဘယ်နှစ်ချက် ခေါက်ရမယ်ဆိုတာ အတွက် ပညာကြေးက - $9,998 ( ကိုးထောင်ကိုးရာကိုးဆယ့်ရှစ်ဒေါ်လာ ) ဟူ၍ဖြစ်သည်။

သတိပြုစရာ.....

တစ်ခါတလေမှာ -
"လွယ်လွယ်လေး " နဲ့ "ဒါလေးပဲဟာ" ဆိုတဲ့ စကားလုံးတွေကို ဘေးဖယ်ထားသင့်ပါတယ်။
ပညာရှင်တယောက်ဟာ အတွေ့အကြုံနှင့် ကျွမ်းကျင်မူရရန် အများကြီး ကြိုးစားခဲ့ရပါတယ်။

(အလုပ်တစ်ခုကို မိနစ် 30 နှင့် ပြီးလျင်၊ ဤကဲ့သို့ မိနစ် 30 နဲ့ ပြီးသွားအောင် 10 နှစ်လောက် အချိန်ပေး လေ့လာ သင်ယူခဲ့ရခြင်းဖြစ်သည်။
ဒါကြောင့်ပေးရတဲ့လုပ်ခဟာ ဆယ်နှစ် လောက်လေ့လာခဲ့ရတဲ့ ပညာကြေးပါ။မိနစ် 30 ရဲ့ ကြာချိန် အတွက်မဟုတ်ပါဘူး။ )

ကျွမ်းကျင်မှုနဲ့ အတွေ့အကြုံက ဈေးကြီးပါတယ်။

ကံမကောင်းစွာပဲ၊ ကျွန်တော်တို့ဟာ အခုချိန်ထိ လူတယောက်ရဲ့ လုပ်အားခကို ကြာချိန်နဲ့ တွက်ဆနေကြတုန်းပါပဲ။

15/01/2024

အရမ်းကောင်းလို့.(ဖတ်စေချင်)💞💞

"ကိုယ်ကိုယ်ကိုဆုံးမခြင်း''✍
~~~~~~~~~~~~~~~~~~~~~~~~~~~
အချိန်သည်လည်း အကုန်မြန်၏။
လူတို့သည်လည်း အပြောင်းအလဲမြန်၏။
စိတ်တို့သည်လည်း အပြောင်းအလဲမြန်၏။

Be Strong !!!💪

ဘယ်အချိန်ဖြစ်ဖြစ် မင်းဘေးမှာ လူတစ်ယောက်အမြဲရှိနိုင်မှာမဟုတ်ဘူး။ ဘယ်နေရာဖြစ်ဖြစ်မင်းရှေ့မှာ လူတစ်ယောက်အမြဲရှိနိုင်မှာမဟုတ်ဘူး။ ဘယ်အကြောင်းပြချက်နဲ့ဖြစ်ဖြစ် မင်းအနားမှာ လူတစ်ယောက်အမြဲရှိနိုင်မှာမဟုတ်ဘူး။

Stay like Independent person !!!

ဘယ်သူကမှ မင်းအတွက် အချိန်ပြည့် ရှိနေပေးနိုင်မှာမဟုတ်ဘူး။ ဘယ်သူကမှ မင်းကို အချိန်ပြည့် ကူညီနေပေးနိုင်မှာမဟုတ်ဘူး။ ဘယ်သူကမှမင်းကို အချိန်ပြည့် ဂရုစိုက်နေပေးနိုင်မှာမဟုတ်ဘူး။

Be Active !!! 💪

ကိုယ့်ကို အမြဲတမ်း ပျော်ရွှင်စေမှာ ကိုယ်ပဲရှိတယ်။
ကိုယ့်ကို အမြဲတမ်း ဂရုစိုက်နိုင်တာ ကိုယ်ပဲရှိတယ်။
ကိုယ့်ကိုအမြဲတမ်း နားလည်ပေးနိုင်တာ ကိုယ်ပဲရှိတယ်။
ဘယ်သူ့မှမစောင့်နဲ့။
ကိုယ်လုပ်စရာရှိတာကိုယ်လုပ်။
ကိုယ်ကစပြီး အမှားမဖြစ်အောင်နေ။
အနည်းဆုံးတော့ ကိုယ့်လိပ်ပြာကိုယ်လုံတယ်လေ။

Believe Yourself.!!!✍

ကိုယ့်ကိုယ်ကိုယ်ယုံ။
အပြောင်းအလဲတွေအတွက် စိတ်ဓာတ်မကျနဲ့။
ကမ္ဘာပေါ်မှာ မင်းကိုယ်မင်းကလွဲပြီး ဘယ်သူမှမင်းကို အယုံအကြည်မရှိဘူး။
မင်းကိုယ်မင်းယုံကြည်ပြီဆိုရင်တော့ မင်းကိုသူတို့ယုံကြည်လာလိမ့်မယ်။ ဂရုမစိုက်နဲ့။ ကိုယ်လုပ်စရာတာ ကိုယ်ဆက်လုပ်ပါ။

Forget !!!✍

မေ့ပါ။ အတိတ်ကအရာတွေကိုမေ့ပါ။ (သင်ခန်းစာတော့ ယူဦးပေါ့) အခြားလူတစ်ယောက်/ပစ္စည်းတစ်ခုအပေါ်မူတည်ခဲ့တဲ့ ပျော်ရွှင်မှုကို မေ့ပစ်ပါ။
အကျိုးမရှိတဲ့ စကားတွေကို မေ့ပါ။
အသွားအပြန်ဆိုတဲ့စကားကို မေ့ပါ။
မင်းစိတ်ဓာတ်ကို ရိုက်ချိုးခဲတဲ့ အရာတွေကို အကုန် မေ့ပစ်ပါ။
ဒီနေ့ကစပြီး မင်းနှလုံးသာဟာ မင်းအတွက်ပဲ ဖြစ်ပါစေ။

Stop !!!✍

မျှော်လင့်တာတွေကို ရပ်ပါ။
စိတ်ဆင်းရဲနေတာကို ရပ်ပါ။
အတ္တတွေကို ရပ်ပါ။
အခြားတစ်ယောက်အကြောင်း စပ်စုတာကို ရပ်ပါ။
အခြားသူနဲ့ မင်းကိုယ်မင်း နှိုင်းယှဉ်နေတာကို ရပ်ပါ။
နေရာလုနေတာကို ရပ်ပါ။
ဦးတည်ချက်မရှိလွင့်နေတဲ့ စိတ်ကို ရပ်ပါ။
အတွေးပေါင်းမြောက်များစွာကို ရပ်ပါ။

Have Resistance !!!✍

လောကရဲ့အပြောင်းအလဲကို ခံနိုင်ရည်ရှိပါ။
လူတွေရဲ့ အပြောင်းအလဲကို ခံနိုင်ရည်ရှိပါ။
ဘဝရဲ့ မပြောင်းအလဲကို ခံနိုင်ရည်ရှိပါ။
တသတ်မတ်တည်းဆိုတာ ဘယ်နေရာမှမရှိပါဘူး။
ထို့ကြောင့် ခံနိုင်ရည်ရှိပါ။

Accept !!!✍

မင်းကိုယ်မင်းလက်ခံပါ။
မင်းဘဝကို မင်းလက်ခံပါ။
မင်းအတိတ်ကို မင်းလက်ခံပါ။
အခုလက်ရှိအခြေအနေကိုလက်ခံပါ