09/08/2025
သံလိုက်ပါတဲ့ cover တပ်ရင်
MagSafe ဖြစ်ပြီလား?
ဘာတွေကွာလဲ၊ ဘာကြောင့်လဲ
ဒီမှာဖတ်ကြည့်လို့ရတယ်။
"MagSafe နဲ့ Wireless Charging အတူတူပဲလား"
က wireless charging တစ်မျိုးပဲ၊ ဒါပေမယ့် wireless charging တိုင်းကတော့ MagSafe မဟုတ်ဘူး။ အတိအကျပြောရင် Qi2 လို့ခေါ်တဲ့ universal wireless charging standard အစ ကလို့တောင် ပြောရမယ်။
ကြိုးထိုးရတဲ့ wired charging မှာ standard အနေနဲ့ USB PD (Power Delivery) ဆိုပြီး ရှိသလို Qi ဆိုတာကလည်း စံအနေနဲ့ သတ်မှတ်ထားတဲ့ စနစ်တစ်ခုပေါ့။ ဒါပေမယ့် company တွေအနေနဲ့ ပိုကောင်း၊ ပိုမြန်တဲ့ charging speed ကို ရအောင်ဖန်တီးတာကနေ အခုဆို wired ရော wireless မှာပါ တော်တော့်ကိုမြန်တဲ့ ကိုယ်ပိုင် system တွေ brand တွေမှာ ပိုင်ဆိုင်ထားကြပြီ။
ဒါဆို ဘာလို့အဲဒီထဲကမှ MagSafe က Qi2 ဖြစ်လာရတာလဲ?
အဓိက ကတော့ သူ့ရဲ့ idea ကြောင့်။ Wireless charging တွေမှာ အဓိကကြုံရတဲ့အားနည်းချက်က charger နဲ့ phone အလိုင်းမင်း (alignment) လွဲရင် အားမဝင်တတ်တာ။ ပြီးတော့ ပြောင်းလဲနေတဲ့ camera design တွေကြောင့် charger နဲ့ phone ထိနေဖို့ အဆင်မပြေတာတွေ ကြုံရတယ်။
ဒါပေမယ့် Apple ရဲ့ MagSafe ကတော့ ရှင်းတယ်။ iPhone ကျောဘက်အထဲမှာ ထည့်ထားတဲ့သံလိုက်နဲ့ charger တေ့ပေးလိုက်ရင် ဂွပ်ခနဲကွက်တိပဲ။ အားမဝင်မှာ မပူရဘူး။ ပြီးတော့ အားသွင်းရင်း phone သုံးလို့ရတယ်။ ဒါကကြိုးထိုးသုံးနေကျလူတွေအတွက် မဆန်းပေမယ့် wireless charging အနေနဲ့ကျတော့ ကြီးမားတဲ့အရွေ့ဗျ။
အဲဒါကြောင့်လည်း Apple က စတဲ့ ဒီစနစ်ကို standard အဖြစ်နဲ့ သတ်မှတ်လိုက်တာ။ တစ်ခုပဲ၊ လက်ရှိ Qi2 စနစ်ကို ယူသုံးရင် အများဆုံးရမယ့် charging speed က 15W, latest iPhone တွေမှာ ရနေတာက 25W. Apple က တစ်ကွက်လျှိုထားတာပေါ့။ ဒါပေမယ့် Qi1 ရဲ့ 7.5W နဲ့ ယှဥ်ရင်တော့ နှစ်ဆနီးပါး တိုးတက်လာတယ် ပြောရမယ်။ (Cover မှာသံလိုက်ပါတာတပ်သုံးပြီး MagSafe ရဲ့ charging speed အပြည့်မရတာ အဲဒါကြောင့်)
ဒီလောက်ဆို MagSafe ဟာ သံလိုက်ထည့်ရုံသက်သက်မဟုတ်တာ မြင်မယ်လို့ယူဆတယ်။ ဒါပေမယ့် MagSafe နာမည်ချင်းတူသလောက် iPhone နဲ့ MacBook charging စနစ်ချင်း မတူတာကိုတော့ သိလောက်မယ်ထင်တယ်။ သံလိုက်သုံးတာချင်း တူတာကလွဲရင် MacBook ဟာ Type C based wired charging ပေါ်မှာပဲ အခြေခံပြီး အားသွင်းရ၊ ဖြုတ်ရလွယ်အောင် လုပ်ထားတဲ့ Apple ကိုယ်ပိုင်စနစ်တစ်ခုပါပဲ။
ဘာလို့ Type-C ပြောင်းသုံးရက်နဲ့ ဒီလိုကိုယ်ပိုင် charging စနစ်တွေ Apple က ဘာလို့ကြိုးစားနေလဲရော စိတ်မဝင်စားဘူးလား?
အခုပြောမှာက ကိုယ့်ရဲ့ တစ်ကိုယ်စာအမြင်မို့ တကယ်ဖြစ်မယ်လို့ အာမမခံဘူးနော်။ တကယ်တော့ Apple က lightning တုန််းကလို Type-C အစားထိုး ကိုယ်ပိုင်စနစ်တစ်ခုကို ဖန်တီးချင်နေတာ။ ဘာကြောင့်လဲဆို အဲဒီ lightning port ကပဲ Apple အတွက် အများကြီးငွေရှာပေးခဲ့လို့။
Type-C လို universal မဟုတ်တာကြောင့် Apple က အသိအမှတ်ပြုတဲ့ third-party အားသွင်းကြိုးတိုင်းရဲ့ အမြတ်အစွန်းတစ်စိတ်တစ်ပိုင်းကို Apple က ရတယ်လို့ သိထားတယ်။ ပြီးတော့ fan တွေပြောသလို ကိုယ့်အထာနဲ့ကိုယ် ဖြစ်တာပေါ့။ ဒါပေမယ့် EU က Type-C မပြောင်းရင် သူတို့ဆီမှာ iPhone ရောင်းခွင့်မပေးလို့ အတင်းပြောင်းလိုက်ရတာကို Apple က အစာကြေပုံမပေါ်ဘူး။
ဒီအချက်က MagSafe ကို Qi2 ဖြစ်စေတာမှာ အရေးပါခဲ့မယ်လို့ ကိုယ်တော့တွေးမိတယ်။ ပြီးတော့ အစက Type-C မသုံးပဲ အားသွင်းပေါက်အပျောက်နဲ့ iPhone လာမယ်ဆိုတဲ့သတင်း ကြားလိုက်ကြမှာပါ။ ဒီသတင်းက အာသက်သက် မဟုတ်လောက်ဘူး။ ဖြစ်နိုင်ခြေ အများကြီးရှိတယ်။ လက်ရှိ wireless file transfer စနစ်က သူတို့မျှော်မှန်းသလောက် ခရီးမပေါက်သေးလို့ ငြိမ်နေတာဖြစ်ဖို့များတယ်။
နောက်ပြီး Apple store တွေမှာ iPhone တွေကို ဗူးမဖွင့်ပဲ update ပေးတယ်ဆိုတာကလည်း ကြိုးထိုးပြီးဖြေရှင်းရတဲ့ firmware ပြဿနာအတွက် Apple ရဲ့ စမ်းသပ်မှုဖြစ်ဖို့များတယ်။ နောက်ဆုံး MagSafe ကို အခြေခံပြီး သူတို့သုံးလာနိုင်တဲ့ စနစ်တစ်ခုကလည်း develop ဖြစ်နေပြီ။
အဲဒါကို Laser Link နည်းပညာလို့ခေါ်တယ်။ Xiaomi ပေးထားတဲ့ နာမည်ပေါ့။ Common name ကတော့ Free Space Optics (FSO) ဆိုပြီး ရှာကြည့်။ သူက point နှစ်ခုကြားမှာ laser beam ကို သုံးပြီး data transfer လုပ်တာ။ ဂြိုလ်တုတွေနဲ့ ဆက်သွယ်တာ၊ စစ်ဘက်ဘာညာ၊ ပြီးတော့ ကိုယ့်လူတို့ကြားဖူးနားဝရှိတဲ့ Starlink ဒါတွေမှာ ဒီနည်းပညာကို သုံးနေပြီ။
Xiaomi ကတော့ သူတို့ Xiaomi 15 နဲ့ external modular camera ကို ချိတ်ဆက်ဖို့ Bluetooth အစား သံလိုက်နဲ့ Laser Link ကို သုံးခဲ့တယ်။ ဒီနည်းပညာသာ data ကူးဖို့ reliable ဖြစ်လာခဲ့ရင် Type-C ဆိုတာ charger တုံးမှာ ကြိုးထိုးဖို့သက်သက် ဖြစ်သွားနိုင်တယ်။ လက်ရှိ MagSafe ကြိုးတွေလိုပေါ့။ ဒါပေမယ့် အဲလောက်ထိ Apple က တကယ်ပဲအပင်ပန်းခံလားဆိုတာတော့ စောင့်ကြည့်ရမှာပေါ့။ (EU စိတ်ကောက်မှာလည်း စိုးရတာကိုး)
ကဲ....ဒါကတော့ MagSafe အကြောင်း ရှင်းပြရင်း ဆက်စပ်တွေးထားသလောက်ကို ဖောက်သည်ချကြည့်တာ။ စာအရှည်ကြီးဖတ်ချင်တဲ့သူတွေလည်း ခုလောက်ဆို တွေးစရာတစ်ခုခု (နောင်တဖြစ်ဖြစ်) ရသွားဖို့ မျှော်လင့်ပါတယ်။ အဆုံးထိဖတ်ပေးတဲ့သူ တစ်ယောက်စီကိုလည်း ကျေးဇူးပါဗျို့။
