https://www.facebook.com/100654081666912/

မြန်မာ့မျက်နှာဖုံး, Yangon (2025)

20/06/2025

သမီးနာမည်က မေပန်းချီပါ။အသက် 11
နှစ်ရှိပြီး ပုဂံ ဖူးဘုရားမှာ မနက် 8ခွဲနေ 10နာရီထိ နေပြီး အိမ်ခဏပြန်ပါတယ်။ကျောင်းဖွင့်ချိန်ဆိုရင်တော့ ကျောင်းသွားပြီး ညနေပြန်လာပြီး အလုပ်လုပ်ပါတယ်ရှင့်။တစ်ခါတစ်လေ တစ်နေကုန်နေမှ 1000/2000 လောက်ပဲ ရတာလည်း ရှိပါတယ်။ ပုဂံကိုလာလည်ရင် သမီးတို့ဆီမှာ ဓာတ်ပုံရိုက်လို့ ရပါတယ်။ညနေခင်းဆို ရူခင်းလေးတွေလာတာမို့ လာလည်ဖို့ ဖိတ်ခေါ်ပါတယ်ရှင့်။

Disclaimer : ဖော်ပြပါပုံနှင့်စာများသည် ကာယကံရှင်ထံမှ ခွင့်ပြုချက်များ ရယူပြီးမှသာလျှင် မြန်မာ့မျက်နှာဖုံးမှ ဖော်ပြထားခြင်း ဖြစ်ပါသည်။

18/06/2025

သားသားနာမည်က ကောင်းပြည့်လျှံပါ။သားသားအသက်က ၈နှစ်ရှိပါပြီဗျ။ ၂တန်းကျောင်းသားလေးပါဗျ။

ကျောင်းကသင်တဲ့စာတွေထဲမှာ အကြိုက်ဆုံးဘာသာရပ်ဆိုရင် မြန်မာစာပဲဗျ။ ရေးရတာလည်း ကြိုက်တယ်။ ကဗျာတွေရွတ်ရတာလည်း အရမ်းသဘောကျတယ်ဗျ။

ကဗျာတွေဆို အကုန်ရတယ်ဗျ။ ကြိုက်တဲ့ကဗျာမေး သား အလွတ်တန်းပြောနိုင်ပါတယ်ဗျ။

သားမှာ မောင်နှမနှစ်ယောက်တော့ရှိပါတယ်ဗျ။
အကိုအကြီးတစ်ယောက်တော့ ရှိပေမဲ့ ကိုကိုက အိမ်မှာပဲ နေပါတယ်ဗျ။မဟုတ်ရင် လျှောက်သွားတယ်ဗျ။ ကိုကိုက အသက်18နှစ်ရှိပါပြီဗျ။တစ်ခါတစ်လေ အလုပ်ခေါ်မှ လာရှိုးဘက်တို့ မန္တလေးတို့ နေပြည်တော်တို့ ဆေးသုတ်လိုက်တာပါ။
သားသားက အခု ပုဂံဗူးဘုရားမှာ မနက် ၇နာရီ ၈နာရီကနေ ၁၁နာရီ ၁၂နာရီထိရှိပါတယ်ဗျ။ အိမ်နဲ့ဘုရားနီးတော့ အမြဲလမ်းလျောက်ပြန်ပါတယ်ဗျ။ သားသားတို့ပုဂံကိုလည်း လာလည်ပါအုံးဗျ။

Disclaimer : ဖော်ပြပါပုံနှင့်စာများသည် ကာယကံရှင်ထံမှ ခွင့်ပြုချက်များ ရယူပြီးမှသာလျှင် မြန်မာ့မျက်နှာဖုံးမှ ဖော်ပြထားခြင်း ဖြစ်ပါသည်။

10/06/2025

အမတို့က ပုဂံ ရွှေကွန်ခြာဘုရားမှာပဲ အဖွဲ့လိုက်စု အလုပ်လုပ်နေတာပါ။

အခုရက်ပိုင်း ဘုရာဖူးဧည်သည့်ပါးလာတာရော အရှေ့ကဘုရား အကုန်ဖူးပြီးကြတော့ ဒီဘက်သိပ်မလာကြတော့ဘူး။အရင်တုန်းက တရုတ်ပစ္စည်းတွေ/အကျီစပန့်ထည်တွေရောင်းခဲ့ပေမဲ့ အခုရက်ပိုင်း
ဓာတ်ပုံရိုက်တာလောက်ပဲ လုပ်ဖြစ်တော့တယ်။ အရှေ့ကဘုရားတွေကျတော့ ညီမတိူ့သွားပြီးအလုပ်လုပ်လို့မရဘူး။သက်ဆိုင်ရာဂေါပကအဖွဲ့တွေရှိတော့ အလာမခံဘူး ဧည်သည်တွေ ခေါ်သွားမှရတယ်။

အရင်တုန်းကဧည်သည်များတဲ့အချိန် တစ်ရက်ကို 3သောင်း/သောင်း5သောင်းထိရဖူးပါတယ် တကယ်ဧည်သည့်ကျတဲ့အချိန်မှပါ။

အခုတော့ တစ်ရက်ကို 5ထောင်/3ထောင် တစ်ခါတစ်လေ ဘာမှမရတဲ့အချိန်လည်း အိမ်ပြန်ရတာပဲ။

ညီမတို့က အဖွဲ့လိုက်အလုပ်လုပ်တော့ ဧည်သည့်ခွဲပြီးအစဥ်လိုက်လုပ်ရတာမျိုးလည်းရှိတယ်။တစ်ခါတစ်လေ ဧည်သည့်များတဲ့အချိန်တော့ကိုယ်အဆင်ပြေတဲ့ဧည်သည်ယူလိုက်တာမျိုးလည်းရှိတယ်။အဲလိုမျိုးကျတော့ အဖွဲ့နဲ့ရန်ဖြစ်တာမျိုး လုပ်လို့မရဘူး။ရန်ဖြစ်ရင် fine 15 ရက်ဆိုပြီး ပြစ်ဒဏ်အနေနဲ့ 15ရက်အလုပ်လုပ်ခွင့်မရ အိမ်မှာနေရတာမျိုး ဘုန်းကြီးကျောင်းကသတ်မှတ်ပေးထားတာလည်းရှိတယ်။

အဲလိုပြစ်ဒဏ်ချိန်ဆို တောထွက် အလုပ်ရှာရတာပေါ့။

ပုဂံဒီနားနေတဲ့သူတွေကျတော့ အခုလို ခရီးသွားလုပ်ကြတာများတယ်။ပိုက်ဆံရှိတဲ့သူကျတော့ ကိုယ်ပိုင်စျေးဆိုင်တွေ ပစ္စည်းရောင်းဝယ်တာတွေလုပ်ကြတာပေါ့။အမတို့ကတော့ ပိုက်ဆံအဲလောက်မရှိတော့အခုလိုအလုပ်လေးတွေရှာဖန်လုပ်ရတာပေါ့။

ပုဂံရောက်ရင်လည်း အမတို့ရှိတဲ့ ရွှေကွန်ချာဘုရားဆီ
လည်ခဲ့ပါအုံးလို့...
ဓာတ်ပုံရိုက်တာအပြင်
ဆံပင်ကျစ်တာ/သနပ်ခါးလိမ်းတာဖို့ လုပ်ဖို့တွက်လည်း ဖိတ်ခေါ်လိုက်ပါတယ်ရှင့်။

03/06/2025

မမီးလေးရဲ့ အိမ်ဟင်းလျာ
(ကျိုက်ထီးရိုးရေတံခွန်နားက အေးမြတဲ့ အိမ်ကောင်းအစားအစာ)
မမီးလေးတို့က ကျိုက်ထီးရိုးရေတံခွန်နားမှာ နေပါတယ်။ အစ်မဆိုင်က အမြဲဖွင့်ထားပါတယ်။ ဆိုင်က ဖွင့်ထားတာ ၁၂ နှစ်ဝန်းကျင် ရှိနေပါပြီ။ အစ်မသမီးကြီးလေး တစ်သက်လို့ပဲ ပြောလို့ရတယ်။ သမီးကြီးလေးက ခု ၁၃ နှစ် ရှိပြီ။ သမီးငယ်လေးက ၆ နှစ်ပေါ့နော်။ အစ်မတို့ဆိုင်လေးက တောင်၆တောင်လည်ရင်းနဲ့ ရေတံခွန်လာလည်တဲ့သူတိုင်း လာလို့ရပါတယ်။ အစ်မတို့က ဟင်းတွေကို တစ်ရက်တစ်ရက် တစ်နိုင်တစ်ပိုင်စာလေးပဲ ချက်ပါတယ်။ ပြောရရင် ဟင်းပွဲ ၂၀ စာလောက်ပေါ့။ အခြေအနေပေါ်ကြည့်ပြီး ချက်ပြုတ်ထားတာပေါ့ကွယ်။ အသားဟင်းလေး တွေလည်း ရပါတယ်။

အရမ်းလူကြိုက်တဲ့ဟင်းတွေကတော့—
• လက်ဖက်သုပ်
• ခရမ်းချဥ်သီးသုပ်
• ကျောက်ပွင့်သုပ်
• ဆေးဘဲဥသုပ်
• လက်ဖက်ထမင်း
• ထမင်းသုပ်
• ကြာဇံသုပ်
• ခေါက်ဆွဲသုပ်
အသားဟင်းလေးတွေလည်း ရှိတယ်။
ကော်ဖီလည်း ရောင်းတယ်။

ထမင်းနဲ့ဟင်းစားချင်ရင်လေ မရောက်ခင်တစ်နာရီလောက်အလို ကြိုပြီး ဖုန်းဆက်ပေးရင်ကို ရတယ်။ အစ်မရဲ့ ဖုန်းနံပါတ်ကတော့ 09 404533099 ကို ဆက်လို့ရပါတယ်။ အစ်မတို့ဆိုင်က စေတနာထားပြီး ချက်ပြုတ်ပေးတော့ လာစားကြတဲ့ဧည့်သည်တွေဆိုရင် အိမ်ဟင်းလျာအတိုင်းပဲ မို့ အရမ်းကြိုက်ကြတာကို တွေ့ရတယ်။ အဲ့လိုတွေ့ရတော့လည်း အမ အရမ်းဝမ်းသာတယ်။ ကျိုက်ထီးရိုးရောက်ရင်လည်း အစ်မတို့ကို ဆက်သွယ်ပါ.. အိမ်ထမင်းဟင်းလျာလေးတွေ လာစားကြည့်ဖို့ ဖိတ်ခေါ်ပါရစေ ရှင်။ 🌿🍲

Disclaimer : ဖော်ပြပါပုံနှင့်စာများသည် ကာယကံရှင်ထံမှ ခွင့်ပြုချက်များ ရယူပြီးမှသာလျှင် မြန်မာ့မျက်နှာဖုံးမှ ဖော်ပြထားခြင်း ဖြစ်ပါသည်။

19/05/2025

ကျွန်တော့်နာမည်ကတော့ အာကာပါ။ ကျိုက်ထီးရိုးရဲ့ ရသေ့တောင်နားမှာ နေပါတယ်။ အိမ်ထောင်မကျခင်ကတော့ တောင်ခြေနားမှာနေပါတယ်။ အိမ်ထောင်ကျတာတော့ တစ်နှစ်ဝန်းကျင်လောက်တော့ ရှိပါပြီ။ အမျိုးသမီးကတော့ စက်ချုပ်တယ်။ သားသမီးတော့ မထွန်းကားသေးပေမယ့် အသက်မွေးဝမ်းကျောင်းအနေနဲ့ ကျွန်တော်ကတော့ ဆိုင်ကယ်ကယ်ရီလေး မောင်းပါတယ်။ အခုမိုးတွင်းလဲ ရောက်ခါနီးတော့ ဧည့်အမြဲတော့ မကျဘူးပေါ့ဗျာ။ ရှိတော့ရှိပါတယ်။ ကျွန်တော်တို့ကတော့ အမြဲတမ်း ဆိုင်ကယ် ကယ်ရီဆွဲပါတယ်။ ဘုရားဖူးတွေအနေနဲ့ ကျိုက်ထီးရိုးကိုလာရင်ပေါ့ဗျာ... ကျိုက်ထီးရိုးတောင် တစ်မျိုးတည်းမဟုတ်ပဲနဲ့ အခြားတောင်တွေကိုလည်း လည်လို့ရပါတယ်။

ကျွန်တော်တို့ကယ်ရီအဖွဲ့တွေက ကျိုက်ထီးရိုးမှာ အမြဲရှိပါတယ်။ တောင် ၆ တောင်နဲ့ ပတ်သက်ပြီးတော့ ကျွန်တော်ပြောပြရမယ်ဆိုရင်ဗျာ..ဒီမှာက ကျိုက်ထီးရိုးတောင်ပဲ ဘုရားဖူးတွေကလည်ကြတာ များတယ်။ ကယ်ရီငှားရင် ကျွန်တော်တို့က တောင်၆တောင်နဲ့ ရေတံခွန်ကို ပို့ပေးတယ်။ နေရာ ၇ ခုပေါ့။ တောင်နာမည်တွေကတော့ ရသေ့တောင်၊ မြစိမ်းတောင်၊ စွန်တောင်၊ စကြ်န်တောင်၊ဝိဇ္ဇာတောင်၊ စမတောင် အဓိက တောင်၆တောင်ကို ဘုရားဖူးတွေအနေနဲ့ ဘုရားဖူးရင်းလည်လို့ရပါတယ်။

ဘုရားဖူးတွေ သဘောကျကြတာတော့ စွန်တောင်ပေါ့... သူက ကျိုက်ထီးရိုးထက်လည်း ပေ၃၀ တောင်မြင့်သေးသလို အရမ်းလဲလှတယ်။ ကျိုက်ဝိုင်းပုံစံလေး လှေကားထစ်လေးနဲ့ ဓာတ်ပုံသွားရိုက်လို့လဲ ရသေးတယ်ဗျ။ စျေးအနေနဲ့ တောင်၆တောင်နဲ့ ရေတံခွန်အပါကို ကျွန်တော်က တစ်ယောက်ကို ၂သောင်းခွဲ ယူပါတယ်ဗျ။ အကယ်လို့ တစ်စီးထဲကို ၂ယောက်စီးမယ်ဆိုရင် ၄သောင်းယူပါတယ်ဗျ။ တစ်သောင်းလျော့ပေးပါတယ်။ သက်တောင့်သက်သာနဲ့ အန္တရာယ်ကင်းကင်း စီးချင်ရင်တော့ တစ်ယောက်ထဲ စီးဖို့ပဲ ကျွန်တော် အကြံပြုပါတယ်ဗျ.... ကျိုက်ထီးရိုးကိုလေ ခရီးသွားကာလ မဟုတ်လဲ လာလည်လို့ရပါတယ်ခင်ဗျ။

ကျွန်တော်တို့ ကျိုက်ထီးရိုးလေးက ရာသီဥတုလေးက အေးချမ်းတယ်။ နေလို့လဲ ကောင်းတယ်။ အေးချမ်းဆိတ်ငြိမ်တဲ့ နေရာလေး ရှာနေရင်တော့ ဒီကိုလာလည်ပါ လို့ ဖိတ်ခေါ်ပါတယ်ဗျ။ ကျိုက်ထီးရိုးရောက်လို့ တောင် ၆တောင်နဲ့ ရေတံခွန်ကို သွားလည်မယ်ဆိုရင် ကျွန်တော့်ကို ဖုန်းလေးဆက်လိုက်ရုံပါပဲ ခင်ဗျ။
ကျွန်တော့်ရဲ့ ဖုန်းနံပါတ်ကတော့ 09266831804
ကိုလူမော်ဖုန်းနဲ့ ကိုအာကာ 09 - 400255449 ပါခင်ဗျ။

Disclaimer : ဖော်ပြပါပုံနှင့်စာများသည် ကာယကံရှင်ထံမှ ခွင့်ပြုချက်များ ရယူပြီးမှသာလျှင် မြန်မာ့မျက်နှာဖုံးမှ ဖော်ပြထားခြင်း ဖြစ်ပါသည်။

29/04/2025

အကို့နာမည်ကတော့ "ရဲလင်းစိုး" ဖြစ်ပါတယ်။ အများကတော့ "ပုဂံသား" ဆိုတဲ့ နာမည်နဲ့ သိကြတယ်။ ဖေ့ဘုတ် အကောင့်ကလည်း ပုဂံသား နာမည်နဲ့ ဖွင့်ထားတာဆိုတော့ လူတွေက "ပုဂံသား၊ ပုဂံသားနဲ့" ခေါ်ပါများတော့ ပုဂံသား ဖြစ်သွားတယ်ပဲ ဆိုရမှာပေါ့ဗျာ။

အကိုက မွေးကတည်းက ဒီမှာနေတာပါ၊ ပုဂံဇာတိပေါ့။ အရင်က (၂၀၁၁) လောက်မှာ အိမ်ထောင်ကျပြီး ဟိုတယ် ဝန်ထမ်းလုပ်ပါတယ်။ ညပိုင်းကျတော့ ကိုယ်တတ်ကျွမ်းတဲ့ ပညာလေးနဲ့ ရုပ်သေးအက ကဖြစ်ပါတယ်။ (၂၀၁၇) အမျိုးသမီး ဆုံးသွားပြီး နောက်ပိုင်း သမီးလေး (၂) ယောက်နဲ့ အတူ နေပါတယ်။ ကလေးတွေကတော့ အကြီးလေးက (၁၁) နှစ်၊ အငယ်လေးက (၉) နှစ်ပါ။ ကျောင်းတက်နေပါတယ်။

ကျွန်တော့ လက်ရှိ အလုပ်ကတော့ အိုးဝေ လို့ ခေါ်ကြတဲ့ ဒီ တုတ်တုတ်လေးတွေ မောင်းတာပေ့ါ။ အလုပ်ကတော့ မြန်မာလနဲ့ ပြောမယ်ဆို သီတင်းကျွတ်၊ တန်ဆောင်မုန်း၊ နတ်တော်၊ ပြာသိုပေါ့ ဒီလတွေက မြန်မာတွေရဲ့ ဘုရားပွဲရာသီကာလလည်းဖြစ်တော့ ခရီးသည် အများဆုံး လတွေမို့ အဲ့ရက်တွေကျ ဧည့်သည် တော်တော်များများ ရပါတယ်။

အလုပ်မှာတော့ အခက်အခဲလေးတွေကတော့ ကြုံရစမြဲပေါ့။ မှတ်မှတ်ရရဆို ကျွန်တော်တို့ အိုးဝေ လိုက်တဲ့ အခါ ဧည့်သည်တွေကို ဘုရားသမိုင်းကြောင်းလေးတွေ ရှင်းပြပေးတယ်၊ ဓာတ်ပုံလေးတွေ စိတ်ရှည်ရှည် လှလှလေး ရိုက်ပေးတဲ့ ဝန်ဆောင်မှုမျိုးလေးတွေရှိတယ်။ အဲ့ကျရင် တစ်ချို့ ဧည့်သည်လေးတွေက ပြောတာပေ့ါ၊ "သူတို့ကျလှအောင် ရိုက်ပေးတယ်၊ ကျွန်တော်တို့ကျ မလှဘူးတို့ .. " စသဖြင့် ကွန်ပလိန်းလေးတွေ တက်ကြတာမျိုးကြုံဖူးတာပေါ့။

ခရီးသွား ဧည့်သည်လေးတွေကို ပြောချင်တဲ့ စကားကတော့ ကျွန်တော်တို့ ပုဂံမြို့လေးကို လာလည်ပါ၊ ဘာလို့လဲဆိုတော့ ဒီ မြို့ကလေးက သေးသေးလေးပါ မြို့မှာ စက်ရုံတွေလည်း မရှိဘူး၊ ဘာဆိုဘာမှ မရှိတော့ ကျွန်တော်တို့ စားဝတ်နေရေးက ဒီ ခရီးသွားလုပ်ငန်းလေးကိုပဲ အဓိက မှီခိုရတာပါ။ ဧည့်သည်လေးတွေလာမှ ဈေးရောင်းသူလေးတွေရော၊ အိုးဝေလေးတွေရော စဖြင့် အကုန် အဆင်ပြေကြတာပါ။ ပုဂံမြို့လေးကို ကြုံကြိုက်လို့ ရောက်ခဲ့မယ်ဆိုရင်လည်း ကျွန်တော့်ရဲ့ Service လေးတွေကို ဖုန်းနံပါတ် 09 401344083 ကို ဆက်သွယ်ပြီး ရယူနိုင်ပါတယ်။ ကျွန်တော့်ကို အားပေးသည်ဖြစ်စေ၊ မပေးသည်ဖြစ်စေ ဧည့်သည်တွေကို အေးချမ်းသာယာတဲ့ ပုဂံမြို့လေးကို အလည်လာဖို့ ဖိတ်ခေါ်လိုက်ရပါတယ်ဗျာ။

https://www.facebook.com/share/18vzTsh12i/?mibextid=wwXIfr (အကောင့် Link)

Disclaimer: ဖော်ပြပါပုံနှင့်စာများသည် ကာယကံရှင်ထံမှ ခွင့်ပြုချက်ရယူပြီးမှသာ ယခုစာမျက်နှာပေါ်သို့ တင်ဆက် ဖော်ပြထားပါသည်။

17/04/2025

နှစ်ဆန်းတစ်ရက်နေ့မှာ မြန်မာပြည်သူ,ပြည်သားများအားလုံး ဘေးဘယာကင်းကွာပြီး ကျန်းမာချမ်းသာကြပါစေကြောင်း မြန်မာ့မျက်နှာဖုံး မိသားစုမှ ဆုတောင်းမေတ္တာ ပို့သအပ်ပါတယ်။

13/04/2025

မြန်မာ့နှစ်သစ်ကူးအခါသမယမှာ မြန်မာပြည်သူပြည်သားများအားလုံး ဘေးဘယာကင်းကွားပြီး အတာရေကဲ့သို့ အေးချမ်းကြပါစေကြောင်း မြန်မာ့မျက်နှာဖုံးမှ ဆုတောင်းမေတ္တာပို့သအပ်ပါတယ်။

21/03/2025

အမ နာမည်ကတော့ "မသီတာအေး" ဖြစ်ပါတယ်။ လက်ရှိ ပုဂံမှာ နေတာပါ။ စီးပွားရေးကတော့ မုန့်ပျားသလက်လေးတွေ လုပ်ရောင်းတာ (၅) နှစ်လောက်တော့ရှိပြီ။ ရောင်းရလားဆိုတော့ အခြေအနေကတော့ ပုံမှန်ပါပဲ၊ ပွဲတော်ရာသီဖြစ်တဲ့ သီတင်းကျွတ်တို့လို လူများတဲ့ လတွေဆိုရင်တော့ ပိုပိုသာသာရောင်းရတယ်။ မဟုတ်ရင်တော့ ပုံမှန်လေးပဲပေါ့။

ဆိုင်မှာ မုန့်ပျားသလက် အမျိုးအစားကတော့ (၁၃) မျိုးလောက်အထိရတယ်။ လူကြိုက်များတာတော့ အမယ် အစုံပါတာလေး တော်တော်စားကြတယ်။ သူက ကြက်ဥရယ်၊ ငုံးဥရယ်၊ ဆူးပုတ်ရယ် အကုန်ရောပြီး ချဉ်စပ်ပုံစံလေး လုပ်ထားတာ။ အဲ့တာလေးကိုတော့ ဧည့်သည်တွေ တော်တော်စားကြတယ်။

အမတို့ ဆိုင်လေးက ညနေ (၄) နာရီကနေ၊ ည (၉) နာရီလောက်ထိ ဖွင့်ပါတယ်။ ပိတ်ရက်တော့ မရှိဘူး၊ နေ့တိုင်းဖွင့်တယ်။ မုန့်ပျားသလက် ဈေးနှုန်းလေးတွေကတော့ အနိမ့်ဆုံး (၅၀၀) ကျပ် ကနေစပြီး အမြင့်ဆုံး (၁၈၀၀) အထိ အစားစား ရှိပါတယ်။ ပုဂံ ဘုရားတွေဖူးလို့ ရောက်တုန်းရောက်ခိုက် ကြုံကြိုက်တယ်ဆိုရင်ဖြင့် အမတို့ မုန့်ပျားသလက်ဆိုင်ကလေးမှာ ပုဂံ-ညောင်ဦး မုန့်များသလက်လေးတွေ အားပေးနိုင်ပါတယ်။ အကောင်းဆုံး စေတနာ အပြည့်နဲ့ လုပ်ပေးပါမယ်နော်လို့ အာမခံပါတယ်ရှင်။

Disclaimer: ဖော်ပြပါပုံနှင့်စာများသည် ကာယကံရှင်ထံမှ ခွင့်ပြုချက်ရယူပြီးမှသာ ယခုစာမျက်နှာပေါ်သို့ တင်ဆက် ဖော်ပြထားပါသည်။

08/03/2025

အဘ နာမည်ကတော့ "ဦးကျော်မြင့်" ပါ။ အသက်က (၇၄) နှစ် ရှိပါပြီ။ အလုပ်ကတော့ ဆိုက်ကားနင်းပါတယ်၊ အဘ ဒီအလုပ်လုပ်တာတော့ (၁၀) နှစ်လောက်ရှိပြီ။ တစ်ခြားလည်း မလုပ်တတ်တော့ ဒါပဲလုပ်စားနေရတာ၊ အခုလည်း အသက်အရွယ်လေးရလာပြီဆိုတော့ ဒီ အလုပ်ကိုပဲ ဆက်ပြီး လုပ်ဖြစ်သွားမယ်ထင်တာပါပဲ။

ဝင်ငွေကတော့ အများကြီး မရပါဘူး။ အဘတို့ဆို ဆိုက်ကားနင်းရင် တစ်ရက်မှ ရှစ်ထောင်၊ ကိုးထောင်လောက်ပဲရတယ်။ မိသားစုက သမီးတစ်ယောက်ပဲ ရှိတာဆိုတော့ စားဖို့၊ နေဖို့တော့ လောက်တယ်လို့ပဲဆိုရမှာပေါ့။ တစ်ချို့ ဒီလောက်မှ မရတဲ့ နေ့တွေကျရင်တော့ သိပ် အဆင်မပြေဘူး၊ ဘာလို့ဆို ဆိုက်ကားက ကိုယ်ပိုင် မဟုတ်တော့ အုန်နာကြေးပေးရတယ်လေ။ ဒီတော့ အိမ်လခတွေ၊ တစ်ခြား အခြေခံ အသုံးစရိတ်တွေ နှုတ်လိုက်ရင် မပိုတဲ့ အပြင် အကြွေးပါတင်ဦးမှာ။ ကံကောင်းတာက သမီးလည်း အလုပ်လုပ်တော့ သူရတဲ့ ပိုက်ဆံလေးနဲ့ ကိုယ်ရတဲ့ငွေလေးနဲ့ ပေါင်းလိုက်တော့မှ အိမ်စရိတ် ဘာညာတွေ အကုန် လောက်ငှသွားတာပဲ။

ဘဝမှာ ဖြစ်ချင်တာတော့ ထွေထွေထူးထူးမရှိပါဘူး၊ သမီးနဲ့ အတူ မိသားစု ပျော်ပျော်ရွှင်ရွှင် အေးအေးချမ်းချမ်းလေးနဲ့ ငွေကြေးပူပန်စရာ မလိုနေနိုင်ဖို့ပါပဲ။ အဘအရွယ်က တရားအားထုတ်ဖို့ အရွယ်လည်းရောက်ပြီဆိုတော့ အေးချမ်းစွာ နေချင်တာလေးပါပဲ။ တစ်ခြားဘာမှ မလိုအပ်ပါဘူး။

Disclaimer: ဖော်ပြပါစာများသည် ကာယကံရှင်ထံမှ ခွင့်ပြုချက်ရယူပြီးမှသာ ယခုစာမျက်နှာပေါ်သို့ တင်ဆက် ဖော်ပြထားပါသည်။

28/02/2025

သမီးနာမည်ကတော့ "ပြည့်ဖြိုးသူ" လို့ ခေါ်ပါတယ်။ အသက်ကတော့ (၁၄) နှစ်ရှိပါပြီ။ အခုလက်ရှိ ချောင်းသာ ကမ်းခြေရွာထဲမှာ နေပါတယ်။ အမနဲ့ အတူနေတာပါ၊ စုစုပေါင်း ညီအမ (၃) ယောက်ရှိပါတယ်။ အမ အကြီးဆုံးကတော့ မူဆယ်မှာ အလုပ်လုပ်နေတယ်။ သမီးရဲ့ အမေကတော့ ဆုံးသွားတာကြာပါပြီ။ အဖေကတော့ တစ်ခြားရွာမှာ နောက်မိန်းမနဲ့ပါ။

ကျောင်းကတော့ ငယ်ငယ်တည်းက တက်ဖို့ အခွင့်မသာခဲ့လို့ အလုပ်ပဲလုပ်ပါတယ်။ သမီး အလုပ်က ချောင်းသာ ကမ်းခြေမှာ ဂဏန်းတွေ လိုက်ရောင်းတာပါ။ အဆင်ပြေတယ်လို့လည်း မဟုတ်ပေမယ့် နေဖို့၊ စားဖို့တော့ လုံလောက်ပါတယ်။ သမီးကိုချစ်လို့ဆိုပြီး မုန့်ဖိုးလေးတွေ ပေးသွားကြတော့ ပိုက်ဆံ အပိုဝင်ငွေလေးတွေ ရတာပေါ့။ အမတွေကတော့ အိမ်အတွက် စားစရိတ် ဘာညာ အဓိက စီမံရတာဆိုတော့ သမီးအတွက်တော့ အရမ်းကြီး အပန်းမကြီးပါဘူး။ သမီးနိုင်သလောက်တော့ ကူညီပေးတာပေါ့လေ။

ရည်မှန်းချက်ကတော့ သမီးကြီးလာရင် အလုပ်တွေ အများကြီးလုပ်ပြီး ပိုက်ဆံပဲရှာချင်တယ်။ ဝါသနာပါတဲ့ အလုပ်လုပ်ရမယ်ဆိုရင်တော့ သီချင်းဆိုတာ ဝါသနာပါတယ်။ ဒါပေမယ့် သီချင်းဆိုတာနဲ့ ပိုက်ဆံရှာဖို့က အခုတော့ မဖြစ်နိုင်သေးတော့ အဆင်ပြေတဲ့ အလုပ်တစ်ခုခုနဲ့ပဲ ပိုက်ဆံတွေ အများကြီးရှာချင်ပါတယ်။ ကိုယ့်အမတွေကို တင့်တောင်းတင့်တယ် ထားချင်တယ်။ ငွေကြေးကိစ္စစိတ်ပူပန်စရာတွေ မရှိဘဲ၊ ညီအမ (၃) ယောက် အေးအေးချမ်းချမ်းလေးနေထိုင်သွားရဖို့ပဲ မျှော်လင့်ပါတယ်။

Disclaimer: ဖော်ပြပါပုံနှင့်စာများသည် ကာယကံရှင်ထံမှ ခွင့်ပြုချက်ရယူပြီးမှသာ ယခုစာမျက်နှာပေါ်သို့ တင်ဆက် ဖော်ပြထားပါသည်။

15/02/2025

အဘ နာမည်ကတော့ "ဦးအေးငြိမ်း" လို့ခေါ်ပါတယ်။ အသက် (၆၅) နှစ်ရှိပါပြီ။ စားဝတ်နေရေးအတွက်ကိုတော့ အဘက ဆိုက်ကားနင်းတယ်၊ အမျိုးသမီးကတော့ ပဲပြုတ်ရောင်းပါတယ်။ သားသမီး စုစုပေါင်း (၄) ယောက်ရှိပါတယ်။ အကုန် အိမ်ထောင်တွေကျကုန်ပြီ။ လက်ရှိမှာ အဘက အမျိုးသမီးရယ်၊ သမီးအငယ်ဆုံးလေးတို့ လင်မယားနဲ့ အတူ အင်းစိန်၊ ဖော့ကန်မှာနေတယ်။ ကျန်တဲ့ သားသမီးတွေကတော့ သူတို့အလုပ်ကိုယ်စီနဲ့ ဆိုတော့ တစ်လကို တစ်သိန်းဖြစ်စေ သူတို့ နိုင်သလောက် ကန်တော့ကြတာပေါ့။

ဆိုက်ကားနင်းတာကတော့ ပုံမှန် ဝင်ငွေရယ်လို့ ဘယ်ရှိပါ့မလဲ သမီးရယ်၊ ပျမ်းမျှတွက်ရရင်တော့ တစ်နေ့ကို တစ်သောင်း၊ နှစ်သောင်း ဝန်းကျင်ပေါ့။ ဒီကြားထဲ အုန်နာကြေးကလည်း ပေးရသေးတော့ စားဝတ်နေရေး၊ အိမ်လခ နဲ့ အဘတို့ ဆေးဖိုးနဲ့ တွက်ကြည့်ရင် ပိုလျှံဖို့ မပြောနဲ့ လောက်ငှအောင်တောင် မနည်းကြံဖန်ရတာလေ။

အဘက ပန်းနာရင်ကြပ် ရှိတယ်လေ။ ပြီးတော့မျက်လုံး အားနည်းတယ်။ အဲ့တာကြောင့် ဆေးဖိုးက လတိုင်းကုန်တယ်။ အရင်ကတော့ ဆေးရုံ၊ ဆေးခန်း လစဉ်သွားနိုင်တယ်။ အခုတော့ ကိုဗစ်နောက်ပိုင်း အကုန် စီးပွားရေးတွေ ကြပ်တည်းလာတော့ ဆေးရုံ၊ ဆေးခန်း ပုံမှန် မသွားနိုင်တော့၊ လစဉ် မှီဝဲနေကျ ဆေးတွေပဲ ပုံမှန်ပဲ သောက်ဖြစ်တယ်။ အသုံးစရိတ်လည်း လျှော့ချတဲ့ သဘောပေါ့လေ။

ဘဝမှာ ဘာဖြစ်ချင်လဲဆိုရင်တော့ အဘ အေးအေးချမ်းချမ်းလေးပဲ နေချင်တယ်။ ဒါပေမယ့်လည်း အဘတို့လို လူမျိုးတွေအတွက်တော့ အေးအေးချမ်းချမ်း နေဖို့ဆိုတာ အဝေးကြီးမှာပါ။ ကိုယ်တိုင်က ပိုက်ဆံ မချမ်းသာတောင် သုံးစွဲဖို့ လောက်ငှနေမှ အေးအေးချမ်းချမ်းနေရမှာလေ ။ အခုကျ ပိုက်ဆံမရှိတော့ ပိုက်ဆံကိုပဲ အရင်ရှာရဦးမှာပေါ့။ နောက်မှပဲ ကျန်တာတွေ စဉ်းစားရတာပေါ့ကွယ်။

Disclaimer: ဖော်ပြပါပုံနှင့်စာများသည် ကာယကံရှင်ထံမှ ခွင့်ပြုချက်ရယူပြီးမှသာ ယခုစာမျက်နှာပေါ်သို့ တင်ဆက် ဖော်ပြထားပါသည်။

မြန်မာ့မျက်နှာဖုံး

20/06/2025

18/06/2025

10/06/2025

03/06/2025

19/05/2025

29/04/2025

17/04/2025

13/04/2025

21/03/2025

08/03/2025

28/02/2025

15/02/2025

Address

Telephone

Website

Alerts

Contact The Business

Shortcuts

Share

Category