09/08/2025
မေးလို့ဖြေတာ
=========
စစ်တပ်က အာဏာမသိမ်းခင်
၁၉၆၀ ခုနှစ် လွန်ခဲ့တဲ့၅၇ခုနှစ်လောက်က
မြန်မာနိုင်ငံရဲ့ စီးပွားရေး
ကြွေးမြီလည်း မရှိသလို ဘာသယံဇာတကိုမှ ပြည်ပကို ရောင်းမစားရသေးဘူး။ သုံးပြီးစွဲပြီး ပိုလျှံနေတဲ့ အရံ ရန်ပုံငွေ အမေရိကန်ဒေါ်လာ ၂၂၈သန်းရှိတယ်။
အာရှမှာ အချမ်းသာဆုံး ။ ဂျပန်က စစ်လျှော်ကြေးပေးရလို့ မျက်ဖြူဆိုက်နေတဲ့အချိန်။ တရုတ်ဆိုတာလည်း အဲ့ဒီအချိန်မှာ ထမင်းရည်သောက်နေရတဲ့အဆင့် ။ ။
ပညာရေးမှာလည်း အာရှမှာ အဆင့်မြင့်ဆုံးပညာရေးစနစ်ကို ပိုင်ဆိုင်ခဲ့တယ်။ ရန်ကုန်တက္ကသိုလ်ဟာ အာရှရဲ့ အကြီးကျယ်ဆုံး အခမ်းနားဆုံး အအောင်မြင်ဆုံးတက္ကသိုလ်ဖြစ်ခဲ့တယ်။
တရုတ် မလေးရှား ထိုင်း အာရှနိုင်ငံအသီးသီးက မြန်မာနိုင်ငံကိုလာပြီး ပညာသင်ကြရတယ်။ ရန်ကုန်တက္ကသိုလ်က ဘွဲ့တခုခုရရင် ကမ္ဘာမှာ ဘယ်နိုင်ငံသွားပြီးအလုပ်လုပ် လစာကောင်းကောင်းရတယ်။ မြန်မာနိုင်ငံက ဆရာဝန်လက်မှတ်ရရင် တကမ္ဘာလုံးမှာ ကုလို့ရတယ်။
အားကစားမှာလည်း အာရှမှာအကောင်းဆုံး
ဥရောပအသင်းတွေနဲ့လည်း ယှဉ်လို့ရသေးတယ်။
အဲ့ဒီအချိန်က အာရှတိုက်ရဲ့ အကောင်းဆုံးအားစကားကွင်းက အောင်ဆန်းကွင်း။
၁၉၆၀ခုနှစ် စစ်တပ်ကအာဏာမသိမ်းခင်
လွန်ခဲ့တဲ့ ၅၇နှစ်က မြန်မာနိုင်ငံဟာ အာရှမှာ နံပါတ်တစ်။
အာရှတိုက်ရဲ့ ကျားတစ်ကောင် ဖြစ်ခဲ့တယ်။
၁၉၆၂ခုနှစ်မှာ ဗိုလ်ချုပ်ကြီးနေဝင်းက အာဏာသိမ်းလိုက်တယ်။(အဲ့ဒီကစပြီး တိုင်းပြည် "'ဖာ""ဖြစ်တော့တာပဲ။)အာဏာသိမ်းပြီး ၂နှစ်အကြာ
၁၉၆၄ခုနှစ်မှာ စီးပွားရေးလုပ်ငန်းမှန်သမျှကို ပြည်သူပိုင်သိမ်းလိုက်တယ်။ ၁၉၆၅ခုနှစ်မှာ ၁၀၀တန်နဲ့ ၅၀တန်တွေကို တရားမဝင်ကျေငြာလိုက်တယ်။ စီးပွားရေးထိုးကျသွားတယ်။ ကမ္ဘာ့အဆင်းရဲဆုံးနိုင်ငံအဖြစ် တရားဝင်ကျေငြာလိုက်ရတယ်။
တိုင်းပြည်ကမောက်ကမဖြစ်သွားတယ်။ ၁၉၆၂ခုနှစ် အာဏာသိမ်းပြီး ၂၆နှစ်အကြာမှာ လူထုအုံကြွမှုဖြစ်တယ်။ တစ်လအတွင်း အစိုးရသုံးဆက်ပြောင်းသွားတယ်။
၁၉၈၈ စက်တင်ဘာ ၁၈ရက်နေ့မှာ ဗိုလ်ချုပ်စောမောင်က ထပ်ပြီးအာဏာသိမ်းတယ်။
စစ်တပ်အာဏာမသိမ်းခင်က အာရှတိုက်ရဲ့ကျားအဖြစ်က
စစ်တပ်အာဏာသိမ်းပြီးနောက်မှာ ဖွတ်ကျားဖြစ်သွားတယ်။
စစ်တပ်အာဏာမသိမ်းခင်က
အာရှမှာ အချမ်းသာဆုံးနိုင်ငံက
စစ်တပ်အာဏာသိမ်းပြီးနောက်မှာ
ကမ္ဘာ့အဆင်းရဲဆုံး နိုင်ငံဖြစ်သွားတယ်။ တိုင်းပြည်ကသာ
ကမ္ဘာ့အဆင်းရဲဆုံးနိုင်ငံ ဖြစ်သွားပေမယ့်
စစ်ဗိုလ်ချုပ်တွေကတော့ စိန်တွေ ရွှေတွေ ဒေါ်လာတွေ ထားစရာမရှိအောင် ချမ်းသာကုန်ကြတယ်။
စစ်တပ်အာဏာမသိမ်းခင်က
အာရှတိုက်ရဲ့ အအောင်မြင်ဆုံး ပညာရေးစနစ်ကနေ
အာဏာသိမ်းပြီးနောက်ပိုင်း ယနေ့အချိန်မှာတော့
မြန်မာနိုင်ငံက ဘာဘွဲ့ရရ
ဘယ်နိုင်ငံကမှ မထင်မကြီးကြတော့ပါဘူး။ မြန်မာနိုင်ငံက ဘွဲ့ရတွေ ပြည်ပမှာ အိမ်ဖော်လုပ်ရတဲ့အထိ သူများမလုပ်ချင်တဲ့အလုပ်တွေလုပ်ပြီး ကျွန်ခံနေကြရပါတယ်။ စစ်တပ်ဟာ မြန်မာ့ပညာရေးစနစ်ကို ဖျက်ဆီးလိုက်တဲ့ တရားခံစစ်စစ်ပါ။ တိုင်းပြည်ရဲ့ ပညာရေးကိုဖျက်ဆီးပြစ်တဲ့ စစ်တပ်အကြီးအကဲတွေဟာ သူတို့သားသမီးတွေကိုတော့ ပြည်ပမှာပညာသင်စေခဲ့ပါတယ်။
စစ်တပ်အာဏာမသိမ်းခင်က
ကျန်းမာရေးစောင့်ရှောက်မှုမှာ ကမ္ဘာကလေးစားခဲ့ရတဲ့ နိုင်ငံဟာ
စစ်တပ်ကအာဏာသိမ်းပြီးနောက်ပိုင်းမှာ
ကမ္ဘာ့ကျန်းမာရေးဌာကထောက်ပံ့တဲ့ ဆေးဝါးတွေကို အားကိုးအားထားပြုပြီး ကုသနေရတဲ့အဆင့် ဖြစ်သွားပါတယ်။ ပြည်သူတွေမှာ ဆေးကုသဘို့ ငွေမရှိသလို့ အသက်တွေဆုံးရှုံးနေကြပေမယ့် စစ်တပ်ရဲအကြီးအကဲတွေကတော့ ပြည်ပထွက်ပြီး ဆေးကုသနေကြပါတယ်။
စစ်တပ်အာဏာမသိမ်းခင်က
အာရှတိုက်ရဲ့အကောင်းဆုံးအားကစားသမားတွေကို မွေးထုတ်ပေးတဲ့နိုင်ငံဟာ
စစ်တပ်အာဏာသိမ်းပြီးနောက်ပိုင်းမှာ
ဒေသတွင်းနိုင်ငံတွေကို ယှဉ်ပြိုင်နိုင်စွမ်းမရှိတော့ပါဘူး။
မင်းမေးလို့ ငါဖြေတာ
နိုင်ငံရေးမှာတပ်မတော်ဝင်မပါရင်
ငါတို့နိုင်ငံဟာ
တရုတ်တို့ ဂျပန်တို့ အမေရိကန်တို့ ရုရှားတို့လို
ကမ္ဘာ့ထိပ်တန်းနိုင်ငံ ဖြစ်နေလောက်ပြီ။
မင်းတို့တပ်မတော်သာ
တိုင်းပြည်အပေါ် စေတနာထားခဲ့ရင်
တိုင်းပြည်အပေါ် မယုတ်မာခဲ့ရင်
တိုင်းပြည်ဘဏ္ဍာတွေ သယံဇာတတွေကို မခိုးယူခဲ့ရင်
မြန်မာနိုင်ငံ ခုလိုမွဲပြာကျနေစရာ ဘာအကြောင်းမှမရှိဘူး။
crd
👊👊👊👊👊
