News Ambassador - TV (2025)

08/09/2025

ကန့်ဘလူတွင် လှည့်ကင်းထွက်လာသော စစ်တပ် နှင့် ပျူစောထီးများကြားဖြတ်တိုက်ခိုက်ခံရ ၊ ၇ဦးသေဆုံး

ရန်ကုန် ၊ စက်တင်ဘာ ၈
Newsambassador

စစ်ကိုင်းတိုင်း၊ ကန့်ဘလူခရိုင်၊ ကန့်ဘလူမြို့နယ် ၀က်တိုးကျေးရွာမှ ကာဘိုးကျေးရွာသို့ လှည့်ကင်းထွက်လာသော စစ်တပ်နှင့် ပျူစောထီး ပူးပေါင်းအင် အား ၁၇ ဦးခန့်ကို ပြည်သူ့လွတ် မြောက် ရေးတပ်‌မတော် (PLA) နှင့် မဟာမိတ်ပူးပေါင်းတပ်များက ကြားဖြတ်တိုက်ခိုက်ခဲ့ကြောင်း ပြည်သူ့လွတ်မြောက်ရေးတပ်မတော်မှ ပြောကြားသည် ။

အဆိုပါ လှည့်ကင်းကို ကန့်ဘလူလှုပ် ရှား အဖွဲ့ (ပကဖ)၊ ရေဦးမြို့နယ်ပြည်သူ့ကာကွယ်ရေးအဖွဲ့(ပကဖ)၊ တန့်ဆည်မြို့နယ်ပြည်သူ့ကာကွယ်ရေးအဖွဲ့ (ပကဖ) နှင့် ပြည်သူ့လွတ် မြောက် ရေးတပ်မတော် (PLA) တို့က ပူးပေါင်းတိုက်ခိုက်ခဲ့ကြောင်း ယင်းလှည့်ကင်းသည် ၀က်တိုးရွာနှင့် ကာဘိုးရွာကြားအရောက် ယနေ့မနက် ၇နာရီ ၄၅ အချိန်တွင် တိုက်ပွဲစတင် ဖြစ်ပွားခဲ့ပြီး ရန်သူ့ဘက်က ၇ ဦး ‌ေ-သဆုံးကြောင်း သိရသည် ။

တိုက်ပွဲတွင် ကာဘိုင် (၂) လက်၊ MA-1 (၁) လက်၊ G-3 (၁)လက် နှင့် ပြောင်းချော (၁) လက်သိမ်းဆည်းနိုင်ခဲ့ပြီး မဟာမိတ်တပ်ဖွဲ့များဘက်မှ အထိခိုက်အကျဆုံးမရှိ ပြန်လည်ဆုတ်ခွါလာနိုင်ကြောင်း PLA ကဆိုသည် ။

07/09/2025

သပိတ်ကျင်းမြို့နယ် ကျောက်ဖြူရွာ လေကြောင်းတိုက်ခိုက်ခံရပြီး စာသင်ကြားနေသည့် ကလေးငယ် ၁ ဦး သေဆုံး၊ ၇ ဦး ဒဏ်ရာရ

သပိတ်ကျင်း ၊ စက်တင်ဘာ ၇
News Ambassador

ယနေ့ မွန်လွဲ ၂ နာရီခန့်က မန္တလေးတိုင်း ၊ သပိတ်ကျင်းမြို့နယ် ကျောက်ဖြူကျေးရွာကို အာဏာသိမ်းစစ်တပ်က လေကြောင်းဖြင့် ဗုံးကြဲတိုက်ခိုက်ခဲ့ကြောင်း ပြည်သူ့ကာကွယ်ရေးတပ်မတော် (မန္တလေး) က သတင်းထုတ်ပြန်လာသည်။

တိုက်ပွဲဖြစ်ပွါးခြင်းမရှိပဲ အကြောင်းမဲ့ လေကြောင်းတိုက်ခိုက်မှု ပြုလုပ်ခဲ့ခြင်းဖြစ်ပြီး ကျောက်ဖြူကျေးရွာအတွင်းရှိ စာသင်ကြားရာနေအိမ်ကို ထိမှန်ခဲ့ကာ (၁၀)နှစ်အရွယ် ကလေးငယ်(၁)ဦး အသက်ဆုံးရှုံးခဲ့ကြောင်း၊ ကလေးငယ် (၅)ဦးအပါအဝင် ပြည်သူ(၇)ဦး ထိခိုက်ဒဏ်ရာရရှိခဲ့ကြောင်း ပြည်သူ့ကာကွယ်ရေးတပ်မတော် (မန္တလေး)က ထုတ်ပြန်ကြေညာသည်။

အာဏာသိမ်းစစ်တပ်က သပိတ်ကျင်းမြို့ပေါ်ကို ပြန်လည် သိမ်းယူရရှိပြီးနောက်ပိုင်း ယခုရက်ပိုင်းအတွင်း စစ်ကြောင်းထိုးမှုများ ပြန်လည်ပြုလုပ်နေရာ တော်လှန်ရေးတပ်များနှင့် ရင်ဆိုင်တိုက်ပွဲဖြစ်ပွားနေခြင်း ဖြစ်သည်။

ယင်းအတွက် အနီးနားရှိကျေးရွာအချို့ ထွက်ပြေးတိမ်းရှောင်နေရပြီး ယမန်နေ့ စက်တင်ဘာ ၆ ရက်နေ့ကလည်း ဇရပ်ကွင်းကျေးရွာဘက်ကို လက်နက်ကြီးများ ပစ်ခတ်ခဲ့သည့်အတွက် ကျေးရွာနေပြည်သူများ ထွက်ပြေးတိမ်းရှောင်ခဲ့ရကြောင်း ဒေသခံထံမှ သိရသည်။

06/09/2025

ဒေါ်အောင်ဆန်းစုကြည်၏ သား နှင့် AA ခေါင်းဆောင် တို့ တွေ့ဆုံ၊ ဖက်ဒရယ်ဒီမိုကရေစီနိုင်ငံ ဖြစ်လာရေး ကြိုးပမ်းသွားရန် သဘောတူခဲ့ ဟု ဆို

စက်တင်ဘာ ၆
News Ambassador

အာဏာသိမ်းစစ်တပ်က ဖမ်းဆီး အကျဉ်းချထားသော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၏ သားဖြစ်သူ ကင်အဲရစ် နှင့် ရက္ခိုင့်တပ်တော် ခေါင်းဆောင် ဗိုလ်ချုပ်ထွန်းမြတ်နိုင်တို့ အွန်လိုင်းမှ တဆင့် တွေ့ဆုံခဲ့ကြောင်း ကင်ဘက်က အသိပေး ဖော်ပြလာသည်။

“ဖက်ဒရယ်မြန်မာပြည်အတွက် ညီညွတ်ခိုင်မာသော အင်အား” ဟု အမည်တပ်ထားသော စာစုတစ်ခုကို ကင်အဲရစ် ဘက်က ရေးသားလာပြီး အဆိုပါစာတွင် ဗိုလ်ချုပ် ထွန်းမြတ်နိုင်နှင့် တွေ့ဆုံခဲ့ကြောင်း ရေးသားဖော်ပြထားခြင်းဖြစ်သည်။

“သူက မေ့မေ့ကို အထူးလေးစားကြောင်း၊ မေမေ့ကျန်းမာရေးကို စိုးရိမ်ကြောင်း ပြောပါတယ်။ မေမေနဲ့နိုင်ငံရေး အကျဉ်းသားတွေကို မလွှတ်ပေးဘဲ ယုံကြည်စိတ်ချရတဲ့ ငြိမ်းချမ်းရေးကို မတည်ဆောက်နိုင်ဘူးလို့ ခိုင်ခိုင်မာမာ ပြောခဲ့ပါတယ်” ဟု ကင် က ရေးသားထားသည်။

ကင် အနေဖြင့်လည်း ရက္ခိုင့်တပ်တော် ၏ စစ်ရေးအောင်မြင်မှုများကို ချီးကျူးဂုဏ်ပြုခဲ့ပြီး ရခိုင်ပြည်သူများ ကြုံတွေ့နေရသည့် ပဋိပက္ခ၊ စစ်ရှောင်နေစဉ် ရင်ဆိုင်ရသည့် အခက်အခဲများကို ပိုမိုသိရှိနားလည်ခဲ့ရကြောင်း ထပ်လောင်းဖော်ပြထားသည်။

“ကျွန်တော်တို့ နှစ်ဦး ယုံကြည်ရတဲ့မိတ်ဆွေတွေ အနေနဲ့ရှိဖို့၊ တစ်ဦးကို တစ်ဦး ပံ့ပိုးကူညီဖို့၊ လူတိုင်း ဂုဏ်သိက္ခာနှင့် ငြိမ်းချမ်းစွာ နေထိုင်နိုင်မည့် ဖက်ဒရယ် ဒီမိုကရေစီ မြန်မာနိုင်ငံ ဖြစ်လာအောင် ဆက်လက် ကြိုးပမ်းသွားဖို့သဘောတူခဲ့ကြပါတယ်” ဟု ကင်အဲရစ်က ဆိုထားသည်။

၎င်းတို့ တွေ့ဆုံဖြစ်သည့် အခြေအနေ အသေးစိတ်၊ တွေ့ဆုံသည့်အချိန် ၊ တွေ့ဆုံသည့် နေ့ရက်များကို မသိရသေးပေ။

ရက္ခိုင့်တပ်တော် AA က မူ ရက္ခိုင်ပြည်အနေဖြင့် ကွန်ဖက်ဒရိတ်ထက်မနိမ့်သော အဆင့်ရရန် ရည်ရွယ်ထားသည်ဟု ယခင်ကာလများက တရားဝင်ထုတ်ဖော်ပြောဆိုထားခဲ့သော်လည်း ယခု ကင်အဲရစ်၏ ရေးသားဖော်ပြချက်အရမူ ဖက်ဒရယ်ဒီမိုကရေစီ ဟူ သော အသုံးကို စတင်သုံးနှုန်းလာခြင်းဖြစ်ကြောင်း တွေ့ရသည်။

ယင်းနှင့်ပတ်သက်၍ AA ဘက်က တရားဝင်ထုတ်ပြန်ပြောဆိုခြင်း မရှိသေးပေ။

04/09/2025

ပုလဲမြို့နယ် တနယ်ရွာကို စစ်တပ်က ဗုံးကြဲချ ၊ပြည်သူ ၂ဦးသေဆုံး

ရန်ကုန် ၊ စက်တင်ဘာ ၄
Newsambassador

စစ်ကိုင်းတိုင်း ယင်းမာပင်ခရိုင် ပုလဲမြို့နယ် တနယ်ရွာကို စစ်တပ်က ယနေ့ နေ့လည် ၁နာရီမှာ တိုက်ပွဲဖြစ်ပွါးခြင်းမရှိပဲ ဗုံးကြဲချခဲ့ခြင်းကြောင့် ပြည်သူ နှစ်ဦးသေဆုံးခဲ့သည်ဟု ပုလဲမြို့နယ် ပြည်သူ့ကာကွယ်ရေး အဖွဲ့မှ ရဲဘော် တစ်ဦးက ပြောကြားသည် ။

" အင်မထီးပျူရွာ အရှေ့ဘက်က တနယ်ကျေးရွာကို ပေါင် ၅၀၀တလုံးကြဲ ချခဲ့တယ်။အိမ် တလုံးပျက်စီးပြီးအိမ်ရှင် အမျိုးသား နဲ့ အမျိုး သမီး သေဆုံးသွားတယ်။ ကလေးလည်း ပျောက်နေတယ်ဗျ ။နွား ၄ကောင်လည်း သေတယ်။" ဟု ၎င်း ကဆိုသည်။

တံတားဦးလေတပ် မှ တက်လာသည့် FCT 2000 G jetfighter ဖြင့် လာရောက်ကြဲချခဲ့သည်ဟု သိရသည် ။

စစ်ကော်မရှင် တပ်သည် ပြီးခဲ့သည့် ရက်ပိုင်းကလည်း ပုလဲမြို့နယ် မင်းတိုင်ပင်၊ ကုက္ကိုကုန်း၊ လက်ပုကန်၊ ငှက်ပျောတော၊ နှောကန်၊ ကြောင်သန်း၊ မြကုန်းစသည့် ကျေးရွာပေါင်း ၁၀ ရွာ က နေအိမ်များကို ဝင်ရောက် မီးရှို့ခဲ့သည်ဟု ဒေသခံများက ပြောကြားသည် ။

03/09/2025

မတ္တရာမြို့ ဆည်တော်ကြီး ဓာတ်အားပေးစက်ရုံကို စစ်တပ်က ဗုံးကြဲတိုက်ခိုက်

ရန်ကုန် ၊ စက်တင်ဘာ ၃
Newsambassador

မန္တလေးတိုင်း မတ္တရာမြို့နယ်ရှိ ဆည်တော်ကြီး ဓာတ်အားပေးစက်ရုံကို စစ်တပ်က ဗုံးကြဲတိုက်ခိုက်ခဲ့ကြောင်း ပြည်သူ့ကာကွယ်ရေးတပ်မတော် (မန္တလေး) က ပြောကြားသည် ။

စစ်ကောင်မရှင် တပ်သည် ယနေ့ နေ့လည်(၂)နာရီဝန်းကျင်ခန့်က မတ္တရာမြို့နယ်ရှိ ဆည်တော်ကြီး ဓာတ်အားပေးစက်ရုံကို Y-12 လေယာဉ်နှင့် ဆူဆိုက်ဒရုန်းများဖြင့် အကြောင်းမဲ့ လေကြောင်းတိုက်ခိုက်မှုပြုလုပ်ခဲ့ကြောင်းအဆိုပါ လေကြောင်းတိုက်ခိုက်မှုအတွင်း Y-12 ဖြင့် ဗုံးအလုံးရေ (၅၀)ဝန်းကျင်ခန့် ကြဲချပြီး ဆည်တော်ကြီး တာတမံအနီးတစ်ဝိုက်သို့ ကျရောက်ပေါက်ကွဲခဲ့သည်ဟု သိရသည် ။

လေကြောင်းတိုက်ခိုက်မှုကြောင့်ဆည်တော်ကြီး ဓာတ်အားပေးစက်ရုံရှိထရန်စဖော်မာ(၃)လုံး ပျက်စီးဆုံးရှုံးခဲ့သည်ဟု သိရသည်။

ဆည်တော်ကြီး ဓာတ်အားပေးစက်ရုံသည် ပုသိမ်ကြီးမြို့နယ် ၊ မတ္တရာမြို့နယ် ၊ စဉ့်ကူးမြို့နယ် နှင့် သပိတ်ကျင်းမြို့နယ်တို့အတွက် လျှပ်စစ်မီးရရှိစေရန် အဓိကကျသော ဓာတ်အားပေးစက်ရုံတစ်ခု ဖြစ်ပါသည်။

25/08/2025

ကျောက်မဲတွင် စစ်တပ် မှဗုံးကြဲချ ၊ ကိုယ်ရင် ၃ပါး အပါအဝင် ၄ဦးဒဏ်ရာရ

ရန်ကုန် ၊ ဩဂုတ် ၂၅
Newsambassador

ကျောက် မဲမြို့ကို စစ်တပ်မှ ယနေ့ မနက် ၁၁နာရီကျော်တွင် ဗုံးကြဲချခဲ့ခြင်း ကြောင့် ကိုယ်ရင် ၃ပါး အပါ အ ဝင် အမျိုးသားတစ်ဦး ထိခိုက်ခဲ့ကြောင်း TNLA ကပြောကြားသည်။

ကျောက်မဲမြို့နယ်၊ ပိန်န္နဲကုန်ရပ်ကွက်၊ ဝါဆိုကျောင်းကို တိုက်ပွဲဖြစ်ပွါးခြင်းမရှိဘဲ ပေါင်(၂၅၀)ဗုံး (၂)လုံး လာရောက် ကြဲချတိုက်ခိုက်ခဲ့ကြောင်း၊ ဗုံးလာရောက်ကြဲချမှုကြော နေအိမ်(၂၂) အိမ်၊ ကျောင်းဆောင် (၄)ဆောင်၊ ကား (၂)စီး ထိခိုက်ပျက်စီးသွားခဲ့သည်ဟု သိရသည်။

အလားတူ ဩဂုတ်လ(၂၁)ရက်နေ့က လည်း ကျောက်မဲမြို့နယ်ကို စစ်ကောင် စီတပ်မှ တိုက်ပွဲဖြစ်ပွား ခြင်းမရှိဘဲ လေကြောင်းဖြင့်ပေါင်(၂၅၀)ဗုံး (၂)လုံးနှင့် လက်နက်ကြီး (၁၁)လုံး ပစ်ခတ်တိုက်ခိုက်ခဲ့ခြင်းကြောင့်နေ အိမ် (၆)အိမ် ဗုံးစထိမှန်ပျက်စီးသွားခဲ့ပါသည်ဟု TNLA ကဆိုသည်။

25/08/2025

အခွန်ငွေများ အလွဲသုံးစားလုပ်သော ပကဖများကို ကနီ တပ်ရင်း(၉)ရင်း ကဖမ်းဆီး

ရန်ကုန် ၊ ဩဂုတ် ၂၅
Newsambassador

ယင်းမာပင်ခရိုင် ကနီမြို့နယ် ပြည်သူ့ကာကွယ်ရေးအဖွဲ့( ပကဖ )များ ကို အခွန်ကောက်ခံငွေများ အလွဲသုံးစားပြုလုပ်နေခြင်းကြောင့် ကနီတပ်ရင်း (၉)ရင်းမှ ဖမ်းဆီးလိုက် ကြောင်း Newsambassador သတင်းထောက်မှ သတင်းပေးပို့ထားပါသည် ။

ကနီမြို့နယ်ပကဖများက အခွန်ကောက် ခံငွေများကိုအလွဲသုံးစားပြုလုပ်ထာကြောင်း ၊ငွေကြေးအလွဲသုံးစားပြုနေခြင်းကို NUG သို့တိုင်တန်းထားသော်လည်း အရေးယူဆောင် ရွက်ခြင်း မရှိတာကြောင့် ဖမ်းဆီး ထိန်းသိမ်းထားခြင်း ဖြစ် ကြောင်း တော်လှန် ရေးအဖွဲ့များထံမှ သိရသည် ။

"သစ် ဖမ်းဆီးတဲ့ အခွန်ငွေကိစ္စတွေလည်းပါတယ်။ပကဖ တွေရဲ့ငွေကြေးအလွဲသုံး စားလုပ်တာ ၊အကျင့်ပျက်ချစားတာတွေ ၊လူ့အခွင့်ရေးချိုးဖောက်နေတာတွေ ကို အရေးယူပေးဖို့ NUG ကို တိုင်တာလည်း ဘာမှစုံစမ်း စစ်ဆေးတာတွေ ၊အရေးယူတာတွေ မလုပ်ပါဘူးလို့သိရတယ်ဗျ။ “ ကနီမြို့နယ် တော်လှန်ရေး အဖွဲ့မှ တပ်ဖွဲ့ဝင် တစ်ဦးက ဆိုသည် ။

24/08/2025

ကန့်ဘလူတွင် စစ်ကော်မရှင် စစ်ကြောင်းက ၅ ရက်အတွင်း နေအိမ် ၄၀၀ ကျော် ဖျက်ဆီးပြီး ပြည်သူ ၉ ဦး အသတ်ခံရ

ကန့်ဘလူ၊ ဩဂုတ် ၂၄
News Ambassador

စစ်ကိုင်းတိုင်း ၊ ကန့်ဘလူမြို့နယ်တွင် ပြီးခဲ့သည့် ၅ ရက်အတွင်း အာဏာသိမ်း စစ်ကော်မရှင် စစ်ကြောင်း၏ လက်ချက်ကြောင့် နေအိမ် ၄၀၀ ကျော် ပျက်စီးခဲ့ပြီး ပြည်သူ ၉ ဦး အသတ်ခံခဲ့ရကြောင်း ဒေသတွင်းသတင်းရင်းမြစ်များထံမှ သိရသည်။

အာဏာသိမ်းစစ်တပ်နှင့် ပျူစောထီး စုပေါင်းအင်အား ၂၀၀ ကျော်ပါ စစ်ကြောင်းသည် ဩဂုတ်လ ၁၆ ရက်မှ ၂၀ ရက်နေ့အထိ ကန့်ဘလူမြို့နယ်အတွင်းရှိ ရွာမရွာသစ်ရှိ နေအိမ် ၄ လုံး၊ ထိန်တောရွာမှ နေအိမ် ၇၅ လုံး၊ အင်္ဂါဒေါင့်ရွာမှ နေအိမ် ၃၁ လုံး၊ သရက်တာရွာမှ နေအိမ် ၇၈ လုံး၊ ကိုင်းရိုးရွာမှ နေအိမ် ၁၂ လုံးနှင့် ကျေးပင်အက်ရွာမှ နေအိမ် အလုံး ၂၃၀ ၊ စာသင်ဆောင် ၄ ဆောင်၊ စုစုပေါင်း နေအိမ် ၄၃၀ နှင့် စာသင်ဆောင် ၄ ဆောင် တို့ကို မီးရှို့ဖျက်ဆီးခဲ့ကြောင်း ကျွန်းလှ- ကန့်ဘလူတက်ကြွလှုပ်ရှားသူများအဖွဲ့- ကန့်ဘလူခရိုင် က သတင်းဖော်ပြလာသည်။

ယင်းအပြင် စစ်ကြောင်းနှင့် ပိတ်မိသည့် ပြည်သူ ၉ ဦးလည်း အသတ်ခံခဲ့ရကြောင်း ဆိုထားသည်။

“ပြည်သူတွေ ပျောက်တာက စုစုပေါင်း ၉ ယောက်၊ ထိန်တောဘက်မှာ မီး-ရှို့သ-တ်ထားတာ ၅ ယောက်လို့ပြောတယ်။ ကျွန်တော်တို့ရွာ ကျေးပင်အက်မှာ အလောင်း ၄ လောင်းတွေ့တယ်။ ဘယ်သူဘယ်ဝါတော့ မှန်းလို့မရဘူး။ ပျောက်ဆုံးနဲ့ လိုက်စစ်နေရတာ။ ကျွန်တော်တို့ရွာမှာ သ-တ်သွားတာ တော်တော်ဆိုးပါတယ်ဗျာ။ ဓား-နဲ့ခု-တ်သ-တ်ပြီး အလောင်းတွေ မီး-ရှို့သွားတာဗျ။ ကျွန်တော်တို့ရွာက အသက်၅၀ ဝန်းကျင် ကိုမိုးညိုတစ်ယောက်ရှာမတွေ့ဘူး၊ ပျောက်နေတယ်။ အခုတော့ သေဆုံးစာရင်းထဲ ထည့်လိုက်ပြီ။ ကျနော်တို့ရွာက နှစ်ရက်ပေါင်း ၅ ကြိမ်ရှို့ခံရတော့ အိမ်ခြေ ၂၃၀ တောင် မီးလောင်ပျက်စီးတာကြောင့် ယာယီတဲထိုးနေဖို့တောင် အတော်ခက်ခဲပါတယ်။ အကူညီတွေရှိရင်လည်း ကူညီပေးကြဖို့ တောင်းဆိုပါတယ်” ဟု ကျေးပင်အက်ရွာ ဒေသခံတစ်ဦးက ပြောကြောင်း သတင်းတွင် ဖော်ပြထားသည်။

စစ်ကြောင်းသည် ဩဂုတ်လ ၂၁ ရက်နေ့တွင် ကျေးပင်အက်ရွာမှ ငှက်ပျောတိုင်းရွာသစ် အထိုင်စခန်းသို့ ဝင်ရောက်ကာ ပေကြီးရွာသို့ ထပ်မံထွက်ခွာပြီး‌ နောက်တစ်ရက်တွင် ယမနေ ပျူစောထီး အထိုင်စခန်းသို့ ဝင်ရောက်ခဲ့ကြောင်း သိရသည်။

ဩဂုတ်လ ၂၃ ရက်နေ့တွင် ဘူးကုန်းရွာဘက်သို့ ဆက်လက် စစ်ကြောင်းထိုးဝင်ရောက်ခဲ့ပြီး တော်လှန်‌ရေးအဖွဲ့အစည်းများဖြင့် ထိတွေ့တိုက်ပွဲဖြစ်ခဲ့ကြောင်း ၊ ယနေ့တွင် ကျီကျင်းရွာဘက်သို့ စစ်ကြောင်းထိုး ဝင်ရောက်ကာ ကျီကျင်းရွာအား မီးရှို့ဖျက်ဆီးနေကြောင်း ဖော်ပြထားသည်။

20/08/2025

မော်လိုက်မြို့ ၊ ထော်သာ (ပျူစောထီးရွာ) စခန်းကို PDF တို့ တိုက်ခိုက် သိမ်းပိုက်၊ ပျူခေါင်းဆောင် အပါအဝင် ရွာသူ/သား ၁၉၀ ခန့် ဖမ်းမိ ဟု ဆို

မော်လိုက်၊ ဩဂုတ် ၂၀
News Ambassador

စစ်ကိုင်းတိုင်း၊ မော်လိုက်မြို့နယ်ရှိ ပျူစောထီးခေါင်းဆောင် အဲပန် ဦးစီးသည့် အာဏာသိမ်းစစ်တပ် တပ်ဖွဲ့ဝင်များ အခြေချရာ ထော်သာရွာ (ပျူစောထီး) စခန်းကို တိုက်ခိုက် သိမ်းပိုက်ခဲ့ကြောင်း စစ်ဒေသ ၁ က သတင်းထုတ်ပြန်လာသည်။

မော်လိုက်ခရိုင် PDF တပ်ရင်း (၂၊ ၄) နှင့် ဖောင်းပြင်မြို့နယ် ပကဖ ၊ မော်လိုက်မြို့နယ် ပကဖ တို့က ဩဂုတ် (၁၅) ရက်နေ့တွင် တိုက်ခိုက်သိမ်းပိုက်ခဲ့ခြင်းဖြစ်ကြောင်း သိရသည်။

ထော်သာရွာစခန်း သိမ်းပိုက်နေစဉ် ချင်းတွင်းမြစ်ကြောင်းအတိုင်း စုန်ဆင်းလာသော ဖလက်ခွံများပေါ်မှ စစ်ကောင်စီတပ်ဖွဲ့ဝင် အင်အား (၁၃၀) ခန့်နှင့် တောင်းအင်ရွာမှ အင်အား (၅၀) ခန့်သည် စစ်ကူပေးရန် အင်းတပေါင်းရွာသို့ ထိုးစစ်ဆင် တိုက်ခိုက်ခဲ့‌သော်လည်း ထော်သာရွာအား အောင်မြင်စွာ သိမ်းပိုက်နိုင်ခဲ့သည်ဟု သတင်းထုတ်ပြန်ချက်အတွင်း ဖော်ပြထားသည်။

တိုက်ပွဲအတွင်း စစ်ကောင်စီထံမှ ၆၀ မမ စိန်ပြောင်းနှင့် RPG အပါအဝင် လက်နက် (၂၃) လက်၊ ခဲယမ်းအချို့နှင့် ငွေကျပ် သိန်း (၁၅၀) ကျော် သိမ်းဆည်းရမိသည်ဟု သိရသည်။

တိုက်ပွဲအတွင်း စစ်ကောင်စီ နှင့် ပျူစောထီး အလောင်း (၃) လောင်း ရရှိပြီး ပျူစောထီး ခေါင်းဆာင် အဲပန် အပါ ပျူစောထီးများ၏ မိသားစုဝင် (၁၉၀) ဦးအား ဖမ်းဆီးရမိခဲ့ကြောင်း ဆိုထားသည်။

တိုက်ပွဲဖြစ်ပွားစဉ် စစ်ကောင်စီ၏ တံတားဦးလေတပ်မှ တက်လာသော Yak-130 (၁) စီးဖြင့် ဗုံး (၂) လုံးကြဲချ တိုက်ခိုက်ခဲ့ပြီး စစ်ရေယာဉ်များပေါ်မှလည်း ဒရုန်းဖြင့် ဗုံးကြဲ တိုက်ခိုက်ခဲ့သည်ဟု ထုတ်ပြန်ချက်တွင် ဖော်ပြထားသည်။

15/08/2025

မိုးကုတ်မြို့ လင်းရောင်ခြည်ဘုန်းကြီး ကျောင်းကို စစ်တပ်က ဗုံးကြဲချ ၊ကိုယ်ဝန်ဆောင်မိခင်
အပါအဝင်ပြည်သူ ၂၁ဦး သေဆုံး

ရန်ကုန် ၊ ဩဂုတ် ၁၅
Newsambassador

မန္တလေးတိုင်း ၊ မိုးကုတ်မြို့ရှိ လင်းရောင်ခြည် ဘုန်းကြီးကျောင်းကို စစ်တပ်က ဗုံးကြဲချခဲ့ခြင်းကြောင့် ပြည်သူ ၂၁ဦးသေဆုံးခဲ့သည်ဟု မိုးကုတ်ဗျူဟာက ပြောကြားသည်။

အဆိုပါ ဘုန်းကြီးကျောင်းကို ဩဂုတ် ၁၄ရက်နေ့ ည ၈နာရီခန့်က ဂျက်ဖိုက် တာ ဖြင့်ပေါင် ၅၀၀ ဗုံး ကြဲချခဲ့ကြောင်း၊ လေကြောင်းတိုက်ခိုက်မှု ကြောင့် ကိုယ်ဝန်ဆောင်မိခင်အပါအဝင် ၂၁ဦးသေဆုံးခဲ့သည်ဟု ဒေသခံတစ်ဦးက ဆိုသည်။

“ မီးဖွားမယ့် အိမ်ကို သတင်းလာမေး ကြတဲ့ အိမ်နီးနားချင်းတွေပါ သေဆုံးကြတာပါ “ဟု ၎င်း ကဆိုသည်။

အလားတူဩဂုတ် ၉ ရက်နေ့ကလည်း ဗုံးကြဲတိုက်ခိုက်ခဲ့ခြင်းကြောင့်ဘုန်းတော်ကြီးတစ်ပါး ပျံလွန်တော်မူခဲ့ပြီးပြည်သူ လေးဦး သေဆုံးကာသုံးဦးဒဏ်ရာရခဲ့သည်ဟု သိရသည်။

13/08/2025

သွင်းကုန် ၃၅မျိုးကို စစ်ကောင်စီ က တင်သွင်းခွင့်ပိတ်

ရန်ကုန် ၊ ဩဂုတ် ၁၃
Newsambassador

ပြည်ပမှ တင်သွင်းသည့် လူ့သုံးကုန် နှင့် အိမ်သုံးပစ္စည်း ၃၅မျိုးကို စစ်ကောင် စီက လိုက်ကြောင်း တင်သွင်းခွင့် ပိတ်လိုက် ကြောင်း ကုန်စည်ပို့ဆောင်ရေးလုပ်ဆောင် နေသူများက ပြောကြားသည်။

“ နယ်စပ်ကုန်သွယ်မှုရော ၊ပင်လယ်ရေ ကြောင်းက ပါ ပိတ်လိုက်တာပါ ။ပြီးခဲ့တဲ့ လထဲက ဒီကြေငြာချက်က ထွက်နေတာဗျ။
ခြေညှပ် ဖိနပ်၊ခေါက်ဆွဲ၊ကြာဇံ၊သကြား လုံး ၊ဘီစကွတ်အပါ အဝင် ၃၅မျိုးပိတ်လိုက် တာပါ။မြဝတီ ဘက်မှာ အစစ်အဆေး တွေလည်းကြမ်းနေတော့ ဘာပစ္စည်းမှသယ် မရဖြစ်နေတယ်။စျေးကွက်ထဲ မှယိုးဒယား ကုန်စည်တွေက စျေးတွေ ပိုတက်လာနိုင်တယ်။” လို့ မြဝတီမှ ကုန်သည်တစ်ဦးက ဆိုသည်။

ပြည်ပမှ တင်သွင်းခွင့် ပိတ်လိုက်သည့်ကုန်ပစ္စည်း ၃၅မျိုးမှာ လူကြီးသုံးဒိုင်ဘာ ၊အမွှေးတိုင်၊ခေါက်ဆွဲ၊ကြာဇံ၊သကြားလုံး၊ ဘီစကစ်၊ပဲငံပြာရည်၊ဘထ္ထရီ၊ပရုတ်လုံး၊မီးလုံး၊တစ်ရှူး၊သွားတိုက်ဆေး၊ ဆပ်ပြာ၊တာယာနဲ့ ကျွတ်စသည်တို့ပါဝင်သည်။

စစ်ကောင်စီသည် ပြီးခဲ့သည့် ရက်ပိုင်းကလည်း မြန်မာနိုင်ငံ အထက်ပိုင်းသို့ အမျိုး သမီးလစဉ်သုံးပစ္စည်းအပါအ ဝင် ဆေးဝါး ၊စက်သုံးဆီ၊ လျှပ်စစ်ပစ္စည်း၊ ဓာတ်မြေ ဩ ဇာနှင့်သံထည်ပစ္စည်းများကို ကန့်သတ်ပိတ် ပင်ခဲ့သည်။

ပုံစာ - ဖျက်သိမ်းလိုက်ပြီ ဖြစ်သောနိုင်ငံခြားသုံးငွေကြီးကြပ်ရေးကော်မတီ၏ တင်သွင်းခွင့်ပိတ်လိုက်သော ကုန်ပစ္စည်းများ

11/08/2025

တမူးမြို့နယ် နန်မွန်းတားရွာတိုက်ပွဲ စစ်ကောင်စီတပ်ဖွဲ့ဝင် ၆ ဦး နှင့် တော်လှန်ရေးရဲဘော် ၅ ဦး ကျဆုံး

တမူး၊ ဩဂုတ် ၁၁
News Ambassador

စစ်ကိုင်းတိုင်း၊ တမူးမြို့နယ် ရန်ငြိမ်းအောင်ရွာတွင် အခြေပြုသော စစ်ကောင်စီတပ် ခလရ ၂၂၈ နှင့် ပြည်သူ့စစ် ပူးပေါင်းစစ်ကြောင်းသည် တော်လှန်ရေးတပ်ဖွဲ့ဝင်များ ထိန်းချုပ်ထားသော နန်မွန်းတားရွာဘက်သို့ ထိုးစစ်ဆင်လာရာမှ တိုက်ပွဲဖြစ်ပွားခဲ့ကြောင်း သိရသည်။

ဩဂုတ် ၅ ရက်နေ့မှစတင်၍ နန်မွန်းတားရွာသို့ ထိုးစစ်ဆင်တိုက်ခိုက်ခဲ့ပြီး ဩဂုတ် ၈ ရက်နေ့တွင် ပြန် လည်ဆုတ်ခွာသွားခဲ့ကြောင်း အမှတ် ၁ စစ်ဒေသက သတင်းထုတ်ပြန်လာသည်။

ဩဂုတ် ၈ ရက်နေ့တွင် နန်မွန်းတားရွာ ဘုရားကျောင်းသို့ အာဏာသိမ်းစစ်တပ်ဘက်က Yak-130 တိုက်လေယာဉ် (၁) စီးဖြင့် ပေါင် (၂၅၀) ဗုံး (၂) လုံးကြဲချ တိုက်ခိုက်ပြီး MIG-29 လေယာဉ် (၁) စီးဖြင့် Cluster ဗုံးကြဲချ တိုက်ခိုက်ခဲ့သည့်အပြင် OWA အသေခံဒရုန်း အမျိုးအစားများကိုလည်း အသုံးပြုခဲ့သည်ဟု စစ်ဒေသ ၁ က ဆိုသည်။

အဆိုပါ တိုက်ပွဲအတွင်း အာဏာသိမ်းစစ်တပ်ဘက်က ၆ ဦးသေဆုံးပြီး လက်နက် (၉) လက် နှင့် ခဲယမ်းအချို့ သိမ်းဆည်းရမိခဲ့ကြောင်း ဆိုထားသည်။

တိုက်ပွဲတွင် တော်လှန်ရေးပူးပေါင်းတပ်ဘက်မှ တမူးခရိုင် စစ်ကြောင်း၊ မော်လိုက်ခရိုင် စစ်ကြောင်း၊ ကလေးခရိုင် စစ်ကြောင်း၊ KNA(B)၊ NLA နှင့် CNA တပ်ဖွဲ့တို့ ပူးပေါင်းတိုက်ခိုက်ခဲ့ပြီး တော်လှန်ရေးရဲဘော် ၅ ဦး ကျဆုံးကာ လက်နက် ၃ လက် ဆုံးရှုံးခဲ့ကြောင်း ထုတ်ပြန်ချက်အတွင်း ဖော်ပြထားသည်။

https://t.me/newsambassadormedia/4706

News Ambassador - TV

08/09/2025

07/09/2025

06/09/2025

04/09/2025

03/09/2025

25/08/2025

25/08/2025

24/08/2025

20/08/2025

15/08/2025

13/08/2025

11/08/2025

Address

Telephone

Website

Alerts

Contact The Business

Shortcuts

Share