23/07/2025
စတာလင် ကို ခေါ်ယူချင်နေပြီး ရှာကာကို ဆက်ရှိစေချင်တဲ့ တန်ဟတ်
လေဗာကူဆင်အသင်းကို ကိုင်တွယ်နေတဲ့ မန်ချက်စတာယူနိုက်တက် နည်းပြဟောင်း အဲရစ်တန်ဟတ်ဟာ အင်္ဂလန်တောင်ပံကစားသမား ရာဟင်းစတာလင် ကို ခေါ်ယူဖို့ စိတ်ဝင်စားနေတယ်လို့ ကြားသိရပါတယ် ။ စတာလင်ဟာ အာဆင်နယ်အသင်းဆီကို မနှစ်က ဘောလုံးရာသီမှာ အငှားထွက်ကစားခဲ့ပြီး လက်ရှိမှာတော့ ချဲလ်ဆီးအသင်းဆီ ပြန်လည် ရောက်ရှိနေပါပြီ ။
ဒါ့အပြင် တန်ဟတ်ဟာ ဆန်းဒါးလန်းအသင်းဆီ ပြောင်းရွှေ့ဖို့ စိတ်ကူးနေတဲ့ အာဆင်နယ်အသင်းခေါင်းဆောင်ဟောင်း ဂရန်းနစ် ရှာကာ ကို အသင်းမှာ ဆက်ရှိနေဖို့ လိုလားတယ်လို့လည်း ထုတ်ဖော်ပြောဆိုသွားခဲ့ပါတယ် ။ တန်ဟတ်က သူတို့အသင်း ( လေဗာကူဆင် ) ဟာ ဖလော်ရီယန်ဗက် ၊ ဖရင်းပေါင် ၊ ဂျော်နသန်တက် တို့လို အဓိကကစားသမားတွေကို အခုနွေရာသီမှာ လက်လွှတ်ထားရတာကြောင့် ရှာကာလို အသင်းနဲ့ စာချုပ်သက်တမ်း ၃ နှစ် ကျန်ရှိနေသေးတဲ့ အဓိကကစားသမားတစ်ယောက်ကို ထွက်ခွာဖို့ ခွင့်မပြုနိုင်ကြောင်း ပြောဆိုသွားခဲ့ပါတယ် ။
