13/01/2024
🐂နွားနှစ်ဖွားများ🐂
ယခုနှစ်မှာတော့ အရေထူတဲ့ နွားကြီးတွေကတော့ ထိုက်စွေ့ရဲ့အဖျားခတ် ခြေနဲ့ကန်ခြင်းကို ခံရမှာဖြစ်တဲ့ အတွက် ကောင်းတဲ့နှစ်တနှစ်တော့ မဟုတ်ပါဘူး...တရုတ်ရိုးရာအယူအဆအရ နဂါးနှင့်နွားသည် မတည့်တာကြောင့် "အဆင်းကို ဘီးတပ်"ပေးသလို ရှယ်ဇွန်းတပ်ပြီး ခံရနိုင်ပါတယ်...(ထိုက်စွေ့ကျတဲ့အထဲမှာမှ February,March, September, December)လတွေမှာမွေးတဲ့သူတွေကထိုက်စွေ့ရဲ့ ဒဏ်ကို အပြင်းအထန် ခံစားရနိုင်ပါတယ်...
ယခုနှစ်တွင် နွားကြီးများသည် သစ္စာဖောက်ခံရခြင်း၊နောက်ကျောကိုဓားနဲ့ထိုးခံရခြင်း၊အထင်အမြင်လွဲခံရခြင်း၊ချောက်ချခံရခြင်း၊ထိုးကျွေးခံရခြင်း"ဂျိုပေါ်ဂျိုဆင့်ခံရခြင်း တို့နှင့်ကြုံတွေ့ရနိုင်ပါတယ်...နွားကြီးများသည် အတတ်နိုင်ဆုံး ရန်ကိုရှောင်သင့်ပြီး ငြိမ်ငြိမ်လေးနေကာ တိတ်တိတ်ဆိတ်ဆိတ်နှင့် ကိုယ်လုပ်စရာရှိတဲ့ အရာတွေကိုသာ အာရုံစိုက်လုပ်ကိုင်နေခြင်းက အကောင်းဆုံးဖြစ်ပါလိမ့်မည်...
နွားကြီးများသည် ယခုနှစ်တွင်အလုပ်အကိုင်၊အသက်မွေး၀မ်းကြောင်းအလုပ်နဲ့ ပတ်သတ်ပြီး အသစ်စတင်ခြင်း၊ရင်းနှီးမြှပ်နှံခြင်းများ လုပ်ဆောင်ရန်မသင့်ပါ...ဒီနှစ်ကနွားကြီးများရဲ့ နှစ်မဟုတ်ပါ ထို့ကြောင့် တိုးတက်ကောင်းမွန်ဖို့ မမျှော်လင့်ပါနှင့် တရားနဲ့သာဖြေနိုင်အောင် ဖြေဖို့လိုအပ်ပါတယ်...နွားကြီးတွေက တခုမှကောင်းတာမရှိဘူးဆိုပေမယ့် တကယ်အခက်အခဲအကြပ်အတည်းနှင့် ဘာလုပ်လို့ ဘာကိုင်ရမှန်းမသိ ဖြစ်လာတဲ့အခါမှာ မမျှော်လင့်ထားတဲ့သူ တယောက်ယောက်ဆီက အကူအညီ တခုသို့မဟုတ် တခုထက်မနဲ ရရှိတာမျိုး ကြုံရနိုင်ပါတယ်...(နွားကြီးများအတွက် အဆိုးထဲကအကောင်းပေါ့)...အဟိ
ယခုနှစ်တွင် နွားကြီးများသည် ငွေရေးကြေးရေးနှင့် ပတ်သတ်ပြီး ကိုယ်လုပ်တဲ့ အလုပ်အကိုင်အပေါ်မူတည်ပြီး ငွေ၀င်နိုင်ချေရှိသော်လည်း အရင်နှစ်ကထက် ပိုကြိုးစားဖို့ လိုအပ်ပါတယ်...ငွေချေးငှားခြင်း၊ရှယ်ယာထည့်ခြင်းများကို အထူးရှောင်ကြဉ်ပါ လုံး၀ လုံး၀မလုပ်ပါနှင့် လုပ်မိပါက "စားစရာမရှိလို့ လက်ဝှေ့တက်ထိုးတာ ဝါးစရာသွားပါ မရှိတော့ဘူး"ဆိုတဲ့အဖြစ်နဲ့ကြုံရနိုင်ပြီး ကံမကောင်းရင် အမှုအခင်း၊ပြဿနာအရှုပ်အရှင်းတွေနဲ့
စိတ်ရှုပ် စိတ်သောကရောက်နိုင်ပါတယ်...ဒီအချက်ကိုနွားကြီးများ အထူးအထူး သတိထားသင့်ပါတယ်...
ယခုနှစ်တွင် အချစ်ရေးနဲ့ပတ်သတ်ပြီး ကံကောင်းမဲ့အထဲမှာ နွားကြီးတွေမပါ၀င်ပါဘူး..."ကိုယ်ကမွေး သူများစား" ဆိုတဲ့အခြေအနေမျိုးတွေနဲ့ပဲ ကြုံရနိုင်ပါတယ်...မဖြစ်နိုင်တဲ့အရာတွေကို မျှော်မှန်းလို့ရတဲ့ အထဲမှာ နွားကြီးတွေ မပါပါဘူး ထို့ကြောင့်အချစ်ရေးမှာ အရာရာကို အလျော့ပေးသည်းခံပြီး ပေပေတေတေ နှင့် ကြုံလာသမျှအရာတွေကို အသံမထွက်ပဲ ကြိတ်ခံခြင်းက ကိုယ့်အတွက်ပိုကောင်းပါတယ်...ထိုသို့ခံလိုက်ခြင်းက တချိန်ချိန်မှာ ကိုယ့်အပေါ်ကောင်းတဲ့ သူကိုရရှိပိုင်ဆိုင်နိုင်ပါတယ်...(နွားကြီးများအတွက် မျက်ရည်2စက်)
ယခုနှစ်တွင် ကျန်းမာရေးနှင့် ပတ်သတ်ပြီး နွားကြီးများမှာ ကြီးကြီးမားမား ဆိုးဆိုးဝါးဝါး မခံရသော်လဲ "စိတ်ထောင်းရင် ကိုယ်ကြေ"တာမို့လို့ အထူးဂရုစိုက်ဖို့လိုအပ်ပါတယ်...စိတ်ချမ်းသာစေမယ့်အရာတွေကို လုပ်ခြင်းဖြင့် သင့်ကျန်းမာရေးကို မြှင့်တင်လိုက်ပါ...
နွားကြီးများအတွက် ကံကောင်းစေသော အရောင်မှာ အစိမ်းရောင်၊အဖြူရောင်၊ရွှေရောင် ဖြစ်ပြီး ကံကောင်းစေသော ဂဏန်းမှာ(1၊3)ဖြစ်ပါတယ် ကံကောင်းစေသောလမှာ (May, February, December )တို့ဖြစ်ပြီး ကံမကောင်းစေသောလမှာ (April, November)တို့ပဲဖြစ်ပါတယ်...
