သတင္းစံု, Yangon (2025)

26/06/2025

ကမ္ဘာမှာအကြီးဆုံးငလျင်ကြီး(3)ခုနှင့်တိုက်ဆိုင်မှု့များ။
1960 May 22 ရက်နေ့တွင်ကမ္ဘာ့သမိုင်းမှာအကြီးမားဆုံးငလျင်ကြီး၊ပြင်းအား(9.5)နဲ့ချီလီနိုင်ငံမှာလှုပ်ခတ်သွားခဲ့ပါတယ်။ငလျင်ကြီးမလှုပ်ခင်တစ်ရက်နှစ်ရက်လောက်အလိုမှာပုံတွင်ပြထားသည့်အတိုင်း၊
Venus-Sun-Neptune တစ်တန်းတည်းကျပါတယ်။
Earth-Moon-Mars တစ်တန်းတည်းကျပါတယ်။
Mars-Mercury-Uranus တစ်တန်းတည်းကျပါတယ်။
Mercury-Sun-Jupiter တစ်တန်းတည်းကျပါတယ်။
---------------
2004 Dec 25-26 အင်ဒိုနီးရှားနိုင်ငံ Sumatra ကျွန်းအနီးမှာကမ္ဘာ့ဒုတိယအကြီးဆုံးငလျင်ကြီး၊ပြင်းအား(9.3)နဲ့လှုပ်ခတ်ခဲ့ပါတယ်။အဲဒီရက်ပိုင်းတွေမှာလဲပုံတွင်ပြထားသည့်အတိုင်း၊
Moon-Earth-Mars တစ်တန်းတည်းကျပါတယ်။
Mercury-Sun-Uranus တစ်တန်းတည်းကျပါတယ်။
Moon-Earth-Venus တစ်တန်းတည်းကျပါတယ်။
Moon-earth-mercury တစ်တန်းတည်းကျပါတယ်။
Sun-Venus-Mars တစ်တန်းတည်းကျပါတယ်။
Mon-Earth-Sun တစ်တန်းတည်းကျပါတယ်။
Venus-Mercury-Earth တစ်တန်းတည်းကျပါတယ်။
-------------------
1964 Mar 27-28, Alaska မှာကမ္ဘာ့တတိယအကြီးဆုံးငလျင်ကြီး၊ပြင်းအား(9.2)နဲ့လှုပ်ခတ်ခဲ့ပါတယ်။အဲဒီရက်ပိုင်းတွေမှာလဲပုံတွင်ပြထားသည့်အတိုင်း၊
Mars-Mercury-Uranus တစ်တန်းတည်းကျပါတယ်။
Mon-Earth-Mars တစ်တန်းတည်းကျပါတယ်။
Mars-Venus-Uranus တစ်တန်းတည်းကျပါတယ်။
Mon-Earth-Sun တစ်တန်းတည်းကျပါတယ်။
Mercury-Venus-Uranus တစ်တန်းတည်းကျပါတယ်။
------------------
ဒီလိုဂြိုလ်တွေတစ်တန်းတည်းကျတဲ့ရက်သို့မဟုတ်၊နောက်တစ်ရက်၊နှစ်ရက်၊သုံးရက်လောက်မှာကမ္ဘာ့မြေဆွဲအား( gravitational force )အနည်းငယ်အပြောင်းအလဲရှိတတ်ပါတယ်။ ဒီအပြောင်းအလဲတွေကြောင့်ငလျင်ကြီးတွေလှုပ်ခတ်တတ်ပါတယ်။လှုပ်ခတ်မည်ဟုအတိအကျမဆိုနိုင်ပါ။လေ့လာနေဆဲပညာရပ်အသစ်ဖြစ်ပါသည်။သို့သော်သတိထားရပါမည်။
-
အလွန်ထူးခြားတာတစ်ခုက(Earth-Moon-Mars)သို့မဟုတ်(Mon-Earth-Mars)တစ်တန်းတည်းကျနေတဲ့အချိန်တွေမှာ(9+)ငလျင်ကြီးတွေနဲ့သွားပြီးတိုက်ဆိုင်မှု့ရှိနေတာကိုတွေ့ရှိရပါတယ်။ဘာကြောင့်လဲဆိုတာကတော့မသိပါ။
-
Mar 28, 2025 မန်းလေး-စစ်ကိုင်းငလျင်ကြီးပြင်းအား(7.7)နဲ့လှုပ်ခတ်ခါနီးရက်ပိုင်းတွေမှာလဲအောက်ပါအတိုင်းဂြိုလ်တွေတစ်တန်းတည်းကျခဲ့ဖူးပါတယ်။
Earth-Moon-Saturn တစ်တန်းတည်းကျပါတယ်။
Earth-Moon-Venus တစ်တန်းတည်းကျပါတယ်။
Earth-Moon-Neptune တစ်တန်းတည်းကျပါတယ်။
Earth-Moon-Mercury တစ်တန်းတည်းကျပါတယ်။
-
သို့သော်အဆိုးထဲကအကောင်းတစ်ခုက၊မန်းလေး-စစ်ကိုင်းငလျင်ကြီးလှုပ်ခတ်ခဲ့စဥ်က (Earth-Moon-Mars)သို့မဟုတ်(Mon-Earth-Mars)တစ်တန်းတည်းကျတာမျိုးမဖြစ်ခဲ့ပါဘူး။တစ်ကယ်လို့သာအဲဒီဂြိုဟ်သုံးလုံးအတွဲသာတစ်တန်းတည်းကျခဲ့မယ်ဆိုရင်ဒီထက်ပိုပြီးအင်အားကြီးသွားနိုင်မလားဆိုတာကတော့ဘုရားပဲသိနိုင်မှာဖြစ်ပါတယ်။
-
ဘာပဲဖြစ်ဖြစ်ပါ၊အတိတ်သမိုင်းကိုပြန်ကြည့်မယ်ဆိုရင်တိုက်ဆိုင်မှု့တွေရှိနေတာကတော့ထူးဆန်းနေပါတယ်။ဘယ်လိုအကြောင်းတရားတွေကြောင့်ဒီလိုဆက်စပ်ပြီးတိုက်ဆိုင်မှု့တွေဖြစ်နေရတယ်ဆိုတာကတော့ကျွန်တော်လဲသေချာမသိပါ။
-
အဓိကပြောချင်တာက၊အခုလာမယ့် Jun 28-29-30 ရက်တွေမှာလဲ၊ပုံတွေမှာပြထားတဲ့အတိုင်းပဲ
Mercury-Venus-Saturn တစ်တန်းတည်းကျပါတယ်။
Mars-Mercury-Neptune တစ်တန်းတည်းကျပါတယ်။
Venus-Mercury-Mars တစ်တန်းတည်းကျပါတယ်။
Earth-Moon-Mars တစ်တန်းတည်းကျပါတယ်။
Mercury-Venus-Neptune တစ်တန်းတည်းကျပါတယ်။
Mars-Venus-Neptune တစ်တန်းတည်းကျပါတယ်။
-
Jun 30 ရက်နေ့နဲ့နောက်ပိုင်းရက်တွေမှာအထူးသတိထားရမှာက Earth-Moon-Mars တစ်တန်းတည်းကျတာကပြန်ပါလာပါတယ်။ဒါကြောင့် Jun လကုန်ရက်ပိုင်းတွေနဲ့ July လအစပိုင်းရက်တွေမှာ(9+)ငလျင်ကြီးတစ်ခုခုနဲ့တိုက်ဆိုင်မှု့နောက်တစ်ခုများဖြစ်ပေါ်လာမလားဆိုတဲ့စိုးရိမ်စိတ်နဲ့သတိပေးချင်လို့သေချာသုတေသနပြုပြီးဒီပို့စ်ကိုရေးပေးလိုက်ရခြင်းဖြစ်ပါတယ်။ အထူးသဖြင့်ပစိဖိတ်သမုဒ္ဒရာပါတ်ဝန်းကျင်ကိုအလွန်စိုးရိမ်ပါတယ်။
-
တိုက်ဆိုင်မှု့ရှိလာသည်ဖြစ်စေ၊မရှိလာဘူးဖြစ်စေ။ Jun လကုန်ရက်ပိုင်းတွေနဲ့ July လအစပိုင်းရက်တွေမှာအထူးသတိနဲ့နေထိုင်သင့်ပါတယ်။ငလျင်ပြင်းအား(7+,8+,9+)ဘာမဆိုဖြစ်နိုင်ခြေရှိပါတယ်။အလွန်အင်အားကြီးငလျင်ကြီးတွေနဲ့ဆူနာမီတွေဖြစ်လာနိုင်လို့ပင်လယ်နဲ့နီးတဲ့နေရာတွေကိုလဲကြိုတင်ပြီးရှောင်ရှားထားသင့်ပါတယ်။ဖြစ်မယ်လို့တိတိကျကျတော့မပြောနိုင်ပါ။
-
ဂြိုလ်၊နေ၊လ၊ကမ္ဘာ့၊အနေအထားအခြေအနေတွေကြောင့်ကမ္ဘာ့(gravitational force )အနည်းငယ်ပြောင်းလဲခြင်းနှင့်၊ငလျင်တိုက်ဆိုင်မှု့ရှိ၊မရှိကတော့နည်းပညာအသစ်ဖြစ်နေလို့ပညာရှင်တွေလေ့လာနေဆဲပါ။သုတေသနတွေအရ၊တိုက်ဆိုင်မှု့တွေလဲရှိနေပါသည်။ဒီပညာရပ်အသစ်ကိုကျွန်တော်ကိုယ်တိုင်လဲစတင်လေ့လာနေဆဲအနှိမ့်ဆုံးအဆင့်ပါ။
-
သို့သော်၊ဂြိုဟ်တွေတစ်တန်းတည်းကျတာတစ်ခုတည်းကိုကြည့်ပြီးအတတ်ပြောလို့တော့မပြည့်စုံမမှန်ကန်နိုင်သေးပါဘူး။အဲဒီရက်ပိုင်းတွေမှာဖြစ်ပေါ်လာမယ့် Solar Coronal Hole တွေရဲ့အခြေအနေတွေကိုလည်းထည့်သွင်းစဥ်းစားဖို့လိုအပ်ပါသေးတယ်။ဒါကြောင့်လကုန်ရက်နီးလာတော့မှ Coronal Hole တွေရဲ့အခြေအနေတွေကိုကြည့်ပြီးပြန် Confirm လုပ်ရပါမယ်။
-
တစ်ကယ်လို့ဂြိုဟ်တွေတစ်တန်းတည်းကျနေတာရော၊ Coronal Hole တွေက geo-effective position ရောက်နေတာတွေရောကြုံဆုံလာခဲ့ကြမယ်ဆိုရင်တော့အလွန်ကြောက်စရာကောင်းပါတယ်။အဲဒီလိုနှစ်မျိုးစလုံးတိုက်တိုက်ဆိုင်ဆိုင်ကြုံလာရင်တော့ဖြစ်နိုင်ခြေအလွန်များသွားပါပြီ။ဒါကြောင့်လကုန်ရက်နီးလာတော့မှ Coronal Hole အခြေအနေတွေကိုကြည့်ပြီးသေချာပြန်တင်ပြပေးပါဦးမယ်။
-
တစ်ကမ္ဘာလုံးအတွက်သတိထားရပါမယ်။ခြိမ်းခြောက်နေတာလဲမဟုတ်သလို၊ဘယ်သူမှတော့အတိအကျကြိုတင်ပြီးမသိနိုင်ပါဘူး။သို့သော်Jun လအကုန်နဲ့ July လအစပိုင်းရက်တွေမှာအကောင်းဆုံးကိုမျှော်လင့်ထားပြီး၊အဆိုးဆုံးအတွက်သတိဝိရိယ၊ကြိုတင်ပြင်ဆင်မှု့တွေနဲ့နေထိုင်ကြမယ်ဆိုရင်တော့ဘာမှအကျိုးယုတ်စရာ၊နစ်နာစရာမရှိနိုင်ပါဘူး။
-
တစ်ကမ္ဘာလုံးဘေးကင်းကြပါစေ။
Post creater - Kelvin Albert Power

04/06/2025

အမေ့အတွက် ဇနီးကို စွန့်လွှတ်ခဲ့ရတဲ့ သားတစ်ဦး၏ ရင်နာစရာအဖြစ်အပျက်

ထိုင်းနိုင်ငံမှ အမျိုးသားတစ်ဦးဖြစ်သူ Udomporn သည် သူ၏ဇနီးနှင့် မသန်စွမ်းအမေကြီးအကြား ရွေးချယ်မှုတစ်ခုကို ရင်ဆိုင်ခဲ့ရပြီး အဆုံး၌ မိခင်ကိုသာ ဦးစားပေးခဲ့သည်။ သူ၏ဇနီးက "ကျမနဲ့ ရှင့်အမေ ၂ ယောက်ထဲက တစ်ယောက်ကိုရွေးပါ။ အမေကိုရွေးရင် ကျမရှင်ဆီကနေ ထွက်သွားမယ်" ဟု နောက်ဆုံးနမိတ်ဖောက်ခဲ့သည်။ Udomporn အတွက် ဤရွေးချယ်မှုသည် စိတ်ထိခိုက်စရာဖြစ်သော်လည်း သူ၏ဆုံးဖြတ်ချက်ကို မပြောင်းလဲခဲ့ပေ။

Udomporn သည် ဆောက်လုပ်ရေးလုပ်ငန်းတွင် အလုပ်လုပ်ကိုင်နေပြီး မိခင်အား အချိန်ပြည့်ပြုစုလိုသော်လည်း စားဝတ်နေရေးအတွက် အလုပ်လုပ်ရန် လိုအပ်နေသည်။ ထို့ကြောင့် သူသည် မိခင်ကို အလုပ်ခွင်သို့ပါ တစ်ပါတည်း ခေါ်ဆောင်သွားလေ့ရှိသည်။ သူ၏ အလုပ်ရှင်ကလည်း ဤအခြေအနေကို နားလည်သဘောပေါက်ကာ တားမြစ်ခြင်းမရှိခဲ့ပေ။

Udomporn သည် ဇနီးနှင့် အတူနေထိုင်ခွင့် ဆုံးရှုံးခဲ့ရသော်လည်း သူ၏ဆုံးဖြတ်ချက်ကို နောင်တမရခဲ့ပေ။ "ကျနော်အတွက် ကိစ္စမရှိပါဘူး။ အမေ့ကို ဘယ်တော့မှ ပစ်မထားနိုင်ဘူး။ အမေအသက်ထွက်ဆုံးအထိ သူမနားမှာ ရှိနေပေးမယ်" ဟု သူက ပြောကြားခဲ့သည်။

Udomporn ၏ဖြစ်စဉ်သည် မိသားစုတာဝန်၊ ကျေးဇူးတရားနှင့် စိတ်ဓာတ်ခိုင်မာမှုတို့ကို ထင်ဟပ်စေပါသည်။ သူ၏ရွေးချယ်မှုက လူများစွာကို စဉ်းစားတွေးခေါ်စေပြီး မိဘကျေးဇူး ၏တန်ဖိုးကို ပြန်လည်သတိရစေခဲ့သည်။

မိဘကျေးဇူးသိတက်တဲ့ သားအတွက် ဂုဏ်ပြုစကားလေး ရေးခဲ့ကြပါအုံးနော်။

ပြီးတော့ နောက်လူတွေအတုယူနိုင်အောင် Facebook group တွေမှာ ရှယ်ပေးအုံးနော်။

#မိဘကျေးဇူး #မိသားစုတာဝန် #ကျေးဇူးတရား #ထိုင်းသတင်း #ရင်နာစရာအဖြစ်အပျက် #သားလိမ္မာ

02/06/2025

မြစ်ကြီးနားနှင့် ချီဗွေမြို့များတွင် မြစ်ရေကြီးမှုဒဏ် ပြည်သူများ အရေးပေါ်ရွှေ့ပြောင်း

ကချင်ပြည်နယ်၊ မြစ်ကြီးနားမြို့တွင် ဧရာဝတီမြစ်ရေ မြင့်တက်လာမှုကြောင့် မြေနိမ့်ပိုင်းရပ်ကွက်များရှိ ပြည်သူများအား အရေးပေါ်ဘေးလွတ်ရာသို့ ရွှေ့ပြောင်းပေးနေရကြောင်း မျိုးဆက်သစ်လူမှုကယ်ဆယ်ရေးအသင်းမှ တာဝန်ရှိသူများက ဆိုသည်။

မြစ်ကြီးနားတွင် ရေဘေးအန္တရာယ် စိုးရိမ်ရ

မေလ ၃၁ ရက် ညနေ ၆ နာရီခန့်မှစတင်၍ ရမ်ပူရပ်ကွက်၊ ကြက်ပေါင်ခြံရပ်ကွက်၊ လယ်ကုန်းရပ်ကွက် အပါအဝင် မြေနိမ့်ပိုင်းဒေသများသို့ ဧရာဝတီမြစ်ရေ စီးဝင်မှုကြောင့် ပြည်သူများအား ဘေးလွတ်ရာသို့ အရေးပေါ်ရွှေ့ပြောင်းပေးခဲ့ရသည်။
- လက်ရှိတွင် ကယ်ဆယ်ရေးလုပ်ငန်းများ ဆက်လက်လုပ်ဆောင်နေပြီး လူထိခိုက်မှုမရှိသေးဟု သိရသည်။
- မျိုးဆက်သစ်လူမှုကယ်ဆယ်ရေးအသင်း၊ မီးသတ်တပ်ဖွဲ့နှင့် အခြားအဖွဲ့အစည်းများ ပူးပေါင်းကာ ရေဘေးသင့်ပြည်သူများအား စက်လှေများဖြင့် ကူညီရွှေ့ပြောင်းပေးလျက်ရှိသည်။

ချီဗွေမြို့တွင် မေခမြစ်ရေကြီး နေအိမ်များမြုပ်

- ကချင်ပြည်နယ်အထက်ပိုင်းတွင် မိုးသည်းထန်စွာရွာသွန်းမှုကြောင့် မေခမြစ်ရေ မြင့်တက်ကာ ကမ်းနားရှိနေအိမ်များ ရေမြုပ်ခြင်း၊ မျောပါခြင်းများ ဖြစ်ပေါ်နေသည်။
- "ချီဗွေတံတားပါ ရေမြုပ်သွားတယ်၊ ကမ်းနားအိမ်တွေ အကုန်လုံးနီးပါးမြုပ်သွားတယ်" ဟု ဒေသခံတစ်ဦးက ပြောသည်။
- လက်ရှိတွင် ရေအနည်းငယ်ကျဆင်းသွားသော်လည်း ပြန်လည်တက်လာနိုင်သည်ဟု စိုးရိမ်နေကြသည်။

ရေအခြေအနေ နှင့် ခန့်မှန်းချက်
- မြစ်ကြီးနားမြို့တွင် ဧရာဝတီမြစ်ရေသည် စိုးရိမ်ရေအမှတ် (၁၂၀၀ စင်တီမီတာ)** အောက်တွင် ရှိနေသေးသော်လည်း ဆက်လက်မြင့်တက်လျက်ရှိသည်။
- မိုးလေဝသနှင့် ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ လာမည့် ၁ ရက်အတွင်း စိုးရိမ်ရေအမှတ်သို့ ရောက်ရှိနိုင်သည်ဟု သတိပေးထားသည်။

ဤသတင်းကို ကူနိုင် ကယ်နိုင်သူတွေ မြင်တွေအောင် မျှဝေပြီး ရေဘေးသင့်ပြည်သူများအတွက် တက်စွမ်းတာလေးတွေ လုပ်ဆောင်ပေးကြပါစို့။ 🙏

#မြစ်ကြီးနား #ချီဗွေ #ရေဘေး #မိုးရေ #ဧရာဝတီမြစ် #မေခမြစ် #ကချင်ပြည်နယ် #ကယ်ဆယ်ရေး #မြစ်ရေကြီး #သဘာဝဘေး

31/05/2025

ဆေးကြောင်ပြီး မိဘအိမ်ကို မီးရှို့တဲ့ သားမိုက်

မန္တလေးတိုင်း၊ မိုးကုတ်မြို့၏ သဒွတ်သျှိုရပ်ကွက်တွင် မေလ ၃၀ ရက်က အသက် ၃၀ ဝန်းကျင်အရွယ် အမျိုးသားတစ်ဦးသည် ဆေးကြောင်ပြီး မိဘ၏နေအိမ်ကို ဓာတ်ဆီလောင်း၍ မီးရှို့ခဲ့ကြောင်း သိရသည်။

အဆိုပါ အမျိုးသားသည် ဆေးကြောင်နေစဉ် မိမိ မိဘ၏နေအိမ်ကို ဓာတ်ဆီဖြင့် မီးရှို့ခဲ့ခြင်းကြောင့် မိခင်ဖြစ်သူမှာ မီးလောင်ဒဏ်ရာရရှိကာ မိုးကုတ်ဆေးရုံတွင် ကုသမှုခံယူနေရသည်။

ဖြစ်စဉ်ဖြစ်ပွားပြီးနောက် TNLA မှ လာရောက်ဖမ်းဆီးကာ ထိန်းသိမ်းထားသည့်အတွက် ယခုအခါ အမှုနှင့်ပတ်သက်၍ စုံစမ်းစစ်ဆေးမှုများ ဆောင်ရွက်နေသည်ဟု သိရသည်။

"သားဖြစ်သူက ဆေးကြောင်ပြီး အိမ်ကိုမီးရှို့တာ၊ အမေဖြစ်သူက ဒဏ်ရာရပြီး အိမ်ထဲက ဘာမှ မသယ်နိုင်ခဲ့ဘူး"

"ဆေးကြောင်ပြီး လုပ်တာလို့သိရတယ်၊ ပိုက်ဆံပြဿနာကြောင့်လို့လည်း အချို့ကဆိုကြတယ်"

မိုးကုတ်မြို့ ဒေသခံများနှင့် မီးသတ်တပ်ဖွဲ့များပူးပေါင်း၍ မီးကို အမြန်ငြိမ်းသတ်နိုင်ခဲ့သဖြင့် အနီးအနားရှိ အိမ်များသို့ မီးကူးစက်ခြင်း မရှိခဲ့ပေ။ သို့ရာတွင် မီးရှို့ခံရသည့် နေအိမ်မှာမူ ပစ္စည်းဥစ္စာအားလုံးနီးပါး ဆုံးရှုံးခဲ့ကြောင်း သိရသည်။

#မိုးကုတ် #မီးရှို့မှု #ဆေးကြောင်ခြင်း #မိဘအိမ် #မန္တလေး #ဓာတ်ဆီ #မီးသတ် #ဒေသခံ #ပစ္စည်းဆုံးရှုံးမှု

31/05/2025

ဘိုကလေးမြို့နယ်က ရေတပ်ပျောက်ကြား၀တ်စုံနဲ့ ဓါးပြတိုက်မှု

"ည ၇ နာရီလောက်မှာ လူ ၄ ယောက် ကျွန်တော့်အိမ်ကို ရေတပ်ပျောက်ကြားဝတ်စုံတွေနဲ့ ဝင်လာတယ်။ တစ်ယောက်က သေနတ်နဲ့ ဦးခေါင်းကို ထောင်ပြီး 'ငွေနဲ့ဖုန်းတွေအမြန်ထုတ်ပေး' လို့ အော်တယ်။ ကျွန်တော် လက်ထဲမှာရှိတဲ့ ငွေကျပ် သိန်း ၆၀ နဲ့ မိသားစုဖုန်း ၄ လုံးကို ယူသွားတယ်။ ကံကောင်းတာက လူတွေကိုတော့ ဘာမှလုပ်မသွားဘူး" လို့ #အောက်လှဲဆိပ်အရှေ့ရွာ က ဦးထွန်းရီက ဖြစ်စဉ်ကို ပြန်ပြောင်းပြောပြခဲ့ပါတယ်။

ဒေသခံတစ်ဦးရဲ့ သတင်းပေးလိုက်တဲ့အတွက် ဓားပြအဖွဲ့ဝင် ၂ ဦးကို သေနတ်အတုနဲ့အတူ ဖမ်းမိခဲ့ပြီး #မော်လမြိုင်ကျွန်း နဲ့ #ကျိုက်လတ် ဘက်က လူတွေဖြစ်တယ်လို့ ရွာသူရွာသားတွေက ပြောပါတယ်။

ဓားပြအဖွဲ့ဝင်တွေဟာ အသက် ၂၅ ဝန်းကျင်ရှိပြီး၊ ထွက်ပြေးသူတစ်ဦးက #အောက်လှဲဆိပ်ရွာ သားဖြစ်နိုင်တယ်လို့ ပြောဆိုထားပြီး ရဲတပ်ဖွဲ့က စုံစမ်းနေပါတယ်။ လက်ရှိမှာတော့ ဖမ်းမိသူတွေကို #မြင်းကကန်းရဲစခန်း မှာ စစ်ဆေးနေပြီး၊ ကျန်နေသူများကို လိုက်လံရှာဖွေနေကြောင်း သိရိရပါတယ်။

#ဓားပြတိုက်မှု #ရေတပ်ပျောက်ကြားဝတ်စုံ #ဘိုကလေးမြို့နယ် #အောက်လှဲဆိပ် #ဖျာပုံခရိုင် #ဧရာဝတီတိုင်း #ဘိုကလေးမြို့နယ်

31/05/2025

အင်တာနက်အခြေပြု လိမ်လည်မှုများအကြောင်း

ဒီဂျစ်တယ်ခေတ်တွင် မှုခင်းများသည် အခြေခံကျသော လူသတ်မှု၊ ဓားပြတိုက်မှုများထက် အင်တာနက်နှင့် နည်းပညာအခြေပြု ရာဇဝတ်မှုများ အဖြစ်များလာသည်။ အထူးသဖြင့် အွန်လိုင်းလိမ်လည်မှု ၊ ဒေတာခိုးယူမှု၊ ငွေကြေးလှည့်ဖြားခံရမှုတို့သည် ကမ္ဘာတစ်ဝှမ်းတွင် နေ့စဉ်နီးပါး ဖြစ်ပွားနေပြီး သန်းနှင့်ချီသော ပြည်သူများ၏ ဘဝများကို ထိခိုက်နေသည်။

၂၀၂၅ ခုနှစ် အစောပိုင်းက မြန်မာနိုင်ငံ၊ ထိုင်းနိုင်ငံ၊ ကမ္ဘောဒီးယားနိုင်ငံ တို့တွင် အင်တာနက်လိမ်လည်မှု ကွန်ရက်များ (Scam Centers) ကို အကြီးအကျယ် ဖမ်းဆီးရမိခဲ့သည်။ ဤစင်တာများတွင် လူငယ်များကို အတင်းအကျပ်အလုပ်ခိုင်းစေပြီး ကမ္ဘာတစ်ဝှမ်းရှိ သားကောင်များကို ချစ်ကြိုက်လှည့်စားခြင်း (Romance Scam)၊ အိမ်ခြံမြေလိမ်လည်မှု၊ အွန်လိုင်းစတော့အတုများဖြင့် ငွေညှစ်ခြင်း စသည့်နည်းလမ်းများဖြင့် ငွေများကို လှည့်ဖြားရယူခဲ့ကြသည်။

ထိုစင်တာများတွင် အလုပ်သမားများကို ညှဉ်းပန်းနှိပ်စက်မှု၊ လူကုန်ကူးမှုများပါ ဖြစ်ပွားခဲ့ပြီး အချို့မှာ ထောင်သွင်းအရေးယူခံရသော်လည်း ဤလုပ်ငန်းသည် နိုင်ငံတကာတွင် ဆက်လက်ကြီးထွားနေဆဲဖြစ်သည်။

နမူနာ အဖြစ်ပျက် ၂ ခု

နံပါတ် ၁

ချစ်ကြိုက်လှည့်စားမှုကြောင့် (Romance Scam) မိမိကိုယ်ကို အဆုံးစီရင်သွားတဲ့ ဂျပန်လူမျိုး တစ်ဦး

ဂျပန်နိုင်ငံသား (အသက် ၅၈ နှစ်) သည် အွန်လိုင်းချစ်သူရှာဖွေရေး ဝက်ဘ်ဆိုက်တစ်ခုတွင် အမေရိကန်နိုင်ငံသူ "အဲမီ" အမည်ရှိ အမျိုးသမီးတစ်ဦးနှင့် တွေ့ဆုံခဲ့သည်။ သူမသည် စိတ်ရင်းမှန်ဖြင့် ချစ်ခင်စေဟန်ဆောင်ကာ လိမ်လည်သူ၏ ချောမောသောဓာတ်ပုံများ၊ ချစ်စရာကောင်းသည့် စာသားများဖြင့် သူ့ကို သုံးလကြာ လှည့်စားခဲ့သည်။

အချိန်ကြာလာသည်နှင့်အမျှ "အဲမီ"က သူမ၏ မိခင်သည် ရုတ်တရက် နာမကျန်းဖြစ်ပြီး ခွဲစိတ်ကုသမှုခံယူရန် ဒေါ်လာ ၅၀၀,၀၀၀ လိုအပ်နေကြောင်း၊ မပေးနိုင်ပါက သူမ၏ မိသားစုဘဝ ပျက်သွားမည်ဟု ငိုကြွေးတောင်းဆိုခဲ့သည်။ စာနာစိတ်ကြောင့် ထိုဂျပန်လူမျိုးသည် သူ၏ စုဆောင်းထားသော ပင်စင်ငွေအားလုံးကို လွှဲပေးခဲ့သည်။

သို့သော် ငွေလွှဲပြီးနောက် "အဲမီ"၏ ဆက်သွယ်မှုများ ပြတ်တောက်သွားကာ သူသိရှိခဲ့ရသည်မှာ သူသည် (ချစ်ကြိုက်လှည့်စားငွေညှစ်မှု) ၏ သားကောင်ဖြစ်နေပြီး သူ၏ငွေများအားလုံး ပြန်လည်ရရှိရန် မဖြစ်နိုင်တော့ကြောင်း သိရှိခဲ့ရသည်။ စိတ်ဓာတ်ကျပြီး စိတ်ဒဏ်ရာကြီးစွာရခဲ့ပြီး နောက်ဆုံးတွင် ကိုယ့်ကိုယ်ကိုယ် အဆုံးစီရင်ခဲ့သည်။

သင်ခန်းစာ – အွန်လိုင်းပေါ်တွင် မတွေ့ဆုံဖူးသော လူစိမ်းများကို ယုံကြည်ကာ ငွေကြေးလွှဲပြောင်းခြင်းမပြုပါနှင့်။ ချစ်သူဟန်ဆောင်သူများသည် သင့်အား စိတ်ချမ်းသာစေရန် စကားပြောပေးခြင်းဖြင့် သင့်ငွေများကို လှည့်ဖြားယူဆောင်သွားနိုင်သည်။

နံပါတ် ၂

အရေးပေါ်ဖုန်းခေါ်ဆိုမှုကို ယုံကြည်မိသော ဩစတြေးလျ အဘွားအို၏ ပင်စင်ငွေအားလုံး ဆုံးရှုံးခြင်း

မေရီ (အသက် ၇၀) သည် ဩစတြေးလျနိုင်ငံတွင် အငြိမ်းစားယူထားသော ဆရာမတစ်ဦးဖြစ်ပြီး တစ်နေ့တွင် ဖုန်းခေါ်ဆိုမှုတစ်ခုရရှိခဲ့သည်။ ဖုန်းခေါ်သူက "အမေ၊ သမီးပါ။ မတော်တဆမှုတစ်ခုဖြစ်ပြီး အရေးပေါ်ခွဲစိတ်ကုသမှုခံယူရန် ဒေါ်လာ ၈၀,၀၀၀ လိုအပ်နေပါတယ်" ဟု ငိုယိုပြောဆိုခဲ့သည်။

မေရီသည် စိတ်လှုပ်ရှားပြီး သူမ၏ သမီးဖြစ်သူ၏ အသံဟု ထင်မှတ်ကာ ဘဏ်သို့အမြန်သွားပြီး သူမ၏ ပင်စင်ငွေအားလုံးကို လွှဲပေးခဲ့သည်။

သို့သော် နောက်တစ်နေ့တွင် သူမ၏ သမီးအမှန်နှင့် ဆက်သွယ်မိသောအခါ သူမသည် Virtual Kidnapping Scam ၏ သားကောင်ဖြစ်နေကြောင်း သိရှိခဲ့ရသည်။

လိမ်လည်သူများသည် သူမသမီး၏ ဆိုရှယ်မီဒီယာမှ အသံများကို မှီငြမ်းကာ အတုအယောင်ဖန်တီးခဲ့ခြင်းဖြစ်သည်။

သတိပြုရန် – မိသားစုဝင်တစ်ဦးဦးမှ အရေးပေါ်ငွေလိုအပ်သည်ဟု ဖုန်းဆက်ပါက ချက်ချင်းမယုံပါနှင့်။ ဖုန်းနံပါတ်စစ်ခြင်း တခြားမိသားစု၀င်များကို မေးမြန်းခြင်းများအရင်ပြုလုပ်ပါ။

-ဘာကြောင့် ဤကဲ့သို့ လှည့်စားမှုများ အောင်မြင်နေသနည်း?

- လူလိမ်များသည် ချစ်ခြင်းမေတ္တာ၊ မိသားစုစိတ်ဓာတ်ကဲ့သို့သော အားနည်းချက်များကို အခွင့်ကောင်းယူပြီး လှည့်ဖြားတတ်သည်။
- နည်းပညာ၏ အကူအညီ – AI အသံအတုများ၊ ဟက်က်ထားသော ဖေ့စ်ဘွတ်အကောင့်များကို အသုံးပြုကာ လူများကို လွယ်ကူစွာ လှည့်ဖြားနိုင်သည်။
- ဥပဒေရေးရာ အားနည်းချက် – ဤမှုခင်းများသည် နယ်စပ်ဖြတ်ကျော်ပြီး ဖြစ်ပွားသောကြောင့် နိုင်ငံတကာရဲတပ်ဖွဲ့များ နှင့် ပူးပေါင်းဆောင်ရွက်မှုများ လိုအပ်နေသည်။ မကြာသေးမီက အာဆီယံနိုင်ငံများသည် ဆိုင်ဘာလုံခြုံရေး ဥပဒေများကို တင်းကျပ်စွာ အကောင်အထည်ဖော်လာကြပြီး အွန်လိုင်းလုံခြုံရေး သတိပေးချက်များကို ပြည်သူများထံ ပိုမိုဖြန့်ဝေလျက်ရှိသည်။

ကာကွယ်ရန် နည်းလမ်းများ

1. မသိသူများထံမှ ဖုန်းခေါ်ဆိုမှု၊ အွန်လိုင်းဆက်သွယ်မှုများကို မယုံကြည်ပါနှင့်။

2. ငွေလွှဲရန် အရေးပေါ်ဖိအားပေးမှုများကို သံသယရှိပါ။

3. Two-Factor Authentication (2FA) ကို အသုံးပြုပါ။

4. ချစ်ကြိုက်ဖော်အတု (Romance Scammer) များကို သတိထားပါ။

အင်တာနက်လိမ်လည်မှုများသည် ခေတ်သစ်၏ အန္တရာယ်အရှိဆုံး မှုခင်းများဖြစ်ပြီး လူတိုင်း သတိထားကာကွယ်ရန် လိုအပ်သည်။ အစိုးရ၊ ရဲတပ်ဖွဲ့နှင့် ပြည်သူများ ပူးပေါင်းဆောင်ရွက်မှသာ ဤဆိုးရွားသော ရာဇဝတ်မှုကွန်ရက်ကြီးကို အမြစ်ဖြတ်နိုင်မည်ဖြစ်သည်။

#အွန်လိုင်းလိမ်လည်မှု

30/05/2025

ကြံခင်းမြို့နယ်က ယောက္ခမနှစ်ဦးကို ဓားဖြင့်ခုတ်သတ်မှု

#ဧရာဝတီတိုင်း၊ #ကြံခင်းမြို့နယ် အတွင်းက #ဆိပ်သာရွာ မှာ မေလ ၂၅ ရက်နေ့က အငြင်းပွားမှုတစ်ခုကနေ လူသတ်မှုတစ်ခု ဖြစ်ပွားခဲ့ပါတယ်။ အသက် ၆၅ နှစ်အရွယ် ဦးဌေးမြင့်နဲ့ အသက် ၆၁ နှစ်အရွယ် ဇနီး ဒေါ်ယဉ်ရွှေတို့ဟာ သမက်ဖြစ်သူ တင်မောင်အေးရဲ့ ဓားခုတ်မှုကြောင့် သေဆုံးသွားခဲ့ရပါတယ်။

ဒီအဖြစ်အပျက်ဟာ လွန်ခဲ့တဲ့ ၉ လခန့်က အကြွေးကိစ္စနဲ့ ပတ်သက်ပြီး စကားများခဲ့ကြရာကနေ စတင်ခဲ့တာပါ။ တင်မောင်အေးဟာ ဦးဌေးမြင့်ထံမှာ အကြွေးရစရာရှိခဲ့ပြီး ဒီကိစ္စနဲ့ပတ်သက်လို့ မကျေနပ်မှုတွေ ရှိနေခဲ့တယ်လို့ ဒေသခံတွေက ပြောပါတယ်။ အငြင်းပွားမှုတစ်ခုကနေ ရန်ဖြစ်လာပြီး တင်မောင်အေးက အသင့်ယူလာတဲ့ ဓားနဲ့ ယောက္ခမနှစ်ဦးကို ရက်ရက်စက်စက် ထိုးခုတ်ခဲ့တာဖြစ်ပါတယ်။

ဒေါ်ယဉ်ရွှေဟာ နေရာတင် ပွဲချင်းပြီး သေဆုံးသွားခဲ့ပြီး ဦးဌေးမြင့်ကတော့ ဆိပ်သာဆေးရုံကို အရေးပေါ်ပို့ဆောင်ရင်း လမ်းမှာပဲ ဒဏ်ရာဒဏ်ချက်တွေကြောင့် အသက်ဆုံးရှုံးခဲ့ရပါတယ်။

သေဆုံးသူ ဦးဌေးမြင့်နဲ့ ဒေါ်ယဉ်ရွှေဟာ တင်မောင်အေးရဲ့ ဇနီးဖြစ်သူရဲ့ မွေးစားမိဘတွေ ဖြစ်ပြီး ဇီးရိုးစဥ်ဆက် သွေးသားတော်စပ်သူတွေ မဟုတ်ဘူးလို့ ရွာသားတစ်ဦးက ရှင်းပြခဲ့ပါတယ်။ ဒီအချက်ဟာ ပြစ်မှုရဲ့ နောက်ကွယ်က ဆက်ဆံရေး ရှုပ်ထွေးမှုကို ဖော်ပြနေပါတယ်။

အမှုဖြစ်ပြီး နာရီပိုင်းအတွင်းမှာပဲ တင်မောင်အေးကို ကြံခင်းမြို့နယ်၊ ကွေ့မရွာမှာ ဖမ်းဆီးရမိခဲ့ပါတယ်။ ရဲတပ်ဖွဲ့က သူ့ကို ရာဇသတ်ကြီး ပုဒ်မ ၃၀၂ (လူသတ်မှု)နဲ့ အမှုဖွင့်ပြီး စစ်ဆေးနေပါတယ်။

#ဧရာဝတီတိုင်း၊ #ကြံခင်းမြို့နယ် #ဆိပ်သာရွာ

29/05/2025

တရုတ်နိုင်ငံတွင် ဓာတုစက်ရုံပေါက်ကွဲမှုကြောင့် ဒေသခံများ အရေးပေါ်ရွှေ့ပြောင်း

တရုတ်နိုင်ငံ အရှေ့မြောက်ပိုင်းရှိ ဓာတုစက်ရုံတစ်ခုတွင် ယမန်နေ့က ပြင်းထန်သော ပေါက်ကွဲမှုဖြစ်ပွားခဲ့ပြီး ဒေသခံများကို အရေးပေါ်ရွှေ့ပြောင်းခဲ့ရကြောင်းသိရှိရသည်။

ပေါက်ကွဲမှုသည် တရုတ်နိုင်ငံ Liaoning ပြည်နယ်ရှိ ဓာတုစက်ရုံတစ်ခုတွင် ဖြစ်ပွားခဲ့ခြင်းဖြစ်ပြီး အနီးရှိ ကျေးရွာများကို အဆိပ်သင့်မီးခိုးငွေ့များ ပျံ့နှံ့မည်စိုးရိမ်ရသဖြင့် အရေးပေါ်လူထုရွှေ့ပြောင်းမှုများ ပြုလုပ်ခဲ့ရခြင်းဖြစ်သည်။

ဒေသခံတစ်ဦးဖြစ်သူ Zhang Wei (၄၂) က "ကျွန်တော် အသက် ၄၂ နှစ်အတွင်း ဒီလောက်ကြီးမားတဲ့ ပေါက်ကွဲသံကို ပထမဆုံးအကြိမ် ကြားဖူးတာ" ဟု ပြောကြားခဲ့သည်။

တရုတ်အစိုးရသည် အရေးပေါ်တုံ့ပြန်ရေးအဖွဲ့ ၁၅ ဖွဲ့ကို စေလွှတ်ကာ ဖြစ်ရပ်နေရာသို့ ချက်ချင်းရောက်ရှိခဲ့သည်။ ပတ်ဝန်းကျင်ထိခိုက်မှုအား စစ်ဆေးရန် ကျွမ်းကျင်သူအဖွဲ့များလည်း စေလွှတ်ထားကြောင်း သိရသည်။

လတ်တလောတွင် ဒဏ်ရာရသူ ၁၂ ဦးရှိပြီး အထူးကြပ်မတ်ကုသမှုခံယူနေရသူ ၃ ဦးရှိကြောင်း တရားဝင်ထုတ်ပြန်ချက်များအရ သိရသည်။ ပေါက်ကွဲမှုအကြောင်းရင်းကို စုံစမ်းစစ်ဆေးမှုများ ဆက်လက်ပြုလုပ်လျက်ရှိသည်။

#တရုတ် #ဓာတုစက်ရုံ #အရေးပေါ်အခြေအနေ #ဓာတုပေါက်ကွဲမှု #သဘာဝဘေးအန္တရာယ် #တရုတ်နိုင်ငံ

28/05/2025

အသက် ၃ နှစ်အရွယ် ကလေးငယ်အား ခိုးယူပြီး ရေမြောင်းထဲအစဖြောက်တဲ့အမှု့

#ရန်ကုန် တိုင်း၊ #လှိုင်သာယာ(အရှေ့ပိုင်း)မြို့နယ်တွင် အသက် ၃ နှစ်အရွယ် ကလေးငယ်တစ်ဦးအား ခိုးယူပြီး #ငွေပင်လယ်စက်မှုဇုန် အတွင်းရှိ ရေမြောင်းထဲသို့ ပစ်ချသည့် ရက်စက်မှု ယနေ့ (မေလ ၂၈) နံနက် ၇ နာရီခန့်က ဖြစ်ပွားခဲ့သည်။

လှိုင်သာယာ(အရှေ့ပိုင်း)မြို့နယ်၊ အလယ်ရွာကျေးရွာ ရွှေပြည်သာတံတားအနီးရှိ ငွေပင်လယ်စက်မှုဇုန်အတွင်း ရေမြောင်းမှ ကလေးငယ်တစ်ဦး သေဆုံးနေသည်ကို တွေ့ရှိရပြီး စုံစမ်းစစ်ဆေးချက်အရ ကလေးငယ်အား ခိုးယူကာ ရေနစ်သတ်မှုဖြစ်ကြောင်း သိရသည်။ ယခုအခါ ပြစ်မှုကျူးလွန်သူအား ဖမ်းဆီးရန် ရဲတပ်ဖွဲ့မှ ကြိုးပမ်းဆောင်ရွက်လျက်ရှိသည်။

ဖြစ်စဉ်နှင့်ပတ်သက်၍ ကလေးငယ်၏မိဘများဖြစ်သူ ဦးဇော်မိုးလှိုင်နှင့် ဒေါ်အေးစန္ဒာမိုးတို့က အချက်အလက်များ ပြောကြားခဲ့သည်။ ၎င်းတို့၏ပြောပြချက်အရ၊ မေလ ၂၇ ရက် နံနက် ၁၁ နာရီခွဲခန့်က အသက် ၃၅ နှစ်ခန့်ရှိ ဗိုက်ကြီးသည်အမျိုးသမီးတစ်ဦး အိမ်သို့ရောက်ရှိလာကာ ရိုးလေးကျေးရွာအတွင်း အိမ်ငှားလိုကြောင်း တောင်းဆိုခဲ့သည်။ မိဘများက သူမ၏အခြေအနေကို သနားစိတ်ဖြင့် အိမ်တွင်ခဏနားခွင့်ပြုခဲ့သည်။

ထိုနေ့ ညနေ ၅ နာရီခန့်တွင် သေဆုံးသူ ကလေးငယ် မရတနာနှင့် ဦးလေးတော်စပ်သူ သီဟနိုင်တို့ မုန့်စားရန် အိမ်မှထွက်ခွာသွားစဉ် အဆိုပါအမျိုးသမီးက နောက်မှလိုက်ပါသွားခဲ့သည်။ သူမက သီဟနိုင်အား အိမ်တွင် ပိုက်ဆံအိတ်ကျန်ခဲ့သည်ဟု အကြောင်းပြုကာ ပြန်ယူရန် တောင်းဆိုခဲ့ပြီး ကလေးငယ်အား ယာယီထားခဲ့သည်။ သို့သော် အိမ်တွင် ပိုက်ဆံအိတ်ကျန်ခဲ့ခြင်းမရှိသဖြင့် သီဟနိုင်ပြန်လာချိန်တွင် ကလေးငယ်နှင့် အမျိုးသမီးအား မတွေ့ရတော့ပေ။ မိသားစုမှ တစ်ညလုံး ရှာဖွေခဲ့သော်လည်း မအောင်မြင်ခဲ့ပေ။

နောက်တစ်နေ့နံနက်တွင် ကလေးငယ်၏အလောင်းအား ရေမြောင်းအတွင်း တွေ့ရှိခဲ့ရပြီး သူ၏ရွှေနားကပ် (တန်ဖိုး ၁ ပဲခန့်) ပျောက်ဆုံးနေကြောင်း သိရသည်။

ယခုအခါ အဆိုပါအမျိုးသမီးအား ဖမ်းဆီးရန် ရဲတပ်ဖွဲ့မှ စုံစမ်းရှာဖွေလျက်ရှိပြီး၊ သူမ၏အချက်အလက်များ (ဓာတ်ပုံပါ) ကို သိရှိသူများအနေဖြင့် နီးစပ်ရာရဲစခန်းသို့ အကြောင်းကြားပေးရန် တိုက်တွန်းထားသည်။

#ငွေပင်လယ်စက်မှုဇုံ #ရန်ကုန် #လှိုင်သာယာ

28/05/2025

KBZ Bank ကို တရားစွဲမည်

အသုံးပြုတစ်ယောက်ဖြစ်တဲ့ Yadi Kyaw ကွမ်းယာပညာမျှဝေခြင်း လူမှုကွန်ယက်အကောင့် ပိုင်ရှင်ဟာ သူမကြုံတွေ့ခဲ့ရတဲ့ အဖြစ်အပျက် ပြောပြထားပါတယ်။ ဒါ့အပြင် bank ကိုလဲ တရားစွဲမယ်လို့လဲ ပြောထားပါတယ်။

သူမပြောပြထားတဲ့အဖြစ်အပျက်ကို မူရင်းအတိုင်း ဖော်ပြလိုက်ပါတယ်။

"ကျမ acc ကိုခုည အထွက်ပိတ်လိုက်ပါတယ်။

အဝင် လက်ခံတော့ ရပါတယ်။

ဘာအကြောင်းပြချက်မှ မရှိပဲ ပိတ်တဲ့ အတွက်
Call center ,ကို ဆက်ပါတယ်။

Center ,က လိမ်လည်မှုနဲ့ စီးဆင်းတဲ့ငွေ ရောက်နေတယ် ပြောတယ်။ ဘာအကြောင်းပြချက်မှ
မေးမရပါဘူး။

ကျမ တို့က ထုံးရောင်းအဝယ် လုပ်တဲ့အတွက် သူတို့ kpay ,အကောင့်တွေကို ယုံကြည်ပြီး ဖွင့်ထားတာပါ။

သမာအာဇီဝ ကျကျနဲ့ ရှာထားတဲ့
ငွေလေးတွေပါ။

မနက်ဖြန် အဖေ့ကို ဆေးခန်းပြရက်ဖို့ အကောင့်ထဲ 73သိန်း‌ကျော် ငွေထည့်ထားပါတယ်။

ခုကြ သူတို့က ခဏ ထိန်းသိမ်းတယ်ဆိုပြီး ယူထားတာက လုံးဝ မကောင်းပါဘူး။

ယုံကြည်လို့ တနိုင်ငံ လုံးက Kpay ,acc ဖွင့်ကြတာပါ။

ခု ကြ သူများ အကောင့်ထဲက ငွေကို ထိန်းသိမ်းတယ် ဆိုတာ လုံးဝ မတရားပါဘူး။ တခါတလေ အစွန်းထွက် ပိုက်ဆံ တွေလဲ ပျောက်သွားပါတယ်။

မနက်ဖြန် ကြရင် တော့ ‌တရားရုံးကို ဦးတိုက် လျှောက်ထားပြီး Kbz bank ,ကို တရားစွဲ ရပါလိမ့်မယ်။

ကျမ က ခရိုင် တိုင်းတွေ ထိ တိုင်မှာပါ။ မရ ရတဲ့ နည်း နဲ့ အရေးယူခိုင်း မှာပါ။ ကျမ တို့က ချွေးနဲစာ လေးနဲ့ အကြာကြီးရှာထားရတာပါ။ သူတို့ကခဏလေး ခိုးသွားတာ မကောင်းပါဘူး။

အားလုံးလဲ သတိထားကြပါရှင်။

ကျမ လို မဖြစ်ကြရအောင် များများရှယ်ပေးကြပါရှင်။ " ဆိုပြီးရေးထားတာဖြစ်ပါတယ်။

နဲ့ပတ်သက်ပြီး အကောင့်ပိတ်ခံရတာတွေ မကြာကြာကြားနေရတာဖြစ်လို့ သတိထားကြပါနော်

#ကမ္ဘောဇဘဏ်

28/05/2025

လူအုပ်ကြားထဲကို ကားဖြင့်ဝင်တိုက်ခြင်းခံလိုက်ရတဲ့ လီဗာပူးလ်ဖန်တွေ

#လီဗာပူးလ် အသင်း၏ ပရီးမီးယားချန်ပီယံဆု ရရှိမှုကို ပရိတ်သတ်နှင့်အတူ အောင်ပွဲခံမှု ကျင်းပစဉ် လူအုပ်ထဲသို့ မော်တော်ယာဉ်တစ်စီး ဝင်ရောက်မောင်းနှင်မှုကြောင့် အရေးပေါ်အခြေအနေဖြစ်ပေါ်ခဲ့ပြီး လူအများအပြား ထိခိုက်ဒဏ်ရာရရှိခဲ့သည်။

ဖြစ်စဉ်သည် အင်္ဂလန်နိုင်ငံ၊ လီဗာပူးလ်မြို့တွင် ဖြစ်ပွားခဲ့ပြီး ချန်ပီယံအောင်မြင်မှုကို အတူတကွ အောင်ပွဲခံကြသည့် ပရိသတ်များအပေါ် ဖြစ်ပွားခဲ့ခြင်းဖြစ်သည်။ ရုတ်တရက် မော်တော်ယာဉ်တစ်စီးသည် လူအုပ်ထဲသို့ အရှိန်မြင့်မောင်းနှင်ဝင်ရောက်လာကာ ပရိသတ်များကို တိုက်မိခဲ့သည်။

အနည်းဆုံး ၂၇ ဦးသည် ပြင်းထန်ဒဏ်ရာများဖြင့် အရေးပေါ်ဆေးကုသမှုခံယူနေရပြီး အခြားပရိသတ်များလည်း အနည်းငယ်ထိခိုက်ဒဏ်ရာရရှိခဲ့သည်။

ယာဉ်မောင်းသူအား ရဲများက ချက်ချင်းဖမ်းဆီးထိန်းသိမ်းထားပြီး မူးယစ်သောက်စားမှု သို့မဟုတ် ရည်ရွယ်ချက်ရှိမှုရှိမရှိ စစ်ဆေးနေသည်။

#လီဗာပူးလ် အသင်း ၏ တရားဝင်ထုတ်ပြန်ချက်တွင် "ဒဏ်ရာရပရိသတ်များနှင့် မိသားစုများအား ကျွန်ုပ်တို့၏ အားပေးစကားများ ပေးနေပါသည်" ဟု ဖော်ပြထားသည်။

#လီဗာပူးလ် #မတော်တဆမှု #ပရီးမီးယားလိဂ်

27/05/2025

ယောင်္ကျားဖြစ်သူမှ ဇနီးဖြစ်သူအား ဓာတ်ဆီဖြင့်ပက်မီးရှို့မှု

#ပဲခူးတိုင်း #သနပ်ပင်မြို့နယ် #သူဌေးကုန်းကျေးရွာ အတွင်း မေလ ၂၄ ရက် ညပိုင်းက လင်မယား စကားများပြီး #အိမ်တွင်းအကြမ်းဖက်မှု တစ်ရပ် ဖြစ်ပွားခဲ့ရာ ယောက်ျားဖြစ်သူက ဇနီးဖြစ်သူအား #ဓာတ်ဆီဖြင့်ပက်မီးရှို့ ခဲ့သည့် အတွက် ဇနီးဖြစ်သူ ရရှိခဲ့သည့် ဒဏ်ရာများကြောင့် သုံးရက်အကြာတွင် ဆေးရုံ၌ ကွယ်လွန်သွားခဲ့သည်။

ဒေသခံများ၏ ပြောပြချက်အရ ယောက်ျားဖြစ်သူ #ကျော်လင်းသိန်း (အသက် ၃၇ နှစ်) နှင့် ဇနီးဖြစ်သူ #သူသူစံ (အသက် ၁၈ နှစ်) တို့သည် အိမ်တွင်း အငြင်းပွားမှုဖြစ်ပွားခဲ့ပြီးနောက် ယောက်ျားဖြစ်သူက ဓာတ်ဆီဖြင့် မီးရှို့ခဲ့ခြင်းဖြစ်သည်။ မီးလောင်မှုဒဏ်ကြောင့် မသူသူစံ၏ ခန္ဓာကိုယ်အထက်ပိုင်း ပြင်းထန်စွာ ဒဏ်ရာရရှိခဲ့ကာ #ပဲခူးဆေးရုံကြီး သို့ အရေးပေါ်တင်ပို့ခဲ့ရသော်လည်း မေလ ၂၇ ရက်နေ့တွင် အသက်ဆုံးရှုံးခဲ့ရသည်။

ဖြစ်စဉ်ဖြစ်ပွားစဉ်က အိမ်နီးနားချင်းများက မိန်းကလေး၏ အကူညီတောင်းအသံကိုကြားပြီး မီးငြှိမ်းသတ်ရန် ကြိုးစားခဲ့ကြသော်လည်း မအောင်မြင်ခဲ့ပေ။ ကျေးရွာသားတစ်ဦးက "ဒီမိသားစုမှာ ယောက်ျားက အရက်သေစာသောက်စားပြီး အကြမ်းဖက် ရိုက်နှက်တာမျိုး မကြာခဏဖြစ်တတ်ပါတယ်" ဟု ပြောကြားခဲ့သည်။

ယခုဖြစ်စဉ်နှင့်ပတ်သက်၍ #ကျော်လင်းသိန်း အား #သနပ်ပင်မြို့နယ်ရဲစခန်း မှ တရားဥပဒေအရ အရေးယူထားပြီဖြစ်ကြောင်း သိရသည်။

ဤသတင်းဖြစ်စဉ်သည် လူမှုရေးနှင့် ဥပဒေရေးရာ စိုးရိမ်ဖွယ်အခြေအနေတစ်ခုကို ရောင်ပြန်ဟပ်နေပြီး အလားတူအကြမ်းဖက်မှုများ နောင်တွင် ထပ်မံမဖြစ်ပွားစေရန် အသိပေးရေးသားထားခြင်းဖြစ်ပါသည်။

#အိမ်တွင်းအကြမ်းဖက်မှု #ရာဇဝတ်မှု #ပဲခူးဖြစ်စဥ် #ကျော်လင်းသိန်း #သနပ်ပင်မြို့နယ်ရဲစခန်း #ပဲခူးဆေးရုံကြီး #သူသူစံ #ပဲခူးတိုင်း #သနပ်ပင်မြို့နယ် #သူဌေးကုန်းကျေးရွာ

သတင္းစံု

26/06/2025

04/06/2025

02/06/2025

31/05/2025

31/05/2025

31/05/2025

30/05/2025

29/05/2025

28/05/2025

28/05/2025

28/05/2025

27/05/2025

Address

Telephone

Website

Alerts

Shortcuts

Share

Category