03/05/2026
*သားတော်၌တည်နေပါ။*
ချစ်သားတို့၊ သားတော်သည်ထင်ရှား ပေါ်ထွန်းတော်မူသောအခါ၊ ငါတို့သည် အထံတော်သို့ ရောက်လျှင်၊ ရဲရင့်ရသောအခွင့် ရှိ၍၊ ရှက်ကြောက်ခြင်းနှင့် ကင်းလွတ်မည်အကြောင်း သားတော်၌ တည်နေကြလော့။
၁ ရှင်ယောဟန် ၂:၂၈
တည်နေတယ်ဆိုတာ ကိုယ်ယုံကြည်လက်ခံတဲ့အရာတစ်စုံတစ်ခု၊ ပုဂ္ဂိုလ်တစ်စုံတစ်ယောက်အပေါ် *သစ္စာရှိရှိစွဲမြဲစွာရှိနေခြင်းလို့မြင်ပါတယ်။* သခင်ယေရှုကလည်းသူ၌တည်နေဖို့ (သူ့ကိုသစ္စာရှိဖို့၊ချစ်ဖို့၊သူ့အလိုအတိုင်းအသက်ရှင်ဖို့စသဖြင့်) ပြောပါတယ်။ သူ၌မတည်ရင်လည်းကျွန်တော်တို့ဟာဘာမှမတတ်နိုင်ဘူးဆိုတာကိုလည်းသခင်ပြောပါတယ် (ယော ၁၅:၅,၇)။ ၁ ယော ၂:၂၈ မှာလည်း ရှင်ယောဟန်က သားတော် (သခင်ယေရှုမှာ) မှာတည်နေဖို့ပြောပါတယ်။ သခင်ပေါ်ထွန်းတဲ့အခါမှာ သခင့်မျက်မှောက်ရောက်တဲ့အခါ *ရဲရင့်ရသောအခွင့်ရှိပြီး၊ ရှက်ကြောက်ခြင်းနှင့်ကင်းလွတ်ဖို့* သားတော်မှာတည်နေဖို့ပဲဖြစ်ပါတယ်။ သို့မဟုတ် (မတည်နေပါက) ပါကအရှက်ရမည်သာဖြစ်ပါတယ်။ အဲဒီနေ့ရောက်တဲ့အခါအရှက်မရစေဖို့ ယခုကပင်စပြီးသခင်၌တည်ကြည်သောအသက်တာနဲ့ပြင်ဆင်အသက်ရှင်သွားဖို့ပဲဖြစ်ပါတယ်။ ညီအစ်ကိုမောင်နှမတို့ နောက်မှနောင်တမရရလေအောင် ယခုအချိန်သည် အသက်တာကိုပြင်ဆင်ဖို့အကောင်းဆုံးအချိန်ဖြစ်ပါတယ်။
• ငါတို့သခင် ယေရှုခရစ်ကို အမှန်ချစ်သောသူ အပေါင်းတို့၌ ကျေးဇူးတော်ရှိစေသတည်း။ အာမင်။ - ဧဖက် ၆:၂၄
၃.၅.၂၀၂၆ (Sunday)
Crd # # . GD
