https://www.shopify.com/free-trial/website?term=set+up+a+website&adid=565745246520&campaignid=15436644223&gclid=Cj0KCQjw

Ibet789 Goal to Goal - 2, Yangon (2025)

07/04/2024

ဒီ page မှာ တင်ဆက်နေကျဆောင်းပါးများကို

Goal to Goal 3 ဆိုတဲ့ Page အသစ်မှာ ဆက်လက်တင်ဆက်ပေးသွားမှာပဲဖြစ်ပါတယ် ။

Facebook advertise မရတော့တဲ့အတွက် အချိန်ယူပြီး ဂရုတစိုက်ပျိုးထောင်ခဲ့တဲ့ page လေးကို ထားခဲ့ပြီး

Page အသစ်နဲ့ပဲ ဆက် Run ရတော့မယ် ။

See You at Goal to Goal 3

07/04/2024

အဖြေထုတ်လို့မရသေးတဲ့ အဆင့်(၁)နေရာ

ဒီနေ့ညမှာ မန်ယူအသင်းနဲ့ လီဗာပူးအသင်းတို့ ကစားမယ့်ပွဲစဉ်ရှိတယ်။ မန်ယူအသင်းရဲ့အိမ်ကွင်းဖြစ်တာကြောင့်လည်း ကစားရခက်ခဲမှာသေချာတယ်။ မန်ယူဟာ တိုက်စစ်ကောင်းလှပါတယ်ဆိုတဲ့ လီဗာပူးကို အခုတစ်ရာသီလုံး ပရီးမီးယားလိဂ်မှာ သွင်းဂိုးမရရှိအောင် စွမ်းဆောင်နိုင်ခဲ့တဲ့ တစ်ခုတည်းသောအသင်းဖြစ်တယ်။

FA ဖလားမှာလည်း အံ့အားသင့်ဖွယ်ရာ လီဗာပူးအသင်းကိုဖြုတ်ချခဲ့သေးတယ်။ ဒါကြောင့်မလို့ မန်ယူဆိုတာက ခြေစွမ်းတွေယိုင်နဲ့နေသည့်တိုင်အောင် လျော့တွက်လို့မရတဲ့ အသင်းထဲမှာပါတယ်။ ကြားရက်မှာ ချယ်လ်ဆီးကိုရှုံးခဲ့တာကြောင့်လည်း ဒီပွဲစဉ်မှာရလဒ်ကောင်းရအောင် အစွမ်းကုန်ကြိုးစားကြမယ့်ပုံပေါ်တယ်။

လီဗာပူးအသင်းအတွက်လည်း ပရီးမီးယားလိဂ်ချန်ပီယံဆုကိုရယူနိုင်ဖို့အတွက်ဆို ဒီပွဲစဉ်ကမဖြစ်မနေအနိုင်ကစားရမယ်။ မန်ယူအသင်းနဲ့ပွဲစဉ်မကစားရသေးခင်မှာ အာဆင်နယ်က ဘရိုက်တန်ကိုနိုင်တယ်၊ မန်စီးတီးက ပဲလေ့စ်ကိုနိုင်ထားတယ်။ ဒါကြောင့်မလို့လည်း လီဗာပူးအသင်းအတွက် ဒီပွဲကမဖြစ်မနေအနိုင်ကန်ဖို့ ဖိအားတစ်ခုဖြစ်လာတယ်။

တနင်္ဂနွေနေ့ပွဲစဉ်တွေမတိုင်ခင်မှာ အာဆင်နယ်က တစ်ပွဲပိုကစားထားပြီး အဆင့်(၁)ကိုရောက်နေတယ်။ လီဗာပူးထက် (၁)မှတ်သာတဲ့အနေအထားနဲ့ပေါ့။ မန်စီးတီးကလည်း တစ်ပွဲပိုကစားထားပြီး လီဗာပူးအသင်းနဲ့ ရမှတ်တူနေတယ်။ အဆင့်(၃)နေရာကနေ ဖိအားပေးနေခဲ့တယ်။ ဒါကြောင့်မလို့ မန်ယူအသင်းနဲ့ပွဲစဉ်က လီဗာပူးအသင်းအတွက် ဖိုင်နယ်ပွဲစဉ်တစ်ပွဲလို ကစားရတော့မှာအသေအချာပါပဲ။

Ibet789 Goal to Goal-2

06/04/2024

ပဲလေ့စ်ဟာ စီးတီးအတွက် တကယ်ကိုခက်ခဲတဲ့ အသင်းတစ်သင်းပါပဲ။ ပဲလေစ့်အတွက် တခြားအသင်းတွေကို အိမ်ကွင်း ဖြစ်ဖြစ် အဝေးကွင်းဖြစ်ဖြစ် ရှုံးချင်ရှုံးလိမ့်မယ်။ ရလဒ်မကောင်းတာမျိူး ဖြစ်လိမ့်မယ်။ ဒါပေမယ့် အခက်တွေ့အောင်လုပ်တာမျိုးက နည်းပါးပါတယ်။ ဒါပေမယ့် ဒီပွဲတော့ မန်စီးတီးရဲ့ ချန်ပီယံလမ်းကြောင်းပေါ်မှာ ဆက်ရှိနေလိုချင်တဲ့စိတ်ကို ပဲလေ့စ်တို့ ဘယ်လိုမှ တားဆီးမရနိုင်ခဲ့တာတော့ အမှန်ပါပဲ။ ဦးဆောင်ဂိုးဟာ ပဲလေ့စ်အတွက် မလုံလောက်ခဲ့ပါဘူး။

ပွဲစတာနဲ့ ပဲလေ့စ်က သုံးမိနစ်ပဲရှိသေးတယ်။ ဦးဆောင်ဂိုးသွင်းယူသွားခဲ့တယ်။ စီးတီးပရိသတ်တွေအတွက် မျက်ခုံးလှုပ်စရာဖြစ်သွားခဲ့ပါသေးတယ်။ ဒါပေမယ့် ပန်းဝင်ဖို့နီးလာလေလေ အမှားနည်းအောင် ကစားတတ်တဲ့ ပက်ပ်အတွက် အိမ်စာကောင်းကောင်း လုပ်လာတဲ့ ပဲလေ့စ့်နည်းပြ အိုလီဗာကို အကောင်းဆုံး ပြန်တုံ့ပြန်နိုင်ခဲ့တယ်။ ပွဲကိုလည်း ထိန်းချုပ်ထားနိုင်ခဲ့သလို စီးတီးတို့ အခွင့်အရေးတွေ အများကြီး ရထားခဲ့တယ်။ ဒါက စီးတီးတို့အတွက် တိုက်ပွဲဝင်စိတ်အပြည့်နဲ့ အနိုင်ယူခဲ့တယ်လို့ပြောရမယ်။

ဒီဘရိုင်းက ဦးဆောင်ဂိုးပေးရပြီး ဆယ်မိနစ်ပဲ အကြာမှာပဲ ချေပဂိုး ပြန်သွင်းသွားခဲ့သလို ဒီရာသီမန်စီးတီးရဲ့ အသက် (၁၉) နှစ် အကယ်ဒမီထွက် ကွင်းလယ်လူငယ်လေး ရီကိုလီဝီးစ် နဲ့ ဟာလန်း ၊ ဒီဘရိုင်းတို့က ဦးဆောင်ဂိုးကို ပြန်သွင်းယူနိုင်ခဲ့သလို မန်စီးတီးဟာ အဝေးကွင်းမှာ ( ၂ - ၄ ) နဲ့ ပဲလေစ့်ကိုအနိုင်ယူခဲ့တယ်။ ဒီဘရိုင်းအတွက်တော့ ဒီပွဲမှာ လက်ရှိအထိတော့ နှစ်ဂိုးသွင်းပြီး တစ်ဂိုးဖန်တီးပေးထားခဲ့ပါတယ်။ ဒီဖန်တီးမှုကြောင့်လည်း ဒီဘရိုင်း အတွက် ပရီးမီယားလိဂ် မှာ ဂိုးဖန်တီးမှုပေါင်း အကြိမ် ( ၃၀၀)ပြည့်သွားခဲ့တယ်။ ဒါက ဒီဘရိုင်းကို အိုနေပြီလို့ ပြောနေကြတဲ့ ဝေဖန်သူတွေကို ပြန်လည်သက်သေပြခဲ့တာပါပဲ။

ရီကိုအတွက် ဒီရာသီ မန်စီးတီးမှာ ပရီးမီးယားလိဂ် သွင်းဂိုး နှစ်ဂိုးမြောက်ဖြစ်လာခဲ့တာ ဖြစ်သလို ဟာလန်းကလည်း လက်ရှိသွင်းဂိုးကြောင့် ဂိုးသွင်းအများဆုံးစာရင်းမှာ (၁၉) ဂိုးနဲ့ ဆက်လက်ရပ်တည်နေဆဲပါပဲ။ ပွဲအပြီးမှာတော့ မန်စီးတီးတို့ ဂိုးတွေဆက်တိုက်သွင်းယူနိုင်ခဲ့သလို ပဲလေစ့်ဘက်က ချေပဂိုးနောက်တစ်ဂိုးသာပြန်ရခဲ့တယ်။ ရလဒ်က ပွဲကို Kill the game လုပ်ထားခဲ့လို့ ဒီပွဲတော့ မန်စီးတီးတို့ အဝေးကွင်းမှာ နိုင်ပွဲရယူသွားနိုင်ခဲ့တယ်။ လက်ကျန်ပွဲတွေမှာ ရမှတ်အပြည့်ရယူပြီး ချန်ပီယံဆုအတွက် စီးတီးတို့ ဆက်လက်တိုက်ပွဲ ဝင်နေဦးမှာပါ။

Ibet789 Goal to Goal-2

06/04/2024

ပရီးမီးယားလိဂ်ရဲ့ လက်ကျန်ပွဲတွေထဲမှာ စိတ်ဝင်စားဖို့ကောင်းတဲ့ အချက်တစ်ချက်ရှိတယ်။ အဲ့တာက စပါးပဲ။ ဒီရာသီ စပါးဟာ ဥရောပချန်ပီယံလိဂ်ဝင်ခွင့်နဲ့ နှစ်မှတ်အကွာမှာရှိနေတယ်။ သတင်းတွေထွက်နေသလို ချန်ပီယ့်လိဂ်ကို အင်္ဂလန်က ငါးသင်းအထိ ဝင်ခွင့်ရသွားမယ်ဆိုရင်တော့ စပါးဟာ ဝင်လာနိုင်ချေရှိတယ်။ ဒါပေမယ့် လေးသင်းထဲသာဆိုရင်တော့ လက်ကျန်ပွဲတွေမှာ စပါးအနေနဲ့ ရုန်းထပြရပါဦးမယ်။ စိတ်ဝင်စားဖို့ကောင်းတဲ့ တစ်ချက်ရှိတယ်။

စပါးရဲ့ လက်ကျန်ပွဲတွေထဲမှာ လက်ရှိ ပရီးမီယားလိဂ်အမှတ်ပေးဇယားကို ဦးဆောင်ထားတဲ့ လီဗာပူး ၊ အာဆင်နယ် ၊ မန်စီးတီး သုံးသင်းစလုံးနဲ့တွေ့ရမယ်။ စပါးအတွက် ဒါဟာ အခွင့်အရေးလည်းဖြစ်သလို ပွဲကြပ်လို့ပြောရင်လည်း မှန်တယ်။ ဒီထိပ်ဆုံးသုံးသင်းထဲမှာ စပါးအတွက် ဘယ်အသင်းရဲ့ ချန်ပီယံဖြစ်ခွင့်အိမ်မက်ကို ရိုက်ချိုးသွားမလဲဆိုတာ စိတ်ဝင်တစား စောင့်ကြည့်သွားရမှာပါ။ ပထမအကျော့မှာလည်း ဒီထိပ်ဆုံးက သုံးသင်းစလုံးဟာ စပါးကို လုံးဝအနိုင်ရခဲ့ခြင်းမရှိဘူး။

လီဗာပူးကလည်း စပါးကို ရှုံးနိမ့်ခဲ့သလို အာဆင်နယ်နဲ့ မန်စီးတီး ကလည်း စပါးကို သရေသာကစားနိုင်ခဲ့တယ်။ ဒီရာသီ စပါးအတွက် ပရီးမီးယားလိဂ် အသင်းကြီးတွေထဲမှာ ချဲလ်ဆီးတစ်သင်းတည်းကိုသာ ရှုံးနိမ့်ထားတာဖြစ်ပါတယ်။ အဲ့လိုပဲ ချဲလ်ဆီးအသင်းနဲ့လည်း ထပ်မံဆုံတွေ့ရမှာဖြစ်သလို ပထမအကျော့က အရှက်တကွဲရှုံးနိမ့်ထားလို့ ဒီရှုံးပွဲကို သူတို့အနေနဲ့ အကြွေးပြန်ဆပ်သွားနိုင်မလားဆိုတာကလည်း အထူးပဲ စိတ်ဝင်စားစရာပါ။ ချဲလ်ဆီးကလည်း လက်ကျန်ပွဲတွေကို နိုင်မှ ဥရောပဝင်ခွင့်တစ်နေရာ မျှော်လင့်လို့ရမှာပါ။

စပါးကတော့ ဒီရာသီမှာ ပရီးမီးယားလိဂ် ချန်ပီယံဆုကို ဘယ်အသင်းကို ပေးသွားမလဲဆိုတာ သူ့တို့လက်ထဲမှာ မူတည်နေတယ်။ မန်စီးတီး နဲ့ အာဆင်နယ်ကို အိမ်ကွင်းမှာပဲ လက်ခံကစားရမှာဖြစ်လို့ အိမ်ကွင်းအားသာချက်အရ စပါးအသင်းအတွက် အခွင့်အရေးများစွာရှိနေတယ်။ လီဗာပူး ကွင်းမှာ သွားကစားရမယ့် ပွဲကလည်း ပထမအကျော့မှာ အငြင်းပွားဖွယ်ရာဖြစ်ရပ်တွေ ရှိခဲ့တာမို့ လီဗာပူးရဲ့ ချန်ပီယံအိမ်မက်လမ်းခရီးမှာ စပါးတို့ ဘယ်လောက်ထိစွမ်းဆောင်ပြပြီး ရပ်တန့်သွားနိုင်မလဲဆိုတာက အားလုံးပဲ စောင့်ကြည့်သွားရပါလိမ့်မယ်။

Ibet789 Goal to Goal-2

04/04/2024

လူတန်တောင်းကို အာဆင်နယ်တို့ အိမ်ကွင်းမှာ နှစ်ဂိုးပြတ်နဲ့ အနိုင်ရခဲ့တယ်။ ဒါက ဆန်းတော့မဆန်းပါဘူး။ ဘာလို့လဲဆိုတော့ လူတန်တောင်းရဲ့ လက်ရှိခြေစွမ်းအရ အာဆင်နယ် ကို အမ်းမရိတ်မှာ ယှဥ်ကစားဖို့ ဆိုတာ ခက်ပါတယ်။ ဒီတော့ အာဆင်နယ်ပဲ အနိုင်ရသွားမယ်ဆိုတာ သေချာနေတာပေါ့။ တစ်ပွဲလုံး အချက်အလက်အရ အာဆင်နယ်ဟာ လူတန်ကို အသာစီးရယူပြီး အနိုင်ယူခဲ့တယ်။ ပွဲကိုလည်း ထိန်းချုပ်နိုင်ခဲ့တယ်။

ဒါပေမယ့် ဆန်းတာက ကိုင်ဟာဗက်ပါ။ ဒီပွဲမှာ ကိုင်ဟာဗက်ဟာ အသင်းဖော်အတွက် တစ်ဂိုးဖန်တီးပေးခဲ့တယ်။ ဒီဂိုးကြောင့်ပဲ ကိုင်ဟာဗက် အတွက် ဒီရာသီ အာဆင်နယ် နဲ့အတူ ပရီးမီးယားလိဂ် မှာ ဂိုးပါဝင်ပတ်သက်မှု (၁၂) ဂိုးအထိ ရှိလာခဲ့ပါတယ်။ ဒါဟာ ပရီးမီးယားလိဂ်ကို စတင်ရောက်ပြီး ချဲလ်ဆီးမှာ ကစားခဲ့တဲ့ သုံးရာသီစလုံးရဲ့ ပိုမိုကောင်းမွန်တဲ့ အချက်အလက်တစ်ခုပဲ ဖြစ်ပါတယ်။ ဒီတော့ ကိုင်ဟာ အာတီတာအတွက် အချိန်ပေးရကျိူးနပ်တဲ့ ကစားသမား ဖြစ်လာတယ်။

ရွှေပင်နားတော့ ရွှေကျေး ဆိုသလိုပဲ ကိုင်ရဲ့ စွမ်းရည်ကို အာတီတာ ကြိုမြင်ခဲ့ပုံပါပဲ။ ဒါကြောင့်လည်း ကိုင်ကို အာဆင်နယ်ကို အရခေါ်ယူခဲ့တာပေါ့။ အစောပိုင်းက ပေးရတဲ့စျေးနဲ့ မတန်ဘူးလို့ ဝေဖန်ခံခဲ့ရသလို အာဆင်နယ်ဟာ ချဲလ်ဆီးအကျတွေကိုပဲ ခေါ်နေတယ်လို့လည်း အပြောခံခဲ့ရတယ်။ တကယ်လည်း ကိုင်အတွက် အာဆင်နယ်ကိုရောက်စမှာ ခက်ခဲခဲ့တယ်လို့ပြောရမယ်။ ကိုးပွဲတိတိ ဂိုးပေါက်ပျောက်ခဲ့သလို ဂိုးရတော့လည်း ပင်နယ်တီနဲ့ ဆိုတော့ ကိုင်ဟာအာတီတာအတွက် ဂျင်းဖြစ်နေပြီလို့တောင် ဝေဖန်ခဲ့ကြတယ်။

ဒါတွေက အခုတော့ ပုံပြင်ဖြစ်သွားခဲ့ပါပြီ။ ကိုင်ဟာဗက်ဟာ အခုတော့ အာဆင်နယ်အတွက် အရေးပါတဲ့ ကစားသမားဖြစ်လာခဲ့တယ်။ ပွဲတိုင်းကို ခြေစွမ်းပြနေခဲ့သလို သူ့ရဲ့ ရွေ့လျားမှူတွေက အသင်းဖော်တွေအတွက် နေရာလွတ်တွေ ဖန်တီးပေးနိုင်ခဲ့တာမျိုးပါ။
ကိုင်ဟာဗက်ဟာ ဂျာမဏီရဲ့ မူလာလက်သစ်ဖြစ်လာနိုင်တဲ့သူလို့ ထင်ကြေးပေးခံထားရတဲ့ သူတစ်ယောက်။ လက်ရှိ ဂျာမဏီလက်ရွေးစင်မှာ နာဂျယ်စမန်းအတွက် အထောင်တိုက်စစ်မှူးတစ်ယောက်ပါ။ တစ်ချိန်ကဝေဖန်ခံခဲ့ရတဲ့ ကိုင်ဟာ ဂမ်းနားတို့အတွက် အခုချိန်မှာတော့ ပစ်ပယ်လို့မရတော့တာ အသေအချာပါပဲ။

Ibet789 Goal to Goal-2

04/04/2024

လေဗာကူဆင်အတွက် တစ်ဖက်မှာ ဘွန်ဒက်လီဂါ ချန်ပီယံဆုကလည်း ကြိမ်းသေနေတယ်။ ဒီလိုအနေအထားမှာ ဂျာမန်ပိုကယ် ဖလားမှာလည်း ဆီမီးဖိုင်နယ်မှာ ဒူဆယ်ဒေါ့ဖ် အသင်းကို ဂိုးပြတ်အနိုင်ရပြီး ဖိုင်နယ်ကို သက်တောင့်သက်သာ တက်လှမ်းနိုင်ခဲ့ပါပြီ။ တကယ်တမ်းပြောရရင် ဂျာမန်ပိုကယ်ဖလားကလည်း လေဗာကူဆင် အသင်းအတွက် ချန်ပီယံဖြစ်ဖို့ ကြိမ်းသေလာပါပြီ။ ဘာလို့လည်းဆိုတော့ ဖိုင်နယ်မှာ ရင်ဆိုင်ရမယ့် ကိုင်ဇာစလော့တန်အသင်းက လိဂ်တူးမှာတောင် ရုန်းကန်နေရတဲ့ အသင်းဖြစ်နေတာကြောင့်ပါပဲ။

ဒီရာသီမှာ အလွန်ဆိုအတွက် ကျေနပ်စရာတွေချည်းပဲ ဖြစ်လာမယ့်ရာသီတစ်ခုဟာ အသင့်စောင့်ကြိုနေတယ်။ သူတို့ဟာ ဒီလိုဖြစ်လာဖို့ လွယ်လွယ်ကူကူ ရလာခဲ့တာတော့ မဟုတ်ဘူး။ သူတို့တွေ အများကြီး ကြိုးစားရုန်းကန်ခဲ့ရတယ်။ သူတို့တွေရဲ့ အားထုတ်မှုတွေဟာ အလဟသ ဖြစ်မသွားပဲ ကြိုးစားမှူတိုင်းအတွက် ပြန်ရလာခဲ့တာတွေက အကုန်လုံး ပီတိဖြစ်စရာတွေပါပဲ။ ရာသီကုန်ရင် လေဗာကူဆင် အသင်းမှာပဲ ဆက်ရှိနေမယ်လို့ သတင်းတွေထွက်နေသလို အလွန်ဆိုဟာ မဟာပြိုင်ဘက် ဘိုင်ယန်မြူးနစ်ကို နည်းပြမှာမဟုတ်သလို အင်္ဂလန် ပရီးမီးယားလိဂ် ကိုလာပြီးလည်း လီဗာပူးကို ကိုင်တွယ်မှာ မဟုတ်ပါဘူး။

တကယ်တော့ အလွန်ဆို ကို မျက်စိကျနေတဲ့ အသင်းတွေထဲမှာ လက်ရှိ ဥရောပအသင်းကြီးတွေ တော်တော်များများ ပါဝင်နေတယ်။ ဒီထဲမှာ ရီးရဲလ် ၊ ဘိုင်ယန် ၊ ချဲလ်ဆီး ၊ လီဗာပူးတို့လို အသင်းတွေက ထိပ်ဆုံးမှာ ရှိတယ်။ လေဗာကူဆင်အတွက် အခုလိုရလဒ်ကောင်းတွေ ရလာတယ်ဆိုတာ သိပ်ကိုကျေနပ်စရာ ကောင်းပါတယ်။ ဒါဟာ အလွန်ဆိုရဲ့ အရည်အချင်းကြောင့် ဖြစ်သလို လေဗာကူဆင် အသင်းရဲ့ ကစားသမားတွေ ကြိုးစားအားထုတ်မှုကြောင့်လည်း ဖြစ်တယ်။ ဒီတော့ ဒီရာသီမှာ လေဗာကူဆင် ပရိသတ်တွေအတွက် အရာအားလုံးဟာ ကျေနပ်စရာတွေချည်းပါပဲ။

ရှုံးပွဲလုံးဝမရှိသေးတဲ့ လေဗာကူဆင် ကို ဂျာမန်လိဂ်မှာ ရပ်တန့်မယ့်အသင်းမရှိသေးဘူး။ ဒီအချက်က ကစားသမားတွေရဲ့ စိတ်ထဲမှာ ပိုပြီး ကြိုးစားချင်စိတ်ဖြစ်ပေါ်လာစေတယ်။ လေဗာကူဆင်အတွက် ပြိုင်ပွဲစုံမှာ ပွဲပေါင်းလေးဆယ်အထိ ရှုံးပွဲမရှိ ခရီးဆက်နေခဲ့တယ်။ ဘိုင်ယန်လိုအသင်းကို အဝေးကွင်းမှာ သရေကစားပြီး အိမ်ကွင်းမှာ သုံးဂိုးပြတ် အနိုင်ရခဲ့ကတည်းက ဒီရာသီ လေဗာကူဆင်ကို ရပ်တန့်ဖို့ဆိုတာ ဘယ်လိုမှမဖြစ်နိုင်မှန်းသိသာခဲ့တယ်။ ရှုံးတော့မယ်လို့ ထင်နေတဲ့ အထဲကပဲ comeback နိုင်ခဲ့တာ ဘယ်နှစ်ပွဲရှိနေပြီလဲ။ ဘိုင်ယန်လိုအသင်းက ဘွန်ဒက်လီဂါမှာ ငါးပွဲအထိ ရှုံးနိမ့်ထားချိန်မှာ လေဗာကူဆင်က ရှုံးပွဲလုံးဝမရှိသေးဘူး။ ဒီလောက်ဆို ဒီရာသီ လေဗာကူဆင်ကို ရပ်တန့်ဖို့ဆိုတာ ဘယ်လိုမှ မဖြစ်နိုင်တာ သေချာသွားပါပြီ။

Ibet789 Goal to Goal-2

03/04/2024

ရော်နယ်ဒိုအတွက် ဟက်ထရစ်ဆိုတာ ရိုးအီနေပါလိမ့်မယ်။ တကယ်တော့ တစ်ပွဲထဲမှာ သုံးဂိုးသွင်းနိုင်ဖို့ဆိုတာ မလွယ်ကူပေမယ့် သူလုပ်ပြနိုင်ခဲ့တာ မကြာခဏပါပဲ။ အဲ့ထက်ပိုခက်ခဲတာက နှစ်ပွဲဆက် ဟက်ထရစ်တဲ့ ။ ဒါကတော့ ပိုပြီးခက်ခဲပါလိမ့်မယ်။ တော်ရုံကစားသမား မလုပ်ပြနိုင်တာမျိုးကို ရော်နယ်ဒိုက သူ့အသက် (၃၉) နှစ်ကိုမှ မငဲ့ညှာပဲ လုပ်ပြနေတာပါ။ ဒီရာသီမှာ ရော်နယ်ဒိုတစ်ယောက် အယ်လ်နာဆာအတွက် ပြိုင်ပွဲစုံ သွင်းဂိုး (၃၆) ဂိုးအထိ သွင်းယူခဲ့ပြီးပါပြီ။

ရော်နယ်ဒိုရဲ့ ကစားသမားဘဝမှာ သွင်းဂိုးတွေကပဲ သူ့ကိုနာမည်ရစေခဲ့တာဖြစ်သလို သူဟာ ပါရမီရှင်ကစားသမား မဟုတ်ခဲ့ဘူး။ သူ့ရဲ့ ကြိုးစားမှူနဲ့ ဇွဲလုံ့လကြောင့်သာ အခုလို ရပ်တည်နိုင်ခဲ့တာပါ။ သူ့ရဲ့ Image က အရမ်းကြီးတော့လည်း မလိုသူတွေရဲ့ ဝေဖန်သံဆိုတာ သိပ်တော့ ဆန်းကျယ်နေတာမျိုး မဟုတ်တော့ပါဘူး။ ရော်နယ်ဒိုဟာ ရော်နယ်ဒို ပီပီသသပဲ အကောင်းဆုံး ဖြစ်တည်နေဆဲပါပဲ။ အယ်လ်နာဆာ အသင်းကို သူစရောက်ကတည်းက ပွဲပေါင်း (၆၀) မှာ ဂိုးပေါင်း (၅၃) ဂိုးအထိသွင်းယူပြီး ဇရာအိုပေမယ့် သမ္ဘာမအိုသေးဘူးဆိုတာကို ပြသခဲ့တာပါ။

ဒီရာသီမှာဆို ရော်နယ်ဒိုဟာ အယ်လ်နာဆာအသင်းနဲ့အတူ ဆော်ဒီပရိုလိဂ်မှာ (၂၄) ပွဲကစားပြီး (၂၉) ဂိုးသွင်း (၁၀) ဂိုးဖန်တီးထားခဲ့တယ်။ နောက်ဆုံးကစားတဲ့ အယ်လ်နာဆာအတွက် နှစ်ပွဲစလုံးမှာ ဟက်ထရစ်နှစ်ကြိမ်ရခဲ့တယ်။ ဒီထဲမှာ ပင်နယ်တီသွင်းဂိုး လုံးဝမပါဝင်ခဲ့ဘူး။ အက်ဘ်ဟာ အသင်းကို သွင်ယူခဲ့တဲ့ သွင်းဂိုး သုံးဂိုးမှာဆိုရင် ပထမဂိုးမှာ ဖရီးကစ်ကို ကာထားတဲ့ လူတံတိုင်းအောက်က အပြင်းကန်ပြီး သွင်းယူခဲ့တာဖြစ်သလို ဒုတိယသွင်းဂိုးကလည်း ဖရီးကစ်ကနေပဲ သွင်းယူသွားခဲ့တာပါ။

တတိယသွင်းဂိုးဆိုရင် တော်တော်လေးကို လှတယ်။ အသင်းဖော်က မျှောထိုးပေးလိုက်ချိန်မှာ ရှေ့တက်လာတဲ့ ပြိုင်ဘက်ဂိုးသမား မရိပ်မိခင်မှာပဲ chip shot နဲ့ ကျော်ထည့်ပြီး လှလှပပ သွင်းယူခဲ့တာပါ။ ခေတ်တွေ ပြောင်းလာတာနဲ့အမျှ ကစားသမား တော်တော်များများဟာ အသက် (၃၆) ဝန်းကျင်ဆိုရင် အနားယူသွားကြတာများပါတယ်။ ဘောလုံးကစားဖို့ကိုလည်း စိတ်သိပ်မပါကြတော့ပါဘူး။ ဒါပေမယ့် ရော်နယ်ဒို ကတော့ ဒီလိုမဟုတ်ပဲ အသက်လေးဆယ်ကျော်တဲ့အထိ ဘောလုံးကစားချင်စိတ် ၊ သွင်းဂိုးတွေ ဆာလောင်စိတ် ရှိနေတဲ့ပုံပါပဲ။ ပါရမီ ရှင်မဟုတ်တဲ့ ရော်နယ်ဒို အတွက် ကြိုးစားချင်စိတ်ကပဲသူ့ကို အခုလို ရပ်တည်နိုင်စေခဲ့တာပဲ ထင်ပါတယ်။

Ibet789 Goal to Goal-2

02/04/2024

ဒီရက်ပိုင်း စီးတီး နဲ့ အာဆင်နယ် ပွဲတုန်းက ဆာလီဘာတစ်ယောက် ဟာလန်းကို ဂိုးပေါက်ကန်ချက်လုံးဝ မရအောင်ထိန်းချုပ်ပြသွားခဲ့တဲ့ ခြေစွမ်းကို ချီးကျူးနေကြတယ်။ နှစ်ယောက်စလုံးက သက်တူရွယ်တူတွေဖြစ်သလို အသက် (၂၃) နှစ်ထဲမှာပါ။ ဟာလန်းကတော့ အရင်တုန်းက သွင်းဂိုးတွေနဲ့ နာမည်ရလာခဲ့တာဖြစ်တယ်။ မနှစ်ကဆိုရင်လည်း ဟာလန်းရဲ့သွင်းဂိုးတွေဟာ မန်စီးတီး အတွက် တော်တော်လေး အရေးပါခဲ့တာပဲမလား။

ဒီရာသီ ဆာလီဘာ ခြေစွမ်းထောင်တက်လာတာ သိသာလွန်းပါတယ်။ တစ်ဖက်နဲ့တစ်ဖက် နည်းဗျူဟာခြင်း ယှဥ်တိုက်ရတဲ့ပွဲတွေမှာဆိုရင် ဆာလီဘာရဲ့ ခြေစွမ်းကပိုသိသာတယ်။ အထူးသဖြင့် နောက်ခံလူတစ်ယောက်အတွက် ပြိုင်ဘက်အသင်းရဲ့ တိုက်စစ်မှူးကောင်းကို ရပ်တန့်နိုင်ဖို့ဆိုတာ ပိုပြီးတော့ ခက်ခဲတယ်။ ဟာလန်းက ဘယ်လိုတိုက်စစ်မှူးမျိုးဆိုတာ အားလုံးသိတယ်။ ကြံ့ခိုင်တဲ့ ကိုယ်ခန္ဓာ ကိုပိုင်ဆိုင်ထားသလို ပါးနပ်တဲ့ရွေးလျားမှုတွေက တော်ရုံခံစစ်မှူးမျိူးဆိုရင် အငိုက်မိသွားနိုင်တာပေါ့။

ဆာလီဘာကတော့ ဒီလိုမဟုတ်ဘူး။ မြင့်မားတဲ့အရပ်ကို ပိုင်ဆိုင်ထားသလို စီးတီးနဲ့ပွဲမှာဆိုရင် ဟာလန်းအားသာတဲ့ အမြင့်ဘောတွေကို အကောင်းဆုံးတားဆီးပြသွားတယ်။ ဒီပွဲမှာ ဆာလီဘာဟာ မြေပြင်ထိပ်တိုက်တွေ့ဆုံမှု (၆) ကြိမ်စလုံးကို တစ်ရာရာခိုင်နှုန်းရပ်တန့်နိုင်ခဲ့သလို အမြင့်ဘောတွေကိုလည်း အကောင်းဆုံးတားဆီးနိုင်ခဲ့တယ်။ တကယ်တော့ ဆာလီဘာတစ်ယောက် အာဆင်နယ် မှာအခုလို နေရာရလာဖို့ တခြားသောအသင်းတွေကို အငှားသွားရောက်ကစားပြီး ကြိုးစားခဲ့ရတာပါ။

အခုတော့ ဒီကြိုးစားမှုရဲ့ရလဒ်က ပြန်အကျိုးပေးနေခဲ့ပြီပေါ့။ အာဆင်နယ် အကယ်ဒမီကနေ နိုက်စ် နဲ့ မာဆေးလ်တို့ကို အငှားထွက်ကစားခဲ့ရသေးတယ်။ အဲ့ကနေပဲ သင်ယူမှုတွေများစွာ ရခဲ့သလို အခုလို ဂမ်းနားတို့ရဲ့ခံစစ်ကြောင်းမှာ နေရာတစ်နေရာ ရလာခဲ့တာပါ။ အာတီတာအတွက် အချိန်ပေးရကျိုးနပ်ပါတယ်။ (၂) နှစ်ဆိုတဲ့ အချိန်တိုအတွင်းမှာ ဆာလီဘာခြေစွမ်းထောင်တက်လာတာ ၊ ကစားပုံတည်ငြိမ်ခဲ့တာတွေက တကယ်ကို အံ့သြစရာပါပဲ။ အသက်ကလည်း ငယ်သေးသလို ဒီရာသီ အာဆင်နယ် ခံစစ်ကြောင်းက ပရီးမီးယားလိဂ်မှာ ပေးဂိုးအနည်းဆုံးဆိုတဲ့ ရလဒ်ကောင်းတစ်ခုကို ရရှိလာအောင် ဆာလီဘာရဲ့ စွမ်းဆောင်ရည်တွေက အများကြီး သက်ရောက်နေခဲ့တာပေါ့။

Ibet789 Goal to Goal-2

02/04/2024

ဟာလန်းတစ်ယောက် စွမ်းဆောင်ရည်ကျသွားခဲ့ပြီလား?

ပြီးခဲ့တဲ့ရာသီ ပရီးမီးယားလိဂ်ပြိုင်ပွဲကို စရောက်တည်းက ဂိုးတွေတစ်ဒိုင်းဒိုင်းသွင်းပြီး ရာသီကုန်မှာ ပရီးမီးယားလိဂ်သွင်းဂိုး(၃၆)ဂိုးအထိရခဲ့တဲ့ ကစားသမားတစ်ယောက်။ အခုရာသီမှာတော့ ဒဏ်ရာပြဿနာတချို့ကြောင့် နိမ့်ပါးခဲ့ရတယ်။ အာဆင်နယ်အသင်းနဲ့ပွဲအပြီးမှာလည်း ပရိသတ်တွေက ဟာလန်းအပေါ်ဝေဖန်မှုတွေရှိလာခဲ့ကြတယ်။

သွင်းဂိုးတွေများစွာသွင်းယူနေတဲ့ ကစားသမားတစ်ယောက်ဖြစ်သော်လည်း အသင်းကြီးနဲ့ပွဲတွေမှာ ဂိုးမသွင်းနိုင်တာက ဟာလန်းရဲ့အားနည်းချက်ဆိုလည်း မမှားဘူး။ တချို့တွေက အသင်းကြီးတွေနဲ့တွေ့ဆုံရတာက အမြဲတမ်းတွေ့နေရတာမဟုတ်လို့ ကျန်တဲ့ပွဲစဉ်တွေမှာ ခြေစွမ်းပြသွင်းဂိုးတွေ သွင်းယူပေးနေတာနဲ့တင် ကျေနပ်ကြပေမယ့် တိုက်စစ်မှူးကောင်းတစ်ယောက်ဆိုတာက အသင်းကြီးနဲ့ပွဲမှာ ဂိုးသွင်းယူတတ်ဖို့လည်း လိုအပ်နေပါသေးတယ်။

ဒါပေမယ့်ဒီရာသီမှာ ဟာလန်းတစ်ယောက် စွမ်းဆောင်ရည်ကျသွားတာလားလို့မေးမယ်ဆိုလျှင်တော့ ပြီးခဲ့တဲ့ရာသီနဲ့ယှဉ်မယ်ဆို ကျပါတယ်။ ဒါပေမယ့်အခုလက်ရှိအနေအထားအရဆို ဟာလန်းဟာပုံမှန်အတိုင်းပါပဲ။ ပရီးမီးယားလိဂ်(၂၄)ပွဲကစားထားရာမှာ (၁၈)ဂိုးသွင်းထားပါတယ်။ တစ်ပွဲကို တစ်ဂိုးနှုန်းနီးပါးပါပဲ။ ဒါကြောင့်မလို့ ဟာလန်းကို ပြီးခဲ့တဲ့ရာသီကထက် ခြေစွမ်းကျသွားတယ်လို့ ပြောမယ်ဆိုလျှင် မှားသွားပါလိမ့်မယ်။ ဟာလန်းက သွင်းဂိုးအရေအတွက်သာ ကျဆင်းသွားခဲ့ရတာပါ။

သူ့ရဲ့တိုက်စစ်မှူးကောင်းတစ်ယောက်မှာ ရှိသင့်ရှိထိုက်တဲ့ စွမ်းဆောင်ရည်အားလုံးက ပကတိအတိုင်းမပြောင်းလဲပဲရှိနေတုန်းပါပဲ။ သွင်းဂိုးတွေကိုလည်း သွင်းယူနေတုန်းပါပဲ။ ဒီရာသီပရီးမီးယားလိဂ်က ပြီးခဲ့တဲ့ရာသီတွေကထက် ကစားရခက်ခဲသလို အသင်းတိုင်း၊ ကစားသမားတိုင်းဟာ အခက်အခဲကိုယ်စီနဲ့ ကြုံတွေ့နေကြရပါတယ်။ ဒါပေမယ့် ဟာလန်းဟာ ဒဏ်ရာကြောင့်အနားယူထားရတာတောင်မှ ပရီးမီးယားလိဂ်ရဲ့ဂိုးသွင်းအများဆုံးကစားသမားအဖြစ် ရပ်တည်နေတာကိုကြည့်တာနဲ့ စွမ်းဆောင်ရည်ကျဆင်းသွားတာမျိုးမဟုတ်ပဲ ဂိုးသွင်းနှုန်းကျဆင်းသွားတယ်လို့သာ သတ်မှတ်ရပါလိမ့်မယ်။

Ibet789 Goal to Goal-2

01/04/2024

"ကျရာနေရာမှာတာဝန်ကျေတဲ့ အာဂျင်တိုင်းသားတစ်ယောက်"

(၂၀၂၂)ကမ္ဘာ့ဖလားချန်ပီယံ ကစားသမားတစ်ယောက်။ အာဂျင်တီးနားအသင်းရဲ့ကွင်းလယ်မှာ အင်ဂျင်တစ်ခုသဖွယ်‌ မောင်းနှင်ပေးခဲ့တယ်။ အာဂျင်တီးနားအသင်း ကမ္ဘာ့ဖလားရခဲ့ရာမှာ မက်အယ်လစ္စတာကလည်း မပါမဖြစ်ပဲ။ သူ့ရဲ့ကွင်းလယ်ကနေ အသင်းကိုမောင်းနှင်ပေးမှုတွေ၊ ဘောလုံးဖြန့်ပေးမှုတွေက အာဂျင်တီးနားအသင်းအတွက် မရှိမဖြစ်အရေးပါခဲ့တယ်။

မက်အယ်လစ္စတာက အာဂျင်တီးနားအသင်းနဲ့ ကမ္ဘာ့ဖလားပွဲစဉ်ပြီးတော့မှ လူသိများလာခဲ့တာ‌ဆိုပေမယ့် ဘရိုက်တန်အသင်းမှာကစားစဉ်တည်းက အသင်းရဲ့ကွင်းလယ်ကို မောင်းနှင်းပေးခဲ့တယ်။ ကွင်းလယ်ကနေ vision ကောင်းကောင်းနဲ့ ဘောလုံးဖြန့်ဝေပေးတာတွေ၊ ခံစစ်၊ တိုက်စစ်ကြား balance ညီအောင်ထိန်းညှိပေးနိုင်တာတွေက သူ့ရဲ့အားသာချက်ပဲ။

ဂိုးသွင်းမှကောင်းတယ်ထင်တဲ့ မော်ဒန်ခေတ်ဘောလုံးလောကကြီးမှာ မက်အယ်လစ္စတာက ဖန်တီးမှုတွေ၊ သွင်းဂိုးတွေကို မရယူပေးနိုင်သည့်တိုင်အောင် သူ့ရဲ့လုပ်အားနှုန်းနဲ့ အရည်အသွေးကတော့ ပွဲတိုင်းလိုလိုမှာပေါ်လွင်ခဲ့တယ်။ ဒါကြောင့်မလို့လည်း ဒီရာသီအစမှာ လီဗာပူးအသင်းက ဝယ်ခဲ့တာပေါ့။ ဝယ်တော့လည်း မက်အယ်လစ္စတာရဲ့ပြောင်းရွှေ့ကြေးက ပေါင်(၃၅)သန်းသာရှိခဲ့တယ်။

သာမန်ကစားသမားတစ်ယောက်တောင်မှ ‌တန်ကြေးမြင့်နေတဲ့အချိန်မှာ လီဗာပူးအသင်းဟာ မက်အယ်လစ္စတာလို ကစားသမားမျိုးကို ပေါင်(၃၅)သန်းနဲ့ရရှိခဲ့တယ်။ ဘရိုက်တန်အသင်းဟာ အခုဘောလုံးရာသီအစမှာ အသင်းရဲ့ကွင်းလယ်တစ်စုံလုံးကိုရောင်းခဲ့တယ်။ ကိုင်စီဒိုလိုကစားသမားမျိုးကို ချယ်လ်ဆီးအသင်းက ပေါင်(၁၁၅)သန်းပေးနေရတဲ့အချိန်မှာ မက်အယ်လစ္စတာကို ပေါင်(၃၅)သန်းနဲ့ရလိုက်တာက လီဗာပူးအသင်းအတွက် တကယ်ကိုတန်လွန်းတဲ့ အပြောင်းအရွှေ့ဖြစ်ခဲ့တယ်။

ရာသီအစမှာ လီဗာပူးအသင်းရဲ့ ဒဏ်ရာပြဿနာတွေ၊ ပုံမှန်ပွဲထွက်ခွင့်ပေးမယ့် ကွင်းလယ်အဖျက်ကစားသမားတစ်ယောက်ကို အချိန်မှီမခေါ်နိုင်တာတွေကြောင့် မက်အယ်လစ္စတာဟာ လီဗာပူးအသင်းရဲ့ပွဲစဉ်တချို့မှာ တိုက်စစ်ထက် ခံစစ်ကိုပိုမိုကူနေရပြီး စဘော့ဇ်လိုင်းတစ်ယောက်ကိုသာ တိုက်စစ်ကူရမယ့် တာဝန်ကိုပေးထားရတယ်။ ဒါပေမယ့်နောက်ပိုင်းမှာ အန်ဒိုတစ်ယောက် ခြေစွမ်းပြပြီး ပုံမှန်ပွဲထွက်ခွင့်ရလာတာနဲ့အတူ မက်အယ်လစ္စတာဟာ တဖြည်းဖြည်းနဲ့ တိုက်စစ်ကိုပိုမိုပံ့ပိုးနိုင်တဲ့ တိုက်စစ်အားသန်ကွင်းလယ်တစ်ယောက် ဖြစ်လာခဲ့ရတယ်။

ဒီရာသီမှာလီဗာပူးအသင်းအတွက် ပရီးမီးယားလိဂ်(၂၄)ပွဲမှာ (၃)ဂိုးသွင်း၊ (၅)ဂိုးဖန်တီးခဲ့တယ်။ ဘရိုက်တန်ကိုအနိုင်ရတဲ့ပွဲစဉ်မှာလည်း လီဗာပူးအသင်းအတွက်အရေးပါတဲ့ ဆာလာရဲ့ဦးဆောင်ဂိုးကို ဖန်တီးပေးနိုင်ခဲ့တယ်။ ဒီရာသီမှာ လီဗာပူးအသင်းရဲ့ကွင်းလယ်ကစားပုံဟာ ပြီးခဲ့တဲ့ရာသီတွေကထက် သိသိသာသာပြောင်းလဲလာခဲ့တယ်။ ဒီထဲမှာမှ ပေါင်(၃၅)သန်းတန် ကမ္ဘာ့ဖလားပိုင်ရှင် မက်အယ်လစ္စတာရဲ့ ကျရာနေရာမှာ အကောင်းဆုံးကစားနိုင်တဲ့ စွမ်းဆောင်ရည်တွေကိုလည်း မဖြစ်မနေအသိအမှတ်ပြုရပါလိမ့်မယ်။

Ibet789 Goal to Goal-2

01/04/2024

လီဗာပူးဖလားလို့ ပြောလို့ရပြီလား?

ဘရိုက်တန်အသင်းကို ဂိုးစပေးရတော့ လီဗာပူးအသင်းတော့ သွားပြီလို့ထင်ခဲ့မိကြတယ်။ ဒါပေမယ့်လီဗာပူးက လီဗာပူးပီသခဲ့တယ်။ (၂၇)မိနစ်မှာတင် ဒီယက်ဇ်က လီဗာပူးအသင်းအတွက် ချေပဂိုးကိုပြန်သွင်းခဲ့တယ်။ ပွဲအစမလို့ပြိုင်ဘက်ကို ဦးဆောင်ဂိုးအမှတ်တမဲ့ပေးလိုက်ရပေမယ့် သရေကျပြီဆိုတဲ့အနေအထားမှာ လီဗာပူးဟာတိုက်စစ်ကိုရဲရဲကြီးဖွင့်ပြီး ကစားသွားခဲ့တယ်။

ဒုတိယပိုင်းရောက်တဲ့အခါ ဆာလာက လီဗာပူးအတွက် အနိုင်ရစေမယ့်ဂိုးကို သွင်းတယ်၊ လီဗာပူးအသင်းရဲ့တိုက်စစ်သာ ဒီထက်ပိုပြီးအခွင့်အရေးတွေကို အသုံးချနိုင်မယ်ဆိုလျှင် (၂-၁)ဆိုတဲ့ရလဒ်ထက် ပိုပြတ်မှာအသေအချာပဲ။ မန်စီးတီး-အာဆင်နယ်ပွဲမတိုင်ခင် ဇယားထိပ်မှာ (၃)မှတ်ဖြတ်ပြီးနေရတာက လီဗာပူးအသင်းအတွက်ကောင်းသလို ပြိုင်ဘက်အသင်းနှစ်သင်းကိုလည်း ဖိအားဖြစ်စေခဲ့တယ်။

မန်စီးတီး၊ အာဆင်နယ်တို့ ဂိုးမရှိသရေကျသွားတဲ့အချိန်မှာတော့ လီဗာပူးကဇယားထိပ်မှာ (၂)မှတ်အထိဖြတ်သွားနိုင်ခဲ့ပြီ။ လက်ကျန်ပွဲစဉ်ကလည်း (၉)ပွဲ၊ ဒီ(၉)ပွဲမှာ မန်ယူ၊ စပါး၊ ဗီလာတို့ကပဲ လီဗာပူးအသင်းအတွက် သတိထားစရာဖြစ်လိမ့်မယ်။ ဒီရာသီဟာ ကလော့ပ်ရဲ့နောက်ဆုံးရာသီဆိုတာ လူတိုင်းသိတယ်။ အခုလီဗာပူးအသင်းသားတွေကလည်း ကလော့ပ်ခေါ်ယူခဲ့တဲ့၊ မြေတောင်‌မြှောက်ပေးခဲ့တဲ့ ကစားသမားတွေချည်းပဲ။

ဒါကြောင့်မလို့ လီဗာပူးအသင်းသားတိုင်းဟာ သူတို့အတွက်ဆိုတာထက် နည်းပြကလော့ပ်အတွက် အရာရာကိုပေးဆပ်ကစားချင်စိတ်ရှိကြတယ်။ အခုလက်ရှိ လီဗာပူးအသင်းသားတွေရဲ့စိတ်ဓာတ်က မက်ဆီကမ္ဘာ့ဖလားရအောင် အာဂျင်တီးနားအတွက် ကြိုးစားအားထုတ်ပေးကြတဲ့ အာဂျင်တီးနားအသင်းသားတွေနဲ့တောင် စိတ်ဓာတ်ချင်းကတူညီကြပါလိမ့်မယ်။ FA ဖလားကထွက်ခဲ့ရပေမယ့် ကာရာဘောင်ဖလားကို လက်ဝယ်ပိုက်ထားကြသလို ပရီးမီးယားလိဂ်နဲ့ ယူရိုပါလိဂ်ကလည်း လက်တစ်ကမ်းအနေအထားမှာရှိနေခဲ့တယ်။

ဒါကြောင့်မလို့ ပရီးမီးယားလိဂ်ချန်ပီယံက လီဗာပူးဖြစ်ပြီလို့ ပြောလို့မရသေးဘူးဆိုလျှင်တောင်မှ အခုလိုမန်စီးတီး၊ အာဆင်နယ်ကို (၂)မှတ်အထိဖြတ်ထားနိုင်တာက ကွာခြားချက်တစ်ခုတော့ဖြစ်သွားပါလိမ့်မယ်။

Ibet789 Goal to Goal-2

31/03/2024

ကိန်းအတွက် ရက်စက်လွန်းတဲ့လောကကြီး

(၃၄)ပွဲပဲကစားရတဲ့ ဘွန်ဒက်လီဂါပြိုင်ပွဲမှာ ဘိုင်ယန်မြူးနစ်အသင်းဟာ အမှတ်ပေးဇယားထိပ်က လေဗာကူဆင်နဲ့ (၁၃)မှတ်အထိကွာဟနေခဲ့တယ်။ လက်ကျန်ကလည်း (၇)ပွဲပဲရှိတော့တာမလို့ ဘိုင်ယန်မြူးနစ်အသင်းအတွက် ဆုဖလားမျှော်လင့်ချက်က ပြီးဆုံးသွားခဲ့ရပါပြီ။

ဒီရာသီနည်းပြသောမတ်တူချယ်လက်ထက်မှာ ဘိုင်ယန်မြူးနစ်အသင်းဟာ တော်တော်လေးကို ခြေစွမ်းပိုင်းမတည်မငြိမ်ဖြစ်ခဲ့တယ်။ အသင်းသားတွေနဲ့ နည်းပြကြား အယုံအကြည်မရှိတာတွေကြောင့်ပဲ ဘိုင်ယန်ဟာ ပိုဆိုးသထက်ကိုဆိုးလာခဲ့တာလို့ပြောရမယ်။ ဒီချိန်မှာသနားမိတာက ဟယ်ရီကိန်းပဲ။

ကိန်းဆိုတာက ဂိုးသွင်းစွမ်းရည်နဲ့ပတ်သက်လျှင် ဘယ်သူကမှသံသယမဝင်ခဲ့တဲ့ လူတစ်ယောက်။ စပါးမှာလည်း ဒါတွေကိုသက်သေပြခဲ့ပြီးသား။ ဟယ်ရီကိန်းတစ်ယောက် ဂိုးသွင်းစွမ်းဆောင်ရည်တွေကို ဘယ်လောက်အထိပဲပြသနေပါစေ၊ ကစားသမားဘဝအတွက် လိုအပ်ချက်တွေထဲမှာ ဆုဖလားတွေကလည်း အရေးကြီးတယ်။

ဒါကြောင့်မလို့ပဲ စပါးမှာ ဂိုးဘယ်လောက်သွင်းသွင်း၊ အဆင်ဘယ်လောက်ထိပဲပြေနေပါစေ၊ အသင်းပြောင်းဖို့ဆုံးဖြတ်ခဲ့တယ်။ သူရွေးခဲ့တဲ့အသင်းကလည်း ဘိုင်ယန်မြူးနစ်။ ဘိုင်ယန်ဆိုတာက ဟယ်ရီကိန်းမရောက်ခင်တည်းက တောက်လျှောက်ဆုဖလားတွေယူနေတဲ့အသင်း။ ဒီအသင်းမှာလည်း ဟယ်ရီကိန်းက သူ့ရဲ့ဝာာဝန်ကိုကျေခဲ့တယ်။ ဂိုးတွေသွင်းတယ်၊ စံချိန်မှတ်တမ်းတွေတင်တယ်။

ဒါပေမယ့် ကိန်းဟာကံမကောင်းခဲ့ဘူး။ သူ့ရဲ့သွင်းဂိုးတွေက ယိုင်နဲ့နေတဲ့အသင်းကို မကူညီနိုင်ခဲ့ဘူး။ တချို့တွေက ဘိုင်ယန်မြူးနစ်ရဲ့ကျရှုံးခြင်းက ကိန်းရဲ့ကံကြောင့်လို့ပြောကြတယ်။ ဒါပေမယ့် ဒီလိုကျရှုံးခြင်းမှာ ကိန်းကိုအပြစ်တင်မယ်ဆို ကျွန်တော်တို့ဟာ လွန်ရာကျသွားပါလိမ့်မယ်။ ကိန်းဟာ တာဝန်ကို လိုအပ်တာထက်ပိုပြီးတော့ ကျေပွန်ခဲ့ပါတယ်။ သူ့အတွက် ကံကောင်းဖို့တစ်ခုပဲ လိုအပ်ခဲ့တာပါ။

Ibet789 Goal to Goal-2

Ibet789 Goal to Goal - 2

07/04/2024

07/04/2024

06/04/2024

06/04/2024

04/04/2024

04/04/2024

03/04/2024

02/04/2024

02/04/2024

01/04/2024

01/04/2024

31/03/2024

Address

Telephone

Website

Alerts

Contact The Business

Shortcuts

Share

Category