15/12/2024
PtrRBsN
ဒီသီချင်းက Electronic music ထက်ပိုပါတယ်။ ကျနော်အပါအဝင် စိတ်ရဲ့အတွင်းပိုင်းထဲမှာရှိတဲ့ခံစားမှုတွေကိုအခြေခံပြီးတော့ ဖန်တီးခဲ့တဲ့သီချင်းပါ။ ကျနော်အရမ်းစိတ်ဓာတ်ကျပြီး ဟိုးအောက်အဆုံးအထိရောက်နေတဲ့အချိန်မှာ ဘာသီချင်းမှဖန်တီးချင်စိတ်မရှိခဲ့ဘူး၊ တီးနေကျ Guitar နဲ့ piano ကိုကိုင်ချင်တဲ့စိတ်လည်းမရှိခဲ့ဘူး။ အဲ့လိုနဲ့တစ်ရက် အသိအကိုတစ်ယောက်ဆီကနေ သီချင်းတွေဖန်တီးတဲ့အခါမှာ ကိုယ်ကပေးချင်တဲ့ Message တွေ၊ အပြင်လောကရဲ့ သဘောတရားတချို့တွေနဲ့ဆက်နွယ်ပြီးတော့ဖန်တီးလို့ရတယ်ဆိုတာကို သိခဲ့ရတယ်။ သူကိုယ်တိုင်လည်း အဲ့တာကိုသေချာရှင်းပြတယ်။ အဲ့လိုနဲ့ အဲ့လိုတစ်ပုဒ်ဖန်းတီးဖို့ဆန္ဒရှိခဲ့တယ်ပေါ့။ နောက်ပိုင်းအပြင်တွေတစ်ယောက်ထဲသွားရင်းနဲ့ လူကြားထဲကဆူညံသံတွေကို ဘာစိတ်ကူးပေါက်လဲတော့မသိဘူး recording တွေသွင်းထားမိတယ်။ ထားပါတော့အဲ့တာတွေ။ ဒီလိုနဲ့ Porter Robinson ရဲ့ Nurture album ကိုပြန်နားထောင်ရင်း တစ်ပိုင်းတစ်စရလာတဲ့ idea လေးတွေနဲ့ဖန်တီးဖြစ်ခဲ့တယ်ပေါ့။
First part - vocal glitch တွေကို panning ကို automation ပေးပြီး Left, Right လျှောက်ကစားထားတဲ့ ပထမအပိုင်းရဲ့ပေးချင်တဲ့ message ကတော့ ကျနော်တို့ခန္ဓာကိုယ်ထဲမှာရှိတဲ့စိတ်ဆိုတာ တစ်ခုထဲရှိတယ်။ စိတ်ရဲ့ဘေးမှာ အတွေးတွေ၊ အာရုံတွေ၊ ခံစားမှုတွေရှိနေတဲ့အတွက် လူတွေရဲ့စိတ်ဟာ အတွေးတွေ၊ အာရုံတွေအနောက်ကိုလိုက်နေရတဲ့အတွက် အတွေးတွေများပြီး overthink တွေ၊ anxiety တွေဖြစ်ပြီး ငြိမ်းချမ်းမှုကိုမရဘူး ဆိုတာက်ိုပြောပြချင်တာပါ။
Second part - အပြင်သွားရင်း recording ဖမ်းထားခဲ့မိတဲ့အသံတွေကိုပြန်သုံးပြီး လူကြားထဲမှာဆူညံနေတဲ့အသံတွေ၊ ငှက်သံတွေကြားမှာ piano လေးတီးနေတဲ့ ဒုတိယအပိုင်းကတော့ လူတွေရဲ့ကြားမှာ နေနေရင်းနဲ့ ကိုယ်ခုံမင်ရာအလုပ်တစ်ခုခု ဂစ်တာတီးတာတို့ စန္ဒရားတီးတာတို့လုပ်ရင်းနဲ့ ကိုယ့်စိတ်သက်သာရာ၊ပျော်မွေ့ရာကိုလုပ်ရင်းနဲ့ ကိုယ့်တစ်ယောက်စာငြိမ်းချမ်းမဲ့အရာကိုရှာနေတယ်ဆိုတဲ့ဟာကို ပြောချင်တာပါ။
Third part - ပြန့်လွင့်နေတဲ့ ambience တွေစုပြီးလုပ်ထားတဲ့တတိယအပိုင်းကတော့ ဒုတိယအပိုင်းလိုမျိုး ငြိမ်းချမ်းခြင်းကိုရှာဖွေရင်း ကျနော်တ်ို့ပျော်ရွှင်လာပြီးတော့ ကျနော်ပထမအပိုင်းမှာပြောခဲ့တဲ့ မတည်ငြိမ်တဲ့စိတ်ရဲ့အချုပ်ခန်းထဲကနေလွတ်မြောက်သွားပြီး free ဖြစ်သွားတယ်ဆိုတဲ့ဟာကိုရည်ညွှန်းချင်တာပါ။
Final Part - အရှေ့အပိုင်းက vocal glitch တွေ၊ piano တီးထားတဲ့ဟာတွေအပြင် catchy ဖြစ်တဲ့ arp sound တွေ၊ Drum တွေနဲ့ဖန်တီးထားခဲ့နောက်ဆုံးအပိုင်းကတော့ ကျနော်တို့ဘဝမှာသွားရမဲ့ခရီးတွေအများကြီးရှိသေးတဲ့အတွက် စိတ်ရှုပ်စရာတွေ၊ စိတ်ညစ်စရာတွေ ဘယ်လောက်ပဲများများ give up မလုပ်ပဲနဲ့ ကိုယ်ပျော်မွေ့ရာနဲ့ပြန်ပြီးတော့ ကိုယ့်စိတ်ကိုပြန်ပြီး balance ဖြစ်အောင်လုပ်ပြီးတော့ ရှေ့ဆက်ရမယ်ဆိုတဲ့သဘောနဲ့ ဖန်တီးခဲ့ခြင်းဖြစ်ပါတယ်။
ကျနော်ဘော်ဒါတွေလည်း “PtrRBsN” ကိုနားထောင်ကြည့်ရင်းနဲ့ သီချင်းထဲမှာ ကျနော်ဖြစ်ခဲ့းတဲ့ကျနော့်ရဲ့ စိတ်ပိုင်းဆိုင်ရာအခြေအနေတွေ၊ ကျနော်ပေးချင်တဲ့ message တွေရကြလိမ့်မယ်လို့ မျှော်လင့်ပါတယ်။
Listen here : https://on.soundcloud.com/oyHYNv9ZZnPCTyWT7
