28/09/2025
တောအုပ်ထဲမှာ တိရစ္ဆာန်တွေ
မျိုးစုံရှိတယ်။ ဒါပေမဲ့ တောဘုရင်
ကတော့ ခြင်္သေ့တစ်မျိုးတည်းပဲတဲ့။
ဒီကိစ္စက လူတိုင်းသိပြီးသား ကျွန်တော့်
မှာ အတော်လေး အတွေးပွားသွားရတယ်။
ဟုတ်တယ်။
တကယ်တမ်း စဉ်းစားကြည့်ရင်
ခြင်္သေ့ဆိုတာ တောအုပ်ထဲမှာအကောင်
အကြီးဆုံးလည်း မဟုတ်သလို ခွန်အား
အကြီးဆုံး သတ္တဝါလည်း မဟုတ်ဘူး။
သူ့ထက် အရွယ်ရော ခွန်အားပါသာတဲ့
ဆင်ဆိုတာ ရှိတယ်။ ဒါဆို လျင်မြန်
ဖျတ်လတ်လို့လား ဆိုတော့လည်း
မဟုတ်ပြန်ဘူး။
ကျားသစ်က သူ့ထက်ပိုလျင်မြန် တာပေါ့။
ဒီလိုဆိုရင် ရန်သူကိုချောင်းမြောင်းလုပ်ကြံတဲ့
အရာမှာ ဆရာကျလို့လား ဆိုတော့လည်း အဲဒီ အရည်အချင်းမှာ သူကကျားကိုမမှီ။
ဒါဆို အုပ်စုဖွဲ့ပြီး တောထဲမှာ မိုက်သွေး
ကြွယ်လို့လား ဆိုပြီး စဉ်းစားနိုင်တယ်။
ဒါပေမဲ့ အုပ်စုဖွဲ့တဲ့ နေရာမှာ ခွေးအတွေကို
မှီတဲ့ တိရစ္ဆာန်မှမရှိပဲ။
ဒါဆို အရာရာမှာ တစ်ဖက်ကမ်းခတ်
မထူးချွန်တဲ့ ခြင်္သေ့က ဘာကြောင့်
တခြားတိရစ္ဆာန်တိုင်း ကြောက်ရတဲ့
တောဘုရင် ဖြစ်နေရတာလဲ။
အဖြေကတော့ ရှင်းပါတယ်။ ဆင်နဲ့
ခြင်္သေ့တွေ့ကြပြီဆိုရင် ဆင်ကပြေးဖို့ပဲ
တွေးပြီး ခြင်္သေ့ ကတော့အစာရတော့
မယ်လို့တွေးပါတယ်။
ပြီးရင် သူ့အတွေးအတိုင်းပဲ ရဲရင့်ပြတ်
သားစွာ လုပ်ဆောင်တယ်။ တိုက်ခိုက်ပြီး
ဆိုရင် လည်း ဘာ ကိုမှ မငဲ့တော့ဘူး။
အင်တိုက်အားတိုက် တိုက်ခိုက်ပြီး ဒီတိုက်
ပွဲမှာသူသာ အောင်နိုင်သူဖြစ်ရမယ်ဆိုတဲ့
စိတ်ထားမျိုးရှိတယ်။ ဒါကို သူရဲ့တိုက်ခိုက်
ပုံတွေကို လေ့လာပြီး သိရှိနိုင်တယ်။
ပြောချင်တာက တောထဲမှာတောဘုရင်
ဖြစ်ဖို့ဆိုရင် အကောင်ကြီးပြီးခွန်အားသာ
ရုံနဲ့မရဘူး။ အမဲလိုက် တော်နေရုံနဲ့လည်း
မဖြစ်ဘူး။ အုပ်စုဖွဲ့ နေလို့လည်း ဘုရင်
မဖြစ်နိုင်ဘူး။
ဘုရင်ဖြစ်ဖို့ဆိုရင် ဘုရင်ဖြစ်ထိုက်တဲ့
စိတ်ဓာတ်စွမ်းရည်ကို ပိုင်ဆိုင်ထားဖို့
လိုတယ်။ ဒါကြောင့်လည်း တောထဲမှာ
အမဲလိုက် တတ် တဲ့ တိရ စ္ဆာန်တွေ
အများကြီး ရှိရက်နဲ့ ခြင်္သေ့တစ် မျိုးတည်း
ကသာ ဘုရင် ဖြစ်နေတာပေါ့။
သေချာတာကတော့ တောဘုရင်ဆိုတာ
လွယ်လွယ် ဖြစ်ရိုး ထုံးစံမရှိဘူး။
အဲဒီလိုပဲ... ကျွန်တော်တို့လည်း ကိုယ့်ရဲ့
အသက်မွေးဝမ်းကျောင်း နယ်ပယ်ကိုတော
တစ်အုပ်လို သဘောထားလိုက်ပါ။
ဒါဆိုရင် ကိုယ့်အနေနဲ့ အဲဒီနယ်ပယ်မှာ
ဘာဖြစ်နေပြီလဲ။ ခွေးအလား။ ကျားလား။
ဆင်လား။ ကျားသစ်လား။ ယုန်လား။
ဒါမှမဟုတ် တောဘုရင်ခြင်္သေ့ကြီးလား။
သေချာတာကတော့ ကိုယ့်အသက်မွေးဝမ်း
ကျောင်း နယ်ပယ်မှာ ကြီးစိုးခြယ်လှယ်နိုင်ဖို့
ဆိုရင် တခြားတိရစ္ဆာန်ဖြစ်လို့မရပါဘူး။
ခြင်္သေ့ဖြစ်မှရမှာပါ။ ဒါဆို ကိုယ့်နယ်ပယ်မှာ
ခြင်္သေ့ဖြစ်ဖို့ လွယ်မှာလား။ ပြောပြီးပါရော။
တောဘုရင်ဆိုတာ လွယ်လွယ်ဖြစ်ရိုး
ထုံးစံမရှိဘူးလို့။ ဒါဆို လုံးဝမဖြစ်နိုင်တော့
ဘူးလား ဆိုတော့လည်း မဟုတ်ပြန်ဘူး။
အရေးကြီးတာက စိတ်ဓာတ်ပဲ။ ကိုယ့်
စိတ်ဓာတ်ဟာ အားအားရှိပြိုလဲနေမယ်၊
ပြဿနာတွေ့ တိုင်း ပတ်ပြေးဖို့ပဲ တာဆူနေ
မယ်၊ လုပ်ငန်းခွင်ကိုလည်း ကျွမ်းကျင်အောင်
မလေ့လာချင်ဘူး၊
ဘာလုပ်လုပ် တစ်ဖက်သားကိုပဲ အားကိုးနေ
မယ်ဆိုရင် သေချာပြီ။ ကိုယ်ဟာ အဲဒီနယ်
ပယ်အတွက် တောဘုရင်မဖြစ်နိုင်တော့ဘူး။
အဲဒီနယ်ပယ်အတွက် ကိုယ်ဟာအမဲလိုက်ခံ၊
အဖြည့်ခံ သက်သက်ပဲ။ ဆိုတော့ လူငယ်တွေ
အနေနဲ့ မိမိရဲ့ဘဝအတွက် ရေရှည်ရပ်
တည်မယ့် အသက်မွေးဝမ်းကျောင်းလမ်း
တစ်ခုကို ယရွေးချယ်ပြီးပြီ ဆိုရင် အဲဒီနယ်
ပယ်မှာ ဘုရင်ဖြစ်အောင်သာကြိုးစားပါ။
ဟိုလိုလိုဒီလိုလို အလေလွင့်၊ အပေါ့စားဘဝ
နဲ့မဖြတ်သန်းပါနဲ့။ ဒါကို ငယ်ရွယ်စဉ်မှာ
သိမှာ မဟုတ်ဘူး။
အသက်ကြီးလာပြီး ကိုယ်နဲ့ သက်တူရွယ်
တွေက ဆိုင်ရာနယ်ပယ်တွေမှာ တိုးတက်
ဖြစ်ထွန်း၊ အောင်မြင်ပေါက်မြောက်နေမှ
နောင်တကြီးကြီး ရနေလိမ့်မယ်။
ဒါကြောင့် လူငယ်တွေအနေနဲ့ ကိုယ်
လျှောက်လှမ်းမယ့် ဘဝလမ်းမှာ
ဘုရင်ဖြစ်အောင်လုပ်ပါ။
အဲဒီအတွက် ဘုရင်ဖြစ်ထိုက်တဲ့စိတ်ဓာတ်
စွမ်းရည်တော့လိုတယ်။ အကယ်၍ ကိုယ့်မှာ
လုပ်ငန်းနယ်ပယ်ရဲ့ အကျွမ်းကျင်ဆုံးသူ၊
အအောင်မြင်ဆုံးသူဆိုတဲ့ ဘုရင်ဘွဲ့ကို ရယူဖို့
စိတ်ဓာတ်စွမ်းဆောင်ရည် မပြည့်၀သေး
ဘူးဆိုရင် မြန်မြန်သာမွေးမြူလိုက်ပါလို့
အကြံပြုချင်ပါတယ်။
#ဘဝစာပေ #လူငယ်
