https://www.facebook.com/109565834914016/

Seikgyikhanaungto Info, Seikkyi, Yangon (2025)

17/03/2024

စစ်မှုထမ်းတိမ်းရှောင်သူတွေကို တရားခံပြေးအဖြစ် အရေးယူမယ်လို့ စစ်ကောင်စီ ပြော
---------------------------
စစ်မှုထမ်းဆောင်ရမယ့် အသက်အရွယ်မှာ ကျုံးဝင်တဲ့ လူငယ်တွေအနေနဲ့ အကြောင်းပြချက် မခိုင်လုံဘဲ စစ်မှုမထမ်းဖို့ တိမ်းရှောင်ပါက တရားခံပြေးအဖြစ် သတ်မှတ်အရေးယူသွားမယ်လို့ စစ်ကောင်စီဘက်က ခြိမ်းခြောက်လာပါတယ်။

အိမ်ထောင်စုစာရင်းအရ စစ်မှုထမ်းဖို့ အကျုံးဝင်သူ တစ်ဦးဟာ နေအိမ်မှာ မရှိပါက ကျန်ရှိတဲ့ မိဘအုပ်ထိန်းသူ ဒါမှမဟုတ် ဆွေးမျိုးသားချင်း တစ်ဦးဦးက ခိုင်လုံတဲ့ အကြောင်းပြချက် ပေးရမယ်လို့ ဆိုပါတယ်။

အကြောင်းပြချက် မခိုင်လုံပါက တရားခံပြေးအဖြစ် သတ်မှတ်မယ်လို့ စစ်ကောင်စီ စစ်မှုထမ်းဆင့်ခေါ်ရေး ဗဟိုအဖွဲ့ တာဝန်ရှိသူတစ်ဦးကပြောထားပါတယ်

စစ်ကောင်စီလက်အောက်မှာ စစ်မှုမထမ်းလိုတဲ့အတွက် တိမ်းရှောင်သွားသူတွေနဲ့ ပတ်သက်ပြီး အုပ်ထိန်းသူတွေကို အရေးယူ မယူဆိုတာကိုတော့ မကြာခင် ထွက်ရှိလာမယ့် စစ်မှုထမ်းနည်းဥပဒေမှာ ထည့်သွင်းသွားမယ်လို့ လည်းဆိုပါတယ်။
ဒါ့အပြင် စစ်ကောင်စီဟာ ပြည်သူ့စစ်မှုထမ်း နည်းဥပဒေနဲ့ လုပ်ထုံးလုပ်နည်းတွေကို သူတို့ စိတ်ကြိုက် ရေးဆွဲနေတာကြောင့် သူတို့ လုပ်ချင်သလို လုပ်လာနိုင်တဲ့အတွက် ပြည်သူတွေအနေနဲ့ သတိထားဖို့ လိုအပ်ပါတယ်
စစ်ကောင်စီဟာ ပြည်သူတွေကို ပြစ်မှုတစ်စုံတစ်ရာ မရှိဘဲ စစ်မှုမထမ်းလိုသူတွေကို တရားခံပြေးအဖြစ် ကြေညာဖို့ လုပ်ဆောင်လာတာဟာ ဥပဒေကြောင်းအရ လူတစ်ဦးရဲ့ ရပိုင်ခွင့်ဖြစ်တဲ့ လူ့အခွင့်အရေးကို ပေါ်ပေါ်ထင်ထင် ချိုးဖောက်နေတာဖြစ်ပြီး

စစ်ကောင်စီရဲ့ စစ်မှုထမ်းဥပဒေအရ အရွယ်ရောက်ပြီး နိုင်ငံသားတိုင်းဟာ မဖြစ်မနေ အနည်းဆုံး ၂ နှစ်ကနေ ၅ နှစ်အထိ စစ်မှုထမ်းရမှာ ဖြစ်ပြီး စစ်မှုမထမ်းဆောင်ပါက အမြင့်ဆုံး ထောင်ဒဏ် ၅ နှစ်အထိ ပြစ်ဒဏ်ချမှတ်နိုင်တယ်လို့ လဲပြောထားပါတယ်။
SKNTO Info

14/03/2024

knews
ဆိပ်ကြီးခနောင်တိုမြို့နယ်တွင်စစ်ကောင်စီမှမဲနှိုက်ရွေးချယ်ကာတပ်သားသစ်စုဆောင်းမှုများပြုလုပ်ရန်စတင်လုပ်ဆောင်
**************************************
(14•3•2024)ယနေ့မွန်းလွဲပိုင်းဆိပ်ကြီးအနောက်ရပ်ကွက်အာလကန်တွင်ရပ်ကွက်နေပြည်သူများအားစစ်ကောင်စီမှစုဝေးစေပြီး၊
အသက်(၂၄နှစ်မှ၃၁နှစ်)ကြားလူငယ်မှန်သမျှ ရပ်ကွက်/အပိုင်တစ်ခုလျှင် လူငယ်နှစ်ဦးမဲနှိုက်ရွေးချယ်မည်ဖြစ်ပြီး
ထိုရွေးချယ်ခံရသောလူငယ်များအားနိုင်ငံတော်မှ
တစ်လလျှင်ငွေ(၂)သိန်းကျပ်ထောက်ပံ့ပေးမည်ဖြစ်ပြီး၊ရပ်ကွယ်နေပြည်သူများမှလဲငွေကြေးကောက်ခံကာထောက်ပံ့ခိုင်းမည်ဖြစ်ကြောင်းလဲသတင်းရရှိပါသည်။
SKNT info

17/02/2024

ရန်ကုန်တိုင်း အပါအဝင် တစ်နိုင်ငံလုံးရှိ စစ်မှုထမ်းရန် အကျုံးဝင်သော Non-CDM ဝန်ထမ်းများအားလုံး၏ စာရင်းကို ၃ ရက်အတွင်း ကောက်ယူရန် စစ်ကောင်စီက အရေးပေါ် ညွှန်ကြားချက် ထုတ်ပြန်

■ လာမည့် ရှေ့ ၃ နှစ်အထိ အလှည့်ကျ စစ်မှုထမ်းဆောင်ရမည့် Non-CDM ဝန်ထမ်းများ၏ စာရင်းပါ အသေးစိတ် ကြိုတင်ပြင်ဆင်ခိုင်းနေ

ရန်ကုန်တိုင်း အပါအဝင် တစ်နိုင်ငံလုံးရှိ စစ်မှုထမ်းရန် အကျုံး ဝင်သော Non-CDM ဝန်ထမ်းများစာရင်း ၃ ရက်အတွင်း ကောက်ယူရန် စစ်ကောင်စီက အရေးပေါ် ညွှန် ကြားချက် ထုတ်ပြန်လိုက်ကြောင်း သိရှိရပါတယ်။
စစ်ကောင်စီက တစ်နိုင်ငံလုံးရှိ စစ်မှုထမ်းရန် အကျုံးဝင်သော Non-CDM ဝန်ထမ်းများ စာရင်းတောင်းခံလျက်ရှိရာ ရန်ကုန်တိုင်းအတွင်းမှ Non-CDM ဝန်ထမ်းများ၏ စာရင်းကို ဖော်ဖော်ဝါရီလ ၁၉ ရက်နေ့၊ နံနက် ၉ နာရီအချိန်တွင် ဝန်ထမ်းဦးရေ စာရင်းချုပ်ကိုလည်းကောင်း၊ အသေးစိတ် စာရင်းကို ဖေဖော်ဝါရီလ ၂၁ ရက်နေ့၊ နံနက် ၁၀ နာရီတွင်လည်ကောင်း အချိန်မီ စာရင်းပြုစု ပေးပို့ရန် ညွှန်ကြားထားသည်။

ထို့ပြင် လာမည့် ၂၀၂၅ ၊ ၂၀၂၆ ၊ ၂၀၂၇ ခုနှစ်တွင် စစ်မှုထမ်းရမည့် Non-CDM ဝန်ထမ်းများစာရင်းကိုပါ အသေးစိတ် ထပ်မံပြုစုရန် စစ်ကောင်စီက အရေးပေါ် ညွှန်ကြားလိုက်ကြောင်း သိရှိရသည်။

14/02/2024

ပြည်ပနိုင်ငံများတွင် ကျောင်းတက်နေသူများ၊ အလုပ်လုပ်နေသူများ မြန်မာနိုင်ငံတွင် ပြန်လည်၍ စစ်မှုထမ်းရမည်ဟု အကြမ်းဖက် ဇော်မင်းထွန်းပြောဆို

■ လစဉ် ပြည်သူ ၅၀၀၀ ဦးကို စစ်မှုထမ်းခိုင်းပြီး တစ်နှစ်လျှင် စစ်အင်အား ၆၀၀၀၀ ရယူမည်
ရန်ကုန်၊ ဖေဖော်ဝါရီ ၁၄

ပြည်ပနိုင်ငံများတွင် ကျောင်းတက်နေသူများ၊ အလုပ်လုပ်သူများအနေဖြင့် မြန်မာ နိုင်ငံတွင် ပြန်လည်၍ စစ်မှုထမ်းရမည်ဟု အကြမ်းဖက် ဇော်မင်းထွန်းက ပြည်တွင်းသတင်းမီဒီယာတစ်ခုသို့ ပြောဆိုထားသည်။

နိုင်ငံခြားတွင် ကျောင်းတက်နေသူများ၊ အလုပ်လုပ်ကိုင်သူများအနေဖြင့် ပြည် သူ့စစ်မှုထမ်းဥပဒေ ပုဒ်မ ၁၅ က တွင်ပါရှိသည့်အတိုင်း စစ်မှုထမ်းဆောင်ခွင့်ကို ယာယီရွှေ့ဆိုင်းနိုင်ကြောင်း၊ သို့သော် ထိုသူများအနေဖြင့် ၎င်းတို့၏ ပညာသင်ကြားမှု ပြီးဆုံးချိန်နှင့် အလုပ်တာဝန်များ ပြီးဆုံးချိန်တွင် ပုဒ်မ ၁၅ ခ နှင့်အညီ သတ်မှတ်ကာလ ပြီးဆုံးသည်အထိ စစ်မှုထမ်းရမည်ဖြစ်ကြောင်း အကြမ်းဖက် ဇော်မင်းထွန်းက ပြောဆိုသည်။

သင်္ကြန်ကာလအပြီး စတင်မည့် ပြည်သူများ စစ်မှုထမ်းရေး အစီအစဉ် သင် တန်း အမှတ်စဉ် ၁ တွင် စစ်မှုထမ်းရန် အကျုံးဝင်သူ အမျိုးသား ၅၀၀၀ ကို စတင် ခေါ်ယူမည်ဖြစ်ပြီး သင်တန်းအမှတ်စဉ် ၅ မှစတင်၍ အမျိုးသမီးများကို ခေါ် ယူမည်ဖြစ်ကြောင်း သိရှိရသည်။

သင်တန်းအပတ်စဉ် ၁ မှစတင်၍ စစ်မှုထမ်းဆောင်ရန် အကျုံးဝင်သူ ပြည်သူ အင်အား ၅၀၀၀ နှုန်းဖြင့် လစဉ် ခေါ်ယူသွားမည်ဖြစ်သည့်အတွက် တစ်နှစ်လျှင် အင်အား ၆၀၀၀၀ ရရှိရန် စီမံထားကြောင်း သိရှိရသည်။

13/02/2024

“ပြည်သူ့စစ်မှုထမ်းဥပဒေနှင့် ပတ်သက်၍ ထုတ်ပြန်ကြေညာချက်”
၂၀၂၄ ခုနှစ်၊ ဖေဖော်ဝါရီလ ၁၃ ရက်နေ့

အကြမ်းဖက်စစ်အုပ်စုသည် နိုင်ငံတော်အာဏာကို အဓမ္မနည်းဖြင့်ရယူရန်ကြိုးပမ်းနေသည့် တရားမဝင် အကြမ်းဖက် အဖွဲ့အစည်းဖြစ်၍ ဥပဒေပြဋ္ဌာန်းခြင်း၊ အာဏာတည်ခြင်းဆောင်ရွက်ရန် အခွင့်အာဏာလုံး၀ မရှိပါ။ အကြမ်းဖက်စစ်အုပ်စုက ပြည်သူ့စစ်မှုထမ်းဥပဒေကို ၂၀၂၄ ခုနှစ် ဖေဖော်ဝါရီ (၁၀) ရက်နေ့မှစ၍ အာဏာတည်စေရမည်ဟု ထုတ်ပြန်လာခြင်းသည် တရားဝင်မှု အလျဉ်းမရှိသည့် လုပ်ရပ်သာဖြစ်ပြီး ပြည်သူလူထုများအနေဖြင့် လုံးဝ လိုက်နာရန်မလိုပါ။

နိုင်ငံတဝန်း စစ်ရေးရှုံးနိမ့်မှုများကြုံတွေ့နေရသည့် အကြမ်းဖက်စစ်အုပ်စုသည် စစ်ပွဲအတွင်း ပြည်သူလူထုကို လူသားဒိုင်းအဖြစ် ရည်ရွယ်ချက်ရှိရှိ အဓမ္မစေခိုင်းနိုင်ရန်နှင့် ပြည်သူ့အသက် အိုးအိမ်စည်းစိမ်ကို ခြိမ်းခြောက်၍ ၎င်းတို့စစ်အုပ်စု၏ အကျိုးစီးပွားအာဏာကို အကာအကွယ်ရယူရန် ယခုကဲ့သို့လုပ်ဆောင်ခြင်းဖြစ်ကြောင်း ထင်ရှားသည်။

အကြမ်းဖက်စစ်အုပ်စုက ပြည်သူ့စစ်မှုထမ်းဥပဒေ (စစ်မှုမထမ်းမနေရဥပဒေ)ကို အတင်းအကြပ် အသက်သွင်းပြီး အကောင်အထည်ဖော်ရာတွင် အထောက်အကူပြုသည့် လူပုဂ္ဂိုလ် မှန်သမျှနှင့် သက်ဆိုင်ရာ အဖွဲ့အစည်း အဆင့်ဆင့်ကို စစ်ရာဇဝတ်မှုကျူးလွန်သည့် ပြည်သူ့ရန်သူများအဖြစ် သတ်မှတ်၍ ပြင်းပြင်းထန်ထန် ထိရောက်စွာ အရေးယူဆောင်ရွက်သွားမည် ဖြစ်သည်။

ယင်းဥပဒေကို တရားမဝင်အသက်သွင်းခြင်းကြောင့် ပြည်သူလူထုကြုံတွေ့လာသည့် ဘေးဒုက္ခများ လျော့နည်းစေရန် အမျိုးသားညီညွတ်ရေးအစိုးရအနေဖြင့် မဟာမိတ်အဖွဲ့အစည်းများ နှင့် ပူးပေါင်း၍ လိုအပ်သည့် ကာကွယ်မှုများ၊ ကူညီပံ့ပိုးမှုများကို လုပ်ဆောင်သွားမည်ဖြစ်ပြီး နောက်ဆက်တွဲ ကြေညာချက်များကိုလည်း လိုအပ်ချက်နှင့်အညီ ထုတ်ပြန်သွားမည် ဖြစ်သည်။

စစ်အာဏာရှင်စနစ်နှင့် အကြမ်းဖက်စစ်အုပ်စုကို အမြစ်ဖြတ်ချေမှုန်းနိုင်မှသာ ပြည်သူ့အသက် အိုးအိမ်စည်းစိမ် လုံခြုံမှုနှင့် လွတ်လပ်မှုအပေါ် အဓမ္မခြိမ်းခြောက်ခံရမှုများမှ လွတ်မြောက်နိုင်မည်ဖြစ်၍ ပြည်သူလူထုတရပ်လုံးက တော်လှန်ရေးတွင် အရှိန်မြှင့်ပါဝင်ပေးကြပါရန်နှင့် တော်လှန်ရေး အင်အားစုအားလုံးအနေဖြင့်လည်း ပူးပေါင်းဆောင်ရွက်သွားကြပါစို့ဟု တိုက်တွန်းအပ်ပါသည်။

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ
https://nugmyanmar.org

12/02/2024

ဆက်သွယ်နိုင်ပါရန်👇👇

11/02/2024

ပြည်သူများ ကြိုတင်ပြင်ဆင်ရန်နှင့် ရှောင်ရှားနိုင်ရေး အတွက် ဖတ်ရှုထားရမည့် အကြမ်းဖက် စစ်မှုမထမ်းမနေရ ဥပဒေ
===============================================

အကြမ်းဖက်စစ်ကောင်စီက ပြည်သူတိုင်း စစ်မှုမထမ်းမနေရ ပြဋ္ဌာန်းထားသော ဥပဒေ ကို ပြည်သူများ ဖတ်ရှုလေ့လာရန်နှင့် ကြိုတင်ပြင်ဆင်မှုများဖြင့် ရှောင်ရှားနိုင်ရေး ပြန်လည် ဝေမျှထားပါသည်။

အကြမ်းဖက်စစ်ကောင်စီက ရှေ့တန်းတွင် သေဆုံးမှုများပြားလာချိန် ထိုကဲ့သို့ စစ်မှုမထမ်းမနေရ ဥပဒေကို ပြဋ္ဌာန်းလာခြင်းဖြစ်သည်။ ယင်းဥပဒေသည် စစ်အာဏာရှင် သန်းရွှေလက်ထက်က ရေးဆွဲပြဋ္ဌာန်းခဲ့ပြီး အကြမ်းဖက် မင်းအောင်လှိုင်က စတင်ကျင့်သုံးခြင်းဖြစ်သည်။

19/11/2023

PDF များ၏ ဒရုန်းများကို ကြောက်ရွံ့သဖြင့် ရန်ကုန်တိုင်း၊ မြို့နယ်များအားလုံးတွင် ဒရုန်းမရောင်းရန်နှင့် ပျံသန်းခြင်းမပြုရန် စစ်ကောင်စီက အမိန့်ထုတ်ပြန်
********
စစ်ကောင်စီက (PDF) ပြည်သူ့ကာကွယ်ရေးတပ်များ၏ ဒရုန်းများကို ကြောက် ရွံ့နေသဖြင့် ရန်ကုန်တိုင်းအတွင်းရှိ မြို့နယ်များအားလုံးတွင် ဒရုန်းမရောင်းရန်၊ ဒရုန်းများ ပျံသန်းခြင်းမပြုရန် အမိန့်တစ်ရပ်ကို နိုဝင်ဘာလ ၁၈ ရက်နေ့တွင် ထုတ်ပြန်ကြောင်း သိရှိရသည်။

ရန်ကုန်တိုင်းအတွင်းရှိ မြို့နယ်များအားလုံးတွင် Drone နှင့် Drone ဆက်စပ်ပစ္စည်းများ ရောင်းချမှု မရှိစေရေး၊ လက်ဝယ် အသုံးပြုမှုမရှိစေရေး၊ Drone ပျံသန်းမှုများ မရှိစေရေး ကြပ်မတ်ဆောင်ရွက်သွားရန်၊ ခွင့်ပြုချက်မဲ့ ဒရုန်းပျံသန်းခြင်းများကို အရေါ်ယူမည်ဖြစ်ကြောင်း ရန်ကု်တိုင်းစစ်ကောင်စီက အမိန့်ထုတ်ပြန်သည်။

ရန်ကုန်တိုင်းအတွင်းရှိ ကျောင်းများ၊ ဌာနဆိုင်ရာရုံး အဆောက်အဦများ အပါအဝင် နေရာများတွင် ဒရုန်းအသုံးပြု၍ ဖောက်ခွဲတိုက်ခိုက်မှုများ ဖြစ်ပေါ်လာမည်စိုးရိမ်၍ အဆိုပါ အမိန့်ကို တရားဝင် ထုတ်ပြန်ခြင်းဖြစ်ပြီး ယခင်က ယင်းကဲ့သို့ ထုတ်ပြန်မှုမရှိကြောင်း၊ ထွေ/အုပ်က စာထုတ်၍ ဒရုန်းများကို တားဆီးခြင်းမှာ ပထမဆုံးအကြိမ်ဖြစ်ကြောင်း သိရှိရသည်။

ဓာတ်ပုံ- မင်္ဂလာတောင်ညွန့်မြို့နယ်တွင် ဒရုန်းမရောင်းရန် အမိန့်ထုတ်သည့် ထွေ/အုပ်၏ ညွှန်ကြားချက်။

04/10/2023

Breaking Knews ဆိပ်ကြီးခနောင်တိုမြို့နယ်တွင်းလူငယ်များအားလူတစ်စုမှအလုပ်သွင်းပေးမည်ဟုဆိုကာလိမ်ညာပြီးစကစ၏တပ်သားများအဖြစ်
ခေါ်ယူစုဆောင်းမှုများရှိနေကြောင်းသတင်းရရှိပါသည်။
စုဆောင်းရရှိသောလူငယ်များအား(ဖြူးမြို့ရှိစုဆောင်းရေးတပ်သို့ပို့ဆောင်နေကြောင်းလည်းသိရှိရပါသည်။)
ဆိပ်ကြီးခနောင်တိုမြို့နယ်အတွင်းပြည်သူများအနေဖြင့်ညအချိန်မတော်အသွားအလာများသတိရှိကြရန်လည်းထပ်ဆောင်းသတိပေးအပ်ပါသည်။

#ဖြူး

23/09/2023

Breakingknews ( ၂၃.၉.၂၀၂၃ )
ဆိပ်ကြီးခနောင်တိုမြို့နယ်
ယနေ့ညစံတော်ချိန်(၈:၅၄)အချိန်ခန့်တွင် အင်းအားအနည်းငယ်ရှိသောငလျင်တစ်ခု
လှုပ်ခပ်သွားကြောင်းသိရှိရပါသည်။
***
အလားတူ ရန်ကုန်မြို့နယ်နေရာတော်တော်များများမှာလဲငလျင်ခပ်ကြမ်းကြမ်းလှုပ်ခပ်သွားကြောင်းဒေသခံများမှတစ်ဆင့်ထပ်မံသိရှိရပါသည်။

23/09/2023

ကျောင်းသားလက်ရုံးတပ်တော် အခြေခံစစ်ပညာသင်တန်း(အပတ်စဥ်သစ်) တပ်သားသစ် ခေါ်ယူခြင်း

ကျောင်းသားသမဂ္ဂခွပ်ဒေါင်းအလံတော်အောက်တွင် ကျောင်းသားလက်ရုံးတပ်တော်နှင့်အတူ တိုက်ပွဲဝင်မည့် အပတ်စဉ်သစ် ရဲဘော်များ စတင်လက်ခံစု‌ဆောင်းနေပြီဖြစ်သည်။

တော်လှန်ရေးရှည်ကြာလာသည်နှင့်အမျှ လက်နက်၊ ရိက္ခာ၊ ဆေးဝါး စသည်တို့ လိုအပ်လာသည်နှင့်အတူ အဖိနှိပ်ခံလူထု လွတ်မြောက်ရေးအတွက် လူထုကိုမျက်နှာမူသည့် စစ်ပုံကျ၍အမိန့်နာခံမှုကောင်းသော တော်လှန်ရေး တပ်သားများမှာ အဓိကနေရာမှ အရေးပါသည်။

ထို့ကြောင့် မိမိတို့ကျောင်းသားလက်ရုံးတပ်တော်နှင့်အတူ ရန်သူစစ်ကောင်စီအား လက်တွဲတိုက်ပွဲ၀င်ရန် တပ်သားသစ်ရဲဘော်များအား လိုအပ်လျှက်ရှိသည်။ ကျောင်းသားလက်ရုံးတပ်တော်တွင် တက္ကသိုလ်ကျောင်းသားရဲဘော်များသာမကဘဲ အမှန်တရားအတွက် အသက်ပင်ပဓာဏမထား တော်လှန်တိုက်ပွဲဝင်သည့် ကျောင်းသားစိတ်ဓာတ်ရှိသူမည်သူမဆို အမှုထမ်းဆောင်နိုင်သည်။ ‌တပ်တော်သို့ ဝင်ရောက်အမှုထမ်းလိုသူများအနေဖြင့် တပ်တော်၏ page သို့ဆက်သွယ်စုံစမ်းနိုင်ပါသည်။အောက်ပါ တပ်သားသစ်စုဆောင်းရေးဆိုင်ရာ မူဝါဒနှင့်ကိုက်ညီသူများကို စိစစ်ရွေးချယ်သွားမည်ဖြစ်သည်။

၁။ ကျောင်းသားလက်ရုံးတပ်တော် တပ်ဖွဲ့ဝင်လောင်းများဖြစ်သည်နှင့်အညီ တပ်တော်၏ မျှော်မှန်းချက်များ၊ ရည်မှန်းချက်များ၊ မူဝါဒများနှင့် သစ္စာအဓိဋ္ဌာန်များကို လက်ခံနိုင်သူဖြစ်ရမည်။
၂။ လက်နက်ကိုင်တော်လှန်ရေးအတွက်စိတ်ပိုင်းဖြတ်ပြီးသူဖြစ်ရမည်။
၃။ အသက် (၁၈) နှစ်မှ အသက် (၅၀) နှစ်အတွင်းဖြစ်ရမည်။
၄။ အခြေခံကျန်းမာရေးကောင်းမွန်သူဖြစ်ရမည်။
၅။ တပ်တော်မှပေးအပ်လာသော အမိန့်နှင့်တာဝန်များကို ကျေပွန်စွာထမ်းဆောင်နိုင်သူဖြစ်ရမည်။

https://t.me/studentarmedforce

ကျွန်ုပ်တို့ ကျောင်းသားလက်ရုံးတပ်တော်၏ တိုက်ပွဲသတင်းများ နှင့် လှုပ်ရှားဆောင်ရွက်နေသည်များကို အချိန်နှင့်တပြေးညီ သိရှိနိုင်ရန် အထက်ပါ telegram ကို subscribe လုပ်ပေးထားပါရန် လေးစားစွာ ပြန်ကြားအပ်ပါသည် ။

သတင်းပြန်ကြားရေးနှင့် စစ်မှတ်တမ်းထိန်းသိမ်းရေးဌာနစစ်ရေးဌာနကြီး
ဗဟိုစစ်ရေးရုံး
ကျောင်းသားလက်ရုံးတပ်တော်

20/09/2023

မြန်မာစစ်တပ်အနေနဲ့ ဖမ်းဆီးထိန်းသိမ်းထားတဲ့ ဒေါ်အောင်ဆန်းစုကြည်ကို လွှတ်ပေးပြီး အပြင်မှာ ကျန်းမာရေးစောင့်ရှောက်မှုပေးဖို့ မလေးရှားလွှတ်တော်အမတ် ၁၀၀ ကျော်က စုပေါင်းတောင်းဆိုလိုက်ပါတယ်။

နာမကျန်းလွယ်တဲ့အသက်အရွယ်ရောက်နေတာနဲ့ လက်ရှိကျန်းမာရေးအခြေအနေကို စိုးရိမ်တာကြောင့် တောင်းဆိုတာဆိုပြီး အမတ်တွေက ပြောပါတယ်။

#မြန်မာ
#ဒေါ်အောင်ဆန်းစုကြည်
#မလေးရှား
#လွှတ်တော်

Seikgyikhanaungto Info

17/03/2024

14/03/2024

17/02/2024

14/02/2024

13/02/2024

12/02/2024

11/02/2024

19/11/2023

04/10/2023

23/09/2023

23/09/2023

20/09/2023

Address

Website

Alerts

Shortcuts

Share

Category