People's Defence Force Supply - PDFS

12/05/2022

"တချိန်တုန်းက သူကိုယ်တိုင်
ရေးခဲ့တဲ့ သူ့ အကြောင်း "

Admin ကိုယ်တိုင် လေးစားထောက်ပံ့ခဲ့တဲ့ ရဲ့ဘော်
အလေးနီ ပြုပါတယ် ။

(6.5.2022) နေ့တွင်
စစ်အာဏာရှင်‌နှင့် အာဏာာရှင်စနစ်အား
ရဲ၀င့်စွာတော်လှန်ရင်းကျဆုံးသွားခဲ့သော

"ငါသေတဲ့နေ့ ဒါမှမဟုတ်
ဒီမိုကရေစီပြန်ရတဲ့နေ့ကျမှ ရပ်မယ် " ဆိုတဲ့

ကိုကျော်စွာချမ်းမြေ့(ခ)ကိုထင်လင်း
ရောက်ရာအရပ်မှာ အေးချမ်းပါစေ ။

___________________________________________

# #
အညတရ စာဖိုမှုးတစ်ယောက်၊
ပေါင်ချိန် ၁၂၀ တောင်မရှိတဲ့ အရိုးခြောက်၊အရပ်ကလဲ ၅ပေ ၄ တောင်မပြည့်ဘူး။
အတန်းပညာမှာလဲ First Year(english) Distance ကိုကျောင်းလဲဆက်မတက်ဖြစ်ခဲ့ဘူး။
အေးအေးချမ်းချမ်း ကိုယ့်အလုပ်ကိုလုပ် တစ်နှစ်ကို နှစ်ခါလောက် ခရီးထွက် ၊ရသမျှငွေလေးတွေစုပြီး
ကိုယ့်ရည်မှန်းချက်နဲ့ကိုယ်ရှင်သန်နေတဲ့လူသား။
နိုင်ငံရေးအကြောင်းဆို သမ္မတကြီးနဲ့ လူထုခေါင်းဆောင်ကလွဲရင် ရပ်ကွက်က အုပ်ချုပ်ရေးမှုးနာမည်တောင်မသိတဲ့ကောင်။
အလုပ်၊အိမ်၊ရည်မှန်းချက်ပဲသိတဲ့သူပါ။
ဦမင်းကိုနိုင်တောင် အာဏာသိမ်းခံရပြီးမှ လူနဲ့နာမည်နဲ့တွဲပြီးသိလာတဲ့သူပါ။
ပါတီစွဲမထားပဲ ခေါင်းဆောင်ရဲ့အရည်အချင်းကိုပဲ
ကြည့်ပြီး မဲပေးခဲ့တဲ့သူ။
၂လပိုင်း ၁ ရက်နေ့မနက် ၆နာရီမှာ အိမ်ကဝင်လာတဲ့ဖုန်း ကနေပြီး ဘာလုပ်ရမယ်ဆိုတာမသိတဲ့ကောင်ဖြစ်သွားတယ်။
အလုပ်ကနေ အိမ်ကိုအပြီးပြန်သွားလိုက်တယ်။
ဒါပေမယ့်အိမ်မှာနေပြီး fb ထိုင်ကြည့်၊ပတ်ဝန်းကျင်နားစွင့်ရင်းနဲ့ လူထုလှုပ်ရှားမှုတွေ ကို အာရုံစိုက်လာမိတယ်။
အဖွားစု မဲဆွယ်စည်းရုံးရေးဆင်းတုန်းက ပြောသွားတဲ့ စကားတစ်ခွန်းကိုပဲ နားထဲ ကြားယောင်လာမိတယ်။
#နိုင်ငံရေးကိုစိတ်မဝင်စားလဲအချိန်တန်ရင်နိုင်ငံရေးဆိုတဲ့အရာကအိမ်ထဲထိရောက်လာလိမ့်မယ်။
သွေးထွက်လာမှ မှန်မှန်းသိတဲ့စကား
ဘာလုပ်ရမလဲတွေးလိုက်တယ်။
အလုပ်ရှင်ကိုတိုင်ပင်လိုက်တယ်။
အလုပ်ကိုပြန်သွားပြီး
သူ့ပံ့ပိုးမှုနဲ့ Lunch box တွေကို
ဆန္ဒပြ ပြည်သူတွေအတွက် လုပ်ပေးတယ်။
ဒါပထမဆုံးစလုပ်တာပဲ။
မနက်ဆို Lunch box လုပ်တယ် နေ့လည်ဆို ကျန်တဲ့ ဘူးတွေအကုန်ယူပြီး UN ရုံးရှေ့သွားတယ်။
တရက်မှမပျက်ခဲ့ဘူး။
သပိတ်ဖြိုခွင်းမှုတွေစလာတဲ့ အခါကျတော့
စမ်းချောင်းပဒုံမ္မာလမ်းကို နေရာပြောင်းပြီးသွားခဲ့တယ်။
ကိုယ်နဲ့ တခါမှမသိ မမြင်ဖူးတဲ့သူတွေနဲ့အတူတူ
သပိတ်တွေဖြိုခွဲမခံရအောင် တားဆီးခဲ့ကြတယ်။
မနက်lunch box လုပ် နေ့လည် UN သွား ဆန္ဒပြရာကနေ မနက်lunch box လုပ် နေ့လည် စမ်းချောင်းမှာ သပိတ်ဖြိုခွင်းမခံရအောင် ဝိုင်းကူညီကာကွယ်ပေးတဲ့အလုပ်ကိုပြောင်းလုပ်ခဲ့ကြတယ်။
နေ့စဥ်မပျက် ၂လပိုင်း ၅ ရက်နေ့ကနေပြီး ၃ လပိုင်း ၁ရက်နေ့အထိ လုပ်ခဲ့တယ်။
၃လပိုင်း ၁ရက်နေ့ညမှာ ဗဟန်းမြို့နယ်တွင်နေထိုင်ကြသူများ(Bahan) ဆိုတဲ့ Gp ကနေ တွေ့လိုက်ရတဲ့ ဗဟန်းသားတွေက ငြိမ်နေကြတာလား၊သူများမြို့နယ်တွေအကုန် သပိတ်လုပ်နေကြတယ် ဗဟန်းကမလုပ်ဖူးလားဆိုတာတွေ တွေ့လာတော့။
အဲGp ကနေပဲ သပိတ်လုပ်ဖို့အတွက် လူခေါ်တဲ့post တစ်ခုတင်လိုက်တာမှာ လူ ၂၀၀ လောက်စုမိသွားပြီး
နောက်တဖွဲ့ကစုမိတဲ့ လူ ၅၀ ကျော်ကနေ
နှစ်ဖွဲ့ပေါင်းပြီး ဗဟန်းဦးချစ်မောင်လမ်းမပေါ်က
အာဇာနည်လမ်းထိပ်မှာအထိုင်သပိတ်ကို
၂ ရက်နေ့ကနေ စလုပ်ဖြစ်ခဲ့တယ်။
မနက်၈နာရီဆိုတာနဲ့ ကျော်ပိုးအိတ်ထဲ လိုအပ်တဲ့ပစ္စည်းအကုန်ထည့်ပြီး သပိတ်နေရာကိုသွားတယ်။
၉နာရီလူစုံတာနဲ့ ရပ်ကွက်ကိုလမ်းလျောက်သပိတ်လုပ်တယ်။ပြီးရင်ညနေအထိ အာဇာနည်လမ်းထိပ်မှာ ထိုင်သပိတ်လုပ်တယ်။
စကားမပီတဲ့ကောင် တိုင်ပေးသမျှ လိုက်ဆိုကြတယ်။
ငပိန်သေးက ခိုင်းသမျှ လိုက်လုပ်ကြတယ်။
အခြား
၃လပိုင်း ၂ ရက်နေ့ကနေပြီး ၃လပိုင်း ၂၁ ရက်နေ့အထိ တစ်ရက်မပျက်လုပ်ပေးခဲ့တယ်။
တဖြည်းဖြည်း ကြောက်တတ်လာကြတဲ့
လူကြီးတွေကြောင့် ဆက်လုပ်ပေးနေရင် ကိုယ့်သပိတ်ကလူတွေ အန္တရာယ်အရမ်းများလာလို့ သပိတ်ကို လုံးဝဆက်မလုပ်ပေးတော့ပဲ ကိုယ်လဲအရင်လိုနေရာစုံ လျောက်သွားပြီး အခြားနည်းလမ်းနဲ့ တော်လှန်ဖို့ စီစဥ်နေခဲ့တယ်။
စီစဥ်နေတာတွေ အကောင်အထည်ဖော်ဖို့ခရီးထွက်ခါနီး ၄ လပိုင်း ၁၃ ရက်နေ့ညမှာ ပုဒ်မ ၅၀၅ (က) နဲ့ ဝရမ်းပါလာတယ်။
အစီအစဥ်ခနပြန်ဖျက် ကိုယ်လဲ တစ်ပတ်လောက်ပုန်းနေလိုက်ရတယ်။
တစ်ပတ်လဲကျော်ရော မြို့ထဲပြန်ဝင်ပြီး ပျောက်ကျားသပိတ်လေးတွေ ပြန်လုပ်၊အလုပ်ကောင်းပြီး ၄လပိုင်း၂၄ရက်နေ့မှာ ဒုတိယအကြိမ် ပုဒ်မ ၅၀၅ (က) နဲ့ ထပ်ပါလာခဲ့တယ်။ ဒုတိယအကြိမ်မှာတော့ ရင်လဲမခုန်တော့သိလို လုပ်လက်စတွေလဲမရပ်တော့ဘူး။(၂၅ရက်နေ့တောင်သပိတ်ထွက်လိုက်သေးတယ်)
သပိတ်တွေလုပ်ရုံနဲ့မပြီးဘူးဆိုတာကို အစထဲကသိတဲ့အတွက်
တော်လှန်ရေးအတွက်ပါ အားစိုက်ထုတ်ခဲ့တယ်။

အလုပ်တွေထပ်တိုးလုပ်ခဲ့တယ်။
သပိတ်၊CDM၊သင်တန်း အစုံလုပ်တယ်။
ဘေးနားကလူတွေ တဖြည်းဖြည်းလျော့လာခဲ့တယ်။
အလုပ်အဆင်ပြေပေမယ့် နယ်မြေက ကျည်းလာတယ်။
ရပ်ဖို့အစီအစဥ်မရှိသလို
ဘယ်တော့မှလဲမရပ်ဘူး။
ငါသေတဲ့နေ့ ဒါမှမဟုတ် ဒီမိုကရေစီပြန်ရတဲ့နေ့ကျမှ ရပ်မယ်။
ဒီစာကိုရေးတင်ရတဲ့ ရည်ရွယ်ချက်က ကိုယ်ဘာလုပ်ခဲ့တယ်ဆိုမသိသေးတဲ့သူတွေ သိစေချင်လို့။
အောင်မြင်နိုင်မယ့်နည်းလမ်းအကုန်လုပ်ပြီးသွားပြီမို့
အခုတော့ နောက်ဆုံးတိုက်ပွဲအတွက်ပဲ
လုပ်တော့မယ်။
တို့ပြည်သူတွေညီရဲ့လားဟေ့လို့ ပြန်လာမအော်ပေးတော့ဘူး။
ခင်ဗျားတို့နဲ့အတူတူ ခင်ဗျားတို့ရှေ့ကနေပြီး ကာကွယ်ပေးဖို့၊အာဏာရှင်စနစ်ကို အမြစ်ပါမကျန် ရှင်းပေးဖို့အတွက် လိုအပ်တာတွေယူပြီး ခင်ဗျားတို့ဆီပြန်လာခဲ့မယ်။
Neonatal Chef
ကျော်စွာချမ်းမြေ့

All images=Crd to original uploaders


#ရန်ကုန်ကိုဘယ်တော့မှမစွန့်လွှတ်ဘူး
#ပြန်လာခဲ့မယ်
#အားတင်းထားရန်ကုန်

12/05/2022

Dark Shadow တစ်ဖွဲ့လုံး သေလည်းမသေ၊ အဖမ်းလည်းမခံရဘဲ စစ်ကောင်စီလက်မှ လွတ်မြောက်ပြီး Cobra စစ်ကြောင်းတွင် တပ်ဖွဲ့ဝင်များအဖြစ် ပါဝင်နေပြီ

ရန်ကုန်၊ မေ ၁၁

ရန်ကုန်မြို့တွင် ဖမ်းဆီးခဲ့ရသည်ဟု သတင်းထွက်ပေါ်သော Dark Shadow တစ်ဖွဲ့လုံးကို စစ်ကောင်စီတပ်က ဖမ်းဆီးရန် ကြိုးစားခဲ့ရာတွင် တစ်ဖွဲ့လုံး သေလည်းမသေ၊ အဖမ်းလည်းမခံရဘဲ စစ်ကောင်စီလက်မှ လွတ်မြောက်ပြီး Cobra စစ်ကြောင်းတွင် တပ်ဖွဲ့ဝင်များအဖြစ် ပါဝင်နေပြီဖြစ်ကြောင်း Dark Shadow ခေါင်းဆောင် ကိုချမ်းငြိမ်းသူက ပြော ဆိုသည်။

ရန်ကုန်၊ ကြည့်မြင်တိုင်တစ်ဖက်ကမ်း၊ အလတ်ချောင်းရပ်ကွက်တွင် လူငယ် ၁၄ ဦးကို ဧပြီလ ၂၇ ရက်နေ့ နံနက် ၁၀ နာရီ ၃၀ မိနစ်အချိန်တွင် စစ်တပ်က ဝင်ဖမ်းပြီး ၁ ဦးကို ပစ်သတ်လိုက်ကြောင်း ဒေသခံများက ရန်ကုန်ခေတ်သစ်ဌာနသို့ ပြောဆိုသည်။

"ကျနော်တို့ စစ်သားတွေ ဝင်လာတာတွေ့တယ်။ အဲဒီမှာ ကျနော်တို့က မသင်္ကာလို့ ဖောက်ခွဲရေး ပစ္စည်းတွေကို ရွှေ့နေတုန်း သူတို့ဝင်လာတာတွေ့တော့ ပစ္စည်းတွေ အကုန်ချပြီး ထွက်ပြေးတယ်။ သူတို့က အားလုံးကို သေနတ်နဲ့ လိုက်ပစ်တယ်။ မြောင်းတွေထဲဆင်းပြေး၊ အိမ်သာကျင်းတွေထဲအထိ ဝင်ပုန်းရတယ်။ ကိုယ့်နားက ကျည်တွေ ထွက်သွားတာ ဝီကနဲ ဝီကနဲပဲ။ အဲဒါ ကျနော်တို့ တစ်ဖွဲ့လုံး လွတ်ပါတယ်။ မဆိုင်တဲ့သူတွေတချို့ အဖမ်းခံရတယ်။ အခုကျနော်တို့ အားလုံး လွတ်မြောက်နယ်မြေရောက်ပါပြီ။ Cobra စစ်ကြောင်းမှာပါဝင်ပြီး စစ်အာဏာရှင်စနစ်ကို ဆက်ပြီး တော်လှန်တိုက်ခိုက်သွားမှာပါ။ ကျနော်တို့ သေပြီး အဖမ်းခံရပြီဆိုပြီး ဝမ်းနည်းနေတဲ့ ပြည်သူတွေကို အသိပေးချင်တာပါ" ဟု ကိုချမ်းငြိမ်းသူက ပြောဆိုသည်။

ဧပြီလ ၂၇ ရက်နေ့ နံနက် ၁၀ နာရီ ၃၀ မိနစ်အချိန်တွင် သွေးအလိမ်းလိမ်းဖြင့် မျက်နှာဖူးရောင်နေသော လူငယ်တစ်ဦးကို စစ်တပ် ခေါ်ဆောင်လာပြီး အလတ်ချောင်းရပ်ကွက်အတွင်း ဝင်ရောက် ဖမ်းဆီးခြင်းဖြစ်ကြောင်း၊ လူငယ် ၁ ဦးမှာ ထွက်ပြေးသဖြင့် စစ်သားများက လိုက်လံဖမ်းဆီးပြီး လဲကျသွားချိန်တွင် ပစ်သတ်ခဲ့သည်ဟု ဒေသခံများက ပြောဆိုကြသည်။

"ဖမ်းတာတော့ မဆိုင်တဲ့သူကို ဖမ်းတာ။ သေတာလည်း မရှိဘူး။ သူတို့ လိုက်ပစ်တဲ့အချိန်မှာ ကျနော်တို့ ပြေးကြတာပဲ။ သေလည်း မသေပါဘူး" ဟု ကိုချမ်းငြိမ်းသူက ဆိုသည်။

Khit Thit

08/05/2022

NUG ကာကွယ်ရေးဝန်ကြီး ဦးရည်မွန်ထံ ကတိအတိုင်း လက်နက်တပ်ဆင်ပေးရန် ဗိုလ်နဂါးတောင်းဆို

8 May 2022 By MBA

NUG အစိုးရ၏ ကာကွယ်ရေးဝန်ကြီး ဦးရည်မွန်ထံ ကတိအတိုင်း လက်နက်တပ်ဆင်ပေးရန် ယနေ့ မေလ ၈ ရက်နေ့နံနက်ပိုင်းတွင် မြန်မာ့တော်ဝင်နဂါးတပ်တော်၏ ခေါင်းဆောင် ဗိုလ်နဂါးက တောင်းဆိုမှုပြုလုပ်ခဲ့သည်။ လက်ရှိတွင် အကြမ်းဖက်စစ်ကောင်စီဘက်မှ ၎င်းတို့၏ ဒေသအား ဦးတည်၍ ချေမှုန်းနိုင်ရေးထိုးစစ်ပြင်ဆင်စတင်နေသည့် အနေအထားတစ်ခု ရင်ဆိုင်နေရချိန်လည်းဖြစ်သည်ဟုလည်း အသိပေးထားသည်။

အစောပိုင်း NUG ဝန်ကြီး ဦးရည်မွန်နှင့် ဗိုလ်နဂါးတို့ တွေ့ဆုံဆွေးနွေးမှုတစ်ခုတွင် မြန်မာ့တော်ဝင်နဂါးတပ်တော်အား ဝန်ကြီးဘက်မှ တစ်လအတွင်း လက်နက်တရင်းစာ တပ်ဆင်ခြင်းကို တစ်လအတွင်း ပြုလုပ်ပေးမည်ဟု ကတိပေးခဲ့ဖူးသည်။ အဆိုပါတွေ့ဆုံမှု နေ့ရက်မှာ ၂၀၂၂ ခုနှစ် မတ်လ ၁၃ ရက်နေ့ဖြစ်ပြီး ယင်းမှစ၍ ရေအတွင်လျှင် ယခုတွင် နှစ်လပြည့်မြောက်ရန် ၅ ရက်သာ လိုတော့ခြင်းဖြစ်သည်။

ထို့ကြောင့် “၁၃.၃.၂၀၂၂ ရက်နေ့ ဝန်ကြီးဦးရည်မွန်နှင့် ကျွန်န်ုပ်တို့ တွေ့ဆုံဆွေးနွေးစဉ်က (MRDA) ၏ စာရင်းသွင်းတပ်ရင်းများအားလုံး တပ်ဆင်ဖို့ရန် မဖြစ်နိုင်သော်လည်း တရင်းစာတပ်ဆင်ခြင်းကိုမူ ထိုနေ့မှစ၍ တလအတွင်း တပ်ဆင်ပေးမည်ဟု ကတိပေးထားသည့်အတိုင်း အမြန်ဆုံးတာဝန်ယူတပ်ဆင်ပေးရန် လေးစားစွာတင်ပြတောင်းဆိုအပ်ပါသည်”ဟု ဗိုလ်နဂါး၏ လူမှုကွန်ရက်ဖေ့ဘုတ်စာမျက်နှာတွင် တရားဝင် ဖော်ပြအသိပေးခဲ့သည်။ မြန်မာ့တော်ဝင်နဂါးတပ်တော်သည် NUG အစိုးရဖွဲ့စည်းပြီးနောက် MOD တွင်တပ်ရင်းတပ်ဖွဲ့များ စနစ်တကျ ပေးသွင်း၍ အသိအမှတ်ပြုပူးပေါင်းပါခဲ့သည့် တပ်တော်ဖြစ်သည်။

ယင်းထုတ်ပြန်တောင်းဆိုချက် ထုတ်ပြန်ပြီးခဏအကြာတွင် ပို့စ်အားပြန်လည်ဖျက်သွားခဲ့ပြီး မြန်မာ့တော်ဝင်နဂါးတပ်တော် MRDA-Yangon Page တွင် ဆက်လက် အသိပေးထားဆဲဖြစ်သည်။

#ဗိုလ်နဂါး #ကာကွယ်ရေးဝန်ကြီး #ဦးရည်မွန်

07/05/2022

မိုးတွင်းရောက်လာပြီ ဆိုတော့ မိုးကာလေးများ
ကူညီကြပါအုန်း ခင်ဗျာ ။
အင်္ကျီတွေ မခြောက်တဲ့
ပြဿနာ တွေရှိနေ လို့ပါ။

06/05/2022

AA စစ်ဦးစီးချုပ် ဗိုလ်ချုပ်ထွန်းမြတ်နိုင်က စစ်ကောင်စီတိုင်းမှူး ထင်လတ်ဦးကို သတိပေး၊ " ငြိမ်းချမ်းရေးဘာညာသောက်ဂရုစိုက်နေမှာမဟုတ်ဘူး။ မင်းနေတဲ့နေရာထိတက်ကြိတ်ပလိုက်မှာနော်"ဟု တိုင်းမှူးကို စိန်ခေါ်သတိပေး

ရန်ကုန်၊ မေ ၆

ရက္ခိုင့်တပ်တော်AA စစ်ဦးစီးချုပ် ဗိုလ်ချုပ်ထွန်းမြတ်နိုင်က အနောက်ပိုင်းတိုင်းစစ်ဌာနချုပ်တိုင်းမှူး ထင်လတ်ဦးကို လူမှုကွန်ရက် Twitter မှတစ်ဆင့် သတိ ပေး လိုက်ပြီး ငြိမ်းချမ်းရေး ဂရုစိုက်မည်မဟုတ်ဘဲ တိုင်းမှူးနေရာအထိ တိုက် ခိုက်မည်ဟု ပြောဆိုလိုက်သည်။

"ကိုထင်လတ်ဉီးသိပ်လျှောက်မလုပ်နဲ့အာရုံနောက်နေပြီ ငြိမ်းချမ်းရေးဘာညာသောက်ဂရုစိုက်နေမှာမဟုတ်ဘူး။ မင်းနေတဲ့နေရာထိတက်ကြိတ်ပလိုက်မှာနော်" ဟု AA စစ်ဦးစီးချုပ် ဗိုလ်ချုပ်ထွန်းမြတ်နိုင်က လူမှုကွန်ရက် Twitter တွင် ရေးသားထားသည်။

အနောက်ပိုင်းတိုင်းစစ်ဌာနချုပ်သည် ရခိုင်ပြည်နယ်၊ အမ်းမြို့နယ်တွင် တည်ရှိပြီး လက်ရှိတွင် စစ်တပ်က ရခိုင်ပြည်နယ် တစ်ပြည်နယ်လုံးတွင် စစ်အင်အားတိုးချဲ့မှုများ၊ နယ်မြေချဲ့ထွင်မှုများလုပ်ဆောင်နေကြောင်း ရခိုင်သတင်းရင်းမြစ်များထံမှ သိရှိရသည်။

Khit Thit

04/05/2022

တော်လှန်ရေးကို ကိုယ်နဲ့မဆိုင်သလိုနေသူများကြောင့် Dragon Warrior အဖွဲ့ မန္တလေးမြို့ကိုစွန့်ခွာ

မေ ၄၊ PDF Newsflash

မန္တလေးမြို့အခြေစိုက် UG အဖွဲ့တစ်ဖြစ်တဲ့ Dragon Warrior အဖွဲ့ဟာ တော်လှန်ရေးကိုကိုယ်နဲ့မဆိုင်သလိုနေကြသူများကြောင့် မန္တလေးမြို့ပေါ်မှ စွန့်ခွာသွားပြီဖြစ်ကြောင်း ထုတ်ပြန်လိုက်ပါတယ်။

" ကိုယ့်မထိသရွေ့ တော်လှန်ရေးဟာကိုယ်နဲ့မဆိုင်သလိုနေကြတဲ့သူများနေတော့ ကျွန်‌တော်တို့အဖွဲ့ မြို့ပေါ်ကနေစွန့်ခွာသွားပါပြီ! မန်းသူ မန်းသားများ စိတ်အေးချမ်းသာစွာ မန်းမြို့ကြီးမှာ စစ်ကျွန်ဘဝနဲ့နေခဲ့ကြပါတော့... မန်မြို့ပေါ်မှာ ကျွန်တော်တို့တွေဘယ်လိုမှနေလို့ရတဲ့အ‌ခြေအနေမဟုတ်တဲ့အတွက် မန်းမြို့ကြီးကိုစွန့်ခွာသွားရပေမယ့် တစ်ချိန်မှာ အောင်ပွဲတွေနဲ့အတူ မန်းမြို့ကြီးဆီကိုပြန်လာခဲ့ချင်ပါသေးတယ် " ဟု Dragon Warrior အဖွဲ့မှ ဖော်ပြထားပါတယ်။

04/05/2022

မန္တလေး Green House Inn ပစ်ခတ်မှုမှာ သေဆုံးခဲ့သူတွေဟာ မြစ်ငယ် PDF ကလို့ မြို့ပြပြောက်ကျားအဖွဲ့ပြော

မန္တလေးမြို့၊ ချမ်းမြသာစည်မြို့နယ်၊ ကန်သာယာရပ်ကွက်မှာရှိတဲ့ Green House Inn(တည်းခိုခန်း)မှာ မနေ့ မေလ ၃ ရက်တုန်းက စစ်ကောင်စီတပ်ဖွဲ့င်တွေနဲ့အပြန်အလှန်ပစ်ခတ်မှုဖြစ်ချိန် သေဆုံးခဲ့သူ ၅ ဦးဟာ မြစ်ငယ် PDF တပ်ဖွဲ့ဝင်တွေ ဖြစ်တယ်လို့ မန္တလေးမြို့ပြပြောက်ကျားအဖွဲ့က သတင်းထုတ်ပြန်လာပါတယ်။

သေဆုံးခဲ့သူတွေထဲမှာ အမျိုးသမီးတစ်ဦးနဲ့ အမျိုးသာလေးဦးလည်းပါဝင်ပြီး သူတို့ရဲ့နာမည်တွေကိုပါ မြို့ပြပြောက်ကျားအဖွဲ့က ဒီနေ့ မေလ ၄ ရက်မှာ သတင်း ထုတ်ပြန်လာတာဖြစ်ပါတယ်။

ဒဏ်ရာရလူနာ ခဏဝင်နားနေတဲ့တည်းခိုခန်းကို စစ်ကောင်စီတပ်ဘက်က သတင်းရသွားပြီး အင်အားသုံး ဝင်ရောက်ပစ်ခတ်ဖမ်းဆီးရာကနေ အပြန်အလှန်ပစ်ခတ်မှုမှာ မြစ်ငယ် PDF အဖွဲ့ဝင်တွေ ဆုံးပါးခဲ့ကြတာလို့လည်း ဆိုပါတယ်။

ပုံစာ - အာဏာသိမ်းမှုအစောပိုင်းကာလက မန္တလေးမြို့
ဓာတ်ပုံ - Getty

ဘီဘီစီမြန်မာပိုင်းရဲ့နောက်ဆုံးရသတင်းများတိုက်ရိုက်တင်ဆက်မှု
https://www.bbc.com/burmese/live/burma-61232454
#ဘီဘီစီမြန်မာပိုင်း #မြန်မာ #မန္တလေး #ပစ်ခတ်မှု #လူသေဆုံးမှု #မြို့ပြပြောက်ကျား

04/05/2022

အယောင်ဆောင် CDM လုပ်သည့် သူလျှို ၃ ဦး ဖော်ထုတ်ဖမ်းဆီးနိုင်ခဲ့ဟု ကာကွယ်ရေးဝန်ကြီး ဦးရည်မွန်ပြော

ရန်ကုန်၊ မေ ၄

တိုင်းရင်းသားတော်လှန်ရေးတပ်ဖွဲ့ ERO များနှင့် အမျိုးသားညီညွတ်ရေးအစိုးရ NUG လက်အောက်ခံ PDF များထံ CDM ပြုလုပ်သူ အယောင်ဆောင်၍ သူလျှို လုပ်သည့် စစ်ကောင်စီဘက်တော်သား ၃ ဦးကို ဖော်ထုတ်နိုင်ပြီး ဖမ်းဆီးထိန်းသိမ်းထားကြောင်း ကာကွယ်ရေးဝန်ကြီး ဦးရည်မွန်က ရန်ကုန်ခေတ်သစ်သတင်းဌာနသို့ ပြောဆိုသည်။

ရန်ကုန်ခေတ်သစ်သတင်းဌာနနှင့် သီးသန့်တွေ့ဆုံမေးမြန်းသည့်အစီအစဉ်တွင် အမျိုးသားညီညွတ်ရေးအစိုးရ ကာကွယ်ရေးဝန်ကြီး ဦးရည်မွန်က ပြောဆိုခဲ့ခြင်းဖြစ်သည်။

"CDM လုပ်တယ်ပဲ ပြောပြော ပြည်သူနဲ့ ပူးပေါင်းတယ်ပြောပြောပေါ့ဗျာ၊ ပြည်သူ့ဘက်တော်သားဖြစ်လာတဲ့ တပ်မတော်သား၊ ရဲတပ်ဖွဲ့ ၁ ဦးချင်းစီကို ပြည်သူ့ရင်ခွင်ခိုလှုံရေးအစီအစဉ်အကောင်အထည်ဖော်ရေး ဗဟိုကော်မတီ အလုပ်အဖွဲ့ ၁ခုကနေ အင်တာဗျူးတာ ရှိပါတယ်။ အခုအချိန်ထိဆိုလို့ရှိရင် ဒလန်၊ သူလျှို သဘောမျိုးနဲ့ ဝင်လာတဲ့ ၃ ယောက်ကို ဖော်ထုတ်နိုင်တယ်။

အများစုကတော့ တကယ်စိတ်ရင်းအမှန်နဲ့ ပြည်သူနဲ့ ပူးပေါင်းလာသူတွေ ဖြစ်တယ်ဆိုတာ တွေ့ရပါတယ်။ အခုလို ပြည်သူနဲ့ ပူးပေါင်းလာပြီးတဲ့အချိန်မှာလည်း အများစုက ပြည်သူ့တော်လှန်ရေးမှာ ဘယ်လို အခန်းကဏ္ဍကနေ ပါဝင်နိုင်မလဲဆိုပြီး ပြင်ဆင်နေတဲ့ ရဲဘော်တွေလည်း အများကြီး ရှိပါတယ်" ဟု ကာကွယ်ရေးဝန်ကြီး ဦးရည်မွန်က ပြောဆိုသည်။

အဆိုပါ သူလျှို ၃ ဦးကို ဒေသခံတော်လှန်ရေးတပ်ဖွဲ့များက ဖမ်းဆီးထိန်းသိမ်းထားကြောင်း သိရှိရသည်။

"မြန်မာနိုင်ငံ အနောက်ပိုင်းမှာ ၁ ယောက် ဖော်ထုတ်ရရှိပါတယ်၊ မြန်မာနိုင်ငံ မြောက်ပိုင်းမှာ ၂ ယောက် ဖော်ထုတ်ရရှိပါတယ်။ အလယ်ပိုင်းနဲ့ တောင်ပိုင်းမှာတော့ အခုချိန်ထိ အဲဒီလိုမျိုး မရှိသေးဘူး။ လက်ရှိမှာတော့ ဒေသခံတော်လှန်ရေး အဖွဲ့တွေကပဲ ယာယီအချုပ်ခန်း ဆောက်ပြီးတော့ ထိန်းသိမ်းထားပါတယ်" ဟု ဦးရည်မွန်က ရှင်းပြသည်။

လက်ရှိတွင် မင်းအောင်လှိုင်ဦးဆောင်သော အကြမ်းဖက်စစ်ကောင်စီကို စွန့်ခွာပြီး CDM ပြုလုပ်လာသူ စစ်သား ၃,၀၀၀ ဝန်းကျင်နှင့် ရဲတပ်ဖွဲ့ဝင် ၇,၀၀၀ ဝန်းကျင်ရှိကြောင်း ပြည်သူ့ပန်းတိုင်အစီအစဉ်မှ CDM ဗိုလ်ကြီး ညီသုတက ပြောဆိုသည်။

ယင်းအပြင် CDM ပြုလုပ်ရန် စာရင်းသွင်းထားသူ ၃,၀၀၀ ဝန်းကျင်ရှိနေသလို CDM မပြုလုပ်သော်လည်း စစ်ကောင်စီမှ စွန့်ခွာပြီး သီးသန့်နေထိုင်နေသူ အမြောက်အများရှိကြောင်း ပြည်သူ့ပန်းတိုင်အဖွဲ့ထံမှ သိရှိရသည်။

ခေတ်သစ်
ဓါတ်ပုံ - ရှေ့တန်းတနေရာတွင် တွေ့ရသည့် ကာကွယ်ရေးဝန်ကြီး ဦးရည်မွန်

02/05/2022

Yangon UG Association အနေနဲ့
ငါတို့ညီအကို ၁၄ဖွဲ့ အားနဲ့လာမယ် ။
မင့်တို့ခံနိုင်သလောက် ခံပေါ့ မဆုတ်စတမ်း အနေနဲ့
ငါတို့ရွေ့မယ် ငါတို့လုပ်မယ်
သွေးကြွေးကို မကျန်အောင်ဆပ်မယ်
လုံးဝအုပ်ချုပ်ခွင့်မရစေရ အတွက် ငါတို့တွေလာပြီ
ရန်ကုန် မှာ ရန်တွေ ကုန်ဖို့ ငါတို့လာပြီ
ဆက်ဆက်စောင့်နေပါ ။

1.Wolf Warriors STF (WWSTF)
2.God's Hand Forces (GHF)
3.Thongwa Youth Force (TYF)
4.Kyauktan PDF (K-PDF)
5.Thanlyin Dragon Force (TL Dragon)
6.Scorpion Forces Underground (SFU)
7.Bahan's Guerrilla Force (B-PDF) 8.Secret Underground Force (Kyauktan)
9.Human Rights Defenders (HRD)
10.Generation Z Defence Force&Supply Army (GZDF)
11.Burme Final Revolution Army Forces (BFRAF)
12.ဒို့ရိုးရာ ညီနောင်ပျောက်ကြားတပ်ဖွဲ့ (DYY)
13.Special Nway Oo (SNO)
14.Thaketa's Urban Guerrilla Force (TUGF)

YANGON UG ASSOCIATION

01/05/2022

စမ်းချောင်းသတိ‼️🚨🚨

ကြံခင်းလမ်းတွင်အင်အားအလုံးအရင်းဖြင့် မွှေနေ

10:17
DRG Team

01/05/2022

တောင်ဥက္ကလာက
မအေးမြတ်ခိုင်
အမြန်ရှောင်ပါ ။

30/04/2022

နန်းထိုက်အောင်စစ်ဆင်ရေးအစိတ်ပိုင်းနှင့်
ရန်ကုန်မြို့တော်ဝန်မဏ္ဍပ်အား ဧပြီ၈တွင်
ဖောက်ခွဲပြခဲ့သော ရန်ကုန်UG DarkShadow
အဖွဲ့အား စစ်တပ်မှ ဖမ်းဆီးသ-တ်ဖြတ်ခဲ့
အဖွဲ့ဝင်၁၄ဦးစလုံးကျဆုံး

April29 ရန်ကုန်

ကြည့်မြင်တိုင်တစ်ဖက်ကမ်း အလပ်ချောင်းရပ်ကွက်က လူငယ်(၁၄) ယောက်ကို စစ်တပ်က ပစ်သတ်လိုက်တယ်လို့ Dark Shadow အဖွဲ့နဲ့နီးစပ်သူတစ်ယောက်က အတည်ပြုပါတယ်။

ဧပြီလ(၂၇) ရက်နေ့က စစ်တပ်က လာရောက်အလပ်ချောင်းကျေးရွာက လူငယ်တွေကို ဝင်ရောက်ဖမ်းဆီးချိန်ထဲက လူငယ်တစ်ယောက်ကို နေရာမှာ ပဲ ပစ်ခတ်သတ်ဖြတ်ခဲ့တာ ဖြစ်တယ်လို့ သိရပါတယ်။

“အဖမ်းခံလိုက်ရတဲ့ Dark Shadow အဖွဲ့ကလူငယ်တွေအကုန်လုံးအသတ်ခံလိုက်ရပြီး ကျဆုံး သွားပါတယ်။ DB ပြန်မရပါ” လို့ Dark Shadow အဖွဲ့နဲ့နီးစပ်သူတစ်ယောက်ကပြောပါတယ်။

ရဲဘော်တို့၏ပေးဆပ်ခြင်းအားကျွန်တော်တို့ MSIYDF မှ
မှတ်ကျောက်တင် အလေးနီပြုပါသည်။🥀
ကောင်းရာသုဂတိ လားရောက်ကြပါစေ.......။

29/04/2022

🔴 Sagaing Alert (29.4.2022) -

စစ်ကိုင်းတိုင်း စစ်ရေးပြင်းထန် အခြေအနေပါ။
ပွဲများစွာနဲ့ ဧပရယ် ပါဘဲ။ ချောင်းဦး - မုံရွာ ကစပြီး
တန့်ဆည်၊ လမ်းဆုံ၊ ရေဦး မြန်မာပြည်အထက်ပိုင်း
တောက်လျှောက် ဒီကနေ့ဘဲ ကျနော်တို့ PDF တွေ
လမ်းပိတ်လိုက်ပြီဖြစ်ပါတယ်။

အိမ်စီးကား၊ ကုန်တင်ကား တစ်စီးမှ ဖြတ်သန်းသွား
လာဖို့ခွင့်ပြုသွားမှာမဟုတ်ပါဘူး။ ခင်ဗျားတို့
ဘေးကင်းရေးအတွက်မို့ နားလည်ပေးဖို့ မျှော်လင့်တယ်။

စခ ကားတစ်ရာနီးပါးကို လတ်တလော ဖြုတ်နေပါတယ်။
သတင်းကောင်း အကြီးကြီးတွေရှိပါတယ်။
ပွဲ ခနငြိမ်မှ အပြည့်အစုံ တင်ပါမယ်။

စစ်ကိုင်းကို ကူပါ။ ထောက်ပံ့ပါ။
ငါတို့အားလုံးရဲ့မနက်ဖြန်အတွက်ပါ။

ကျနော်တို့ကတော့ ...
ဖြုတ်နေပါတယ်။ ကင်နေပါတယ်။
ခနနားတုန်းလေး လာတင်ပါတယ်။

---

ဗိုလ်တော်ဝင် (MasK.)
MDF - PDF တပ်ရင်း 1

24/04/2022

23/04/2022

Grade 8 မှ Grade 11 အထိ CDM ID Code ထုတ်ပေးမှု ၂၄ နာရီ မပြည့်မီ CDM ကျောင်းသား၊ ကျောင်းသူ ၂၅၀၀ ကျော် လျှောက်လွှာတင်ပြီး လက်နက် ကိုင်ရဲဘော်များလည်း ပါဝင်

ရန်ကုန်၊ ဧပြီ ၂၃

ဧပြီလ ၂၀ ရက်နေ့မှ စတင်ကာ Grade 8 (သင်ရိုးဟောင်း ၇ တန်း) မှ Grade – 11 (သင်ရိုးဟောင်း တက္ကသိုလ်ဝင်တန်း) အထိ ကျောင်းသားများအတွက် Student CDM ID လျှောက်လွှာများကို ပထမအသုတ် စတင် ထုတ်ပြန်ခဲ့ပြီး ၂၄ နာရီ မပြည့်မီ CDM ကျောင်းသား/သူ ဦးရေ ၂၅၀၀ ကျော် လျှောက်လွှာတင်ခဲ့ကြောင်း ၊ CDM ID တင်သူများတွင် တော်လှန်ရေးအတွက် လက်နက်ကိုင်တော်လှန်နေကြသည့် လက်နက်ကိုင်ရဲဘော်များလည်း ပါဝင်သည်ကို တွေ့ရကြောင်း အ.က.ရ -ဗဟိုဌာနချုပ်က ဧပြီလ ၂၂ ရက်နေ့ သတင်းထုတ်ပြန်သည်။

အဆိုပါ Student CDM ID ၏ ရည်ရွယ်ချက်မှာ တော်လှန်ရေးကာလအတွင်း အကြမ်းဖက်စစ်အာဏာရှင်ကို ပညာသင်ခွင့် စွန့်ကာ ဖီဆန်ကြသည့် CDM ကျောင်းသား/သူများကို အသိအမှတ်ပြု ဂုဏ်ပြုနိုင်ရေးနှင့် အခွင့်အရေးများ ဖော်ဆောင်နိုင်ရေးရည်ရွယ်ကြောင်း၊ လျှောက်လွှာတင်ထားသူများမှာ ရန်ကုန်မြို့နှင့် အနီးဝန်းကျင်ရှိ Grade – 11 တက်ရမည့် CDM ကျောင်းသား၊ ကျောင်းသူများ ID တင်မှု ပိုများကြောင်း ထုတ်ပြန်ချက်တွင် ဖော်ပြထားသည်။

CDM ID မှာ CDM, Non CDM ကွဲပြားသွားစေရန် ပြုလုပ်သည့် အထောက်အထားတစ်ခုဖြစ်ပြီး တော်လှန်ရေးအလွန်တွင် Digital Card အဖြစ်ပြောင်းလဲထုတ်ပေးမည်ဖြစ်သည်ဟုလည်း ပါရှိသည်။။

အဆိုပါ အစီအစဉ်သည် Non CDM များကို အရေးယူမည့် အစီအစဉ်မဟုတ်ဘဲ ID မတင်ထားသူများကို Non CDM အဖြစ် သတ်မှတ်ခြင်း၊ အရေးယူခြင်း ပြုလုပ်သွားမည်မဟုတ်ကြောင်း၊ CDM ID တင်ထားသူများ အခွင့်အရေးကောင်းများ ရရှိစေရန် ကြိုးပမ်းသွားမည် ဖြစ်ကာ အခွင့်အရေးဆိုင်ရာ ကိစ္စများကို NUG အစိုးရနှင့် ဆွေးနွေးလျက်ရှိကြောင်းလည်း ထုတ်ပြန်ချက်တွင် ဖော်ပြထားသည်။

CDM ID လျှောက်ထားလိုသော ကျောင်းသားများအနေဖြင့် အသေးစိတ်ကို https://www.facebook.com/permalink.php?story_fbid=160310979708185&id=104119198660697 တွင် ကြည့်ရှုနိုင်ပါသည်။

Khit Thit

Student CDM ID registration form အား‌ CDM ကျောင်းသား/သူများလျှောက်ထားနိုင်ရန်အတွက် Form ကိစ္စနှင့်ပတ်သက်၍ ကျနော်တို့ မြ၀တီမြို့နယ်အခြေခံပညာကျောင်းသားများရေးရာအဖွဲ့မှ ရှင်းပြပေးသွားမှာဖြစ်ပါတယ်။

Form ကိုတော့ (အကရဗဟို) မှတရား၀င်ထုတ်ပြန်ထားခြင်းမရှိသေးပါဘူး။ Form မထွက်လာခင်မှာ ကျောင်းသား/သူတွေအနေနဲ့ Form ဖြည့်နည်းကိုသေချာသိထားမှသာ ဖြည့်တတ်မှာဖြစ်တဲ့အတွက် ဗဟုသုတအနေဖြင့် ရှင်းလင်းတင်ပြခြင်းဖြစ်ပါသည်။

Phone ဖြင့် Form လျှောက်နည်း Video ဖိုင်
https://www.facebook.com/BesafCEC/videos/497263155350265/

Laptop ဖြင့် Form လျှောက်နည်း Video ဖိုင်
https://www.facebook.com/BesafCEC/videos/679336903397868/

ဒီနှစ်ခုကိုကြည့်ပြီးမှအောက်ကစာတွေကိုဆက်ဖတ်ပေးရင်ပိုသင့်တော်ပါတယ်။

ဒီ Registration Form ကို
၁။ဆယ်တန်း(စနစ်ဟောင်း)
၂။ဆယ်တန်းစနစ်သစ်
၃။ရှစ်တန်း
၄။ခုနစ်တန်း ကျောင်းသားတွေပဲဖြည့်လို့ရဦးမှာပါဗျ။အ‌ခြားအတန်းတွေကတော့ နောက်အသုတ်တွေမှပါမှာပါ။

သတိပေးချက်။
စကစကျောင်းတက်ခဲ့သောသူများ ၊ စကစရဲ့အတန်းတင်စာမေးပွဲဖြေဆိုခဲ့သော ကျောင်းသား
Non CDM များလုံး၀ဖြည့်သွင်းခွင့်မရှိပါ။

Registration Form မှာပါတဲ့အချက်အလက်တွေကို ကျနော်ဆက်ရှင်းပြပါမယ်။

၁။အမည်

အမည်ကတော့ ကိုယ်ကျောင်းမှာသုံးတဲ့ အမည်ကိုထည့်ပေးရမှာဖြစ်ပါတယ်။အင်္ဂလိပ်ပဲထည့်ထည့် မြန်မာလိုပဲထည့်ထည့် အဆင်ပြေသလိုထည့်ကြပါ။

၂။လိင်

လိင်ကလည်းကျားဆိုကျား မဆိုမ ရွေးထည့်ပေးပါ။

၃။ကျောင်းသား၏မွေးသက္ကရာဇ်

မွေးသက္ကရာဇ်ကတော့ မိမိရဲ့ မွေးသက္ကရာဇ်အမှန်ကိုထည့်ပေးပါ။ တချို့ကကျတော့ ကျောင်းမှာ အသက်လိမ်ထားတာတွေရှိပါတယ်။ တကယ့်မွေးသက္ကရာဇ် နဲ့ ကျောင်းကမွေးသက္ကရာဇ်ကမတူတာမျိုးတွေရှိပါတယ်။ ဒါကြောင့် မိမိရဲ့မွေးသက္ကရာဇ်အမှန်ကိုထည့်ပေးကြပါ။

၄။ကျောင်းသား၏နိုင်ငံသားစိစစ်ရေးကဒ်အမှတ်

ဒါကတော့ နိုင်ငံသားစိစစ်ရေးကဒ်ရှိတဲ့သူတွေ ကတော့ထည့်ပေးပါ။ မရှိတဲ့သူတွေက ကျော်လိုက်ပါ။

၅။အတန်း

အတန်းကတော့ အာဏာမသိမ်းခင်ကိုယ်နောက်ဆုံးတက်ခဲ့တဲ့အတန်းကိုထည့်ပေးရမှာပါ။

၆။နောက်ဆုံးတက်ခဲ့သောကျောင်းအမည်

ဒါကတော့နားလည်လွယ်ပါတယ်။ ကိုယ်နောက်ဆုံးတက်ခဲ့တဲ့ကျောင်းအမည်ကိုထည့်ပေးပါ။

၇။ကျောင်းသား၏နိုင်ငံသားစိစစ်ရေးကဒ်ပြားဓာတ်ပုံ

ဒါကလည်း နိုင်ငံသားစိစစ်ရေးကဒ်ရှိတဲ့သူတွေကတော့ ရိုက်ပြီးထည့်ပေးကြပါ။ မရှိတဲ့သူတွေကကျော်ပေးပါ။

၈။ကျောင်းသားကဒ်ဓာတ်ပုံ

ဒီကျောင်းသားကဒ်ဓာတ်ပုံကလည်း ရှိတဲ့သူတွေထည့်ပေးကြပါ။ မရှိတဲ့သူတွေက ကျော်ပေးပါ။

၉။အုပ်ထိန်းသူအမည်

ဒါကလွယ်ပါတယ်။ မိမိရဲ့အုပ်ထိန်းသူအမည်ကိုထည့်ပေးရုံပါပဲ။

၁၀။အုပ်ထိန်းသူ၏နိုင်ငံသားစိစစ်ရေးကဒ်ပြားအမှတ်

အုပ်ထိန်းသူရဲ့ နိုင်ငံသားစိစစ်ရေးကဒ်ပြားအမှတ်ကိုရိုက်ထည့်ပေးပါ။

၁၁။အုပ်ထိန်းသူ၏နိုင်ငံသားစိစစ်ရေးကဒ်ပြားဓာတ်ပုံ

ဒီမှာက မိမိအပေါ်မှာထည့်ထားတဲ့အုပ်ထိန်းသူရဲ့ နိုင်ငံသားစိစစ်ရေးကဒ်ပြားပုံကိုဓာတ်ပုံရိုက်ပြီးထည့်ပေးပါ။

၁၂။မိမိတို့နေထိုင်ရာ တိုင်းဒေသကြီး/ပြည်နယ်

ဒါကတော့လွယ်ပါတယ်။ မိမိနေတဲ့ တိုင်းဒေသကြီး/ ပြည်နယ်ကိုထည့်ပေးရုံပါပဲ။

၁၃။ Student CDM ID ပေးပို့ရန်အတွက် Email

ဒါကိုတော့ မိမိအမှန်တကယ်အသုံးပြုတဲ့ Email ကိုထည့်ပေးပါ။

၁၄။ဆက်သွယ်ရန်ဖုန်းနံပါတ်

ဆက်သွယ်လို့ရနိုင်မဲ့ ဖုန်းနံပါတ် ကိုယ်အမြဲအသုံး ပြုနေတဲ့ဖုန်းနံပါတ်ကိုရိုက်ထည့်ပေးပါ။

၁၅။သင် CDM Student ဖြစ်ကြောင်းထောက်ခံပေးနိုင်မည့်အဖွဲ့အစည်း

မိမိ CDM Student ဖြစ်ကြောင်းထောက်ခံနိုင်မဲ့အဖွဲ့အစည်းကိုထည့်ပေးရင်ရပါပြီ။
https://www.facebook.com/100835912579290/posts/110327211630160/
CSST ကနေ ထောက်ခံစာတွေထုတ်ပေးနေပါတယ်။ CSST ကနေထောက်ခံစာတွေသွားလျှောက်ထားနိုင်ပါတယ်။

၁၆။သင် CDM Student ဖြစ်ကြောင်းအထောက်အထား (ပုံဖြင့်)

ဒါကတော့ ကျောင်းထွက်စာတွေ ကျောင်းမှထုတ်ခံရတဲ့စာတွေဘာတွေရှိရင်ထည့်ပေးရမှာပါ။ မရှိတဲ့သူတွေကတော့လည်း မထည့်ကြနဲ့ပေါ့။

၁၇။သင် CDM Student ဖြစ်ကြောင်းအထောက်အထား (စာဖြင့်)

ဒါကလည်းရှင်းပါတယ်။ မိမိ CDM Student ဖြစ်ကြောင်းစာရေးပြီးရှင်းပြရုံပါပဲ။

ဒါတွေအကုန်ထည့်ပြီး သေချာပြန်စစ်ပြီးရင် Submit လေးကိုနှိပ်လိုက်ရုံပါပဲ။ဒါတွေကတော့သာမန် CDM ကျောင်းသားတွေဖြည့်ရမှာအကုန်ပါပဲ။

"နောက်တပိုင်းကတော့ တောခိုနေသောကျောင်းသားတွေအတွက်ပဲဖြစ်ပါတယ်။"

အကယ်၍ တောခိုနေသောကျောင်းသားဖြစ်ပါကထပ်မံဖြည့်သွင်းရမည့်အချက်အလက်များ။

၁။တော်လှန်ရေးတွင် သင်လက်ရှိပါ၀င်နေသောအဖွဲ့အစည်းအမည်

ဒါကတော့ မိမိလက်ရှိပါ၀င်နေတဲ့အဖွဲ့အစည်းအမည်ကိုထည့်ပေးပါ။

၂။အထောက်အထားသက်သေ (ပုံဖြင့်)

ထိုအဖွဲ့အစည်းတွင်ပါ၀င်နေကြောင်း အထောက်အထားသက်သေဖြစ်နိုင်မဲ့ ပုံ
လေးထည့်ပေးပါ။ (ဥပမာ- စခန်းတာ၀န်ခံ အဖွဲ့အစည်းတာ၀န်ခံရဲ့ထောက်ခံစာ)

၃။အထောက်အထားသက်သေ (စာဖြင့်)

ဒါကလည်း ထိုအဖွဲ့အစည်းတွင်ပါ‌၀င်နေကြောင်းကို စာနဲ့သေချာလေးရေးပြီးရှင်းပြလိုက်ရင်ရပါပြီ။

ဒါက တောခိုကျောင်းသားတွေအနေနဲ့ အပိုဆောင်းဖြည့်ရမဲ့ဟာပါ။

ကျနော်အခုရှင်းပြပေးသွားတာကတော့ Student CDM ID ရဲ့ Registration Form လျှောက်နည်းပဲဖြစ်ပါတယ်။