30/01/2025
Perfect ဖြစ်တဲ့ page တစ်ခုဖြစ်ဖို့ဆိုရင် အရင်ဆုံးလုပ်သင့်တာက အရေးကြီးဆုံး နဲ့ အခြေခံအကျဆုံးဖြစ်တဲ့ “About ” Section ကို သေချာဖြည့်ထားဖို့ပါ။
(၁) Page Name ကို သေချာရွေးချယ်ပါ။
မှတ်မိလွယ်ပြီး လုပ်ငန်းနဲ့ ကိုက်ညီမှုရှိတဲ့ နာမည်ကို အရင်ရွေးချယ်သတ်မှတ်ပေးပါ။ နာမည်သတ်မှတ်ပြီးရင်လည်း Google နဲ့ Facebook မှာ အမည်တူစီးပွားရေး ရှိမရှိ ရှာကြည့်ဖို့ လိုပါသေးတယ်။ ဒါမှ နောက်ပိုင်း လုပ်ငန်းမှတ်ပုံတင်တဲ့အခါ အရှုပ်အရှင်းကင်းမှာ ဖြစ်ပါတယ်။
(၂) Bio မှာ လုပ်ငန်းရဲ့ Unique Selling Proposition (USP) ပါအောင် ထည့်ပါ။
ဒီနေရာမှာ လုပ်ငန်းနဲ့ ဝန်ဆောင်မှုအကြောင်းကို ထူးခြားချက်၊ ကောင်းကွက်တွေပါအောင် တိုတိုနဲ့လိုရင်း ထည့်ရေးဖို့ အကောင်းဆုံးပါ။ (ဥပမာ - တခြားလုပ်ငန်းတွေထက် ပိုသာတဲ့ အရည်အသွေး၊ ယုံကြည်စိတ်ချရခြင်း၊ ဈေးနှုန်းသက်သာခြင်း၊ ဝန်ဆောင်မှုကောင်းခြင်း၊ အာမခံပေးခြင်း) စသဖြင့် သင့်လုပ်ငန်းရဲ့ အားသာချက်ကို ထည့်ရေးထားသင့်ပါတယ်။
(၃) ဆက်သွယ်ရန် Phone အပြင် Location ကိုပါ ထည့်ပါ။
ဆိုင်တည်နေရာပါရှိတယ်ဆိုရင်တော့ လိပ်စာတည်နေရာထည့်ထားလိုက်တာက လုပ်ငန်းကို Trust ပိုတိုးစေပါတယ်။ Online Sales သီးသန့်ပဲ ရောင်းတယ်ဆိုရင်တောင် ကိုယ်နေထိုင်ရာ မြို့ကိုပဲဖြစ်ဖြစ် ထည့်ထားသင့်ပါတယ်။
(၄) Call-to-Action (CTA) Button ထည့်ပါ။
CTA Button ထည့်ထားမှသာ Audience တွေကို Action လုပ်အောင် လှုံ့ဆော်ပေးနိုင်မှာ ဖြစ်ပါတယ်။ များသောအားဖြင့်ကတော့ Message Button ကို ထားကြပေမယ့် Call, Whatsapp, Book now, Contact us စသဖြင့် အမျိုးမျိုးရှိတာဖြစ်လို့ Audience ဘက်က ဆက်သွယ်လို့ အဆင်ပြေမယ့် Button ကို ထားတာ အကောင်းဆုံးပါ။ Page Setting ထဲက Edit Action Button ကနေတစ်ဆင့် CTA Button ထည့်နိုင်ပါတယ်။
(၅) SEO-friendly ဖြစ်အောင် ဖန်တီးပါ။
Page ကို အလွယ်တကူ ရှာတွေ့နိုင်ဖို့ SEO-friendly ဖြစ်ဖို့ဆိုရင် Page Name နဲ့ Username ကို တူအောင် ထားဖို့လည်း လိုပါတယ်။ နောက်တစ်ခုက Category Section မှာပါ သင့်လုပ်ငန်းနဲ့ တူညီရာကို ဖြည့်ထားသင့်ပါတယ်။ (ဥပမာ - Consultant, Marketing Agency, Restaurant, Online Shop) စသဖြင့် ဖြည့်ထားမှသာ ရှာဖွေတဲ့အခါ Page ကို အလွယ်တကူတွေ့မြင်နိုင်မှာ ဖြစ်ပါတယ်။
(၆) တခြား Social Media Links များ ထည့်ပါ။
Facebook အပြင် Website, Tiktok, Telegram, Viber Channel တွေရှိတယ်ဆိုရင် Link တွေ ချိတ်ထားပါ။ ဒါမှသာ Customer တွေနဲ့ အမြဲ အဆက်အသွယ်မပြတ်ရှိနိုင်မှာ ဖြစ်ပါတယ်။
page ဆိုတာ Customer ရဖို့ ပထမဆုံးခြေလှမ်းဖြစ်တာကြောင့် About Section ကို စနစ်တကျဖြည့်ထားခြင်းအားဖြင့် Attract လုပ်နိုင်ပါတယ်။ ဒါကြောင့် အခုပြောထားတဲ့အချက်တွေကို လျစ်လျူရှုထားပြီး မဖြည့်ရသေးတာတွေရှိတယ်ဆိုရင် အခုပဲ ဖြည့်ထားလိုက်ဦးနော်။
