31/03/2025
ကမ္ဘောဇဖောင်ဒေးရှင်းနှင့် ကမ္ဘောဇဘဏ်တို့မှ သဘာဝငလျင်ဘေးသင့်ဒေသများအတွက် ကျပ်ငွေ ၁၅ ဘီလီယံ ကနဦး မ,တည်လှူဒါန်း
၂၀၂၅ ခုနှစ်၊ မတ်လ (၂၈) ရက် နေ့လယ်ပိုင်းတွင် ဖြစ်ပွားခဲ့သည့် အင်အားပြင်းငလျင်ကြောင့် မြန်မာနိုင်ငံ နေရာဒေသအသီးသီးမှ မိသားစုဝင်များ၊ အသက်အိုးအိမ်စည်းစိမ်များ၊ မြန်မာ့အမွေအနှစ်အဆောက်အဦများ စသည့် ဆုံးရှုံးမှုများစွာ ကြုံတွေ့ခံစားခဲ့ရသည့်အတွက် မိသားစုများအားလုံးနှင့်ထပ်တူ စာနာဝမ်းနည်းရပါသည်။ ယင်း သဘာဝငလျင်ဘေးအန္တရာယ်ကြုံတွေ့မှုကြောင့် အကူအညီလိုအပ်နေသူများအတွက် အရေးပေါ်ကူညီကယ်ဆယ်ရေးလုပ်ငန်းများကိုလည်း ကမ္ဘောဇဖောင်ဒေးရှင်းနှင့် ကမ္ဘောဇဘဏ်အနေဖြင့် အချိန်နှင့် တပြေးညီ အမြန်ဆုံးနှင့် ထိရောက်စွာ ဆောင်ရွက်လျက်ရှိပါသည်။
ထို့ပြင် ကမ္ဘောဇဖောင်ဒေးရှင်းနှင့် ကမ္ဘောဇဘဏ်တို့မှ ကယ်ဆယ်ရေး၊ ပြန်လည်ထူထောင်ရေး လုပ်ငန်းများကို ပံ့ပိုးပေးနိုင်ရန်အတွက် မြန်မာကျပ်ငွေ ၁၅ ဘီလီယံကို ကနဦး ထောက်ပံ့ကူညီလှူဒါန်းသွားမည်ဖြစ်ပြီး အရေးပေါ်ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများကို ပထမ ဦးစားပေးဆောင်ရွက်သွားမည် ဖြစ်ပါသည်။
ကမ္ဘောဇဖောင်ဒေးရှင်းနှင့် ကမ္ဘောဇဘဏ်တို့မှ ကူညီထောက်ပံ့လှူဒါန်းသွားမည့် ကျပ်ငွေ (၁၅) ဘီလီယံအား အောက်ပါအတိုင်း ခွဲဝေလှူဒါန်းသွားမည် ဖြစ်ပါသည်။
✅ချက်ချင်းကယ်ဆယ်ရေး
▫️အသက်များကိုကယ်တင်ရန်နှင့် အခြေခံအဆောက်အဦများကို ပြန်လည်တည်ဆောက်ရန်။
▫️အားသွန်ခွန်စိုက် ကြိုးစားဆောင်ရွက်လျက်ရှိသော ရှာဖွေကယ်ဆယ်ရေးအဖွဲ့များ၊ အရေးပေါ်တုံ့ပြန်သူများနှင့် ဒေသတွင်း ကယ်ဆယ်ရေးအဖွဲ့အစည်းများကို ချက်ချင်းအကူအညီပေးခြင်း။
✅အခြေခံလိုအပ်ချက်များ
▫️ကမ္ဘောဇဖောင်ဒေးရှင်းနှင့် ကမ္ဘောဇဘဏ်တို့၏ မိတ်ဖက်များ၊ NGOs များနှင့် CSOs များတဆင့် ထိခိုက်ခံစားရသော မိသားစုများသို့ အခြေခံလိုအပ်ချက်များ ဖြန့်ဝေပေးခြင်း။
✅ပြန်လည်ထူထောင်ရေးနှင့် ပြန်လည်ပြုပြင်ရေး
▫️ကျန်းမာရေးစောင့်ရှောက်မှု၊ ရပ်ရွာများ ပြန်လည်တည်ဆောက်ခြင်း။
ထို့ပြင် ဆုံးရှုံး ပျက်စီး ထိခိုက်မှုအများဆုံးနှင့် လိုအပ်ချက်အများဆုံးနေရာဒေသများသို့ အမြန်ဆုံး ရောက်ရှိစေရန် ကမ္ဘောဇဘဏ်နှင့် မိတ်ဖက်များ၊ လူသားချင်းစာနာထောက်ထားမှုဆိုင်ရာအဖွဲ့အစည်းများ၊ ဆေးဘက်ဆိုင်ရာအဖွဲ့အစည်းများနှင့် အနီးကပ် ပူးပေါင်းဆောင်ရွက်၍ ကာလတိုနှင့် ကာလရှည် ပြန်လည်တည်ဆောက်ရေး၊ ပြန်လည် ထူထောင်ရေးလုပ်ငန်းများကိုလည်း ဆက်လက်ဆောင်ရွက်သွားမည် ဖြစ်ပါသည်။
