10/12/2023
သိုၵ်းSSPP ၶဝ်တိၺွပ်းၵူၼ်းဝၢၼ်ႈဢေႃႈ ၸေႈဝဵင်းၵျွၵ်ႉမႄး လႆႈၵႂႃႇ10ၵေႃႉပၢႆ ၼႂ်းၼၼ်ႉပႃးပူႇမိူင်းဝၢၼ်ႈလႄႈ ၵူၼ်းထဝ်ႈ ဢႃႇယု50ပၢႆ
10.12.2023
မိူဝ်ႈဝၼ်းထိ 8.12.2023 ယၢမ်းၵၢင်ၶမ်ႈ မွၵ်ႈ10ပၢႆၼၼ်ႉ ၸုမ်းသိုၵ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆးSSPP/SSA တႃႇႁဵတ်းလုၵ်ႈသိုၵ်းၼႆသေ ၶဝ်တိၺွပ်းဢဝ် ၵူၼ်းဝၢၼ်ႈဢေႃႈ ၸေႈဝဵင်းမႄးၵႂႃႇဢမ်ႇယွမ်း10ၵေႃႉ ၼႂ်းၼၼ်ႉ ပႃးၵႂႃႇပူႇမိူင်းႄလႈ ၵူၼ်းထဝ်ႈဢႃႇယု50ပၢႆၼႆ ၵူၼ်းပိုၼ်ႉတီႈလၢတ်ႈၼႄၼင်ႇၼႆ
"ၵၢင်ၶၼ်ႈၺႃးၽွင်းႁဝ်းၶႃႈတိုၵ်ႉတေၼွၼ်းၼၼ်ႉ ၶဝ်မႃးတွႆႇၽၵ်းတူသေ ဢမ်ႇလၢတ်ႈသင် မႃးဢဝ်ၵႂႃႇဢူႈႁဝ်းဢေႃႈ ဢူႈႁဝ်းၵေႃႈ ပေႃးလႆႈဢႃႇယု50ပၢႆယဝ်ႉ ပူႇမိူင်းႁဝ်းၵေႃႈ ၶဝ်တင်းဢဝ်ၵႂႃႇဢေႃႈ ၶဝ်ဝႃႈတႄႉ မႃးၵဵပ်းသိုၵ်းၼႆၶႃႈဝႃႇ
မိူဝ်ႈၵူႈပွၵ်ႈၵေႃႈ ၶဝ်ယွၼ်းၵူၼ်းယွၼ်းငိုၼ်းမႃး ၶႃႈၶဝ်တင်းၸွႆႈထႅမ်ၵႂႃႇၼင်ႇဢၼ်ၶဝ်တုၵ်းယွၼ်းယူႇ ၵူၺ်းၵႃႈယၢမ်းလဵဝ်သမ်ႉ မႃးၺွပ်းဢဝ်ၸိူင်ႉၼႆ လီၵူဝ်တႄႉတႄႉၶႃႈယဝ်ႉ မိူဝ်လဵဝ် ပၢင်တိုၵ်းသိုၵ်းဢူၺ်းလီလႄႈတင်းသိုၵ်းမၢၼ်ႈၵေႃႈ ၶဵင်ႈၶႅင်ၵၼ်ယူႇ ssppၵေႃႈသမ်ႉၶဝ်ႈႁႃတိၺွပ်းၵူၼ်းမိူင်းယူႇၸိူင်ႉၼႆၼႆႉ ၶႃႈၶဝ်ဢမ်ႇၸၢင်ႈပိုင်ႈဢိင်ၸုမ်းလႂ်ၽူႈလႂ်ၶႃႈယဝ်ႉ"
ယၢမ်းလဵဝ် ၵူၼ်းဝၢၼ်ႈဢေႃႈၵမ်ႈၼမ် လႆႈဢွၼ်ၵၼ်ပၢႆႈမႃးႁႃၶၢတ်ႈၶွင်ႉ ယူႇၼႂ်းပွၵ်ႉၼႂ်းယွမ်ႇ ဝဵင်းၵျွၵ်ႉမႄးယူႇၼႆ လႆႈႁူႉၸွမ်းၼင်ႇၼႆ။
Ethnic News
