04/01/2025
သံစဉ်ဖတ်စာ အတွဲ ( ၁ )အထဲမှာ ဘာတွေပါလဲ❓❓❓❓
မေးခွန်း - သံစဥ်ဖတ်စာကို ဘယ်အချိန်စသင်လို့ရပြီလဲ
အဖြေ - ဗျည်းလေးတွေကို စသိတဲ့အခါ စသင်လို့ရပါပြီ။
🔺မေးခွန်း - သံစဉ်ဖတ်စာမှာ ဘာတွေပါလဲ။
စာအုပ်အမှတ် ၁ - ဗျည်းလေးများနဲ့စဖတ်ပါ။
ဒီစာအုပ်မှာ ဗျည်းတွေထဲက အဓိပ္ပာယ်ရှိသော ဗျည်းများကို ပုံနဲ့ တွဲဖက်ထားပါတယ်။
မ အက ဘဘ ဘဘထ စသည်ဖြင့် ဗျည်းနဲ့ သရုပ်ဖော်ကို တွဲလျက်မြင်ရပါမယ်။
ကကြီး ခခွေး ဗျည်းကဗျာလေးတွေ ပါပါမယ်။
🔺စာအုပ် အမှတ် (𝟐) - (𝟏𝟓)
အာ အိ အု အေ အဲ အော အံအို နဲ့ ပထမတန်းမှာ သင်သော ဗျည်းတွဲများကို တစ်ခန်းကိုတစ်အုပ် ရေးသားပြစုထားပါတယ်။
အသံကိုအဓိကထား သင်ကြားရတဲ့ စာအုပ်ဖြစ်လို့ အခန်းတိုင်းမှာ အခန်းခွဲလေးတွေပါပါတယ်။
🔺 ကဗျာများနဲ့ စာဖတ်ပါ
က ကာ ကား စက်နဲ့မောင်းတဲ့ကား လို ကဗျာတွေ ပါပါမယ်။ ဒီအခန်းခွဲမှာ မိခင်သို့ ဆရာက ဆိုပြပြီး ကလေးက လိုက်ဆိုရမှာ ဖြစ်တယ်။ ကဗျာကိုဆိုရင်း ကလေးက အာသရ အားသရအသံကို မှတ်မိသွားပါလိမ့်မယ်။
🔺နောက်တစ်ဆင့်တက်ရင် ပုံလေးများနဲ့ တွဲဖတ်ပါ အခန်းကို ရောက်မယ်။
ဒီအခန်းမှာ ပုံရေးတွေနဲ့ စကားလုံးတွေ တွဲဖတ်ပါမယ်။ ဥပမာ ကား 🚙
🔺 အသံကိုရပြီ ဒီအသံကိုသုံးထားတဲ့ အသုံးများတဲ့ စကားလုံးတွေကို ဖတ်နိုင်ပြီဆိုရင်တော့ သက်ဆိုင်ရာ သရအသံနဲ့ ဖွဲ့စည်းထားတဲ့ အခြားစကားလုံးတွေကို ပီပီသသဖတ်ပါမယ်။
🔷စကားလုံးတွေဖတ်မယ်
🔷စာကြောင်းတိုတွေဖတ်မယ်
🔷စာပိုဒ်လေးတွေဖတ်မယ်
🔺 နောက်ဆုံးအခန်းမှာတော့ အသံတူပြီး အဓိပ္ပာယ်ကွဲသော စကားလုံးတွေကို ကဗျာလေးတွေနဲ့ ဖတ်ဖို့ပါပါမယ်။
ကား ဆို ခြေထောက်ကားတာနဲ့ 🚙 စသဖြင့်ပေါ့
ဘယ်အသက်အရွယ်စသုံးလို့ရလဲဆို
ပထမဆုံး ဗျည်းလေးများနဲ့ စဖတ်ပါက က ခပါ တစ်ပါတည်း သင်နိုင်တာမို့ ကျွန်မသမီးက ၂နှစ်၂လနဲ့ စသုံးပါတယ်။
အသက် ၃နှစ်ဝန်းကျင် ကလေးတွေ စာအုပ် ၁ ၂ ၃ အထဲမှာပါတဲ့ ကဗျာတွေကို ခုံခုံမင်မင် ဖတ်ကြလေ့ရှိတာ တွေ့ပါတယ်။
သင်ကြားရေး ပြီးမြောက်အောင်မြင်ဖို့ကတော့ အသက် (𝟔) နှစ်ဝန်းကျင်မှ စာအုပ်အကုန် ရနိုင်ပါလိမ့်မယ်။
ဒီစာအုပ်ကုန်တာနဲ့ ပထမတန်း မြန်မာစာ အပြီးပါပဲ။
𝙁𝙪𝙣 𝙇𝙚𝙖𝙧𝙣𝙞𝙣𝙜 ဖြစ်တာကြောင့် ကဗျာလိုလို အပျော်ဖတ်စာလိုလို ကလေးကထင်ရပေမဲ့ ဒီစာအုပ်က သင်ကြားရေးစာအုပ်ပါ။ ဒီစာအုပ်နဲ့ မြန်မာစာတတ်သွားတဲ့ ကလေးပေါင်းများစွာ ရှိခဲ့ပြီ ဖြစ်သလို ကျွန်မရေးသားပြုစုခဲ့တဲ့အထဲမှာ အအောင်မြင်ဆုံး စာအုပ်တွဲတစ်ခုလည်း ဖြစ်ပါတယ်။
သူနဲ့အတူတွဲပြီး ပထမတန်းမြန်မာစာ အတတ်သင်ကိုပါ တွဲလေ့ကျင့်ရင် စာတတ်မြောက်မှု ပိုမြန်လာပါလိမ့်မယ်။
စျေးနှုန်း- 29,900 ကျပ်
#ကလေးစာပေ #စာအုပ်ဆိုင် #သင်ထောက်ကူ #မူကြို #နွယ်နီကံဝင်း #မြန်မာစာ
#ပထမတန်း #မြန်မာစာ
