PYOE

26/04/2025

😊Jackson Wang

26/04/2025

အကောင်းဆုံး စကားပြောနည်း
🔰🔰🔰🔰🔰🔰🔰🔰🔰🔰🔰

မစဉ်းစားမဆင်ခြင်ဘဲ စိတ်အလိုလိုက်ပြီး
အရမ်းကာရော မြောမိတဲ့ စကားတွေဟာ
ပစ္စုပ္ပန်ဘဝမှာတင် ဆင်းရဲဒုက္ခကို
ဖြစ်စေတာ မဟုတ်ပါဘူး။

ပြောမိတဲ့စကားတွေဟာ
လွန်ရင်လွန်သလောက်
သံသရာတစ်လျှောက်လည်း
ဆင်းရဲဒုက္ခတွေကို ဖြစ်စေနိုင်သေးတယ်။

မှန်ကန်ပြီး အကျိုးရှိတဲ့စကားမျိုးကို
အချိန်အခါကြည့်ပြီး မေတ္တာစိတ်နှင့်
နူးညံ့သိမ်မွေ့စွာ ပြောဆိုတတ်ရမယ်။

အရှင်ဥတ္တမ
(သစ္စာရွှေစည်ဆရာတော်)
Crd

26/04/2025

“ပါးစပ်တစ်ပေါက်ကို ထိန်းနိုင်ကြဖို့”

🔳 ပါးစပ်မှာ အဝင်နဲ့ အထွက်ရှိတယ်။ အဝင်က အစားအသောက်။ အထွက်က နှုတ်ကနေ ထွက်လာမယ့်စကား။ အဲဒီနှစ်ခုကို ဆင်ခြင်နိုင်ရင် တော်တော်ကြီးကို အဆင်ပြေသွားလောက်တယ်။

🔳 ဝိတ်ချတဲ့အခါ တစ်ရက်တာ ကိုယ်အသုံးပြုတဲ့ ကယ်လိုရီထက် လျှော့ပြီး စားရတယ်။ များများပိုသုံးဖြစ်အောင် လေ့ကျင့်ခန်းလုပ်ပေမဲ့ အဝင်မလျော့ရင်တော့ ပင်ပန်းထားသမျှ အလကားပဲ။ လေ့ကျင့်ခန်းရဲ့ တခြားအကျိုးကျေးဇူးတွေတော့ ရမယ်။ ဝိတ်တော့ မကျဘူး။

အဝလွန်တာက Body shaming တွေ ဘာတွေ ခဏထား။ ကျန်းမာရေးအတွက်တော့ မကောင်းတာ အသေအချာပဲ။

🔳 ဒါတင်ပဲလား ဆိုတော့ မဟုတ်ဘူး။ ဒီပါးစပ်တစ်ပေါက်က အချိုတွေ ကြိုက်တယ်။ ဆီကြော်တွေ စားချင်တယ်။ အငန်တွေ၊ ငါးပိတွေ တောင့်တတယ်။ ကျန်းမာရေးနဲ့ မသင့်တော်တဲ့ အရာမှန်သမျှ သောက်ချင်တယ်။

ဒီတော့ သွေးတိုး၊ ဆီးချို၊ ကင်ဆာ စတဲ့ ရောဂါတွေ ဖြစ်လာစေတယ်။ လျှာဖျားရဲ့ တောင့်တမှုကို အလိုလိုက်ရင်း ဖြစ်တဲ့ပြဿနာတွေပေါ့။

🔳 ကျွန်တော်ဆို ညစာ Heavy meal မစားဖြစ်တာ အတော်ကြာပြီ။ တစ်ခါတလေ စိတ်ဖိစီးလို့ဖြစ်ဖြစ်၊ တစ်ယောက်ယောက်နဲ့ ဆုံဖြစ်လို့ဖြစ်ဖြစ် စားလိုက်မိရင် ဗိုက်ကြီးလေးပြီး နေမကောင်းတော့ဘူး။ လူလည်း ထိုင်းမှိုင်းလာတယ်။ အိပ်ငိုက်လာတယ်။

ဒါကြောင့် ဥပုသ်စောင့်ရင် နေ့လွဲညစာ မစားခိုင်းတာ။ ဒီလိုမစားလို့ ကုသိုလ်ရတာတော့ မဟုတ်ဘူး။ ကိုယ့်ရဲ့ အစားအစာအပေါ် တပ်မက်မှုကို လျှော့ခိုင်းတာ၊ ဆာလောင်မှုကို သည်းခံခိုင်းတာ၊ ပေါ့ပါးခြင်းကြောင့် ကုသိုလ်အလုပ်တွေ ပိုလုပ်နိုင်လာမှာ၊ ဒီလိုအကျိုးတွေအတွက် ဖြစ်ပါတယ်။

🔳 အသက်ရှည်ကျန်းမာတဲ့သူ​တွေကို ​လေ့လာတဲ့အခါမှာလည်း အ​စားအ​သောက် ဆင်ခြင်တာ ​​တွေ့ရတယ်။ Plant-based diet လို့ ​ခေါ်တဲ့ အသီးအရွက် များများစားတာ၊ ဗိုက်ပြည့်သည်အထိ မစားတာ စသဖြင့်​ပေါ့။

🔳 အဝင်ကို ဘာကြောင့် ထိန်းသင့်တယ် ဆိုတဲ့ အကြောင်းရင်းတွေ ပြောပြီးပြီဆိုတော့ အထွက်ကို ဆက်ပြောမယ်။ နှုတ်ထွက်စကားကလေးတွေ တစ်ဖက်သားနားထဲ အဝင်ချောစေဖို့ပါ။

ဒီနေရာမှာ မဟုတ်မမှန်စကားတွေ လျှောက်ပြောရမယ်၊ မြှောက်ပင့်ရမယ်၊ ညာဖြီးရမယ် မဆိုလိုဘူး။ ဒါကြောင့်လည်း ဗုဒ္ဓက စကားကြီး ၆ ခွန်းထဲမှာ -

မှန်တယ်၊ အကျိုးလည်း ရှိတယ်၊ သူတစ်ပါး နှစ်သက်တဲ့စကားရယ်၊
မှန်တယ်၊ အကျိုးလည်း ရှိတယ်၊ ဒါပေမဲ့ သူတစ်ပါး မနှစ်သက်တဲ့စကားရယ်၊

ဒီနှစ်မျိုးကို ပြောခဲ့တာ။

🔳 ဆိုလိုတာက မှန်ဖို့၊ အကျိုးရှိဖို့က အဓိက။ သူ မနှစ်သက်လည်း သူ့အတွက်ဖြစ်ဖြစ်၊ အများအတွက်ဖြစ်ဖြစ် အကျိုးများတယ်ဆိုရင်ကို ပြောကိုပြောရလိမ့်မယ်။ စိတ်ညစ်မှာစိုးလို့ အမှန်ကို မပြောတာက တကယ်ချစ်ရာ မရောက်ဘူး။

သို့သော် အချိန်အခါ ကြည့်ရမယ်။ အရေးကြီးဆုံးက မေတ္တာရှေ့ထား ပြောတဲ့စကား ဖြစ်ရမယ်။

🔳 တစ်ခါလည်း ရေးဖူးပါတယ်။ “စိတ်ကောင်းဖြစ်မှ စကားကောင်းထွက်တယ်” ဆိုတာ။

တချို့ပြောကြတယ်။ သူက အပေါက်သာ ဆိုးတာပါ၊ စိတ်ကောင်းတော့ ရှိရှာပါတယ် ဆိုပြီး။

မှန်တယ်။ သူဟာ ကူညီတတ်သူ၊ ပေးကမ်းတတ်သူ၊ မယုတ်မာတတ်သူ ဖြစ်ရင်ဖြစ်လိမ့်မယ်။ ဒါပေမဲ့ သူ့စိတ်မှာ မကောင်းတာကလေးတွေ ဖြစ်နေလို့သာ အဲဒီလို အပေါက်ဆိုးနေတာပါ။

🔳 ဘယ်လိုမကောင်းတာလဲ ဆိုတော့ - စိတ်ဆိုးစိတ်ညစ် ဆိုတာ သူတစ်ပါးကို ယုတ်မာမှ မဟုတ်ဘူး။

ဒေါသထွက်နေလည်း မကောင်းတဲ့ အညစ်အကြေးပဲ။
အပျော်လွန်ပြီး သတိလက်လွတ် ဖြစ်နေတာလည်း အညစ်အကြေးပဲ။
လောကကို စိတ်အချဉ်ပေါက်နေတာလည်း အညစ်အကြေးပဲ။
ကိုယ့်ဘဝကိုယ် မကျေမနပ် ဖြစ်နေတာလည်း အညစ်အကြေးပဲ။
တစ်ဖက်သားကို တင်စီးလိုက်ရမှ၊ ကျောလိုက်ရမှ ဆိုတာကလည်း အညစ်အကြေးပဲ။

ဒီလိုသ​ဘော​ပေါက်ထားဖို့ လိုတယ်။

🔳 စိတ် ဆိုတာ အရှိတရား မဟုတ်ဘူး။ အဖြစ်တရား။ ဆိုလိုတာက စိတ်ကောင်းကလေး ရှိနေတာ မဟုတ်ဘူး။ ဖြစ်ဖြစ်နေတာ။

ခုခဏ ကရုဏာဖြစ်နေတယ်။ ဒါ စိတ်ကောင်း။ ခဏနေတော့ ဒေါသထွက်မယ်။ ဒါ စိတ်ဆိုး။ နောက်ကျ မုဒိတာ ဖြစ်ပြန်တယ်။ ဒါ စိတ်ကောင်း။ နောက်တော့ မကျေမနပ် ဖြစ်မိတယ်။ ဒါ စိတ်ဆိုး။

ဒီလိုစက္ကန့်မလပ် အလျင်မပြတ် ဖြစ်ပျက်နေတာကို စိတ်လို့ ခေါ်တယ်။

🔳 ဒါကြောင့် စိတ်ဆိုးစိတ်ယုတ်တွေ၊ စိတ်အညစ်အကြေးတွေက ခင်ဗျားမှာလည်း ဖြစ်တယ်။ ကျွန်တော့်မှာလည်း ဖြစ်တယ်။ ဘယ်လောက်သတိထားမိသလဲ၊ လျှော်ဖွပ်နိုင်သလဲ၊ ဒါတွေမှာပဲ ကွာသွားကြတာပါ။

ကိုယ့်စိတ်မှာ မကောင်းတာတွေ ဖြစ်နေတဲ့အခါ စကားကောင်းကလည်း မထွက်တော့ဘူး။ ဘယ်သူ့ကို ခနဲ့လိုက်ရမလဲ၊ တင်စီးလိုက်ရမလဲ၊ နစ်နာအောင် ပြောလိုက်ရမလဲ၊ ဒါတွေပဲ တွေးမိနေတော့တယ်။ ပြောမိနေတော့တယ်။

🔳 ကရုဏာဒေါသ ဆိုပြီးတောင် ရှိသေးတယ်မို့လား။ ကိုယ်ချစ်တဲ့သူအတွက် စိတ်မကောင်းဘူး။ ဒါပေမဲ့ ဒေါသကလေးက ပါနေတယ်။ အဲဒီအခါ အပြစ်တင်မိတာ၊ ကြိမ်းမောင်းမိတာတွေ လုပ်မိတော့တာပဲလေ။ မိဘက ကိုယ့်စကားနားမထောင်ဘဲ ကျန်းမာရေး ဂရုမစိုက်တာဖြစ်ဖြစ်၊ ကိုယ့်ကလေး စာမေးပွဲကျတာဖြစ်ဖြစ် ပြန်စဉ်းစားကြည့်ပေါ့။

ဒေါသမပါတော့ဘဲ ကရုဏာလေးပဲ သီးသန့်ဖြစ်သွားတဲ့အချိန်မှ စကားကောင်းက ထွက်လာတာလေ။

အဲဒီတော့မှပဲ တစ်ဖက်သားနားထဲ ကိုယ့်စကားတွေက ရှောရှောရှူရှူ ဝင်သွားနိုင်တာ ဖြစ်ပါတယ်။ ဒါကြောင့်လည်း စိတ်ကောင်းဖြစ်မှ စကားကောင်းထွက်တယ် ပြောရတာပါ။

🔳 မေတ္တာထားနိုင်လာတဲ့အခါ အခြေအနေ အချိန်အခါကို ကြည့်တတ်လာတယ်။ နှုတ်ဆိတ်ရမယ့်အချိန် နှုတ်ဆိတ်တတ်လာတယ်။ ကိုယ်မှန်ကြောင်း သက်သေပြရဖို့က အဓိက မဟုတ်တော့ဘူး ဖြစ်လာတယ်။ ကိုယ့်နှုတ်ထွက်စကားကြောင့် သူ အဆင်ပြေရဖို့ကိုပဲ ပိုဦးတည်လာနိုင်တယ်။

လိမ်ညာတဲ့စကား၊ ကုန်းတိုက်တဲ့စကား၊ ဆဲရေးတဲ့စကားတွေကတော့ မကောင်းတာ ရှင်းနေပြီးသားမို့ အထွေအထူး ထည့်မရေးတော့ဘူး။

🔳 ကိုယ့်ပါးစပ်က ထွက်တဲ့စကားဟာ တစ်ဖက်လူကိုပဲ ပြဿနာ ပေးတာ မဟုတ်ပါဘူး။ ကိုယ့်ကိုလည်း ပြဿနာတွေ ရှုပ်ထွေးစေပါတယ်။ မပြောသင့်တဲ့စကားတွေ ပြောမိလို့၊ နှုတ်ဖွာမိလို့၊ ဒါမှမဟုတ် နှုတ်ဖွာတဲ့သူကိုမှ အတွင်းရေးတွေ သွားပြောမိလို့၊ ရန်စကားတွေ ဆိုမိလို့ ပြဿနာတွေ အကျယ်အကျယ် ဖြစ်ရတာ ကြုံဖူးကြမှာပဲ။

ဒါကြောင့်လည်း ဝစီပိတ် ကျင့်ကြတာနေမယ်။ အပြောနည်းလေ၊ ကိစ္စနည်းလေ။ ကိစ္စနည်းလေ၊ အရေးမပါတာတွေနဲ့ အချိန်ကုန်ရတာ သက်သာပြီး အရေးပါတာတွေကို အာရုံစိုက်နိုင်လာလေပဲ။

🔳 ဒီဘက်ခေတ်ကျတော့ ပါးစပ်က ထွက်တာတင်မက လက်က ထွက်သွားတဲ့စကားတွေပါ ရှိလာတယ်။ ကွန်မန့်တွေ၊ ပို့စ်တွေကို ဆိုလိုတာ။ အဲဒါတွေကိုပါ သတိထား ဆင်ခြင်နိုင်ကြဖို့ လိုပါတယ်။

အခုကတော့ ကိုယ့်ဒေါသတွေ၊ အဆင်မပြေမှုတွေကို အွန်လိုင်းမှာ တစ်ယောက်ယောက်ဆီ သွန်ချရင်း စိတ်ထွက်ပေါက် ပေးနေကြတာက ခပ်များများ ဖြစ်လာတယ်။ ကိုယ်လည်း ပူလောင်။ သူလည်း ပူလောင်နဲ့ပေါ့။

🔳 “ပါးစပ်တစ်ပေါက်ကို ထိန်း” ဆိုပေမဲ့ သေချာစဉ်းစားကြည်ရင် စိတ်ကို ထိန်းရတာပါပဲ။ အစားအစာပေါ် တပ်မက်စိတ်ကို ထိန်းရတယ်။ ကျွန်တော်ဆို စိတ်ဖိစီးလာရင် Stress Eating လုပ်လေ့ ရှိသူမို့ ကျွန်တော့်ပါးစပ်ကို ထိန်းဖို့ဆိုတာ Stress ကို ထိန်းဖို့ လိုတယ်။

ကိုယ့်ရဲ့ စိတ်အညစ်အကြေးတွေကိုလည်း ထိန်းရမယ်။ ဒါမှသာ နှုတ်ကနေ စကားကောင်း ထွက်လာမှာ ဖြစ်တယ်။ လက်ကနေလည်း စာကောင်းတွေ ဖန်တီးနိုင်မှာ ဖြစ်ပါတယ်။

🔳 စိတ်ဆိုတာ အဖြစ်တရားမို့ ဒါတွေက အမြဲမပြတ် လုပ်သွားရလိမ့်မယ်။ ကျရှုံးတဲ့၊ ပျက်ကွက်တဲ့အချိန်တွေလည်း ရှိလိမ့်မယ်။ Journey တစ်ခု ဖြစ်တာမို့ အနိမ့်အမြင့် အတက်အကျတော့ ရှိမှာပဲ။ ပုထုဇဉ်လူသားတွေပဲကိုး။ ဒါတွေရေးနေ၊ ပြောနေတဲ့ ကျွန်တော်ကိုယ်တိုင်လည်း အတူတူပါပဲ။

အဓိကက စိတ်ကို အရမ်းလွှတ်ထားမပေးဖို့၊ တတ်နိုင်သမျှ ဒီစိတ်ဆင်ရိုင်းကို သတိနဲ့ ချွန်းအုပ်နိုင်ဖို့ပဲ ဖြစ်ပါတယ်။

🔳 ပါးစပ်တစ်ပေါက်ကို ထိန်းနိုင်လာတဲ့အခါ၊ ကျွန်တော်ထင်တယ်၊ ပြဿနာတွေရဲ့ ၅၀ % လောက် ပြေလည်သွားပါလိမ့်မယ်။

ဒေါက်တာ ဖြိုးသီဟ
၂၃.၃.၂၀၂၅

17/04/2025

16/04/2025

ဘာလိုလိုနဲ့ ...
သင်္ကြန်က
ပြီးသွားခဲ့တော့မှာပါပဲ

ကိုယ့်ကိုယ်ကိုယ် ပြန်ငေးကြည့်မိတဲ့အခါ
နှစ်တွေ တစ်နှစ်ပြီးတစ်နှစ်သာ
ပြောင်းသွားတယ်

လွန်ခဲ့တဲ့ ...
နှစ်တွေထက်
ပိုပျော်ဖို့ ခက်လာတာကလွဲရင်

အသက်တွေက
အလကား ကြီးကြီးသွားရသလိုပဲ

စိတ်ခံစားချက်တွေက
အသက်အရွယ်နဲ့ မမျှအောင်
ထုံထုံပေပေ ပါပဲ ။

#ကျေးကို

15/04/2025

" ခေတ်မီခြင်း Vs ခေတ်ဆန်ခြင်း "

လူမှုဆက်ဆံရေးနယ်ပယ်ဟာ ကျယ်ဝန်းလှပါတယ် ၊လူတစ်ယောက်ရဲ့တန်ဖိုးကို ယင်းလူမှုဆက်ဆံရေးအဝန်းအဝိုင်းကပဲ အဆုံးအဖြတ်ပေးတတ်ပါတယ် ။

လူ့အသိုင်းအဝိုင်း တစ်ခုလုံးက ပုံသေသတ်မှတ်ချက်မထားပဲ ၊ Appraisal ထားရှိကြပါတယ် ။

"The first Impression" ကောင်းဖို့က ၊ လူ့အသိုင်းအဝိုင်းမှာလိုကို လိုနေပါတယ် ဆိုတာကို၊ ခေတ် လူငယ်လေးတွေ ၊ သဘောပေါက်ထားရပါမယ် ။
အသိုင်းအဝိုင်းထဲအဝင်ဆံ့ဖို့ဆိုတာ ၊ အချိုးပြေ ၊ဒေါင့် ( ထောင့် )ကျိုးဖို့လိုပါတယ် ။

နာမည်ကြီး မင်းသမီး Angelina Jolie က Sexually attractive ဖြစ်အောင် ၊နှုတ်ခမ်းတုံး ကြီးထူဖို့ ပေါင် သိန်းချီပေးဆေးထိုးတာက ၊သူတို့အရပ်နဲ့ သူတို့ဇာတ် ။

အတုခိုးပြီးသွားမလုပ်လိုက်နဲ့နော် ၊ "ထိ" သွားမယ် ။

++++++++++++

စာရေးသူတို့ မြန်မာလူမျိုးတွေကတော့ - -

၁။ တစ်ကိုယ်ရေသန်ု့ရှင်းမှု။

၂။ နှစ်လိုဖွယ်ရှိသော မျက်နှာပြင်ဆင်တတ်မှု။

၃။ သန့်ရှင်းသန့်ယပ်သော အဝတ်အစားရွေးချယ်တတ်မှု ။

၄။ မြန်မာ့ယဉ်ကျေးမှုနှင့်ကိုက်ညီသော အပြောအဆို အနေအထိုင် အပြုအမှုများ အမူအရာများရှိမူ တွေက ၊ လူမှုဆက်ဆံရေးနယ်ပယ်မှာရှိကိုရှိရပါမယ် ။

အမေရိကန်နိုင်ငံကစိတ်ပညာရှင် " အန်းန်ဒန်းမရစ် နဲ့ ဗလာရီဝှိုက် "တို့ကတော့ Research လုပ်ပြီး ဒီလို ဆိုထားပါတယ် ခင်ဗျ ။

၁။ အချိုးပြေပြေနေပါ ။ ပညာရှိကြီးပုံဖမ်းပြီး ၊သမားဂုဏ်သိပ်မပြပါနဲ့ ။

၂။ ပြုံးပါ ။အများတကာနဲ့ဆက်ဆံလျှင်၊ ပြုံးကိုပြုံးရပါမယ် ။

၃။ ရဲရဲကြည့် ။ စကားပြောလျှင် ၊ရဲရဲကြည့်ပြောပါ ။

၄။ လိုသလောက်သာပြောပါ ။ မစားရဝခမန်း ၊သိပ်လေဖောမနေပါနဲ့ ။

၅။ အမှန်ကိုသာမြှောက်ပါ ။ရိုးရိုးသားသားနဲ့ အမှန်ကိုမြှောက်တာကို လူတိုင်းကြိုက်ပါတယ် ။

၆။ သက်ဆိုင်သည်ကိုသာ ပြောပါ ။မလိုတာတွေ ၊ ချဲ့ကားပြောမနေပါနဲ့ ။

၇။ ရေလာမြောင်းပေးပြောပါ။ မေးခွန်းမေးလာအောင် ကိုယ်က ဆွဲခေါ်တတ်ပါ ။

၈။ အတင်းအဖျင်းကိုရှောင်ပါ။ အဆိုးမြင်တာချည်းမျိုး မပြောပါနဲ့ ။

၉။ ယဉ်ကျေးသိမ်မွေ့ပါ ။ နောက်ဆုံးပေါ်ခေတ်မီတယ်ဆိုပေမယ့် ၊မိမိယဉ်ကျေးမှု နဲ့မကိုက်ညီလျှင် ဖယ်ပါ ။

မှတ်သား လိုက်နာ အတုယးစရာလေးတွေပါဗျ ၊ ကောင်းတာကိုး ။

++++++++++++

ခေတ်မီတာနဲ့ ခေတ်ဆန်တာ မတူ ဘူးနော် ။

ဟို ရုပ်ရှင်မင်းသမီးချောချောလေးက ၊ ဆံထုံးဖုလေး အပေါ်တက်ထုံးတာကို ၊အတုယူပြီး ၊ ပါးချောင် - နချောင် အသားမဲက သူ့လိုလိုက်လုပ်လို့ဖြစ်မလားဗျ ။

ဟို ရုပ်ရှင်မင်းသားချောက ၊ ဆံပင်ကို ယောင်ပေစူးလို စုချည်ထားတာကို အတုယူပြီး ၊ ဆေးစွဲပြီး ပိန်ချိနေတဲ့သူက လိုက်လုပ်လို့ ဖြစ်မလားဗျ ။

အခုတလော ၊ မြန်မာ လူငယ် ယောက်ျားလေးတွေရော ၊မိန်းကလေးငယ်တွေ အတော်များများ ၊ ဒီလို Fashion မျိုး လိုက်လုပ်နေကြတာတွေ့နေရလို့ ပြောတာပါ ။
ကျက်သရေမရှိဘူးလို့ပဲ ခပ်ကြမ်းကြမ်းဝေဖန်ချင်တယ်ဗျ ။
တို့မြန်မာလူငယ်တွေ ၊အရိုးပေါ် အရွက်မဖုံးပါစေချင်ပါ ။
တစ်သက်လုံး ကိုယ့်အပေါ် ၊ Impression ကောင်း ဖို့ဆိုတာ " The first impression "ကောင်း မှ ဖြစ်တယ်ဆိုတာ ၊ မှတ်ထားပါ ။
လူချစ်လူခင်ပေါဖို့ အချိုးပြေကြစမ်းပါ လို့ ၊လူငယ်တွေကို ပြောပါရစေ ။
မဟုတ်ရင် ၊ကျနော်တို့ လူငယ်တွေ ၊ လမ်းဘေးရောက်သွားကြမှာ ။
ကမ္ဘာဆန်တယ်ဆိုပြီး ၊ Over Globalization ဖြစ်လို့တော့မရဘူး။
ခေတ်မီမီကမ္ဘာကြီးကို ရှုမြင်တဲ့အခါ ၊ကျနော် တို့မြန်မာလူငယ်လေးတွေ ကျက်သရေ( Grace ) ရှိဖို့တော့လိုအပ်ပါကြောင်း ။

+++++++++++

လူလေးတို့ရေ

တို့တတွေ သြကာသ ကန်တော့ချိုးနဲ့ ဘုရားရှိခိုးတဲ့အခါ " ဝိပတ္တိတရားလေးပါး "ဆိုတာပါတယ်မဟုတ်လား ။
အဲဒီ ဝိပတ္တိတရားလေးပါးထဲက တစ်ပါးဖြစ်တဲ့ " ဥပဓိဝိပတ္တိ " ဆိုတာဟာ "ရုပ်ဆင်းအင်္ဂါ (ဥပဓိရုပ်) ချို့တဲ့ရခြင်း ဖြစ်လို့ အဲဒီတရားမှ ကင်းလွတ်ငြိမ်းဖို့ တင်ပြလိုက်ရတာပါကွဲ့ ။

အလုပ်အကိုင်လုပ်ငန်းများ ​အောင်မြင်တိုးတက်ကြပါ​စေ။
++++++++++++

မေတ္တာစေတနာများစွာဖြင့်
Credit ရဲမြင့်( စွန့်ဦးတီထွင် )

15/04/2025

14/04/2025

Overconfidence

11/04/2025

လူတွေ ဓမ္မအားနည်းလာပြီ
ဆိုရင်~
လောကကြီးက
"မြေ ရေ လေ မီး"
ဓာတ်ကြီးလေးပါးနဲ့ လှောင်ပြောင်တယ်။

ပမာ မခန့်လုပ်ပြီး
ပျက်ရယ်ပြုတယ်။

ငလျင်လှုပ်တယ် ၊
ရေကြီးတယ်၊
လေမုန်တိုင်းတွေ တိုက်တယ်၊
မိုးသီးတွေ ကြွေတယ်၊
မီးတွေ အကြီးအကျယ်
လောင်ကြတယ်။

ဒါတွေက...
လူတွေ ဓမ္မအားနည်းလို့
ဖြစ်တာပါ။

ဒါကြောင့် ~
ဓမ္မအားကောင်းအောင်
လုပ်ကြဗျ။

နေ့တိုင်း
ဒါန သီလ ဘာဝနာ
ကုသိုလ်တွေ ရအောင်
ကြိုးစားအားထုတ်ကြပါ။

ဓမ္မဆိုတာ...
လောကကို အနိုင်ယူဖို့
ပေါ်လာတာဖြစ်တယ်၊

လူတွေကို
လောက,က နိုင်တယ်၊
လောကကို ဓမ္မကနိုင်တယ်။

#တိပိဋကဓရဓမ္မဘဏ္ဍာဂါရိကအဘိဓဇမဟာရဋ္ဌဂုရု
#ယောဆရာတော်ကြီး
Crd

10/04/2025

မန္တလေးကတချို့မိသားစုတွေ ခက်ခဲနေတာတောင် ဓာတ်ပုံ video ရိုက်ခံရမှာစိုးလို့ မယူရဲကြပါဘူးတဲ့ကြားသိရပါတယ်

အခြေမဲ့အနေမဲ့တွေမဟုတ်ကြဘူးလေနော် သဘာဝဘေးကြောင့်သာ နေ့ချင်းညချင်းဒုက္ခရောက်သွားရတာမို့ ဒုက္ခရောက်နေတဲ့သူတွေအပေါ်စိတ်ဒဏ်ရာထပ်မပေးကြရအောင်ပါလို့တောင်းပန်ပါရစေရှင်