http://www.onenewstvchannel.com/

One News Myanmar, No. 139A/171A, Gate No-1, May Yu Housing Compound, Corner of May Yu Street & Lower Pazundaung Road, Botahtaung Tsp, Yangon (2026)

Q: What is the address?

No. 139A/171A, Gate No-1, May Yu Housing Compound, Corner Of May Yu Street & Lower Pazundaung Road, Botahtaung Tsp

08/09/2026

PIEC 2026 ပြိုင်ပွဲတွင် မြန်မာ e-Football အဖွဲ့ ပါဝင်ယှဉ်ပြိုင်ရန် ဖိတ်ကြား
--------------------------
မလေးရှားနိုင်ငံက ဦးဆောင်ကျင်းပမယ့် PIEC 2026 ပြိုင်ပွဲမှာ မြန်မာနိုင်ငံက e-Football Mobile PIEC အားကစားသမားတွေ ပါဝင်ယှဉ်ပြိုင်ဖို့ ဖိတ်ကြားခံရတယ်လို့ သိရပါတယ်။
PIEC 2026 နိုင်ငံတကာစင်မြင့်ထက်မှာ မြန်မာနိုင်ငံကိုယ်စားပြုအဖြစ်သွားရောက်ယှဉ်ပြိုင်မယ့် အားကစားသမား ရွေးချယ်ဖို့အတွက် မြန်မာနိုင်ငံ အီလက်ထရောနစ် အားကစားအဖွဲ့ချုပ်က အမျိုးသား အဆင့်ခြေစစ်ပွဲကို လာမယ့် စက်တင်ဘာလ ၁၂ ရက်နဲ့ ၁၃ ရက်မှာ ကျင်းပသွားမှာ ဖြစ်ပါတယ်။
ဒါကြောင့် e-Football ကို ဝါသနာပါတဲ့ လူငယ်တွေအနေနဲ့ အမျိုးသားအဆင့် ခြေစစ်ပွဲမှာ စာရင်းပေးသွင်းကာ ပါဝင်ယှဉ်ပြိုင်နိုင်ပြီး ပါဝင်ယှဉ်ပြိုင်လိုသူတွေအနေနဲ့ စက်တင်ဘာလ ၁၀ ရက်နေ့ နောက်ဆုံးထားပြီး Resgistation Form ဖြည့်သွင်း စာရင်းပေးနိုင်တယ်လို့ သိရပါတယ်။
ပါဝင်ယှဉ်ပြိုင်ခွင့်ရရှိတဲ့ ကစားသမားတွေကို စက်တင်ဘာလ ၁၁ ရက်မှာ ရွေးချယ်ကြေညာပေးသွားမှာ ဖြစ်ပြီး ပြိုင်ပွဲဝင်ကစားသမား ၁၂၈ ဦး အထိသာ ကန့်သတ်ထားတယ်လို့ ဆိုပါတယ်။
အဲဒီပြိုင်ပွဲကိုတော့ မလေးရှား အီလက်ထရောနစ် အားကစားအဖွဲ့ချုပ်က ကြီးမှူးပြီး လာမယ့် စက်တင်ဘာလ ၁၈ ရက် ကနေ ၂၀ ရက်အထိ မလေးရှားနိုင်ငံမှာ ကျင်းပသွားမှာဖြစ်ပြီး ဆုကြေးအနေနဲ့ အမေရိကန်ဒေါ်လာ ၅၀၀၀ ခန့် ဆုချီးမြှင့်သွားမှာ ဖြစ်တယ်လို့ သိရပါတယ်။

08/09/2026

ရွှေဘောလုံးဆုရရန် ရေပန်းစားမှုအတွက် ကိန်း ဂုဏ်ယူ
--------------------------
ပြီးခဲ့တဲ့ရာသီက ထူးချွန်ပြောင်မြောက်တဲ့ ဂိုးသွင်းစွမ်းရည်ကို ပြသနိုင်ခဲ့တာကြောင့် အခုနှစ် ရွှေဘောလုံး ဆုရဖို့ ရေပန်းစားတဲ့အထဲ ပါဝင်နေတဲ့အတွက် ဂုဏ်ယူတယ်လို့ ဘိုင်ယန်မြူးနစ် တိုက်စစ်မှူး ဟယ်ရီကိန်းက ဖွင့်ဟလိုက်ပါတယ်။
အသက် ၃၃ နှစ်အရွယ် အင်္ဂလန်တိုက်စစ်မှူး ဟယ်ရီကိန်းဟာ ပြီးခဲ့တဲ့ဘောလုံးရာသီက ကလပ်နဲ့ နိုင်ငံအသင်းအတွက် သွင်းဂိုး ၇၇ ဂိုးအထိ သွင်းယူပေးခဲ့ပြီး သူ့ထက် တစ်ရာသီသွင်းဂိုး အများဆုံး သွင်းနိုင်သူအဖြစ် ၂၀၁၁-၂၀၁၂ ဘောလုံးရာသီက ၈၂ ဂိုးသွင်းယူခဲ့တဲ့ မက်ဆီသာ ရှိတာဖြစ်ပါတယ်။
ဒါကြောင့်လည်း လာမယ့် အောက်တိုဘာလထဲမှာ ပေးအပ်မယ့် ရွှေဘောလုံးဆုကို ရယူနိုင်မယ့် ကစားသမားအဖြစ် ဟယ်ရီကိန်းကို ထင်ကြေးပေးမှုတွေ ရှိနေတာပါ။
တကယ်လို့ ဟယ်ရီကိန်းသာ ရွှေဘောလုံးဆုကို ရယူနိုင်ခဲ့မယ်ဆိုရင် ဒီဆုကို ရရှိတဲ့ ၅ ယောက်မြောက် အင်္ဂလန်တိုက်စစ်မှူးအဖြစ် မှတ်တမ်းဝင်မှာဖြစ်သလို ၂၀၀၁ ခုနှစ်က ရရှိခဲ့တဲ့ မိုက်ကယ်အိုဝင်ရဲ့ နောက် ပိုင်း ဒီဆုကိုရတဲ့ ပထမဆုံးအင်္ဂလန်ကစားသမားအဖြစ်လည်း မှတ်တမ်းရေးထိုးနိုင်မှာ ဖြစ်ပါတယ်။
ရွှေဘောလုံးဆုအတွက် ထင်ကြေးပေးခံရတာက ဂုဏ်ယူစရာ ကောင်းပေမယ့် ဒီဆုအတွက် မဲပေးသူ တွေရဲ့ အဆုံးအဖြတ်က အဓိကကျနေတာကြောင့် ရလဒ်ကို စောင့်ကြည့်ရမှာ ဖြစ်တယ်လို့ ဟယ်ရီကိန်း က ပြောပါတယ်။

08/09/2026

ငဝန်တာပြီးစီးမှုအခြေအနေမြင်ကွင်း

08/09/2026

စင်ကာပူဝန်ကြီးများ၏ လစာများ တိုးမြှင့်မည်
--------------------------
စင်ကာပူဝန်ကြီးတွေရဲ့ လစာတွေကို အဆင့်ဆင့် တိုးမြှင့်ပေးသွားမယ်လို့ ဝန်ကြီးချုပ် လောရင့်စ်ဝေါင်က စက်တင်ဘာ ၈ ရက်က ကြေညာခဲ့တာကို CNA သတင်းကဖော်ပြပါတယ်။ ဒါဟာ ၂၀၁၁ ခုနှစ်နောက်ပိုင်း ပထမဆုံးအကြိမ် လစာပြောင်းလဲ သတ်မှတ်တာ ဖြစ်ပါတယ်။
စင်ကာပူဝန်ကြီးအဆင့်တွေအနက် အနိမ့်ဆုံးဖြစ်တဲ့ MR4 အဆင့်ဝန်ကြီးတစ်ယောက်အတွက် နှစ်စဉ်ရည်ညွှန်း လစာအဖြစ် စင်ကာပူဒေါ်လာ ၁ ဒသမ ၁ သန်းကနေ ၁ ဒသမ ၈ သန်းအထိ တိုးမြှင့်ဖို့ လစာပြန်လည် သုံးသပ်ရေး ကော်မတီက အကြံပြုထားပြီး ဝန်ကြီးချုပ်ရဲ့ နှစ်စဉ်ရည်ညွှန်းလစာကိုလည်း စင်ကာပူဒေါ်လာ ၂ ဒသမ ၂ သန်း ကနေ ၃ ဒသမ ၆ သန်းအထိ တိုးမြှင့်သွားမှာ ဖြစ်ပါတယ်။
ဝန်ကြီးချုပ်က အစိုးရအနေနဲ့ ကော်မတီရဲ့ ထောက်ခံချက်တွေကို လက်ခံထားပေမယ့် လစာတိုးမြှင့်မှုကို တစ်ပြိုင် နက်တည်း အကုန်တိုးမြှင့်မှာမဟုတ်ဘဲ အဆင့်ဆင့် တိုးမြှင့်သွားမယ်လို့ ပါလီမန်မှာ ပြောကြားခဲ့ပါတယ်။ ဝန်ကြီး ချုပ် လောရင့်စ်ဝေါင် ကတော့ သူ့အတွက် တိုးလာမယ့် လစာငွေတွေကို သင့်တော်တဲ့ ပရဟိတနဲ့ ပညာရေး/ လူမှုရေးဆိုင်ရာ ကိစ္စတွေမှာ လှူဒါန်းသွားမယ်လို့ ပြောထားပါတယ်။
လစာပြန်လည်သုံးသပ်မှုကို ကော်မတီက ဇန်နဝါရီလကတည်းက စတင်ခဲ့တာဖြစ်ပြီး မူလက ၂၀၂၃ ခုနှစ်မှာ လုပ်ဆောင်ရမှာဖြစ်ပေမယ့် ယူကရိန်းနဲ့ အရှေ့အလယ်ပိုင်း အခြေအနေတွေကြောင့် ဆိုင်းငံ့ထားခဲ့တာ ဖြစ်ပါတယ်။

08/09/2026

SOUND BITE
မုံရွာဓာတ်ပုံအသင်းပြန်လည်ဖွဲ့စည်းသည့်အပေါ် ပြောကြားချက်
ဦးရှန်နီရွှန်း (ဥက္ကဋ္ဌ၊ မုံရွာဓာတ်ပုံအသင်း)
ဦးစောဇာဟေ (အတွင်းရေးမှူး၊ မုံရွာဓာတ်ပုံအသင်း

08/09/2026

SOUND BITE
မုံရွာဓာတ်ပုံအသင်းပြန်လည်ဖွဲ့စည်းသည့်အပေါ် ပြောကြားချက်
ဦးဝင်းလွင် (တွဲဖက်အတွင်းရေးမှူး၊ မုံရွာဓာတ်ပုံအသင်း)

08/09/2026

ပူးပေါင်းဆောင်ရွက်မှုဖြင့် ရေဝင်လမ်းကြောင်းကို ထိန်းချုပ်နိုင်ခဲ့
--------------------------
ဧရာဝတီတိုင်းဒေသကြီး၊ လေးမျက်နှာမြို့နယ်ရှိ ငဝန်တာနိမ့်ကျမှုအပေါ် ရေဝင်လမ်းကြောင်း ပိတ်ဆို့မှုလုပ်ငန်းတွေကို ဌာနဆိုင်ရာတွေ၊ ဒေသခံတွေရဲ့ ပူးပေါင်းဆောင်ရွက်မှုနဲ့ စက်တင်ဘာလ ၈ရက်မှာ ရေဝင်လမ်းကြောင်းကို ထိန်းချုပ်ဆောင်ရွက်နိုင်ပြီ ဖြစ်တယ်လို့ ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ် ဦးအေးကျော်က ပြောပါတယ်။

ဇူလိုင်လနှောင်းပိုင်းကာလအတွင်း ဧရာဝတီတိုင်းဒေသကြီးမှာ မိုးသည်းထန်စွာ ရွာသွန်းမှုနဲ့ ငဝန်မြစ်ရေ မြင့်တက်ခဲ့တဲ့အတွက် ဟင်္သာတခရိုင်၊ လေးမျက်နှာမြို့နယ် ငဝန်တာရဲ့ အောက်ခံမြစ်ကျိုးအင်း သဲကြောမှ ထူးပေါက်ပြီး ရေဖြတ်သန်းစီးဆင်းမှုကြောင့် တာတမံ နိမ့်ကျပြီး ရေကျော်စီးဝင်မှုဖြစ်ခဲ့တာပါ။

တာတမံအရေးပေါ်ကာကွယ်ရေးလုပ်ငန်းနဲ့ ရေဝင်လမ်းကြောင်း ပိတ်ဆို့ရေးလုပ်ငန်းတွေကို သြဂုတ်လ (၄)ရက်နေ့က စတင်ဆောင်ရွက်ခဲ့ရာ Steel Sheet Pile ရိုက်သွင်းပြီး ကာရံတဲ့လုပ်ငန်းတွေ အပြီးသတ် ဆောင်ရွက်နိုင်ခဲ့တာ
ကြောင့် ရေဝင်လမ်းကြောင်းကို ထိန်းချုပ်နိုင်ခဲ့ပြီဖြစ်ပါတယ်။

ဒီလိုထိန်းချုပ်နိုင်ခဲ့တာကလည်း အားလုံးပူးပေါင်းပါဝင် လုပ်ဆောင်မှုတွေကြောင့် ဖြစ်တဲ့အတွက် ဝမ်းသာဂုဏ်ယူတယ်လို့ဧရာဝတီတိုင်းဒေသကြီးဝန်ကြီးချုပ်ဦးအေးကျော်ကပြောပါတယ်။

ကာရံပိတ်ဆို့ပြီးတဲ့ Steel Sheet Pile တွေကို အတွင်းအပြင် ရေမျက်နှာပြင်ကွာခြားလာမှုကြောင့် ပြင်ပရေတွန်းအားဖြစ်ပေါ်လာမှုကို ခံနိုင်ရည်ရှိဖို့အတွက် သဲအိတ်ချတာ၊ သဲအိတ်တွေကာရံတာနဲ့ သောင်တူးရေယာဉ်နဲ့ ရေနက်အိုးအတွင်းကို သဲမှုတ်ထည့်တာ၊ Sheet Pile တွေခိုင်မာမှုရှိစေဖို့ Concrete Sinker အတုံးတွေချတာ၊ သံမဏိဒေါက်တိုင်တွေ ထပ်မံကျားကန်ထောက်ကူပေးတဲ့ လုပ်ငန်းတွေ ဆက်လက်ဆောင်ရွက်မှာ ဖြစ်တယ်လို့ သိရပါတယ်။

08/09/2026

အောက်တိုဘာလအထိ ဂေါ်ရက်ဇ်ကာ နားရမည်
----------------------
ဗီလာအသင်းရဲ့ ကွင်းလယ်ကစားသမားသစ် ဂေါ်ရက်ဇ်ကာဟာ ဒဏ်ရာပြဿနာကြောင့် အောက်တိုဘာလအထိ အနားယူရမှာဖြစ်တယ်လို့ သိရပါတယ်။ အခုနွေရာသီမှာ ဘိုင်ယန်မြူးနစ်အသင်းနဲ့ လမ်းခွဲခဲ့ပြီးနောက် အသင်း လက်မဲ့ဖြစ်နေတဲ့ ဂေါ်ရက်ဇ်ကာကို ဗီလာအသင်းက ၂ နှစ်စာချုပ်နဲ့ ခေါ်ယူခဲ့တာဖြစ်ပြီး လက်ရှိအချိန်အထိ ဗီလာ အသင်းအတွက် ကစားမပေးနိုင်သေးတာဖြစ်ပါတယ်။
သတင်းတွေအရ ဂေါ်ရက်ဇ်ကာဟာ အခုနွေရာသီ ကမ္ဘာ့ဖလားပြိုင်ပွဲအပြီးမှာ ပုံမှန်လေ့ကျင့်မှုတွေနဲ့ ကင်းကွာနေ ခဲ့သလို ခန္ဓာကိုယ်ကလည်း အလေးချိန်တိုးလာတာကြောင့် ကြံ့ခိုင်မှုပြည့်ဝဖို့အတွက် ကြိုးစားနေရပြီး ဒဏ်ရာ ပြဿနာလည်း အနည်းငယ်ရှိနေတယ်လို့ ဆိုပါတယ်။ အသင်းသစ်နဲ့အတူ ကစားပေးခွင့် မရတာက စိတ်ပျက်စရာ ကောင်းပေမယ့် အားအင်အပြည့်နဲ့ ပြန်လာ နိုင်ဖို့ အတွက် ခဏလောက် အနားယူဖို့ လိုအပ်တယ်လို့ ဂေါ်ရက်ဇ် ကာက ပြောကြားထားပါတယ်။
အသက် ၃၁ နှစ်အရွယ် ဂေါ်ရက်ဇ်ကာဟာ ဗီလာအသင်းကို ရောက်မလာခင်က ဘိုင်ယန်မြူးနစ်အသင်းနဲ့ အတူ ဘောလုံးရာသီ ၈ ခု ဖြတ်သန်းခဲ့ပြီး ပြိုင်ပွဲစုံ ၃၁၂ ပွဲမှာ ၅၁ ဂိုးသွင်းယူကာ ဂိုးဖန်တီးမှု ၅၃ ကြိမ် ပြုလုပ်ပေးထား တာဖြစ်ပါတယ်။

08/09/2026

အဆင့်မြင့် ဘဲလစ်စတစ် ဒုံးကျည်သစ်ကို အီရန် ထုတ်ဖော်ပြသ
-------------------------
အီရန်အစိုးရဟာ စွမ်းဆောင်ရည် အဆင့်မြှင့်ထားတဲ့ ဘဲလစ်စတစ် ဒုံးကျည်သစ်ကို စက်တင်ဘာ ၇ ရက်က ထုတ် ဖော်ပြသခဲ့တာကို AP သတင်းမှာ ဖော်ပြထားပါတယ်။ ဒါဟာ အီရန်ရဲ့ စစ်ရေးမူဝါဒအသစ်ကို ပြသနေတာဖြစ်ပြီး ခြိမ်းခြောက်မှုမှန်သမျှကို ကြိုတင်ကာကွယ်တုံ့ပြန်တဲ့ စစ်ရေးမူဝါဒ ကျင့်သုံးသွားမယ်လို့ ဆိုပါတယ်။

Qassem Basir လို့အမည်ရတဲ့ဒုံးကျည်သစ်ဟာ အစိုင်အခဲလောင်စာသုံး (Solid-fueled) ဘဲလစ်စတစ် ဒုံးကျည် ဖြစ်ပြီး အကွာအဝေး ကီလိုမီတာ ၁,၂၀၀ (၇၄၅ မိုင်)အထိ ပစ်ခတ်နိုင်သလို အလေးချိန် ကီလိုဂရမ် ၅၀၀ ရှိပြီး ထိရောက်မှုမြင့်မားတဲ့ ယမ်းခေါင်းလည်း ပါဝင်ပါတယ်။ ဒီဒုံးကျည်နဲ့ အမေရိကန် စစ်သင်္ဘောတွေကို ပစ်ခတ် စမ်းသပ်ခဲ့တယ်လို့ အီရန်ဘက်က ပြောဆိုထားပေမယ့် အမေရိကန်ဘက်ကတော့ တိုက်ခိုက်မှုကို ရှောင်ရှားနိုင်ခဲ့ တယ်လို့ ဆိုပါတယ်။

အီရန်က ဟော်မုဇ်ရေလက်ကြားအနီးမှာ ကန့်သတ်နယ်မြေသတ်မှတ်ပြီး သင်္ဘောတွေကို သူတို့ညွှန်ကြားတဲ့ လမ်းကြောင်းအတိုင်းပဲ သွားလာစေချင်နေတာ ဖြစ်ပါတယ်။ ဒါပေမဲ့ အမေရိကန် အိမ်ဖြူတော်ကတော့ ရေလက် ကြားဟာ နိုင်ငံတကာရေပြင်ဖြစ်ပြီး အမေရိကန်က ကင်းလှည့်ထိန်းချုပ်ထားဆဲဖြစ်ကာ မိုင်းရှင်းလင်းရေးတွေ လုပ်ဆောင်ပေးနေတယ်လို့ ပြောကြားထားပါတယ်။

08/09/2026

အောက်တိုဘာလအထိ ဂေါ်ရက်ဇ်ကာ နားရမည်

One News Myanmar

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

Address

Telephone

Website

Alerts

Contact The Business

Shortcuts

Share

Category

Listing takedown request