Jenova's Paradise

22/10/2025

CPU တွေရဲ့ စွမ်းအားက အကုန်သုံးဖို့ပါပဲ ဒါပေမယ့် သေချာချိန်သုံးဖို့တော့လိုမယ်။

Intel ဖြစ်ဖြစ် AMD ဖြစ်ဖြစ် Motherboard ပေါ်မှာ CPU ရဲ့ အပေါ်နဲ့ ဘယ်ဘက်မှာ စီထားတဲ့ Capacitor တွေနဲ့ အခြား modules လေးတွေ ရှိတယ်
သူတို့တွေက VRM (Voltage Regulator Modules) ရဲ့ အစိတ်အပိုင်းလေးတွေ ရယ် Capacitors တွေရယ်ပေါ့။ VRM Components တွေကတော့ MOSFETS တွေ၊ Chokes တွေ၊ Capacitors တွေပေါ့ Board အမြင့်တွေမှာတော့ Heatsink အကြီးကြီးတွေနဲ့ သေချာ ကာဗာပေးထားလေ့ရှိတယ်။
နောက်ပြီး CPU နား ကပ်ထားတဲ့ Decoupling Capacitors လို့ခေါ်တဲ့ ceramic components လေးတွေ သေ‌းသေးလေးတွေ လည်းရှိတတ်တယ်။

ဒီ Capacitors အစုလေးတွေ ရဲ့တာ၀န်က နှစ်ခုလို့ အကြမ်းဖျင်းပြောနိုင်တယ်
1. ရုတ်တရက်ပ်ို‌ေပးရမယ့် ပါဝါအတွက် မြန်ဆန်တဲ့ speed နဲ့ လိုသလို သိုလှောင်ပေးပြီး CPU နဲ့ Mobo အတွက် ပါဝါကျွေးနိုင်တာပေါ့
2. Noise filtering and decoupling
ဒီနေရာမှာ Noise က electrical noise ကိုပြောတာ
Motherboard ပေါ်မှာ လိုအပ်သလို power ကျွေးတာ Current တွေကို high speed နဲ့ အကူးအပြောင်းလုပ်တာက ကြိမ်နှုန်းမြင့် electrical noise တွေ ထွက်စေတယ်၊ ခုနက noise filtering ဘယ်လိုလုပ်လဲဆို ဒီ capacitors လေးတွေက short circuit အနေနဲ့ အလုပ်လုပ်ပေးတယ်၊ CPU ကို power distribution network ကနေ ခွာထုတ်ပြီး သန့်ရှင်းတဲ့ မြန်ဆန်တဲ့ စွမ်းအင်ကို ပေးတယ်။

VRM တွေ Decoupling Capacitor တွေကို cooling သေချာ မပေးထားတဲ့ midrange Mobo တွေဆို ပိုစ့်ထဲမှာပြောထားတဲ့ full load CPU heat ကြောင့် capacitors တွေ ထိကုန်တာ၊ ခဏနဲ့ ပြသနာတွေ တက်ကြတာ ဖြစ်တတ်တယ်။

အဲ့လို board အနိမ့်သမားတွေဆို Casing Cooling Cycle ကို သေချာ ပေးပြီး လုပ်ထားကာမှ တော်ရုံကျမယ်။

AMD CPU တွေဘာကြောင့်ပူလဲ

ဘာကြောင့် ပူလဲဆိုရင် Precision Boost Overdrive (PBO) အလုပ်လုပ်ပုံကြောင့်ပါ။ ဥပမာ Ryzen 7 260 က သူ့ရဲ့ Max. Operating Temperature (Tjmax) 100°C အောက်မှာရှိနေသရွေ့ Game ဆော့တဲ့အခါပဲဖြစ်ဖြစ် CPU Loading မြင့်တဲ့ Task တွေ သုံးတဲ့အခါပဲဖြစ်ဖြစ် Turbo Speed 5.1 GHz ကိုရောက်အောင် အလိုအလျောက် Boost ပါတယ်။ Cooling System ဘယ်လောက်ပဲကောင်းကောင်း CPU က Clock Speed အမြင့်ဆုံးရောက်အောင် Boost နေတာကြောင့် ပူလာပါတယ်။ ပူနေတာက CPU full performance ဖြစ်နေတယ်ဆိုတဲ့ သဘောပါပဲ။ 85°C~95°C က Normal Operating Temperature မို့ စိုးရိမ်စရာမရှိပါဘူး။ High Temperature နဲ့ Performance ကောင်းကောင်းရအောင် ရည်ရွယ်ပြီး ထုတ်လုပ်ထားတဲ့ chiplet design ဖြစ်တာမို့ CPU ပျက်သွားမလားဆိုတဲ့ စိုးရိမ်စိတ်တွေ ထားစရာလဲ မလိုပါဘူး

28/07/2025

တရုတ်ကနေ ဂိမ်းနဲ့ AI အတွက် ပထမဆုံး 6nm GPU တွေကို ထုတ်လိုက်ပြီတဲ့။ နာမည်က Lisuan Tech 7G106 (12 GB) နဲ့ 7G105 (24 GB) ပါ။ ဒီကတ်တွေက အမြင့်ဆုံး 24 TFLOPs ထိ စွမ်းဆောင်နိုင်ပြီး စွမ်းဆောင်ရည်စမ်းသပ်မှုတွေမှာ NVIDIA RTX 4060 ထက်တောင် ပိုမြန်တယ်လို့ ဆိုပါတယ်။ Black Myth Wukong ဂိမ်းကိုတောင် 4K high setting နဲ့ ကောင်းကောင်းကစားလို့ရတယ်လို့ သိရပါတယ်။
လွန်ခဲ့တဲ့ရက်ပိုင်းက Lisuan G100 GPU က RTX 4060 ကို ကျော်ပြီး RTX 5060 နီးပါး စွမ်းဆောင်နိုင်တယ်ဆိုတဲ့ သတင်းတွေ ထွက်ခဲ့ပါတယ်။ အခုတော့ Lisuan Tech က G100 GPU ကို အခြေခံထားတဲ့ ဂရပ်ဖစ်ကတ်အသစ်တွေဖြစ်တဲ့ 7G106 နဲ့ 7G105 ကို တရားဝင် မိတ်ဆက်လိုက်ပါပြီ။

*Lisuan 7G106 (ဂိမ်းကစားဖို့)*
အသေးစိတ် ပြောရရင် 7G106 က ဂိမ်းကစားသူတွေအတွက် ရည်ရွယ်ပြီး 12 GB GDDR6 memory ပါဝင်ပါတယ်။ ဒါ့အပြင် 192-bit bus interface နဲ့ ချိတ်ဆက်ထားပြီး PCIe 4.0 x16 နဲ့လည်း ကိုက်ညီပါတယ်။ ဒီဂရပ်ဖစ်ကတ်မှာ TMUs 192 ခု၊ ROPs 96 ခု ပါဝင်ပြီး အမြင့်ဆုံး TDP 225W ရှိပါတယ်။ ပါဝါအတွက် 8-pin connector တစ်ခုတည်း လိုအပ်ပါတယ်။
ဒီဇိုင်းပိုင်းကတော့ triple-slot ပုံစံဖြစ်ပြီး ပန်ကာသုံးလုံးကို အပေါ်က grill နဲ့ ဖုံးအုပ်ထားပါတယ်။ DisplayPort 1.4a output လေးခု ပါဝင်ပြီး 8K60Hz HDR Freesync ကိုလည်း ထောက်ပံ့ပေးပါတယ်။ AV1 4K@30 FPS Encode၊ HEVC 8K@30FPS Encode နဲ့ AVI/HEVC 8K/60FPS Decode တွေကိုလည်း လုပ်ဆောင်နိုင်ပါတယ်။ နောက်ပြီး DX12, Vulkan 1.3, OpenGL 4.6, နဲ့ OpenCL 3.0 စတဲ့ ခေတ်ပေါ် API တွေ အကုန်လုံးကိုလည်း သုံးနိုင်ပါတယ်။

*Lisuan 7G105 (လုပ်ငန်းသုံး/AI အတွက်)*
နောက်တစ်ကတ်ကတော့ Lisuan Tech 7G105 ပါ။ ဒါက ပရော်ဖက်ရှင်နယ်လုပ်ငန်းတွေနဲ့ AI အတွက် ရည်ရွယ်ထုတ်ထားတာပါ။ တူညီတဲ့ chip ကိုပဲ သုံးထားပေမဲ့ ECC support ပါတဲ့ 24 GB GDDR6 memory ပါဝင်ပါတယ်။ 192 GP/s အထိ၊ 384 GT/s အထိ နဲ့ FP32 compute အတွက် 24 TFLOPs အထိ စွမ်းဆောင်နိုင်ပါတယ်။ 1080p မျက်နှာပြင် 16 ခုအထိကို 60 FPS နဲ့ virtual environment မှာ လည်ပတ်နိုင်တယ်လို့ ဆိုပါတယ်။ Pro version ဖြစ်တာနဲ့အညီ ခေတ်မီ data security, data encryption နဲ့ confidential computing support တွေလည်း ပါဝင်ပါတယ်။ ဒီ Pro version ရဲ့ ဒီဇိုင်းက consumer card နဲ့ တော်တော်ဆင်တူပေမဲ့ 7G105 က 8-pin input အစား 12V-2x6 power connector တစ်ခုတည်းကို သုံးထားပုံရပါတယ်။
စွမ်းဆောင်ရည်ပိုင်း
7G106 ရဲ့ စွမ်းဆောင်ရည်ကို synthetic benchmarks တွေမှာ ထပ်ပြသခဲ့ပါတယ်။ သူတို့ထုတ်ခဲ့တဲ့ Geekbench OpenCL စွမ်းဆောင်ရည်ဇယားအပြင် 3DMark Firestrike benchmark ကိုလည်း စမ်းသပ်ခဲ့ရာမှာ 26,800 မှတ် ရရှိခဲ့ပါတယ်။ ဒါဟာ RTX 4060 နဲ့ တူတူလောက်ပဲ ရှိတယ်လို့ ဆိုနိုင်ပါတယ်။

တကယ့် real life performance ကိုတော့ public ကိုရောင်းချတဲ့အခါ သိရှိနိုင်မှာပဲဖြစ်ပါတယ်။
အသေးစိတ် ထပ်ပြောရရင်တော့ -
* စမ်းသပ်ထုတ်လုပ်တာ (Sampling): ၂၀၂၅ ခုနှစ်၊ သြဂုတ်လမှာ လုပ်ပါလိမ့်မယ်။
* အလုံးအရင်း ထုတ်လုပ်တာ (Mass Production): ၂၀၂၅ ခုနှစ်၊ စက်တင်ဘာလမှာ စပါလိမ့်မယ်။
* ဈေးနှုန်း: လက်ရှိအချိန်ထိတော့ ထုတ်ပြန်ကြေညာထားတာ မရှိသေးပါဘူး။
* ဝယ်ယူရရှိနိုင်မှု: ထုတ်လုပ်မှုပြီးတာနဲ့ ၂၀၂၅ နှစ်နှောင်းပိုင်းလောက်မှာ APAC (အာရှ-ပစိဖိတ်) ဒေသတွင်း ဈေးကွက်တွေမှာ ရနိုင်ဖွယ်ရှိပါတယ်။

Ref: Lisuan Tech, WCCTech, tom's Hardware