04/10/2025
ရွှေကိုပစ်မှတ်ထားလာတဲ့ ကျားဖြန့်
**********************************
ရွှေဝယ်ပါကြောင်းနှင့် ပေါက်ဈေးထက်ပိုတဲ့ဈေးကို ဖော်ပြ (ဥပမာ− ပေါက်ဈေးက သိန်း ၈၀ ဆိုရင်, ၈၃ သိန်း)ပြီး Online ကနေကြေညာတယ်
ဒီလိုကြေညာရာမှာရွှေဆိုင်အမည်တစ်ခုခုကို သုံးထားတယ်....................
ရွှေရောင်းလိုသူက Online ကြေညာမှာဖော်ပြထားတဲ့ ဖုန်းကို ဆက်သွယ်လာရင် ဥပမာ− မန္တလေးကရွှေရောင်းလိုသူဖြစ်ပါက လူလိမ်က သူတို့ဟာ ရန်ကုန်ကဖြစ်ကြောင်း, မန္တလေးမှာ ဆိုင်ခွဲရှိကြောင်း, ဖုန်းပြန်ဆက်ပေးမယ်ဆိုပြီး နှပ်ထားလိုက်တယ်.....ရန်ကုန်မှာနေတဲ့သူကရောင်းချင်တာဆိုရင်တော့ သူတို့ကမန္တလေးကဖြစ်ကြောင်း, ရန်ကုန်မှာဆိုင်ခွဲရှိကြောင်း ပြောလိမ့်မယ်...................
ပြီးရင် လူလိမ်က မန္တလေး (သို့မဟုတ်) ရန်ကုန်မှာရှိတဲ့ ရွှေဆိုင်တစ်ဆိုင်ဆိုင်ကို ဆက်သွယ်တယ်....(ဆိုင်ဖုန်းနံပါတ်တွေက ရှာရလွယ်တယ်လေ)
လူလိမ်က သူအရေးပေါ်ငွေလိုနေလို့ ရွှေရောင်းလိုကြောင်း, သူ့လူလွှတ်လိုက်မှာဖြစ်ကြောင်း, ရွှေရောင်းပြီးရင် သူ့ Bank Account ထဲကို လွှဲပေးစေလိုကြောင်း ရွှေဆိုင်က ဖုန်းလက်ခံတဲ့ ဝန်ထမ်းကို ပြောပြီး Bank Account ကြိုပေးထားတယ်, ပြီးတော့ ရွှေဆိုင်ဝန်ထမ်းနာမည်ကို ဟိုလိုလိုဒီလိုလိုနဲ့ မေးတယ်.....ဥပမာ− မဖြူဆိုပါတော့...........
နောက်တစ်ဆင့်− ရွှေရောင်းလိုသူကို ပြန်ဆက်သွယ်တယ်....ဘယ်နားက ဘယ်ရွှေဆိုင်ကို သွားလိုက်ပါ.... ကျွန်တော်တို့ဝန်ထမ်း/ တပည့် မဖြူဆိုတာရှိတယ်....သွားတွေ့လိုက်ပါ.... သူနဲ့တွေ့ရင် ကျွန်တော့်ကို ဖုန်းပြန်ခေါ်ပေး .... ကျွန်တော်သေချာပြောလိုက်မယ်......ဆိုပြီး ထပ်မံအကွက်ဆင်ပါတယ်.................
ရောင်းသူကလည်း ရွှေဆိုင်အမှန်ဖြစ်နေလေတော့ ရွှေဆိုင်ကိုသွားတယ်... မဖြူနဲ့တွေ့တယ်.... ရွှေလာရောင်းတာ့ပါ...မဖြူရှိလားဆိုတော့ .... မဖြူကရှိတယ်လေ..... အဲဒီမှာ ရွှေရောင်းလိုသူက လူလိမ်ထံဖုန်းဆက်တယ်.... လူလိမ်က မဖြူထံဖုန်းလွှဲပေးရန်ပြောတယ်.... မဖြူကဖုန်းကိုင်တဲ့အခါမှာ Bank Account ထဲငွေလွှဲပေးဖို့ပြောထားသူဖြစ်ကြောင်း.... အခုလာရောင်းသူထံမှ ရွှေယူပြီး စစ်ဆေးပါ.... ပြီးရင်ရောင်းရငွေကို သူပို့ထားတဲ့ Bank Account ထဲ လွှဲပေးပါလို့ပြောလိုက်တယ်....ပြီးတော့ ဖုန်းချလိုက်တယ်....(ရွှေရောင်းလိုသူ ကာယကံရှင်ရဲ့ ဖုန်းနဲ့ပဲ ခုပြီးအသုံးချသွားတာနော်)............
မဖြူက ရွှေကိုယူစစ်တယ်....ပြီးတော့ ငွေကို Bank Account ထဲ လွှဲပေးလိုက်တယ်.... ငွေဝင်ပြီဆိုတာနဲ့ လူလိမ်က အခြားဘဏ်တစ်ခုခုရဲ့ Account ထဲ ထပ်မံလွှဲပို့ပြီး ခြေရာဖျောက်သွားတယ်.........
အဲဒီမှာ ပြဿနာတွေတက်ကြတော့တာပဲ....
ရွှေရောင်းသူကလည်း ဆိုင်နဲ့ ကျားဖြန့်ပေါင်းလုပ်တယ်ထင်....
ဆိုင်ဝန်ထမ်းကလည်း ရောင်းသူနဲ့ ကျားဖြန့်ပေါင်းပြီး ဆိုင်ကို ပြဿနာရှာတယ်ထင်.....
နောက်ဆုံးတော့ ....ဆုံးသူဆုံး....ငိုသူငို................
အမှန်ဖြစ်ခဲ့တဲ့ ဖြစ်စဉ်မို့လို့ သတိပြုကြစေလိုပါတယ်.....
ကျားဖြန့်များရဲ့ လိမ်လည်မှုက အရမ်းကို အတွေးအခေါ်မြင့်နေပါပြီ....
ဆိုင်အမှန်နဲ့ ဝန်ထမ်းအမည်အမှန်တွေကို အသုံးချပြီးလုပ်သွားတာဆိုတော့ အယုံလွယ်သွားတာပေါ့....
သို့သော် အဓိကအချက်က ဈေးပိုပေးတယ်ဆိုတဲ့ မက်လုံး.... လောဘလို့မဆိုချင်ပါဘူး....ဒါပေမယ့် လူတွေရဲ့ အားနည်းချက်ကို နင်းတာပါပဲ....
မြဝတီဘက်မှာလုပ်ခဲ့တဲ့ နိုင်ငံခြားသားတစ်ယောက်ကို မေးဘူးတယ်... မင်းက ဘာလုပ်ရတာလဲဆိုတော့ AI နဲ့ မိန်းကလေးပုံစံပြောင်းပြီး ရည်းစားရှာတာတဲ့.... Online ကနေ ရည်းစားဖြစ်ပြီဆိုရင် တစ်ဖက်လူကို ချူတော့တာပဲတဲ့....ဟင်... မမြင်ဘူးပါပဲနဲ့ မင်းတောင်းသမျှပေးတာပဲလားဆိုတော့ .... ကမ္ဘာမှာလူအများကြီး/ ယောကျ်ားအများကြီးရှိတယ်တဲ့.... ဒီအထဲကနေ တောင်းသမျှပေးမယ့်လူဆိုတာရှိတာပဲတဲ့.... လူတွေရဲ့ သနားတတ်မှု...ယုံကြည်တတ်မှု စတဲ့ လူ့သဘောသဘာဝတွေကို ငါတို့က အသုံးချရတယ်တဲ့.....
အဲ့တော့ လူအချင်းချင်းလှည့်ပတ်ခြင်း ကင်းရှင်းကြပါစေလို့ ဆုတောင်း နေရုံနဲ့ မပြီးတော့ဘူး.... ဖြစ်နိုင်ခြင်းရှိမရှိဆိုတာတွေကို ကိုယ်တိုင် သေသေချာချာစေ့စေ့ငုငု ဂရုပြုကြဖို့လိုပါတယ်.....
ကျူးလွန်ကြတဲ့သူတွေဟာ ငစနူ/ စာမတတ်ပေမတတ်တွေမဟုတ်ဘူးဆိုတာ ထင်ရှားပါတယ်..... ပညာတတ်များယုတ်ရင် ကမ်းကုန်တယ်တဲ့.... သူ့ဝဋ်သူခံရမှာက ကိုယ်မမြင်နိုင်ဘူး.... ကိုယ့်ဒုက္ခက လက်တွေ့ကြုံရမှာ....
ထုံးစံအတိုင်းတော့ ဆုတောင်းပေးရဦးမှာပဲ.... လူအချင်းချင်းလှည့်ပတ်ခြင်း ကင်းရှင်းကြပါစေ
(များများ ရှယ်ပေးခြင်းဖြင့် ကုသိုလ်ပြုပေးစေလိုပါတယ်)
ဦးသီ
၃−၁၀−၂၀၂၅
Crd
