News Ambassador Media, Yangon (2025)

04/08/2025

ကျောက်မဲ ကို စစ်တပ်မှ ဗုံးထပ်မံကြဲချ ၊အမျိုးသမီး (၃)ဦး ထိခိုက်ဒဏ်ရာရ

ရန်ကုန် ၊ ဩဂုတ် ၊ ၄
Newsambassador

ရှမ်းပြည်နယ် မြောက်ပိုင်း ကျောက်မဲမြို့ကို စစ်ကောင်စီတပ်မှ ဂျက်ဖိုက်တာဖြင့် ယနေ့ မနက် ၁၀နာရီ ခွဲကဗုံးထပ်မံလာရောက်ကြဲချခဲ့ခြင်းကြောင့်အမျိုးသမီး (၃)ဦး ထိမှန်ဒဏ်ရာရရှိခဲ့သည်ဟု TNLA ကပြောကြားသည် ။

ကျောက်မဲမြို့၊ ရပ်ကွက် (၆)ရှိ စျေးသစ်ဝန်းကျင်တွင် စစ်ကောင်စီတပ်မှ ဂျက်ဖိုက်တာဖြင့် ပေါင် (၅၀၀)ဗုံး (၁)လုံး လာရောက်ကြဲချတိုက်ခိုက်ခဲ့ပါသည်ဟုဆိုသည် ။

ထိုဗုံးကျရောက်ပေါက်ကွဲမှုကြောင့် အသက် (၂၉)နှစ်ရွယ် ဒေါ်မီမီသွေး၊ အသက် (၃၈)နှစ်အရွယ် ဒေါ်မီမီရင်နှင့် အသက် (၆၀)နှစ်အရွယ် ဒေါ်အေးဝင်းတို့ ထိခိုက်ဒဏ်ရာရရှိခဲ့ပြီးဒေါ်ချော ကိုယ်ပိုင်အထက်တန်းကျောင်း၊ ဆေးခန်း (၁)ခန်း၊ နေအိမ် (၃)အိမ်နှင့် ကား (၁)စီး ဗုံးစထိမှန်ပျက်စီးသွားခဲ့ပါသည်ဟု TNLA ကထုတ်ပြန်ခဲ့သည်။

စစ်ကောင်စီတပ်သည် ကျောက်မဲမြို့ကို ဇူလိုင်လ (၆)ရက်နေ့မှ ယမန်နေ့အထိ လေကြောင်းဖြင့် (၈)ကြိမ် တိတိ ဗုံးများလာရောက်ကြဲချတိုက်ခိုက်မှုကြောင့် အမျိုးသား (၃)ဦး သေဆုံးခဲ့ပြီး အမျိုးသမီး (၄)ဦးနှင့် အမျိုးသား (၁၃)ဦး ထိခိုက်ဒဏ်ရာရှိခဲ့ကာ နေအိမ် (၄၂)အိမ်၊ စာသင်ကျောင်း (၁)ကျောင်းနှင့် ဘုန်းကြီးကျောင်း (၁)ကျောင်းလည်း ဗုံးစ
ထိမှန်ပျက်စီးသွားခဲ့ပါသည်ဟုသိရသည်။

02/08/2025

ကန့်ဒေါင့်စခန်းကို စစ်အုပ်စုက ပြန်လည်သိမ်းပိုက် ဆိုသည်မှာ သတင်းအမှားသာဖြစ်ကြောင်း PLA ပြော
‎
ပုလဲ၊ ဩဂုတ် ၂
News Ambassador

‎စစ်ကိုင်းတိုင်း၊ ပုလဲမြို့နယ်အတွင်းရှိ ကန့်ဒေါင့်ရွာ‎ရဲစခန်းကို စစ်အုပ်စု က ပြန်လည်သိမ်းပိုက်သည်ဟူသော အကြောင်းအရာမှာ သတင်းအမှားသာဖြစ်ကြောင်း ပြည်သူ့လွတ်မြောက်ရေးတပ်‎မတော် (PLA) မှ ပြောရေးဆိုခွင့်ရှိသူ ဒေါ်နီနီကျော် ထံမှ သိရသည်။
‎
‎PLA သိမ်းပိုက်ထားသည့် ကန့်‌ဒေါင့်စခန်းကို စစ်‎အုပ်စုက ပြန်လည် သိမ်းပိုက်လိုက်ပြီဆိုသည့် ‎သတင်းတစ်ပုဒ် ယနေ့ မွန်းလွဲပိုင်းတွင် စတင်ထွက်ပေါ်လာပြီး ယင်းအပေါ် တုန့်ပြန် ပြောကြားခြင်းဖြစ်‎သည်။
‎
‎ဒေါ်နီနီကျော် က '' ကန့်ဒေါင့် ရဲစခန်းထဲကို သူတို့ ဝင်မသိမ်းနိုင်ဘူး။ ကန့်ဒေါင့်နဲ့ နှစ်ရွာကျော်လောက်မှာရှိတဲ့ ရွာနေရာတွေပေါ့နော်၊ ရောက်လာတယ်။ ရောက်လာပြီးတော့ ထိတွေ့မှုတွေ ဖြစ်နေတယ်လို့ သိရတယ် '' ဟု ပြောသည်။
‎
‎စစ်အုပ်စုသည် ကန့်ဒေါင့်စခန်းကို ပြန်လည်သိမ်းပိုက်နိုင်ရန်အတွက် အင်မထီးရွာ၌ အခြပြုကာ စစ်ကြောင်းများထွက်ပြီး ထိုးစစ်ဆင်နေ‎ခြင်းဖြစ်သည်။
‎
‎အင်မထီးရွာ၏ အနောက်ဘက် တလိုင်းကန်နှင့် သရက်ကန်ရွာအနီး ဖြစ်ပွားခဲ့သည့်တိုက်ပွဲအတွင်း စစ်အုပ်စု တပ်ဖွဲ့ဝင် ဒါဇင်နှင့်ချီ ကာ သေဆုံးသည်ဟု ဒေါ်နီနီကျော်က ဆိုသည်။
‎
‎'' ပ‎ထမတော့ အင်မထီးရွာထဲကို ဝင်ပြေးတယ်။ ‎နောက်ပိုင်းကျ အင်မထီးရွာထဲကို ဝင်မပြေးပဲနဲ့‎ အင်မထီးရွာရဲ့ အနောက်ဘက် ၁မိုင်ကျော်အ‎ကွာ တလိုင်းကန်တို့ သရက်ကန်တို့မှာ သူတို့က ‎တပ်စွဲထားလိုက်တယ် '' ဟု ဒေါ်နီနီကျော် က ‎ပြောသည်။
‎
‎ယမန်နေ့ ဩဂုတ်လ ၁ရက်နေ့တွင် သရက်‎ကန်ရွာမှနေ၍ ကန့်ဒေါင့်ရွာအနီးရှိ ရွာများကို ‎လက်နက်ကြီးဖြင့် ပစ်ကာ စစ်ကြောင်းထိုးလာ‎သည့်အတွက် တိုက်ပွဲထပ်ဖြစ်ဟု သိရသည်။
‎
‎'' ကန့်ဒေါင့်စခန်းကလည်း အကုန်မြေလှန်ထား‎ပြီးပြီဆိုတော့ သူတို့လည်း ဝင်လို့မရဘူး။ အဲဒီမှာလည်း ကျမတို့ PLA အပါအဝင် မဟာမိတ် တွေလည်း ဝိုင်းဝန်းပိတ်ဆို့ထားတယ် ဆို‌တော့ သူတို့ ဝင်လို့ မရဘူး။ ကန့်ဒေါင့် နား နီးတဲ့ ရွာတွေမှာတော့ ထိတွေ့တိုက်ပွဲ ဖြစ်နေတယ်လို့ သိရတယ် '' ဟု ဒေါ်နီနီကျော် က မြေ ပြင် အခြေအနေ ကို ရှင်းပြသည်။
‎
‎PLA နှင့် တော်လှန်ရေးပူးပေါင်းတပ်ဖွဲများသည် ရက်သတ္တပတ် နှစ်ပတ်ကျော်ကြာ ထိုးစစ်ဆင်တိုက်ခိုက်ခဲ့ပြီး ဇွန်လ ၁၉ရက်နေ့တွင် ကန့်ဒေါင့်ရဲစခန်းကို သိမ်းပိုက်ခဲ့ခြင်းဖြစ်သည်။
‎
‎ကန့်ဒေါင့် နယ်မြေ ရဲစခန်းသည် မုံရွာ - ယင်းမာပင် - ပုလဲ - ဂန့်ဂေါ တို့ကို ဆက်သွယ်ထားသည့် စစ်ကိုင်း - မကွေး လမ်းကြောပေါ် တွင် ရှိသည့် အ‎တွက် ဗျူဟာအရ အရေးပါသည့် စခန်းတစ်ခုလည်း ဖြစ်သည်။

30/07/2025

စလင်းမြို့နယ် တညောင်ရဲစခန်းကို ပကဖ တိုက်ခိုက်သိမ်းပိုက်

စလင်း၊ ဇူလှိုင် ၃၀
News Ambassador

ယနေ့မနက် ၄ နာရီ မိနစ် ၅၀ ခန့်တွင် မကွေးတိုင်း၊ စလင်းမြို့နယ်အတွင်းရှိ တညောင်ရဲစခန်းကို စလင်းမြို့နယ် ပကဖ က ဝင်ရောက်တိုက်ခိုက်သိမ်းပိုက်ခဲ့ကြောင်း သတင်းထုတ်ပြန်လာသည်။

တိုက်ပွဲအတွင်း ရဲစခန်းရှိ ဘန်ကာများကို အပြီးသတ်တိုက်ခိုက်နိုင်ခဲ့ပြီး ရဲစခန်းကို မီးရှို့ဖျက်ဆီးနိုင်ခဲ့ကြောင်း ပကဖ ၏ သတင်းထုတ်ပြန်ချက်တွင် ဖော်ပြထားသည်။

တိုက်ပွဲအတွင်း စစ်ကောင်စီရဲတပ်ဖွဲ့ဝင် ၈ ဦး သေဆုံးပြီး ၂ ဦးလက်နက်ချ အဖမ်းခံခဲ့ကာ ကျန်ရဲတပ်ဖွဲ့ဝင်များသည် တညောင်လျှပ်စစ်ဓာတ်အားခွဲရုံသို့ ထွက်ပြေးတိမ်းရှောင်သွားကြောင်း ဆိုထားသည်။

ရဲတပ်ဖွဲ့ဝင်များ၏ မိသားစုဝင်များကိုလည်း ဖမ်းဆီးထိန်းသိမ်းထားကြောင်း ပကဖ က ဆိုထားသည်။

တိုက်ပွဲအတွင်း စစ်ကောင်စီတပ်ထံမှ G 3 သေနတ် ၅ လက်၊ MA 13 သေနတ် ၁ လက်နှင့် ကျည်ဆန်များ သိမ်းဆည်းရရှိခဲ့ပြီး ပကဖ ရဲဘော်တစ်ဦး ဒဏ်ရာရခဲ့ကြောင်း သိရသည်။

30/07/2025

စဉ့်ကူးမြို့နယ် လက်ပန်လှ ရဲစခန်းနှင့် ရွှေပန်တောကျေးရွာတို့ကို စစ်တပ် က ဗုံးကြဲချ ၊ အကျဉ်းသားများအပါအဝင် ၂၄ဦး သေဆုံး

ရန်ကုန် ၊ ဇူလိုင် ၃၀
Newsambassador

မန္တလေးတိုင်း၊ စဉ့်ကူးမြို့နယ်၊ လက်ပန်လှရဲစခန်းနှင့် ရွှေပန်းတောကျေးရွာကို ဇူလိုင် ၂၉ရက်နေ့ညမှာ စစ်တပ်က လေယာဉ်ဖြင့် ဗုံးကြဲချခဲ့ ခြင်းကြောင့် အကျဉ်းသားနှင့်
သံသယ တရားခံ ၂၂ ဦးအပါအဝင် ၂၄ဦး သေဆုံးကြောင်း ပြည်သူ့ကာကွယ်ရေးတပ်မတော် (မန္တလေး) က သတင်းထုတ်ပြန်သည််။

လက်ပန်လှရဲစခန်းအား လေကြောင်းတိုက် ခိုက်မှုကြောင့် ပြစ်ဒဏ်ကျ အကျဉ်း သားများနှင့် စစ်ဆေးနေဆဲ သံသယတရားခံများ ဖြစ်သော အမျိုးသား(၂၁)ဦး နှင့် အမျိုးသမီး (၁)ဦး အသက်ဆုံးရှုံးခဲ့ရပြီး ထိခိုက်ဒဏ်ရာရသူ (၃၀)ဝန်းကျင်ရှိခဲ့ကြောင်း ထို့အပြင် ရွှေပန်းတောကျေးရွာအား လေကြောင်းတိုက်ခိုက်မှုကြောင့် ပြည်သူ အမျိုးသား(၁)ဦးနှင့် အမျိုးသမီး (၁)ဦး အသက်ဆုံးရှုံးခဲ့ရသည်ဟု ပြည်သူ့ကာကွယ်ရေးတပ်မ တော် (မန္တလေး) ဆို သည် ။

30/07/2025

ကွတ်ခိုင်မြို့ကို စစ်တပ်က လေယာဉ် ဖြင့် ဗုံးကြဲချ ၊ကလေးငယ်တစ်ဦအပါ အဝင် ပြည်သူ ၅ ဦးသေဆုံး

ရန်ကုန်၊ ဇူလိုင် ၃၀
Newsambassador

TNLA က သိမ်းပိုက်ထားသော ရှမ်း ပြည် နယ်မြောက်ပိုင်း ကွတ်ခိုင်မြို့ကို စစ်တပ်က ယနေ့မနက် ၁နာရီခန့်က လေ ယာဉ်ဖြင့် ဗုံး ကြဲချခဲ့ခြင်းကြောင့်ကလေးငယ်တစ်ဦး
အ ပါအဝင်ပြည် သူ ၅ ဦးသေ ဆုံးကြောင်း ဒေသခံများက ပြောကြားသည်။

ဗုံးကြဲတိုက်ခိုကိမှုကြောင့် ယင်းသို့ ဗုံးကျဲမှုကြောင့် ကွတ်ခိုင်မြို့ရှိ ရာစုဟိုတယ်(၂) နှင့် နေအိမ်တချို့ကို ထိမှန်ပြီး ကလေးငယ်တစ်ဦး အပါအဝင် ၅ဦးသေဆုံးပြီး ၆ဦး ထိခိုက်ဒဏ်ရာရရှိခဲ့ သည်ဟု သိရသည်။

အလားတူ မိုင်းလုံမြို့ကိုလည်း တိုက်ပွဲဗုံးကြဲချခဲ့ခြင်းကြောင့် ပြည်သူ ၁ ဦသေဆုံးခဲ့သည်ဟု ဒေသခံတစ်ဦးက ပြောကြားသည်။

28/07/2025

ပင်းတယတွင် မိုးသည်းထန်စွာရွာပြီးရေကြီးမှုကြောင့် လူ ၅ဦးသေဆုံး (ရုပ်သံ)

ရန်ကုန် ၊ ဇူလိုင် ၂၈
Newsambassador

ရှမ်းပြည်တောင်ပိုင်း၊ ဓနုကိုယ်ပိုင်အုပ် ချုပ် ခွင့်ရဒေသ၊ ပင်းတယမြို့နယ်တွင် မိုးသည်းထန်စွာရွာသွန်းပြီး အနိမ့်ပိုင်းဒေသများသို့ တောင်ကျ ချောင်းရေများစီးဆင်းလာခြင်းကြောင့် နေအိမ်များ ပျက်ဆီးကာ လူသေဆုံးမှုများရှိနေကြောင်း ဒေသခံများ က ပြောသည်။

" မိုးသည်းပြီး ရေကြီးတော့ မြေပြိုပြီး အိမ်တွေမျောပါကုန်တယ်။ကုန်း စောင်းရွာက လူ၅ဦးသေ ဆုံးပြီး ၅ဦးလောက်ကပျောက်နေ ပါတယ်လို့သိထားရတယ်။သိမ်ကုန်းရွာအကျော်က ဖနန်တံတားလည်းကျိုးပြီး အနီးနားက လယ်တွေထဲ ရေလွှမ်းပြီး ပျက်ဆီးကုန်တယ်။စပါးခင်း ၊ပြောင်းခင်း နဲ့ ခရမ်းချဉ် သီးခင်းတွေပျက်ဆီးကုန်တယ်။” ဟု ဒေသခံတစ်ဦးက ဆိုသည်။

အဆိုပါ ရေကြီးမှုကြောင့် သိမ်ကုန်းရွာ နှင့် ကုန်းစောင်းရွာ မှာ ထိခိုက်ပျက်ဆီးမှု ပိုများကြောင်း ဒေသခံတချို့ထံမှသိရသည် ။

သဘာဝပတ်ဝန်းကျင်ပျက်ဆီးမှုများကြောင့် တောင်ပေါ်ဒေသတွေမှာရေ ကြီးရေလျံမှုတွေဖြစ်ပေါ်နေခြင်းဖြစ် ကြောင်း ၊ အထူးသဖြင့် ရွှေတူးခြင်း နှင့် သစ်တောဖြုန်းမှုတွေ များလာခြင်းကြောင့် တောင်ပေါ်ဒေသတွေမှာ ယခုလို ရေကြီးမှုတွေဖြစ်ပေါ်နေဖြစ် ကြောင်း သဘာဝပတ်ဝန်းကျင်ဆိုင်ရာ ပညာရှင် တစ်ဦးက ဆိုသည် ။

26/07/2025

ကန့်ဒေါင့်စခန်းသိမ်းခဲ့သော PLA နှင့် မဟာမိတ်များကို မြိုင်မြို့နယ် ကျေးရွာ ၇ ခုမှ ပြည်သူများက ကျည် အတောင့် ၁၅၀၀ ထောက်ပံ့

ပုလဲ ၊ဇူလိုင် ၂၆
News Ambassador

စစ်ကိုင်းတိုင်း ပုလဲမြို့နယ် ကန့်ဒေါင့်စခန်းသိမ်းတိုက်ပွဲတွင် ပါဝင်ခဲ့သည့် PLA ( ပြည်သူ့လွတ်မြောက်ရေးတပ်မတော်) နှင့် မဟာမိတ်များကို မြိုင်မြို့နယ်ရှိ ကျေးရွာ ၇ ခုမှ ပြည်သူများက ကျည်ဆန် အတောင့် ၁၅၀၀ ထောက်ပံ့ကူညီပေးခဲ့ကြောင်း အညာဗျူဟာမှ ကိုဝလုံးက ပြောသည်။

စစ်ကောင်စီတပ်သည် ကန့်ဒေါင့်ရွာရဲစခန်းကို လက်လွှတ်လိုက်ရပြီး ဖြစ်သော်လည်း ပြန်လည်ရယူရန် ကြိုးပမ်းနေခြင်းကြောင့် ယခုထိကာကွယ်နေရကြောင်း ၊ ကန့်ဒေါင့်စခန်း ပြန်လည်မပေးရရေးအတွက် ကာကွယ်နေသော PLA နှင့် မဟာမိတ်အဖွဲ့များကို ဒေသခံကာကွယ်ရေးတပ်နှင့် ဒေသခံပြည်သူများက ထောက်ပံ့ကူညီခြင်းဖြစ်ကြောင်း ၎င်းကဆိုသည်။

“ တကယ်အလုပ်လုပ်တယ်။ တကယ်တိုက်တော့ ပြည်သူတွေက ထောက်ပံတာပါ“ ဟုလည်း ဒေသခံတစ်ဦးက ဆိုသည်။

ကျားသစ်နက် ၊ အညာဗျူဟာ နှင့် ပြည်သူ့လက်ရုံးတပ်မတော်တို့၏ တိုက်တွန်းမှုဖြင့် နယ်ခံပြည်သူများနှင့် ပူးပေါင်းကာ ယင်းသို့ ထောက်ပံ့ခဲ့ခြင်းဖြစ်ကြောင်း ဆိုသည်။

ကန့်ဒေါင့်ရဲစခန်းကို PLA နှင့် မဟာမိတ်ပူးပေါင်းတပ်များက ဇွန်လ ၂ ရက်တွင် စတင်ထိုးစစ်ဆင်တိုက်ခိုက်ခဲ့ပြီး ဇွန်လ ၁၉ ရက်နေ့တွင် သိမ်းပိုက်နိုင်ခဲ့သည်။

စစ်ကောင်စီသည် စခန်းမကျစေရေးအတွက် လေကြောင်းတိုက်ခိုက်မှု အကြိမ် ၂၀၀ ကျော်နှင့် ဗုံးအလုံးရေ ၅၀၀ ကျော် ကြဲချခုခံခဲ့သည်ဟု PLAက ဆိုသည်။

24/07/2025

ထိုင်းနှင့် ကမ္ဘောဒီးယားတို့ ပစ်ခတ်မှုစတင်ပြီး အတွဲလိုက်ဒုံး နှင့် တိုက်လေယာဉ်များ အသုံးပြုခဲ့

ဘန်ကောက်၊ ဇူလှိုင် ၂၄
News Ambassador

တင်းမာမှုများ တစတစ မြှင့်တက်လာခဲ့သည့် ထိုင်းနှင့် ကမ္ဘောဒီးယားတို့သည် ယနေ့မနက်တွင် တဖက်နှင့်တဖက် ပစ်ခတ်တိုက်ခိုက်မှုများ စတင်ခဲ့ပြီး အတွဲလိုက်ပစ်ဒုံးကျည်များနှင့် တိုက်လေယာဉ်များပါ အသုံးပြုခဲ့ကြောင်း သတင်းများအရ သိရသည်။

ယနေ့မနက်မှစတင်၍ ထိုင်းနိုင်ငံနှင့် ကမ္ဘောဒီးယားနိုင်ငံ နယ်စပ် Phanom D**g Rak ခရိုင်၊ Ta Muen Thom ဒေသတွင် အမြှောက်ပစ်ခတ်သံများ ကျယ်လောင်စွာထွက်ပေါ်ခဲ့ပြီး ကမ္ဘောဒီးယားနိုင်ငံဘက် အခြမ်းမှ ထွက်ပေါ်လာသော ရုပ်သံဗီဒီယို တစ်ခုတွင် အတွဲလိုက်ပစ်ဒုံး BM21 များ ပစ်ခတ်နေသည်ကို မြင်တွေ့ရသည်။

ကမ္ဘောဒီးယားဘက်က ပစ်ခတ်လိုက်သော လက်နက်ကြီးများအထဲမှ တချို့သည် ထိုင်းနိုင်ငံ၊ Ban Phue ၊ Kantaralak ခရိုင်ရှိ ဂတ်စ်ဆိုင်တစ်ခုသို့ ကျရောက်ပေါက်ကွဲမီးလောင်ကျွမ်းရာ ဒေသခံ ပြည်သူ ၂ ဉီးသေဆုံးပြီး ထိခိုက်ဒဏ်ရာရသူ အချို့ရှိကြောင်း ထိုင်းသတင်းများက ဖော်ပြကြသည်။

ထိုင်းဘက်ကလည်း F 16 တိုက်လေယာဉ် ၆ စီးကို တပ်ဖြန့်ချထားရန် အမိန့်ပေးထားပြီး ကမ္ဘောဒီးယား ၏ ခြေလျင်တပ်မဌာနချုပ် ၂ ခုကို တိုက်ခိုက်ခဲ့ကြောင်း သတင်းများတွင် ဖော်ပြထားသည်။

မြေပြင်တွင်လည်း နှစ်နိုင်ငံ တပ်ဖွဲ့များ အချင်းချင်း ပစ်ခတ်တိုက်ပွဲများ ဖြစ်ပွားခဲ့ပြီး ထိုင်းနှင့် ကမ္ဘောဒီးယားစစ်တပ်တို့က သူအရင်ပစ်သည်/ ကိုယ်အရင်ပစ်သည် စသဖြင့် အပြန်အလှန်စွပ်စွဲနေကြသည်။

တိုက်ပွဲဖြစ်ပွားသည်ဟု ဆိုသော ဧရိယာများမှ ဒေသခံပြည်သူများ ထွက်ပြေးတိမ်းရှောင်နေကြပြီး စာသင်ကျောင်းများကိုလည်း ပိတ်ထားကြောင်း သိရသည်။

Ref … Khaosod English

21/07/2025

ဆိပ်ဖြူ ကပစ - ၂၂ ၏ ကာကင်းစခန်းကို စီးနင်းတိုက်ခိုက် ‎ ‎

ဆိပ်ဖြူ၊ ဇူလှိုင် ၂၁
News Ambassador

မကွေးတိုင်း၊ ဆိပ်ဖြူမြို့နယ်အတွင်းရှိ အမှတ် ‎(၂၂) ကာကွယ်ရေး ပစ္စည်းစက်ရုံ (ကပစ - ၂၂) ‎၏ ကာကင်း စခန်းဖြစ်သည့် လက်ဆည်ရဲစခန်းကို စီးနင်းတိုက်ခဲ့ကြောင်း အညာမြေတပ်ပေါင်းစုက ပြောသည်။

ဇူလိုင် ၁၇ ရက်နေ့က ကပစ - ၂၂ နှင့် ၄ မိုင်ခန့်အကွာရှိ စစ်ကောင်စီတပ်ဖွဲ့ဝင် ၂၅ ဉီး အထိုင်ချသော ကာကင်းစခန်းဖြစ်သည့် လက်ဆည်ရဲစခန်းကို တော်လှန်ရေး ပူးပေါင်းတပ်ဖွဲ့များက စီးနင်းတိုက်ခိုက်ခဲ့ခြင်းဖြစ်သည်။ ‎ ‎

အညာမြေတပ်ပေါင်းစုမှ တာဝန်ရှိသူက '' သူက လက်ဆည်ရွာအနီးမှာ တည်ရှိပြီး အဓိက ကာကွယ်မှုက ဆိပ်ဖြူ ကပစ ကို ကာကွယ်ပေးရတာပါ။ ပြီးတော့ နယ်မြေ စိုးမိုးနိုင်အောင် တည်ထားတဲ့ ရဲစခန်းပါ '' ဟု ပြောသည်။ ‎

‎တော်လှန်ရေးတပ်ဖွဲ့များက ဘန်ကာ ၄ခု ကို သိမ်းပိုက်ပြီး၊ ပင်မ အဆောက်အဦနှင့် ဘန်ကာ ၂ခုကို ဆက်လက် သိမ်းပိုက်ရန်ကျန်နေစဉ် ခဲယမ်းထပ်မဖြည့်နိုင်ခြင်းနှင့် စစ်ကောင်စီတပ် စစ်ကူများရောက်လာခြင်းကြောင့် ပြန်လည်ဆုတ်ခွာခဲ့သည်ဟု ဆိုသည်။ ‎

‎တိုက်ပွဲအတွင်း စစ်ကောင်စီဘက်မှ ၃ ဦးသေဆုံး‎ပြီး တော်လှန်ရေးပူးပေါင်းတပ်ဖွဲ့ ဘက်ကလည်း ‎တပ်ဖွဲ့ဝင် ၂ ဦး ကျဆုံးကြောင်း အညာမြေတပ် ‎ပေါင်စုက အသိပေးသည်။ ‎

‎အဆိုပါ စီးနင်းတိုက်ခိုက်မှုကို အညာမြေတပ်ပေါင်းစုနှင့်အတူ အမှတ် (၈) စစ်ကြောင်းဦး ဆောင်မှုဖြင့် ပခုက္ကူခရိုင်တပ်ရင်း-၁၉၊ တပ်ခွဲ - ‎၃) (ဆိပ်ဖြူ ဗိုလ်မထားတပ်ဖွဲ့) ၊ ပြည်သူ့လွတ် ‎မြောက်ရေးတပ်ပေါင်းစု(PLC) နှင့် ပြည်သူ့တော် ‎လှန်ရေးတပ်ဦး (PRF) God of myaing, pl pdf, ကိုရေခဲနှင့်ကိုဗလဦးဆောင်သော လူငယ် ‎ပြောက်ကြားတပ်ဖွဲ့ တို့က ပူးပေါင်းတိုက်ခိုက် ‎ခဲ့ကြောင်း ထုတ်ပြန်ချက်တွင် ဖေါ်ပြထား ‎သည်။ ‎

21/07/2025

မန္တလေးတိုင်းရှိ စစ်ကောင်စီ တပ်စခန်း အချို့ကို တော်လှန်ရေးတပ်များ သိမ်းပိုက်၊ စကစ ဗိုလ်ကြီး အပါ သုံ့ပန်း ၁၆ ဉီး ဖမ်းမိ

မတ္တရာ၊ ဇူလှိုင် ၂၁
News Ambassador

မန္တလေးတိုင်း၊ မတ္တရာမြို့နယ်အတွင်းရှိ ထန်းပင်ကုန်းကျေးရွာ ၊ ပုသိမ်ကြီးမြို့နယ်အတွင်းရှိ သရက်ကိုင်းကျေးရွာ နှင့် မြကန်သာကျေးရွာတို့မှ စစ်ကောင်စီ တပ်စခန်းများအားလုံးကို အပြီးသတ်သိမ်းပိုက်ရရှိခဲ့ပြီဖြစ်ကြောင်း မန္တလေး PDF က သတင်းထုတ်ပြန်လာသည်။

ဇူလှိုင် ၂၀ ရက်နေ့တွင် အဆိုပါ တပ်စခန်းများကို မန္တလေး PDF နှင့် တော်လှန်ရေးမဟာမိတ်တပ်များက သိမ်းပိုက်ခဲ့ခြင်းဖြစ်ကြောင်း သတင်းထုတ်ပြန်လာခဲ့သည်။

အဆိုပါ တိုက်ပွဲများအတွင်း စစ်ကောင်စီထံမှ ဒရုန်းဂျမ်ဘာ ကားတစ်စီး ၊ ဒရုန်းနှင့်ဆက်စပ်ပစ္စည်းများအပါအဝင် လက်နက်ခဲယမ်းအများအပြား သိမ်းဆည်းရမိခဲ့ကြောင်း မန္တလေး PDF က သတင်းထုတ်ပြန်သည်။

ယင်းအပြင် ဗိုလ်ကြီးအဆင့်ရှိသူ စစ်ကောင်စီတပ်ဖွဲ့ဝင်(၁)ဦးအပါအဝင် သုံ့ပန်း(၁၆)ဦး ဖမ်းဆီးရမိခဲ့ပြီး အလောင်း (၁၅) လောင်း သိမ်းဆည်းရမိခဲ့ကြောင်း ထုတ်ပြန်ချက်အရ သိရသည်။

အဆိုပါ စစ်ဆင်ရေးအား ပြည်သူ့ကာကွယ်ရေးတပ်မတော် (မန္တလေး)နှင့်အတူ မတ္တရာမျိုးမှန်တပ်ဖွဲ့ ၊ မတ္တရာမြို့နယ် ပကဖ နှင့် SSTF တပ်ဖွဲ့တို့မှ ပူးတွဲဖော်ဆောင်ခဲ့ခြင်းဖြစ်ကြောင်း ထုတ်ပြန်ထားသည်။

20/07/2025

ဧရာဝတီမြစ်အတိုင်း ဆန်တက်သည့် စစ်ကောင်စီ၏ သင်္ဘောယာဉ်တန်းမှ တွဲတွန်း သင်္ဘောတစ်စီး နစ်မြှုပ်ပြီး အချို့ မီးလောင်

မန္တလေး၊ ဇူလိုင် ၂၀
News Ambassador

မန္တလေးမှ ဧရာဝတီမြစ်အတိုင်း ဆန်တက်လာသည့် စစ်သင်္ဘော ၅ စီးခြံရံထားသော စစ်ကောင်စီ သင်္ဘော ၁၄ စီးပါ အုပ်စုအတွင်းမှ တွဲတွန်း သင်္ဘောတစ်စီးကို နစ်မြှုပ်သွားအောင် ပစ်ခတ်တိုက်ခိုက်ခဲ့ကြောင်း ပြည်သူ့ကာကွယ်ရေးတပ်မတော် မန္တလေး PDF က သတင်းထုတ်ပြန်လာသည်။

ဇူလှိုင် ၁၇ ရက်နေ့တွင် မန္တလေးမြို့ ၊ ဂေါဝန်ဆိပ်ကမ်းမှ ဧရာဝတီမြစ်ကြောင်းအတိုင်း ဆန်တက်လာသော အဆိုပါ သင်္ဘော ၁၄ စီးကို မတ္တရာမြို့နယ် ၊ စဉ့်ကူးမြို့နယ်နှင့် သပိတ်ကျင်မြို့နယ်များ တစ်လျှောက်တွင် ဖြတ်တောက်ပိတ်ဆို့တိုက်ခိုက်ခဲ့ခြင်းဖြစ်သည်ဟု ဆိုသည်။

ယင်းသို့ တိုက်ခိုက်မှုများအတွင်း စစ်ကောင်စီ၏ လက်နက်ခဲယမ်းနှင့်ရိက္ခာများ တင်ဆောင်ထားသော တွဲတွန်းသင်္ဘော ၁ စီး နစ်မြှုပ်သွားခဲ့ပြီး စစ်သင်္ဘော ၁ စီးနှင့် အခြား တွန်းသင်္ဘော ၂ စီး မီးလောင်ပျက်စီးခဲ့သည်ဟု ပြည်သူ့ကာကွယ်ရေးတပ်မတော် မန္တလေး PDF ၏ သတင်းထုတ်ပြန်ချက်အတွင်း ဖော်ပြထားသည်။

စစ်သင်္ဘောအုပ်စု ဆန်တက်လာရာ လမ်းကြောင်းတစ်လျှောက်ကို အာဏာသိမ်းစစ်တပ်က Y-12 လေယာဉ်များ၊ တိုက်လေယာဉ်၊ တိုက်ခိုက်ရေးရဟတ်ယာဉ်များဖြင့် ဗုံးကြဲပစ်ခတ် လမ်းရှင်းခဲ့ကြောင်း ဆိုထားသည်။

အဆိုပါ စစ်သင်္ဘောအုပ်စုသည် ဗန်းမော်အထိ ဆန်တက်ပြီး ထောက်/ပို့လုပ်ငန်းများ လုပ်မည်ဖြစ်ကြောင်း ခန့်မှန်းထားကြသည်။

16/07/2025

မြန်မာ-ထိုင်း နယ်စပ်ရှိ နတ်အိမ်တောင်စခန်းသို့ စစ်ကူလာသော စကစ စစ်ကြောင်းနှင့် တိုက်ပွဲ ၄ ကြိမ် ဖြစ်ပွားပြီး သုံ့ပန်း ၄ ဉီး ဖမ်းမိ

ရေဖြူ၊ ဇူလိုင် ၁၆
News Ambassador

တနင်္သာရီတိုင်း၊ ထားဝယ်ခရိုင်၊ ရေဖြူမြို့နယ် ၊ ကလိန်အောင်မြို့ အရှေ့ဘက်ခြမ်း ထိုင်း - မြန်မာ နယ်စပ်ရှိ နတ်အိမ်တောင်စခန်းသို့ အင်အားဖြည့်တင်းရန် စစ်ကြောင်းထိုးလာသော စစ်ကောင်စီတပ်နှင့် တိုက်ပွဲ ၄ ကြိမ်ဖြစ်ပွားခဲ့ပြီး သုံ့ပန်း ၄ ဉီးဖမ်းမိထားကြောင်း တော်လှန်ရေးတပ်များဘက်မှ သတင်းထုတ်ပြန်လာသည်။

ဗျူဟာ၃၃၊ KNLA ပူးပေါင်းတပ်များနှင့် စစ်ကောင်စီတပ်တို့သည် ဂျူလိုင်လ ၁၁ ရက်၊ ၁၂ရက်၊ ၁၄ရက်၊ ၁၅ရက် လေးရက်အတွင်း တိုက်ပွဲ ၄ ကြိမ်ဖြစ်ပွားခဲ့ပြီး စစ်ကောင်စီတပ်သား ‌၄ ဦး အရှင်ဖမ်းဆီးရမိကာ လက်နက်ခဲယမ်းနှင့် ဆက်စပ်ပစ္စည်းများ သိမ်းဆည်းရမိထားသည်ဟု ထုတ်ပြန်ထားခြင်းဖြစ်သည်။

အဆိုပါ တိုက်ပွဲများအတွင်း စစ်ကောင်စီတပ်ဘက်က ဗိုလ်မှူး‌အောင်ဘိုဟိန်းအပါအဝင် စစ်ကောင်စီတပ်သား (၄)ဦးထက်မနည်း သေဆုံးခဲ့ကြောင်းလည်း တော်လှန်ရေးတပ်များဘက်က ခန့်မှန်းထားကြသည်။

တိုက်ပွဲအတွင်း လက်နက်ငယ် (‌၉) လက် ၊ RPG (၁) လက် ၊ ၆၀ မမ (၁) လက် နှင့် ခဲယမ်းများစွာသိမ်းဆည်းရရှိခဲ့သည်ဟု ဆိုသည်။
အဆိုပါတိုက်ပွဲဖော်ဆောင်မှုကို ဗျူဟာ၃၃၏ ဒေါနစစ်ကြောင်း-၂ ၊ ဒေါနစစ်ကြောင်း-၃၊ KNLA တပ်မဟာ-၄ ပူးပေါင်းတပ်များ၊ တပ်မဟာ-၆ တပ်ရင်း ၂၇ ပူးပေါင်းတပ်များ၊ NMSP(AD)R.M.A ၊မွန်ပြည်‌တော်လှန်ရေးတပ် MSRF ၊ KTLA ၊ Nonentity Coach လေ့ကျင့်ရေးတပ်ဖွဲ့တို့ ပါဝင်တိုက်ခိုက်ခဲ့ခြင်းဖြစ်ကြောင်း ဆိုသည်

ဒဏ်ရာရရှိနေသော စစ်ကောင်စီတပ်သားများကို ကရင်အမျိုးသားအစည်းအရုံး KNU မှ ကောင်းမွန်စွာ ကျန်းမာရေးစောင့်ရှောက်မှုပေးထားပြီး စစ်သုံ့ပန်းကျင့်ဝတ်များနှင့်အညီ ထိန်းသိမ်းထားကြောင်းလည်း ထုတ်ပြန်ချက်အတွင်း ထည့်သွင်ဖော်ပြထားသည်။

News Ambassador Media

04/08/2025

02/08/2025

30/07/2025

30/07/2025

30/07/2025

28/07/2025

26/07/2025

24/07/2025

21/07/2025

21/07/2025

20/07/2025

16/07/2025

Address

Website

Alerts

Contact The Business

Shortcuts

Share

Category

သတင်းတမန်