01/05/2024
ကုသိုလ်တွေတူတူယူကြမယ်
- Birthday Plans & Donate with me project -
အားလုံးပဲမင်္ဂလာပါခင်ဗျာ
လာမယ့် မေလ(၁၆) ရက်နေ့ ကျွန်တော့်မွေးနေ့အတွက် အစီအစဉ်လေးတွေကို Minerals နဲ့ RAYS လေးတွေကိုပြောချင်ပါတယ်ခင်ဗျ။
ကျွန်တော့်မွေးနေ့အတွက်အစီစဉ်တွေကို တာဝန်ရှိလူကြီးတွေနဲ့တိုင်ပင်ပြီးတဲ့နောက်မှာတော့ ရန်ကုန်နဲ့မန္တလေးနှစ်နေရာလုံးမှာပြုလုပ်ဖို့ဆုံးဖြတ်လိုက်ပါတယ်ခင်ဗျာ။ ပွဲနေ့နဲ့အချိန်အသေးစိတ်ကိုတော့ အနားနီးရင် အသေးစိတ်ပြန်ပြောပေးပါ့မယ်ခင်ဗျ။
▫️‘Donate with me ‘ ဆိုတာကတော့ ဒီနှစ်မွေးနေ့လေးမှာ ကျွန်တော့်ပရိသတ်တွေနဲ့အတူဖြတ်သန်းမှာဖြစ်တာမလို့ ပရိသတ်တွေနဲ့အတူ donation တွေလုပ်ဖို့ကိုလည်းစီစဉ်ထားပါတယ်။ ပထမဆုံး Donation အနေနဲ့ မန္တလေးမှာ စတုဒီသာထမင်းကျွေးမှာဖြစ်ပြီး ရန်ကုန်မှာတော့ လိုအပ်နေတဲ့နေရာတွေမှာ တစ်နပ်စာထမင်းအလှူကိုပြုလုပ်သွားမှာဖြစ်တာမလို့ ကျွန်တော်ကိုယ်တိုင်လည်း အလှူငွေထည့်သွားမှာဖြစ်သလို ကျွန်တော့်ရဲ့ Minerals & RAYS လေးတွေပါ အလှူငွေထည့်ဝင်ပြီး ပါဝင်ကူသိုလ်ယူလို့ရပါတယ်ဗျ။
▫️အလှူငွေတွေကိုလည်း ကျွန်တော့်မွေးနေ့ပြီးတာနဲ့ စာရင်းနဲ့တကွပြန်လည်တင်ပြပေးပါမယ်။ ဒီအလှူလေးက ကျွန်တော်နဲ့ကျွန်တော့်ရဲ့ပရိသတ်တွေစုပေါင်းလှူတဲ့ မွေးနေ့အလှူဖြစ်တာမလို့ ငွေကြေးမကန့်သတ်ထားဘဲ သဒ္ဓါတရားနည်းများမဆို ပါဝင်ကုသိုလ်ယူလို့ရပါတယ်။
▫️အလှူငွေတွေကိုတော့ ဒီနေ့ကစပြီး လာမယ့် ၁၀ ရက်နေ့ ည ၆ နာရီနောက်ဆုံးထားပြီး လက်ခံပေးသွားပါမယ်ဗျ။ငွေလွှဲတဲ့အချိန်ကျရင် note မှာ ( bd gift ) ဆိုတာလေးကိုရေးပေးပြီး ငွေလွှဲပြီးသွားတဲ့အချိန်ကျရင် ကျွန်တော့်ရဲ့ ဒီ page messenger မှာ ငွေလွှဲ recipe လေးတွေလာပြပေးဖို့အတွက်လည်း မေတ္တာရပ်ခံပါတယ်။
[ Bank acc မှတစ်ဆင့်ငွေလွှဲချင်သူများအတွက်လည်း CB bank , UAB Bank acc တွေကို ကျွန်တော့် page messenger မှာ လာတောင်းလို့ရပါတယ်ခင်ဗျ ]
