Sar Lwal Ate Publishing House

19/03/2025

နှစ်နှစ်အရွယ် ကလေးလေး တစ်ယောက်
ဒီပုံပြင်စာအုပ်လေးကို ညတိုင်း ဖတ်ပြရတယ်
နေ့တိုင်း ဖတ်ပြရတယ်
သူတော်တော်ကြိုက်တယ်

သူဖတ်နေတဲ့ စာအုပ်လေးရဲ့ အခြေအနေလေးက တိပ်ကပ်ပြီးတောင် သုံးနေရတဲ့ အခြေအနေ…

ကလေးတွေရဲ့ ငယ်ဘဝက ပုံပြင်တွေပါ…
အစ္စလာမ့်ပုံပြင်လေးတွေ ဖတ်ပြခြင်းက ငယ်ဘဝကို ပိုပြီး ပြည့်စုံစေမှာပါ …

ကျွန်တော့်ရဲ့ Big Fan လေးရေ…
စာအုပ်လေးတွေ ချစ်ပေးလို့ ဒီပို့စ်လေးနဲ့ ကျေးဇူးတင်ကြောင်း ပြောပါရစေ…. 🥰🥰🥰😘

06/09/2024

We Distribution မှလည်း ဝယ်ယူရရှိနိုင်ပြီဖြစ်ကြောင်း သတင်းကောင်းပါးပါရစေခင်ဗျာ

✅စာလွယ်အိတ်စာပေ မှ
အသစ်ထုတ်ဝေထားသော
အစ္စလာမ်ဘာသာရေး
ပုံပြင် (၁) နှင့် ပုံပြင် (၂) ကို
We Distribution မှာ
ဝယ်ယူနိုင်ပါပြီ ။

✅ ကာတွန်းသရုပ်ဖော်- သီဟ(စခန်းသစ်)

✅မာနထောင်လွှားတဲ့ ခြံပိုင်ရှင်ကြီး (ပုံပြင်-၁)
ချမ်းသာတဲ့ သူငယ်ချင်းနဲ့ ဆင်းရဲတဲ့
သူငယ်ချင်း နှစ်ယောက်နဲ့
ဇာတ်အိမ်တည်ထားတဲ့
ပုံပြင်တစ်ပုဒ်ဖြစ်ပါတယ်......

✅ဖာရွတ်နဲ့ ခြကလေးများ (ပုံပြင်-၂)
ဖာရွတ်ရယ် သူ့ဆရာရယ်
သူငယ်ချင်းတွေရယ်
ပျော်ပွဲစားထွက်ကြရာကနေ
ခြကလေးတစ်ကောင်နဲ့
တွေ့ဆုံရာက ဒီပုံပြင်လေး
စဖြစ်လာတာပေါ့.......

စာအုပ်တန်ဖိုး အသေးစိတ်နဲ့ မှာယူပုံတွေကို
ကွန်မန့်မှာ ကြည့်ပေးပါ။

04/09/2024

စာလွယ်အိတ် စာပေတိုက်ထုတ် စာအုပ်များကို မန္တလေးမြို့ရှိ ခေတ်မီ စာပေ၊ စာရေးကိရိယာဆိုင်များတွင် ဝယ်ယူရရှိနိုင်ပြီ ဖြစ်ပါကြောင်း သတင်းကောင်းပါးအပ်ပါသည်။

29/08/2024

21/08/2024

စလာမ် မန္တလေးရှိ မိတ်ဆွေများ ခင်ဗျာ

စာလွယ်အိတ် စာပေတိုက်ထုတ် စာအုပ်များကို ၂၇ လမ်း၊ ၈၃ - ၈၄ ကြား
၈၃ A ဒေါင့်
27 Corner Mini Mart တွင် ဝယ်ယူရရှိနိုင်ပြီ ဖြစ်ကြောင်း သတင်းကောင်းပါးပါရစေခင်ဗျာ
ဖုန်း - 092023390
Viber - 092023390

18/08/2024

ပုံပြင်လေးတွေ ဖတ်ပြမယ် အစီအစဉ်ဖြစ်ပါတယ်

15/08/2024

မာနထောင်လွှားတဲ့ ခြံပိုင်ရှင်ကြီး

ချမ်းသာတဲ့ သူငယ်ချင်းနဲ့ ဆင်းရဲတဲ့ သူငယ်ချင်း နှစ်ယောက်နဲ့ ဇာတ်အိမ်တည်ထားတဲ့ ပုံပြင်တစ်ပုဒ်ဖြစ်ပါတယ်။

ခေါင်းစဉ်မှာ ပါတဲ့ စာသားအတိုင်း ချမ်းသာတဲ့ သူငယ်ချင်းက အရာရာ ကိုယ်ကြိုးစားလို့ ဖြစ်တည်လာတာဆိုတဲ့ စိတ်နဲ့ မာနထောင်လွှားနေတာပေါ့။

ဒါတွေကို ဆင်းရဲတဲ့ သူငယ်ချင်းနဲ့ တွေ့ပြီး ချမ်းသာတဲ့သူမှာ အပြောင်းအလဲတွေ ကြုံလာခဲ့ပါတယ်။

လောကဓံ အပြောင်းအလဲတွေကြားမှာ အလ္လာဟ်အရှင်မြတ်ရဲ့ ကြီးကြယ်မြင့်မြတ်မှုတွေကို သိရှိသွားတဲ့အခါမှာတော့……

ဒီစာအုပ်ထဲမှာ ကလေးတို့ ဖြေဆိုရန် မေးခွန်းလေးတွေ ထည့်သွင်းပေးထားပြီး စာအုပ်ရဲ့ အဆုံးမှာ ဂိမ်းလေး တစ်ခု ထည့်သွင်းပေးထားပါတယ်။

စာရွက်သားကို တော်ရုံ မပြဲစုတ်နိုင်တဲ့ စက္ကူသားကို အသုံးပြုပေးထားပြီး ရောင်စုံကာလာနဲ့ ပုံနှိပ်ထားကာ ကာတွန်းရုပ်ပုံလေးတွေကြောင့် ဇာတ်လမ်းဆုံးသွားတာတောင် ကလေးတွေ သတိထားမိကြမှာ မဟုတ်ပါဘူး။

ကလေးတွေက နောက်ဆက်တွဲ မေးခွန်းလေးတွေ မေးလာရင်တော့ မိဘတွေရဲ့ တာဝန်ပေါ့။ 😄

တန်ဖိုး -၄၅၀၀ ကျပ်

(စာအုပ်ဝယ်ယူလိုတယ်ဆိုရင် ပေ့ချ် မက်ဆင်ဂျာတွင် လာရောက်မေးမြန်းနိုင်ပါတယ်။)

15/08/2024

ဖာရွတ်နဲ့ ခြကလေးများ

ဖာရွတ်ရယ် သူ့ဆရာရယ် သူငယ်ချင်းတွေရယ် ပျော်ပွဲစားထွက်ကြရာကနေ ခြကလေးတစ်ကောင်နဲ့ တွေ့ဆုံရာက ဒီပုံပြင်လေး စဖြစ်လာတာပေါ့။

ဖာရွတ်နဲ့ ခြကလေး စကားပြောဖြစ်ရာကနေ ဖာရွတ်တစ်ယောက် ခြကလေးတွေရဲ့ အနေအထိုင်၊ ပတ်ဝန်းကျင်အကြောင်းတွေ သိရှိလာပါလေရော။

အလ္လာဟ်အရှင်မြတ်ရဲ့ ကြီးကြယ်တဲ့ တန်ခိုးတော်ကြောင့် ဖြစ်တည်လာတဲ့ ခြကလေးတွေရဲ့ ဘဝကို သိရှိလာခြင်းကလည်း ဖာရွတ်အတွက် အံ့ဩဘနန်း ဖြစ်စရာတွေပေါ့။

ဒီစာအုပ်လေးထဲမှာ ခြတွေနဲ့ ပတ်သက်ပြီး ကလေးတွေနဲ့ ကိုက်ညီမယ့် ဗဟုသုတလေးတွေလည်း ထည့်သွင်းပေးထားပါတယ်။

စာအုပ်ရဲ့ နောက်ဆုံးမှာ ကလေးတွေနဲ့ ဆော့လို့ရမယ့် ဂိမ်း အမျိုးအစားတစ်ခုလည်း ထည့်သွင်းပေးထားပါတယ်။

စာရွက်သားတွေကို ကလေးတွေ အကိုင်အတွယ် ကြမ်းရင်တောင် မပြဲစုတ်နိုင်မယ့် အထူသားကို အသုံးပြုပေးထားပါတယ်။

ရောင်စုံကာလာနဲ့ ပုံနှိပ်ထားပြီး ကလေးငယ်များအတွက် စိတ်ဝင်စားဖွယ်ဖြစ်အောင် ကာတွန်းပုံလေးတွေနဲ့ ဖန်တီးထားပါတယ်။

တန်ဖိုး - ၄၅၀၀ ကျပ်

(စာအုပ်ဝယ်ယူလိုတယ်ဆိုရင် ပေ့ချ် မက်ဆင်ဂျာတွင် လာရောက်မေးမြန်းနိုင်ပါတယ်။)

12/08/2024

စလာမ် မိတ်ဆွေများခင်ဗျာ

တစ်ရက်မှာတော့ ညနေပိုင်းအချိန်လေးမှာ သမီးလေးအတွက် လိုအပ်တဲ့ အစ္စလာမ့်အသုံးအဆောင် ပစ္စည်းလေးတွေ ဝယ်ယူဖို့ ရန်ကုန်မြို့က အသုံးအဆောင်အများစုနဲ့ အစ္စလာမ့်စာပေပါ ရရှိနိုင်တဲ့ ဆိုင်ကြီးတစ်ဆိုင်ကို ရောက်ရှိခဲ့ပါတယ်။

စာအုပ်ထုတ်ဝေခြင်းကို မြတ်နိုးတာက တစ်ကြောင်း၊ သမီးလေးရှိတာက တစ်ကြောင်းဆိုတော့ ဆိုင်ထဲက စာအုပ်တွေထားတဲ့ဘက်ကို ရောက်ရှိသွားပါတယ်။

စာအုပ်တွေကို ကြည့်ရင်းနဲ့ စိတ်ထဲမှာ တစ်မျိုးဖြစ်လာပါတယ်။ သေချာအောင် ထပ်ကြည့်မယ်ဆိုပြီး ထပ်ရှာကြည့်မိပြန်ပါတယ်။

သေချာပါတယ်။ စာအုပ်စင်ပေါ်မှာ ကျွန်တော်လိုက်ရှာနေတဲ့ စာအုပ်အမျိုးအစားက အနည်းငယ်ပဲ ရှိပါတယ်။

မြန်မာပြည်ရဲ့ အစ္စလာမ့်အသိုက်အဝန်းမှာ ကလေးစာပေ ထုတ်ဝေမှုက တော်တော်အားနည်းနေသေးတာကို အထင်အရှား တွေ့မြင်ရပါတယ်။

အစ္စလာမ့်ကလေးစာပေ ထုတ်ဝေသူ ရှိပေမယ့် လက်ချိုးရေတွက်လို့ရတဲ့ အနေအထားတစ်ခု ဖြစ်နေပါတယ်။

စာပေထုတ်ဝေခြင်းကို အတိုင်းအတာ တစ်ခုထိ တတ်ကျွမ်းတဲ့ ကျွန်တော့်အတွက် အတွေး တစ်ခု ပေါ်လာပါတယ်။

အဲ့ဒါကတော့ ကိုယ်တတ်နိုင်သလောက် အစ္စလာမ့်ကလေးစာပေ စာအုပ်လေးတွေကို ထုတ်ဝေမယ်ဆိုတဲ့ စိတ်ဆန္ဒတစ်ခုပါပဲ။

ထုတ်ဝေဖို့အတွက် ပြင်ဆင်ရတာတွေ များလွန်းတာရယ် တစ်ဖက်က ကိုယ် လက်ရှိလုပ်နေတဲ့ အလုပ်ကို အားထည့်ရတာရယ်ကြောင့် အစ္စလာမ့်ကလေးစာပေ ထုတ်ဝေခြင်းအတွက် ကြိုးပမ်းလာတာ လေးနှစ်နီးပါး ရှိလာပါပြီ။

ယနေ့တော့ ဒီအစီအစဉ်လေး ရုပ်လုံးပေါ်လာပြီ ဖြစ်ပါတယ်။

တတ်နိုင်တဲ့ ငွေကြေးအနည်းငယ်နဲ့ စတင်ခြင်းဖြစ်တဲ့အတွက် အခက်အခဲ အများကြီးရှိပါတယ်။

ဒီအပင်လေး ကြီးထွားသန်မာဖို့အတွက် ကျွန်တော့်ကို အားပေးကြဖို့ မေတ္တာရပ်ခံပါတယ်။ အပြုသဘောဆောင်တဲ့ ဝေဖန်၊ အကြံပေးခြင်းများကိုလည်း လက်ခံပါတယ်။

အင်ရှာအလ္လာဟ်
စာအုပ်တွေကို တစ်အုပ်ပြီး တစ်အုပ် ထုတ်ဝေနိုင်အောင် ကြိုးစားဆောင်ရွက်သွားပါ့မယ်လို့ ကတိပြုရင်း…

(စာအုပ်လေးတွေ အကြောင်းကို နောက်နေ့တွေမှာ ပို့စ်တင်ပေးပါ့မယ် ခင်ဗျာ)