01/07/2025
တာ၀န်ကျေလွန်းခဲ့တဲ့ကပ္ပတိန်
ကလပ်ကမ္ဘာ့ဖလား၁၆သင်းအဆင့်ပွဲစဉ်မှာ ဖလူမင်းနိစ်က အင်တာမီလန်ကို ၂ဂိုးဂိုးမရှိဆိုတဲ့ရလဒ်နဲ့ အံ့အားသင့်ဖွယ် အနိုင်ယူပြီး ကွာတားဖိုင်နယ်တက်ခဲ့ပါပြီ။ ဥရောပရဲ့အကောင်းဆုံးအသင်းတစ်သင်းကို ဂိုးမပေးရအောင် စွမ်းဆောင်နိုင်ခဲ့တဲ့ ဖလူမင်းနိစ်ရဲ့မာကျောမှုက အံ့သြစရာပါပဲ။
ထိုးဖောက်မရတဲ့ ဖလူမင်းနိစ်ရဲ့ ခံစစ်တံတိုင်းကို ဦးဆောင်နေသူကတော့ ကပ္ပတိန်ကြီး သီယာဂိုဆေးလ်ဗား ဖြစ်ပါတယ်။ အေစီမီလန်၊ ပီအက်စ်ဂျီ၊ ချဲလ်ဆီးတို့မှာ ဆုဖလားအောင်မြင်မှုများစွာ သိမ်းပိုက်ခဲ့တဲ့၊ ပရိုပီသလွန်းတဲ့စိတ်ကြောင့် အမြဲချီးကျူးခံရတတ်တဲ့ ဘရာဇီးလ်သားကြီးဟာ ဘရာဇီးလ်ကလပ်မှာလည်း သူ့ရဲ့တန်ဖိုးကို ပြသနေဆဲပါပဲ။
ကလပ်ကမ္ဘာ့ဖလားပွဲစဉ်၄ပွဲအပြီးမှာ ဖလူမင်းနိစ်ဟာ ရှူံးပွဲမရှိသေးဘဲ ခံစစ်ကနေ ၃ပွဲအထိ ဂိုးမပေးရအောင် စွမ်း ဆောင်ထားပါတယ်။ ဒေါ့မွန်၊ အင်တာတို့နဲ့ တွေ့ဆုံခဲ့တဲ့ ၂ကြိမ်လုံး ဂိုးမပေးခဲ့ရဘဲ ဒီလိုခံစစ်စွမ်းဆောင်ရည်ကောင်းမွန်မှုက ဖလူမင်းနိစ်ကို Club World Cup မှာ အမြင့်ပျံစေခဲ့တဲ့ အဓိကအကြောင်းရင်းဆိုရင်လည်း မမှားဘူး။
အသက်၄၀အရွယ် ဘရာဇီးလ်ကျောက်ဆောင်ကြီး ဖလူမင်းနိစ်ခံစစ်တံတိုင်းမှာ ကြံ့ကြံ့ခံရင်း၊ အသင်းကို အကောင်းဆုံးဦးဆောင်ရင်း ဝါရင့်ဝို၊င်တစ်ခွက်လို အဖိုးတန်ချိုမြိန်နေဆဲ၊ ကလပ်အသင်းအတွက် ပရိသတ်တွေအတွက် တကယ်ကို တာဝန်ကျေလွန်းနေဆဲပါပဲ။
