Aha.myanmar

Aha.myanmar We share what we read.

အတည်မပြုနိုင်ပေမဲ့လည်း မှတ်တမ်းတွေအရဆိုရင် Valentina Vassilyeva ဆိုတဲ့ အမျိုးသမီးတစ်ယောက်က ကလေး ၆၉ ယောက်အထိ မွေးဖွားခဲ့ပ...
13/12/2024

အတည်မပြုနိုင်ပေမဲ့လည်း မှတ်တမ်းတွေအရဆိုရင် Valentina Vassilyeva ဆိုတဲ့ အမျိုးသမီးတစ်ယောက်က ကလေး ၆၉ ယောက်အထိ မွေးဖွားခဲ့ပါတယ်။ တွေ့ရတဲ့ မှတ်တမ်းတွေအရ ၁၈ ရာစုအစောပိုင်းမှာ နေထိုင်ခဲ့တဲ့ Valentina အသက် ၇၅ နှစ်အထိ အသက်ရှင်သန်ခဲ့ပါတယ်။ ၇၅ နှစ်အတွင်း တစ်ခါကို တစ်ယောက်မွေးရင် ၆၉ ယောက်ဆိုတာ မဖြစ်နိုင်ပေမဲ့ Valentina ကတော့ နှစ်မြွာပူး ၁၆ ခါ သုံးမြွှာပူး ၇ ခါ လေးမြွှာပူး ၄ ခါမွေးခဲ့ပါတယ်။ ကိုယ်ဝန်ဆောင်တာကတော့ ၂၇ ကြိမ်အထိ ရှိတယ်လို့ သိရတယ်။

ထူးဆန်းတာတစ်ခုက Valentina ရဲ့ ခင်ပွန်းသည်ကတော့ Feodor Vassilyev ဆိုတဲ့ လယ်သမားဖြစ်ပါဝယ်။ သူ့ခင်ပွန်းဖြစ်သူက Valentina ဆုံးပါးပြီးနောက်မှာ နောက်အိမ်ထောင်ပြုခဲ့ပြီး နောက်ထပ် ကလေး ၁၈ ယောက်တောင် ထပ်မွေးခဲ့သေးတယ်လို့ သိရတယ်။

ဒါတွေအားလုံးက ရုရှားနိုင်ငံ Nikolsk မြို့ ဘုရားကျောင်းမှာတွေ့ရတဲ့ မှတ်တမ်းတွေအရဖြစ်ပါတယ်။ ဆေးစာသက်သေလိုမျိုး အတိအကျမသိရတဲ့အပြင် Valentina တကယ်ရှိခဲ့ မရှိခဲ့ဆိုတာတောင် မသေချာပါဘူး။ တစ်ဖက်မှာလည်း ဆေးပညာရှင်တွေက အမျိုးသမီးတစ်ယောက်ဟာ ဒီလောက်ကလေးအများကြီးမွေးတာ ဖြစ်နိုင်ပါ့မလားဆိုတဲ့ သံသယတွေရှိကြတယ်။ ရရှားနိုင်ငံမှာတော့ ကလေး ၆၉ ယောက်မွေးခဲ့တဲ့ အမျိုးသမီး Valentina ဟာ ပါးစပ်ရာဇဝင်တစ်ခုအဖြစ်ကျန်ရစ်ဆဲဖြစ်ပါတယ်။

#ဗဟုသုတ

ကမ္ဘာပေါ်က ဈေးအကြီးဆုံး ရထားလိုင်းတွေက ဘယ်လောက်ထိ ပေးရလဲ။ ကမ္ဘာ့ဈေးအကြီးဆုံးရထားလိုင်းတွေထဲက တစ်ခုဖြစ်တဲ့ အိန္ဒိယရဲ့ Mah...
02/12/2024

ကမ္ဘာပေါ်က ဈေးအကြီးဆုံး ရထားလိုင်းတွေက ဘယ်လောက်ထိ ပေးရလဲ။ ကမ္ဘာ့ဈေးအကြီးဆုံးရထားလိုင်းတွေထဲက တစ်ခုဖြစ်တဲ့ အိန္ဒိယရဲ့ Maharajas’ Express (မဟာရာဇာရထားလိုင်း) ကတော့ အနိမ့်ဆုံးက ဒေါ်လာ ၃,၅၀၀ ဖြစ်ပြီး အမြင့်ဆုံးက ဒေါ်လာ ၂၃,၀၀၀ အထိ ကျသင့်မှာပဲဖြစ်ပါတယ်။ အခုမြန်မာငွေကြေးနဲ့ တွက်ရင်တော့ အနိမ့်ဆုံးက သိန်း ၇၀ နဲ့ သိန်း ၈၀ ကြား အမြင့်ဆုံးက သိန်း ၅၀၀ နီးပါးရှိပါတယ်။
Maharajas’ Express (မဟာရာဇာရထားလိုင်း) က အိန္ဒိယနိုင်ငံရဲ့ Luxury Tourism အတွက် သီးသန့်ရည်ရွယ်ပြေးဆွဲနေတဲ့ ရထားလိုင်းဖြစ်ပါတယ်။ Rajasthan ပြည်နယ်ကို ဗဟိုပြုပြီး အိန္ဒိယအလယ်ပိုင်းနဲ့ အနောက်မြောက်ပိုင်းအထိ ပြေးဆွဲပေးတယ်။ ဇိမ်ခံရထားလိုင်းဖြစ်တာမို့ လမ်းကြောင်းအများကြီးမဆွဲဘူး။ အဓိကလမ်းကြောင်း ၅ ခုပဲ သတ်မှတ်ပြေးဆွဲတယ်။
ရထားလိုင်းဖြစ်ပေမဲ့ ဟိုတယ်တွေလိုမျိုး ကြယ်ငါးပွင့်အဆင့် သတ်မှတ်ထားပြီး အတွင်းပိုင်းပြင်ဆင်မှုတွေရော ဝန်ဆောင်မှုတွေကပါ ဇိမ်ခံဟိုတယ်လို ဝန်ဆောင်မှုပေးပါတယ်။ ရထားတစ်စင်းလုံးမှာ ရထားတွဲ ၂၃ တွဲရှိပြီး ခရီးသည် ၈၄ ယောက်ပဲ လိုက်ပါနိုင်တယ်။ ရထားပေါ်မှာတင် အိန္ဒိယရိုးရာဖျော်ဖြေပွဲတွေ တင်ဆက်သလို ရထားပေါ်က အစားအသောက်ကို ကမ္ဘာ့အဆင့်မီစာဖိုမှူးတွေက ချက်ပြုတ်ပါတယ်။ လက်မှတ်ဝယ်မယ်ဆိုရင် Presidential Suite၊ Suites၊ Deluxe နဲ့ Junior Suites ဆိုပြီး အဆင့်ဆင့်ခွဲခြားထားတယ်။ ခရီးစဉ်တွေက ၄ ရက်နေ ၈ ရက်အထိကြာတယ်။ ခရီးတစ်လျှောက် အိန္ဒိယနိုင်ငံထဲက အထင်ကရနေရာတွေအများကြီးကို ရောက်ပါတယ်။
Maharajas’ Express (မဟာရာဇာရထားလိုင်း) က ဇိမ်ကျလွန်းတဲ့အပြင် အိန္ဒိယရဲ့ အငွေ့အသက်တွေကို ရထားပေါ်မှာတင် အပြည့်အဝခံစားရနိုင်တာမို့ ကမ္ဘာလှည့်ခရီးသည်တွေကြားမှာ အတော်လေးနာမည်ကြီးလို့နေပါတယ်။

#ဗဟုသုတ

ရှေးတုန်းက သွားမရှိတော့တဲ့ လူတွေအတွက် သွားအတုအံကပ်တွေကို ဘယ်လိုလုပ်လဲ။ လူသွားအစစ်တွေနဲ့ လုပ်ခဲ့တာပဲဖြစ်ပါတယ်။၁၈၀၀ ပြည့်န...
30/11/2024

ရှေးတုန်းက သွားမရှိတော့တဲ့ လူတွေအတွက် သွားအတုအံကပ်တွေကို ဘယ်လိုလုပ်လဲ။ လူသွားအစစ်တွေနဲ့ လုပ်ခဲ့တာပဲဖြစ်ပါတယ်။
၁၈၀၀ ပြည့်နှစ်တုန်းက အင်္ဂလိပ်လူကုံထံတွေက သကြားနဲ့ အချိုစာတွေကို စွဲစွဲလမ်းလမ်းစားခဲ့ကြတယ်။ အကျိုးဆက်ကတော့ သွားကျန်းမာရေး အတော်လေး ထိခိုက်ခဲ့တာပါပဲ။ ဒီအတွက် သွားအတုတွေပါတဲ့ အံကပ်လုပ်ဖို့ဖြစ်လာတယ်။
နည်းပညာအားနည်းနေသေးတဲ့ ခေတ်ဖြစ်တာမို့ ထူးခြားနေတာတစ်ခုက အဲဒီခေတ်တုန်းက အံကပ်တွေကို လူသွားအစစ်နဲ့ လုပ်ထားတယ်ဆိုတာပါပဲ။ ၁၈ ရာစုကုန် ၁၉ ရာစုအစမှာ လူသွားအစစ်နဲ့ လုပ်ထားတဲ့ အံကပ်တွေက ရေပန်းစားလာတယ်။ ၁၉၈၇ ခုနှစ်ရောက်တော့ သွားဆရာဝန်တွေက ဆင်းရဲသားတွေနဲ့ သွားအလှူရှင်တွေလိုက်ရှာပြီး သွားတွေကို ဝယ်တယ်/ အလှူခံတယ်။ ပြီးရင် လူကုံထံတွေအတွက် အံကပ်တွေ ဖန်တီးပေးတယ်။ နောက်ပိုင်းမှာ ဆင်စွယ်နဲ့ လုပ်တဲ့ အံကပ်တွေပေါ်လာပေမဲ့ လူသွားအစစ်အံကပ်ကတော့ လူကြိုက်များဆဲပါပဲ။ နောက်ပိုင်းမှာတော့ သွားအလှူရှင်တွေမရှိတော့သလို သွားရောင်းတဲ့လူလည်း မရှိတော့ဘူး။ ဒီတော့ သင်္ချိုင်းက အုတ်ဂူတွေကိုဖောက်ပြီး လူအရုပ်အလောင်းတွေဆီကနေ သွားတွေနှုတ်ယူခဲ့တယ်။
သမိုင်းတွင်ခဲ့တာက ၁၈၁၅ ခုနှစ်တုန်း Waterloo စစ်ပွဲအပြီး တိုက်ပွဲကျစစ်သားတွေရဲ့ သွားတွေကို နှုတ်ယူခိုးခဲ့ကြတယ်။ ရလာတဲ့သွားတွေကို သန့်စင်ပုံသွင်းပြီး ဆင်စွယ်ပေါ်မှာ ပုံသွင်းကပ်တယ်။ ပြီးရင် ဒါကို Waterloo Teeth လို့ သမိုင်းမှတ်တမ်းတွေမှာ ဖော်ပြထားတယ်။

#ဗဟုသုတ

မျိုးတုံးပျောက်ကွယ်တာက တိရစ္ဆာန်တွေပဲမဟုတ်ဘဲ ဘာသာစကားပါဖြစ်လာပါပြီ။ ၂၀၁၈ ခုနှစ်တုန်းက BBC ရဲ့ မှတ်တမ်းတွေအရဆိုရင်တောင်မှ...
28/11/2024

မျိုးတုံးပျောက်ကွယ်တာက တိရစ္ဆာန်တွေပဲမဟုတ်ဘဲ ဘာသာစကားပါဖြစ်လာပါပြီ။ ၂၀၁၈ ခုနှစ်တုန်းက BBC ရဲ့ မှတ်တမ်းတွေအရဆိုရင်တောင်မှ ဒီဘာသာစကားကို ပြောတတ်တဲ့သူက ကမ္ဘာပေါ်မှာ ၃ ယောက်ပဲရှိပါတော့တယ်တဲ့။ အဲဒီ ၃ ယောက်ကလည်း သက်ကြီးပိုင်းအမျိုးသား ၃ ယောက်ဖြစ်တာမို့ ၂၀၂၄ ခုနှစ်/ အခုချိန်ခါမှာဆိုရင် ပြောတတ်တဲ့သူ ရှိပါဦးမလားဆိုတာ မသိတော့ပါဘူး။
အဲဒီဘာသာစကားက Pakistan နိုင်ငံ Badeshi ဆိုတဲ့ ဘာသာစကားဖြစ်ပါတယ်။ အရင်တုန်းက Swat ပြည်နယ်မှာ အဓိကသုံးခဲ့ကြတယ်။ နောက်ပိုင်းမှာ ပတ်ဝန်းကျင်ကနေ ဘာသာစကားအသစ်တွေ ဝင်ရောက်လာပြီးတော့ ဒေသခံတွေက Badeshi ဘာသာစကားအစား လူသုံးများတဲ့ Pashto ဘာသာစကားကို ပြောင်းသုံးခဲ့ကြတယ်။ အခုချိန်မှာတော့ Swat ပြည်နယ်မှာလည်း Badeshi ဘာသာစကားကို မပြောတတ်ကြတော့ဘူး။ ဒါကြောင့်လည်း Badeshi ဘာသာစကားက ပျောက်ကွယ်မယ့်ကပ်ဘေးဆိုက်နေတာပါ။
မျိုးတုံးပျောက်ကွယ်တော့မယ့်ကပ်ဘေးဆိုက်ရတဲ့ နောက်အကြောင်းရင်းတစ်ခုက Badeshi ဘာသာစကားနဲ့ ရေးထားတဲ့ စာအုပ်စာတမ်းတွေ၊ သဒ္ဒါစာအုပ်တွေလည်း မရှိလို့ဖြစ်ပါတယ်။ အခု BBC ရှာတွေ့ခဲ့တဲ့ Badeshi ဘာသာစကားပြောတတ်တဲ့ ၃ ယောက်ဆိုတာကလည်း ပြောတတ်ရုံပြောတတ်တာဖြစ်ပြီး သဒ္ဒါကျကျစာလုံးတွေကို နားလည်တာမျိုး ရေးတတ်တာမျိုး မရှိတော့ပါဘူး။ နောက်လာနောက်သားတွေကို ပြန်သင်ပေးဖို့ကလည်း မလွယ်လှပါဘူး။ ဒါကြောင့် Badeshi ဘာသာစကားက ပျောက်ကွယ်သွားဖို့ များနေပါပြီ။

#ဗဟုသုတ

သဘာဝပတ်ဝန်းကျင်မှာဆိုရင် အရှားဆုံးဖြစ်ပြီးတော့ အပြာရောင်တိရိစ္ဆာန်မျိုးစိတ်ဆိုရင်လည်း လက်ချိုးရေလို့ရတဲ့အထိ ရှားပါးတယ်။သ...
26/11/2024

သဘာဝပတ်ဝန်းကျင်မှာဆိုရင် အရှားဆုံးဖြစ်ပြီးတော့ အပြာရောင်တိရိစ္ဆာန်မျိုးစိတ်ဆိုရင်လည်း လက်ချိုးရေလို့ရတဲ့အထိ ရှားပါးတယ်။
သဘာဝထဲက သတ္တဝါလေးတွေထဲမှာ အပြာရောင်ဘာလို့ရှားလဲ။ သက်ရှိတွေရဲ့ ခန္ဓာကိုယ်မှာ အရောင်ထွက်လာတာက Pigments ဆိုတဲ့ ရောင်ခြယ်ဆဲလ်တွေကြောင့်ပါ။ ရောင်ခြယ်ဆဲလ်တွေက ပတ်ဝန်းကျင်ကလာတဲ့ အလင်းလှိုင်းတွေကို စုပ်ယူပြီးတော့ အရောင်အမျိုးမျိုး အလင်းပြန်ပေးနိုင်တယ်။ ဒီလို ပတ်ဝန်းကျင်ကလာတဲ့ အလင်းလှိုင်းတွေထဲမှာ အပြာရောင်အလင်းလှိုင်းက တခြားအရောင်တွေထက်စာရင် ပိုတိုပြီး စုပ်ယူရတဲ့အခါမှာ စွမ်းအင်ပိုသုံးရတယ်။ အပြာရောင်ထွက်လာဖို့က အပြာရောင်အလင်းလှိုင်းပဲမဟုတ်ဘူး။ သဘာဝဒြပ်ပေါင်းတွေလည်း အများကြီးလိုအပ်ပါသေးတယ်။ အဲဒီဒြပ်ပေါင်းတွေကလည်း အလွယ်တကူမရှိဘူး။ ဒါကြောင့် အပြာရောင်ရှိတဲ့ အကောင်လေးတွေရှားတာပါ။
တစ်ခုရှိပါတယ်။ ရှားရှားပါးပါးအပြာရောင်အကောင်လေးတွေထဲက တချို့အကောင်လေးတွေကလည်း တကယ့်အပြာရောင်မဟုတ်ပြန်ပါဘူး။ Structural Coloration ခေါ် အရောင်ဖွဲ့စည်းမှုကြောင့် လူတွေရဲ့မျက်လုံးမှာ အပြာရောင်အဖြစ်မြင်နေရတာပါ။ ဥပမာ Blue Morpho ဆိုတဲ့ အပြာရောင်လိပ်ပြာလေးတွေနဲ့ ဥဒေါင်းငှက်ရဲ့ အပြာရောင်အတောင်တွေပါပဲ။ သူတို့ရဲ့ အတောင်ပံလေးတွေ ငှက်တောင်လေးတွေကို အနီးကပ်ကြည့်မယ်ဆိုရင် တခြားအရောင်တွေရဲ့ အလင်းလှိုင်းတွေကိုလည်း တွေ့ရမှာဖြစ်ပြီး အရောင်အားလုံးဖွဲ့စည်းလိုက်တော့မှ အပြာရောင်ထွက်လာတာဖြစ်ပါတယ်။
တကယ်အပြာရောင်လား အရောင်ဖွဲ့စည်းမှုလားဆိုတာကို ဘယ်လိုခွဲလဲ။ အပြာရောင်မရှိဘဲ အရောင်ဖွဲ့စည်းမှုအရ အပြာရောင်ဖြစ်နေတယ်ဆိုရင် ကြည့်တဲ့ရှုထောင့်ပေါ်မူတည်ပြီး အပြာအနုအရင့်တွေ ကွဲပြားကုန်တယ်။ တကယ်အပြာရောင်ရှိတဲ့ သတ္တဝါလေးတွေနဲ့ အပင်လေးတွေဆိုရင် ကြည့်တဲ့ရှုထောင့်ကို ဘယ်လောက်ပဲပြောင်းပြောင်း အနုအရင့်မပြောင်းလဲသွားပါဘူး။
Ceylon Blue Glassy Tiger လိပ်ပြာ၊ Blue Poison Dart ဖားနဲ့ Mandarin ငါးတွေကတော့ တကယ်အပြာရောင်ရှိတဲ့ ရှားပါးအကောင်လေးတွေပဲဖြစ်ပါတယ်။

#ဗဟုသုတ

ဗြိတိသျှတိုက်ခဲ့တဲ့ စစ်ပွဲတွေထဲမှာ အမြန်ဆုံး။ ကမ္ဘာမှာဖြစ်ဖူးသမျှ စစ်ပွဲတွေထဲမှာလည်း အမြန်ဆုံး။စစ်ပွဲကြာချိန်က ၄၅ မိနစ်ပ...
24/11/2024

ဗြိတိသျှတိုက်ခဲ့တဲ့ စစ်ပွဲတွေထဲမှာ အမြန်ဆုံး။ ကမ္ဘာမှာဖြစ်ဖူးသမျှ စစ်ပွဲတွေထဲမှာလည်း အမြန်ဆုံး။
စစ်ပွဲကြာချိန်က ၄၅ မိနစ်ပဲကြာတယ်။ ဖြစ်တဲ့ နှစ်ဖက်က ဗြိတိသျှစစ်တပ်နဲ့ Zanzibar Sultan တော်ဝင်တပ်မတော်ကြား ဖြစ်ခဲ့တဲ့ စစ်ပွဲဖြစ်တယ်။ ၁၈၇၆ ခုနှစ် August ၂၇ ရက်နေ့မှာ ဖြစ်ပွားခဲ့ပြီး Anglo-Zanzibar War လို့ နာမည်ပေးထားတယ်။ ဖြစ်ရတဲ့ အကြောင်းရင်းကတော့ နန်းတက်လာတဲ့ Zanzibar Sultan အသစ်က ဗြိတိသျှရဲ့ အမိန့်ကို မနာခံဘဲ အာဏာဖီဆန်ခဲ့လို့ ဖြစ်ခဲ့တာပါ။
မနက် ၉ နာရီ ၂ မိနစ်မှာ စစ်ဖြစ်ခဲ့ပြီး ဆယ်နာရီမထိုးခင်မှာ စစ်ပွဲပြီးဆုံးသွားခဲ့တယ်။ စစ်သင်္ဘော ၂ စီး၊ Gunboat ၃ စီး၊ ရေတပ်သား ၁၅၀၊ ကြည်းတပ်သား ၁၀၅၀ အင်အားနဲ့ ဝင်တိုက်ခဲ့တဲ့ ဗြိတိသျှက အနိုင်ရခဲ့တယ်။ စစ်ပွဲကြီးအပြီးမှာ Zanzibar Sultan တော်ဝင်တပ်သား ၅၀၀ ဝန်းကျင် ကျဆုံးခဲ့ပေမဲ့ ဗြိတိသျှဘက်ကတော့ ရေတပ်သားတစ်ဦးသာ ဒဏ်ရာရခဲ့တာပါ။ စစ်နိုင်တဲ့ ဗြိတိသျှက သူတို့စိတ်ကြိုက် Sultan ဘုရင်အသစ်ကို နန်းပြန်တင်ခဲ့တယ်။ Zanzibar ဆိုတာကတော့ အခုချိန်မှာ Tanzania နိုင်ငံရဲ့ တစ်စိတ်တစ်ပိုင်းဖြစ်ပါတယ်။
၄၅ မိနစ်ပဲ ကြာခဲ့တဲ့ ဒီ Anglo-Zanzibar War ကတော့ ကမ္ဘာ့အတိုဆုံးစစ်ပွဲဖြစ်ပါတယ်။

#ဗဟုသုတ

လိမ်တယ်ညာတယ်ဆိုတာ မကောင်းဘူးဆိုတာ လူတိုင်းသိပါတယ်။ အင်္ဂလန်နိုင်ငံ Cumbria ပြည်နယ် Santon Bridge ကျေးလက်ရွာမှာတော့ အလိမ်...
22/11/2024

လိမ်တယ်ညာတယ်ဆိုတာ မကောင်းဘူးဆိုတာ လူတိုင်းသိပါတယ်။ အင်္ဂလန်နိုင်ငံ Cumbria ပြည်နယ် Santon Bridge ကျေးလက်ရွာမှာတော့ အလိမ်ပြိင်ပွဲတစ်ခုကို နှစ်စဉ်ကျင်းပပါတယ်။ World's Biggest Liar Championship လို့ ခေါ်ပြီးတော့ ကမ္ဘာအနှံ့အပြားက အလိမ်တော်တဲ့သူတိုင်း ဝင်ပြိုင်ခွင့်ရှိပါတယ်။ လူတိုင်းလို့ပြောပေမဲ့ ရှေ့နေတွေနဲ့ နိုင်ငံရေးသမားတွေကိုတော့ ပြိုင်ခွင့်ပိတ်ထားပါတယ်။ ဘာဖြစ်လို့လဲဆိုတော့ သူတို့အလုပ်မှာ နေ့တိုင်းလိမ်နေရတာမို့ သူတို့လိမ်တာကို ဘယ်သူမှလိုက်မမီဘူးလို့ ယူဆထားတယ်လို့ သိရပါတယ်။
ပြိုင်ပွဲဝင်တွေက ၅ မိနစ်အချိန်ရမှာဖြစ်ပြီး အဲဒီ ၅ မိနစ်အတွင်းမှာ စိတ်ကူးယဉ်အကြောင်းအရာတစ်ခုကို တကယ်ဖြစ်တဲ့ အကြောင်းအရာတစ်ခုလို ပရိသတ်ယုံအောင် ပြောပြပေးရမယ်။ ပရိသတ်တွေယုံကြည်သွားတဲ့ လိမ်ညာသူက အနိုင်ရမှာပဲဖြစ်ပါတယ်။
ဒီပြိုင်ပွဲရဲ့ အစကတော့ ၁၉ ရာစုတုန်းကဖြစ်ပါတယ်။ ပုံပြင်တွေ ယုံတမ်းတွေကို စီကာပတ်ကုံးပြောပြတတ်တဲ့ Will Ritson ဆိုသူကို ဂုဏ်ပြုတဲ့အနေနဲ့ ကျင်းပခဲ့ကြတာဖြစ်ပါတယ်။ Will Ritson က မဖြစ်နိုင်တဲ့ အကြောင်းအရာတစ်ခုကို လူတွေယုံအောင် ချဲ့ကားပြောတတ်လွန်းတာမို့ အတော်ဆုံးလူလိမ်လို့ နာမည်ကြီးခဲ့တယ်။ သူ့ကို အစွဲပြုပြီး ကျင်းပတယ်ဆိုပေမဲ့ အမှန်တကယ်တော့ နှုတ်နဲ့ လက်ဆင့်ကမ်းပြောပြရတဲ့ ပုံပြင်တွေကို မပျောက်ပျက်အောင် ထိန်းသိမ်းကြတဲ့ ရိုးရာဓလေ့ပွဲတစ်ခုပဲဖြစ်ပါတယ်။
ဒီပြိုင်ပွဲကို ကျင်းပတဲ့ရက်ကို ပုံသေသတ်မှတ်ထားတာမရှိပါဘူး။ အများအားဖြင့် ဒီဇင်ဘာ ပထမအပတ်မှာ ကျင်းပပါတယ်။

#ဗဟုသုတ

တရုတ်က တုပဖန်တီးတဲ့နေရာမှာ ဆရာကျတယ်ဆိုတာတော့ သိကြမယ်ထင်တယ်။ ဘယ်လောက်ထိတုပကြလဲဆိုရင် ကမ္ဘာကျော်အချစ်မြို့တော်ဖြစ်တဲ့ ပဲရစ...
05/11/2024

တရုတ်က တုပဖန်တီးတဲ့နေရာမှာ ဆရာကျတယ်ဆိုတာတော့ သိကြမယ်ထင်တယ်။ ဘယ်လောက်ထိတုပကြလဲဆိုရင် ကမ္ဘာကျော်အချစ်မြို့တော်ဖြစ်တဲ့ ပဲရစ်မြို့ကိုပါ၂၀၀၇ ခုနှစ်မှာ တုပဖန်တီးခဲ့တယ်။ ဒီမြို့အတုမှာ ပဲရစ်မြို့ရဲ့ အထင်ကရနေရာအားလုံး ထည့်သွင်းဆောက်လုပ်ထားတယ်။ မြို့လယ်ခေါင်မှာလည်း ပေ ၅၉၀ ကျော် (108 Meters) မြင့်တဲ့ အီဖယ်တာဝါ (Eiffel Tower) နဲ့ တခြားနာမည်ကြီးနေရာတွေဖြစ်တဲ့ Champs-Elysées ရင်ပြင်၊ Luxembourg ဥယျာဉ်တွေ၊ Arc de Triomphe တွေပါ ပဲရစ်မြို့အတုမှာရှိပါတယ်။ အဆောက်အအုံတွေကိုလည်း ဥရောပဗိသုကာလက်ရာအတိုင်း ဆောက်ထားတယ်။

Made in China ပဲရစ်မြို့အတုကိုတော့ ၂၀၀၇ ခုနှစ်မှာ တရုတ်အစိုးရက အိမ်ခြံမြေစီမံကိန်းတစ်ခုအနေနဲ့ စတင်ဆောက်လုပ်ခဲ့တယ်။ ဆောက်လုပ်ပြီးသွားချိန်မှာတော့ မြို့နာမည်က Tianducheng၊ မြို့လူဦးရေက ၁၀၀၀၀ ကျော်နေထိုင်နိုင်တယ်ဆိုပြီး ချပြမိတ်ဆက်ပေးခဲ့တယ်။ ဒါပေမဲ့ ၇ နှစ်နီးပါးကြာပြီး ၂၀၁၄ ခုနှစ်ရောက်တဲ့အထိ မြို့လူဦးရေက ၂၀၀၀ ကျော်လောက်ပဲ ရှိခဲ့တယ်။

အခုနောက်ပိုင်းမှာတော့ Social Media ရဲ့ အစွမ်းအစတွေနဲ့ ပဲရစ်မြို့အတုက နာမည်ကြီးလာခဲ့တယ်။ တစ်ချိန်က လူမနေတဲ့ တစ္ဆေမြို့ (Ghost City) လို့ တင်စားခဲ့ပေမဲ့လည်း တရုတ်နိုင်ငံရဲ့ အဆမတန်လူဦးရေတိုးပွားမှုကြောင့် မြို့မှာ လူဦးရေပိုများလတယ်လို့ သိရပါတယ်။

#ဗဟုသုတ

ရှေးပုံပြင်တွေ ဇာတ်တော်တွေထဲမှာ မင်းညီမင်းသားတွေ အရွယ်ရောက်တာနဲ့ တက္ကသီလာကို သွားရောက်ပြီး ပညာသင်ကြားကြတယ်ဆိုတာ ကြားဖူးက...
04/11/2024

ရှေးပုံပြင်တွေ ဇာတ်တော်တွေထဲမှာ မင်းညီမင်းသားတွေ အရွယ်ရောက်တာနဲ့ တက္ကသီလာကို သွားရောက်ပြီး ပညာသင်ကြားကြတယ်ဆိုတာ ကြားဖူးကြမှာပါ။ တကယ်တော့ တက္ကသီလာဆိုတာက နာမည်တစ်ခုဖြစ်ပြီး တက္ကသီလာ တက္ကသိုလ်ဖြစ်ပါတယ်။ တက္ကသိုလ်ဆိုတာကတော့ ခရစ်တော်မပေါ်ခင် နှစ်ပေါင်း ၈၀၀ ကတည်းက ရှိခဲ့တဲ့ ရှေးဟောင်းမြို့တစ်မြို့ဖြစ်ပါတယ်။

အခု အန္ဒိယလို့ခေါ်နေတဲ့ ဂန္ဓာရတိုင်းပြည်ရဲ့ မြို့တော်ဆိုလည်း ဟုတ်ပါတယ်။ အဲဒီမြို့မှာရှိတဲ့ တက္ကသီလာကျောင်းကတော့ ရှေးအကျဆုံးတက္ကသိုလ်ကျောင်းတော်ဖြစ်ပြီး ကမ္ဘာအနှံ့ကကျောင်းသူကျောင်းသားတွေ ပညာလာရောက်ဆည်းပူးခဲ့တဲ့ နေရာဖြစ်ခဲ့တယ်။ မှတ်တမ်းတွေအရဆိုရင် ဘေဘီလုံ၊ ဂရိ၊ ဆီရီးယားနဲ့ တရုတ်နိုင်ငံကပါ ကျောင်းသားတွေလာတက်ခဲ့ကြတယ်လို့ ဆိုတယ်။ ဗုဒ္ဓရဲ့ ဆေးဆရာ ဇီဝက (Jivaka)၊ အသောကမင်းကြီးရဲ့ လက်ရုံး ပညာရှိကောတိလ (Kautilya)၊ ပသေနဒိကောသလမင်း (Prasenajit) တို့ကလည်း တက္ကသီလာကျောင်းထွက်တွေဖြစ်တယ်ဆိုတဲ့ မှတ်တမ်းတွေတွေ့ရပါတယ်။

တက္ကသီလာတက္ကသိုလ်မှာ အဋ္ဌာရဿ (၁၈) ပါးအပါအဝင် ဘာသာရပ်ပေါင်း (၆၀) ကျော်သင်ကြားပေးခဲ့တယ်။ နှစ်ပေါင်းတစ်ထောင်နီးပါး ခမ်းခမ်းနားနားထည်ထည်ဝါဝါရပ်တည်ခဲ့တဲ့ ဒီကျောင်းတော်ကြီးမှာ ဟန်လူမျိုးတို့ရဲ့ ကျူးကျော်မှုကြောင့် အပြီးတိုင်း ပျက်စီးပျောက်ကွယ်သွားခဲ့ရတာပါ။

၁၉ ရာစုအလယ်ပိုင်းမှာ ရှေးဟောင်းသုတေသနပညာရှင် အလက်ဇန္ဒားကာနင်ဟမ် (Alexander Cunningham) ဦးဆောင်တဲ့ အဖွဲ့က တက္ကသီလာကျောင်းတော်ကြီးရဲ့ အပျက်အစီးအပိုင်းအစတွေကို တူးဖော်တွေ့ရှိခဲ့တယ်။ ၁၉၈၀ ခုနှစ်မှာတော့ ယူနက်စကို (Unesco) အဖွဲ့က တက္ကသီလာကျောင်းတော်ကြီးကို ကမ္ဘာ့အမွေအနှစ်စာရင်းဝင် (World Heritage Site) အဖြစ် သတ်မှတ်ပြီး ထိန်းသိမ်းစောင့်ရှောက်ခဲ့ပါတယ်။

အခု တက္ကသီလာရဲ့ တည်နေရာကတော့ ပါကစ္စတန်နိုင်ငံ ပန်ဂျပ်ပြည်နယ် (Punjab) ရဲ့ Pothohar နယ်မှာ ရှိပါတယ်။
#ဗဟုသုတ #တက္ကသိုလ်

စားပွဲဝိုင်းပေါင်း ၉၀၀ ရှိတယ်။ လူပေါင်း ၉၈၀၀ ကျော်ကို တစ်ပြိုင်နက်တည်း ဝန်ဆောင်မှုပေးနိုင်တယ်။ ဆိုင်ရဲ့ ကားပါကင်ကနေ စားပ...
03/11/2024

စားပွဲဝိုင်းပေါင်း ၉၀၀ ရှိတယ်။ လူပေါင်း ၉၈၀၀ ကျော်ကို တစ်ပြိုင်နက်တည်း ဝန်ဆောင်မှုပေးနိုင်တယ်။ ဆိုင်ရဲ့ ကားပါကင်ကနေ စားပွဲနံပါတ် ၈၈၈ ကိုရောက်ဖို့ဆိုရင် မိနစ် ၃၀ လောက်ကြာတယ်။ ဒီလောက်ကျယ်ပြီး ဒီလောက် စားပွဲဝိုင်းများတာတောင်မှ ကြိုတင် Booking မလုပ်ထားရင် နေရာရဖို့မသေချာပါဘူး။ နာမည်ကြီးဆိုင်ဖြစ်တော့ ဆိုင်ဖွင့်ချိန်ကနေ ပိတ်ချိန်အထိ လူမပြတ်ပါဘူး။ ဆိုင်မှာ လူပြည့်နေချိန်ဆိုရင် မြို့လေး တစ်မြို့နဲ့တောင် တူနေတယ်လို့ဆိုတယ်။

အဲဒီဆိုင်ကတော့ P**a Yuan လို့ခေါ်တယ်။ Chongqing မြို့မှာရှိပြီး မြို့ရဲ့ အမှတ်သင်္ကေတဟော့ပေါ့ဆိုင်လို့တောင် သတ်မှတ်ခံထားရတယ်။ ဆိုင်အကျယ်အဝန်းက စတုရန်းမီတာ ၃၃၀၀ (0.8 ဧက) ကျယ်တာမို့ ကမ္ဘာ့အကြီးဆုံး ဟော့ပေါ့ဆိုင်အဖြစ် ဂင်းနစ်စံချိန်တင်ထားတယ်။ တောင်ခါးပန်းမှာ ဆောက်ထားပြီး ဆိုင်ဧရိယာက တောင်ခြေကနေ တောင်ထိပ်နားအထိရှိတာကို မြင်ရမှာပါ။ စားပွဲထိုးရာချီခန့်ထားပြီး ငွေရှင်းကောင်တာဝန်ထမ်းကလည်း ၂၅ ယောက်ကျော်ရှိပါတယ်။ မီးဖိုခန်းဝန်ထမ်းတွေဆိုရင်လည်း အတိအကျမသိရပေမဲ့ ဧည့်သည်ပေါင်း ၉၈၀၀ ကျော်ကို ဝန်ဆောင်မှုပေးဖို့ လုံလောက်တဲ့ ဝန်ထမ်းအင်အားရှိပါတယ်။

P**a Yuan ဆိုင်ကြီးမှာ တောင်ပေါ်ရှုခင်းတွေကို ခံစားရင်း ဟော့ပေါ့စားလို့ရတာမို့ ခရီးသွားဧည့်သည်တွေကြားမှာ နာမည်ကြီးတယ်လို့ သိရတယ်။ ညဘက်ဆိုရင် ရောင်စုံမီးတွေ နီယွန်မီးတွေနဲ့ လင်းထိန်နေတာကြောင့် Animation ရုပ်ရှင်တစ်ခုထဲ ရောက်သွားသလို ခံစားရမှာပါ။ ဆိုင်ဖွင့်ချိန်က မနက် ၉ နာရီကနေ ည ၁၂ နာရီအထိ ဖြစ်ပြီး အချိန်မရွေး လူမပြတ်ဘူးလို့ သိရတယ်။

ဟော့ပေါ့ကြိုက်သူဆိုရင် P**a Yuan ဆိုင်ကြီးကို အရောက်သွားဖို့က အိပ်မက်တစ်ခုလို့ ပြောလို့ရမလားပဲ။
#ဗဟုသုတ

Address

Yangon

Website

Alerts

Be the first to know and let us send you an email when Aha.myanmar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category