https://www.facebook.com/478011402064570/

H O L T - B u r m a, Yangon (2026)

27/05/2026

Eco print shirt အင်္ကျီလေးတွေဆို မြတ်မြတ်နိုးနိုး ဝတ်တတ်တဲ့ အမျိုးသားတွေလည်း ရှိတတ်တယ်။

ဒီအကြောင်းကို ပြောဖို့ ချစ်ခြင်းမေတ္တာကနေ စရမယ်။ တကယ်တော့ ချစ်ခြင်းမေတ္တာအကြောင်းပြောရရင် ကမ္ဘာကြီးမှာ ပြောစရာမကုန်နိုင်သေး။

ချစ်တဲ့သူတွေပေးတဲ့ မေတ္တာများကို သိမ်းထုတ်ထားမယ်။
မျှော်လင့်ခြင်းများကို ချည်ပိတ်စလေးထဲထည့် ဖရက်ဒီရဲ့ သီချင်းကလေးကိုဖွင့်ပြီး မနက်ဖြန်များဆီ မောင်းထွက်နေရတဲ့ ကျွန်မအတွက် ချစ်ခြင်းမေတ္တာဆိုတာက ဘဝထဲ အရေးပါလှတယ်။

ကျွန်မလိုပဲ ချစ်မြတ်နိုးတတ်တဲ့ အစ်မတစ်ဦးဆီက စာလေးတစ်စောင်နဲ့အတူ သူချစ်ရတဲ့ ချစ်သူဆီ ကျွန်မအိမ်ရှေ့မှာ တဖြည်းဖြည်းကြီးလာတဲ့ ကနခိုရွက်လေးတွေပါတဲ့ ရှပ်အင်္ကျီလေးကို စိတ်မှန်းနဲ့ပဲ ချုပ်ပြီး ပို့ပေးလိုက်တယ်။ ခေါင်းအုံး အဖုံးလေးရောပေါ့။

သဘောကျလှတယ်..ဝတ်ရတာ သက်တောင့်သက်သာ ရှိတယ်…ဖန်တီးသူနဲ့ထပ်တူ တန်ဖိုးထားရတယ်..ဆိုတဲ့ ပြန်စာတွေဖတ်ရတော့ သဲထဲကကျောက်စရစ်ခဲလေးတွေ ပြာထုတ်ယူသလို ကဗျာဆရာနေမျိုးရေးဟန်နဲ့ ကဗျာလေးတစ်ပုဒ် ချရေးထားမိတယ်။

Eco print ဆိုတာကို ချစ်လွန်းလို့ ရွေးချယ်ထားတာဖြစ်လို့ အချိန်တစ်ခုရောက်တဲ့အခါ လျှောက်ခဲ့ဖူးတဲ့ ဒီအချိန်လေးတွေဟာ ကတ်ဆတ်ခွေတစ်ခုရဲ့တိတ်ကြိုးလေးတွေထဲက တနေရာသော လှပတဲ့ အပိုင်းလေးတစ်ပိုင်းအဖြစ် ရှိနေတော့မှာပါပဲ။ 💛

25/05/2026

ငုဝါရွက်တွေက print လုပ်ရင် သိပ်လှတယ်။ အရွက်ရင့်သွားတဲ့တိုင်အောင် သူပေးတဲ့အရောင်လေးက လှနေတတ်တုန်း။

Print ပြီးတဲ့အခါ အရွက်အောက်ခြေမှာ ပေါ်လာတတ်တဲ့ အဝိုင်းလေးတွေကို “botanical eye” လို့ ကျွန်မက ခေါ်တယ်။ Texture effect အနေနဲ့ လှလို့ တချို့ပုဝါလေးတွေမှာဆို ဒီအတိုင်းပဲ ပေါ်နေအောင် အပြည့်ထည့်ထားတတ်တယ်။

အရွက်လေးထဲမှာ yellow flavonoids ပါလို့ print တဲ့အခါ natural warm brown color လေး ရတတ်ပြီး၊ သံချေးနဲ့တွေ့တဲ့အခါ dark brown လေး ပေးတာက သူ့ရဲ့ signature ပဲ။

ကျွန်မနေထိုင်တဲ့အရပ်မှာ ငုဝါပင်တွေ ပေါလှပေမယ့် ခူးဖို့ကတော့ ခက်လှတယ်။ ခြံဝန်းခတ်ပြီး အလှစိုက်ထားကြတော့ ကြွေကျလာတဲ့ ငုဝါပန်းလေးတွေကို စက်ဘီးစီးရင်း အသွားအပြန် ငေးကြည့်နေရုံနဲ့ပဲ ကျေနပ်ရတာများတယ်။

တချို့နေရာတွေမှာတော့ ခူးခွင့်ရတဲ့အခါ ပေါပေါများများ သုံးခွင့်ရတာပေါ့။

တလောကတော့ ခြံရှင်းရင်း ငုဝါကိုင်းတွေကို ခုတ်ပစ်ကြတော့ နှမြောတသနဲ့ ခွင့်တောင်းပြီး ရသလောက် ခူးခဲ့တယ်။ ဒီလိုနဲ့ပဲ ပုဝါထောင့်ချိုးလေးတွေမှာ အပြည့်တင်နိုင်ခဲ့တဲ့ ပုဝါလေးတစ်ထည် ဖြစ်လာခဲ့တာပါပဲ။ 💛

23/05/2026

[ နှလုံးအိမ်ထဲမှာ သိမ်းထားတဲ့ အကြောင်း ] 💛

အဲ့ဒီနေ့က ပျော်တယ်။ တစ်ရက်တည်းတောင် ပျော်တာလားလို့ အဖေနဲ့ အမေက မေးတော့ ကျွန်မက သိပ်ပျော်ကြောင်းပဲ ထပ်ခါထပ်ခါဖြေပါတယ်။

ရောင်းရခြင်း မရောင်းရခြင်းတွေထက် eco print ဆိုတာကို တစ်ဦးသိလည်း တစ်ဦးအလျှောက်၊ မသိတဲ့သူဆိုရင်လည်း သိသွားရအောင် လက်တွဲခေါ်ချင်တဲ့သူဖြစ်လို့ မေးလို သိလိုသမျှ အရာအားလုံးကိုလည်း မချွင်းမချန်ဖြေပေးချင်လို့ pop up လေးကို join ခဲ့တာဖြစ်ပါတယ်။

Eco print ဖန်တီးကြတဲ့ အန်တီများနဲ့ ဆုံရတာရယ်၊ စိတ်ဝင်တစား လာမေး လာဝယ်ကြတဲ့ အစ်မများရယ်၊ မလာနိုင်တာတောင် video call ခေါ်ပြီး အားပေးကြတဲ့ ညီမလေးများရယ်၊ HOLT ရဲ့ ရှပ်အင်္ကျီလေး ဝတ်ထားတဲ့ ဆိုင်ရှင် အစ်ကိုနဲ့ သဘောကောင်းလှတဲ့ အစ်မရယ်၊ တစ်ထောင့်တစ်နေရာက ပညာ မျှဝေပေးတဲ့ တီချယ်ရယ်။

ကျွန်မရှင်သန်နေထိုင်တဲ့ အဝန်းဝိုင်းလေးက ကျဉ်းလှပေမယ့် အဲ့ဒီနေ့က တကယ်အသက်ရှုချောင်လှပါတယ်။ တချို့အစ်မတွေက တကူးတကလာတယ်။ ညီမလေးကို ချစ်လို့တဲ့။

ဆရာလှသန်း ကဗျာထဲကလို ကမ္ဘာ့ရွာကြီးထဲမှာ တစ်နေ့တခြား တံငါတွေ များများလာ၊ မုဆိုးတွေ များများလာ၊ အဲံဒီကြားထဲမှာ ချစ်ခြင်းမေတ္တာတွေကြောင့်ပဲ တံငါနားနီး တံငါ၊ မုဆိုးနားနီး မုဆိုး မဖြစ်ခဲ့တာကိုပဲ ဂုဏ်ယူခဲ့မိပါတယ်။ 💛

20/05/2026

ဒါ အမေရီးကားကို ပို့တဲ့ ဂါဝန်လေးလားဆိုပြီး ကြည်နူးနေတော့တာက ဘယ်သူဖြစ်နိုင်မလဲ။ တနေ့က ပုံလေးတွေကို မြင်တော့ အဘွားဒေါ်ပြုံးရီဆီ သွားပြတယ်။ အဘွားက သူထိုးပေးတဲ့ ပုဇဉ်းခေါင်း ကြယ်သီးတံလေးတွေကို မြင်တာနဲ့ တန်းသိတာပဲ။

အဘွားပျော်တော့ ကျွန်မလည်း ပျော်တယ်။ ကျွန်းထည်လေးတွေကို မြတ်နိုးစွာ ဝတ်ဆင်ပေးတတ်တဲ့ အစ်မလည်း ပျော်နေမှာ အသေချာ။

ပုဇဉ်းခေါင်းအငှါးလာထိုးခိုင်းတဲ့ သူတွေ အဘွားအိမ်လာလို့ ကျွန်မနဲ့ဆုံရင် စက်မဟုတ်ပဲ လက်နဲ့လုပ်ကိုင်ရတဲ့ ပညာတစ်ခုရဲ့ တန်ဖိုးအကြောင်း တညောင်းနားထောင်ရပြီပဲ မှတ်ပေါ့လေ။

ဒီလိုဆို အဘွားဆီ စျေးလည်း မနှိမ်ရဲ။ ကြာတယ်ဆိုပြီးလည်း မလောရဲ။ အဘွားရဲ့ လောကဓံဇာတ်ကြောင်းတွေကြောင့် ကျွန်မအားပေးလိုက်တဲ့ eco print ပုဇဉ်းကြယ်တံလေးဟာ အဓိပ္ပါယ်ပြည့်နေတတ်ပါတယ်။

အစ်မရဲ့ ပြုံးနေတဲ့ ပုံလေးတွေကို သတိထားကြည့်မိပြီး ကျွန်မကို ကျွန်မလည်း ကြည့်မိတယ်။ အဘွားလုပ်ပေးထားတဲ့ ပုဇဉ်းခေါင်းကြယ်တံ ဝတ်စုံနဲ့ ကျွန်မပါ ပြုံးမိတယ်ဆိုတာ ဝန်ခံရပါဦးမယ်။ 💛

ရူးသွပ်မှုကို ရောင်းချသော

18/05/2026

ကနခိုရွက်ကလေးတွေဆို မန္တလေးကနေ မှာရတယ်။ မိုင်များစွာကျော်လွန်ပြီးမှ ကိုယ့်လက်ထဲရောက်လာရတော့ တန်ဖိုးထားလိုက်ရတာ အမောပေါ့။

အလုပ်များတဲ့ကြားက မန္တလေးမှချစ်ရတဲ့မိတ်ဆွေသူငယ်ချင်းများက တကူးတကလိုက်ရှာခူးပေးကြပါတယ်။ အခု သူတို့များဆို ဆိုင်ကယ်စီးရင်တောင် လမ်းဘေးတလျှောက်ကြည့်တတ်တဲ့ အကျင့်လေးတွေတောင် ရနေပြီတဲ့။

ခူးပေးတဲ့ သူတွေကို အားနာလာရတော့ နောက်တခါခူးရင်လေ အပင်ပေါက်လေးတွေ နည်းနည်းလောက် ထည့်ပေးလိုက်ဖို့မှာတဲ့အခါ လက်တစ်ထွာလောက်ရှိတဲ့ အပင်ပေါက်လေးတွေကို ရလာတယ်။

ဒီလိုနဲ့ပဲ အိမ်မှာပေါက်လာတဲ့ ကနခိုအပင်လေးတွေကနေ ကနခိုပုဝါလေးတွေ ဖြစ်လာရတယ်။

တကယ့်တကယ့်တော့ သဘာဝကို ချစ်လို့ဖန်တီးတဲ့သူတွေထက် ပံ့ပိုးပေးတဲ့ သူတွေက ပိုချစ်တတ်ကြောင်း တဖြည်းဖြည်းသိလာရတယ်။ ခူးပေးတဲ့ သူတွေဆို အညွန့်လေးတွေဆို ချန်ထားတတ်တာတွေကစလို့ လက်နဲ့ အရွက်ကို မဆိတ်တတ်တာလေးတွေအဆုံးပေါ့။

ဒီလိုဆို ပိတ်စလေးတွေ ပုဝါလေးတွေ လာလာဝယ်ကြတဲ့ သူများဆိုရင်ရော။ သဘာဝထည်ဆိုတာကို တန်ဖိုးထားတတ်လို့ မြတ်နိုးတတ်လို့ ပြည်တွင်းဖြစ်လက်မှုပစ္စည်းလေးတွေကို ချစ်တတ်တဲ့ စိတ်များရှိလို့လို့ မြတ်လေးက တွေးထားရတာပေါ့။ eco print ထည်လေးတွေကို နည်းနည်းချစ်ချစ် များများပဲချစ်ချစ် ချစ်တာဟာ ချစ်တာပဲမဟုတ်လား။ 💛

17/05/2026

လွန်ခဲ့တဲ့ ၈နှစ်တုန်းက သူငယ်ချင်းတွေနဲ့ အတူတူ ခရီးထွက်ခဲ့ဖူးတဲ့ ရှမ်းပြည်ကို နှစ်များစွာ ကြာမှ ပြန်ရောက်တယ်။

မြန်မာပြည် မြေလတ်မှာနေပြီး ရှမ်းတောင်တန်းနဲ့ ရှမ်းပြည်ကို သဘောကျတဲ့၊ တောင်ပေါ်သားတစ်ယောက်နဲ့ မထင်မှတ်ရာက ခင်မင်ရင်းနှီးပြီး စာအကြောင်း ကဗျာအကြောင်းတွေ ဆွေးနွေးရင်းနှီးခဲ့တဲ့ ပန်းကြာဝတ်မှုံစာအုပ်လေးထဲက သီရိမေကို ခရီးသွားနေစဉ် သတိရမိတယ်။

သီရိမေလို သူငယ်ချင်းလေးမျိုး ကျွန်မမှာလည်း ရှိခဲ့ဖူးတယ်။ အထူးသဖြင့် မြို့ပြမှာ ကြီးပျင်းခဲ့ပြီး အခြေချနေနေကြရတဲ့ ကျွန်မတို့ ရှမ်းပြည်တခွင်ကို ရောက်ခဲ့တုန်းက ဒီလိုဒေသလေးတွေဆို ပိုပြီးနေချင်ကြ တမ်းတတတ်ခဲ့ကြတယ်။

ဒီနှစ်ပိုင်းများထဲတော့ ချစ်ခင်ရတဲ့ သူငယ်ချင်းတွေကို ဘယ်ခရီးသွားသွား ပါအောင်ခေါ်မသွားနိုင်ခဲ့သော်လည်း သူတို့ကြိုက်လှတဲ့ သဘာဝထည်လေးတွေကို ပါအောင်ခေါ်သွားနိုင်ခဲ့တာ ကျွန်မဘဝအတွက်တော့ အမှတ်တရများပါပဲ။ 💛

16/05/2026

မိုး ရိပ် မိုး ဦး တွေ ကျူး ပြီ ဆို ရင်
ပန်း နီ နီ တွေ ပွင့် ပြီ ဆို ရင်
ခြွင်း ချက် မ ရှိ အ ယူ သည်း နေ တတ် တုန်း ပါ ပဲ။

- သန်းတင့် ( ခင်ဖုန်းသက်ဝေ ဂယ်လာရီမှ )

14/05/2026

အင်မတန် အကြွေရဲတဲ့ ငုပင်တွေအပေါ်
သူ့အသက်ရှူငွေ့ကလေး
သွားတင်ထားမိတဲ့ မေလပေါ့။

မေလရာသီ ဟန်ဆောင်နေတဲ့ မေလကိုသာ
တွေ့ရတဲ့ မေလပေါ့။

မေလရာ
ခါချလိုက်ပါ ဆိုရင်တောင်
အကြိမ် ၂ သိန်း ၄ သောင်းခါမှ
တကြိမ်သာ သူ့ဒုက္ခဖြူဆူးများ ကွာကျနိုင်မယ့်
မေလပေါ့။

- မောင်ချောနွယ်
( သစ္စာပန်းများနဲ့မေလ ကဗျာမှ )

12/05/2026

ဒီအင်္ကျီလေးကို အောက်ခံချည်သား ခဲရောင်ပေါ်မှာ printing လုပ်ထားတယ်ပဲ သိကြပါတယ်။ မြတ်လေးက ၅ဦးမေးရင် ၅ဦးလုံးက ဒီလိုပဲ ဖြေပါတယ်။

တကယ်တော့ ဗာဒံရွက်နဲ့ ဆိုးထားတဲ့ Natural dye အင်္ကျီလေးပါ။ အစကတော့ ပြုတ်ရည်နဲ့ ဆိုးထားတဲ့ အဝါရောင်ပုဝါလေး။ နောက်တော့ အဝါရောင်မလိုချင်တော့လို့ ခဲရောင် အင်္ကျီလေးအဖြစ် ပြောင်းလဲလိုက်တာပါ။

မြတ်လေးက အဝါရောင် သိပ်ကြိုက်တတ်သူဖြစ်လို့ အိမ်နားက လက်ဖက်ရည်ဆိုင်တွေမှာ ဗာဒံပင်တွေ ခုတ်တာကြားရရင် အရွက်တွေ ပြေးပြေးသယ်ရတယ်။ သူတို့တတွေကတော့ တအံ့တဩနဲ့။ တန်ဖိုးသိပ်ရှိကြောင်း ပုံလေးပြပြီး ရှင်းပြတဲ့အခါ ဆိုင်ရှင် အစ်မကအစ တလေးတစား လက်ခံနားထောင် အားပေးပါတယ်။

Natural dye ဆိုတာဟာ အပင်၊ အရွက်၊ ပန်း ၊ သစ်ခေါက်၊ အမြစ်တွေကနေ ထုတ်ယူရတဲ့ သဘာဝဆေးဆိုး ဆိုတဲ့ ဓာတုအစားထိုးရတဲ့ ဖြစ်စဉ်လေးပဲဖြစ်ပါတယ်။

Eco friendly ဖြစ်ဖို့ ခွန်အားရှိသလောက် စွမ်းဆောင်နေရတဲ့ မြတ်လေးဆီမှာ သဘာဝနဲ့ မကိုက်ညီသော အရာများ၊ အရောင်များ မရနိုင်ပါဘူး။

လက်တည့်စမ်းပြီး လုပ်ထားတဲ့ သဘာဝဆေးဆိုးအင်္ကျီလေးများလည်း မြတ်လေးဆီ ခပ်နည်းနည်းရှိပါတယ်။ ဘာဖြစ်လို့ မရောင်းသလဲဆိုရင် ဓာတုမှုန့်နဲ့ ဆိုးထားတဲ့ အရောင်တွေလို့ ထင်မိနေလို့ပါ။

ဒီလိုကာလမှာ ငွေကခပ်ရှားရှားဖြစ်လို့ ကိုယ့်လက်ထဲ ရလာတဲ့ငွေဟာလည်း လိပ်ပြာလုံစွာနဲ့ သန့်ရှင်းစေချင်လို့ပါ။ ငွေနဲ့ ပေးဝယ်လိုက်ရတဲ့ သဘာဝမြတ်နိုးသူများကိုလည်း သဘာဝဆေးဆိုးအထည်တွေဆိုတာ ဘယ်လိုမျိုးလည်းဆိုတာကိုလည်း နားလည်စေချင်လို့ အချိန်ရတိုင်း မြတ်လေး ရှင်းပြသွားပါဦးမယ်။ 💛

10/05/2026

🌼 International Mother Day 2026

သူများထက် သာလွန်တဲ့ထူးခြားတဲ့အရာတစ်ခုခု ရှိနိုင်တယ်လို့ထင်တာ လူတွေလွဲနေတဲ့အရာပါပဲ။

တစ်အိမ်လုံးရဲ့ တာဝန်တွေကိုထမ်းနေတဲ့ အမေဟာ ထူးခြားအံ့ဖွယ်ဖြစ်တယ်။

စိတ်အဆင်မပြေမှုတွေကို တွန်းလှန်နေတဲ့ အမေဟာ ထူးခြားအံ့ဖွယ်ဖြစ်တယ်။

အနိမ့်အမြင့် အမှန်အမှားတွေကြား ရှုပ်ထွေးရင်း ရအောင် ရှင်သန်နေကြရတဲ့ အမေတွေရဲ့ ဘဝတိုင်းဟာလည်း ထူးခြားအံ့ဖွယ်ပဲ ဖြစ်ပါတယ်။

ကျွန်မအတွက်ကတော့ ဗုဒ္ဓရဲ့ ဓမ္မလမ်းစဉ်ယုံတယ်။ အမေ့ကို ယုံတယ်။ ပြီးတော့ ပန်းတွေကို ယုံတယ်။

ကမ္ဘာပေါ်မှာ ရှိကြတဲ့ မိခင်များရဲ့ ကျခဲ့တဲ့မျက်ရည်တိုင်းဟာ မြစ်တစ်စင်းဖြစ်သွားတဲ့အထိ အဲဒီမြစ်ကနေ သားသမီးတွေ ဘေးလွတ်ရာကို ရွက်လွှင့်နိုင်ခဲ့သည်အထိ အန္တရာယ်ကင်းနိုင်ပြီး ကြမ်းတမ်းတဲ့ လမ်းတွေမှာတောင် စိတ်မလျော့ပဲ ရပ်တည်နိုင်တဲ့ အားကို ရရှိနိုင်ပါစေလို့ မိခင်တွေအားလုံးကို လေးနက်စွာ မေတ္တာပို့ပေးပါတယ်။🌼

Happy Mother’s Day to all the amazing mothers.
May your heart always be filled with peace, love, and happiness. 🌼

09/05/2026

အချစ်ရေ…

အနီရောင်ဆိုတာ မင်းငြင်းဆန်နေပေမယ့် မင်းကို လာထိတွေ့တဲ့ ရိုင်းစိုင်းမှုတွေ စုပုံလာတဲ့အခါ၊ မင်းနားထဲ ပြည့်လျှံလွန်းလို့ ပေါက်ကွဲထွက်မတတ် အော်ချင်လာတဲ့အခါ၊ တရှဲရှဲ မင်းဦးခေါင်းထိပ်ထိ ထိုးတက်လာတဲ့ မီးလျှံပြင်းပြင်းတစ်ခု၊ နေဝင်ချိန်ရဲ့အရောင်တဲ့။

ချစ်ခြင်းမေတ္တာကစလို့ အရာအားလုံးပဲ စိတ်ရှည်သည်းခံစွာနဲ့ စောင့်ဆိုင်းတတ်ရင် ကျွန်မတို့လည်း အနီရောင်ပန်းခင်းကြီးတစ်ခုလုံးကို မြင်ရလက်ခံရရှိနိုင်မှာပေါ့လေ။ ❤️

H O L T - B u r m a

27/05/2026

25/05/2026

23/05/2026

20/05/2026

18/05/2026

17/05/2026

16/05/2026

14/05/2026

12/05/2026

10/05/2026

09/05/2026

Address

Website

Alerts

Shortcuts

Share

Category