07/09/2025
ကမ္ဘာကျော် Brand တွေရဲ့ Marketing ပုံပြင် (အပိုင်း ၁)
စိတ်ခံစားချက်ကို ဘယ်လို ရောင်းလဲ?💡
စီးပွားရေး လုပ်ငန်းရှင်တွေနဲ့ Brand Owner တိုင်း သိထားသင့်တဲ့ မာကတ်တင်း လျှို့ဝှက်ချက်က ကမ္ဘာ့နာမည်ကြီး Brand တွေဟာ ပစ္စည်းရောင်းတာထက် ပိုတဲ့ Marketing နည်းဗျူဟာတွေကို အသုံးပြုကြတယ် ဆိုတာပါပဲ။
ဒီနေ့မှာတော့ သူတို့ရဲ့ အောင်မြင်မှု နောက်ကွယ်က အဓိက Marketing ဗျူဟာ (၂) ခုကို Eaint Hmuu Writes ကနေ မျှဝေပေးသွားမှာပဲ ဖြစ်ပါတယ်။
၁။ Apple - "ခံစားချက်ကို ရောင်းတယ်" 🍏
Apple ရဲ့ Marketing ဟာ ရိုးရှင်းပေမယ့် ကြောက်စရာကောင်းအောင် အစွမ်းထက်ပါတယ်။ Apple ဟာ ထုတ်ကုန်ရဲ့ နည်းပညာ အသေးစိတ်ကို မပြောဘဲ Apple ထုတ်ကုန် တစ်ခုက သုံးစွဲသူတွေရဲ့ ဘဝကို ဘယ်လို ပြောင်းလဲပေးနိုင်တယ် ဆိုတာကိုသာ အဓိကထားပါတယ်။ "Think Different" ဆိုတဲ့ ဆောင်ပုဒ်နဲ့အညီ ထူးခြားတဲ့ Lifestyle တစ်ခုကို ကိုယ်စားပြုတဲ့ Brand ပုံရိပ်ကို တည်ဆောက်ခဲ့ပြီး စိတ်ခံစားချက်ကို ရောင်းချခဲ့တာ ဖြစ်ပါတယ်။
👉🏻 Apple ကပေးတဲ့ သင်ခန်းစာ: ထုတ်ကုန်ရဲ့ "အင်္ဂါရပ်" (Features) တွေကိုချည်း မပြောဘဲ၊ ဖောက်သည်တွေ ရရှိမယ့် "အကျိုးကျေးဇူး" (Benefits) နဲ့ အသုံးပြုရင်း ရရှိမယ့် စိတ်ခံစားချက်ကိုပါ ချိတ်ဆက်ပြီးတော့ Marketing ပြုလုပ်သင့်ပါတယ်။
၂။ Coca-Cola - "ပျော်ရွှင်မှုကို ဝေမျှတယ်" 🥤
Coca-Cola ဟာ သူရဲ့ အချိုရည်ကို ရောင်းတာ မဟုတ်ပါဘူး။ သူတို့ရဲ့ ကြော်ငြာတွေမှာ ကမ္ဘာတစ်ဝန်းက လူတွေ ရယ်မော ပျော်ရွှင်နေတဲ့ ပုံရိပ်တွေကို အမြဲ အသုံးပြုပြီး "ပျော်ရွှင်မှု"၊ မိသားစုနဲ့ အတူရှိနေတဲ့ ခံစားချက်နဲ့ နွေးထွေးမှုကို ရောင်းချခဲ့တာ ဖြစ်ပါတယ်။ ဒါကြောင့် Coca-Cola ဟာ ပျော်ရွှင်တဲ့ အခိုက်အတန့်တိုင်းမှာ မပါမဖြစ် Brand တစ်ခု အဖြစ် ကမ္ဘာအလည်မှာ ရပ်တည် လာနိုင်ခဲ့တာ ဖြစ်ပါတယ်။
👉🏻 Coca-Cola ကပေးတဲ့ သင်ခန်းစာ: သင့် Brand ကို အပြုသဘော ဆောင်တဲ့ စိတ်ခံစားချက်တွေနဲ့ ချိတ်ဆက်ပါ။ သင့်ကုန်ပစ္စည်းဟာ ရိုးရှင်းတဲ့ ပစ္စည်းတစ်ခုထက် ပိုပြီး ပျော်ရွှင်မှုရဲ့ အစိတ်အပိုင်း တစ်ခု အဖြစ် လူတွေ မှတ်မိလာစေပါလိမ့်မယ်။
လူကြီးမင်းတို့ရဲ့ Brand ကရော ဖောက်သည်တွေဆီ ဘယ်လို စိတ်ခံစားချက်မျိုး ပေးချင်ပါသလဲ? 'စိတ်ခံစားချက်ကို ရောင်းတဲ့ Brand' တစ်ခု ဖြစ်လာဖို့ အမှန်တကယ် ဖန်တီးချင်တယ် ဆိုရင်တော့ Chat Box လေးမှာ မေးမြန်း စုံစမ်းထားခဲ့နိုင်ပါတယ်...
🖋️ 🖋️ Eaint Hmuu Writes – Your Brand, My Word
