Rohma: Wounds to Wisdom

Rohma: Wounds to Wisdom Contact information, map and directions, contact form, opening hours, services, ratings, photos, videos and announcements from Rohma: Wounds to Wisdom, Digital creator, Yangon.

Every story, wound, and step matters — I’m here to walk with you. ✨
This is more than a therapy space — it’s a journey where your pain is acknowledged, your voice is heard, and your healing is honored. 🕊
Therapist ✍️⚛️🔵🌻♾️✨

🌻 ✨ 𝐈𝐬 𝐢𝐭 𝐚 𝐋𝐨𝐬𝐬 𝐨𝐫 𝐈𝐬 𝐢𝐭 𝐚 𝐑𝐞𝐝𝐢𝐫𝐞𝐜𝐭𝐢𝐨𝐧? 🧭 ✨"ငါ နောက်ကျကျန်ခဲ့ပြီ" လို့ခံစားဘူးပါသလား? 👟 ခြေလှမ်း‌ပေါင်း၉၉ လှမ်းအထိ မ...
08/08/2026

🌻 ✨

𝐈𝐬 𝐢𝐭 𝐚 𝐋𝐨𝐬𝐬 𝐨𝐫 𝐈𝐬 𝐢𝐭 𝐚 𝐑𝐞𝐝𝐢𝐫𝐞𝐜𝐭𝐢𝐨𝐧? 🧭 ✨

"ငါ နောက်ကျကျန်ခဲ့ပြီ" လို့ခံစားဘူးပါသလား?

👟 ခြေလှမ်း‌ပေါင်း၉၉ လှမ်းအထိ မနည်းအားတင်းပြီး ရောက်အောင် သွားခဲ့ရတာ သာမန် ခြေလှမ်းတွေ မဟုတ်ခဲ့ဘူး။ ပါသမျှ ငွေကြေးအင်အား၊ သုံးလိုက်ရတဲ့ လူအင်အား၊ Energy စိုက်ထုတ်ထားတာ နှစ်ပေါင်းများစွာ စုဆောင်းခဲ့ရတဲ့ သွေး၊ ချွေး၊ စွမ်းအင်တွေ အကုန်လုံးကို ပုံအောပြီးမှ ၁၀၀ ပြည့်ဖို့ လက်တစ်ကမ်း အလိုမှာ ဦးတည်ရာ 𝐃𝐢𝐫𝐞𝐜𝐭𝐢𝐨𝐧 တစ်ခုလုံး ကတ်သီးကတ်သတ် ပျက်စီးပြိုကျသွားခဲ့ရတဲ့ နေရာမျိူးမှာ အားယုတ်ပင်ပန်းရတာ။

😵‍💫 အဲဒီအခါ မျက်စိရှေ့မှာတင် ကမ္ဘာကြီး ၃၆၀ ဒီဂရီ ပတ်ချာလည်ပြီး မူးဝေသွားတော့တာပဲ။

ခေါင်းတစ်ခုလုံး ရိုက်ခွဲခံလိုက်ရသလို မူးဝေလွန်းလို့ ဘာမှ မစဉ်းစားနိုင်တော့ဘူး။ ဘာလုပ်ရမှန်း မသိ၊ ဘယ်သွားရမှန်း မသိနဲ့ အရာရာ အာရုံနောက်ပြီး စိတ်တွေ ရှုပ်ထွေးနောက်ကျိသွားတာ။ အရှေ့ကို သွားရမယ့် လမ်းကြောင်း ပျက်ကျသွားရုံတင် မဟုတ်ဘဲ၊ အနောက်ကို ပြန်ကြည့်တော့လည်း ရှိသမျှ ရင်းထားရသမျှ အကုန် ကုန်သွားခဲ့ပြီမို့ ဘာမှ ပြန်ဆုပ်ကိုင်စရာ မကျန်တော့ဘူး။ အဲဒီမှာ "ငါ နောက်ကျကျန်ခဲ့ပြီ" ဆိုတဲ့ အကြောက်တရားက အနောက်ကနေ ဂုတ်ကို ဆောင့်ဆွဲချလိုက်သလို စိတ်ကို 🌑 အမှောင်ထုထဲ ဗုန်းခနဲ ပြုတ်ကျသွားစေတာပါ။

🤢 လူလည်း အတိုင်းအဆမရှိ ပင်ပန်းလိုက်တာ။
စိတ်ရော၊ ခန္ဓာပါ ပြိုလဲတော့မတတ် ပင်ပန်းလွန်းလို့ မျက်ရည်တောင် ထွက်မလာနိုင်တော့ဘဲ ခေါင်းထဲ မူးဝေပြီး "ဗလာနတ္ထိ" ဖြစ်သွားရတာပါ။

ဒီလို ၃၆၀ ဒီဂရီ ပတ်ချာလည် မူးနေ၊ ပင်ပန်းနေ၊ စိတ်တွေ အာရုံနောက် လွန်နေတဲ့အခါ ချက်ချင်း အထိတ်တလန့် လမ်းကြောင်းအသစ် ပြန်ရှာဖို့ မကြိုးစားပါနဲ့ဦး။ ခေါင်းမကြည်နေတုန်း၊ စိတ်ရှုပ်နေတုန်း အတင်း "ထ"လျှောက်သွားရင် ပိုပြီး လဲကျဖို့ပဲ ရှိလို့ပါ။

🤍🌿 ‌‌ လောလောဆယ် ဘာမျှမတတ်နိုင်မှန်း သိသိနဲ့ အဲဒီ အပျက်အစီးတွေကြားမှာတင် ခဏ ထိုင်ချလိုက်ပါ။ ယိမ်းယိုင်ပြီး ပင်ပန်းလွန်းနေရင် ခဏ လဲလျောင်းလိုက်ပါ။ ဘာမှ ချက်ချင်း ပြန်မတွေးပါနဲ့ဦး၊ ဘာ အစီအစဉ်မှ ချက်ချင်း ပြန်မဆွဲပါနဲ့ဦး။ ရင်ဘတ်ထဲက အရှိန်လွန်နေတဲ့ သက်ပြင်းတွေ၊ စိုးရိမ်စိတ်‌တွေရယ် ကို ဖြည်းဖြည်းချင်း ရှူထုတ်ရင်း၊ မျက်ရည်ကျခွင့်ပေးရင်း၊ အရာရာ ပြိုကျသွားတဲ့ အဲဒီ မြေပြင်ပေါ်မှာတင် ခဏ ငြိမ်ငြိမ်လေး ထိုင်နေပေးဖို့ပဲ လိုအပ်ပါတယ်။ အဲဒီလို ခဏ ရပ်တန့် ထိုင်နေပေးခြင်းဟာ ရှုံးနိမ့်တာ မဟုတ်ဘဲ စိတ်ကို ပထမဦးဆုံး ကာကွယ်ပေးလိုက်တာပါ။

ဘဝရဲ့ ပန်းချီကားကြီးကို အထက်စီးကနေ ငြိမ်ငြိမ်လေး ကြည့်လိုက်ရင် အရာရာ ပြိုကျသွားခြင်းဆိုတာ လမ်းဆုံးသွားတာ မဟုတ်ဘဲ၊ လမ်းကြောင်း ပြောင်းလဲခံလိုက်ရခြင်း (Redirection) ဖြစ်တတ်ပါတယ်။

၁၀၀ ပြည့်ဖို့ ၁လှမ်း အလိုမှာ ရိုက်ချခံလိုက်ရခြင်းရဲ့ ဟာ အမှန်တကယ် သွားရမယ့် နေရာ မဟုတ် သေးခဲ့လို့လဲဖြစ်နိုင်ပါတယ်။ ကိုယ် မမြင်နိုင်သေးတဲ့ အန္တရာယ်တစ်ခု သို့မဟုတ် မအပ်စပ်တော့တဲ့ လမ်းကြောင်းဟောင်းထဲကနေ ဘဝက ကိုယ့်ကို အတင်းအဓမ္မ ဆွဲထုတ်လိုက်ရင်း ကာကွယ်လိုက်တာမျိူးပါ။

ဒီလို ၃၆၀ ဒီဂရီ မူးဝေသွားပြီး အရာရာ သုည (Zero State) ပြန်ဖြစ်သွားတဲ့ အပျက်အစီးတွေကြားမှာ ခဏ ငြိမ်ထိုင်နေရင်းမှ ဟောင်းနွမ်းနေတဲ့ အစွဲအလမ်းတွေ၊ မလိုအပ်တော့တဲ့ အထုပ်အပိုးတွေ အကုန် ကျန်ရစ်ခဲ့တာကို မြင်လာရပါလိမ့်မယ်။ ကိုယ် ရင်းနှီးခဲ့ရတဲ့ ဆုံးရှုံးမှုတွေဟာ ခါးသီးလှပေမယ့်၊ အဲဒီ ဆုံးရှုံးမှုတွေကပဲ ကိုယ့်ကို ပိုမို နက်ရှိုင်းတဲ့ ပိုမို ခိုင်မာတဲ့ အုတ်မြစ်အသစ်ဆီကို ဦးတည်ပေးသွားမှာပါ။

🪫 🔋 ကျွန်မတို့ဟာ ဘဝမှာ တစ်ခါမဟုတ်တစ်ခါတော့ အဲဒီလို အရာရာ ပြိုကျပြီး ၃၆၀ ဒီဂရီ မူးဝေသွားတဲ့ နေရာဆီ ရောက်ဘူးကြတာချည်းပါပဲ။ အဲဒီလို ဖြစ်နေချိန်မှာ ကိုယ်တိုင် ဘာမှ မတတ်နိုင်ဘဲ မူးဝေ၊ ပင်ပန်း၊ ဓါတ်ခဲဖြုတ်ထားသလို အားကုန် နေမိတာဟာ ရှက်စရာ မဟုတ်သလို၊ ကိုယ် တစ်ယောက်တည်း ဖြစ်နေတာလည်း မဟုတ်ပါဘူး။

🫂 💗 ခဏလောက်တော့ စိတ်ရော၊ ခန္ဓာပါ ပင်ပန်းတာကို နားခွင့် ပေးလိုက်ခြင်းဖြင့် ကိုယ့်ကိုယ်ကိုယ်ကြင်နာခြင်းနဲ့ ထွေးပွေ့လိုက်ပါ‌နော်။ ဒီ ခက်ထန်မှူတွေ၊ ပင်ပန်းမှုတွေ ကိုလက်ခံကြည်ဖြူရင်း ကျွန်မတို့အားလုံးဟာ ပိုပြီး ခိုင်မာတဲ့ မြေပြင်ပေါ်မှာ Direction အသစ်တစ်ခုနဲ့ ခြေလှမ်းတွေကို ပြန်စနိုင်ကြမှာပါ။ ကျေးဇူးပါရှင်။ 🌿🤍✨

Rohma (Wounds to Wisdom) 🌻 ✨ 🙏

7th August, 26

မဂ်လာပါရှင်။ 🛋️✨လူတွေရှေ့မှာတော့ အဆင်ပြေနေသလို ပြုံးပြထားရပေမဲ့... မိမိစိတ်ရဲ့ အတွင်းထဲမှာ တစ်ယောက်တည်း မောပန်း လေးလံန...
06/08/2026



မဂ်လာပါရှင်။ 🛋️✨

လူတွေရှေ့မှာတော့ အဆင်ပြေနေသလို ပြုံးပြထားရပေမဲ့... မိမိစိတ်ရဲ့ အတွင်းထဲမှာ တစ်ယောက်တည်း မောပန်း လေးလံနေရတဲ့ အခါမျိုး ကြုံဖူးပါသလား?

🚪 တံခါးလေးကို တွန်းဖွင့်ပြီး ခြေလှမ်းတစ်လှမ်း လှမ်းလိုက်တာနဲ့... မြို့ရဲ့ ရှုပ်ထွေးဆူညံသံတွေ အကုန် ဝေးကွာသွားပြီး စိတ်ရော ကိုယ်ပါ အလိုလို အနားရသွားသလို ခံစားလိုက်ရမယ့် နေရာလေးတစ်ခု ရှိပါတယ်။

🌿 အပြင်ဘက်မှာ သစ်ရွက်လှုပ်သံလေးတွေနဲ့ တိတ်ဆိတ် ငြိမ်းချမ်းနေတဲ့ သဘာဝရဲ့ အေးမြမှု၊ လေပြေထဲမှာ သင်းပျံ့နေတဲ့ တရုတ်စကားပန်း အနံ့လေး၊ ပြီးတော့ စေတနာပါပါ Handmade အလှဆင်ပစ္စည်းလေးတွေရဲ့ နွေးထွေးတဲ့ အငွေ့အသက်...

ဒါဟာ အွန်လိုင်းစခရင်ရဲ့ အခြားတစ်ဖက် မဟုတ်ပါဘူး။

🛋️🤍 ရန်ကင်းမြို့နယ်ရဲ့ သီးသန့် အေးချမ်းတဲ့ ဒီ Physical Therapeutic Space လေးဟာ ကိုယ့်ရဲ့ ခက်ခဲ ပင်ပန်းလှတဲ့ ခံစားချက်တွေကို အကဲဖြတ်ခံရမှာ ပူစရာမလိုဘဲ စိတ်အေးချမ်းစွာ ရိုးသားလွတ်လပ်စွာ ဖွင့်ဟ ခိုလှုံလို့ရမယ့် Non-judgmental Safe Space လေး ဖြစ်ပါတယ်။

ဒီနေရာလေးမှာ...
Screen စခရင်အတားအဆီးမရှိဘဲ မျက်နှာချင်းဆိုင် အတူတူ ရှိနေပေးမယ့် Physical Presence နဲ့အတူ ကိုယ့်ရဲ့ စကားသံတွေ၊ သက်ပြင်းချသံတွေနဲ့ တိတ်ဆိတ်မှုတွေကိုပါ အပြည့်အဝ နွေးထွေးစွာ Holding Space ပြုလုပ် နားထောင်ပေးသွားပါမယ်။

တစ်ယောက်တည်း ရုန်းကန်နေရလို့ မောပန်းနေပြီဆိုရင်... ဒီနေ့ပဲ ကိုယ့်ကိုယ်ကိုယ် အနားပေးဖို့ ခြေလှမ်းတစ်လှမ်း စတင်လိုက်ပါ။ ဒီ Therapeutic Connection လေးထဲမှာ စိတ်အေးချမ်းစွာ အနားယူရင်း ကိုယ့်ရဲ့ အတွင်းစိတ်နဲ့ ပြန်လည် ချိတ်ဆက် ကုစားလိုက်ရအောင်...

🌿 In-person Counselling Sessions များကို ယခု စတင်၍ Booking လက်ခံပေးနေပါပြီနော်။

(သေချာ အာရုံစိုက် ဂရုစိုက်ပေးချင်တာမို့ Session စာရင်းကို လူဦးရေ အကန့်အသတ်ဖြင့်သာ လက်ခံပေးသွားမှာပါ။ ကိုယ်နဲ့ အဆင်ပြေမယ့် အချိန်ဇယားလေး ရရှိဖို့ Rohma: Wounds to Wisdom Page မှ Direct Message ကနေတစ်ဆင့် သက်သောင့်သက်သာ အမြန်ဆုံး စုံစမ်း ရယူလိုက်ပါနော်။) ကျေးဇူးပါရှင်။

𝐁𝐮𝐭 𝐰𝐡𝐚𝐭 𝐚𝐛𝐨𝐮𝐭 𝐦𝐲 𝐩𝐚𝐢𝐧?🔥 🐺 "ငါ နာကျင်ခဲ့ရတာတွေအတွက်ကရော?Firewolf ရဲ့ နှုတ်ခမ်းဖျားကနေ တုန်ရင်စွာ ထွက်ကျလာတဲ့ ဒီစကားဟာ...
31/07/2026



𝐁𝐮𝐭 𝐰𝐡𝐚𝐭 𝐚𝐛𝐨𝐮𝐭 𝐦𝐲 𝐩𝐚𝐢𝐧?🔥 🐺

"ငါ နာကျင်ခဲ့ရတာတွေအတွက်ကရော?

Firewolf ရဲ့ နှုတ်ခမ်းဖျားကနေ တုန်ရင်စွာ ထွက်ကျလာတဲ့ ဒီစကားဟာ အဖြေတစ်ခုကို တောင်းခံနေတာ မဟုတ်ပါဘူး။

🔥 ဖန်တီးတည်ဆောက်ထားသမျှကို ဖျက်ဆီးပစ်ချင်တဲ့ လုပ်ရပ်တိုင်းရဲ့ နောက်ကွယ်မှာ တစ်ချိန်က နားလည်ပေးဖို့ တောင်းဆိုခဲ့ပေမယ့် တိတ်ဆိတ်မှုနဲ့ပဲ တုံ့ပြန်ခံခဲ့ရတဲ့ ဒဏ်ရာတစ်ခု အမြဲရှိနေတတ်တယ်။

ဒါဟာ လျစ်လျူရှုခံခဲ့ရတဲ့ အတိတ်တွေဆီက စွပ်စွဲသံ၊ တရားမျှတမှုကို အသည်းအသန် တောင်းဆိုသံ၊ ပူဆွေးသောက၊ အကြွေး‌ ဟောင်းတွေရဲ့စာရင်းကိုဘယ်သူ့ဆီတောင်းကမှန်းမသိတာ၊ နှလုံးသားကွဲကြေမှုနဲ့ ဘယ်တော့မှ ရင့်ကျက်ခွင့်မရခဲ့တဲ့ ဒဏ်ရာတွေ အားလုံး ပေါင်းစည်းထားတဲ့ ငိုကြွေးသံတစ်ခု ဖြစ်တယ်။

သူ တကယ် ကြောက်လန့်နေတာက လူတိုင်းက အတိတ်ကို မေ့ပစ်ပြီး ဘ၀မှာ ရှေ့ဆက်သွားကြပြီ (move on) ကြပြီဆိုရင်၊ ငါတစ်ယောက်တည်း နာကျင်ခဲ့ရသမျှတွေက အဓိပ္ပာယ်မဲ့သွားတော့မှာလား ဆိုတဲ့ အတွေးပါပဲ။ ဒီဒဏ်ရာတွေကိုရော နှစ်များစွာသယ်လာတာ လွှတ်ချလိုက်ရင် ငါကဘာဆက်ဖြစ်မှာလဲ?

Psychoanalysis အမြင်အရ ခွဲခြမ်းကြည့်ရင်၊
လူတွေဟာ တချို့သော ဒဏ်ရာတွေကို မိမိရဲ့ မသိစိတ် (unconscious) ထဲမှာ တမင်သက်သက် ဆက်ပြီး ရှင်သန်ခွင့် ပေးထားတတ်ကြတယ်။ ဘာကြောင့်လဲဆိုတော့ အချိန်ကြာလာတာနဲ့အမျှ အဲဒီ နာကျင်မှုကပဲ သူတို့ရဲ့ တည်ရှိမှုနဲ့ 'အတ္တ' (Identity) ဖြစ်လာလို့ပါပဲ။

တကယ်လို့များ ကမ္ဘာကြီးက သူတို့ ထင်ထားသလို မရက်စက်ဘူး။ သူတို့ ယုံကြည်ထားတဲ့ အရာတွေက မှားနေတယ်ဆိုတာကို လက်ခံလိုက်ရရင့်တော့၊
သူတို့ တစ်သက်လုံး သယ်ပိုးလာခဲ့တဲ့ ဒေါသတွေ၊ မကျေနပ်ချက်တွေက အလကား ဖြစ်သွားမှာကို သိပ်ကြောက်စရာကောင်းတဲ့ စိုးရိမ်ရေမှတ်မြင့်တဲ့အခြေအနေတစ်ခုပါပဲ။ အနာကျက်ဖို့အတွက် ဒဏ်ရာကို လက်လွှတ်လိုက်ရတာထက်၊ အဲဒီဒဏ်ရာကို ဆက်ပြီး ဖက်တွယ်ထားရတာက ပိုပြီး လုံခြုံတယ်လို့ ခံစားနေရလို့ပါ။

ဒါဟာ ဇာတ်လမ်းတွေထဲက ဗီလိန် (Villain) တွေရဲ့ အကြောင်းသက်သက် မဟုတ်ပါဘူး။ လက်တွေ့ဘဝမှာ သစ္စာဖောက်ခံရသူတွေ၊ အနိုင်ကျင့်ခံရသူတွေ၊ ပစ်ပယ်ခံရသူတွေနဲ့ ဘယ်သူမှ သတိမထားမိဘဲ နာကျင်မှုတစ်ခုကို နှစ်နဲ့ချီပြီး တစ်ယောက်တည်း ကြိတ်ပြီး သယ်ပိုးနေရသူတွေရဲ့ ပုံရိပ်ပါပဲ။

ကြမ်းတမ်းခက်ထန်မှု (Aggression) ဆိုတာ တစ်ချိန်က ဘယ်သူမှ နားမထောင်ပေးခဲ့တဲ့ နာကျင်မှုတွေရဲ့ ရောင်ပြန်ဟပ်မှုတစ်ခုပါ။ ဖျက်ဆီးပစ်ချင်တဲ့ လုပ်ရပ်တိုင်းရဲ့ နောက်ကွယ်မှာ တစ်ချိန်က နားလည်ပေးဖို့ တောင်းဆိုခဲ့ပေမယ့် တိတ်ဆိတ်မှု (Silence) နဲ့ပဲ တုံ့ပြန်ခံခဲ့ရတဲ့ ဒဏ်ရာတစ်ခု အမြဲရှိနေတတ်တယ်။

အတိတ်ရဲ့ ငယ်စဉ်ဘဝတွေမှာ ဘယ်သူမှ နားမထောင်ပေးခဲ့၊ နားမလည်ပေးခဲ့ဘဲ တစ်ယောက်တည်း သယ်ပိုးဖို့ အရမ်းလေးလံခဲ့တဲ့ နာကျင်မှု (Suffering) တွေကို မသိစိတ်ထဲမှာ ပိတ်လှောင်ထားရသူတိုင်းဟာ ကြီးပြင်းလာတဲ့အခါ အဲဒီ ဒဏ်ရာတွေကြောင့်ပဲ ကြမ်းတမ်းခက်ထန်သူတွေ ဖြစ်လာတတ်ကြတယ်။

ဒါပေမဲ့ ဒီလို မြင်ပေးလိုက်တာဟာ အဲဒီ ကြမ်းတမ်းမှုကို လက်ခံပေးရမယ် သို့မဟုတ် အနိုင်ကျင့်ခံရတာကို သည်းခံရမယ်လို့ ဆိုလိုတာ မဟုတ်ပါဘူး။

ကြမ်းတမ်းမှုတိုင်းရဲ့ နောက်ကွယ်မှာ မကျက်သေးတဲ့ ဒဏ်ရာတွေ ရှိနေတတ်တယ် ဆိုတာကို မြင်လိုက်တာဟာ အခြားသူတွေကို ပြောင်းလဲပစ်ဖို့ မဟုတ်ဘဲ မိမိ ရင်ဘတ်ထဲက တခြားသူတွေကြောင့် "ငါ နာကျင်ရပါတယ်" ဆိုတဲ့ နာကျင်မှု နဲ့ စွပ်စွဲချက်တွေကိုပါ လွတ်မြောက်စေဖို့ ဖြစ်ပါတယ်။

တစ်ခါတလေကျရင် ကျွန်မတို့က 'မကောင်းဆိုးဝါး' လို့ ထင်ပြီး ကြောက်ရွံ့ မုန်းတီးနေတဲ့အရာတွေဟာ တကယ်တော့ တစ်ယောက်တည်း သယ်ပိုးဖို့ အရမ်းကို လေးလံလွန်းသွားတဲ့ 'နာကျင်မှု' တွေသာ ဖြစ်နေတတ်ပါတယ်။

အခြားသူတွေရဲ့ ဒဏ်ရာက သူတို့ရဲ့ တာဝန်ပါပဲ။

မိမိရဲ့ ငြိမ်းချမ်းမှုနဲ့ လွတ်မြောက်မှုကတော့ မိမိရဲ့ ရွေးချယ်မှုပါပဲ။

ဒီလို ရွေးချယ်နိုင်ဖို့ဆိုတာ အရမ်းကို ခက်ခဲနက်နဲလွန်းတဲ့ ခရီးတစ်ခုပါ။ မိမိကိုယ်တိုင် ရင်းနှီးကျွမ်းဝင်ခဲ့တဲ့ နာကျင်မှုအဟောင်းတွေကို လွှတ်ချပြီး မသိသေးတဲ့ အနာဂတ်ဆီ ရဲရဲဝံ့ဝံ့ ခြေလှမ်းပြင်ဖို့ဆိုတာ ကြီးမားတဲ့ သတ္တိနဲ့ ဉာဏ်ပညာ ပေါင်းစပ်မှသာ ဖြစ်နိုင်ပါလိမ့်မယ်။ မိမိရဲ့ခြေလှမ်းအတွက်လိုအပ်တဲ့ သတ္တိကိုရပါစေရှင်။
🤍🙏✨

လွတ်လပ်စွာမျှဝေနိုင်ပါတယ်။ ကော်ပီယူခြင်း
ဖြတ်ညှပ်ကတ်လုပ်ခြင်းခွင့်မပြုပါရှင်။

Rohma (Wounds to Wisdom)

29th July, 2026 (9 PM)

𝐓𝐢𝐦𝐞 𝐀𝐥𝐨𝐧𝐞 𝐃𝐨𝐞𝐬 𝐍𝐨𝐭 𝐇𝐞𝐚𝐥 𝐀𝐥𝐥 𝐖𝐨𝐮𝐧𝐝𝐬! ❤️‍🩹🩺✨ 🩺💉"အချိန်တွေက ကုစားပေးသွားပါလိမ့်မယ်" ဆိုတဲ့ စကားလုံးတွေဟာ... တကယ်တမ်း ဆုံ...
14/07/2026



𝐓𝐢𝐦𝐞 𝐀𝐥𝐨𝐧𝐞 𝐃𝐨𝐞𝐬 𝐍𝐨𝐭 𝐇𝐞𝐚𝐥 𝐀𝐥𝐥 𝐖𝐨𝐮𝐧𝐝𝐬! ❤️‍🩹🩺✨

🩺💉"အချိန်တွေက ကုစားပေးသွားပါလိမ့်မယ်" ဆိုတဲ့ စကားလုံးတွေဟာ... တကယ်တမ်း ဆုံးရှုံးမှုကြီးတစ်ခုကို ရင်ဘတ်ထဲ ပိုက်ထားရတဲ့သူအတွက်တော့ ဘယ်လောက်တောင် အေးစက်စက်နိုင်လိုက်သလဲ?

မျက်စိတစ်မှိတ်အတွင်းမှာပဲ ဒီနှစ်ရဲ့ တစ်ဝက်ခရီးကို ကျော်လွန်လာခဲ့ပြီ။ အပြောင်းအလဲတွေနဲ့အတူ 'မသေချာခြင်း (Uncertainty)' ဆိုတဲ့ အဖော်က အမြဲပါလာစမြဲပဲ။

💔 📆 ပြက္ခဒိန်ရွက်တွေသာ တစ်ရွက်ပြီးတစ်ရွက် လွင့်ကျသွားတယ်။ရင်ထဲက အချိန်တွေကတော့ ကိုယ်အချစ်ရဆုံးအရာကို လက်လွှတ်လိုက်ရတဲ့ အဲ့ဒီနေ့ အဲ့ဒီအချိန် Moment လေးမှာပဲ ရပ်တန့်နေတုန်းပဲ မဟုတ်လား?

💔တချို့ ဆုံးရှုံးမှုတွေက မုန်တိုင်းထန်သလို ရုတ်တရက်ဆန်လွန်းတယ်။ မနေ့ကတင် စကားတွေ အတူတူပြောနေခဲ့တဲ့ ကိုယ့်ရဲ့အချစ်ရဆုံးသူက ဒီနေ့ ICU အခန်းထဲမှာ ပိုက်တွေ တန်းလန်းနဲ့ အသက်ရှူဖို့ ရုန်းကန်နေရတာကို ဘာမှလုပ်မပေးနိုင်ဘဲ ရပ်ကြည့်နေရတဲ့ အခိုက်အတန့်မျိုး။

💔 မိသားစု၀င်တစ်ဦးရဲ့ ‌အသက်ဆုံးရှုံးလိုက်ကတာမျိုး၊

💔သန္ဓေတည်စ ရင်သွေးလေးကို မျှော်လင့်တကြီး စောင့်စားနေရင်းကနေ ရုတ်တရက် ဆုံးရှုံးရတဲ့အခါ ခံစားရတဲ့ အသည်းနှလုံး ပြုတ်ထွက်သွားမတတ် မိခင်လောင်းရဲ့ သောကကြေကွဲမှုမျိုး။

💔 ကိုယ့်ဘ၀လက်တွဲဖော်က ဘ၀ထဲနေ ရုတ်တရက်သေကွဲကွဲပြီးထွက်ခွါသွားရတဲ့ ဆုံးရှုံးမှုမျိူး။

💔 ဒါမှမဟုတ် နှစ်ပေါင်းများစွာ သွေးချွေးရင်းပြီး တည်ဆောက်ခဲ့ရတဲ့ ကိုယ့်ရဲ့ ဘဝရပ်တည်မှု လုပ်ငန်းတစ်ခု နေ့ချင်းညချင်း ပြိုလဲသွားတာမျိုး၊ ကိုယ့်ရဲ့ အိပ်မက်တွေ၊ အမှတ်တရတွေ အားလုံးကို နေရပ်ဟောင်းမှာပဲ အပြီးတိုင် ချန်ရစ်ခဲ့ပြီး မရေရာတဲ့ မြေပြင်အသစ်တစ်ခုဆီ ကျောခိုင်းထွက်ခွာ (Migrate) လာခဲ့ရတဲ့ အခိုက်အတန့်မျိုး။

⏳ နှုတ်ဆက်ချိန်တောင် မရလိုက်ဘဲ အရာအားလုံးက လက်ထဲကနေ သဲတွေလို လျှောကျသွားတဲ့အခါ၊ ကျန်ခဲ့တာက လူချည်းသက်သက်တင်မဟုတ် ရင်ဘတ်ထဲက ဗလာကျင်းတဲ့ ဟာတာတာ တွင်းနက် မလွတ်မြောက်နိုင်တဲ့နယ်နိမိတ် လေဟာနယ်ကြီးတစ်ခုပါပဲ။

🎭 လူအုပ်ကြီးထဲမှာတော့ ဘာမှမဖြစ်သလို ပြုံးပြနေရပေမယ့်၊ ညဘက် တစ်ယောက်တည်း အခန်းကျဉ်းလေးထဲ ရောက်တဲ့အခါ လည်ချောင်းထဲက တစ်ဆို့လာတဲ့ အသံမဲ့ ရှိုက်သံတွေကို ဘယ်သူမှ မကြားနိုင်ခဲ့ဘူး။ လေးလံလွန်းတဲ့ ဒီခံစားချက်ကြီးကို ထုတ်ပြောဖို့ စကားလုံးတွေ ရှာမရလောက်အောင်ကို ဆွံ့အခဲ့ရတဲ့ အခိုက်အတန့်တွေ။

"ငါ အဆင်ပြေပါတယ်" ဆိုတဲ့ မျက်နှာဖုံးအောက်မှာ အက်ကွဲကြောင်းတွေ ဘယ်လောက်တောင် များနေပြီလဲ?

ပူဆွေးသောက (Grief) ဆိုတာ တကယ်တော့... ပေးစရာ နေရာမရှိတော့တဲ့ 'အချစ်' တွေပါပဲ။ အရမ်းချစ်ခဲ့လို့၊ အရမ်းတန်ဖိုးထားခဲ့လို့သာ ဒီလောက်ထိ နာကျင်ရတာပေါ့။ ဒီလို နာကျင်မှုတွေဆိုတာ မျဉ်းဖြောင့်လေး တစ်ကြောင်းလို အချိန်ကြာတာနဲ့အမျှ တဖြည်းဖြည်း သက်သာသွားတဲ့ အရာမျိုး မဟုတ်ပါဘူး။ ဒီနေ့တော့ ငါ အဆင်ပြေသွားပြီလို့ တွေးနေရင်းကနေ၊ မနက်ဖြန်ကျရင် သီချင်းတစ်ပုဒ်၊ ရနံ့တစ်ခု၊ အစားအစာတစ်ခုခုစားရင်း၊ ရင်းနှီးနေတဲ့ လမ်းထောင့်လေးတစ်ခုကြောင့် ရုတ်တရက် အသက်ရှူမဝအောင် ပြန်ပြီး နာကျင်ရတာမျိုးပါပဲ။

အဲ့ဒီအခါကျရင် ကိုယ့်ကိုယ်ကိုယ် 'ငါ မရင့်ကျက်သေးဘူးလား' လို့ အပြစ်မတင်လိုက်ပါနဲ့။ နာကျင်မှုဆိုတာ အချစ်ရဲ့ အကြွင်းအကျန်တွေမို့၊ ခံစားနေရတုန်းပဲ ဆိုတာက နှလုံးသားတွေ အသက်ရှင်နေသေးတယ် ဆိုတဲ့ သက်သေပါပဲ။

🩹 ဆုံးရှုံးမှုတစ်ခုရဲ့ အလယ်ဗဟိုကို ဖြတ်သန်းနေရတဲ့ ဒီလိုအချိန်မှာ အဖြစ်များဆုံးက ဒီနာကျင်မှုကြီးထဲကနေ အတင်းရုန်းထွက်ချင်ကြတာပါပဲ။ "ငါ မြန်မြန် အဆင်ပြေမှ ဖြစ်မယ်"၊ "ငါ ဒီလောက် ခံစားလွယ်လို့ မဖြစ်ဘူး" "အေးချမ်းခြင်းဆိုတာကို ဒဏ်ရာကို ပလာစတာအုပ်ရင်းဇွတ်ငြိမ်းချမ်းချင်တာ" ဆိုပြီး ကိုယ့်ကိုယ်ကိုယ် ပြန်ဖိအားပေး၊ တွန်းအားပေးတတ်ကြတယ်။

ဒါပေမယ့် သေချာကြည့်ရင် အဲ့ဒီလို အတင်းရုန်းကန်ပြီး ဖုံးကွယ်ဖို့ ကြိုးစားနေတာက သွေးထွက်နေတဲ့ ဒဏ်ရာကို အတင်းဖိပွတ်နေသလိုပါပဲ။ ဘယ်လောက်နာကျင်စရာကောင်းလိုက်လဲနော်။ ပွတ်လေလေ ဒဏ်ရာက သွေးတွေပန်းထွက်လေလေ တွန်းဖယ်လေလေ ပိုနာကြင်ရလေလေပါပဲ။

ဒီလိုအချိန်မှာ တကယ်တမ်း လိုအပ်တာက ရုန်းထွက်ဖို့ မဟုတ်ဘဲ ပြိုလဲနေတဲ့ ကိုယ့်ကိုယ်ကိုယ် အနက်ရှိုင်းဆုံး မေတ္တာထားပေးနိုင်ဖို့ပါ။ နာကျင်နေတဲ့ ကိုယ့်ရဲ့ အစိတ်အပိုင်းလေးတွေကို အပြစ်မတင်ဘဲ၊ ငြင်းပယ်မနေဘဲ သားအမိတစ်ယောက်လို နွေးနွေးထွေးထွေး ပွေ့ဖက်ထားပေးလိုက်ပါ။ "နာကျင်နေတာကို ငါ နားလည်ပေးတယ်။ အဆင်မပြေဖြစ်နေတာကိုလည်း ငါ လက်ခံပေးတယ်" ဆိုတဲ့ ခြွင်းချက်မရှိတဲ့ မေတ္တာမျိုးနဲ့ ကိုယ့်ကိုယ်ကိုယ် ပြန်လည် ထွေးပိုက်ထားပေးဖို့ပါ။

🧩 အရာအားလုံးကို အဆင်ပြေအောင် လုပ်နိုင်ဖို့ မလိုပါဘူး။ နေ့တိုင်း အဆင်‌ပြေစရာလည်း မလိုပါဘူး။ ကွဲအက်သွားတဲ့ အစိတ်အပိုင်းတွေကို အတင်းပြန်ဆက်ဖို့ ကြိုးစားမယ့်အစား၊ အဲ့ဒီ အက်ကွဲကြောင်းလေးတွေထဲကနေ ဖြာထွက်လာမယ့် အလင်းရောင်ကို မြင်အောင်ကြည့်ပြီး ကိုယ့်ကိုယ်ကိုယ် အသစ်ပြန်လည် တည်ဆောက်ခွင့် ပေးလိုက်ပါ။ ဒီနေ့အတွက် အသက်ရှူနေနိုင်ရုံလေး ရယ် အသက်ရှင်နေတာနဲ့တင် သင် လုံလောက်နေပါပြီ။

🫂 နှစ်ဝက်ခရီးကို ဖြတ်သန်းလာတဲ့ ဒီအချိန်မှာ ကိုယ့်ရဲ့ နာကျင်မှုတွေကို ကြိတ်မှိတ်ဖုံးကွယ်ပြီး အထီးကျန်နေတယ်လို့ ခံစားရရင်၊ သင့်ရဲ့ ပူဆွေးမှုတွေဟာ အဓိပ္ပာယ်မဲ့ မဟုတ်သလို၊ သင် တစ်ယောက်တည်းလည်း မဟုတ်ပါဘူး။ နာကျင်မှုတွေ၊ မျက်ရည်တွေ ကြားထဲကနေ ဒီအချိန်ထိ ရောက်လာအောင် တောင့်ခံထားနိုင်ခဲ့တဲ့ သင့်ရဲ့ နှလုံးသားလေးကို ဒီနေ့တော့ တင်းတင်းကြပ်ကြပ်လေး ဖက်ထားပြီး ကျေးဇူးတင်လိုက်ပါ။ အနည်းဆုံးတော့ ဒီစာလေးက သင့်နံဘေးမှာ အဖော်ပြုပေးနေမှာပါ။🤍✨ ကျေးဇူးတင်ပါတယ်ရှင်။



လွတ်လပ်စွာမျှဝေနိုင်ပါတယ်။ ကော်ပီယူခြင်း ဖြတ်ညှပ်ကပ် လုပ်ခြင်းခွင့်မပြုပါရှင်။

Rohma (Wounds to Wisdom)

10th July, 26

5.00 PM

🌻✨𝐀 💌 𝐋𝐨𝐯𝐞 𝐋𝐞𝐭𝐭𝐞𝐫 𝐭𝐨 𝐌𝐲 𝐋𝐨𝐬𝐭 𝐒𝐞𝐥𝐟 🧩 နေချင်တာ ကိုယ့်အနား 🌻✨🎵 🎶 နင်ဟာငါ့ကောင်းကင်တစ်ခုပါ။ 🎶 ငါပိုင်သမျှနင့်တစ်ယောက်ထဲပါ...
08/07/2026



🌻✨𝐀 💌 𝐋𝐨𝐯𝐞 𝐋𝐞𝐭𝐭𝐞𝐫 𝐭𝐨 𝐌𝐲 𝐋𝐨𝐬𝐭 𝐒𝐞𝐥𝐟 🧩 နေချင်တာ ကိုယ့်အနား 🌻✨🎵

🎶 နင်ဟာငါ့ကောင်းကင်တစ်ခုပါ။
🎶 ငါပိုင်သမျှနင့်တစ်ယောက်ထဲပါ။
🎶 ငါအချိန်တိုင်းနင့်ရဲ့အနားမှာ... နင်လိုသမျှဖြည့်ဆည်းချင်လို့ပါ။
🎶 ဘာကိုမျှငါမမျှော်လင့်ပါ။ မင်းအတွက်ပဲ..
🎶 နင်ကြေကွဲအားငယ်တဲ့အခါ ငါနင့်အနားနှစ်သိမ့်မြဲပါ။ 🫂 💗✨

"နေချင်တာ မင်းအနား" ဆိုတဲ့ ပူစူးရဲ့ သီချင်းလေးက ကိုယ့်အတွက် နားထောင်လေလေ ပိုနက်ရှိုင်းလေလေပါပဲ။ ကိုယ့်အတွက်ကတော့ ဒီသီချင်းကို "နေချင်တာ မင်းအနား" ကနေ 𝐏𝐞𝐫𝐬𝐩𝐞𝐜𝐭𝐢𝐯𝐞 𝐬𝐡𝐢𝐟𝐭 လုပ်ပြီး "နေချင်တာ ကိုယ့်အနား" ဆိုပြီး နားထောင်ကြည့်လိုက်မိတာ ရင်ထဲတော်တော်ထိမိနေရော။ အဆိုတော် ပူစူးကို ကျေးဇူးတင်ပါတယ်ရှင်။🙏✨🎶

လူ့ဘ၀ရဲ့ အချိုးအကွေ့တစ်ခုမှာ ကိုယ့်ကိုယ်ကိုယ် ပျောက်ဆုံးသွားတယ်လို့ ခံစားရတဲ့အခါ 🪞 မှန်ထဲပြန်ကြည့်ပြီး ကိုယ့်ကိုယ်ကိုယ်တောင် မမှတ်မိဘဲ မေးခွန်းထုတ်တတ်ကြတယ်။

လူတွေက ကိုယ့်ကိုယ်ကိုယ် ချက်ချင်းကြီး ပျောက်ဆုံးသွားကြတာမဟုတ်ပါဘူး။ ပတ်၀န်းကျင်နဲ့ အဆင်ပြေအောင် လိုတာထက်ပိုပြီး လိုက်လျောနေရရင်း၊ တစ်ပါးသူရဲ့ ပုံစံခွက်ထဲကို သွတ်သွင်းခံရမှန်းမသိ ၀င်နေခဲ့ရရင်း၊ ကိုယ်နဲ့မသက်ဆိုင်တဲ့ တာ၀န်တွေယူရင်း၊ ကိုယ့်ခံစားချက် အစစ်အမှန်တွေကို ဖုံးကွယ်ရင်းနဲ့... တဖြည်းဖြည်း ရင်ဘတ်ထဲမှာ ဟာလာဟင်းလင်း အပေါက်ကြီး (𝐕𝐨𝐢𝐝) က အကျယ်ကြီး ဖြစ်လာတယ်။

တကယ်တမ်း "ကိုယ်" မရှိရင် မဖြစ်တာက ပြင်ပလောကကြီးမဟုတ်ဘဲ၊ အကြာကြီး ချောင်ထိုးခံခဲ့ရတဲ့ "ကိုယ်" ကိုယ်တိုင်ပါလား ဆိုတာကို သိလာခဲ့ရတယ်။

တကယ်တော့ ကိုယ်ဆိုတာဟာ ဘယ်မှရှောင်ပြေးသွားတာမဟုတ်ဘဲ ကိုယ်ရဲ့ နာကျင်၀မ်းနည်းနေတဲ့ အစိတ်အပိုင်းတွေ၊ အောင်မြင်မှုဆွတ်ခူးပြီးမှ စွန့်လွှတ်လိုက်ရတာတွေ၊ "ဒီဘူတာက ဆိုက်ပြီးပြီ" လို့ ထင်ပြီးကာမှ ဘူတာလွန်သွားလို့ ချွတ်ချော်သွားတဲ့ ကျိုးပဲ့ခံစားချက်တွေပါပဲ။ အခုတော့ အရင်ကလို အပြစ်မတင်တော့ပဲ "ငါက ဘာလို့ဒီလိုဖြစ်နေရတာလဲ" လို့ ဒေါသမထွက်တော့ဘဲ "ငါဒီမှာရှိတယ်နော်။ နာကျင်မှုတွေ၊ ပင်ပန်းတာတွေ အပြည့်အ၀ လက်ခံတယ်။" လို့ ကိုယ့်ကိုယ်ကိုယ် နွေးနွေးထွေးထွေး ထွေးပွေ့‌‌ပေးဖြစ်လာတယ်။

🎶✨ နင်ဟာငါ့ကောင်းကင်တစ်ခုပါ။ 🏞️☁️

အပြောင်းအလဲ မြန်ဆန်နေတဲ့ လူတွေ၊ အခြေအနေတွေနဲ့ လောကကြီးမှာ ကိုယ့်ရဲ့ ပျော်ရွှင်မှု၊ ၀မ်းနည်းမှု အားလုံးကို အပြည့်အ၀ လက်ခံပေးနိုင်တဲ့၊ ဘယ်တော့မှ ပျောက်ကွယ်မသွားမယ့် ကောင်းကင်ကြီးက "မိမိ" ကိုယ်တိုင်ပါပဲ။

အရင်ကတော့ ကိုယ်တိုင် မပေးနိုင်တဲ့ လုံခြုံမှုနဲ့ အချစ်တွေကို ပြင်ပကနေ (𝐄𝐱𝐭𝐞𝐫𝐧𝐚𝐥 𝐑𝐞𝐚𝐥𝐢𝐭𝐲) ဖြစ်တဲ့ မိသားစု၊ သူငယ်ချင်း၊ လုပ်ဖော်ကိုင်ဖက်၊ စသဖြင့် တွေဆီမှာ သူတို့တွေကို "ကယ်တင်ရှင်" အဖြစ် ရှာဖွေရင်း Romanticised လုပ်ပြီး နေရာလေးပေးထားခဲ့တာ(𝐈𝐝𝐞𝐚𝐥𝐢𝐬𝐞𝐝 𝐨𝐛𝐣𝐞𝐜𝐭) လို့ စိတ်ပညာမှာ မှတ်သားရပါတယ်။ ဒီခရီးလေးမှာ လျှောက်ရင်း သိလာတာက... ကိုယ့်ရဲ့ ခံစားချက်အားလုံးကို မလွင့်စင်အောင် သေချာထိန်းသိမ်းထားနိုင်တဲ့ 𝐇𝐨𝐥𝐝𝐢𝐧𝐠 🫙 𝐄𝐧𝐯𝐢𝐫𝐨𝐧𝐦𝐞𝐧𝐭
ကို ကိုယ့်ရဲ့ အတွင်းစိတ်မှာ လုံခြုံစွာ ဖန်တီးတတ်အောင် လုပ်ရတာကိုပါ။

အရင်တုန်းကတော့ ကိုယ့်ကို နားလည်ပေးမယ့်၊ လုံခြုံမှုပေးမယ့် ကောင်းကင်ကြီးကို အပြင်မှာပဲ လိုက်ရှာနေခဲ့တာ။ တကယ်တော့ 'ကိုယ်' ဟာ 'ကိုယ့်' အတွက် အကျယ်ပြန့်ဆုံး ကောင်းကင်ကြီး ဖြစ်နေခဲ့တာပဲ။ ၀မ်းနည်းမှုတွေ၊ ဒေါသတွေ၊ ကြောက်ရွံ့မှုတွေဆိုတာ ကောင်းကင်ပေါ်က ဖြတ်သွားတဲ့ တိမ်မည်းတွေ၊ မုန်တိုင်းတွေလိုပါပဲ။ မုန်တိုင်းတွေ ဘယ်လောက်တိုက်တိုက် ကောင်းကင်ကြီးကတော့ အမြဲတမ်း တည်ရှိနေသလို... ကိုယ့်ရဲ့ အဆင်မပြေတဲ့ ခံစားချက်တွေ ဘယ်လိုပဲ ပြောင်းလဲနေပါစေ၊ အဲဒီခံစားချက်အားလုံးကို ကြည်ဖြူစွာ ထွေးပွေ့လက်ခံပေးနိုင်တဲ့ (ကောင်းကင်)က ကိုယ့်အထဲမှာ အမြဲတမ်း ရှိနေခဲ့တာပါလားဆိုတာ အသိအမှတ်ပြုရပါတယ်ရှင်။

🎶 ငါပိုင်သမျှနင့်တစ်ယောက်ထဲပါ။
🎶 ငါအချိန်တိုင်းနင့်ရဲ့အနားမှာ... နင်လိုမျှဖြည့်ဆည်းချင်လို့ပါ။ နင်ဘယ်သွားသွားငါ့ကိုခေါ်ပါ။ 🫂 ✨🧩

🌻✨ ကိုယ့်ကိုယ်ကိုယ် ပြန်လည်ပြုစုပျိုးထောင်ခြင်း (𝐒𝐞𝐥𝐟 𝐍𝐮𝐫𝐭𝐮𝐫𝐢𝐧𝐠)

နာကျင်ရမှာကြောက်လို့ ဆွဲထားတဲ့ခြေလှမ်းတွေ၊ မျိုသိပ်ခြင်းတွေ၊ ငြင်းကွယ်ထားတာတွေ၊ မသိဟန်ဆောင်ထားတာတွေ၊ ကိုယ်မကြိုက်တဲ့ အားနည်းချက်တွေကို လက်ခံဖို့ ငြင်းဆန်နေတာကနေ အရှိကိုအရှိအတိုင်း "ပကတိ" လက်ခံနိုင်ဖို့... ဒီအရာတွေက အထောက်အပံ့ ရတနာသိုက်ကြီးဖြစ်တယ်ဆိုတာ လက်ခံရပါတယ်။ ကလေးဘ၀တုန်းက ဘာဖုံးကွယ်မှုမှမရှိခဲ့ဘဲ၊ အနိုင်အရှုံးတွေရဲ့အလွန်မှာ လွတ်လွတ်လပ်လပ် "ပကတိ" ပျော်ရွှင်မှုနဲ့ ရှင်သန်ခဲ့တဲ့ ကိုယ့်ကိုယ်ကိုယ် ပြန်လွမ်းလာတယ်။

အခုတော့ ကိုယ့်ကိုယ်ကိုယ် အတင်းကြီး (𝐅𝐢𝐱) လုပ်ဖို့ ကြိုးစားတာကို မလုပ်တော့ဘူး။ "ငါလှပနေမှ၊ ငါအဆင်ပြေမှ၊ ငါအောင်မြင်မှ၊ ငါသတ်မှတ်ထားသမျှ ပြည့်၀မှ ငါ့ကိုယ်ငါချစ်မယ်" ဆိုတဲ့ အခြေအနေပေးထားချက် (𝐂𝐨𝐧𝐝𝐢𝐭𝐢𝐨𝐧𝐬) တွေကို ပယ်ဖျက်လိုက်နိုင်ပြီ။ ကျရှုံးနေလည်းချစ်တယ်။ ၀တုတ်နေလည်းချစ်တယ်၊ မလှပလည်းချစ်တယ်၊ အဆင်မပြေလည်းချစ်တယ်။ ဘာမှပြန်မမျှော်လင့်ဘဲ ကိုယ့်ရဲ့ ဖြစ်တည်နေမှု သက်သက်လေး အတွက်ကိုပဲ စချစ်ပေးတတ်လာတော့တယ်။ သိပ်တော့မလွယ်ပေမဲ့ကြိုးစားရင်းလျှောက်လှမ်းနေတယ်။

🎶✨နင်ကြေကွဲအားငယ်တဲ့အခါ ငါနင့်အနားနှစ်သိမ့်မြဲပါ။

အရင်ကဆို ကိုယ်ကြေကွဲအားငယ်တဲ့အခါတိုင်း အပြင်ဘက်က နှစ်သိမ့်မှုကိုပဲ မျှော်လင့်ခဲ့မိတယ်။ ဒါပေမယ့် တကယ်တမ်း အလိုအပ်ဆုံးအချိန်မှာ ကိုယ့်ဘေးနားမှာ အမြဲရှိနေပေးနိုင်တာက 'ကိုယ်' ပါပဲ။ လဲကျသွားတဲ့အချိန်၊ ဘာလုပ်ရမှန်းမသိအောင် အားငယ်သွားတဲ့အချိန်တွေမှာ ကိုယ့်ကိုယ်ကိုယ် 'ဘာလို့ ဒီလောက်တောင် အားနည်းရတာလဲ' လို့ အပြစ်မတင်တော့ဘူး။ 'မင်း ပင်ပန်းသွားပြီနော်၊ ငါဒီမှာရှိတယ်၊ ဘာမှကြောက်စရာမလိုဘူး' ဆိုပြီး ကိုယ့်ပခုံးလေးကို ကိုယ်တိုင် ပြန်ဖက်ထားပေးလိုက်တယ်။

သူများတွေ မြင်ရင် မချစ်တော့မှာ စိုးလို့ အတင်းဖုံးကွယ်ထားခဲ့ရတဲ့ အလင်းရောင်‌ပေးမခံရဲတဲ့ကိုယ့်ရဲ့ အခြမ်းတွေ၊ အားနည်းချက်တွေကို အပြစ်မတင်ဘဲ အနွေးထွေးဆုံး ထွေးပွေ့ပေးနိုင်တာ 'ကိုယ်' ပါပဲ။

တစ်လောကလုံးက ပစ်ထားခဲ့ရင်တောင် ကိုယ့်ကိုယ်ကိုယ် ဘယ်တော့မှ ပြန်မပစ်ထားတော့ဘူးလို့ ကတိပေးပါတယ်။ ဘယ်သူတွေ ရှိရှိ၊ မရှိရှိ... ကိုယ့်ရဲ့ အလိုအပ်ဆုံးအချိန်တိုင်းမှာ ကိုယ့်ဘေးနား ရှိနေပေးမယ့်သူက 'ကိုယ်' ပဲမို့လို့...။

'ကိုယ်' ဆိုတဲ့ ဖြစ်တည်မှုတစ်ခုလုံးကို အကြွင်းမဲ့ လက်ခံပေးနိုင်တာ ကိုယ်တိုင်ပဲ ရှိတာပါ။ လောကကြီးက ကျောခိုင်းသွားတဲ့ နေ့တွေမှာတောင် ကိုယ့်လက်ကို ကိုယ်တိုင် တင်းတင်းကျပ်ကျပ် ပြန်ဆုပ်ကိုင်ထားနိုင်ခဲ့ပြီပဲ။ ငါ့အနားကနေ ဘယ်တော့မှ ထွက်မသွားတော့ဘူး။

ကိုယ်တိုင် ဖန်တီးထားတဲ့ ကောင်းကင်ကြီးအောက်မှာပဲ အငြိမ်းချမ်းဆုံး ခိုလှုံတော့မယ်။

အလုံခြုံဆုံး ကောင်းကင်... နေချင်တာ ကိုယ့်အနား ပါပဲ။ 🌻✨🫂

နေချင်တာ ကိုယ့်အနား ပါပဲ။ 🌻✨
နေချင်တာ ကိုယ့်အနား ပါပဲ။ 🌻✨

ကျွန်မ စာရေးတာကို ဖတ်ပေးတဲ့သူ တစ်ဦးချင်းစီကိုကျေးဇူးတင်ပါတယ်ရှင်။🙏✨

လွတ်လပ်စွာရှဲနိုင်ပါတယ်။ ကော်ပီယူခြင်း ဖြတ်ညှပ်ကပ်လုပ်ခြင်း ခွင့်မပြုပါရှင်။

https://www.youtube.com/watch?v=LrFL5UGrLa4

💌🫂✨

🧿 🪬

Rohma (Wounds to Wisdom)

5th July, 26 (Sunday)
2.30 PM

မင်္ဂလာပါ။ 🌻 ✨ 🙏 July လ အတွက် 𝐅𝐫𝐞𝐞 𝐃𝐢𝐬𝐜𝐨𝐯𝐞𝐫𝐲 𝐂𝐚𝐥𝐥 𝟑𝟎 𝐦𝐢𝐧𝐬 𝐜𝐨𝐧𝐬𝐮𝐥𝐭𝐚𝐭𝐢𝐨𝐧 လေး appointment လက်ခံပေးနေပါတယ်‌နော်။Therapy slo...
07/07/2026

မင်္ဂလာပါ။ 🌻 ✨ 🙏

July လ အတွက် 𝐅𝐫𝐞𝐞 𝐃𝐢𝐬𝐜𝐨𝐯𝐞𝐫𝐲 𝐂𝐚𝐥𝐥 𝟑𝟎 𝐦𝐢𝐧𝐬 𝐜𝐨𝐧𝐬𝐮𝐥𝐭𝐚𝐭𝐢𝐨𝐧 လေး appointment လက်ခံပေးနေပါတယ်‌နော်။

Therapy slots လေး အတွက် reservation slots ၃ ဦးစာနေရာရနိုင်ပါတယ်ရှင်။ Therapy Session တွေက Supervision ရှိပါတယ်နော်။ Confidentiality and Privacy အပြည့်အ၀ရှိပြီး Process အလုံးစုံကို
မ Rohma တစ်ဦးထဲပင်တိုင် Client ကိုကြည့်ပေးနေပါတယ်နော်။

Appointment schedule နဲ့ နှုန်းထားလေးတွေအတွက် Page messenger မှာ message ချန်ထားနိုင်ပါတယ်။

Appointment လေးတွေက ပြည့်တာမြန်လို့ ကိုယ့်ကိုယ်ကိုယ် ဂရုစိုက်ဖို့ နောက်မကျရလေအောင် Booking အမြန်ယူမှစိတ်ချရပါမယ်နော်။

Admin Team ဖက်မှ ရုံးချိန်အတွင်း ( Mon - Sat, 9.30 AM to 5.00 PM) ပြန်လည်ဖြေကြားပေးနေပါတယ်နော်။ ကျေးဇူးပါ။ ✨🙏

🐟✨ 𝐖𝐞'𝐯𝐞 𝐚𝐥𝐥 𝐦𝐞𝐭 𝐚 𝐁𝐨𝐨𝐠𝐥𝐞 𝐨𝐧𝐜𝐞 𝐢𝐧 𝐨𝐮𝐫 𝐥𝐢𝐯𝐞𝐬 𝐒𝐰𝐚𝐩𝐩𝐞𝐝 𝐂𝐚𝐫𝐭𝐨𝐨𝐧𝐍𝐞𝐭𝐟𝐥𝐢𝐱 မှာ 𝐒𝐰𝐚𝐩𝐩𝐞𝐝 𝐀𝐧𝐢𝐦𝐚𝐭𝐞𝐝 𝐜𝐚𝐫𝐭𝐨𝐨𝐧 လေးကြည့်ရင်း အချစ်တော်လ...
02/07/2026



🐟✨ 𝐖𝐞'𝐯𝐞 𝐚𝐥𝐥 𝐦𝐞𝐭 𝐚 𝐁𝐨𝐨𝐠𝐥𝐞 𝐨𝐧𝐜𝐞 𝐢𝐧 𝐨𝐮𝐫 𝐥𝐢𝐯𝐞𝐬
𝐒𝐰𝐚𝐩𝐩𝐞𝐝 𝐂𝐚𝐫𝐭𝐨𝐨𝐧

𝐍𝐞𝐭𝐟𝐥𝐢𝐱 မှာ 𝐒𝐰𝐚𝐩𝐩𝐞𝐝 𝐀𝐧𝐢𝐦𝐚𝐭𝐞𝐝 𝐜𝐚𝐫𝐭𝐨𝐨𝐧 လေးကြည့်ရင်း အချစ်တော်လေး Boogle ဆိုတဲ့ ငါးခူပြုံး‌လေးနဲ့
ငါးကြီးက နေ ဗီလိန် 🐟 Boogle ဆိုတဲ့ Character ‌အပြောင်းအလဲမြန်ရင်း နာကြည်းချက်ကို အခြေခံပြီး သစ္စာဖောက်ခြင်းကိုလက်ကိုင်ကျင့်သုံးတဲ့ အရာကို ပြောင်းလဲသွားပုံက တော်တော်လေးစိတ်၀င်စားမိသွားတယ်။ လူသား‌တွေမှာရှိတဲ့ မတူညိိီမှု အကောင်း၊ အဆိုး ဒွန်တွဲ နေတဲ့ အရာကို မီးမောင်းထိုးပြလိုက်တာပါပဲ။

🐟 Boogle သူ့ရဲ့အပြုံးဟာချိူပြီး နွေးထွေးတယ်၊Carefree ဖြစ်ပြီး ခင်မင်စရာကောင်းတယ်၊ စကားလုံးလေးတွေက သူစိမ်းတစ်ယောက်ကို ခဏအတွင်း အားကိုးယုံကြည်စေလောက်တယ်။ ပသို့ဆိုစေ တစ်ခြားတစ်ဖက်မှာ 🐟 က သူ့ရဲ့ နာကြင်မှု‌တွေ၊ ဒဏ်ရာတွေနဲ့ က‌လဲ့စားချေချင်စိတ်၊ အကြောက်တရား၊ နာကြည်းချက်၊ တစ်ဖက်သားကို အစိတ်စိတ်အမွှာမွှာလုပ်ချင်စိတ်တွေကို ကြောင်လက်သည်းဝှက်သလို ကွယ်ဝှက်ထားတယ်။

ဒီ 🐟 Character က ကျွန်မတို့ရဲ့ လက်တွေ့ဘ၀မှာ ထိတွေ့ဆက်ဆံနေရတဲ့ လူတွေ အဖြစ်အပျက်‌‌တွေနဲ့တော်တော်နီးစပ်မှုရှိတယ်လို့ခံစားကပါတယ်။

𝐁𝐞𝐭𝐫𝐚𝐲𝐚𝐥 သစ္စာဖောက်ခြင်းကို သူက သစ္စာတည်ထားတာကိုး။ ကျွန်မတို့ဘ၀မှာ မိသားစုအတွင်းမှာ၊ ကျောင်းသားဘ၀၊ တက္ကသိုလ်၊ Corporate Life လုပ်ငန်းခွင်မှာ၊ စီးပွားရေးလောကမှာ၊ ချစ်သူရည်းစား Relationship မှာ စသဖြင့်တနည်းမဟုတ်
သစ္စာဖောက်ခြင်းကို ကြုံဖူးကြမှာမလွဲမသွေပါ။

အံ့ဩဖွယ်ကောင်းတာက သစ္စာဖောက်ခြင်းဆိုတာ သူစိမ်းတွေဆီကလာတာမဟုတ်ပါဘူး။ ကိုယ့်ရဲ့ 𝐒𝐨𝐟𝐭 𝐒𝐩𝐨𝐭𝐬 တွေကိုသိတဲ့ ကိုယ့်ရဲ့အတွင်းစည်းထဲကပဲလာတာဖြစ်တယ်။ ကိုယ်နဲ့ ယုံကြည်မှု ကိုတည်ဆောက်ပြီး မှ Safe Space Connection ကို အစစ်အမှန်လို့ယူဆရလောက်အောင်တည်ဆောက်ရင်း ခင်မင်မှုမှာ အချိန်တစ်ခုကြာလာတော့မှ ကိုယ်ကအဲ့လူရဲ့ ပကတိရိုးသားမှူကို ‌ကိုယ်နဲ့ကိုယ်ကြား ပွတ်တိုက်မှုကတဆင့်မေးခွန်းထုတ်လာရတဲ့ ခံစားချက်ဆိုတဲ့နေရာကို ရောက်တဲ့အချိန်ပဲဖြစ်တယ်။

Safe Space လို့ သတ်မှတ်ထားတဲ့ သူတစ်ယောက်က ကြင်နာမှူကို ပြသနေရင်း နာကြင်မှုတွေ ရက်စက်မှုတွေနဲ့ ချက်ချင်းကြီး သူစိမ်းတစ်ဦးလို ရန်သူတစ်ဦးလိုဖြစ်သွားတဲ့အခါ ကိုယ်ရပ်တည်နေတဲ့ ကမ္ဘာကြီးတစ်ခုလုံး ပြိုကျသွားသလိုခံစား ရတာမျိူး။

သစ္စာဖောက်ခြင်းဆိုတာ ရုပ်ရှင်ထဲကလို ဝုန်းဝုန်းဒိုင်းဒိုင်းနဲ့ ဒရာမာဆန်ဆန်မျိုးလာတာတော့မဟုတ်ဘူးရယ်။ သူက သိပ်နူးညံ့တယ်။သိမ်မွေ့တယ်။ ခြေသံလုံတယ်။ အငိုက်ဖမ်းတဲ့ အနေအထားနဲ့ ၀င်လာတတ်တာမျိူး။ ကိုယ်ယုံကြည့်ထားတဲ့သူကပဲ ကိုယ့်ကိုယ့်ကိုယ်ကိုယ်ပြန် သံသယ၀င်စေတာမျိူး။

နောက်ဆက်တွဲက တစ်ဖက်လူထက် ကိုယ့်ကိုယ်ကိုယ် ယုံကြည်မှုပျောက်ထွက်သွားတာ အပြစ်တင်မိတာ၊ ငါလေဘာလို့ကြိုမသိနိုင်ခဲ့တာလဲ ဆိုပြီးမေးခွန်းထုတ်နေမိတာမျိူး၊ ဒီလိုမျိူးအတွေ့အကြုံကိုကြုံကတဲ့အခါ ခံပြင်းတာ၊ ဒေါသဖြစ်တာ၊ မကျေနပ်တာ၊ ငါ့ကိုမှလုပ်ရက်လေခြင်းမျိူးတွေ ခံစားကတတ်တယ်။ လုံခြုံတယ်ဆိုတဲ့ ဇာတ်ညွှန်းလေး ဇာတ်လမ်းလေးတစ်ပုဒ်ဟာ အစိတ် စိတ် အမွှာမွှာ စုတ်ဖြဲခံလိုက်ရတဲ့အခါမှာ စိတ်ဒဏ်ရာရရင်းကျန်ခဲ့ရတာ။

🐟 ရဲ့ Character က အထီးကျန်မှု၊ ဖယ်ထုတ်ခံရတာတွေ၊ Rejection ရတာတွေ၊ နာကြင်မှုတွေက သူ့ကိုပြောင်းလဲသွားစေတယ်။ သူ့လိုမျိူးပဲ Character ကို Swapped လုပ်တဲ့သူတွေ က လူ့‌ ‌‌ လောကမှာ ခပ်များများဆိုတော့ ယုံကြည်မှုဆိုတာလဲ ကျိုးကြေလွယ်တာတွေဖြစ်လာတယ်။ သစ္စာဖောက်ခြင်းရဲ့၀မ်းနည်းစရာကောင်းတဲ့အပိုင်းက သစ္စာဖောက်တဲ့သူက ကိုယ့်ရဲ့ တစ်ဖက်သူကို စိတ်ချယုံကြည်လိုက်တဲ့ Version ကို ဆုံးရှုံးသွားပြီး ဘယ်တော့မှအဲ့ဒါကိုသူပြန်မရတော့ပါဘူး။

💔 သစ္စာဖောက်ခံရတဲ့အခါ 𝐁𝐞𝐭𝐫𝐚𝐲𝐚𝐥 𝐓𝐫𝐚𝐮𝐦𝐚 𝐑𝐞𝐩𝐞𝐭𝐢𝐭𝐢𝐨𝐧 𝐂𝐨𝐦𝐩𝐮𝐥𝐬𝐢𝐨𝐧 သံသရာလည်ခြင်း မသိစိတ်ရဲ့ (Unconscious) pattern က အလားတူအဖြစ်အပျက်တွေ၊ လူတွေကိုပဲ ဘ၀ထဲပြန်ပြန်ဆွဲခေါ်လာတတ်တယ်။ အနာကိုသေချာမကုစားပဲ ဖုံးဖိထားရင် မသိစိတ် (Subconscious) ‌ကသစ္စာဖောက်တတ်တဲ့ပုံစံရှိတဲ့သူကိုပဲခေါ်ဆောင်လာတတ်ပါတယ်။

မူလစိတ်ဒဏ်ရာကို အသိအမှတ်မပြုသရွေ့ ပုံစံတွေသာပြောင်း လူတွေသာပြောင်းပြီး ခံစားရတာတော့အတူတူပဲ တစ်ပတ်လည်ပြီး ဒီနေရာပဲပြန်ပြန်ရောက်တတ်တာမျိူးဖြစ်တတ်ပါတယ်။

အပြင်ကလူကိုအပြစ်တင်မဲ့အစား ကိုယ့်ရဲ့အထဲကိုစောင့်ကြည့်ရင်း ကိုယ့်အထဲက နာကျင်နေတဲ့ ၀မ်းနည်းနေတဲ့ အစိတ်အပိုင်းလေးက ဘယ်ကလာတာလဲ၊ သူ့ကိုလက်ခံပေးမှုကနေ ကိုယ့်ရဲ့ ယုံကြည်ရာ Safe Space က အပြင်ကနေလိုက်ရှာတာထက် ကိုယ့်ရဲ့အထဲမှာ ကိုယ့်အတွက်ကို Space လုံခြုံသန့်စင်တဲ့ နေရာလွတ်ကလေး တစ်မျှင်ခြင်း အသိုက်လေးတစ်ခုလိုတည်ဆောက်ဖို့အလုပ်လုပ်ကပါတယ်။

သစ္စာဖောက်မယ့်သူကို ရွေးချယ်နေမိတာဟာ အကျွမ်းတ၀င်ရှိတဲ့ ငရဲကိုရွေးခြယ်သလိုပါပဲ။ နာကျင်မှုက ကိုယ့်အတွက် ရင်းနှီးလွန်းနေလို့ပါ။ စိတ်ဒဏ်ရာအကြိမ်ကြိမ်ရဘူးတဲ့သူက တည်ငြိမ်အေးချမ်းလုံခြုံမှုဆိုတာက သူ့အတွက် သိပ်ကြောက်စရာကောင်းပါတယ်။ အဲ့ဒါမို့ မသိစိတ်ကစွဲလမ်းနေတဲ့ အနက်ရှိုင်းဆုံးအကြောက်တရား ကို ငရဲထဲ ခဏ၊ ခဏဆင်းပြီး သက်သေထူနေပြနေရတာမျိူးပါ။

သံသရာလည်နေတဲ့ နာကျင်မှုတွေကနေ အမှန်တကယ် လွတ်မြောက်သွားမဲ့နေ့ဟာ ကိုယ့်ကိုယ်ကိုယ်ပြန်ရွေးချယ်လိုက်တဲ့နေ့ပါပဲ။ ဘယ်သူတွေပဲ ၀င်လာသည်ဖြစ်စေ၊ ထွက်သွားသည်ဖြစ်စေ၊ ကိုယ့်ကိုယ်ကိုယ် ဘယ်တော့မှ သစ္စာမဖာက်တော့ဘူးလို့ ဆုံးဖြတ်ချက်ချလိုက်တာဟာ ကိုယ့်ရဲ့ ရွေးချယ်မှု ကနေရလာတဲ့ စွမ်းအင်စင်စစ်ဖြစ်ပါတယ်ရှင်။ ကျေးဇူးတင်ပါတယ်။ 🙏💗✨

Rohma (Wounds to Wisdom)

2nd July, 26 (Thursday)
8.45 PM

#အနုပညာကဗျာနှင့်စိတ်ကျန်းမာရေး 🙏🖌️🎨 မဂ်လာပါရှင်။ဇန်နဝါရီလ ၁၆ရက်၊ ၂၀၂၆ ရက်တွင် ကျွန်မ ကို ဆရာဒေါက်တာအောင်မင်းနှင့် ဆရ...
15/06/2026

#အနုပညာကဗျာနှင့်စိတ်ကျန်းမာရေး 🙏🖌️🎨

မဂ်လာပါရှင်။

ဇန်နဝါရီလ ၁၆ရက်၊ ၂၀၂၆ ရက်တွင် ကျွန်မ ကို ဆရာဒေါက်တာအောင်မင်းနှင့် ဆရာမ ဒေါက်တာဒေါ်စန်းစန်းဦးတို့မျှဝေသော “𝐌𝐞𝐞𝐭𝐢𝐧𝐠 𝐰𝐢𝐭𝐡 𝐌𝐞𝐧𝐭𝐚𝐥 𝐇𝐞𝐚𝐥𝐭𝐡 𝐚𝐧𝐝 𝐀𝐫𝐭”, 𝐰𝐢𝐭𝐡 𝐩𝐞𝐫𝐬𝐩𝐞𝐜𝐭𝐢𝐯𝐞𝐬 𝐜𝐨𝐧𝐧𝐞𝐜𝐭𝐞𝐝 𝐭𝐨 𝐓𝐨𝐤𝐲𝐨 𝐒𝐨𝐭𝐞𝐫𝐢𝐚, ကျင်းပတဲ့ Workshop presentation ကိုဖိတ်ကြားလို့ တတ်ရောက်သင်ယူလေ့လာခွင့်ရရှိခဲ့ပါတယ်ရှင်။ ဆရာနှင့်ဆရာမတို့ကို ကျေးဇူးအများကြီးတင်ပါတယ်ရှင်။ 🙏✨

I would like to express my sincere gratitude to Dr. Aung Min and Dr. San San Oo for the invitation and for creating this meaningful space for dialogue and reflection.

ထို Event လေးမှာ ဂျပန်၊ အီတလီ နှင့်မြန်မာမှ ဆရာနှင့်ဆရာမ အပါအ၀င် စိတ်ကျန်းမာရေးနယ်ပယ်မှ Professional Psychiatrist Guest speaker ၆ဦးမှ မျှဝေမှုများပြုလုပ်ခဲ့ပါတယ်။ အနုပညာရဲ့အရေးပါပုံအခန်းကဏ္ဏကို‌လေ့လာသင်ယူမှတ်သားကပါတယ်။

ဂျပန် Company မှာ နှစ်များစွာလုပ်ခဲ့ဖူးသူအနေနဲ့ စိတ်ကျန်းမာရေးနဲ့ပက်သက်ပြီး ပွင့်လင်းစွာလက်ခံမှုကို ဒီ Event ကျမှသာ ကိုယ့်အ‌နေနဲ့ပထမဆုံးကြုံဖူးတာပါ။

ကျွန်မအတွက် သင်ယူကတာ ကဗျာက 𝐩𝐬𝐲𝐜𝐡𝐢𝐜 𝐜𝐨𝐧𝐭𝐚𝐢𝐧𝐞𝐫 ဆိုတာပါပဲ။ အရင်က ၁၀စုနှစ်တစ်ခုကျော်တုန်းက ကဗျာအရမ်းရေးတာ နောက်ပိုင်း အဲ့ဒါကပျောက်သွားလိုက်တာ အခုမှပြန်ပေါ်လာတာ။ အဲ့တော့မှာ ကိုယ့်ရဲ့ 𝐩𝐬𝐲𝐜𝐡𝐢𝐜 𝐜𝐨𝐧𝐭𝐚𝐢𝐧𝐞𝐫🫙 လေးက ပျောက်သွားတာကို သွားသတိယတယ်။ ဟိုးအရင်တုန်းကရေးထားဝာာလေးတွေလဲပြန်ရှာဖြစ်တယ်။

သင်ကြားခွင့်ရခဲ့တဲ့ ဗဟုသုတ၊ အချက်အလက်၊ အနုညာဆိုင်ရာ ညာဏပညာများ၊ အထူးသဖြင့် အချိန်၊ အား၊ နှလုံးသားဖြင့် မျှဝေမှုကိုပြုလုပ်ခဲ့ကြတဲ့ ဆရာနှင့်ဆရာမတို့ရဲ့ ဂရုဏာသဘောကို မမေ့မလွတ်ထိန်းသိမ်းထားမည်ဖြစ်ပါတယ်ရှင်။

𝐎𝐧𝐞 𝐨𝐟 𝐭𝐡𝐞 𝐤𝐞𝐲 𝐫𝐞𝐟𝐥𝐞𝐜𝐭𝐢𝐨𝐧𝐬 𝐟𝐨𝐫 𝐦𝐞 𝐰𝐚𝐬 𝐭𝐡𝐞 𝐢𝐝𝐞𝐚 𝐨𝐟 𝐚𝐫𝐭 𝐚𝐧𝐝 𝐩𝐨𝐞𝐭𝐫𝐲 𝐚𝐬 𝐚 𝐩𝐬𝐲𝐜𝐡𝐢𝐜 𝐜𝐨𝐧𝐭𝐚𝐢𝐧𝐞𝐫 how creative expression can hold emotional experience, support healing, and open pathways for psychological integration and understanding.
I leave this experience with deep appreciation for the role of the arts in mental health practice and for continued international collaboration in this field.

လွတ်လပ်စွာ share နိုင်ပါတယ်။ ကော်ပီယူခြင်း ဖြတ်ညှပ်ကပ်လုပ်ခြင်းခွင့်မပြုပါရှင်။ ကျေးဇူးတင်ပါတယ်။



Rohma (Wounds to Wisdom)

15th June, 2026

𝐎𝐧𝐞 𝐘𝐞𝐚𝐫 𝐨𝐟 𝐂𝐥𝐢𝐧𝐢𝐜𝐚𝐥 𝐏𝐫𝐚𝐜𝐭𝐢𝐜𝐞 [𝟏𝟎𝟎 + 𝐂𝐥𝐢𝐧𝐢𝐜𝐚𝐥 𝐇𝐨𝐮𝐫𝐬 𝐂𝐨𝐦𝐩𝐥𝐞𝐭𝐞𝐝 ]🌿✨မဂ်လာပါရှင်။ 15th May, 2025 က Client စပြီးယူခဲ့ပြီး Saf...
16/05/2026

𝐎𝐧𝐞 𝐘𝐞𝐚𝐫 𝐨𝐟 𝐂𝐥𝐢𝐧𝐢𝐜𝐚𝐥 𝐏𝐫𝐚𝐜𝐭𝐢𝐜𝐞 [𝟏𝟎𝟎 + 𝐂𝐥𝐢𝐧𝐢𝐜𝐚𝐥 𝐇𝐨𝐮𝐫𝐬 𝐂𝐨𝐦𝐩𝐥𝐞𝐭𝐞𝐝 ]
🌿✨

မဂ်လာပါရှင်။ 15th May, 2025 က Client စပြီးယူခဲ့ပြီး Safe Space & Non Judgemental Space အဖြစ်ရပ်တည်တာ အခုဆို တစ်နှစ်တိတိပြည့်ပါပြီရှင်။ 🎉🙏✨

Clinical practice အတွေ့အကြုံကို ကိုယ့်ကိုယ်နက်ရှိုင်းစွာ ကိုယ်ရှာဖွေရင်း ကိုယ့်ရဲ့ Wounds ဒဏ်ရာတွေအလုပ်လုပ်ရင်း လမ်းတူတဲ့သူတွေ တွေမိမိကိုယ်ကိုယ်ရှာဖွေချင်သူအတွက် လေ့လာသင်ယူချင်စိတ်၊ 𝐇𝐮𝐦𝐚𝐧 𝐂𝐨𝐧𝐧𝐞𝐜𝐭𝐢𝐨𝐧 ကို Genuine Connection တည်ဆောက်ရင်း စိတ်ရဲ့နယ်ပယ်တွေကိုအလုပ်လုပ်တာ တစ်နှစ်တင်းတင်းပြည့်ပါပြီ။

ကျွန်မဆီ ယုံကြည်စွာနဲ့ Therapy ယူတဲ့ Client တွေရဲ့ မတူညီတဲ့ Emotional Landscape တွေ ကိုလက်ခံရင်း၊ ကိုယ့်ရဲ့ Practice ကိုလဲအစဉ်တစ်ဆိုက် လေ့လာရင်း မတူညီတဲ့ Therapeutic Approach တွေ Intervention တွေကို အားသာချက်တွေကို ကိုယ်တိုင်ဖြတ်သန်းတွေ့ကြုံခံစားပြီးမှ ချိတ်ဆက်ပြီး Self Discovey လမ်းကိုအတူရှာဖွေခဲ့တဲ့နေရာမှာရှိပေးပါတယ်။

Multiple therapeutic approaches, including

🛋️ 𝐂𝐏𝐓 (𝐂𝐨𝐠𝐧𝐢𝐭𝐢𝐯𝐞 𝐏𝐫𝐨𝐜𝐞𝐬𝐬𝐢𝐧𝐠 𝐓𝐡𝐞𝐫𝐚𝐩𝐲)
🛋️ 𝐃𝐁𝐓 (𝐃𝐢𝐚𝐥𝐞𝐜𝐭𝐢𝐜𝐚𝐥 𝐁𝐞𝐡𝐚𝐯𝐢𝐨𝐫 𝐓𝐡𝐞𝐫𝐚𝐩𝐲)
🛋️ 𝐏𝐞𝐫𝐬𝐨𝐧-𝐂𝐞𝐧𝐭𝐞𝐫𝐞𝐝 𝐓𝐡𝐞𝐫𝐚𝐩𝐲
🛋️ 𝐈𝐧𝐭𝐞𝐫𝐧𝐚𝐥 𝐅𝐚𝐦𝐢𝐥𝐲 𝐒𝐲𝐬𝐭𝐞𝐦𝐬 (𝐈𝐅𝐒)
🛋️𝐏𝐬𝐲𝐜𝐡𝐨𝐞𝐝𝐮𝐜𝐚𝐭𝐢𝐨𝐧 & 𝐄𝐦𝐨𝐭𝐢𝐨𝐧𝐚𝐥 𝐏𝐫𝐨𝐜𝐞𝐬𝐬𝐢𝐧𝐠.

ကျွန်မအရမ်းကို Grateful ဖြစ်တာကတော့ ဒီခရီးမှာ
Clinical Exposure ကိုပိုမို Expansion လုပ်နိုင်ရန်
ပြည်ပ အခြေစိုက် 𝐚𝐧 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥𝐥𝐲 𝐑𝐞𝐜𝐨𝐠𝐧𝐢𝐳𝐞𝐝 𝐋𝐢𝐜𝐞𝐧𝐬𝐞𝐝 𝐂𝐥𝐢𝐧𝐢𝐜𝐚𝐥 𝐏𝐬𝐲𝐜𝐡𝐨𝐥𝐨𝐠𝐢𝐬𝐭 နဲ့ 𝐂𝐨𝐥𝐥𝐚𝐛𝐨𝐫𝐚𝐭𝐢𝐨𝐧
လုပ်ပြီး Professional ရဲ့ 𝐒𝐮𝐩𝐞𝐫𝐯𝐢𝐬𝐢𝐨𝐧 အောက်မှာ လိုအပ်တဲ့ Training တွေ၊ Ethical and Safe Space Clinical Hours 100+ Hours နဲ့အဖြစ်နဲ့သင်ယူ‌ လေ့လာမှု‌တွေပြုလုပ်ရင်းဆက်လက်လုပ်ကိုင်လျက်ရှိပါတယ်ရှင်။ ဒီလောက်ခရီးတွင်လာခဲ့တဲ့အတွက်လည်း
ကိုယ့်ကိုယ်ကိုယ်ကျေးဇူးတင်မိပါတယ်။

ဒီခရီးမှာ ကျွန်မကို ယုံကြည်မှုနဲ့ Therapy ယူကြတဲ့ Client တွေ၊ ဒီလမ်းမှာ ကျွန်မကို Psychology ကိုသင်ပေးကြတဲ့ မိမိရဲ့ Perspective ရယ်၊ စိတ်ရဲ့‌ ဘောင်ကိုချဲ့ပေးကြတဲ့ 𝐌𝐞𝐧𝐭𝐨𝐫 တစ်ဦးချင်းစီကိုကျေးဇူးဥပကာရအထူးပင်တင်ရှိပါတယ်ရှင်။ ဆက်လက်ကြိုးစားဖို့သင်ယူရင်းကိုယ့်ကိုယ်ကိုယ်အလုပ်လုပ်ဖို့ သတိကပ်ရင်း ကြိုးစားပ့ါမယ်။ 🤍🙏✨

ကျွန်မရဲ့ ကနဦးကတည်းကပေးနေကျ Ongoing Practice ဖြစ်တဲ့ မိနစ်၃၀ 𝟑𝟎-𝐌𝐢𝐧𝐬 𝐅𝐫𝐞𝐞 𝐃𝐢𝐬𝐜𝐨𝐯𝐞𝐫𝐲 𝐂𝐚𝐥𝐥 ကို Booking ပေးပါတယ်ရှင်။ မိမိအတွက် ဘယ် Tool က အဆင်ပြေမလဲ။ မိမိသိချင်တာတွေဆို 30 Mins FOC booking ယူပြိီး‌ မေးမြန်းလို့ရပါတယ်။ လူမျိူးမရွေး၊ ဘာသာမရွေး၊ မည်သည့် Gender LGBTQIA+ အပါအ၀င် မည်သူမဆို သာတူညီမျှစွာ Safe Space အဖြစ် လက်ခံပေးပါတယ်နော်။

𝐉𝐮𝐧𝐞 / 𝐉𝐮𝐥𝐲 𝟐𝟎𝟐𝟔 အတွက် 𝐂𝐥𝐢𝐞𝐧𝐭 𝐀𝐩𝐩𝐨𝐢𝐧𝐭𝐦𝐞𝐧𝐭 တွေ 𝐋𝐢𝐦𝐢𝐭𝐞𝐝 𝐬𝐥𝐨𝐭𝐬 အနေနဲ့ ဆက်လက် လက်ခံနေပါတယ်နော်။ Client 5 ဦးစာနေရာရပါမယ်ရှင်။

Appointment အတွက်ကို Page မှာစုံစမ်းနိုင်ပါတယ်။ Admin များမှ Monday to Friday Working Hours အတွင်း ဖြေပေးနေပါတယ်။ ကျေးဇူးတင်ပါတယ်ရှင်။

Still Learning. 🙏✨
Still Evolving. 🙏✨
Still choosing this path with Humility, Authenticity, and Heart. ♥️🌻✨






16th May, 2026 (Saturday)

Rohma Wounds to Wisdom

လွတ်လပ်စွာရှဲနိုင်ပါတယ်ကော်ပီလုပ်ခြင်း ဖြတ်ညှပ်ကပ်လုပ်ခြင်း ခွင့်မပြုပါရှင်။

မဂ်လာပါရှင်။ 🙏💛🌻✨🪄 “နိုင်ငံတကာ မိမိကိုယ်ကို အဆုံးစီရင်မှု တားဆီးကာကွယ်ရေးနေ့ (International Su***de Prevention Day)” အတွ...
10/05/2026

မဂ်လာပါရှင်။ 🙏💛🌻✨🪄

“နိုင်ငံတကာ မိမိကိုယ်ကို အဆုံးစီရင်မှု တားဆီးကာကွယ်ရေးနေ့ (International Su***de Prevention Day)” အတွက် Serenity ရဲ့ အထူးအစီအစဉ် အတွက် September 2025 မှာ အ‌ယောက်၅၀ မှာ ရွေးချယ်သင်ယူခွင့်ရရှိခဲ့ပါတယ်။ ဒီ Training က "အခမဲ့" ပေးတဲ့သင်တန်းဖြစ်ပြီး ထိရောက်မှုရှိပါတယ်။

Serenity Counseling & Mental Health Services ကိုအထူးပင် ကျေးဇူးဥပကာရတင်ရှိပါတယ်ရှင်။

မိမိကိုယ်ကို အဆုံးစီရင်မှုဆိုတာ ကိုယ်တိုင်အတွက်ရော၊ မိသားစု၊ မိတ်ဆွေများ၊ လူ့အသိုင်းအဝိုင်း တစ်ခုလုံးအတွက် ကြီးမားတဲ့ နာကျင်ဆုံးရှုံးမှုဖြစ်ပါတယ်။

ဒီဆုံးရှုံးမှုတွေကို အချိန်မီ ကာကွယ်တားဆီးလို့ရပါတယ်။စိတ်ခွန်အားအကူအညီလိုအပ်နေသူများကို နားထောင်ပေးတဲ့သူ၊ မျှော်လင့်ချက် ပြန်ပေးနိုင်သူ တစ်ယောက် ဖြစ်နိုင်တဲ့အခွင့်အလမ်း ကျွန်တော်/ကျွန်မတို့ အားလုံးမှာ ရှိပါတယ်။

🌻✨ ပထမအပတ် (စက်တင်ဘာ ၆): Su***de Prevention First Aid

🌻✨ ဒုတိယအပတ် (စက်တင်ဘာ ၁၃): Su***de Prevention for Children

🌻✨ တတိယအပတ် (စက်တင်ဘာ ၂၀): Su***de Prevention for Young People

🌻✨ စတုတ္ထအပတ် (စက်တင်ဘာ ၂၇): Su***de Prevention for Older Adults

ကိုယ့်ကိုယ်ကို အဆုံးစီရင်မှုဆိုင်ရာ အန္တရာယ်အချက်ပြမှုများကို သတိထားမိခြင်း။စိတ်ပင်ပန်းနာကျင်နေသူများနဲ့ ဆက်သွယ်စကားပြောဆိုနည်းများ။အကူအညီလိုအပ်သူများကို ကျွမ်းကျင်ပညာရှင်ဆီ ခေါ်ဆောင်နိုင်မယ့် နည်းလမ်းများ။ကိုယ့်ကိုယ်ကို စိတ်ပိုင်းဆိုင်ရာ အားကောင်းအောင် တည်ဆောက်နည်း စတာတွေကိုသင်ယူခဲ့ရပါတယ်။

I am profoundly honored and sincerely grateful to have been selected among 50 outstanding students to participate in the Serenity Su***de Prevention Training Program this September in observance of International Su***de Prevention Day.

This remarkable experience has been both enlightening and transformative. The program deepened my understanding of mental health advocacy, compassionate intervention, and the vital importance of creating safe spaces where every individual feels seen, heard, and valued.

My heartfelt appreciation goes to the dedicated organizers, mentors, and facilitators whose passion and commitment continue to inspire hope and positive change within our communities. Your efforts are not only educating young leaders but also empowering us to become voices of empathy, resilience, and support for others.

It is a privilege to be part of such a meaningful initiative, and I carry forward the knowledge, awareness, and responsibility gained through this training with immense pride and purpose.

Thank you once again for this invaluable opportunity and unforgettable experience. ✨

***dePreventionDay2025




Address

Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Website

Alerts

Be the first to know and let us send you an email when Rohma: Wounds to Wisdom posts news and promotions. Your email address will not be used for any other purpose, and you can unsubscribe at any time.

Shortcuts

Share

Category