15/08/2026
ဧရာဝတီတိုင်းဒေသကြီး၊ လေးမျက်နှာမြို့နယ် ရေဘေးသင့်ပြည်သူများထံ Shan United FC မှ သွားရောက်ကူညီလှူဒါန်း။
Shan United FC မိသားစု၏ ရေဘေးကူညီထောက်ပံ့ရေးခရီးစဉ်အဖြစ် ဧရာဝတီတိုင်းဒေသကြီး၊ လေးမျက်နှာမြို့နယ်၊ အိုင်သပြုကျေးရွာရှိ ရေဘေးသင့်ဒေသသို့ သွားရောက်ခဲ့ပြီး လိုအပ်နေသည့် ကယ်ဆယ်ရေးနှင့် ထောက်ပံ့ရေးပစ္စည်းများကို ဒေသခံများထံ တိုက်ရိုက်ပေးအပ်လှူဒါန်းခဲ့ပါသည်။
အဆိုပါခရီးစဉ်တွင် Shan United U-20 နည်းပြချုပ် ဦးဟန်ဝင်းအောင် ဦးဆောင်၍ စီနီယာအသင်းကစားသမားများဖြစ်သည့် ဂိုးသမား ပြည့်ဖြိုးအောင်နှင့် စအောင်ပြည့်ကို တို့အပါအဝင် အသင်းတာဝန်ရှိသူများ ပါဝင်ခဲ့ကြပါသည်။
Shan United FC မိသားစုမှ ရေဘေးသင့်အိမ်ထောင်စု (၃၀၀) အတွက် ကြွေရည်သုတ်ပစ္စည်းများ၊ အသင့်စားစည်သွတ်ဘူးများ၊ ခေါက်ဆွဲခြောက်များ၊ ကော်ဖီမစ်နှင့် လက်ဖက်ရည်ထုပ်များ၊ ကိတ်နှင့် ပေါင်မုန့်များအပါအဝင် လိုအပ်သည့် စားနပ်ရိက္ခာနှင့် ထောက်ပံ့ရေးပစ္စည်းများကို ဒေသကယ်ဆယ်ရေးတာဝန်ရှိသူများထံ လက်ဝယ်အရောက် တိုက်ရိုက်ပေးအပ်ခဲ့ခြင်း ဖြစ်ပါသည်။
ရေဘေးသင့်ပြည်သူများအားလုံး ဘေးအန္တရာယ်များမှ ကင်းဝေးပြီး အမြန်ဆုံး ပြန်လည်အဆင်ပြေချောမွေ့ကြပါစေကြောင်း Shan United FC မိသားစုမှ ဆုမွန်ကောင်း တောင်းအပ်ပါသည်။
