24/02/2025
စစ်တွေမြို့နယ်အနီး ကျေးရွာများတွင် ပစ်ခတ်မှုများဖြစ်ပွား၊ စစ်တွေမြို့ပေါ်မှာတော့ ပုံမှန်အတိုင်း ဆက်လက်လည်ပတ်နေဆဲ
ရက်စွဲ - တနင်္လာ၊ ဖေဖော်ဝါရီ ၂၄၊ ၂၀၂၅
ရင်းမြစ် - ရခိုင်ပြည်နယ်အရေးကြီးသော သတင်း
ရခိုင်ပြည်နယ်၊ စစ်တွေမြို့နယ်အနီးရှိ ကျေးရွာများတွင် စစ်ကောင်စီတပ်များနှင့် အာရက္ခတပ်မတော် (AA) တပ်ဖွဲ့များအကြား ပစ်ခတ်တိုက်ခိုက်မှုများ ဆက်လက်ဖြစ်ပွားနေသော်လည်း စစ်တွေမြို့ပေါ်အတွင်း လူသွားလူလာများ၊ စားသောက်ဆိုင်များနှင့် စီးပွားရေးလုပ်ငန်းများကတော့ ပုံမှန်အတိုင်း ဆက်လက်လည်ပတ်နေကြောင်း မြို့ခံများက ပြောကြသည်။ ထို့အပြင် စစ်တွေ-ရန်ကုန် လေကြောင်းလိုင်းလည်း ပုံမှန်အတိုင်း ပြေးဆွဲနေဆဲဖြစ်ကြောင်း သိရသည်။
၂၀၂၃ ခုနှစ် နိုဝင်ဘာလအကုန်ပိုင်းမှစ၍ ရခိုင်ပြည်နယ်အတွင်း စစ်ကောင်စီတပ်များနှင့် AA တပ်ဖွဲ့များအကြား ပြန်လည်ဖြစ်ပွားသော စစ်ရေးအရေးအခင်းများကြောင့် လက်ရှိအချိန်အထိ ရခိုင်ပြည်နယ်ရှိ မြို့နယ် ၁၄ ခုနှင့် ချင်းပြည်နယ် ပလက်ဝမြို့နယ်တို့ကို AA တပ်ဖွဲ့က သိမ်းပိုက်ထားနိုင်ခဲ့သည်။ သို့သော် ကျောက်ဖြူ၊ မာန်အောင်နှင့် စစ်တွေမြို့နယ်များကို စစ်ကောင်စီက ဆက်လက် ထိန်းချုပ်ထားဆဲဖြစ်သည်။
နောက်ဆုံးရသတင်းအရ AA တပ်ဖွဲ့က စစ်တွေမြို့နယ်နှင့် ကျောက်ဖြူမြို့နယ်များကို ထိုးစစ်ဆင်ရေးများ ပြင်းထန်စွာ ဆောင်ရွက်နေပြီး ဒေသခံများအနေဖြင့် လုံခြုံရေးအတွက် သတိထားကြရန် တိုက်တွန်းထားသည်။
