To be the best civil engineer

07/10/2025

💰လူအများစုက Income ကိုပဲ တွေးတတ်ကြပေမယ့်၊ တကယ်အရေးကြီးတာက Net Worth ဖြစ်ပါတယ်။

“လစဉ် ဘယ်လောက် ဝင်ငွေ ရလဲ?”

ဒီမေးခွန်းကိုပဲ အလုပ်မှာဖြစ်စေ၊ မိသားစုထဲမှာဖြစ်စေ၊ မိတ်ဆွေတွေကြားမှာဖြစ်စေ စိတ်ဝင်စားတတ်ကြပါတယ်။

အမှန်တကယ်ကတော့ Income ဆိုတာ Wealth မဟုတ်ပါဘူး။

Income ဝင်ငွေ များများ ရှိနေတာနဲ့ Wealthy ချမ်းသာနေတယ်လို့ ပြောလို့ မရပါဘူး။

Income ဝင်ငွေ ကိန်းဂဏန်းတွေ အများကြီး မရှိလှပေမယ့် Wealthy ဖြစ်နေတဲ့ဘဝမှာ နေထိုင်နေတာလည်း ဖြစ်နိုင်ပါတယ်။

ခြားနားချက်ကတော့ Net Worth ဖြစ်ပါတယ်။

💎 Net Worth ဆိုတာဘာလဲ?

Net Worth ဆိုတာက ကိုယ် ပိုင်ဆိုင်ထားသော အရာအားလုံး (Assets) ကနေ ကိုယ်ပြန် ပေးရမယ့်အရာများ (Liabilities) ကို ဖယ်ထားလိုက်ပြီးတဲ့ လက်ကျန် ဖြစ်ပါတယ်။

Formula: Net Worth = Assets – Liabilities

Assets ဆိုတာ Cash ငွေသား၊ Savings စုငွေ၊ Property အိမ်ခြံမြေ၊ Investments ရင်းနှီးမြှုပ်နှံမှုများ၊ Business Value လုပ်ငန်း တန်ဖိုး စသည်ဖြင့်ပါဝင်ပါတယ်။

Liabilities ဆိုတာ Debts အကြွေး ၊ Credit Card Balances ချေးငွေ၊ Car Loans ကား အရစ်ကျ ပေးရငွေ၊ House Mortgage အိမ် အရစ်ကျ ပေးရငွေ ၊ Borrow Money ချေးထားသောငွေ စသည်ဖြင့်ပါဝင်ပါတယ်။

ကိုယ့်ရဲ့ ငွေကြေး အခြေအနေ Net Worth မှာ ဒီ အရာတွေ ပါဝင်ပြီး လစဉ် ဝင်ငွေ Income ကိုပဲ အဓိက အခြေမခံပါဘူး။

💵 Why Income Isn’t Enough !

Income ဆိုတာ မတည်မြဲနိုင်ပါဘူး။ အလုပ်ဆုံးရှုံးတာ၊ တစ်စုံတစ်ခုဖြစ်တာနဲ့ ရပ်သွားနိုင်ပါတယ်။

ဒါပေမယ့် Net Worth ဖြစ်တဲ့ Savings၊ Investments နဲ့ Assets တွေကတော့ ကိုယ့် အတွက် ဆက်လက် အလုပ်လုပ်ပေး နေတတ်ပါတယ်။

ဒါကြောင့် Rich People ချမ်းသာတဲ့သူတွေက Income တိုးဖို့ပဲ ကြိုးစားမနေပါဘူး။ သူတို့က Net Worth ပိုတိုးဖို့ ကြိုးစားကြပါတယ်။

Income ဝင်ငွေများများ ဝင်နေသော်လည်း သေချာ မစီမံဘဲ သုံးချင်ရာ သုံးပြီး တိုးပွါးခြင်း မလုပ်ရင် ဝင်ငွေ များနေတာ ဘာ အဓိပ္ပါယ်မှ မရှိပါဘူး။

🚀 How to Start Growing Your Net Worth

💰 Know Your Numbers ~ ကိုယ့်ရဲ့ Assets နဲ့ Liabilities တွေကို စာရင်းပြုစုပါ။

💰Save Consistently ~ ဝင်ငွေရလာတိုင်း ကိုယ် နဲ့ ကိုက်ညီတဲ့ ပမာဏ တစ်ခု ကို ပုံမှန် စုဆောင်းပါ။

💰 Invest Wisely ~ ကိုယ်ပိုင် အသိဥာဏ် တိုးတက်ရန် လိုအပ်တာ လေ့လာပြီး ရင်းနှီးမြှုပ်ခြင်းလုပ်ပါ။

💰Reduce Debts ~ ပေးစရာရှိ ချေးငွေများကို နည်းနိုင်သမျှ နည်းအောင် အများဆုံး ပြန်ဆပ်ပါ။

💰 Track Progress ~ ကိုယ့်ရဲ့ Net Worth ကို နှစ်ဝက် တစ်ခါ ဖြစ်စေ ၊ သုံးလ တစ်ခါ ဖြစ်စေ ပုံမှန် ပြန်လည် စစ်ဆေးပါ။

🍀 အနှစ်ချုပ် ပြောရရင်

လူအများစုက Income နောက်ကို လိုက်နေကြချိန်မှာ Rich People တွေကတော့ Net Worth ကိုတည်ဆောက်နေကြပါတယ်။

ဘယ်လောက် ဝင်ငွေ ရှိတယ် ဆိုတာထက် ဘယ်လောက် စီမံနိုင်လဲ၊ ဘယ်လို တိုးပွါးအောင် လုပ်နိုင်လဲ ဆိုတာက Wealth ဖြစ်ပါတယ်။

Khaing Zin Theint
Life And Wealth Coach

26/09/2025

ကန်ထရိုက်တိုက်

မြေရှင်နဲ့ ကန်ထရိုက် အကျိုးတူဆောက်ကြတာကို ကန်ထရိုက်တိုက်လို့ ခေါ်ကြတယ်။
မြေရှင်က မြေစိုက်၊ ကန်ထရိုက်က ဆောက်လုပ်ရေးကုန်ကျစရိတ်ကျခံ၊ အိမ်ရှင်က တိုက်တခြမ်းယူ၊ ကန်ထရိုက်က တခြမ်းနဲ့ အိမ်ရှင်ခြမ်းအပေါ်ဆုံးတစ်ထပ်ယူ ဆိုပြီး ဆောက် လေ့ရှိကြတယ်။

ကန်ထရိုက်တိုက်နဲ့ ပတ်သက်ရင် မကောင်းသတင်းကများတယ် (ကောင်းတာတွေလည်း ရှိပါတယ်)။

ကျနော့်ရပ်ကွက်ထဲမှာ ကန်ထရိုက်တိုက်ဆောက်ဖို့ ‌‌ ဘေးအိမ်ရှင်ရဲ့ ထောက်ခံချက်တောင်းတယ်။ ဘေးအိမ်ရှင်က နှစ်ထပ်တိုက်လေးသေချာဆောက်ထားတာနှစ်ပိုင်းလေးပဲ ရှိသေးတယ်။ ဆောက်လုပ်ရေးလည်း နားလည်ပုံရတယ်။ "ကန်ထရိုက်တိုက် ဆောက်မယ်ဆိုရင်တော့ ထောက်ခံချက် မပေးနိုင်ဘူး၊ ဖြစ်သလိုလုပ်ကြလို့ တခုခုဖြစ်ရင် ကျမတို့ဘက်ထိခိုက်မယ်။ အိမ်ရှင်တိုက်ရိုက်ဆောက်တာမျိုးဆို ထောက်ခံပေးမယ်" ဆိုပြီး ပြန်ပြောတာကြားတယ်။ ခုထိတော့ အဲနေရာ ဆောက်တာမတွေ့မိသေး။

"အင်ယာ ရှိတာ ကျတော်တို့အတွက်မကောင်းဘူး၊ slab သံကို နှစ်ထပ်ဆင်နေရတယ်။ မဟုတ်ရင် ကျနော်တို့က တစ်လွှာပဲခင်းပြီး အပေါ်တလွှာစာ စားရမှာ" ဆိုတဲ့ စကားလည်း ပြန်ကြားရတယ်။

စီနီယာ အကိုလည်း ရေးထားတာဖတ်ရတယ်။ စစ်ဆေးရေး၀င်ပြီးတာနဲ့ ဆင်ထားတဲ့ slab သံအပေါ်လွှာကို ပြန်ဖြုတ်တာပဲတဲ့...

ဆောက်လက်စ ကန်ထရိုက်တိုက်တစ်ခုပေါ်တက်ကြည့်ဖူးတယ်၊ slab ပေါ်နင်းရတာ ပုံမှန်ခြေလှမ်းလှမ်းတာတောင် ခြေစောင့်နင်းသလို အသံအုပ်အုပ်ကြားရတယ်။ စိတ်ထဲ ပါးပါးလှပ်လှပ် ခံစားမိတယ်။

ကျန်တဲ့ concrete, rebar အကြောင်းတော့ မပြောတော့ပါဘူး။

ပြောချင်တာက ကန်ထရိုက်တိုက်တွေရဲ့ အရည်အသွေးကို ဘယ်သူတွေက ဘယ်လို ထိန်းကြောင်းနေကြသလဲ၊ ငလျင်ကြီးတွေ ကြုံလာရင် ခံနိုင်ရည်ရှိပါ့မလား စတာတွေ စဉ်းစားသင့်ကြောင်း၊ အရေးတယူဆောင်ရွက်သင့်ကြောင်း သုံးသပ်မိပါတယ်။

"ပြည်သူ့ အသက်အိုးအိမ် ဘေးကင်းလုံခြုံရေးသည်သာ အခရာ" ဆိုတာ ဦးစားပေး လက်တွေ့ အကောင်အထည်ဖော်သင့်တဲ့ အရာပါ။

ဆွေလှိုင်ဦး (မြို့ပြ ၂၀၀၄)

25/09/2025

RC လှေကားတွေမှာ
မလိုလားအပ်ဖွယ်ရာ သံချောင်းတွေ size အရွယ်အစား ကြီးလွန်းနေပြီး compression failure အဖြစ်များတာကို တွေ့ရများပါတယ်

RC slab တွေသည် 4” ဒုကနေ 5” ဒုကြား ဒီဇိုင်းပေး ကွန်ကရိ လောင်းကြတာများပါတယ်
အဆိုပါ ၄”-၅” ဒုအထူ slab အတွက်ဆိုရင် ငါးမူးလုံး 12mm ထက် ပိုကြီးတဲ့ သံချောင်းမျိုး လုံးဝ မသုံးသင့်ပါဘူး

Slab ဆိုတာ…
သံချောင်းသေးသေးနဲ့ စိပ်စိပ် ထည့်ပေးနိုင်မှ ပိုပြီး ခိုင်ခန့်တာပါ

ပြီးတော့ အပေါ်အောက် direction ချိန်းတဲ့နေရာမှာ extra bar တွေ မဖြစ်မနေ ထည့်ပေးရပါမယ်

-ve , +ve Moment အတွက် beam ထုတ် ထဲမှာ ဖြည့်ထည့်ရတဲ့ Cutoff bar တွေကို အင်ယာတွေကိုယ်တိုင် extra bar ဆိုပြီး တလွဲတချော် ခေါ်နေမယ့်အစား တကယ့် Extra bar အစစ်ဖြစ်တဲ့ လှေကားက bar တွေကို မေ့မကျန်ရစ်ခဲ့ဖို့ အထူး ဂရုစိုက်သင့်ပါတယ်
-Sir Seithu Min

09/09/2025

Simply supported Truss ရထားလမ်းတံတား

Basic structural analysis မှာ သင်ရတဲ့ simply supported beam သဘောမျိုး ရိုးရှင်းလှတဲ့ တံတားဒီဇိုင်းပါ။

Simply supported ဆိုတာ တဖက်မှာ pin support ရှိပြီး အခြားတဖက်မှာ roller support ရှိတဲ့ support နှစ်ခုသာပါ၀င်တဲ့ structure တစ်မျိုးဖြစ်ပါတယ်။

Pin support ရော roller support ပါ vertical load ကို ထမ်းဆောင်ပါတယ်၊ restraint လုပ်ထားပါတယ်။

Moment ဆိုတဲ့ လည်အားကိုတော့ မခံနိုင်ပါဘူး၊ restraint မလုပ်ထားပါဘူး။ ဆိုလိုတာက တဖက်ဖက်ကို support ဖယ်လိုက်လျှင် ကျန်တဖက်က ဆုံလည်လို ဖြစ်ပြီး ဖယ်လိုက်တဲ့ support နေရာက အောက်ကိုလည်ထွက်သွားပါတယ် (simply supported frame theory သဘောကိုပြောချင်တာပါ၊ လက်တွေ့မှာတော့ သူ့ အလေးချိန်နဲ့တင် နည်းနည်းနိမ့်တာနဲ့ failure ဖြစ်နိုင်ပါတယ်)။

Pin support က horizontal movement ကို ခံနိုင်ပါတယ်၊ restraint လုပ်ထားပါတယ်။ ဒါကြောင့် member တစ်ခုလုံး စုံလိုက် ‌မရွေ့ရှားဖို့ ထိန်းထားပါတယ်။

Roller support ကတော့ Horizontal direction တဖက်တည်းကို အတိုးအလျော့ အနည်းငယ်ရွေ့စေဖို့ ခွင့်ပြုပေးပါတယ်၊ Horizontal movement ကို restraint မလုပ်ထားပါဘူး။ ရည်ရွယ်ချက်ကတော့ အပူရှိန်ကြောင့် structure တစ်ခုလုံး ဆန့်ထွက်လာခြင်း၊ ကျုံ့၀င်သွားခြင်းတွေကို လွတ်လွတ်လပ်လပ်ဖြစ်ပေါ်စေဖို့ပါ။ ဒါမှသာ structure မှာ temperature ကြောင့်ဖြစ်တဲ့ internal stress တွေကို လျော့ချနိုင်မှာဖြစ်ပြီး buckling ခုံးတက်လာခြင်း၊ shrinkage ကြောင့် ပြတ်ထွက်ခြင်းတွေ သက်သာစေမှာပါ။

အင်မတန်ရိုးရှင်းတဲ့ basic structural concept တစ်ခုပါ။

ဆွေလှိုင်ဦး (မြို့ပြ ၂၀၀၄)

30/08/2025

Hi everyone! 🌟 You can support me by sending Stars – they help me earn money to keep making content that you love.

Whenever you see the Stars icon, you can send me Stars.

03/08/2024

#အိမ်သုတ်ဆေးရေအိတ်ဖြစ်ပေါ်ခြင်း_ပူဖောင်းထဖြစ်ပေါ်ခြင်းရဲ့ပြဿနာ

ဆေးအသစ်ပြန်သုတ်ထားတာ မကြာသေးဘူး ဆေးတွေက လေစိတွေထပြီး ကြည့်ရဆိုးပြီးပျက်စီးနေတယ်ဆိုတာ အကြောင်း အမျိုးမျိုးရှိပါတယ်။

#နံရံမျက်နှာပြင်ခြောက်သွေ့မှုလုံလောက်စွာမရရှိခြင်း

အခုလိုမိုးရာသီဆိုရင် အိမ်ဆေးသုတ်ရတာ မလွယ်ပါဘူး
နေရောင်ခြည်ထိသွေ့မှု အပြည့်မရတဲ့အတွက် ဆေးသုတ်မယ့် နံရံမျက်နှာပြင်မှာ ရေငွေ့တွေ အမြဲရှိတတ်ပါတယ် သုတ်ထားတဲ့ ဆေးသားတွေဟာ အပြင်ရေငွေ့ အတွင်းရေငွေ့ရဲ့ တွန်းကန်အားကြောင့် ဆေးပူဖောင်းထခြင်း ဖြစ်တတ်ပါတယ်။

#ဆေးသုတ်လုပ်ငန်းမှာပါဝင်မယ့်အဆင့်ဆင့်ကိုအချိန်ကန့်သတ်ပေးရမယ်။

ခံဆေး သုတ်ပြီး ခြောက်သွေ့မယ့် အချိန်လုံလောက်ရမယ်

ပတ်တီးသား ဖြည့်တင်းပြီး ခြောက်သွေ့မယ့်အချိန် လုံလောက်ရမယ်

အပေါ်ဆေးသားလှိမ့်ပြီးတဲ့အခါ ခြောက်သွေ့မှု အချိန်လုံလောက်မှ နောက်ထပ်သုတ်မယ့် ဆေးအထပ်တိုင်းကို သုတ်ပေးရပါမယ်၊

ဆေးတစ်ထပ်နဲ့ တစ်ထပ် စပ်ကြားမှာ ဆေးသားခြောက်သွေ့ချိန်လုံလောက်မှုရှိရပါမယ်။
လုံလောက်တဲ့ ခြောက်သွေ့မှုမရရင်တော့ ဆေးပူဖောင်းဖြစ်ပေါ်နိုင်ပါတယ်။

#သန့်ရှင်းမှုလိုအပ်မှုရှိခြင်း

ဆေးသုတ်မယ့် နံရံမျက်နှာပြင်မှာ ဖုန်မှုန့်၊ဆီကွက် အမှုန်အမွှားတွေဟာ ဆေးသား အရည်သွေးကိုထိခိုက်စေတတ်ပါတယ်

ဆီကွက်တွေ ဖုန်မှုန့်တွေက ဆေးသား ခံဆေး တွေကို စွဲကပ်အား ကုတ်အားမကောင်းမကောင်းစေပါဘူး အဲ့အတွက် ဆေးပူဖောင်းထနိုင်ပါတယ်။

#ခံဆေးဆီလာအသုံးပြုခြင်း

ပတ်တီးသားပေါ်မှာ ဆီလာ ခံဆေးအသုံးပြုတဲ့အခါ သတိထားရပါမယ် တချို့ပြောကြပါတယ် ဆီလာ ခံဆေးသုတ်ထားတာပဲ ဘာကြောင့်ဖြစ်ရတာလဲ ဆိုတာ

ဆီလာခံဆေး မသုတ်ခင် ပတ်တီးသားကို ကော်ပတ်စားရပါတယ် စားထားတဲ့ ကော်ပတ်အမှုန်တွေကို သန့်ရှင်းရေးပြန်လုပ်ပေးဖို့လို့အပ်ပါတယ်။ ကော်ပတ်တိုက်ပြီးတာနဲ့ နံရံကို ကော်ပတ်အမှုန်တွေ ခါထုတ်ပေးရမယ် ကော်ပတ်အမှုန်တွေ ကြမ်းခင်းမှာပြန့်ကြဲနေတာတွေကိုလည်း သန့်ရှင်းရေးပြုလုပ်ပေးရမယ် ပြီးမှ ဆီလာခံဆေးကို အသုံးပြုရမယ် ။

ဆီလာခံဆေးသုတ်ထားတဲ့ နံရံကို ကော်ပတ်ပြန်မတိုက်ရပါဘူး ဆီလာဆေးသားတွေ ပေါက်ပြဲတတ်ပါတယ်

ဆီလာခံဆေးက ရေရောတဲ့ အခါမှာလည်း ထည့်သင့်တဲ့ ရေ(%)လောက်ပဲ ထည်ပြီး အသုံးပြုရပါမယ်။

ပတ်တီးသားပေါ် ဆီလာခံ ဆေးလှိမ့်တဲ့အခါမှာလည်း သေချာလေးသုတ်ပေးပါ ဆီလာဆေးသား သုတ်တဲ့အခါ
ဆီလာဆေးသား လွတ်ခဲ့ကျန်ခဲ့တဲ့နေရာတွေရှိရင် အဲ့နေရာမှာ ဆေးသုတ်တဲ့အခါ စွဲကပ်အားမကောင်းစေပါဘူး။ ဆေးသုတ်ပြုလုပ်ပုံ သေချာမှုမရှိတဲ့ နေရာကနေ စပြီး ရေပူဖောင်း သို့မဟုတ် လေပူဖောင်းထနိုင်ပါတယ်။

#အိမ်သုတ်ဆေးရဲ့အမျိုးစားကွဲလွဲမှု

ရေပူဖောင်း လေပူဖောင်းဖြစ်ပေါ်စေတဲ့ အိမ်သုတ်ဆေးအများစုဟာ ဆေးအမျိုးစားအကောင်းတွေမှာ တွေ့ရတာ ဖြစ်တတ်တာများပါတယ် အဓိက အဖြစ်များတာကတော့ UPG PREMIER ဆေးအမျိုးစားပါပဲ။ UPG PREMIER ဆေးကမကောင်းဘူး ပြောတာမဟုတ်ဘူးနော် တော်တော်ကောင်းပါတယ်။ UPG PREMIER ဆေးအမျိုးစားက ဆေးသားခြောက်သွားရင် ဆီလီကွန်(silicone)သား သို့မဟုတ် ပလတ်စတစ် ( plastic )
ဆေးသားဖြစ်သွားတယ် ဒါကြောင့် ဆေးသုတ်တဲ့ သူ ပေါ့ပါ့တန်တန်အသုံးပြု ရင် ဆေးသား ရေအိတ် ဖြစ်ပေါ်လာနိုင်ပါတယ်။

UPG Premier ဆေးအသုံးပြုတဲ့အခါ အပြင်ဆေးဖြစ်ဖြစ် အတွင်းဆေး ဖြစ်ဖြစ် နံရံမျက်နှာပြင်မှာ ဆေးသုတ်လို့ စင်တဲ့ ဆေးစက်တွေ ဆေးအသီးတွေကို ခြောက်သွေ့သွားရင် မဖဲ့ချပါနဲ့ "ဖဲ့ချ"လိုက်လို ဆေးသားပေါက်သွားရင် အခြားအိမ်သုတ်ဆေးတွေနဲ့ မတူပါဘူး ဆေးသားဟ သွားပြီး လေခိုခြင်း ရေအိတ်ဖြစ်ပြီး ဆေးပူဖောင်းဖြစ်ပေါ်နိုင်ပါတယ်။

တကယ်လို့ ဆေးအသီးတွေ ဆေးအစက်တွေကို" ဖဲ့ချ"ပြီးသွားရင်လည်း ဖဲ့ထားတဲ့ အနီးတဝိုက်ကို သေချာ ပြန်လည်ပြုပြင်သင့်ပါတယ်။

ကြုံတွေရသလောက်ကို မျှဝေ ရေးသားရခြင်းဖြစ်ပါတယ် ခင်ဗျာ။

-ရွှေပိုးအိမ် ရေဆေး ဆီဆေး ပေါလစ်ဆေးသုတ်လုပ်ငန်း

29/07/2024

#အိမ်ဆောက်ဖို့ ဒီဇိုင်းဆွဲတော့မယ် ဆိုရင်
အရင်ဦးစွာ အရေးအကြီးဆုံး စလုပ်ရတာက
အိမ်ရှင် စိတ်ကြိုက်ထည့်လိုထားလိုတဲ့ ပုံစံဆွဲရတာပါ။

အခန်းတွေ ဘယ်လိုဖွဲ့မလဲ ?
အခန်းတွေရဲ့ အကျယ်တွေအဝန်းတွေက ဘယ်လောက်အကျယ် ထားချင်လဲ ?
ဘယ်လောက်အကျယ်အဝန်း ထားသင့်သလဲ ?

အဲဒီလိုအခြေနေ မျိုးမှာ
ထားရှိသင့် ထားရှိထိုက်တဲ့ Standard Size လေးတွေ သိထားဖို့လိုပါမယ်



#ဧည့်ခန်း
#ဟောခန်း
#ပုံဆွဲ_စာရေးစာဖတ်ခန်း တွေရဲ့အကျယ်အဝန်းဟာ

အနည်းဆုံး 10'×12'~ပေ
ပုံမှန်ဆိုက် 12'×14' ~ပေ
ဆိုက်ကြီး 16'×20' ~ပေ ဖြစ်ပါတယ်

#အိပ်ခန်း
်း
်း တွေရဲ့ အကျယ်အဝန်းဟာ

အနည်းဆုံး 10'×10' ~ပေ
ပုံမှန်ဆိုက် 11'×12' ~ပေ
ဆိုက်ကြီး 12'×14' ~ပေ ဖြစ်ပါတယ်

#အိမ်ရှင်မတို့အတွက်_မီးဖိုချောင် အကျယ်အဝန်းဟာ

အနည်းဆုံး 10'×7' ~ပေ
ပုံမှန်ဆိုက် 10'×10' ~ပေ
ဆိုက်ကြီး 10'×12' ~ပေ ဖြစ်ပါတယ်

#ရေချိုုးခန်းတစ်ခန်း ရဲ့အကျယ်အဝန်းဟာ

အနည်းဆုံး 3'6"×4' ~ပေ
ပုံမှန်ဆိုက် 4'×5' ~ပေ
ဆိုက်ကြီး 5'×7' ~ပေ ဖြစ်ပါတယ်

#အိမ်သာခန်းတခု ရဲ့အကျယ်အဝန်းဟာ

အနည်းဆုံး 3'3"×3' ~ပေ
ပုံမှန်ဆိုက် 4'×4' ~ပေ ဖြစ်ပါတယ်

#ရေချိုးခန်း_အိမ်သာတွဲရက် အကျယ်အဝန်းဟာ

အနည်းဆုံး 4'×5' ~ပေ
ပုံမှန်ဆိုက် 4'×6' ~ပေ
ဆိုက်ကြီး 5'×7' ~ပေ ဖြစ်ပါတယ်

#ထမင်းစားခန်း ရဲ့အကျယ်အဝန်းဟာ

အနည်းဆုံး 10'×10' ~ပေ
ပုံမှန်ဆိုက် 10'×12' ~ပေ ဖြစ်ပါတယ်

#ဘာသာတရား_ဝတ်ပြုရာနေရာ အကျယ်အဝန်းဟာ

အနည်းဆုံး 4'×5' ~ပေ
ပုံမှန်ဆိုက် 4'×6' ~ပေ ဖြစ်ပါတယ်

#ဝရန်တာဆိုက် ရဲ့အကျယ်ကတော့

အနည်းဆုံး 3' ~ပေဖြစ်ပါတယ် {လူနှစ်ယောက်ရှောင်ကွင်းသာ}

#တစ်စီးစာကားပါကင်တခု ရဲ့အကျယ်အဝန်းဟာ

အနည်းဆုံး 11'×15' ~ပေ
ပုံမှန်ဆိုက် 12'×16' ~ပေ ဖြစ်ပါတယ်

#အိမ်မိန်းတခါးမကြီး ရဲ့ဝင်ပေါက်အကျယ်ဟာ

အနည်းဆုံး 3'~ပေ '6" ~လက်မ ဖြစ်ပါတယ်

#ရေချိုးခန်း
#အိမ်သာ
#မီးဖိုချောင်_တခါးပေါက် တို့ရဲ့ဝင်ပေါက်အကျယ်ဟာ

အနည်းဆုံး 2'~ပေ ,6"~လက်မ ဖြစ်ပါတယ်

#အိပ်ခန်းတခါးပေါက် တို့ရဲ့ဝင်ပေါက်အကျယ်ဟာ

အနည်းဆုံး 3' ~ပေ ဖြစ်ပါတယ်

#ပုံမှန်အိမ်လှေခါး {stair} တစ်စင်းရဲ့

အကျယ်ဟာ 3'~ပေ
အကျော် ဟာ 7"~ လက်မခွဲ
အနင်းဟာ 10"~လက်မ ဖြစ်ပါတယ် တဲ့ဗျား

01/03/2024

of Bonding

အုတ်စီနည်းများ
Bonding ဆိုသည်မှာ အုတ်နံရံ၊ အုတ်စီတိုင် စသည့်တို့တွင် အုတ်ကို စီခင်းရာတွင် ခင်းကျင်းသော ပုံစံ၊ အစီအစဉ်ကို ဆိုလိုသည်။
အခြေခံအားဖြင့် ပြောရမည်ဆိုလျှင်၊ အုတ်ကို ဒေါင်လိုက် အနေထားတိုင်း စီခြင်းပုံစံ (Soldiers)၊ အုတ်အပြားလိုက်အတိုင်းစီရာတွင် အုတ်၏ အလျားကို နံရံ မျက်နှာစာ ဘက်ထား၍ စီခြင်းပုံစံ (Strethers) နှင့် အုတ်၏ အနံကို နံရံမျက်နှာစာဘက်ထား၍ အပြားလိုက်စီခြင်းပုံစံ (Headers) ဟူ၍ ပုံစံသုံးမျိုးဖြင့် အုတ်များကို စီနိုင်သည်။
အုတ်စီရာတွင် ဘေးကပ်လျက်အုတ်တစ်လုံးနှင့် တစ်လုံးအကြား ဆက်သည့်နေရာများသည် ကပ်လျက်ရှိသော အုတ်အလွှား တစ်ခုနှင့် တစ်ခု တစ်ထပ်ထဲမကျစေရန် သင့်လျော်သော အကွာအဝေးသို့လွှဲပြီး စီရသည်။
ဤသို့ အုတ်စီခြင်းဖြင့် structure တစ်လျောက် load များ ကောင်းစွာ ဖြန့်နိုင်သဖြင့် ခံနိုင်ရည်အားကို အမြင့်ဆုံးရရှိနိုင်မည်ဖြစ်သည့်အပြင် structure သည်လည်း အလွယ်တကူ ပုံစံမပျက်မယွင်းဘဲ တည်မြဲနေမည်ဖြစ်သည်။

အုတ်အလျားမျက်နာစာထား စီနည်း (Stretcher Bond)
UK မှာ အသုံးအများဆုံး bond ပုံစံဖြစ်ပါတယ်။ ဒီအုတ်စီနည်းမှာတော့ အုတ်ရဲ့ ထု x အလျား (stretcher) မျက်နှာပြင်ကို နံရံရဲ့ မျက်နှာစာမှာထားပြီး အုတ်ကို အပြားလိုက်ချခင်း စီသွားတဲ့ ပုံစံဖြစ်ပါတယ်။ ဘေးကပ်လျက် အုတ်တစ်ချပ်နှင့် တစ်ချပ်အကြား အဆက် (joint)နေရာကို အောက်ကပ်လျက်ရှိ အုတ်၏ အလယ်အကွာအဝေး တည့်တည့်တွင် ထားပြီးစီရသည်။ ဤကဲ့သို့ အုတ်စီနည်းပုံစံသည် သိပ်မခိုင်ခံ့လှပေ။
နောက်တစ်မျိုးအနေနဲ့ အုတ်အဆက်နေရာကို အောက်ရှိအုတ်၏အလယ်နေရာမှာ မထားဘဲ သုံးပုံတစ်ပုံ (သို့) လေးပုံတစ်ပုံ အကွာအဝေးမှာထားပြီးလည်း စီလေ့ရှိပါသည်။

English Bond
English bond အုပ်စီနည်းတွင် ပထမ အုတ်အလွှားကို အုတ်၏ ထု x အလျား (stretcher) ကို မျက်နှာစာထား၍စီပြီး ဒုတိယ အုတ်အလွှားကို အုပ်၏ ထု x အနံ (header) ကို မျက်နှာစာထားပြီး စီသည်။ ထိုပုံစံအတိုင်း တစ်လွှားစီ တစ်လှည့်စီ စီသွားသည့် ပုံစံဖြစ်သည်။ Stretcher အတိုင်း စီသော အုပ်အလွှား၏ အုတ်ဆက်နေရာများသည် အောက်ကပ်လျက်အုတ်လွှား၏ header အလယ်တစ်ဝက်နေရာ၌ ထား၍စီသည်။
ဤအုတ်စီနည်းသည် အခိုင်ခံဆုံး အုတ်စီနည်းပုံစံ တစ်ခုဖြစ်သော်လည်း အခြားအုတ်စီနည်းများထက် အုတ်အရေအတွက် ပိုမိုကုန်ကျသည်။

Flemish Bond
Flemish Bond ရဲ့ အုတ်စီပုံကတော့ အုတ်တစ်လွှားထဲမှာကိုပဲ headerပုံစံရော stretcher ပုံစံရော ၂မျိုးစလုံး သုံးပြီး header တစ်ချပ် stretcher တစ်ချပ် တစ်လှည့်စီ စီသွားတဲ့ပုံစံဖြစ်ပါတယ်။ join ပုံစံကတော့ အပေါ်အလွှားမှာ ရှိတဲ့ header က အောက်အလွှားမှာ ရှိတဲ့ stretcher ရဲ့ အလယ်မှာ တင်ပြီး တည်ရှိတဲ့ပုံစံနဲ့ ဖြစ်ပါတယ်။
ဒီ bond အမျိုးအစားကတော့ တောင့်တင်းခံမာတဲ့ အုတ်စီနည်းပုံစံတစ်မျိုးဖြစ်ပြီးတော့ အုတ်နှစ်တန်းနဲ့နံရံအထူ စီရာမှာ ဒီ bond အမျိုးအစားကို သုံးလေ့ရှိကြပါတယ်။

Flemish Garden Wall (also called Sussex Bond)
Flemish bond ပုံစံကွဲ တစ်မျိုးဖြစ်ပါတယ်။ မျက်နှာစာက ကြည့် မည် ဆိုလျှင် အုတ်အလွှားတစ်လွှားတွင် header တစ်ချပ် စီပြီး ဘေးကပ်လျက်တွင် stretcher သုံးချပ်ကို စီထားသည့်ပုံ မြင် တွေ့ရမည်ဖြစ်သည်။ ထိုပုံစံအတိုင်း တစ်လှည့်စီ စီသွားတဲ့ပုံစံဖြစ်ပါတယ်။ join ပုံစံကတော့ header က အောက်ကပ်လျက်အုတ်အလွှားရှိ shretcher သုံးချပ်ပေါင်းရဲ့ အလယ်တစ်တစ်ဝက်နေရာမှာ ရှိပါတယ်။

Monk Bond
Flemish bond နောက်ထပ်ပုံစံကွဲ တစ်ပုံစံဖြစ်ပါတယ်။ အုတ်အလွှားတစ်လွှားတွင် stretcher နှစ်ချပ်၊ header တစ်ချပ် တစ်လှည့်စီ စီသွားတဲ့ ပုံစံဖြစ်ပါတယ်။ join ပုံစံကတော့ header ရဲ့အလယ်တစ်ဝက်နေရာက အောက်လွှား stretcher နှစ်ချပ်ရဲ့ အဆက်နေရာမှာ ရှိပါတယ်။

အုတ်အနံ မျက်နှာစာထားစီနည်း (Header Bond)
Stretcher Bond စီပုံနှင့် ဆင်ပါတယ်။ Stretcher bond က မျက်နှာစာမှာ stretcher တွေနဲ့ စီသွားသလို Header Bond မှာက မျက်နှာစာကို Header တွေနဲ့စီသွားတဲ့ပုံစံပါ။ join ပုံစံကတော့ header ရဲ့အလယ်ဟာ အောက်အလွှားမှာရှိတဲ့ header နှစ်ခုကြား အဆက်နေရာမှာ ရှိပါတယ်။

Stack Bond
Stack Bond ကတော့ အုတ်စီနည်းအားလုံးထဲမှာ bonding အားအနည်းဆုံး အုတ်စီနည်းဖြစ်ပါတယ်။ အုတ်စီတဲ့ပုံစံကတော့ စာအုပ်တွေကို ထပ်ပြီးစီသလို အပေါ်အောက်တစ်ညီထဲ တောက်လျောက်စီသွားတဲ့ ပုံစံဖြစ်ပါတယ်။ အုတ်အပြားလိုက်အတိုင်း ချခင်းပြီး စီတဲ့ ပုံစံရှိသလို အုတ်ကို ထောင်ပြီး ဒေါင်လိုက်စီသွားတဲ့ ပုံစံလည်း ရှိပါတယ်။
Bonding အားနည်းတဲ့အတွက် တော်ရုံတန်ရုံ load လေးပဲ သက်ရောက်မယ်ဆိုရင်တောင် အုတ်အလွှားကြား တစ်လွှားစီ အကျော်မှာ reinforcement ထည့်သွင်းပြီး စီပေးရမှာဖြစ်ပါတယ်။ ဒါကြောင့် ဒီ bond အမျိုးအစားကို Structural Member တွေမှာ မသုံးဘဲ အလှဆင်ရန်နှင့် မိုးရေကာနံရံ အဖြစ်နဲ့သာ သုံးလေ့ရှိပါတယ်။

&shared with cherry han

01/03/2024

20/03/2023

မြန်မာပြည်ဆောက်လုပ်ရေးမှာ အသုံး တွင်ကျယ်နေတဲ့ HOLLOW ချောင်းတွေရဲ့ အန္တရယ်

HOLLOW STRUCTURAL SECTION တွေကို Code အသီးသီးကနေ အရမ်းမပါးဖို့ ကန့်သတ်ချက်တစ်ချို့ထုတ်ထားပါတယ်

Section thickness က Section width ၇ဲ့ 28.1 ဆအောက် ထိ ပိုမပါးရဘူးလို့ AISC 360-10 က ကန့်သတ်ထားပါတယ်

Section width ၇ဲ့ 28.4 ဆအောက် ထိ ပိုမပါးရဘူးလို့ Eurocode 3 က ကန့်သတ်ထားပါတယ်

ယနေ့ အရေးကြီးပါတယ်ဆိုတဲ့ စာသင်ကျောင်းတွေ ရုံးတွေရဲ့ အမိုးတွေမှာ သုံးတဲ့ အမိုး ဒိုင်းတွေက Hollow တွေဟာ 1.5 mm လောက်တွေများပါတယ်

75mm x 45 ဆို ပါစို့ 75/28= 2.6mm အနည်းဆုံးထူရမယ်
100mm x 50 ဆိုရင် 100/28=3.5mm အနည်းဆုံးအထူရှိ၇မယ်

ဒါမှသာ Hollow structural section or structural tubing ဖြစ်မယ်
စျေးကွက်ထဲက 1mm ,1.5 mm အရမ်းပါးတာတွေသည် သတ်မှတ် ချက်ကို သွေဖီနေပါသည် Decorative purpose အတွက်သာသင့်လျော်ပါသည်

အရေးကြီးတဲ့ စာသင်ကျောင်းနဲ့ရုံးအဆောက်အုံတွေရဲ့ ခေါင်မိုး ဒိုင်းတွေကို Decorative purpose Hollow section အပါးတွေသုံးတာဟာ သိပ်ကို မိုက်ရာကျလွန်းပါတယ်

အရမ်းပါးလွန်းတော့ Local buckling ဖြစ်မယ် weld လုပ်ဖို့ခက်တယ် Shear ခံနိုင်ရည်လဲ အားနည်းတယ် shear ခံနိုင်ရည် တက်အောင်လုပ်ဖို့လဲ အခွင့်လမ်းနည်းတယ် galvanized လုပ်တာညံ့၇င် ရေရှည်မှာ သံချေးတက်ပြီး ပြသနာပေးနိုင်တယ် တကယ်ကို မသင့်တော်တဲ့ အခြေနေဖြစ်ပါတယ်

အမိုးအလုံးလိုက်ကျွတ်ထွက်တာတို့ ပြိုကျတာတို့ သာဓက တွေရှိပြီးသားမို့ အင်ဂျင်နီယာ အမျိုးတို့ Hollow structural section နဲ့ Decorative hollow section ကို ကွဲကွဲပြားပြားသိရှိပြီး ဆောင်ရွက် ကြဖို့ လိုအပ်ပါတယ်ခင်ဗျာ

ထွန်းဂေါင်ဦး

27/05/2022