YHL Baby Wear

07/11/2025

Little progress, big joy 💛

12/09/2025

အဖေဆိုတာ ....
သားသမီးတွေက အမေ့ပါးကို
နမ်းနေကြချိန်မှာ ဘေးကနေ
ပြုံးပြီး ကြည့်နေတတ်တဲ့
မနာလိုစိတ် ကင်းသူကြီးပါ။

အမေ့ နို့ဖိုးကို သတိရ
ကျေးဇူး ဆပ်ကြပေမဲ့
အဖေ့ ချွေးဖိုးကိုကျတော့
သတိထား မခံရတဲ့
အမေ့လျော့ခံ လူသားကြီးပေါ့

အမေတွေလို ရင်နဲ့ မလွယ်ခဲ့ရပေမယ့်
ဘဝတစ်ခုလုံးနဲ့ လွယ်ပိုးကာ
သားသမီးတွေရဲ့ ဘဝ လိုရာခရီးကို
ရောက်ဖို့ ထမ်းပိုး ပို့ဆောင် ပေးခဲ့တဲ့သူပါ။

အိမ်တစ်အိမ်မှာ
" အမေက နွေးထွေးမှုကို ပေးတယ်"
" အဖေက လုံခြုံမှုကို ပေးတယ် "
အဖေဆိုတာ အိုမင်းမစွမ်းတော့လို့
ဘာမှ မလုပ်နိုင်တော့ရင်တောင် အိမ်ဦးခန်းမှာ
ငုတ်တုတ် ထိုင်နေယုံနဲ့ အဖေရှိတယ်ဆိုတဲ့
လုံခြုံမှုကို ပေးစွမ်းနိုင်တဲ့ လူတစ်ယောက်လည်း
ဖြစ်ပါတယ်။

ဒါကြောင့် အမေ့ကိုလည်း ချစ်ပါ။
အဖေ့ကိုလည်း ချစ်တယ်ပြောဖို့ မေ့မထားကြပါနဲ့နော်။ ။

Credit

14/08/2025

ကျမသားငယ်လေးက ဘယ်သန်ပါ
မြန်မာတွေရဲ့ထုံးစံအရ မိဘတွေက ညာပြောင်းသင်ခိုင်းပေမဲ့ ကျမက နိုးပါ
ဘာလို့လဲဆို သူကို မမွေးခင်ကတည်းက
သူ့ရွေးချယ်မှု့ကို တက်နိုင်တာထက်ပို အလေးထားမယ်လို့တွေးထားလို့ပါ
အခုနောက်ပိုင်းမှ သိလာရတာက သူ့ရွေးချယ်မှု့တွေကဘဲ သူ့ရဲ့ ယုံကြည်မှု့ဖြစ်လာနိုင်တယ်ဆိုတာ သတိထားမိလို့ပါ

အဲတော့ သူ့ကို ယုံကြည်ပြီး ချစ်ပေးဖို့ဘဲ ကြိုးစားရင်း….

"ဘယ်သန်ကလေးကို ညာဖက်ပြောင်းပေးသင့်သလား?"
နှစ်စဉ်နှစ်တိုင်းရဲ့ ဩဂုတ်လ၁၃ရက်နေ့ဟာ "နိုင်ငံတကာဘယ်သန်များနေ့"(Internation left Hander's day)ဖြစ်ပါတယ်။ကမ္ဘာပေါ်မှာရှိတဲ့ လူဦးရေရဲ့ ၁၀% ဟာ ဘယ်သန်တွေဖြစ်ပြီး ကျန်တဲ့၉၀% ကတော့ ညာသန်တွေပဲဖြစ်ပါတယ်။ဒါကြောင့် ဘယ်သန်တွေဟာ ရှားပါးတဲ့ လူနည်းစုတွေပဲဖြစ်ပါတယ်။
(၁)ကလေးတွေဘာ့ကြောင့် ဘယ်သန်ဖြစ်လာသလဲ?
ကလေးတွေ ဘယ်သန်ဖြစ်ရခြင်းအဓိက အကြောင်းအရင်းကတော့ မျိုးရိုးလိုက်ခြင်းကြောင့်ဖြစ်ပါတယ်။
(၂)ဘယ်သန်တွေရဲ့ အားသာချက်များ
ကျွန်မတို့ရဲ့ ညာဖက်ဦးနှောက်က ဘယ်ဖက် ခန္ဓာကိုယ်ကို ထိန်းချုပ်မောင်းနှင်နေပါတယ်။ဒါကြောင့်
ဘယ်သန်လေးတွေဟာ ညာဖက်ဦးနှောက်ဖက်အခြမ်းရဲ့
လုပ်ဆောင်မှုတွေဖြစ်တဲ့
(၁)ပန်းချီ/ဂီတအပါအဝင် အနုပညာနယ်ပယ်တွင်အောင်မြင်ကျော်ကြားခြင်း
(၂)အားကစားတစ်ခုခုတွင်ထူးချွန်ခြင်း
(၃)ပိုက်ဆံပိုရှာနိုင်ပြီး ချမ်းသာဖို့ပိုအခွင့်အရေးရှိခြင်း
(၄)တီထွင်ဖန်တီးနိုင်မှုအားကောင်းခြင်း
(၅)အတွက်အချက်နဲ့ ပြဿနာဖြေရှင်းနိုင်မှုအားကောင်းခြင်း။
(၆)တစ်ပြိုင်တည်းမှာ အလုပ်နှစ်မျိုးသုံးမျိုး လုပ်ကိုင်နိုင်ခြင်း
(၇)သူတပါးထက် self-control ရှိခြင်း စတဲ့အားသာချက်
တွေ ပိုင်ဆိုင်ထားကြပါတယ်။ပြီးတော့ ကျန်းမာရေးနဲ့ပတ်သက်ရင် ဘယ်သန်တွေဟာ stroke လို့ခေါ်တဲ့ လေဖြတ်
ဝေဒနာခံစားရရင် ညာသန်တွေထက် ပိုပြီး လျင်မြန်စွာ
သက်သာပျောက်ကင်းလွယ်ပါတယ်။
(၃)ဘယ်သန်ကလေး ကို ညာဖက်ပြောင်းပေးသင့်သလား?
ကလေးက ငယ်ရွယ်စဉ်ကစပြီး ဘာပစ္စည်းပဲယူယူ
ဘယ်ဖက်ကို ပဲအသုံးပြုတာ များနေမယ်ဆိုရင် ဘယ်သန်
ဖြစ်နိုင်မယ်လို့ ယူဆလို့ရပါတယ်။ကျောင်းနေအရွယ်မှာ
ဘယ်သန်ဖြစ်နေတဲ့ ကလေးကို ညာသန်ဖြစ်အောင် ညာ
လက်နဲ့ ခဲတံကိုင်ဖို့ အတင်း ဖိအားပေး မခိုင်းစေသင့်ပါဘူး။
အဲလို ဖိအားပေးခံရတဲ့ ကလေးဟာ ဦးနှောက်ဖွံ့ဖြိုးမှုလမ်း
ကြောင်းတွေ ကစဉ့်ကလျားဖြစ်သွားပြီး
(၁)လက်ရေးမလှခြင်း
(၂)လက်သည်းကိုက်သည့်အကျင့်ဖြစ်လာခြင်း
(၃)အာရုံစူးစိုက်နိုင်စွမ်းနည်းသွားခြင်း
(၄)အရှက်အကြောက်ကြီးလာခြင်း
(၅)မှတ်ဉာဏ်နည်းလာပြီး မလုံခြုံသလိုခံစားရခြင်း
(၆)အိပ်ယာထဲတွင် ဆီးသွားခြင်း စတဲ့ လက္ခဏာတွေ
ခံစားရတတ်ပါတယ်။
ဒါကြောင့် ကိုယ့်မိသားစုထဲမှာ ဘယ်သန်ရှိလာပြီဆိုရင်
သာမန်လူတစ်ယောက်လိုပဲ လက်ခံပေးပြီး ကဲ့ရဲ့လှောင်ပြောင်တာမျိုး လုံးဝ မပြုလုပ်သင့်ပါဘူး။
(၄)ကမ္ဘာကျော်သော ဘယ်သန်လေးများ
(၁)အမေရိကန်သမ္မတ အိုဘားမား/ဘီလ်ကလင်တန်/
ဂျော့ W bush
(၂)ကမ္ဘာကျော် သူဌေးများဖြစ်ကြတဲ့ Bil gates/Steve
jobs/ဇူဇူ(Mark Zuckerberg)
(၃)ကမ္ဘာကျော် အနုပညာရှင်များဖြစ်ကြတဲ့
ဘရက်ပစ်/အန်ဂျလီနာဂျိုလီ/လေဒီဂါဂါ/ဂျူလီယာရောဘတ်စ်/မာရီလီမွန်ရိုး/စီလင်းဒီယွန်/ဂျင်နီဖာလောရင့်/ဂျပ်စတင်ဘီဘာ/ကီနူးရိဗ်(keanu Reeves)
(၄)ကမ္ဘာကျော် ဟာသသရုပ်ဆောင် ချာလီချက်ပလင်
(၅)ကမ္ဘာကျော် ပန်းချီဆရာ လီယိုနာဒိုဒါဗင်ချီ
(၆)သိပ္ပံပညာရှင် အိုင်းစတိုင်း
(၇)ကမ္ဘာကျော် အမေရိကန်စာရေးဆရာ မတ်ခ်တွန်း
(၈)ကမ္ဘာကျော် ဂန္တဝင်သီချင်းရေးဆရာ ဘီသိုဗန်
(၉)ကမ္ဘာကျော် စပိန်ပန်းချီဆရာ ပီကာဆို
(၁၀)ကမ္ဘာကျော် ဘောလုံးသမားကြီး ပီလီ တို့ပဲဖြစ်ကြပါတယ်။
ကျွန်မဟာ left Hander(ဘယ်သန်)တစ်ယောက်ဖြစ်ပါ
တယ်။ကျွန်မ ဘယ်သန်ဖြစ်လာခြင်းဟာအဖေ့ဖက်က
ဘယ်သန်မျိုးရိုးရှိတဲ့အတွက်ကြောင့် ဖြစ်ပါတယ်။
ကျွန်မရဲ့ သမီးနဲ့သားကတော့ ညာသန်ဖြစ်ပြီး ကျွန်မ အစ်ကိုကြီးရဲ့ သမီးကြီးက သူ့အဒေါ်ဖြစ်တဲ့ ကျွန်မကို တူ
တဲ့အတွက် ဘယ်သန်ဖြစ်လာပါတယ်။ကျွန်မ အဖေက
မူလတန်းကျောင်းအုပ်တစ်ယောက်ဖြစ်ပြီး ဘယ်သန်ဖြစ်တဲ့
ကျွန်မကို ညာလက်နဲ့စာရေးဖို့ ဘယ်တော့မှ မခိုင်းဖူးပါဘူး။
ကျွန်မတို့ မူလတန်းအရွယ်တုန်းက ကျောင်းမှာစာသင်တဲ့အခါ ကြမ်းပြင်ပေါ်မှာ ထိုင်ရပြီး ခုံရှည်ပုပုလေးပေါ်မှာ
စာရေးရပါတယ်။တစ်ခုံမှာ အနည်းဆုံး လူငါးယောက်စာရေးရတဲ့အတွက် အဖေက ဘယ်သန်ကျွန်မကို စာရေး
တဲ့အခါ သူငယ်ချင်းတွေနဲ့ တံတောင်ဆစ်ချင်းမတိုက်မိစေဖို့
အမြဲတမ်း ဘယ်ဖက်အစွန်ဆုံးမှာ ထိုင်ခိုင်းပါတယ်။ဒါကြောင့် ကျွန်မအတွက်ဆော့ "ဘယ်သန်"ဖြစ်ရခြင်းဟာ
စိတ်အနှောင့်အယှက်ကင်းတဲ့အပြင် အခုအချိန်မှာတော့
"ဘယ်သန်" ဖြစ်ရခြင်းကို အားသာချက်အနေနဲ့မြင်ပြီး အမြဲဂုဏ်ယူနေရပါတယ်ရှင်။
Happy Left Hander's Day!
ညနေမိုး(ကလေး)
-Kalay
to be a left handed
left Hander's day

10/07/2025

ငြိမ်းချမ်းစွာ အနားယူပါတော့ ဆရာ
ကောင်းရာဘုံဘဝရောက်ပါစေ🙏🏻

လူကောင်းတွေမရှိတော့တဲ့အရပ်

02/07/2025

#ကျမကို ကျမ ထိန်းသိမ်းရတဲ့ အရာတွေထဲက တစ်ခု
ဘာလို့လဲဆို ကလေးကို အကြောက်တရားနဲ့ မအုပ်ချုပ်ချင်လို့
#ကျမကိုယ်တိုင်လဲ အကြောက်တရားနဲ့ကြီးလာရတော့ ကိုယ့်ကို ယုံကြည်မှု့မရှိဘူး ဘယ်ကလေးမှ အဲလိုမဖြစ်စေချင်ဘူး

"ကလေးတွေကို ဒေါသနဲ့ အော်ဟစ်ပြီး မဆုံးမပါနဲ့။"
သားသမီးတွေကို အော်ဟစ်ပြောဆို ဆုံးမတာကို
တချို့မိဘတွေက သူတို့လုပ်သင့်တဲ့အရာလို့ ခံယူထား
ကြပါတယ်။ကလေးတွေဟာ အမေက အသံကျယ်ကျယ်
ပြောမှ စကားနားထောင်ပြီး ခိုင်းတာကို လုပ်တယ်လို့
မိဘတွေက မြင်ကြပါတယ်။"ငါ့ အသံကျယ်တာ စောင့်
နေကြတာလား"ဆိုပြီး သံကုန်ဟစ်တတ်ကြပါတယ်။
တကယ်တော့ ကလေးတွေဟာ အမေအော်လိုက်လို့
ခဏငြိမ်ပြီး ခိုင်းသမျှလုပ်ပေးကြပေမဲ့ သူတို့ရဲ့ သဘော
ထားနဲ့ အပြုအမူကို ပြုပြင်နိုင်ခြင်း မရှိကြပါဘူး။
အမေ့အော်သံကို နေ့တိုင်းလိုလိုကြားရတဲ့အခါ အမေ
အော်တာဟာ သာမန်လို့ ထင်သွားကြပါတယ်။ဒါကြောင့်
(၁)သားသမီးတွေကို အော်ခြင်းက သူတို့အပြုအမူတွေကို
ပိုဆိုးလာစေနိုင်ပါတယ်။
(၂)အော်ခံရခြင်းကြောင့် ကလေးတွေရဲ့ ဦနှောက်ဖွံ့ဖြိုး
မှုလမ်းလွဲသွားနိုင်ပါတယ်။
(၃) အော်ခံခြင်းကြောင့် ကလေးတွေမှာ စိတ်ကျရောဂါ
ရစေနိုင်သလို အမြဲတမ်းစိတ်မလိုကျတဲ့ ကလေးတစ်ယောက် အဖြစ်ကြီးပြင်းလာနိုင်ပါတယ်။
(၄)အမြဲ အအော်ခံရတဲ့ကလေးဟာ စိတ်ပိုင်းဆိုင်ရာသာ
မက ခန္ဓာပိုင်းဆိုင်ရာလည်း မကျန်းမမာဖြစ်စေနိုင်ပါ
တယ်။
(၅)အမြဲ အအော်ခံရတဲ့ကလေးဟာ ရေရှည်မှာ
chronic painလို့ခေါ်တဲ့ ခေါင်းကိုက်/ခါးနာ/နောက်ကျော/ဇက်ကြောနာ ဝေဒနာကို တစ်သက်လုံး
ခံစားနေရတတ်ပါတယ်။
ဒါကြောင့် Parent Educator Laura Markkham
(Ph D) က မိဘတွေအနေနဲ့ ကိုယ့်သားသမီးတွေကို
လုံခြုံနွေးထွေးတဲ့ ပတ်ဝန်းကျင်မှာ ကြီးပြင်းလာစေချင်
တယ်ဆိုရင် ပထမဆုံးလုပ်ရမှာက သင့်ခံစားချက်ကို
ကောင်းကောင်းထိန်းချုပ်ပါ" လို့ အကြံပြုထားပါတယ်။
ကလေးတွေကို အော်ခြင်းဟာ သူတို့ခံစားမှုကို
ညှင်းပန်းနှိပ်စက်တာပဲဖြစ်ပါတယ်။ဒါကြောင့်ကလေး
တွေကို အော်စရာမလိုဘဲ မိဘစကားနားထောင်ဖို့
အခြေခံအကျဆုံးအရာကတော့ မိဘနဲ့သားသမီးကြား
မှာ နက်ရှိုင်းတဲ့ချစ်ခြင်းမေတ္တာနဲ့ ဖွဲ့နှောင်ရစ်ပတ်နေဖို့ပဲ
ဖြစ်ပါတယ်။အဲလိုဆိုရင် ကလေးတွေကို စည်းကမ်းလုပ်
ရတာ ပိုအောင်မြင်နိုင်ပါတယ်။မိဘတွေအနေနဲ့ ကလေး
တွေအပေါ်ဒေါသထွက်ပြီး အော်ချင်လာပြီဆိုရင်
(၁)ဒေါသထွက်နေတဲ့အခါ ကလေးတွေရဲ့မျက်ကွယ်ရာ
သွားပြီး ဒေါသပြေတဲ့အထိ နေပါ။
(၂)ကလေးတွေကို သူတို့ရဲ့အပြုအမူကြောင့် အမေက
ဘယ်လိုခံစားရကြောင်းပြောပြပါ။
(၃)ကလေးတွေရဲ့ လုပ်ရပ်/မှားယွင်းတဲ့အပြုအမူကို
သေချာထောက်ပြပြီး မမှန်တာကို နားလည်စေပါ။
(၄)ကလေးတွေအတွက် စည်းကမ်းတိတိကျကျချ
မှတ်ပေးထားပါ။
(၅) ကလေးတွေကို အော်မိရင် ပြန်တောင်းပန်ပါ။အမှား
လုပ်မိရင် ပြန်တောင်းပန်ရမယ်ဆိုတာ သူတို့သင်ယူ
သွားပါလိမ့်မယ်။
American Association for marriage and
Family Therapy က ကလေးတွေကို အမြဲအော်တတ်
တဲ့ မိဘတွေဟာ
(၁)သွေးတိုး/အစာအိမ်ရောဂါနဲ့ စိတ်ကျရောဂါ
(၂)ဒေါသကြောင့် အော်မိပြီးတိုင်း အပြစ်ရှိသလိုခံစားရ
ပြီး နောင်တနဲ့ ဝမ်းနည်းတတ်ပါတယ်။
(၃)ပတ်ဝန်းကျင်ကလူတွေ နဲ့ ဆက်ဆံရတဲ့အခါ
အဆိုးမြင်ပြီး လူ့ဂွစာဖြစ်လာတတ်ပါတယ်။ လို့
မှတ်ချက်ချထားပါတယ်။
သားသမီးပြုစုပျိုးထောင်ခြင်းနဲ့ပတ်သက်ပြီးမိဘတွေအထူးသတိထားရမဲ့ အချက်တစ်ချက်က ကိုယ့်ခံစားမှု
အဆင်မပြေတဲ့အချိန်/ဒေါသထွက်နေတဲ့ အခြေအနေမှာ
စိတ်ထွက်ပေါက်အနေနဲ့ သားသမီးတွေကို လုံးဝ မဆုံးမဖို့
ပါပဲ။
ဒါကြောင့် ကလေးတွေကို
အော်ခြင်းဟာ ကလေး/မိဘနှစ်ဦးလုံးအတွက် စိတ်ပိုင်း
ရော ရုပ်ပိုင်းဆိုင်ရာပါ ပြဿနာရှိနေတာမို့ မိဘတွေ
အနေနဲ့ မအော်မိအောင် အတတ်နိုင်ဆုံး ထိန်းချုပ်
ထားသင့်ပါတယ်ရှင်။
ညနေမိုး(ကလေး)
-Kalay
Sang
&USA

15/06/2025

Father’s Day isn’t the same without you, Dad. But I celebrate you in my heart today and always.😭💕❤️

13/06/2025

My father is not rich but I'm happy to have him as my father. Advance happy father's day to all fathers out there.🥹🖤

13/06/2025

''ဘယ်ခင်ပွန်းမှ မရိုးသားဘူး"🥺

✅သင့်ခင်ပွန်းသည် သူဌေး၏ ကြိမ်ဖန်များစွာ
ကဲ့ရဲ့ခြင်းကို ခံရနိုင်သည်ကို သင်သိပါသလား။

✅သင့်ခင်ပွန်းသည် အလုပ်မှာ မကြာခဏ
အနှိမ်ခံရနိုင်သည်ကို သင်သိပါသလား။

✅သင့်ခင်ပွန်းသည် သင်နှင့် သင့်ကလေးအတွက်
သူ့အသက်အန္တရာယ်ကိုပင် စွန့်စားခဲ့သည်ကို
သင်သိပါသလား။

✅သင့်ခင်ပွန်းသည် ငွေဖြင့် အိမ်ပြန်ရန်
မကြာခဏ ဆာလောင်နေရသည်ကို သင်သိပါသလား။

✅မင်း သူ့ကို မျက်မှောင်မကြုတ်ခင်
သူ့ခန္ဓာကိုယ်ထဲက ချွေးစက်ပေါင်းသန်းပေါင်းများစွာကို
အရင်ရေတွက်ကြည့်ပါ။

✅မင်း သူ့ကိုစိတ်မဆိုးခင် သူ့မျက်လုံးတွေကို ကြည့်လိုက်၊
မင်းပြုံးနေတာကို မြင်ရဖို့ မျက်ရည်တွေ အများကြီးရှိနေမှန်း
မင်း သတိမထားမိတာလည်း ဖြစ်နိုင်တယ်။

✅အဲဒါကို ဇနီးသည်အနေနဲ့ နားလည်ပေးရုံပါပဲ။
ဒီနေ့အထိ မင်းရဲ့ဆန္ဒအားလုံးကို မဖြည့်ဆည်းပေးနိုင်ရင်
အခြေအနေအကြောင်းအမျိုးမျိုးကြောင့် ဖြစ်နိုင်တယ်။
ဖခင်တိုင်းမှာ ရင်မဖွင့်နိုင်တဲ့ ခံစားချက်တွေ
မျိုသိပ်နေရတယ်။ သူတို့လည်း လူသားပါ၊ ပင်ပန်းတာပေါ့။

✅မိသားစုပျော်ရွှင်တာကို မမြင်ချင်ကြတဲ့
အိမ်ထောင်ဦးစီးတစ်ယောက်မှ မရှိပါဘူး။
ခင်ပွန်းဖြစ်သူကို စိတ်မဆိုးခင်
ခင်ပွန်းဖြစ်သူက မိသားစုအတွက် ဘာလုပ်ခဲ့လဲ
ဆိုတာကို အရင်စဥ်းစားပါ။

✅သင့်ခင်ပွန်းသည် သူ့မိသားစုလိုအပ်ချက်ကို
ဖြည့်ဆည်းပေးရန်အတွက် အရိုးများကျိုးတဲ့အထိ
ဘယ်လို ကြိုးစားလုပ်ဆောင်ခဲ့သလဲ ဆိုတာနားလည်ပေးပါ။

✅တစ်ချို့အဖေတွေက သူ့မိန်းမ နဲ့ သားသမီးတွေကို
သူခံစားနေရတဲ့ နာကျင်မူတွေကို ရင်မဖွင့်တတ်ကြဘူး၊
သူတို့ကိုယ်တိုင်ပဲ မျိုချလိုက်တယ်။
သူဘယ်လောက် ခက်ခက်ခဲခဲတိုက်ပွဲဝင်နေပါစေ
သူ့ဇနီးသည်နဲ့ သားသမီးတွေကို မသိစေချင်ဘူး။
သူတို့ကို မျက်နှာ မငယ်စေချင်ဘူး။

✅ဖခင်တိုင်း အလိုချင်ဆုံးအရာက
သူ့ရဲ့ ကြိုးစားမူအပေါ် ဇနီးသည်က ဂုဏ်ယူပေးဖို့ပါပဲ၊
အသိမှတ်ပြုပေးဖို့၊ အားပေးစကားပြောပေးဖို့၊
အဲဒီစကားတွေက သူ့ကို ရှေ့ဆက်ဖို့ ခွန်အားပေးနေတယ်
ဆိုတာ သတိရပါ။

မိသားစုအတွက် ဘဝတိုက်ပွဲဝင်နေသော
ဖခင်များအားလုံး ကျန်းမာပါစေ

#လူငယ်များအတွက်ဗဟုသုတစာပေများ
#ဘဝစာပေ #ကောင်းမှုတစ်ခုနေ့စဉ်ပြုပါ
#ခွန်အားဖြစ်စေသောစာများ #မိဘ #အဖေ

11/06/2025

တစ်ခါတစ်လေ သူပြန်ပေးလာတဲ့အနမ်းလေးက❤️❤️

သိပ်ကိုနွေးထွေးစေတယ်

သိပ်ကြည်နူးဖို့ကောင်းတယ်

ရှေ့ဆက်ဖို့အတွတ်အင်အားတွေအများကြီးရစေတယ် ❤

ဒီလူသားသေးသေးလေးရဲ့အနမ်းတွေက အဲ့လောက်ထိကို

ကြီးကျယ်ခမ်းနား စေတာ မေမေ ဖြစ်လာတဲ့အချိန်မှသိလာခဲ့ရတယ် 😍

ချစ်ရပါသောခလေးရယ်🤍

Crd 🙏🙏🙏

09/06/2025

သင်လိုချင်တဲ့ကလေးကို ဖန်တီးပါ။

သူတို့ကို ကြင်နာစေချင်ရင် ကြင်နာမှုကိုပြပါ။
သူတို့ကို ဉာဏ်ကောင်းစေချင်ရင် သင်ပေးပါ။
သူတို့ကို ဂရုစိုက်တတ်တဲ့သူ ဖြစ်စေချင်ရင် သူတို့ကို ဂရုစိုက်ပါ။
သူတို့ကို သူငယ်ချင်းကောင်းဖြစ်စေချင်ရင် သင်ဟာ သူငယ်ချင်းကောင်းတစ်ယောက်ဆိုတာကို သူတို့ကိုပြသပါ။

သူတို့ဟာ သူတို့အထဲသို့ သင်လောင်းထည့်သမျှကို စုပ်ယူသွားလိမ့်​ကြလိမ့်မယ်။

ကြင်နာသောစကားလုံးတိုင်း၊ ချီးကျူးစကားတိုင်း၊ သူတို့ဆီ သင့်ရဲ့ထင်ရှားဖော်ပြပုံ အားလုံးဟာ၊ သူတို့ရဲ့ အတွင်းအသံ ဖြစ်လာတယ်။

သူတို့အပေါ် သင်ဘယ်လိုမြင်သလဲ ဆိုတာက သူတို့ကိုယ်သူတို့ ဘယ်လိုမြင်သလဲဆိုတာ ဆုံးဖြတ်လိမ့်မယ်။

ပြီးတော့၊ သူတို့အပေါ် သင့်ရဲ့ဆက်ဆံပုံဟာ၊ သူတို့ကိုယ်သူတို့ ဘယ်လို ဆက်ဆံမလဲဆိုတာ ဆုံးဖြတ်လိမ့်မယ်။

သူတို့တွေဟာ သူတို့အထဲသို့ သင်စိုက်ပျိုးသမျှအတိုင်း ကြီးထွားလာကြလိမ့်မယ်။

14/05/2025

“ဟဲ့ကောင် ငတုံး ၊ နင်ဘာမှ အသုံးမကျပါလား၊ သူများချီး ကိုစားရမယ့်ကောင်”
ဆိုတာမျိုး မိဘ အများစု ပြောတတ်ကြပါတယ်။

ပြောရင်လည်း ခုနစ်အိမ်ကြား ရှစ်အိမ်ကြားကိုအော်ပြောကြတာပါ။

-သားသမီးတွေ ခမျာ ရှက်လဲရှက်

ပြန်ပြောရအောင်

မကျေမနပ်ဖြစ်ရအောင်လည်း

မိဘဖြစ်နေတာ့ ပြောရခက်။

-အောင့်သက်သက်ကြီးနဲ့ ခံနေရတာပါပဲ။

“ဒါလေးပြောတာ ဘာဖြစ်သွားမှာမို့လဲ”လို့လို့တချို့က ရန်တွေ့ပါသေးတယ်။

ဟုတ်ပါတယ်။

-သူတို့ပြောသလို အကြီးအကျယ် အရေးပါတဲ့ ကိစ္စ တခုတော့မဟုတ်ပါဘူး။

ဒါပေမယ့် တခါတလေမှာ အဲ့ဒီ မကြီးကျယ်တဲ့ကိစ္စလေးတွေကပဲ
ကိစ္စအကြီးကြီး၊ ပြဿနာအကြီးကြီးတွေကိုဖြစ်စေတာပါ။

-ကမ်းနားမှာ ရပ်ထားတဲ့လှေမှာ
အပေါက်သေးသေးပေါက်နေလို့ကိစ္စ မရှိပါ။

-မြစ်ထဲ ချောင်းထဲ သွားမယ်ဆိုရင်
အဲ့ဒီအပေါက်သေးသေးလေးက
လှေနစ်တဲ့အထိ ဖြစ်စေမယ့်ပြဿနာပါပဲ။

ကိုယ့်သားသမီးဆိုပြီး
သင်တို့တသက်လုံးတင်ကျွေးထားမှာလည်းမဟုတ်ပါဘူး။

-အချိန်တန်တဲ့အခါ
ဒီခလေးတွေဟာ
လောက ထဲမှာ ရုန်းကန်လှုပ်ရှား ကြိုးစားကြရမှာ ဓမ္မတာပါ။

-လောကကြီးရဲ့စိန်ခေါ်မှု၊အခက်ခဲတွေကိုရင်ဆိုင်ရမယ့် ခလေးတွေကို
အားပေးရမယ့် အစား “ဘာမှအသုံးမကျ ဘူး ၊သူများ မစင် စားရမယ့်ကောင်”
လို့ပြောပြီး အညွန့်ချိုးသင့်ပါသလား။

မိဘတွေ ပြန်စဉ်းစားသင့်ပါတယ်။

ဒါက ဘာနဲ့တူသလဲဆိုရင်
တိုက်ပွဲဝင်ခါနီးသူရဲကောင်းကို
“နင်ကတော့ မပြန်လမ်းသွားနေတာပဲ “လို့ပြောလိုက်သလိုပါပဲ။

-ပြောတဲ့သူအတွက်မသိသာပေမယ့်
အပြောခံရသူရဲ့ စိတ်ထဲမှာ
ဒီစကားက လွယ်လွယ်နဲ့မပျောက်သွားပါဘူး။

-အကြိမ်ဖန်များစွာ အခုလို အပြောခံရတဲ့ ခလေးတွေခမျာ
စိတ်နှလုံးတွေ ညှိုးငယ်၊ယုံကြည်မှုတွေပျောက်၊ရဲရင့်မှုတွေ ကုန်ဆုံးပြီး
လောကအလယ်
သေးသိမ်စွာနဲ့ ပဲ အသက်ရှင်သွားရပါတော့တယ်။

-ဟိုဟာဆိုလဲ မလုပ်ရဲ၊
ဒီဟာဆိုလဲ မပြောရဲ၊
ရစရာရှိတာတောင် မတောင်းရဲ တဲ့သူရဲဘောနည်းတဲ့ ခလေးတွေ ရှိနေတာ
မိဘတွေ ပျိုးထောင်မှုမတတ်လို့၊
အပြောအဆို မတတ်လို့ပါပဲ။

ဒါ့ကြောင့်

သားသမီးကိုချစ်ပါ။

မနှစ်ပါနဲ့။

ပြုပြင်ပေးပါ။

မနှိမ့်ချပါနဲ့။

ဆုံးမပါ အညွန့်မချိုးပါနဲ့လို့ မိဘတွေကို အသိပေးလိုက်ရပါတယ်။

Credit မူရင်း
Credit စာပေမြို့တော်