22/09/2026
အကြမ်းဖက် ကချင် KIA/PDF ပူးပေါင်းတပ်များ မိုးညှင်းမြို့ကို သိမ်းပိုက်မည်ဟု သတင်းထွက်ပေါ်လာ။
၂၀၂၆ခုနှစ်၊ စက်တင်ဘာလ (၂၂) ရက်
အကြမ်းဖက် ကချင် KIA/PDF ပူးပေါင်းတပ်တွေဟာ မိုးညှင်းမြို့ကို ဝင်ရောက်သိမ်းပိုက်မယ်လို့ သတင်းများထွက်ပေါ်နေပြီး မိုးညှင်းမြို့နယ်ရဲ့ အရပ်မျက်နှာအသီးသီးတွေမှာ အင်အားဖြည့်တင်းလှုပ်ရှားမှုတွေ ရှိနေတယ်လို့ သိရပါတယ်။
မိုးညှင်းမြို့အနီးရှိ နန့်တကောင်းချောင်းဖျားမှာ KIA/KPDF နဲ့ ABSDF စုပေါင်းအင်အား ၂၅၀ခန့်၊ အနောက်တောင်ဖက် ကာဒူကျေးရွာ၊ ခါနန်ကျေးရွာတွေမှာ ခံတုတ်ကျင်းတွေပြင်ဆင်ထားပြီး AA၊ SSIA စုပေါင်းအင်အား ၂၅၀ခန့်နဲ့ ထန်းတပင်ရွာအနီးရှိ ကျောက်ဖြူတောင်နဲ့ နန့်ဆမ်းမချောင်းမှာ KIAတပ်မဟာ (၈) ၊ KPDF စုပေါင်း အင်အား ၅၀၀ခန့် တပ်စွဲလှုပ်ရှား နေကြောင်း မိုးညှင်းဒေသခံတစ်ဦးက ပြောပါတယ်။
မိုးညှင်းမြို့ဟာ အင်းတော်ကြီး ဒေသ စစ်ရှောင်ပြည်သူများ ဝင်ရောက်ခိုလှုံနေတဲ့ မြို့ဖြစ်တဲ့အတွက် မိုးညှင်းမှာ တိုက်ပွဲဖြစ်ပွားပါက ဒေသခံပြည်သူတွေအတွက် နေထိုင်ရေး၊ စားဝတ်နေရေး၊ ပညာရေး၊ ကျန်းမာရေး အစစအရာရာ ခက်ခဲသွားမယ်လို့လဲ ဒေသခံတစ်ဦးက ဆက်လက်ပြောထားပါတယ်။
အကြမ်းဖက် ကချင် KIA/PDF ပူးပေါင်းတပ်တွေဟာ ဗန်းမော်တိုက်ပွဲမှာ စစ်ရေးအရ နိမ့်ကျနေတဲ့အတွက် မိုးညှင်းမြို့ကို စစ်ရေးထွက်ပေါက်အဖြစ် ဒုတိယမြောက်ပစ်မှတ်ထား တိုက်ခိုက်လာနိုင်တယ်လို့ စစ်ရေးနဲ့ နိုင်ငံရေး သတင်းရင်းမြစ်များက ဖော်ပြလာပါတယ်။
