https://www.facebook.com/640350155818502/

Yoga with Dr Hsu, Bo Min Yaung Road, Yangon (2026)

29/05/2026

🌿သားသားနဲ့အတူ ရေကူးပေးရင်း ကန်ဘောင်ပေါ် ခဏတက်ပြီး သားကို pose တစ်ကွက် လုပ်ပြရသေးတယ်။

တကယ်တော့ ဒီ pose ကို ကျမ စိတ်တိုင်းမကျသေးပါဘူး။
ရင်ဘတ်ကို ဒီထက်ပိုဖွင့်နိုင်ဖို့၊ shoulders တွေကို ဒီထက်ပိုတွန်းနိုင်ဖို့၊ strength နဲ့ mobility ကို ဒီထက်ပိုတည်ဆောက်ဖို့ လိုနေသေးတယ်လို့ ခံစားမိပါတယ်။

✨ပြောရရင် ကျမရဲ့ nervous system က fear response အတော်များတဲ့ဘက်မှာ ပါတယ်။
အသက်အရွယ်ကြောင့်လည်း ဖြစ်မယ်။
✨Safe ဖြစ်တယ်လို့ မခံစားရရင် adventure တွေ၊ စွန့်စားရတဲ့အရာတွေကို သိပ်မလုပ်ချင်ဘူး။
✨ဒီနေ့လည်း ရေစိုနေတဲ့ ကန်ဘောင်မှာ လက်ချော်နိုင်တဲ့ အခြေအနေကို သိနေရင်းနဲ့ သားရှေ့မှာ နည်းနည်းတော့ သတ္တိမွေးလိုက်ရတာပါပဲ။ 😆
ဘာလို့လဲဆိုတော့ —
သားက သူ့အမေကို ကျန်းမာပြီး သန်မာတဲ့ အမျိုးသမီးတစ်ယောက်လို့ ယုံကြည်ထားတယ်။
အဖေနဲ့ အမေ နှစ်ယောက်ရှိရင်တောင် ကုန်းပိုးခိုင်းတာ အမေကိုပဲ ရွေးတတ်တယ်။ 🤣

✨တစ်ခါတစ်လေ ကလေးတစ်ယောက်ရဲ့ mental security ဆိုတာ
“ငါ့ကို စောင့်ရှောက်ပေးနိုင်တဲ့ လူတွေ ရှိနေသေးတယ်” ဆိုတဲ့ ခံစားချက်လည်း ဖြစ်နိုင်တယ်။

✨ဒါကြောင့် အသက်ကြီးမှ ကလေးရလာတဲ့ ကျမအတွက်
ယောဂလေ့ကျင့်မှုဟာ လှပတဲ့ pose တွေအတွက်ချည်း မဟုတ်ပါဘူး။

သားနဲ့အတူ ကျန်းမာနေချင်လို့။
သားနဲ့အတူ ပြေးလွှားနိုင်ချင်လို့။
သား စိတ်လှုပ်ရှားတဲ့ အရာတွေကို လိုက်လုပ်ပေးနိုင်ချင်လို့။
နောင်တစ်ချိန်မှာ သားအပေါ် ဝန်ထုပ်ဝန်ပိုးတစ်ခု မဖြစ်ချင်လို့။

အဲဒီအကြောင်းအရင်းတွေက ကျမကို ဖျာပေါ် ပြန်ပြန်ခေါ်လာတယ်။

ဒီလိုပြောရင် —
ဒါဟာ မိခင်တစ်ယောက်ရဲ့ မေတ္တာ ဖြစ်နိုင်တယ်။
ဒါမှမဟုတ် ကိုယ်ချစ်ရတဲ့သူရဲ့ မျက်လုံးထဲမှာ သန်မာနေချင်သေးတဲ့ ego လေးလည်း ဖြစ်နိုင်တယ်။

ဘယ်လိုပဲ အမည်တပ်တပ် —
ဒီအချိန်အထိ ကျမကို လေ့ကျင့်နေစေတဲ့ အင်အားတစ်ခုတော့ အမှန်တကယ် ဖြစ်နေဆဲပါပဲ။ 🌿

28/05/2026

🌿ဘဝဆိုတာ
တစ်ခါတစ်လေ “လက်ခံတတ်မှု” လည်း ဖြစ်ပါတယ်။

မိုးဖွဲဖွဲလေးကျနေတာ ကြည့်ပြီး
“မိုးရွာတာလေး ထိုင်ကြည့်ရတာ သဘောကျတယ်” လို့ ကျမကပြောတဲ့အခါ
သူငယ်ချင်းတစ်ယောက်က ကျမကို အပြစ်တင်ဖူးတယ်။

“နင်က မိုးရွာတာကို သဘောကျပေမယ့်
တချို့လူတွေကတော့ မိုးမလုံလို့ စိတ်ပင်ပန်းနေကြတယ်” တဲ့။

🌿တကယ်လည်း ဟုတ်ပါတယ်။
ဒီလောကထဲမှာ
တစ်ယောက်နဲ့တစ်ယောက် မိုးလုံတဲ့ အခြေအနေမတူကြဘူး။

🌿ဒါပေမယ့် —
ကျမတို့ဟာ မိုးလေထဲမှာ
အကာရှာနေကြသူတွေချည်းပါပဲ။

🌿တကယ့်မိုးလေတွေ ရှိသလို
ဘဝမိုးလေတွေလည်း ရှိပါတယ်။

🌿Yoga philosophy ထဲမှာ
acceptance ဆိုတာ
အရာအားလုံးကို လက်လျှော့လိုက်တာ မဟုတ်ဘူး။
“အခု ဒီအခြေအနေရှိနေတယ်” ဆိုတာကို
မငြင်းပယ်ဘဲ မြင်တတ်လာခြင်းပါ။

🌿မိုးရွာနေတာကို
မရွာသလို ဟန်ဆောင်နေလို့မရသလို
ဘဝမှာ နာကျင်မှုတွေရှိနေတာကိုလည်း
မရှိသလို နေလို့မရပါဘူး။

ဒါပေမယ့် —
🌿မိုးရွာနေတဲ့နေ့မှာတောင်
ကော်ဖီပူပူလေးတစ်ခွက်ကို သဘောကျမိတာ၊
🌿သီချင်းလေးတစ်ပုဒ်နားထောင်ရင်း
စိတ်လေး ခဏနားသွားတာ၊
🌿ကိုယ်သဘောကျတဲ့ အရာလေးတစ်ခုဆီ
ခဏလေး ရပ်တန့်ပြီး အသက်ရှူလိုက်တာဟာ
မတရားမှုလို့တော့ ကျမ မမြင်ဘူး။

🌟ကိုယ်ချင်းစာတရားဆိုတာ
ကိုယ်ပါ ထပ်ပြီး ပျက်စီးသွားမှ
ပြည့်စုံသွားတာ မဟုတ်ဘူးလို့ ထင်ပါတယ်။

🌿လမ်းမီးပွိုင့်မှာ
တောင်းနေတဲ့ ကလေးငယ်တစ်ယောက်ကို
ပိုက်ဆံထည့်ပေးလိုက်တာဟာ
နူးညံ့မှုတစ်ခုတော့ ဖြစ်နိုင်တယ်။
ဒါပေမယ့် empathy ရဲ့ အဆုံးသတ်တော့ မဟုတ်သေးဘူး။

✨“ဘာကြောင့် ဒီလိုဘဝတွေ ဖြစ်လာတာလဲ”
ဆိုတဲ့ root causes တွေကို နားလည်ဖို့၊
ကိုယ်နိုင်တဲ့နေရာကနေ
ပိုကောင်းတဲ့စနစ်တစ်ခု ဖြစ်လာဖို့
ကြိုးစားပေးတာကလည်း compassion ပါပဲ။

✨ရေရှားနေတဲ့နေရာက လူတွေကို ကိုယ်ချင်းစာလို့
ကိုယ်ပါ ရေမသောက်ဘဲ နေတာထက်
ရေရအောင် ဘယ်လိုလုပ်ပေးမလဲ စဉ်းစားတာက
ပိုအသက်ဝင်တဲ့ kindness ဖြစ်နိုင်ပါတယ်။

နောက်တစ်ခုက —
လူဆိုတာ အမြဲတမ်း တင်းခံပြီး ရုန်းနေလို့မရဘူး။

🌿စိတ်ရော ခန္ဓာရောဟာ
pause လုပ်ဖို့လိုပါတယ်။

🌿Yoga မှာ balance ဆိုတာ
အမြဲတမ်း တင်းထားနိုင်ခြင်း မဟုတ်ဘူး။
တင်းရမယ့်အချိန် တင်းနိုင်ပြီး
လျှော့ရမယ့်အချိန် လျှော့တတ်ခြင်းပါ။

🌿ကြိုးစားမှုတိုင်းမှာ
အနားယူမှု လိုပါတယ်။

✨မဟုတ်ရင်
လူက survival mode ထဲမှာပဲ
တဖြည်းဖြည်း ခြောက်ကပ်သွားတတ်တယ်။

✨Negative ဘက်ကပဲ ကြည့်မယ်ဆိုရင်
ကော်ဖီတစ်ခွက် သောက်တာကစ
သီချင်းတစ်ပုဒ် နားထောင်တာအဆုံး
ကျမတို့ အပြစ်မကင်းသလို ဖြစ်သွားနိုင်တယ်။

🌿“အနားယူခြင်း” ဆိုတာ အပြစ်မဟုတ်ပါဘူး။

🌿ကိုယ့်စိတ်ကို
ပြန်အသက်ရှူခွင့်ပေးနေတာပါ။

🌿Yoga မှာ breath ကို ပြန်သတိထားတတ်လာတာဟာ __
အသက်ရှူနည်းကို သင်ယူနေတာထက်
“ငါ အခုရှိနေသေးတယ်” ဆိုတာကို
ပြန်ခံစားတတ်လာခြင်းနဲ့ ပိုတူပါတယ်။

☘️အနားယူခြင်းဆိုတာ
ဘဝထဲကနေ ထွက်ပြေးသွားတာ မဟုတ်ပါဘူး။
တကယ့်လက်တွေ့ဘဝထဲကို
နှလုံးသားနူးနူးညံ့ညံ့နဲ့
ပြန်လည်ဝင်ရောက်နိုင်ဖို့
ကိုယ့်ကိုယ်ကို ခဏလေး ပြန်စုစည်းပေးတာပါပဲ။ 🌿

26/05/2026

“တီချယ်… ကျမ ကြောက်တယ်…”

အဲ့ဒီစကားကို
ယောဂသင်နေတဲ့ practitioner တစ်ယောက်ဆီက ကြားရတဲ့အခါ
ကျမ တခါတလေ ကိုယ့်အတိတ် ကိုယ်ပြန်မြင်မိတယ်။

ဆရာတစ်ယောက် မဖြစ်ခင်က
ကျမလည်း client တစ်ယောက်ပါပဲ။
အခုထိလည်း practitioner တစ်ယောက်ပါပဲ။

တချို့ poses တွေမှာ
ခန္ဓာကိုယ်က ရနေပြီ။
strength လည်း ရှိနေပြီ။
ဒါပေမယ့် စိတ်ထဲက fear response က
“မလုံခြုံသေးဘူး” လို့ ပြောနေတုန်းပဲ။

ကျမ client ထဲမှာလည်း
poses အများကြီး achieved ဖြစ်နေပြီ။
Backbend တွေလည်းလုပ်နိုင်တယ်။
Balance poses တွေလည်း လုပ်နိုင်တယ်။
Stand တွေလည်း တဖြည်းဖြည်း ရနေပြီ။
ဒါပေမယ့် Plough pose (Halasana) ကိုတော့
ဘယ်လိုမှ လုပ်ခိုင်းလို့မရတဲ့ ညီမတစ်ယောက်ရှိပါတယ်။

အဲ့ဒီအချိန်မှာ
“ဒါလေးတောင် မရဘူးလား။ ကြောက်တတ်ရန်ကော”
ဆိုပြီး ဖိအားအတင်းပေးလိုက်ရင်
သူ pose တစ်ခုရသွားနိုင်ပါတယ်။

ဒါပေမယ့်
သူ့ nervous system က
ပိုပြီး မလုံခြုံတော့ဘူး။

🌿ယောဂ philosophy မှာ
Ahimsa — non harming ဆိုတဲ့ essence ရှိပါတယ်။

🌿တခြားသူကို မထိခိုက်စေဖို့တင်မဟုတ်ပါဘူး။
လေ့ကျင့်မှုနာမည်နဲ့ ကိုယ့် nervous system ကိုပါ
အကြမ်းမဖက်ဖို့ပါ။

🌿တချို့ `ကြောက်စိတ်’ တွေဟာ
`ကြိမ်းသေကျော်ဖြတ်ရမယ့် နံရံ’တွေ ဖြစ်ပါတယ်။

🌿ဒါပေမယ့် တချို့ ကြောက်စိတ်တွေကတော့_
“strength နဲ့ trust ကို နည်းနည်းထပ်တည်ဆောက်ပေးပါဦး”
လို့ ခန္ဓာကိုယ်က ပြောနေတဲ့ language ဖြစ်နိုင်ပါတယ်။

🌿ကျမကိုယ်တိုင် လေ့ကျင့်ရင်း personally လက်ခံလာတဲ့ အရာကတော့ __
လူတစ်ယောက်ရဲ့ fear response ကို force နဲ့ မဖြတ်ကျော်ခိုင်းပဲ
strength,
stability,
awareness နဲ့
trust ကိုတစ်ဆင့်ချင်း တည်ဆောက်ပေးရင်း
သူ့ခန္ဓာကိုယ်က safe feeling ရလာမယ့်အချိန်ကို ပိုစောင့်ကြည့်ချင်မိတာပါပဲ။ 🌿

“Sometimes, growth in yoga is not about pushing harder.
It is about teaching the body how to feel safe enough to grow stronger.” 🌿

✨ပုံပါ Yoga pose ကတော့ Ashtanga primary series ထဲက Urdva Padmasana ( Half Lotus Plough Pose) အမျိုးအစားပါ။

26/05/2026

Do you want to flourish your weekends with mindful movement, little challenges, and soulful energy? ✨☘️

✨Weekend ဆိုတာ —
အိပ်ပြီး အချိန်ကုန်သွားဖို့တင် မဟုတ်ပါဘူး။
☘️ကိုယ့်ခန္ဓာကိုယ်ကို ပြန်နားထောင်ဖို့၊
☘️ကိုယ့်အသက်ရှူသံကို ပြန်သတိထားမိဖို့၊
☘️စိတ်နဲ့ ခန္ဓာကို gentle way နဲ့ ပြန်ချိတ်ဆက်ဖို့လည်း ဖြစ်နိုင်ပါတယ်။ 🌿

✨ကျမတို့ရဲ့ weekend yoga classes တွေမှာ —
strength, balance, flexibility, mobility တွေကိုသာမက
awareness နဲ့ confidence ကိုပါ
step by step တည်ဆောက်နေကြတာပါ။

🌿တချို့ pose တွေက little challenging ဖြစ်မယ်။
🌿တချို့ movement တွေက unfamiliar ဖြစ်မယ်။
🌿ဒါပေမယ့် yoga journey ဆိုတာ
perfect ဖြစ်ဖို့ချည်းမဟုတ်ပဲ
practice through awareness လုပ်နေတဲ့ process တစ်ခုပါပဲ။ ✨

🤗Whether you are a complete beginner or already on your yoga journey —
you are warmly welcome here.

Move with awareness.
Grow with consistency.
And let your weekends bloom beautifully. 🌸

Practice together. Grow together.
___Yoga with Dr Hsu ☘️

25/05/2026

ဘလော့လေးတွေ သုံးနေရတာ ၊
ဘလော့လေးတွေ ခုနေ၊ ခံနေရတာ -
အားငယ်စရာ ၊ ရှက်စရာလား?
`တချို့တွေက လက်ကို ဖျာပေါ်အထိချနိုင်တယ်။
ဒါပေမယ့် ငါ့လက်ကကြတော့ မမှီဘူး ဘလော့သုံးရတယ်’

➡️ဒါဟာ ကိုယ့်ခန္ဓာကိုယ်ကို စိတ်ပျက်သွားဖို့လား?
➡️ငါတော့ သူများလိုမလုပ်နိုင်ဘူးဆိုပြီး အားငယ်ဖို့လား?
➡️ငါမရရအောင် လုပ်မယ်ဆိုပြီး ကိုယ့်ကိုယ်ကို ဖိအားပေးဖို့လိုလား?

`ယောဂလေ့ကျင့်မှု’ ဟာ “ဘယ်သူပိုတော်လဲ” ဆိုတဲ့ ပြိုင်ပွဲမဟုတ်ပါဘူး။

ခန္ဓာကိုယ်တစ်ခုနဲ့ တစ်ခု ဖွဲ့စည်းပုံတွေ ရာဇဝင်တွေ မတူပါဘူး။

✨တချို့ခန္ဓာကိုယ်တွေက ပေါင်တွင်းပိုင်းလှုပ်ရှားနိုင်မှု (hip mobility )ပိုကောင်းတယ်။
✨တချို့တွေက ပေါင်အနောက်ကြွက်သား (hamstrings )တွေကြပ်တယ်။
✨တချို့တွေက ဒဏ်ရာရဖူးတဲ့ရာဇဝင် (injury history) ရှိတယ်။
✨တချို့တွေရဲ့ nervous system က fear response ပိုများတယ်။
(ဒါကို “အကြောက်ပိုတယ်” ဆိုတဲ့ စကားနဲ့ ကျမ မသုံးချင်ပါဘူး။ 🙅‍♀️
Fear response ဆိုတာ nervous system ရဲ့ protective reaction တစ်မျိုးပါ။ ဒီအကြောင်းကို နောက် post တစ်ခုမှာ ထပ်ရှင်းပြပါမယ်။)

✨အဲ့ဒါကြောင့်
pose တစ်ခုကို ချဉ်းကပ်တဲ့ပုံစံလည်း မတူနိုင်ပါဘူး။ 🌿

ဘလော့တွေ၊ ကြိုးတွေဟာ Props အမျိုးအစားတွေဖြစ်ပါတယ်။
Props ဆိုတာ —
“မရလို့ အကူယူတာ” မဟုတ်ပါဘူး။
Awareness ပိုကောင်းလာအောင် သင်ပေးတဲ့ သင်ထောက်ကူ ပစ္စည်းတွေပါ။

ဘလော့လေးတစ်တုံးက___
🌿ကမ္ဘာမြေကြီးကို ကိုယ့်ဆီနီးလာအောင် လုပ်ပေးတယ်။
🌿ခန္ဓာကိုယ်ကို ဖိအားမပေးဘဲ
အသက်ရှူနိုင်တဲ့ space ကို ဖန်တီးပေးတယ်။
🌿Alignment ကို ပိုနားလည်စေတယ်။
🌿ပြုတ်ကျသွားတာ၊ ချော်သွားတာမျိုး မဖြစ်စေပဲ ခန္ဓာကိုယ်ကို တည်ငြိမ်တဲ့ stability ရအောင် ကူညီပေးတယ်။

တခါတလေ —
လက်က ဖျာပေါ် ရောက်ဖို့ထက်
ဘလော့ပေါ်မှာပဲ ကျောရိုးတိုင်ကို ရှည်ရှည်ဆန့်ထားနိုင်တာဟာ intelligent practice တစ်ခုပါ။✨
ယောဂဆိုတာ
သူများနဲ့ နှိုင်းယှဉ်ဖို့မဟုတ်ပါဘူး။
ကိုယ့်ခန္ဓာကိုယ်နဲ့ ဆက်သွယ်ဖို့ပါ။

“ငါမမှီသေးဘူး” ဆိုပြီး စိတ်ပျက်နေဖို့ မလိုသလို__
“ငါမရရအောင်လုပ်မယ်” ဆိုပြီး ကိုယ့်ကိုယ်ကို အနိုင်ကျင့်ဖို့လည်း မလိုပါဘူး။

တကယ်လိုအပ်တာက —
ကိုယ့်ခန္ဓာကိုယ်ရဲ့ ဒီနေ့အခြေအနေကို
လေးစားတတ်ဖို့ပါ။ 🌱

ကိုယ့်ခန္ဓာကိုယ်ကို
ပိုနားထောင်တတ်လာဖို့၊
ပိုသတိရှိလာဖို့၊
ပိုနူးညံ့စွာ ဆက်သွယ်တတ်လာဖို့
တဖြည်းဖြည်း သင်ယူနေရတဲ့ ခရီးတစ်ခုမှာ မမှီသေးလို့ ဘလော့ သုံးနေရတာဟာ
အားငယ်စရာမဟုတ်ပါဘူး။
ဒါဟာ ကိုယ့်ခန္ဓာကိုယ်ကို နားထောင်တတ်လာတဲ့
ရင့်ကျက်လာတဲ့ လေ့ကျင့်မှုပုံစံတစ်ခုပါပဲ။ 🤍

24/05/2026

🌿Everything changes.

✨ဒီစာကို ကျမ တကယ်နားလည်သွားတာ
၁၄ နှစ်လုံးသုံးလာတဲ့ Facebook account ပျောက်သွားပြီးနောက်မှာပါ။

✨၁၄ နှစ်လုံးသုံးလာတဲ့ Official Personal Facebook Account Hacked ခံရပြီးနောက်
Security reason အရ Permanently disabled ဖြစ်တယ်။
ထုံးစံအတိုင်း ဒီရက်ပိုင်းတွေဟာ window period မို့
Meta ရဲ့ အဆုံးအဖြတ်ကို စောင့်နေတဲ့ ကာလတစ်ခုပါပဲ။

✨Facebook ဆိုတာ ဘဝကြီးမဟုတ်ပါဘူး။
ဒါပေမယ့် ၁၄ နှစ်လုံးသုံးလာတဲ့ အမှတ်တရတွေ၊
သူငယ်ချင်းတွေ၊ မိတ်ဆွေတွေ၊ သင်တန်းတွေ ၊ အလုပ်ကိစ္စတွေ ၊ Group chat တွေ —
တထိုင်တည်း `ဟုတ်ခနဲ ‘ပျောက်သွားတဲ့အခါ
နေမထိထိုင်မသာ ခံစားရတာတော့ အမှန်ပါပဲ။

✨Loss ဖြစ်သွားတဲ့ ခံစားချက်။
ကိုယ်လည်း အမှားတစုံတရာ မလုပ်ပါပဲ
မတရားခံရသလို ခံစားချက်။

🌿ပုံမှန်ဆို ကျမက စိတ်အရမ်းမြန်ပါတယ်။
တခုခုကို လိုချင်ရင် မအိပ်မနေလုပ်တတ်တယ်။
မရ ရအောင် ကြိုးစားတယ်။
ကိုယ့်အပေါ် မြုံစိစိနဲ့ တုံ့ပြန်မှုမလာသူတွေကိုဆိုလည်း __
ကိုယ်ကအရင် တုံ့ပြန်ပြီးမှ ပစ်ချပစ်တတ်တာမျိုးပါ။
အလုပ်လည်းမြန်တယ်။
ဆုံးဖြတ်ချက်လည်း အရမ်းမြန်ပါတယ်။

🌿လူကလေး အေးပုံအေးလဲ့နဲ့
သဘောကောင်းပြီး အပြုံးတော်ရုံမပျက်တတ်ပေမယ့် —
ကိုယ့်ကို စော်ကားတယ်၊ မလေးစားဘူး၊
တခြားသူနဲ့ ယှဉ်ရင် priority မပေးဘူး၊
“ကိုယ်မို့လို့ သဘောကောင်းတယ်” ဆိုပြီး Bully လုပ်ရင်
ချက်ချင်း ထထွက်သူပါ။

🌿မတရားဘူးထင်ရင် ဘယ်နေရာမှ ငုံ့မခံတတ်သလို _ ချက်ချင်းတုံ့ပြန်တတ်လွန်းလို့
တကယ်တမ်းစိတ်က ဒုံးပျံထက်မြန်လွန်းတဲ့သူလို့ပဲ ပြောရပါမယ်။

☘️ဒါဆို ယောဂက ဘာပေးလဲ။

🌿အခုလို အချိန်တွေမှာ
စိတ်ငြိမ်ငြိမ်နဲ့ စောင့်ဆိုင်းတတ်အောင် —
“Be Patient” ဆိုတာကို သင်ပေးပါတယ်။

🌿ဆုံးရှုံးမှုတွေ ကြုံလာရင်လည်း
လက်ခံနိုင်အောင် လေ့ကျင့်ပေးတယ်။

🌿ကျမ ဒီတခေါက်ကြုံရတဲ့ အခြေအနေမှာ
သိသိသာသာ စိတ်တည်ငြိမ်နေပြီး
လက်ခံပေးတတ်နေတာ —
ယောဂရဲ့ အစိတ်အပိုင်းတစ်ခုပါပဲ။

🌿စိတ်အတွက် Challenge တွေပေါ်တိုင်း ယောဂကျင့်ပါတယ်။
အလျင်လိုတဲ့ အတွေးတွေဝင်တိုင်း ရှုသွင်းရှုထုတ်ပါတယ်။

🌿တချို့နေ့တွေမှာ
“ဘာလို့ ငါမှ ဒီလိုဖြစ်ရတာလဲ” ဆိုတဲ့ စိတ်နဲ့
ဖုန်းကို ခဏခဏဖွင့်ကြည့်မိတယ်။
Recovery mail တွေစစ်တယ်။
Report status တွေ ပြန်ကြည့်တယ်။
အဖြေတစ်ခုကို အတင်းလိုက်ဖမ်းချင်မိတယ်။

🌟ဒါပေမယ့် ယောဂက ထပ်သင်ပေးတာတစ်ခုရှိတယ်။

Everything is temporary.
Everything changes.

🌿Pose တစ်ခုကိုတောင်
တင်းခံထားလို့ အမြဲမရနိုင်သလို
ဘဝထဲက အရာတွေလည်း
အမြဲတမ်း ကိုယ်ထင်သလို မတည်မြဲဘူး။

🌿လက်ထဲကနေ လွတ်ကျသွားတဲ့အရာတွေရှိမယ်။
ပြန်ရလာတဲ့အရာတွေလည်းရှိမယ်။
တချို့အရာတွေကတော့
ပြန်မရတော့ပဲ
“လွှတ်ပေးလိုက်ရမယ့် သင်ခန်းစာ” အဖြစ်ပဲ ကျန်ခဲ့တတ်တယ်။

🌿Yoga philosophy ထဲမှာ Aparigraha ဆိုတဲ့ concept တစ်ခုရှိပါတယ်။
Over attachment မဖြစ်ဖို့။
အရာရာကို အတင်းဖမ်းဆုပ်မထားဖို့။

🌿တကယ်တော့ ကျမတို့ ပင်ပန်းနေတာဟာ
ဆုံးရှုံးသွားလို့တင်မဟုတ်ပါဘူး။
“ဒါဟာ ငါ့ဟာပဲ ဖြစ်ရမယ်” ဆိုတဲ့
စိတ်နဲ့ အတင်းဆုပ်ကိုင်ထားလွန်းလို့ပါ။

🌿ဒီအဖြစ်အပျက်က
ကျမကို Digital loss တစ်ခုတည်း မပေးခဲ့ဘူး။
ကိုယ့်စိတ်ကို ကိုယ်ပြန်ကြည့်ဖို့
ခဏရပ်ပြီး အသက်ရှုဖို့
အရာတချို့ကို လက်လွှတ်သင့်တဲ့အချိန် ရှိတတ်ကြောင်းကိုလည်း သင်ပေးခဲ့တယ်။

💁🏼‍♀️Account ပြန်ရမလား မရဘူးလား —
အခုထိ မသိသေးပါဘူး။

🌿ဒါပေမယ့် သေချာတာတစ်ခုက
ယောဂဟာ
ခန္ဓာကိုယ်ကို ပျော့အောင်လုပ်ပေးတဲ့ လေ့ကျင့်ခန်းတစ်ခုတည်း မဟုတ်ဘူး။

🌿ဘဝက ရုတ်တရက် ဆွဲချလိုက်တဲ့အချိန်မှာတောင်
စိတ်ကို မပြိုလဲအောင်
တဖြည်းဖြည်း ထိန်းတတ်လာအောင် သင်ပေးတဲ့ practice တစ်ခုပါပဲ။ 🌿

_ Yoga with Dr Hsu

24/05/2026

Kids Yoga Classes 🧒👶👧👦
❤️❤️❤️❤️❤️❤️
📌Dr Hsu’s Yoga Studio - အခန်း B2၊ ပထမထပ်၊ တိုက်အမှတ် ၁၂၄၈၊ ဗိုလ်မင်းရောင်လမ်းမကြီး ၊ ၄၁ ရပ်ကွက်၊ မြောက်ဒဂုံ။
ပညာထွန်းတောက် ကိုယ်ပိုင်အထက်တန်းကျောင်းဘေး။
YBS 13 - ဂုံးထိပ်မှတ်တိုင်။

ဖုန်း - 09775175226

#

24/05/2026

✨ခဏခဏမေးနေကြတဲ့ Pure Beginner Class လေးကို June လမှာ စတင်ဖွင့်လှစ်ပြီဖြစ်ပါတယ်။

ကျမတို့ ၊ ကျွန်တော်တို့တော့ အခုမှ ယောဂကို စလုံးရေ `စ’ ချင်တာ။
လက်ဘယ်လိုထားရမယ်၊
ခြေဘယ်လိုမြှောက်ရမယ်၊
အသက်ဘယ်လိုရှုရမယ်ဆိုတာတောင် - မသိသေးဘူး။

➡️ ဟုတ်ကဲ့ — ဘာမှစိတ််မပူပါနဲ့ လက်တစ်ချောင်း၊ ခြေတစ်ချောင်းလှုပ်ရှားမှုကနေ တကိုယ်လုံး ဘယ်လိုရွေ့မလဲ - ဒီ class လေးမှာ လေ့လာကြည့်ပါ။

🌿ယောဂဆိုတာ
`ဆော့နေတာ’၊
`ကစားနေတာ’ ဆိုရာကနေ တဖြည်းဖြည်းနဲ့ ___
`ရှာဖွေနေတာ’
`ကျင့်ကြံနေတာ’
`အားထုတ်နေတာ’ ဆိုတဲ့ ယောဂရဲ့ အနှစ်သာရ Philosophy လေးကို သေချာလေး ဖမ်းဆုပ်မိလာပါလိမ့်မယ်။

🌿လေ့ကျင့်ရင်း `ယောဂဆိုတာ သောက ကင်းတာ’ ကိုတွေ့လာပါလိမ့်မယ်။

🌿ပျော်စရာလို့တော့ မပြောလိုပါဘူး — ဘာလို့ဆိုတော့ အီး- အား အော်ရတာတွေလည်းရှိမှာမို့ပါ 😁
🌿ဒါပေမယ့် လေ့ကျင့်ပြီးတဲ့အခါ ပျော်စရာဆိုတာထက် ကြည်နူးစရာကို ခံစားရမှာလို့တော့ပြောချင်ပါတယ်။
ငါ့ခန္ဓာကိုယ်က ဒီလိုပါလား။
ငါ့အသက်ရှုသံလေးက ဒီလိုပါလား။
ရှုသွင်းရှုထုတ်ခြင်းက စည်းချက်တစ်ခုဖြစ်လာသလို ခန္ဓာရဲ့ လှုပ်ရှားမှုတိုင်းဟာ အနုပညာမြောက်လာပါလိမ့်မယ်။

✨Enroll now to secure your spots 🫶☘️

_ Yoga with Dr Hsu🌿

📌Dr Hsu’s Yoga Studio - အခန်း B2၊ ပထမထပ်၊ တိုက်အမှတ် ၁၂၄၈၊ ဗိုလ်မင်းရောင်လမ်းမကြီး ၊ ၄၁ ရပ်ကွက်၊ မြောက်ဒဂုံ။
ပညာထွန်းတောက် ကိုယ်ပိုင်အထက်တန်းကျောင်းဘေး။
YBS 13 - ဂုံးထိပ်မှတ်တိုင်။

ဖုန်း - 09775175226
09954166699

23/05/2026

🌿ယောဂလေ့ကျင့်မှုဆိုတာ
“Perfect pose” တွေကို လိုက်ဖမ်းနေတဲ့ ခရီးတစ်ခု မဟုတ်ပါဘူး။

🌿ကျမတို့က လူသားတွေပါ။
တစ်ယောက်နဲ့တစ်ယောက် ခန္ဓာကိုယ် ဖွဲ့စည်းပုံ မတူကြပါဘူး။
ကြောက်စိတ်ကို တုံ့ပြန်နိုင်မှု( Fear response) မတူကြပါဘူး။
Strength, mobility, balance, body awareness တွေလည်း မတူကြဘူး။

☘️ဒါကြောင့် လေ့ကျင့်မှုတွေဟာ
perfectly imperfect ဖြစ်နေသေးတာ သဘာဝပါပဲ။

✨ဒါကြောင့် တခါတလေ ဓာတ်ပုံတွေဆိုလည်း လှအောင် ပြင်ပြီးမှ၊ ရှုပ်နေတဲ့ ပစ္စည်းတွေဖယ်ပြီးမှ မတင်ဖြစ်တော့ပါဘူး။
🌿ကျမဖမ်းဆုပ်ပြချင်တာ ပစ္စက အခြေအနေပါ။

🌟အနာဂတ်တစ်ခုရောက်ရင် ဘယ်လိုပြောင်းလဲတိုးတက်လာမလဲဆိုတာ အတွက် ပစ္စုပ္ပန်က မှတ်တမ်းတစ်ခုပါ။

🌿ကျမ သီအိုရီက အရှိအရှိအတိုင်း လက်ခံပေး၊ ဘာကိုမှ အတင်းလုပ်ယူဖို့ ပြောင်းလဲဖို့ ဖိအားမရှိပဲ တဖြည်းဖြည်း ကိုယ်တိုင်မသိလိုက်ချိန်မှာ အလိုက်သင့် ပြောင်းလဲလာတဲ့ စိတ်နဲ့ ခန္ဓာကိုလိုချင်တာပါ။
💁🏼‍♀️မဟုတ်ရင် ယောဂလေ့ကျင့်မှုမှာ ဖိအားတွေ၊ ယှဉ်ပြိုင်မှုတွေ၊ ဖိစီးမှုတွေဖြစ်လာပါလိမ့်မယ်။

🌿ယောဂလေ့ကျင့်တာဟာ သောကတွေနဲ့ဝေးချင်လို့ပါ။
`သောကတွေတက်လာရင် ယောဂမဟုတ်တော့ပါဘူး။’

✨ဒီ inversion drills တွေမှာ
ကျမ clients တွေ လေ့ကျင့်နေတာက
shape တစ်ခုကို မဟုတ်ပါဘူး။

ကြောက်စိတ်ကို ကျော်ပြီး
Control under inversion ကို လေ့ကျင့်နေကြတာပါ။

➡️ခုံပေါ်တင်ထားတဲ့ ခြေထောက်ကို passive မဖြစ်စေပဲ ကြမ်းပြင်ကို တွန်းသလို active ဖြစ်နေဖို့၊

➡️(pelvis )တင်ပဆုံဂွင်ကို collapse မဖြစ်ဘဲ lift လုပ်နိုင်ဖို့၊

➡️Shoulders တွေကို လည်ပင်းထဲ ဖိကျသွားတာမျိုးမဟုတ်ဘဲ
လက်ဖဝါးနဲ့ ကြမ်းပြင်ကို တွန်းထားရင်း
ကျောပြင်အပေါ်ပိုင်းကို ကျယ်ကျယ်ဖွင့်ထားနိုင်ဖို့၊

➡️ ဗိုက်အား၊ ခါးအား၊ ကိုယ်လယ်ကြောအားတွေ သုံးပြီး
body line တစ်ခုလုံးကို စနစ်တကျ ထိန်းနိုင်ဖို့ —

ဒီလို body awareness လေးတွေကို
တစ်ဆင့်ချင်း တည်ဆောက်နေကြတာပါ။

💁🏼‍♀️တချို့မှာ pelvis ပိုင်းပွင့်နေသေးတယ်။
💁🏼‍♀️တချို့မှာ supporting shoulder ဘက် အားလျော့ပြီး ပြိုကျချင်သေးတယ်။
💁🏼‍♀️တချို့မှာ လက်တစ်ဖက်ကို ဖြောင့်ဖြောင့်ဆန့်နိုင်ဖို့ confidence နဲ့ stability လိုနေသေးတယ်။

✨ဒါပေမယ့်
အဲ့ဒီ “လိုအပ်ချက်” တွေကို ဖုံးထားဖို့ထက်
နားလည်ပြီး ဖြည်းဖြည်းချင်း improve လုပ်သွားနိုင်ဖို့က ပိုအရေးကြီးပါတယ်။

🔔သူများမဝေဖန်ခင်
ကျမကိုယ်တိုင် clients တွေရဲ့ alignment လိုအပ်ချက်တွေကို မြင်ပါတယ်။
ဒါပေမယ့် criticism ထက် progression ကို ပိုယုံကြည်ပါတယ်။

✨Strong body တစ်ခု တည်ဆောက်ဖို့ `Perfect Beginning’ မလိုပါဘူး။
ရေရှည် တစိုက်မတ်မတ်နဲ့ ဥာဏ်ပါပါ လေ့ကျင့်နိုင်ဖို့ (Consistent intelligent practice) ပဲလိုပါတယ်။

✨ဒီနေ့ မပြည့်စုံသေးတဲ့ alignment တွေဟာ
နောင်တစ်နေ့မှာ stronger, cleaner & more controlled movement တွေအဖြစ် ပြောင်းလဲလာနိုင်ပါတယ်။ ✨

🌿ပြုတ်ကျမှာကို ကြောက်နေတာထက် ကြောက်စိတ်ကင်းကင်းနဲ့ တစ်နေ့ထက်တစ်နေ့ ပိုကောင်းလာဖို့ ကြိုးစားနေတဲ့
ကျမ clients တွေအားလုံးကို ဂုဏ်ယူမိပါတယ်။
☘️☘️☘️☘️☘️☘️

Practice together.
Grow together.
— Yoga with Dr Hsu

📌Dr Hsu’s Yoga Studio - အခန်း B2၊ ပထမထပ်၊ တိုက်အမှတ် ၁၂၄၈၊ ဗိုလ်မင်းရောင်လမ်းမကြီး ၊ ၄၁ ရပ်ကွက်၊ မြောက်ဒဂုံ။
ပညာထွန်းတောက် ကိုယ်ပိုင်အထက်တန်းကျောင်းဘေး။
YBS 13 - ဂုံးထိပ်မှတ်တိုင်။

ဖုန်း - 09775175226

23/05/2026

✨ကျမ ဒီ Practice လုပ်တဲ့အချိန်မှာ ညဘက် ၄ နာရီပဲ အိပ်ထားရပါသေးတယ်။
✨Reel ထဲပြောခဲ့သလိုပဲ နေ့တိုင်း ကိုယ့်ကိုယ်ကို Beginner တစ်ယောက်လိုမှတ်ယူပြီး ဒီဖျာလေးပေါ်မှာ Practice လုပ်နိုင်ဖို့ တက်ဖြစ်အောင် တက်ခဲ့တာပါ။
🌿Discipline တစ်ခုချမှတ်ပြီးလေ့ကျင့်ခဲ့ပေမယ့် Video နောက်ဆုံးက pose ကိုတော့ `တော်ပြီ အဆုံးထိမလုပ်တော့ဘူး - နောက်နေ့အတွက် အိမ်စာ’ ဆိုပြီး ထွက်ပြေးခဲ့တာပါ။ 😄
➡️ထွက်ပြေးတယ်ဆိုတာဟာလည်း ပုံမှန် ဖြစ်စဉ်ပါပဲ။
🌿ယောဂဆရာမမို့ မထွက်ပြေးဘူး မထင်ပါနဲ့ 😂
🌿တစ်ခုပဲ အချိန်တစ်ခုရောက်ရင် ဒီဖျာလေးပေါ် ပြန်တက်ပြီး Beginner တစ်ယောက်လိုပဲ အစကနေ ပြန်လေ့ကျင့်နေပြီး သင်ယူနေဖို့ပါပဲ။
🌿ယောဂခရီးဟာ အဆုံးမရှိပါဘူး။
🌿Studio မှာလေ့ကျင့်မှလည်း ယောဂမဟုတ်ပါဘူး။
🌿Yoga for everywhere ပါ။
🔔တစ်ခုပဲ ဖျာလေးပေါ်ပြန်တက်ပေးဖို့တော့ မမေ့ပါနဲ့။

22/05/2026

Side bending ဆိုတာ —ခန္ဓာကိုယ်ကို ဘေးဘက်သို့ လှန်ကာ ဆန့်ထုတ်တဲ့ ယောဂလေ့ကျင့်ခန်းများကို ဆိုလိုပါတယ်။
တစ်ဖက်တည်းကို မဟုတ်ဘဲ — ဘယ်ဘက်၊ ညာဘက် နှစ်ဖက်စလုံးကို ညီညီမျှမျှ အသုံးပြုရတဲ့ movement pattern တစ်မျိုးပါ။

✨ကျမတို့နေ့စဉ်ဘဝမှာ forward bending (ရှေ့ကိုငုံ့ခြင်း) နဲ့ twisting (လှည့်ခြင်း) တွေကို ပိုလုပ်ဖြစ်ကြပေမယ့် ဘေးဘက်ကို လှန်ပြီး stretch လုပ်တာမျိုးကိုတော့ သိပ်မသုံးဖြစ်ကြပါဘူး။

✨ဒါကြောင့် အသက်ကြီးလာတဲ့အခါ — ဘေးဘက်စောင်းရခက်လာတာ၊
ခါးဘေးကြောတွေ တင်းလာတာ၊
Balance ပိုမတည်ငြိမ်လာတာ၊
လက်ကို အပေါ်တင်ပြီး ဘေးဘက်ရောက်အောင် လှမ်းရတဲ့ movement တွေ ခက်လာတာမျိုးတွေ ဖြစ်လာတတ်ပါတယ်။

✨Side bending practice တွေဟာ လွယ်တဲ့ movement မဟုတ်ပါဘူး။
ဘာကြောင့်လဲဆိုတော့ ကျမတို့ သုံးနေကျမဟုတ်တဲ့ muscles တွေကို နိုးထစေပြီး —ခန္ဓာကိုယ်ရဲ့ side body line တစ်လျှောက်ကို အသက်သွင်းပေးရတာကြောင့်ပါ။

✨Side bending ဆိုတာ —
ဘေးဘက်ကို “ကျသွားအောင်” လှန်ချတာ မဟုတ်ပါဘူး။

✨တချို့က pose ကို ပိုနက်ချင်လို့
ခါးကို ဖိချပြီး collapse ဖြစ်သွားတတ်ပါတယ်။
ဒါပေမယ့် yoga မှာ အရေးကြီးတာက —
ဘယ်လောက်နက်နက် သွားနိုင်လဲဆိုတာထက်
ခန္ဓာကိုယ်ကို ဘယ်လောက် length ရှိရှိ ထိန်းထားနိုင်လဲဆိုတာပါ။

အရင်ဆုံး ကျောရိုးတိုင် (spine) ကို ရှည်ထုတ်ရပါတယ်။
Rib cage နဲ့ waist line ကြားမှာ space ဖန်တီးရပါတယ်။
အဲ့ဒီ length ကို မပျက်စေဘဲမှ side bending လုပ်ရပါတယ်။

🌿လွယ်လွယ်ပြောရရင် —
“ချိုးချတာ” မဟုတ်ဘဲ
“ရှည်ရှည်နဲ့ ဘေးကို ကွေးသွားတာ” ဖြစ်ပါတယ်။

🌿ဒါကြောင့် side bending practice တွေမှာ
ဘယ်လောက်နက်နက် သွားနိုင်တယ်ဆိုတာထက် alignment က ပိုအရေးကြီးပါတယ်။

🌿Side bending practice တွေမှာ —
ခန္ဓာကိုယ်ဘေးတစ်လျှောက်က muscles တွေ အများကြီး အလုပ်လုပ်ရပါတယ်။

➡️Obliques ဆိုတဲ့ ဗိုက်ဘေးကြော muscles တွေက
ခန္ဓာကိုယ်ကို stabilize လုပ်ပေးပြီး
ဘေးဘက်ကို ထိန်းထိန်းမတ်မတ် ကွေးနိုင်အောင် ကူညီပေးပါတယ်။

➡️Intercostal muscles တွေကတော့
နံရိုးကြားက muscles လေးတွေပါ။
ဒီ muscles တွေ activate ဖြစ်လာရင်
rib cage movement ပိုကောင်းလာပြီး
အသက်ရှူတာမှာလည်း အဆုတ်ကို ပိုကျယ်
ကျယ်နဲ့ နက်နက်ရှူနိုင်လာတတ်ပါတယ်။

➡️Lats (latissimus dorsi) ဆိုတဲ့ ကျောဘေးပိုင်း muscles တွေကလည်း
side body line တစ်လျှောက်ကို support ပေးပါတယ်။
လက်ကို အပေါ်ဆန့်ထားတဲ့ side bend တွေမှာ
ဒီ muscles တွေ တင်းနေ ကြပ်နေရင်
လှုပ်ရှားမှုကို ကန့်သတ်နေတတ်ပါတယ်။

➡️QL muscles (quadratus lumborum) ကတော့
ခါးအနောက်ဘက် deep muscle တစ်ခုပါ။
ခန္ဓာကိုယ်တစ်ဖက်တည်း weight ထမ်းရတဲ့ movement တွေ၊
ဘေးဘက်စောင်းတဲ့ movement တွေမှာ
အရေးကြီးတဲ့ stabilizer muscle တစ်ခုဖြစ်ပါတယ်။

✨ဒါကြောင့် side bending practice လုပ်တဲ့အခါ
“ဘေးကြော stretch ဖြစ်တယ်” ဆိုတာထက်ပိုပါတယ်။
ခန္ဓာကိုယ်ဘေးတစ်လျှောက်က muscles တွေကို
stretch လည်းလုပ်ရပြီး
တစ်ချိန်တည်းမှာ strength နဲ့ control ကိုလည်း တည်ဆောက်နေရတာပါ။

✨တချို့ pose တွေမှာ တင်းနေတာက
“မပျော့လို့” တစ်ခုတည်း မဟုတ်ပါဘူး။
Weakness ရယ်
body control မလုံလောက်တာရယ်
(အသက်သေချာမရှုခြင်း) breathing restriction ရယ်ပေါင်းပြီး ဖြစ်နေတာလည်း ဖြစ်နိုင်ပါတယ်။

✨ဒါကြောင့် side bending ဟာ
flexibility practice တစ်ခုတည်းမဟုတ်ဘဲ —
mobility, stability, breathing နဲ့ body awareness ကိုတစ်ပြိုင်တည်း လေ့ကျင့်ပေးနေတဲ့ practice တစ်ခုလည်း ဖြစ်ပါတယ်။

✨yoga blocks, straps, wall support တွေကို သုံးပြီး practice လုပ်တာက weakness ကို compensate လုပ်ဖို့ မဟုတ်ဘဲ —
alignment ကို နားလည်စေဖို့နဲ့ body ကို safe ဖြစ်အောင် ကူညီပေးတာပါ။

🌿 Yoga practice ဆိုတာ —
ခန္ဓာကိုယ်ကို ပုံစံလှအောင်ပဲ မဟုတ်ဘဲ
အသက်ကြီးလာတဲ့အခါမှာတောင်
လွတ်လပ်စွာ လှုပ်ရှားနိုင်ဖို့ ကြိုတင်တည်ဆောက်နေတဲ့ movement investment တစ်ခုလည်း ဖြစ်ပါတယ်။

📌Dr Hsu’s Yoga Studio - အခန်း B2၊ ပထမထပ်၊ တိုက်အမှတ် ၁၂၄၈၊ ဗိုလ်မင်းရောင်လမ်းမကြီး ၊ ၄၁ ရပ်ကွက်၊ မြောက်ဒဂုံ။
ပညာထွန်းတောက် ကိုယ်ပိုင်အထက်တန်းကျောင်းဘေး။
YBS 13 - ဂုံးထိပ်မှတ်တိုင်။

ဖုန်း - 09775175226

Yoga with Dr Hsu

29/05/2026

28/05/2026

26/05/2026

26/05/2026

25/05/2026

24/05/2026

24/05/2026

24/05/2026

23/05/2026

23/05/2026

22/05/2026

Address

Website

Alerts

Shortcuts

Share

Category