07/12/2024
"ဒီပွဲက ကျနော်ခါးပတ်ရဖို့ အကောင်းဆုံးအခွင့်အရေးပါပဲ"
-အာလီဘက်ရာဆူလော့ဗ်-
အသက်(၃၂)အရွယ် အာလီဘက်ရာဆူလော့ဗ်ဟာ ပွဲဦးထါက် ONE တစ်ပွဲထိုးပြီးနောက် ချန်ပီယံဖြစ်တဲ့ ခရစ္စတီယန်လီကို စိန်ခေါ်ခွင့်ရခဲ့ပါတယ်။ ဒီအခွင့်အရေးဟာ သူ့အတွက်တော့ ဘဝမှာရတောင့်ရခဲအခွင့်အရေးဖြစ်ကြောင်း၊ ဒီအခွင့်အရေးကို ကောင်းကောင်းအသုံးချသွားမယ်လို့ ဆိုပါတယ်။
သူဟာ ပရိုMMA လောကမှာ ရှုံးပွဲတစ်ပွဲမှ မရှိခဲ့ဘဲ (၁၃)ပွဲထိုးသတ်ခဲ့ရာ (၁၃)ပွဲစလုံးအနိုင်ရရှိခဲ့သူပါ။ ONE ကို (၂၀၂၄)မှာဝင်ရောက်ခဲ့ပြီး တစ်ပွဲထိုးပြီးတာနဲ့ ONE နဲ့ ဒေါ်လာတစ်သိန်းတန် စာချုပ်ချုပ်ဆိုနိုင်ခဲ့ပါတယ်။ ကံကောင်းတာက ပထမဆုံးပွဲ အနိုင်ရပြီးနောက် (၅)လကျော်အကြာမှာပဲ သူဟာ ONE ရဲ့ချန်ပီယံလောင်းလျာ ဖြစ်လာခဲ့ပါတယ်။
သူက "ကျနော့်ကို ခရစ္စတီယန်လီနဲ့ ယှဉ်ပြိုင်ထိုးသတ်ခွင့်ပေးခဲ့တဲ့အတွက် အတိုင်းမသိ ဝမ်းသာပါတယ် ... သူက တကယ့်ကိုတော်တဲ့ဖိုက်တာတစ်ယောက်ဖြစ်ပြီး ကျနော့်အတွက်တော့ ပြိုင်ဘက်ကောင်းတစ်ယောက်ပါပဲ ... အခုပွဲက သူ့ကို အနိုင်ယူဖို့ ... ကျနော် ခါးပတ်လုဖို့အတွက် အကောင်းဆုံးအခွင့်ရေးပါ "လို့ ပြောခဲ့ပါတယ်။
အာလီဘက်က သူ့အနေနဲ့ အရင်ပွဲတွေမှာ ရှုံးပွဲတွေမရှိခဲ့ပေမယ့် ONE မှာကတော့ နယ်ပယ်ချင်းမတူညီကြောင်း၊ သူ့မှာ အားနည်းချက်တွေ ရှိခဲ့သလို၊ တစ်ပွဲချင်း အမှားတွေကိုပြင်ဆင်ရင်းနဲ့ တဖြည်းဖြည်း တိုးတက်လာခဲ့တာဖြစ်ကြောင်း၊ သူ့စိတ်ထဲမှာတော့ ခရစ္စတီယန်လီကိုလည်း အနိုင်ယူနိုင်လိမ့်မယ်လို့ ယုံကြည်နေကြောင်း ပြောခဲ့ပါတယ်။
