https://www.facebook.com/share/16vxSnfNcz/

Ibet 789 Ar Kar, Yangon (2026)

19/08/2026

မန်စီးတီးအသင်းရဲ့ သမိုင်းတလျှောက်အကောင်းဆုံးအချိန်တွေဖြစ်ခဲ့တဲ့ ဖလားသုံးလုံးချန်ပီယံ(Triple Winner)ဖြစ်ခဲ့တဲ့ အချိန်မှာ အတူတွဲဖက် ကစားခဲ့ကြတဲ့ ကွင်းလယ်လူတွေဖြစ်တဲ့ ဘာနာဒိုဆေးဗား နှင့် ရိုဒရီတို့ဟာ အခုချိန်မှာတော့ ပြိုင်ဖက်တွေအနေနဲ့ ဆုံတွေ့ကြတော့မှာပါ။ ပြိုင်ဘက်တောင် ရိုးရိုးပြိုင်ဘက်မဟုတ်ပဲ ဘာစီလိုနာနှင့်ရီးရဲလ်မက်ဒရစ် တို့ရဲ့ အယ်ကလက်စီကိုပြိုင်ဘက်အဖြစ် ယှဉ်ပြိုင်ရတော့မှာပါ။ ဒါပေမယ့် သူတို့ရဲ့ ငယ်ဘဝမှာ ကြိုက်နှစ်သက်ခဲ့ကြတဲ့အသင်းတွေနှင့် ယခုလက်ရှိရောက်ရှိနေကြတဲ့အသင်းတွေကတော့ တခြားစီဖြစ်နေခဲ့ပါတယ်။

19/08/2026

အာဆင်နယ်အသင်းသည် ဘယ်တောင်ပံနေရာကို အဓိကအာရုံစိုက်နေသော်လည်း ညာခြမ်းတိုက်စစ်ကစားသမားတစ်ဦး ရရှိနိုင်မည့်အခြေအနေပေါ်မူတည်၍ အပြောင်းအလဲပြုလုပ်ရန် ပြင်ဆင်ထားသည်။ ကလပ်အသင်းအနေဖြင့် ကီနန်ယစ်ဒစ်ဇ်နှင့် ဂျူလီယန်အဲဗာရက်ဇ်တို့ကဲ့သို့ ရေရှည်ပစ်မှတ်ကစားသမားများကို စောင့်ကြည့်လျက်ရှိပြီး လက်ရှိဈေးကွက်အတွင်း ၎င်းတို့အထဲမှ တစ်ဦးဦးကို ခေါ်ယူနိုင်မည့်အခြေအနေ ရှိမရှိကို စောင့်ဆိုင်းနေကြောင်း သိရသည်။

18/08/2026

ပီအက်စ်ဂျီအသင်း၏ လူငယ်ကစားသမား အီဘရာဟင်မ်အမ်ဘိုင်၏ အနာဂတ်နှင့်ပတ်သက်၍ ဆွေးနွေးမှုများ ပြုလုပ်နေပြီး သူသည် မကြာမီကာလအတွင်း အသင်းမှ ထွက်ခွာသွားဖွယ်ရှိနေသည်။ လီဗာပူးအသင်းသည် ကစားသမား၏ ကိုယ်စားလှယ်ဖြစ်သူ ဂျော့ချ်မန်ဒက်စ်နှင့် ဆွေးနွေးမှုများပြုလုပ်ထားပြီး အမ်ဘိုင်ကိုယ်တိုင်ကလည်း လီဗာပူး၏ စီမံကိန်းကို သဘောကျနှစ်သက်နေသည်။ သို့သော် ပီအက်စ်ဂျီအသင်း သတ်မှတ်ထားသည့် တန်ဖိုးမှာ လီဗာပူးအသင်းအတွက် များပြားလွန်းသည်ဟု ယူဆနေကြသည်။

18/08/2026

မန်ချက်စတာယူနိုက်တက်အသင်းရဲ့ ခံစစ်မှူး ဟယ်ရီ မက်ဂွဲယားက အသင်းဖော် တိုက်စစ်မှူး မားကပ်စ် ရပ်ရှ်ဖို့ဒ်အနေနဲ့ အသင်းမှာ ဆက်ရှိနေဖို့ မျှော်လင့်ကြောင်းနဲ့ အသင်းအတွက် အရေးပါတဲ့ အဓိက အစိတ်အပိုင်းတစ်ခုဖြစ်ကြောင်း ထုတ်ဖော်ပြောကြားလိုက်ပါတယ်။ ရပ်ရှ်ဖို့ဒ်ဟာ အသင်းကို သေချာပေါက် တိုးတက်ကောင်းမွန်လာစေနိုင်စွမ်းရှိပြီး မီလန်အသင်းနဲ့ပွဲစဉ်မှာ လူစားဝင်လာချိန်ကလည်း ပြိုင်ဘက်နောက်တန်းကို ခြိမ်းခြောက်နိုင်ခဲ့ကာ ဂိုးသွင်းယူနိုင်မယ့် အခွင့်အရေးတွေ ဖန်တီးနိုင်ခဲ့သူဖြစ်တယ်လို့ မက်ဂွဲယားက ချီးကျူးပြောဆိုခဲ့ပါတယ်။

18/08/2026

မန်ချက်စတာယူနိုက်တက်အသင်း၏ လက်ရှိအခြေအနေနှင့် ပတ်သက်၍ Sky Sports ရုပ်သံသုံးသပ်သူ ဂျေမီ ကာရေဂါက မိုက်ကယ်ကာရစ်သည် အသင်းကို တည်ငြိမ်မှုနှင့် ရလဒ်ကောင်းများ ယူဆောင်လာပေးနိုင်သော်လည်း ပရီးမီးယားလိဂ် သို့မဟုတ် ချန်ပီယံလိဂ်ကဲ့သို့ အဓိကဖလားကြီးများကို ဆွတ်ခူးနိုင်သည့် ထိပ်တန်းနည်းပြတစ်ဦး ဖြစ်လာရန်မူ သံသယရှိနေကြောင်း ထုတ်ဖော်ပြောကြားလိုက်သည်။ ကာရေဂါက ယူနိုက်တက်အနေဖြင့် ပြီးခဲ့သည့် လပိုင်းများအတွင်း ရရှိခဲ့သည့် တည်ငြိမ်မှုကို နောက်ထပ် ၁၂ လခန့် ဆက်လက်ထိန်းသိမ်းသွားရန် လိုအပ်နေပြီး ကာရစ်သည် ထိုအချက်အတွက် သင့်လျော်သူဖြစ်ကြောင်း သုံးသပ်ခဲ့သော်လည်း ကာလရှည်တွင် အသင်းကို အမှတ်ပေးဖလား သို့မဟုတ် ဥရောပချန်ပီယံဆု ဆွတ်ခူးပေးနိုင်စွမ်း ရှိလိမ့်မည်ဟု မယုံကြည်ကြောင်း၊ သို့သော် ၎င်း၏ လက်ရှိလုပ်ဆောင်ချက်များက အသင်းကို နောင်တွင် အောင်မြင်မှုကြီးများ ဆွတ်ခူးပေးနိုင်မည့် ထိပ်တန်းမန်နေဂျာတစ်ဦး ခန့်အပ်နိုင်ရန် အကောင်းဆုံးလမ်းခင်းပေးနိုင်လိမ့်မည်ဖြစ်ကြောင်း သတင်းဌာနများသို့ ပြောကြားခဲ့သည်။

18/08/2026

"ဘာစီလိုနာအသင်း နည်းပြ ဟန်ဆီဖလစ် ရဲ့ တိုက်စစ်အတွက် အဓိက ပစ်မှတ် - ဗစ်တာ ယောကရက်စ်"

- ဘာစီလိုနာအသင်းဟာ အာဆင်နယ်တိုက်စစ်မှူး ဗစ်တာ ယောကရက်စ် ကို ခေါ်ယူဖို့အတွက် အာဆင်နယ်ဘက်နဲ့ ဆွေးနွေးမှုတွေ စတင်ပြုလုပ်နေပြီဖြစ်ပါတယ်။
ဘာစီလိုနာအသင်းရံအားကစားဒါရိုက်တာ ဒေကို ကိုယ်တိုင်ကလည်း ယောကရက်စ် ရဲ့ အရည်အသွေးတွေကို သဘောကျနှစ်သက်နေသူဖြစ်တာကြောင့် ဒီအပြောင်းအရွှေ့အတွက် ဘာစီလိုနာဘက်က စိတ်ဝင်စားမှု အထူးမြင့်မားနေပါတယ်။
သတင်းတွေရဲ့ ဖော်ပြချက်အရ အာဆင်နယ်ဘက်က ပေါင်သန်း ၇၀ ဝန်းကျင် တောင်းဆိုဖွယ်ရှိပြီး၊ ဒီဈေးနှုန်းနဲ့ ရောင်းချဖို့ကတော့ အာဆင်နယ်တို့ ဗစ်တာ အော်ဆီမန် ကို အရင်ဆုံး ခေါ်ယူနိုင်မှသာ ဖြစ်လာနိုင်ခြေရှိတယ်လို့ သိရပါတယ်။ ဘာစီလိုနာဘက်ကတော့ လက်ရှိအခြေအနေမှာ ဒီအပြောင်းအရွှေ့ဟာ အလွန်အမင်း ငွေကြေးကုန်ကျမယ့် ကိစ္စရပ်တစ်ခုအဖြစ် မမြင်ထားပါဘူး။

17/08/2026

မန်ချက်စတာယူနိုက်တက်အသင်းဟာ ဘိုင်ယန်မြူးနစ်အသင်းရဲ့ တောင်ကိုရီးယားနောက်ခံလူ ကင်မင်ဂျေးကို စောင့်ကြည့်နေပြီး ခေါ်ယူဖို့ ပစ်မှတ်ထားတဲ့ ကစားသမားစာရင်းထဲမှာ ထည့်သွင်းထားတယ်လို့ သိရပါတယ်။

ဒါပေမယ့် လက်ရှိမှာတော့ ကင်မင်ဂျေးဟာ ဘိုင်ယန်မြူးနစ်မှာ ပျော်ရွှင်နေပြီး အသင်းထဲမှာ သူ့ရဲ့နေရာအတွက် ဆက်လက်တိုက်ပွဲဝင်သွားဖို့ ဆန္ဒရှိနေတယ်လို့ သိရပါတယ်။

17/08/2026

ကီးစမစ် သည် ရီးရဲလ်မက်ဒရစ်အသင်း၏ စောင့်ကြည့်စာရင်းထဲတွင် ပါဝင်နေကြောင်း သိရသည်။ နည်းပြ ဟိုဆေးမော်ရင်ညို အနေဖြင့် ဘာနာဒိုဆေးဗား ကဲ့သို့ နေရာစုံတွင် ကစားနိုင်ပြီး အသင်းအတွက် လိုအပ်သလို အခန်းကဏ္ဍမျိုးစုံကို ဖြည့်ဆည်းပေးနိုင်သည့် ကစားသမားမျိုးကို လိုချင်နေပြီး စမစ် သည်လည်း ဘာနာဒို ၏ ကစားဟန်နှင့် ဆင်တူစွာ နေရာအမျိုးမျိုးတွင် ကစားနိုင်သူဖြစ်သည်။ သို့သော် လက်ရှိအချိန်အထိ စမဒ် ကို ခေါ်ယူရေးနှင့်ပတ်သက်၍ ထူးခြားသည့် တိုးတက်မှု သို့မဟုတ် တရားဝင်ဆွေးနွေးမှုများ ထွက်ပေါ်လာခြင်းမရှိသေးကြောင်း သိရသည်။

17/08/2026

အာဆင်နယ်အသင်းသည် တိုက်စစ်မှူး ဂါဘရီယယ် ဂျေဆုစ်အတွက် နာပိုလီအသင်းဘက်မှ ၎င်းတို့သတ်မှတ်ထားသည့် အခြေအနေများကို လိုက်လျောပေးရန် အသင့်ရှိနေကြောင်း သိရှိထားပြီး အသင်းနှစ်သင်းအကြား အခြေခံသဘောတူညီချက်တစ်ရပ် ရရှိထားပြီဖြစ်ကြောင်း သိရသည်။ သို့သော် ယနေ့အချိန်အထိ တရားဝင်ကမ်းလှမ်းမှုတစ်စုံတစ်ရာ မပြုလုပ်ရသေးကြောင်း သိရသည်။ အာဆင်နယ်အသင်းက ပြီးခဲ့သည့်ရာသီမကုန်မီကတည်းက ဂျေဆုစ်အား စာချုပ်သစ်ကမ်းလှမ်းရန် အစီအစဉ်မရှိတော့ကြောင်း အသိပေးထားပြီး အသင်းသစ်ရှာဖွေရန် ခွင့်ပြုခဲ့သလို ယခုရာသီအသင်း၏အစီအစဉ်များတွင်လည်း ဘရာဇီးလ်တိုက်စစ်မှူးကို ထည့်သွင်းထားခြင်းမရှိတော့ကြောင်း သိရသည်။ လက်ရှိတွင် ဂျေဆုစ်နှင့် ၎င်း၏ကိုယ်စားလှယ်အဖွဲ့သည် နာပိုလီအသင်းနှင့် ကိုယ်ရေးကိုယ်တာစာချုပ်အချက်အလက်များအပေါ် ဆွေးနွေးမှုများ ပြုလုပ်နေကြပြီဖြစ်သည်။

17/08/2026

မန်ချက်စတာစီးတီးအသင်းဟာ ချယ်လ်ဆီးကွင်းလယ်လူ အန်ဇိုဖာနန်ဒက်စ် ရဲ့ အေးဂျင့်တွေနဲ့ ဆွေးနွေးမှုတွေကို ဆက်လက်ပြုလုပ်နေဆဲဖြစ်တယ်လို့ သိရပါတယ်။ နွေရာသီအပြောင်းအရွှေ့ဈေးကွက် ပိတ်သိမ်းဖို့ နောက်ဆုံးနှစ်ပတ်သာ ကျန်ရှိတော့တဲ့အချိန်မှာ စီးတီးအနေနဲ့ ဖာနန်ဒက်စ် ကို ခေါ်ယူနိုင်ရေး ချယ်လ်ဆီးအသင်းနဲ့ သဘောတူညီမှုရရှိဖို့ ထပ်မံကြိုးပမ်းနိုင်သေးပြီး၊ ယခင်က ဆွေးနွေးခဲ့တဲ့ဈေးနှုန်းနဲ့ မတူညီတဲ့ ပြောင်းရွှေ့ကြေးတစ်ရပ်ဖြင့် သဘောတူညီချက်ရရှိနိုင်မလားဆိုတာ ဆက်လက်စောင့်ကြည့်ရမှာဖြစ်ပါတယ်။

Ibet 789 Ar Kar

19/08/2026

19/08/2026

18/08/2026

18/08/2026

18/08/2026

18/08/2026

17/08/2026

17/08/2026

17/08/2026

17/08/2026

Address

Website

Alerts

Shortcuts

Share

Category

Listing takedown request