https://www.facebook.com/874494252404195/

Coretex, Yangon (2026)

02/07/2026

၇ နှစ်အထိ Software Update ရမယ် ဒါပေမယ့်..
လက်တွေ့မှာရော အဆင်ပြေပါ့မလား?

နှစ်စဉ်နှစ်တိုင်း smartphone brand အမျိုးမျိုးက မော်ဒယ်အသစ်တွေကို ဆက်တိုက် မိတ်ဆက်နေကြတာကို ကျွန်တော်တို့အားလုံး တွေ့မြင်နေရပါတယ်။

ဒါပေမယ့် ဖုန်းအသစ်ထွက်တိုင်း လူတိုင်းက လိုက်လဲကိုင်ကြတာတော့ မဟုတ်ပါဘူး။ တချို့က ၂ နှစ်၊ တချို့က ၃ နှစ်ကနေ ၅ နှစ်အထိ၊ အချို့ဆိုရင် ဒီထက်ပိုကြာအောင်တောင် ဖုန်းတစ်လုံးတည်းကို ဆက်အသုံးပြုကြပါတယ်။

ဒီလို smartphone market မှာ နှစ်စဉ် ပြိုင်ဆိုင်မှုတွေ ပိုမိုပြင်းထန်လာတဲ့အချိန် Google နဲ့ Samsung တို့လို ထုတ်လုပ်သူတွေက သူတို့ရဲ့ flagship ဖုန်းအချို့ကို ၇ နှစ်အထိ software နဲ့ security update ပေးမယ်လို့ ကြေညာလာကြပါတယ်။ Apple ကလည်း iPhone တွေကို နှစ်ပေါင်းများစွာ update ဆက်ပေးနေတဲ့အတွက် long-term software update တွေဟာ အခုဆိုရင် smartphone industry ရဲ့ trend တစ်ခုလို ဖြစ်လာနေပါပြီ။

Software update ဆိုတာကတော့ Android / iOS version အသစ်တွေ၊ security patch update တွေနဲ့ bug fix တွေကို ဆက်လက်ရရှိတာကို ဆိုလိုတာပါ။

ဒါဆို... ဒီလို နှစ်ရှည် software update တွေက ဖုန်းတစ်လုံးကို နှစ်အတော်ကြာ အသုံးပြုတဲ့သူတွေအတွက် တကယ်ပဲ အကျိုးရှိတဲ့ အပြောင်းအလဲတစ်ခုလား? ဒါမှမဟုတ် marketing တစ်ခုပဲ ဖြစ်နေတာလား?

ဒီမေးခွန်းအတွက် အဖြေက အမျိုးမျိုးဖြစ်နိုင်ပါတယ်။

ဒါပေမယ့် စိတ်ဝင်စားဖို့ကောင်းတဲ့အချက်က long-term software update တွေဟာ ဖုန်းတစ်လုံးအပေါ် အသုံးပြုသူတွေ ထားတဲ့အမြင်ကို ဘယ်လိုပြောင်းလဲစေနိုင်မလဲ၊ ဘယ်လိုပြဿနာတွေရော ရှိလာနိုင်မလဲဆိုတာပါ။

၇နှစ် software update ဆိုတာ ကြားရတာတော့ အရမ်းကောင်းပါတယ်။ ဒါပေမယ့် ဖုန်းမှာပါတဲ့ hardware အစိတ်အပိုင်းတွေကတော့ အချိန်ကြာလာတာနဲ့အမျှ အသစ်အတိုင်းဖြစ်နေမှာ မဟုတ်တော့ပါဘူး။

လူတိုင်းကြုံဖူးကြမယ့် battery ပြဿနာကိုပဲကြည့်ပါ။
Battery တွေက အချိန်ကြာလာတာနဲ့အမျှ စွမ်းဆောင်ရည်က တဖြည်းဖြည်းကျဆင်းလာပါတယ်။ ဒါကြောင့် ဖုန်းကို ၆နှစ် ၇နှစ်လောက် သုံးချင်ရင်တော့ battery ကို မလွဲမသွေ လဲသုံးဖို့လိုလာမှာပါ။

Processor , RAM နဲ့ Storage လို hardware အစိတ်အပိုင်းတွေကလည်း အချိန်ကြာလာတာနဲ့အမျှ ကန့်သတ်ချက်တွေ ရှိလာနိုင်ပါတယ်။

Software update အသစ်တွေ ထွက်လာတာနဲ့အမျှ feature အသစ်တွေ ပိုများလာနိုင်ပြီး App တွေရဲ့ လိုအပ်ချက်တွေလည်း တဖြည်းဖြည်း မြင့်လာနိုင်ပါတယ်။ ဒါကြောင့် ဖုန်းအဟောင်းတွေမှာ စွမ်းဆောင်ရည် ကျလာသလို ခံစားရတာမျိုး ဖြစ်နိုင်ပါတယ်။

ဒါ့အပြင် update ရတိုင်းလည်း feature အသစ်တွေ အကုန်ရမယ်လို့ မဆိုလိုပါဘူး။

Apple ကိုပဲကြည့်မယ်ဆိုရင် software update တွေ ဆက်ပေးနေပေမယ့်လည်း Apple Intelligence လို AI feature တွေကိုတော့ လုံလောက်တဲ့ hardware ရှိတဲ့ မော်ဒယ်တွေမှာပဲ အသုံးပြုနိုင်တာ တွေ့နိုင်ပါတယ်။

Android ဖက်ကရော အလားတူပါပဲ။Google နဲ့ Samsung တို့က update အသစ်တွေ ပေးနိုင်ပေမယ့် feature တချို့ကတော့ chipset ရဲ့စွမ်းဆောင်ရည်ပေါ်မူတည်ပြီး ကန့်သတ်ထားတာတွေ ရှိပါတယ်။

ဒါကြောင့် update ရနေတာဟာ security ပိုင်းလိုမျိုးမှာ ကောင်းတဲ့အရာဖြစ်ပေမယ့် feature အသစ်တိုင်းကိုတော့ မျှော်လင့်ထားလို့မရပါဘူး။

ဒါပေမယ့် အသုံးပြုသူတွေအတွက်တော့ ကောင်းတဲ့အချက်တွေရှိလာတာ အမှန်ပါပဲ။

ဖုန်းကို ကြာကြာသုံးချင်တဲ့သူတွေအတွက် ပိုအဆင်ပြေလာနိုင်မယ်။ Software update ရနေသေးတာကြောင့် hardware ပျက်ရင်‌တောင် ပြင်ဆင်ပြီး ဆက်သုံးလို့ရနိုင်ပါတယ်။

App compatibility ပိုင်းမှာလည်း ပိုအဆင်ပြေလာနိုင်ပြီး banking app တွေ၊ payment app တွေနဲ့ အခြား application တွေကို ပိုကြာကြာအသုံးပြုနိုင်မှာပါ။

ဒါ့အပြင် second hand ဈေးကွက်မှာလည်း update ရနေသေးတဲ့ ဖုန်းတွေက ဈေးကြီးတဲ့ flagship ဖုန်းအသစ်တွေအစား ဈေးသက်သာတဲ့ ရွေးချယ်စရာတစ်ခု ဖြစ်လာနိုင်ပါတယ်။

မိသားစုထဲမှာ ဖုန်းကိုလက်ဆင့်ကမ်းသုံးမယ်ဆိုရင်တောင် ဖုန်းက update ဆက်ရနေသေးတဲ့အတွက် အရမ်းဟောင်းနေသလို ဖြစ်မနေတာ၊ လိုအပ်တဲ့ security ပိုင်းမှာလည်း update တွေကြောင့် စိတ်ချလက်ချ သုံးနိုင်မှာပါ။

တကယ်တော့ long-term software support ဟာ marketing တစ်ခုဆိုရင်လည်း ဟုတ်ပါတယ်။ Brand တိုင်းက ဒီအချက်ကိုပါ အပြိုင်အဆိုင် အသုံးချလာနေကြတာကို ငြင်းလို့မရပါဘူး။

အသုံးပြုသူတွေဖက်က ကြည့်ရင်လည်း ဖုန်းတစ်လုံးဟာ ခဏပဲသုံးပြီး လဲပစ်ရမယ့်ပစ္စည်းတစ်ခုထက် လိုအပ်ရင် ပြုပြင်ပြီး‌ ရေရှည်သုံးလို့ရနိုင်တဲ့ device တစ်ခု ဖြစ်လာစေမှာပါ။

နောက်ဆုံးပြောချင်တာက long-term software support ဆိုတာ ဖုန်းတစ်လုံးကို ၇ နှစ်လုံးလုံး အသစ်အတိုင်း ဖြစ်နေအောင် လုပ်ပေးနိုင်မှာတော့ မဟုတ်ပါဘူး။ ဒါပေမယ့် သုံးစွဲသူတွေအတွက် "ဆက်သုံးချင်ရင် ဆက်သုံးလို့ရတယ်" ဆိုတဲ့ ရွေးချယ်ခွင့်ကို ပေးလာတာကတော့ အရင်ကထက် ပိုကောင်းတဲ့ အပြောင်းအလဲတစ်ခုလို့ မြင်မိပါတယ်။

ခင်ဗျားတို့ရော ဖုန်းတစ်လုံးကို ဘယ်လောက်ထိသုံးဖို့ စိတ်ကူးထားလဲ၊ နှစ်‌တွေအကြာကြီးရော သုံးဖြစ်ကြရဲ့လားဆိုတာ comment မှာ မျှဝေပေးခဲ့ကြပါအုံး။

ဒီလိုမျိုး content တွေကို ဆက်ဖတ်ချင်ရင် Page ကို follow လုပ်ထားဖို့လည်း မမေ့နဲ့နော်

16/06/2026

လွန်ခဲ့တဲ့နှစ်တွေက Facebook လိုမျိုး social media တွေက ဘယ်လိုပုံစံလဲ မှတ်မိကြသေးရဲ့လား ?

ဒီနေ့အချိန်တွေလိုမျိုး လိုတာထက်ပိုနေတဲဲ့ ads တွေနဲ့ မိနစ်ပိုင်းစာ video အတိုတွေကို မမြင်ချင်အဆုံး ဖြစ်နေမယ်လို့ မထင်ပါဘူး။ Ads တွေရှိတာ ကြာနေပေမယ့် အခုနောက်ပိုင်း လူသုံးများတဲ့ social media တွေပေါ်မှာ နေရာယူလာတဲ့ short video တွေကရော . . .

တကယ််တော့ Facebook ရဲ့ အစောပိုင်းခေတ်တွေမှာ news feed က ရိုးရိုးရှင်းရှင်းပဲအလုပ်လုပ်ခဲ့တာပါ။ ကိုယ် follow ထားတာတွေနဲ့ friends တွေရဲ့ posts တွေကို တင်တဲ့အချိန်လိုက်မြင်ရတာဖြစ်ပြီး ယခုလို algorithm က ဘာကြည့်ရမယ် ဘာတွေပိုကြိုက်တတ်လဲ တိုင်းတာဆုံးဖြတ်ပေးတာမျိုးမရှိသေးပါဘူး။

ဒါပေမယ့် နောက်ပိုင်းမှာ social media company တွေက အသုံးပြုသူတွေကို platform ပေါ်မှာ ကြာကြာနေလာအောင် အပြိုင်အဆိုင်လုပ်လာကြပါတယ်။ Feed တွေကလည်း "မင်း follow လုပ်ထားတဲ့သူတွေ ဘာတင်လဲ" ဆိုတာထက် "မင်းစိတ်ဝင်စားနိုင်တာ ဘာလဲ" ဆိုတာကို ပိုဦးစားပေးလာခဲ့တယ်။

အဲဲ့ဒါတွေရဲ့အစက ကျနော်တို့အများစု အကျွမ်းတဝင်ရှိနေပြီးသားဖြစ်တဲ့ TikTok ကြောင့်လို့ ပြောရမှာပါ။

၂၀၁၆ ခုနှစ်မှာ ByteDance က တရုတ်ပြည်တွင်းမှာ Douyin အနေနဲ့ စတင်မိတ်ဆက်ခဲ့တဲ့ ယခု TikTok ဟာ friend / following တွေကို အဓိကမထားဘဲ အသုံးပြုသူရဲ့ စိတ်ဝင်စားမှုအလိုက် video အတိုတွေကို ဆက်တိုက်ပြသပေးတဲ့ recommendation system ကိုအသုံးပြုထားခဲ့တာပါ။ဒါကြောင့်ပဲ global launch လုပ်တဲ့အချိန်မှာ users တွေ အဆမတန် တိုးလာခဲ့ပါတယ်။

ဒါကပဲ တခြား platform တွေကို မျက်ခုံးလှုပ်လာစေခဲ့ပြီး လိုက်လံတုပ ပြောင်းလဲလာကြတာလို့ ပြောရင် မှားမယ်မထင်ပါဘူး။

သီးသန့် clone app တွေထုတ်ခဲ့ပေမယ့် user based မရှိလို့ မအောင်မြင်ခဲ့တဲ့နောက်မှာတော့ အရင်ကတည်းက user သန်းနဲ့ချီ ရှိပြီးသားဖြစ်တဲ့ social media platform တွေမှာပဲ short video တွေကို စတင်ထည့်သွင်းလာကြတယ်။

၂၀၂၀ မှာ စတင်မိတ်ဆက်ခဲ့တဲ့ Instagram ရဲ့ reels ကစပြီး YouTube shorts နဲ့ Facebook reels တွေပါ ဆက်တိုက်ပေါ်ထွက်လာကာ လူသုံးများတဲ့ social media တွေဟာ short-form video ဖက်ကိုရွေ့လျားသွားခဲ့ပါတယ်။

ဒါပေမယ့် ဒီလိုပြောင်းလဲလာရတဲ့ အကြောင်းရင်းက TikTok ကို လိုက်တုပချင်လို့တင် မဟုတ်ပါဘူး။

Social media company တွေရဲ့ အဓိကဝင်ငွေက ads တွေကနေ လာတာဖြစ်ပါတယ်။ User တစ်ယောက် platform ပေါ်မှာ ကြာကြာနေလေလေ၊ ads တွေ ပိုမြင်ရလေလေ၊ company တွေအတွက် ဝင်ငွေ ပိုရလေလေ ဖြစ်ပါတယ်။

Short video တွေဟာ ဒီနေရာမှာ အရမ်းထိရောက်ပါတယ်။ Video တစ်ခုက မိနစ်အနည်းငယ်ပဲ ကြာပြီး နောက်တစ်ခုကို အလွယ်တကူ ဆက်ကြည့်မိစေတာ‌မို့ user တွေ platform ပေါ်မှာ အချိန်ပိုကုန်လာသလို engagement တွေလည်း မြင့်တက်လာအောင်လုပ်ပေးပါတယ်။ ဒါကြောင့်ပဲ platform တွေက short-form video တွေကို ပိုမိုဦးစားပေးလာခဲ့ကြတာပေါ့။

အခုအချိန်မှာတော့ social media platform တွေဟာ မူလကလို မိတ်ဆွေတွေနဲ့ ဆက်သွယ်ဖို့နေရာတစ်ခုထက် recommendation algorithm တွေက ရွေးချယ်ပေးတဲ့ content တွေနဲ့ short video တွေ ပိုမိုပြသတဲ့ entertainment platform တွေလို ပိုဖြစ်လာနေပါတယ်။

ဒီပြောင်းလဲမှုက အသုံးပြုသူတွေအတွက် အကျိုးကျေးဇူးတွေ မရှိဘူးလို့တော့ ပြောလို့မရပါဘူး။

အရင်တုန်းက လူတစ်ယောက်ဟာ သူစိတ်ဝင်စားတဲ့ အကြောင်းအရာတွေကို ရှာဖွေဖို့ အချိန်အများကြီးပေးရပေမယ့် အခုတော့ algorithm တွေက ကိုယ်စိတ်ဝင်စားနိုင်တဲ့ content တွေကို တိုက်ရိုက်ပို့ပေးနိုင်လာပါတယ်။ Creator အသစ်တွေအတွက်လည်း follower အများကြီးမရှိဘဲ audience အသစ်တွေဆီ ရောက်နိုင်ဖို့ အခွင့်အရေး ပိုများလာခဲ့တယ်။

ဒါပေမယ့် တစ်ဖက်မှာတော့ အရင်လို social media ကို “ရည်ရွယ်ချက်ရှိရှိ သုံးတာ” ထက် “မသိလိုက်ဘဲ အချိန်ကုန်သွားတာ” ဆိုတဲ့ အခြေအနေမျိုးတွေ ပိုများလာပါတယ်။

Short video တွေကို တစ်ခုပြီးတစ်ခု ဆက်ကြည့်နေရင်း အချိန်ဘယ်လောက်ကုန်သွားမှန်း မသိတော့တာမျိုး၊ တစ်ခုတည်းကို အာရုံစိုက်ပြီး ဖတ်ဖို့/ကြည့်ဖို့ ခက်လာတာမျိုးတွေ ဖြစ်လာတယ်။

နောက်ပြီး အကြောင်းအရာတွေကလည်း လူတွေရဲ့အာရုံစိုက်မှုရဖို့ သက်သက်လို ဖြစ်လာကြတယ်။ဒါ့အပြင် အရေမရအဖတ်မရ AI နဲ့ဖန်တီးထားတဲ့ video တွေ၊ clickbait content တွေနဲ့ quality ထက် engagement ရဖို့သက်သက် content တွေ ပိုများလာခဲ့ပါတယ်။

ဒါက အရင်ကလို social media တွေကို အချင်းချင်း ဆက်သွယ်ဖို့၊ သတင်းအချက်အလက်တွေ နဲ့ အတွေ့အကြုံတွေ မျှဝေဖို့ထက် ကျွန်တော်တို့ဟာ algorithm ရွေးပေးတဲ့ video တွေကို ပိုကြည့်နေရဖို့ အသုံးပြုနေရသလိုပါပဲ။

ဒီ‌ပြောင်းလဲမှုဟာ တချို့တွေအတွက် ပျော်စရာကောင်းတဲ့ entertainment တစ်ခု ဖြစ်နိုင်ပေမယ့် တချို့အတွက်တော့ social media ကို “အနားယူမယ့်နေရာ” ထက် “အချိန်ကုန်သွားတဲ့နေရာ” လို့ ခံစားလာရစေပါတယ်။

အဆုံးမှာတော့ ဒီမေးခွန်းတစ်ခုပါပဲ —

ဒီ platform တွေက ကျွန်တော်တို့ကို ပိုပြီး connect ဖြစ်စေသလား၊ ဒါမှမဟုတ် ကျွန်တော်တို့ရဲ့ အချိန်တွေကို မသိမသာ ခိုးယူနေပြီလား ဆိုတာပါ။

တကယ် အရေးကြီးတာက ဒီ social media platform တွေကို အချိန်ဖြုန်းဖို့ထက် ကိုယ့်အတွက် အကျိုးရှိအောင် အသုံးချဖို့ပါပဲ။

ဒါနဲ့ပတ်သက်ပြီး ဘယ်လိုမြင်ကြလဲ Comment မှာ ဆွေးနွေးခဲ့နိုင်ပါတယ်။

26/05/2026

MacBook သုံးဖို့အတွက် iPhone က မရှိမဖြစ်လား

Macbook နဲ့ပတ်သက်ရင် တော်တော်များများ ထင်နေကြတာက iPhone ရှိမှ သုံးလို့အဆင်ပြေမယ် ဆိုတာပါပဲ။

တကယ်တော့ ကိုယ့်ရဲ့အသုံးပြုလိုမှုအပေါ် မူတည်ကာ ဆုံးဖြတ်ရမှာဖြစ်ပြီး ဒီထင်မြင်ချက်ဟာ အလုံးစုံမမှန်နေဘူးလို့ ပြောလို့ရပါတယ်။

Apple ရဲ့ Macbook တွေဟာ Apple Silicon chips တွေရဲ့ power efficiency, performance နဲ့ multitasking ကောင်းတာတွေကြောင့် လူကြိုက်များကြသလို ဝယ်ယူသူတော်တော်များများဟာလည်း အဲ့ဒီအချက်တွေကိုပဲ ကြည့်ကြတာများပါတယ်။

ဒါဆို ဘာကြောင့်များ တချို့တွေက iPhone ရှိမှ၊ တွဲသုံးမှ ဖြစ်မယ်လို့ ထင်ကြတာလဲ…

လက်ရှိမှာ အမြင်သာဆုံးအချက်ကတော့ Apple တင်မကပဲ တခြား Tech companies တွေကပါ အာရုံစိုက်လာကြတဲ့ “Ecosystem” ဆိုတာကြောင့်ပါပဲ။

Products ကြော်ငြာတွေ၊ Marketing Campaigns တွေကအစ devices တွေ တစ်ခုနဲ့တစ်ခု ဘယ်လိုချိတ်ဆက်ပြီး seamless ဖြစ်အောင် အလုပ်လုပ်နိုင်တယ်ဆိုတာကို အထူး highlight လုပ်လာကြပါတယ်။
ဒါကြောင့်ပဲ လူတော်တော်များများရဲ့ စိတ်ထဲမှာ “ဒီတစ်ခုရှိရင် နောက်တစ်ခုလိုမယ်” ဆိုတဲ့အတွေး ဝင်လာစေတာပါ။

တကယ်တော့ ecosystem ဆိုတာ “ပိုအဆင်ပြေစေတဲ့ experience” တစ်ခုသာဖြစ်ပြီး Macbook ကို အသုံးပြုနိုင်ဖို့အတွက် မရှိမဖြစ်လိုအပ်တဲ့အရာတော့ မဟုတ်ပါဘူး။

ဥပမာ သင်ဟာ Macbook ကို iPhone နဲ့ တွဲသုံးမယ်ဆိုရင် —

• Files တွေကို Airdrop နဲ့ ချက်ချင်းကူးနိုင်မယ်
• iPhone မှာ copy ကူးထားတာကို Mac မှာ paste ချနိုင်တဲ့ Universal Clipboard
• iPhone ကို we**am အနေနဲ့ သုံးနိုင်တဲ့ Continuity Camera အပြင်
• iMessage, iPhone Mirroring
စတာတွေကိုပါ အသုံးပြုနိုင်မှာပါ။

ဒီ features တွေက user experience ကို ပိုပြီး smooth ဖြစ်စေနိုင်ပေမယ့် Macbook တစ်လုံးအသုံးပြုဖို့အတွက် “မရှိမဖြစ်” လိုအပ်တဲ့ features တွေတော့ မဟုတ်ပါဘူး။

တစ်ဖက်မှာ Macbook ကို သီးသန့်ပဲ သုံးတဲ့သူတွေအတွက်လည်း
Google Drive, Telegram, Nearby Share, cloud services တွေလို alternatives တွေအများကြီးရှိနေပါတယ်။

ဟုတ်ပါတယ်… နည်းနည်းပိုအလုပ်ရှုပ်နိုင်ပါတယ်။
ဒါပေမယ့် Macbook ကပေးတဲ့ performance, battery life, smoothness, display quality နဲ့ speaker experience တွေကတော့ iPhone မရှိလည်း ခံစားလို့ရနေဆဲပါပဲ။

အထူးသဖြင့် programming, editing, office work, content creation လိုအလုပ်တွေအတွက် Macbook ဟာ standalone device တစ်လုံးအနေနဲ့တင် အရမ်းကောင်းတဲ့ premium laptop တစ်လုံးဖြစ်နေပါတယ်။

ဒါကြောင့် “Macbook ဝယ်ရင် iPhone လည်း မဖြစ်မနေလိုတယ်” ဆိုတာထက်
“iPhone ရှိရင် experience ပိုကောင်းသွားမယ်” လို့ပဲ မြင်တာ ပိုမှန်မယ်ထင်ပါတယ်။

တချို့ users တွေကြားမှာတော့ ဒီအချက်ဟာ ငြင်းခုန်စရာတစ်ခုဖြစ်နေမှာပါ။
“iPhoneရှိလို့ ဒါမှမဟုတ် apple ecosystem ထဲပဲ နေချင်လို့ Macbook လေးမှကိုင်ချင်တယ်” ဆိုတဲ့ apple fan boy လေးတွေလည်း ရှိနိုင်သလို
“Macbook ဝယ်ပြီး iPhone ပါ တွဲကိုင်မှ‌ ကောင်းတယ်” ဆိုတဲ့သူတွေလည်းရှိတာပါပဲ။

ဒါပေမယ့် laptop တစ်လုံးကိုရွေးချယ်ရာမှာ ecosystem ထက် performance ကို အဓိကထားကြည့်သင့်တယ်လို့ မြင်မိပါတယ်။

တကယ်လို့ Macbook ဝယ်ပြီး iPhone တစ်လုံးထပ်ဝယ်ဖို့ စဉ်းစားနေမယ်ဆိုရင်လည်း
တချို့ users တွေအတွက် အဲ့ဒီ budget ကိုပဲ ပိုကောင်းတဲ့ Macbook တစ်လုံး upgrade လုပ်လိုက်တာက ပိုပြီး လက်တွေ့ကျနိုင်ပါတယ်။

ခင်ဗျားတို့ရော ဘယ်လိုမြင်ကြလဲ?
ဝင်ရောက်ဆွေးနွေးပေးသွားဖို့ ဖိတ်ခေါ်ပါတယ်

23/05/2026

သင်ဟာ ညဖက်တွေမှ computerနဲ့ အလုပ်လုပ်တတ်သူလား?

ဒါမှမဟုတ် အာရုံစူးစိုက်ပြီး အလုပ်လုပ်နေရချိန်မှာ တိတ်ဆိတ်နေတာကိုပဲ ကြိုက်တတ်သူလား?

ဒါဆို အဲ့လို တိတ်ဆိတ်တဲ့အချိန်တွေမှာ

သင်သတိထားမိလာမှာကတော့….

computer mouse click သံဟာ ထင်ထားတာထက် ပိုပြီးကျယ်လောင်နေတတ်တာပါပဲ။

ဒါကြောင့် ကျနော်လည်း အဲ့ဒီပြဿနာကို ဖြေရှင်းဖို့အတွက် budget လည်းသက်သာတဲ့ Logitech M240 silent Bluetooth Mouse ကို ပြောင်းသုံးဖြစ်ခဲ့တာပေါ့

Logitech ကိုတော့ ကျနော်တို့နိုင်ငံမှာ ရိုးရိုး computer mouse တွေ keyboard တွေနဲ့ Gaming Accessories တွေကြောင့် တော်တော်များများသိကြတာမို့ အထူးတလည်ရှင်းပြဖို့လိုမယ်မထင်ပါဘူး။ဒီလို products အများကြီးထဲမှာမှ ယခု logitech M240 silent က ဈေးအတော်သက်သာတဲ့ Bluetooth mouseလို့ ပြောရမယ်။ဒါဆို အဲ့ဒီ mouse လေးက ဘာတွေများပေးနိုင်မလဲ..

Compact Design & Silent Touch

စစချင်းသတိထားမိမှာက သူရဲ့ ကျစ်လစ်တဲ့ compact ဖြစ်တဲ့ design ပဲ။

အချိန်အကြာကြီးကိုင်သုံးရင်တောင် အတိုင်းအတာတစ်ခုထိ လက်မညောင်းပဲ သုံးလိုပြေတယ်။အလေးချိန်ကလည်း အထဲမှာထည့်ထားတဲ့ ဓာတ်ခဲအလေးချိန် အပါအဝင်ကိုမှ 73.8g ဆိုတော့ ကိုင်ရတာလည်း ပေါ့ပေါ့ပါးပါးဖြစ်အုံးမယ်။ ဒါကြောင့် အပြင်ပဲသယ်သွားသွား အိမ်မှာပဲ သုံးသုံး အဆင်ပြေတယ်။

ဒါ့အပြင် logitech ရဲ့ Silent Touch technology ရဲ့အကူအညီနဲ့ mouse click သံကိုလည်း မကြားရသလောက် နည်းသွားအောင် လျှော့ချပေးထားတာမို့ ညဖက်ပဲသုံးသုံး အာရုံစူးစိုက်ပြီး အေးအေးဆေးဆေး အသုံးပြုနိုင်မှာပါ။

Battery

Battery အနေနဲ့ကလည်း အထဲမှာ AA ဓာတ်ခဲ ထည့်ပြီးသုံးရုံပဲ။ Mouseနဲ့အတူ တစ်ခါတည်းပါပြီးသားဖြစ်ပေမယ့် လိုအပ်လာရင်လည်း အလွယ်တကူလဲသုံးလိုက်လို့ရတယ်။

Battery life ကိုလည်း 18 လအထိ ရမယ်လို့ ပြောထားတယ်ဆိုတော့ ခဏခဏ လဲနေဖို့လိုမှာ မဟုတ်ပါဘူး။

Connectivity

ချိတ်ဆက်တဲ့ Connectivity အပိုင်းမှာလည်း USB dongle မလိုပဲ computer ရဲ့ Bluetooth နဲ့ တန်းပြီးချိတ်လို့ရမယ်။

ဒါ့အပြင် သူ့မှာ Bluetooth Low Energy Technology (BLE ) ကို သုံးထားတာကြောင့် Battery စားတာ သက်သာပြီး connection လည်း တည်ငြိမ်ပါတယ်။

DPI and Supported OS

တခြားအချက်တွေအနေနဲ့ DPI range က 400 ကနေ 4000 DPI အထိရတယ်။ DPI ကိုတော့ Logi Options+ software နဲ့ ချိန်ညှိလို့ရမယ် ကိုယ်က ကလိချင်တယ်ဆိုရင်တော့ စမ်းကြည့်သင့်ပါတယ်။

Window , macOS , Linux , Chrome OS နဲ့ Android အထိ အစုံ connect လို့ရတာမို့ ကိုယ့် device နဲ့ ချိတ်မရမှာ ပူစရာမလိုပါဘူး။

ဒါပေမယ့် သူ့ရဲ့ compact design က လက်ကြီးတဲ့သူတွေအတွက်တော့ သေးလွန်းနေတာမျိုးဖြစ်နိုင်တယ်။နောက်ပြီး သာမန် budget friendly mouse တစ်ခုပဲမို့လို့ ဘေးဖက်မှာ button အပိုတွေတော့ပါမှာမဟုတ်ဘူး။

ပေါက်ပေါက်ရှာရှာပြောရရင် USB dongle မပါတာကလည်း Bluetooth မရတဲ့ computer မှာ သုံးချင်ရင်တော့ မရနိုင်ဘူးပေါ့။

ကျန်တာကတော့ အထွေအထူးပြောစရာမရှိသလောက်ပါပဲ။

အကုန်လုံးခြုံငုံပြီးပြောရရင် logitech M240 silent Bluetooth Mouse က ဈေးအရမ်းမများပဲ နေ့စဉ်အသုံးပြုဖို့ အဆင်ပြေတဲ့ mouse တစ်ခုပါပဲ။

Silent click , battery life နဲ့ compact design တွေကြောင့် ပေါ့ပေါ့ပါးပါးသုံးချင်တဲ့သူတွေနဲ့ quiet setup ကြိုက်တဲ့သူတွေအတွက်တော့ စဉ်းစားသင့်တယ်လို့ မြင်ပါတယ်။

ဒါဆိုပြောတာလည်း အတော်စုံသွားပြီမို့ ဒီမှာပဲရပ်ပါရစေ

နောက်ထပ်လည်း honest reviews ပုံစံနဲ့ ပြောပြပေးမှာတွေရှိသေးလို့ page ကို like and follow လုပ်ထားနိုင်ပါတယ်။

07/05/2026

ကျနော်တို့နေ့စဉ်ဘဝမှာ တိတ်ဆိတ်မှုဆိုတာ ရှားပါးတဲ့အရာတစ်ခု ဖြစ်လာနေပါပြီ။

မနက်ခင်း လမ်းပေါ်ထွက်လိုက်တာနဲ့ ကားသံ၊ ဆိုင်ကယ်သံတွေ၊ Bus ပေါ်က လူတွေရဲ့ စကားသံတွေ အိမ်ပြန်ရောက်တော့လည်း အိမ်နီးချင်း ပတ်ဝန်းကျင်တွေရဲ့ ဆူညံသံတွေ . . .

ဒီလို ဆူညံသံတွေကြားမှာ ခဏလောက်ဖြစ်ဖြစ် ကိုယ့်အတွက် သီးသန့်နေရာလေးတစ်ခု ဖန်တီးပေးနိုင်တာကတော့ Noise Cancelling Earbuds တွေပါပဲ။

ဒါပေမယ့် Earbuds ဝယ်မယ်ဆိုရင် Design , Brand နဲ့ Marketing တွေကြားမှာ ရွေးချယ်စရာတွေက များလွန်းနေတတ်ပါတယ်။

အဲ့ဒီထဲကမှ နေ့စဉ်အသုံးပြုဖို့ အဆင်ပြေပြီး ANC ကောင်းကောင်း၊ Features စုံစုံလင်လင်နဲ့ ဈေးနှုန်းလည်းအရမ်းမများတဲ့ earbuds တစ်ခုကို ရှာနေတယ်ဆိုရင်တော့ Soundcore R60i NC က စဉ်းစားသင့်တဲ့ ရွေးချယ်မှုတစ်ခုလို့ ပြောနိုင်ပါတယ်။

ပထမဆုံး ပြောရမယ့်အချက်ကတော့ build quality ပါ။

ယခင် R50i ထက် မသိမသာတိုးတက်လာတယ်လို့ ပြောလို့ရမယ့် design နဲ့ အပြင်ဖက် Case ရဲ့ smooth finish ကြောင့် လက်ရာထင်တာတွေဘာတွေ ရှိမှာမဟုတ်ဘူး။ Earbuds တွေကလည်း plastic သုံးထားပေမယ့် cheap ဖြစ်တယ်လို့ မခံစားရဘဲ solid ဖြစ်တဲ့ ခံစားချက်မျိုး ရစေပါတယ်။

Earbuds တွေမှာလည်း IP55 rating ပါဝင်တာကြောင့် ချွေးထွက်များတဲ့သူတွေ၊ outdoor တွေမှာ အသုံးပြုချင်သူတွေအတွက် ပိုပြီး စိတ်ချရပါတယ်။ Case ရဲ့ hinge ကတော့ အနည်းငယ် တောင့်နေသလို ခံစားရပေမယ့် ဖွင့်ပိတ်တဲ့အခါ အဆင်ပြေပါတယ်။

ဒီ Earbuds ရဲ့ အားသာချက်ကတော့ သူ့ရဲ့ ANC ပါပဲ။

Up to -52dB အထိ Noise cancellation ကို support ပေးထားပြီး Adaptive ANC၊ Manual ANC နဲ့ Multi-Scene ANC တို့ကို လိုအပ်သလို ပြောင်းလဲ အသုံးပြုနိုင်ပါတယ်။

Adaptive ANC ကတော့ ပတ်ဝန်းကျင်အသံတွေကို real-time analyze လုပ်ပြီး ANC level ကို အလိုအလျောက် ချိန်ညှိပေးတာကြောင့် ဘယ်နေရာရောက်ရောက် အဆင်ပြေတဲ့ ANC ကို ရရှိစေပါတယ်။ Manual mode မှာတော့ ကြိုက်တဲ့ ANC level ကို ကိုယ်တိုင်ရွေးချယ်နိုင်ပြီး Multi-Scene ANC မှာ transport , indoor နဲ့ outdoor ဆိုပြီး အသုံးပြုမယ့် နေရာအလိုက် ရွေးချယ်နိုင်ပါတယ်။

ကျနော့်လို အလုပ်ရှုပ်မခံချင်တဲ့သူတွေအတွက်တော့ Adaptive ANC က အဆင်ပြေဆုံးပါပဲ။

R50i NC ရဲ့ -42dB ANC နဲ့ နှိုင်းယှဉ်ရင်လည်း သိသာတဲ့ upgrade တစ်ခုဖြစ်လာပြီး air conသံ၊ ပန်ကာသံတွေနဲ့ လမ်းမပေါ်က ယာဉ်သံလို ဆူညံသံတွေကို တော်တော်လေး လျှော့ချပေးနိုင်ပါတယ်။

ဒါပေမယ့် သူ့ရဲ့ ANCက အလုံးစုံတိတ်ဆိတ်သွားတာ မဟုတ်ပါဘူး။

ကလေးငိုသံ၊ တစ်ယောက်ယောက် ရုတ်တရက် အော်လိုက်တဲ့အသံလို အသံစူးစူးတွေကိုတော့ လုံးဝ ပျောက်သွားအောင် မလုပ်ပေးနိုင်ပါဘူး။ ANC ဖွင့်ထားပေမယ့် အချို့အသံတွေကို ကြားနေရဆဲ ဖြစ်ပါတယ်။

Modes အနေနဲ့တော့ Normal Mode၊ Transparency Mode နဲ့ Noise Cancellation Mode ဆိုပြီး သုံးမျိုး အသုံးပြုနိုင်ပါတယ်။

Normal mode က နေ့စဉ်အသုံးပြုဖို့ လုံလောက်ပြီး Transparency mode ကတော့ အပြင်ကအသံတွေကို ပြန်ကြားရအောင် လုပ်ပေးပါတယ်။ Fully Transparent နဲ့ Vocal Mode ဆိုပြီး ထပ်မံရွေးချယ်နိုင်တာကြောင့် ကိုယ်နဲ့အဆင်ပြေတဲ့ Setting ကို အသုံးပြုနိုင်ပါတယ်။

Wind Noise reduction feature ကလည်း လေတိုက်တဲ့အခါ ကြားရတဲ့ လေတိုးသံတွေကို အနည်းအကျဉ်း လျှော့ချပေးနိုင်ပါတယ်။ လုံးဝ ပျောက်သွားတာမျိုး မဟုတ်ပေမယ့် ဖွင့်ထားရင် သိသာတဲ့ ကွာခြားချက်တော့ ရှိပါတယ်။

Soundcore App ကလည်း မရှိမဖြစ်ပါပဲ။

Play/Pause controls တွေ၊ Touch control တွေ၊ ANC settings တွေကို စိတ်ကြိုက် customize လုပ်နိုင်သလို sound effects နဲ့ equalizer settings တွေကိုလည်း အသေးစိတ် ပြင်ဆင်နိုင်ပါတယ်။

ဒါ့အပြင် preference test လုပ်ပြီး ကိုယ့်ကြိုက်တဲ့ sound profile ကို ရွေးချယ်နိုင်သလို White noise , AI translation features တွေနဲ့ firmware updates တွေကိုလည်း App ကနေ တိုက်ရိုက် လုပ်ဆောင်အသုံးပြုနိုင်ပါတယ်။

Sound quality အပိုင်းမှာလည်း premium earbuds တွေလောက် မကောင်းနိုင်ပေမယ့် သူ့စျေးတန်းထဲမှာတော့ ကျေနပ်စရာကောင်းတဲ့ experience ကို ပေးနိုင်ပါတယ်။

Bass က အားကောင်းတဲ့ဘက်ကို သွားပြီး Pop၊ EDM တွေ နားထောင်တဲ့သူတွေအတွက် ပိုအဆင်ပြေပါတယ်။

Audio quality ပိုကောင်းဖို့ LDAC Codec ကို support ပေးထားသေးတယ်။ ဒါပေမယ့် LDAC ကို အသုံးပြုချင်ရင် App ထဲမှာ သီးသန့်ဖွင့်ပေးရမှာဖြစ်ပြီး battery လည်းပိုကုန်လာပါတယ်။

iPhone users တွေအတွက်တော့ LDAC Support မရှိတာကြောင့် audio quality ကို အပြည့်အဝ အသုံးချနိုင်မှာ မဟုတ်ပါဘူး။

ဖုန်းပြောတဲ့အပိုင်းမှာလည်း Earbud တစ်ဖက်စီမှာ Mic ၃ လုံးစီ ပါဝင်ပြီး AI noise reduction ကို အသုံးပြုထားတာကြောင့် ပတ်ဝန်းကျင်ဆူညံသံတွေကို လျှော့ချပေးကာ အသံကို ပိုမိုရှင်းလင်းအောင်လုပ်ပေးနိုင်ပါတယ်။

အားနည်းချက်တွေကို ပြောရမယ်ဆိုရင် ANC က အသံအားလုံးကို မပိတ်နိုင်တာ၊ LDAC သုံးတဲ့အခါ Battery ပိုကုန်တာနဲ့ Smooth finish ကြောင့် case မှာ ခြစ်ရာထင်လွယ်တာတို့ကို သတိထားရမှာ ဖြစ်ပါတယ်။

အကုန်လုံး ခြုံငုံကြည့်မယ်ဆိုရင် Soundcore R60i NC ဟာ ပြီးပြည့်စုံတဲ့ Earbuds တစ်ခုတော့ မဟုတ်ပေမယ့် ANC ကောင်းကောင်းနဲ့ နေ့စဉ်အသုံးပြုဖို့ အဆင်ပြေတဲ့ Earbuds တစ်ခုကို ရှာနေတယ်ဆိုရင် ဒီစျေးတန်းထဲမှာ စဉ်းစားသင့်တဲ့ ရွေးချယ်မှုတစ်ခု ဖြစ်ပါတယ်။

ကျနော်ကိုယ်တိုင်လည်း daily use အနေနဲ့ အသုံးပြုနေပြီး လက်ရှိအချိန်ထိတော့ ဝယ်ပြီး စိတ်ပျက်ရတာမျိုး မရှိသေးပါဘူး။

Soundcore R60i NC ဒါမှမဟုတ် soundcore ရဲ့ တခြား product တွေကို သုံးဖူးတယ်ဆိုရင် ကိုယ့်ရဲ့အတွေ့အကြုံနဲ့ အမြင်တွေကို Comment မှာ မျှဝေပေးခဲ့ပါဦး။

Page ကိုလည်း Like and Follow လုပ်ပေးခဲ့ဖို့ မမေ့နဲ့နော်

17/04/2026

Lineup အားလုံးထဲမှာ
ပါဝါရိန်းဂျားအဖြစ်ခဲ့ဆုံး iPhone Lineup 🍎
—————————————————

နောက်ပိုင်းနှစ်တွေမှာ iPhone တွေက
ရောင်စုံဘောလုံးအထာနဲ့
Pro ဆိုလည်း Max လေးမှ “ ပိုတင့်တယ် ” ရတာနဲ့

သာမန် Series တွေဆိုလည်း ဖုန်းစဉ်မမှီနဲ့
ဖုန်းအကြောင်း မလေ့လာမိရင်တောင်
ကြားဖြစ်ကြလောက်မှာပါ။

အဲ့လိုရောင်တောင်မောင်တောင်နဲ့
မျက်နှာပျက်နေတဲ့မောင်ပန်းသီးကပဲ

တစ်ချိန်က
လက်ဖျောက်တီးပြီး ကြိုက်ရာရွေးလိုက် . . .

Specifications အပိုင်းမှာ ယှဉ်စရာမလိုဘဲ
ဈေးတန်းတိုင်း ကောင်းတာတွေပဲရမယ်ဆိုတဲ့
မော်ဒယ်အကုန်အစုံနဲ့ iPhone 12 Series ကို

12 Mini,12, 12 Pro နဲ့ 12 Pro max ဆိုပြီးမှ
မော်ဒယ် Lineup စုံစုံလင်လင်နဲ့ ထုတ်ပေးခဲ့ဖူးပါတယ်။

တန်လွန်းလို့လည်း ဒီမော်ဒယ်တွေမှာဆိုရင် ကိုယ့်စိတ်ကြိုက်

- ပိုလှတာလေးကိုင်ချင်လား
- ပိုကြီးတာလေးကိုင်ရမလားနဲ့
- ပိုချစ်စရာကောင်းတာပဲ ဝယ်ဖြစ်သွားတယ်နဲ့
Hype ပြီးကို အားပေးခဲ့ကြတာပါ။

Specs တွေကို အကျဉ်းချုံးဆွေးနွေးရမယ်ဆိုရင်

▪️ Display အပိုင်း

iPhone 11 ရဲ့ခေတ်နှောင်း 720p ခေတ်ကို ဖြတ်ကျော်ထားပြီးမှ Model (၄) မျိုးစလုံးမှာ Super Retina XDR OLED (Full HD+) ကို သုံးပေးခဲ့တဲ့အတွက် ( ProMotion (120Hz) မပါသေးပေမဲ့ ) Display ရဲ့ စိုရွှဲမှုနဲ့ PPI ကတော့ အပြစ်ပြောစရာမရှိလောက်အောင် ကောင်းခဲ့တာက ပန်းသီးချစ်သူတွေအဖို့ အားပေးရကျိုးနပ်ခဲ့ရဆုံးအချက်ပါပဲ။

▪️ Performance အပိုင်း

ပြိုင်ဘက် Android Chipset တွေထက် ပိုမြန်ပြီး ပို Efficient ဖြစ်တဲ့ 5nm A14 Bionic Chip ကို Model အားလုံးမှာ တန်းတူထည့်ပေးထားတာကိုက Performance ပိုင်းအတွက် လုံးဝ Top Notch ဖြစ်ရသလို

▪️ Camera အပိုင်း

Pro Unit တွေမှာ LiDAR နဲ့ Telephoto ပါပေမဲ့၊ ကျွန်တော်တို့ အသုံးအများဆုံး Main Lens (12MP Wide) ကတော့ ၄ မျိုးလုံးမှာ အတူတူပါပဲ။ ရိုးရိုး Point and Shoot ရိုက်မယ့်သူတွေအတွက် ဘယ် Model ကိုပဲကိုင်ကိုင် Quality ကွာခြားမှု မရှိသလောက်ဖြစ်နေတာလေးကိုက အဲ့ခေတ်အဲ့အခါရဲ့ ဈေးအကြီးဆုံးဖုန်းတွေထဲမှာဆိုရင်တော့ ရှယ်မှ ရှယ်ပဲပေါ့။

▪️ 5G ပါတဲ့ Connectivity အပိုင်း

Apple က Chipset အသာစီးရမှုကို သေချာအသုံးချခဲ့သလို Model အားလုံးမှာ 5G Support ရအောင် A14 Chip နဲ့အတူ 5G Modem ကို ထည့်သွင်းပေးခဲ့တာက iOS တွေရဲ့ အကြီးမားဆုံးပြောင်းလဲမှုတစ်ခုပါပဲ။

▪️ The MagSafe Magic

iPhone 12 နဲ့အတူ စတင်မိတ်ဆက်ခဲ့တဲ့ MagSafe ကလည်း User Experience ကို ပြောင်းလဲပစ်ခဲ့ပါတယ်။ 12 Mini လို ဖုန်းအသေးလေးကအစ ဒီလို ဆွဲငင်အားကောင်းတဲ့ Wireless Charging နဲ့ Accessories System ကို သုံးလို့ရတာက အမိုက်စား Function တွေ စုံမှစုံ ကောင်းမှကောင်းဆိုတဲ့ Lineup ဆိုတာကို ငြင်းမရနိုင်ခဲ့ပါဘူး။

ဒီအမှတ်တရတွေကို ပြန်လည်တူးဆွရင်း

အခုနောက်ပိုင်း Apple Intelligence, ProMotion တို့လို
Feature အသစ်တွေနဲ့ Action Button, Camera Control,
Dynamic Island စတဲ့ ပြောင်းလဲမှုတွေက
အားရစရာကောင်းပေမဲ့

iPhone 12 series လို Apple ဖက်က စေတနာပါတဲ့
ခံစားချက်မျိုးကိုတော့ ပြန်မရနိုင်တော့တာ အမှန်ပါပဲ။

ဒါပေမဲ့ အခုနောက်ပိုင်း Android တွေ သုံးလာတဲ့
Silicone Carbon လိုမျိုး
New Battery Technology တွေကို အသုံးချလာပြီး

12 Series လို ပန်းသီးစေတနာ အပြည့်ပါတဲ့ တစ်ခေတ်ကို ပြန်မြင်ချင်မိတာကတော့ ကျွန်တော့်ရဲ့ စစ်မှန်တဲ့ဆန္ဒတွေထဲက တစ်ခုပါပဲ။

ဒီစာကို ဖတ်ပြီးတဲ့ ခင်ဗျားတို့ရော ကျွန်တော့်ဆွေးနွေးမှုအပေါ်မှာ အမြင်ဘယ်လိုရှိကြလဲ ?

ကိုယ်အကြိုက်ဆုံး iPhone Series က ဘယ်ဟာလဲဆိုတာ
ဝင်ရောက်ဆွေးနွေးပေးသွားကြပါဦး။

03/04/2026

လွန်ခဲ့တဲ့ ၇ နှစ်က ဖုန်းတစ်လုံးက ဘာများပေးနိုင်မလဲ

အခုအချိန် Phone Company တွေက features အသစ်တွေ latest chip and tech တွေနဲ့ ဈေးကွက်ထဲ အပြိုင်အဆိုင်ဖြစ်နေကြတဲ့အချိန် သင့်လက်ထဲလွန်ခဲ့တဲ့ ၇နှစ်က ဖုန်းတစ်လုံးရောက်လာရင် ဘယ်လိုခံစားရမလဲ။
Battery ကြီးကြီးတွေမပါဘူး game တွေဘာတွေအတွက်လည်းမဟုတ်ဘူးဆိုရင်ရော. .

လွန်ခဲ့တဲ့အပတ်လောက်က အကြောင်းတစ်ခုကြောင့် Huawei ရဲ့ Nova series ထဲက Nova 5T လေးတစ်လုံး လက်ထဲရောက်လာလို့ သုံးဖြစ်ခဲ့တယ်။ အခုလက်ရှိ local မှာ Huawei ဆိုရင် Google မရလို့ဆိုတဲ့ အကြောင်းပြချက်နဲ့ လက်ရှောင်ကြတဲ့အခြေအနေမှာ ဒီ Nova 5T လေးက Google Service ရသေးတဲ့ ရှားပါးအလုံးလေးလို့တောင်ပြောရမယ်။

On paper specification တွေကို ကျော်ပြီး‌ပြောရရင် ဒီဖုန်းက HiSilicone Kirin 980 (7nm) processor ကိုသုံးထားတယ် သူ့ခေတ်သူ့အခါက ကောင်းခဲ့တဲ့ processor ‌ဆိုပေမယ့် လက်ရှိသုံးကြည့်တော့ သိပ်ပြီးစိတ်တိုင်းမကျဘူးလို့ဆိုရမယ်။ ပူလွယ်တယ်ဘာညာပေါ့ဗျာ သူ့ခေတ်သူ့အခါက benchmarks တွေအရတော့ ကောင်းနိုင်ပေမယ့် အဓိက‌ပြောချင်တာက ဒီ Soc မဟုတ်တာမို့ကျော်လိုက်ပါမယ်။

2019က ထွက်တာဆိုပေမယ့် ဒီဖုန်းမှာ 3750 mah battery ကိုပဲ သုံးပေးထားတယ်။ Huawei ရဲ့ nova series တွေမှာ thin and light လုပ်ချင်ခဲ့တယ်လို့ပဲ ယူဆရမယ်။ ဒီတော့ battery က မီးခဏခဏပျက်ရင် သိပ်တော့မဟန်ဘူးပေါ့။Daily use social media လေးသုံး သီချင်းလေးနားထောင် ဘာညာဆိုရင်တော့ တစ်နေ့ကို အားသုံးခါလောက်တော့ အပြည့်သွင်းဖို့လိုတယ် (ဒါကလည်း ကိုယ့်ဆီရောက်လာတာ အသစ်မဟုတ်လို့လည်းပါမယ်)။

သုံးနေရင်း သဘောကျတာက သူ့ရဲ့ကင်မရာပဲ
ရိုက်သမျှပုံလှတယ် ကြည့်‌ကောင်းတယ်ဆိုတဲ့ look ကိုရတယ်။ ultra wide camera ကလည်း အရမ်းအဆိုးကြီးမဟုတ်ဘူး အလင်းရောင်ကောင်းကောင်းရရင် လက်ခံပေးလို့ရတယ်ပေါ့။
သဘောအကျဆုံးကတော့ night mode လွန်ခဲ့တဲ့ ၇နှစ်က ဖုန်းတစ်လုံးပါလို့ မထင်ရအောင် ကောင်းနေတယ်။ အလင်းရောင်ကို ဆွဲတင်လိုက်သလိုဖြစ်သွားပေမယ့် noise နည်းတယ် အဆင်ပြေတယ်။ selfie camera ကလည်း natural look ရတယ်လို့ခံစားရတယ်။camera နဲ့တင်ကျန်တဲ့အချက်တွေ မေ့ထားလို့ရတယ်ဆိုတဲ့ဖုန်းမျိုးပေါ့
UI ဘာညာကလည်း Huawei ရဲ့ EMUI နဲ့လာတယ်မို့ ကိုယ်က တခြားဖုန်းတွေသုံးနေရင် EMUI က ထူးခြားတဲ့ experience ကိုပေးနိုင်လိမ့်မယ်။

ဒါဆို တိုင်ပတ်တာလေးတွေ ဆက်ပြောရအောင်။
သူ့မှာက android 11 ထိပဲရတော့တယ်ဆိုတော့ latest android version ကနေ ဆင်းသုံးရင် experience က သိပ်မတူဘူး date အောက်နေတယ်လို့ခံစားရလိမ့်မယ်။ (အကောင်းဖက်ကတွေးရင်တော့ retro vibe ရတယ်ပေါ့လေ) ။
Battery Capacity နည်းတာကလည်း game ဘာညာဆော့တဲ့သူဆိုရင်တော့ မပြေနိုင်ဘူး ကျနော်နည်းနည်းပဲဆော့တာတောင် 30% လောက်ထိ ပြုတ်ကျသွားတဲ့ အခြေအနေမို့။ ပြီးတော့ game ဆော့တာနဲ့ heavy task ဆိုရင် ပူလွယ်တယ် ဒါကတော့ Kirin Problem လို့ပဲပြောရမယ်
အားသွင်းရတာကလည်း 22.5W ထိပဲ support တာမို့ တော်တော်လေးကြာပါတယ်။
နောက်တစ်ခုက 3.5mm audio jack မပါတော့တာပဲ နောက်ပိုင်းဖုန်းတွေမှာ မထည့်ကြပေမယ့် အရင်ကဖုန်းတစ်လုံးမှာမပါတာဆိုတော့ ကြိုးတပ်သုံးချင်ရင် adaptor ဝယ်ရမယ့်အကွက်တွေပေါ့။ကျနော်ကတော့ Bluetooth earbuds အသုံးများတာမို့ အိုကေတယ်ပေါ့လေ။

Overall ခြုံပြောရရင်တော့ ပေါ့ပေါ့ပါးပါးလေးပဲ ကိုင်မယ်ဆိုရင် အဆင်ပြေတဲ့ထဲပါ‌သေးတဲ့
ဖုန်းတစ်လုံးပဲ။ Built quality အနေနဲ့ကလည်း glass back , aluminium frame နဲ့ဆိုတော့ cheap plastic တွေထက်စာရင် ကိုင်ရတာတန်တယ်ပေါ့။
သူ့ရဲ့ အားနည်းချက်တချို့ကိုလက်ခံနိုင်ရင်တော့ ကိုင်လို့ရသေးတဲ့ဖုန်းတစ်လုံးလို့ ကျနော်ကတော့ မြင်ပါတယ်။

ဒါဆိုရင် ၇နှစ်လောက်ကြာနေပြီဖြစ်တဲ့ ဖုန်းတစ်လုံးကို ကိုယ့်အနေနဲ့ရော ကိုင်ချင်ပါ့မလား
Comment မှာ လွတ်လွတ်လပ်လပ် ဆွေးနွေးခဲ့နိုင်ပါတယ်။
Bye guys..

27/03/2026

Nothing's CMF phone lineup ကို ဝယ်သင့်ရဲ့လား

စထွက်လာကတည်းက Unique ဖြစ်တဲ့ design နဲ့ လူစိတ်ဝင်စားမှုရခဲ့တဲ့ CMF phone series ဟာ အခုအချိန်မှာ Phone 2 pro ထိရောက်လာပြီဖြစ်ပြီး နောက်ထပ် CMF Phone 3 Pro ဟာလည်း လာမည့် နှစ်ဝက်လောက်မှာ မိတ်ဆက်လာနိုင်ချေ ရှိနိုင်တယ်လို့ သတင်းထွက်နေပါတယ်။
ဒါဆို CMF lineup ကို ဝယ်သင့်သေးရဲ့လား။လက်ရှိကိုင်နေတဲ့ CMF Phone 2 Pro experience နဲ့ပြောပြပေးသွားပါမယ်။

အရင်ဆုံးပြောရမှာက သူ့မှာ သုံးထားတဲ့ Nothing OS ပဲ။ Clean ဖြစ်တယ် ထင်ထားတာထက်လည်း smooth ဖြစ်တယ် ပွထနေတဲ့ bloatware တွေလည်း နည်းတယ်။ Theme က Monochrome ပေမယ့် ကိုယ်က Nothing style ကို မကြိုက်ရင် default android theme ထားပြီး သုံးလို့ရပါသေးတယ်။ ဒါ့အပြင် widgets တွေနဲ့ custom dot matrix text လေးတွေကလည်း ရှုပ်ပွမနေပဲ ကြည့်လို့အဆင်ပြေတယ်။ တခြား smooth ပါတယ်ဆိုတဲ့ OS တွေနဲ့မယှဉ်နိုင်ပေမယ့် clean look ဖြစ်နေတာကိုက သူ့အားသာချက် တစ်ခုပါပဲ။ ဒါ့အပြင် Essential Key နဲ့အတူ AI Features အချို့ကိုလည်း သုံးလို့ရမယ်။ ကျနော်ကတော့ မသုံးဖြစ်တာများပါတယ်။

နောက်တစ်ခုက အပေါ်မှာပြောခဲ့သလို သူ့ရဲ့ Unique ဖြစ်တဲ့ Designပါ။ နောက်ကျောမှာ accessories တွေ ဖြုတ်တပ်လုပ်လို့ရမယ်။ဒါပေမယ့် အဲ့ဒီအတွက် accessories ကအစ ဖြုတ်ဖို့ screwdriver အဆုံး အကန့်အသတ်နဲ့ပဲရနိုင်တာမို့ သိပ်အဆင်မပြေသေးဘူး။
လက်ရှိမှာတော့ ဖုန်းအောက်ထောင့်မှာ တပ်လို့ရတဲ့ Lanyard ပဲ ဝယ်လို့ရတယ်( Third-party accessories အချို့ရှိပေမယ့် လက်ရှိ မြန်မာနိုင်ငံဈေးကွက်ထဲ ရှာရခက်တာတကြောင်း Nothing ဖက်ကလည်း recommend မပေးတာတကြောင်းမို့ ဝယ်မတပ်တာပဲကောင်းပါတယ်)

Performance ကတော့ mid range ဖုန်းတစ်လုံးအနေနဲ့ အဆင်ပြေတယ်။ Daily Use အနေနဲ့ ကောင်းကောင်းသုံးနိုင်ပါတယ် အရမ်းတော့ ကောင်းမနေဘူးပေါ့ ဒါပေမယ့်
ကိုယ်က ပေါ့ပေါ့ပါးပါးလေးပဲ ကိုင်မယ် Game တွေဘာတွေ အရမ်းမဆော့ဘူးဆိုရင်တော့ စိတ်ကျေနပ်လောက်တဲ့ experience ကိုရနိုင်ပါတယ်။
Camera အနေနဲ့ကလည်း သူ့မှာပါတဲ့ 50MP main camera က အတော်လေးအဆင်ပြေတယ် 50 MP telephoto ကတော့ 2x optical zoom ထည့်ပေးထားပေမယ့် mid range မို့ ‌ကောင်းတယ်ဆိုတဲ့ ခံစားချက်မျိုးမရဘူး 8MP ultrawide ကလည်း သာမန်ပါပဲ။

ဒါ့အပြင် လိုအပ်တဲ့ accessories တွေရှားနေသေးတယ်။ Screen protector , Cover ကအစ ရှာရခက်သလို ဘူးထဲမှာလည်း Charger မထည့်ပေးထားတော့ သပ်သပ်ဝယ်ရလို့ အပိုကုန်တယ်။ Original ကလည်း ဈေးမသေးတော့ third party အနေနဲ့ Fast Charging လည်းရတဲ့ Anker 323 33W charger လေးဝယ်သုံးလိုက်ပါတယ်( အဲ့ charger အကြောင်းကိုတော့ နောက်မှ သပ်သပ်ပိုစ့်တစ်ခုနဲ့ ရေးပေးပါမယ်)

ဒီလောက်ဆို တော်တော်လေးပြည့်စုံပြီလို့ထင်ပါတယ်။
လက်ရှိ ကျနော်တို့နိုင်ငံမှာ Price to performance ဖြစ်မဖြစ်ကိုပဲ အရင်ကြည့်ကြတာမို့ တန်းတူဖုန်းတွေထက် ဈေးအနည်းငယ်ပိုများနေတဲ့ CMF phone series တွေကို ရွေးဖို့လက်တွန့်နေမှာအမှန်ပါပဲ။ဖုန်းတစ်လုံးဝယ်ပြီး လိုအပ်တာ ဝယ်မရပြုမရဖြစ်နေတာကိုလည်း ကြိုက်ကြမှာမဟုတ်ပါဘူး။
ဒါပေမယ့် ကိုယ်က တခြားသူတွေနဲ့လည်းမတူချင်ဘူး ရိုးအီနေတဲ့ Camera Layout ပဲပြောင်းထုတ်နေတဲ့ ဖုန်းတွေကိုလည်း မကိုင်ချင်ဘူး p2p မဖြစ်လည်းရတယ်ဆိုရင်တော့ Nothing ရဲ့ CMF lineup ကို ရွေးချယ်လို့ရပါတယ်။

စာလည်းရှည်သွားပြီမို့ ဒီမှာပဲ ရပ်ပါရစေ။
နောက်ထပ်လည်း လက်လှမ်းမှီသလောက် ပြောပြပေးသွားမှာမို့ Like and Follow လုပ်ပြီး ကူညီနိုင်ပါတယ်။
Bye Guys..

Coretex

02/07/2026

16/06/2026

26/05/2026

23/05/2026

07/05/2026

17/04/2026

03/04/2026

27/03/2026

Address

Website

Alerts

Shortcuts

Share

Category

Listing takedown request