Your Elza - Guys' Conversation

Your Elza - Guys' Conversation Positive Zone , Feel Free To Share with Elza

11/03/2026

ဘာစကားတစ်ခွန်းမှ မပြောဘဲ ချစ်သူမျက်နှာကို ငေးကြည့်ချင်စိတ်ဟာ ချစ်ရတဲ့သူနဲ့မှ ဖြစ်လာတဲ့ စိတ်ပါ ။

ကိုယ့်မှာ စိတ်ရှုပ်စရာတွေ ဘယ်လောက်ရှိရှိ ၊ ဒီနေ့ဟာ လုပ်ငန်းခွင်ထဲမှာ ပြဿဒါး ဖြစ်နေရင်တောင်မှပဲ ချစ်သူမျက်နှာလေး မြင်လိုက်တာနဲ့ အသံလေးကြားလိုက်တာနဲ့ကို ရက်ရာဇာ ဖြစ်သွားတာလည်း ဓမ္မတာပါပဲ ။

အချစ်ဆိုတာ သိပ်ဆန်းကြယ်တယ် ... ဟန်ဆောင်ပြီး ချစ်ပြလို့ မရဘူး ။ ချစ်တယ်လို့ ဘယ်လောက်ပဲပြောနေပါစေဦး ... ရင်ထဲကနေ တကယ်ချစ်တာ မဟုတ်သရွေ့ နူးနူးညံ့ညံ့လေး ချစ်နိုင်မယ်မထင်ဘူး ။

အချစ်ရဲ့ အနောက်မှာ မေတ္တာဟာ ကပ်ပါလာတယ် ... မေတ္တာတွေ ပိုလာတော့ အေးချမ်းစေချင်လာတယ် ၊ ပျော်ရွှင်စေချင်လာတယ် ၊ ငေးမောကြည့်ချင်လာတယ် ။ အချစ်ဆိုတာ ရယူပိုင်ဆိုင်ခြင်းလို့ ဆိုကြ‌ပါစေဦး ... မေတ္တာဓာတ်က အင်အားကြီးနေရင် ရယူတာတွေ ၊ ဆုံးရှုံးတာတွေအသာထား ကိုယ်နဲ့ရှိနေစဉ်အခိုက်အတံ့လေးအတွင်းမှာ ကိုယ့်ချစ်သူလေးပျော်ရွှင်ဖို့ကိုပဲ ဗဟိုပြုတော့တာ။

‌အချစ် နဲ့ မေတ္တာ ပေါင်းစပ်သွားတော့ နောက်ထပ် စေတနာ ဆိုတာလေး ထပ်ဖြစ်လာပြန်ရော ...

ကိုယ့်အတွက်က အရေးမကြီးဘူး ... သူ့အတွက် ၊ သူ့အကြိုက် ၊ သူလိုချင်တာလေးတွေကို ကိုယ့်အတွေးလေးနဲ့ကိုယ် ဖြည့်ဆည်းပေးချင်လာပြန်ရော ။ တန်ဖိုးကြီးတာ ၊ နည်းတာ မဆိုင်ဘူးနော် ။ " ကိုယ့်အတွက် ကိုယ်တောင် မသဒ္ဒါပေမယ့် သူ့အတွက်ကျ ဘာလေးမဆို ဝယ်ပေးချင် ၊ ဖြည့်ဆည်းပေးချင်တဲ့ စေတနာပဲ " ။

အသံလေး ကြားလိုက်တာနဲ့ ပြုံးမိသွားတာမျိုး
အတွေးထဲ ဝင်လာတဲ့ သူ့ပုံရိပ်လေးကြောင့် ကြည်နူးမိသွားတာမျိုး
သူ့လက်ဖဝါးနုနုလေးကို ကိုင်ထားတဲ့အချိန်တိုင်း စကြာဝဠာတစ်ခုလုံးကို ပိုင်ဆိုင်လိုက်ရသလိုမျိုး
ဒီခံစားချက်တွေကလေ ကိုယ် တကယ် နှစ်နှစ်ကာကာ ချစ်ရတဲ့သူနဲ့မှ ဖြစ်ပေါ်လာတာ ။

သူ့ပျော်ရွှင်မှုနဲ့ ကိုယ့်ပျော်ရွှင်မှုက တိုက်ရိုက်အချိုးကျနေရင် ကိုယ် ရယ်မောနေတယ်ဆိုတာ ကိုယ့်ချစ်သူလေး ပြုံးပျော်နေလို့များလားလို့ တွေး,တွေးပြီး ကြည်နူးနေမယ်ဆိုတာ အပိုမဟုတ်ဘူး ။

ချစ်တယ်လို့ ပါးစပ်ကနေ လိမ်ပြောလို့ရပေမယ့် ခံစားချက်တွေဟာ လိမ်လို့မရဘူး ။ တကယ်ချစ်လာတဲ့အခါ ချစ်တယ်ဆိုတဲ့စကားက ကိုယ့်အချစ်ကို ဖော်ပြဖို့ မလုံလောက်တော့ဘူး တဲ့ ။

- အယ်လ်ဇ

19/02/2026

ဘာလို့ ချစ်တာလဲလို့ မေးလာကြတိုင်းမှာ
ချောလို့ ၊ လှလို့ ၊ ချစ်ဖို့ကောင်းလို့ ၊ ဆွဲဆောင်မှုရှိလို့ဆိုပြီး ပြန်ဖြေမိကြရင် ဒါက Facts တွေပါ ။ ဒီ Facts တွေကြောင့် အဲ့လူကို ချစ်မိသွားတာပေါ့ ။ ဒါဆို အဲ့ Facts တွေ တစ်ချက်မှ မရှိတော့ရင်ရော ... ? မချစ်နိုင်ဘူးမလား ...

တကယ့်အချစ်က အချက်အလက်တွေ ၊ Data တွေပေါ် အခြေမခံထားဘူး။ ရင်ထဲက သူ့အလိုလို ဖြစ်လာတဲ့ Feeling ပါ။

မင်း ဒီလူတစ်ယောက်ကို ချစ်မိသွားပြီလို့ ခံစားရတာနဲ့တပြိုင်နက်
အဲ့လူရဲ့ ဖြစ်တည်မှုအလုံးစုံကိုပါ ချစ်မိသွားလိမ့်မယ် ။
ဘာလို့ ချစ်တာလဲလို့ မေးလာရင် အဖြေမရှိဘူး ... ဘာလို့လဲဆိုရင် သူ့ဖြစ်တည်မှုကိုက ကိုယ့်ရဲ့ချစ်ခြင်းမေတ္တာ ဖြစ်နေလို့ပဲ ။

ကျတော့်ကောင်မလေးကို ပြောပြဖူးတယ် ။

ကိုယ့်သားသမီးက တခြားကလေးတွေနဲ့ ရန်ဖြစ်ကြတဲ့အချိန်မှာ ကိုယ့်သားသမီး မှန်တာ ၊ မှားတာ အသာထား ... အရင်ဆုံးတော့ ဒီရန်ပွဲ အမြန်ငြိမ်းသွားအောင် ကာကွယ်ပေးကြမှာပဲ ။ မှားနေရင် ဆုံးမမယ် ... မှန်နေရင် ပိုကာကွယ်ပေးမယ် ။ ဘာလို့လဲဆိုရင် ကိုယ့်ကလေးမို့လို့လေ ။

အဲ့လိုပဲ ကျတော်တို့ ကိုယ့်ချစ်သူကို ဘာလို့ချစ်မိသွားတာလဲလို့ မေးလာရင် ကိုယ့်ကောင်မလေး ဖြစ်နေလို့
ကိုယ့်ကောင်လေး ဖြစ်နေလို့ကို ချစ်မိနေကြတာ ။

အကြောင်းပြချက်တွေ မရှိဘူး ...
သူဖြစ်နေလို့ကို သူ့ကို ချစ်တာ ... ဒီလောက်ပါပဲ ။

(Concept က Podcast တစ်ခုမှာ ကိုတောက်ပ ပြောဖူးတာကို အခြေခံပြီး နောက်က Consequences က ကျတော့် Perspective ကို ထပ်ပေါင်းထည့်ထားတာ ဖြစ်ပါတယ်)

- အယ်လ်ဇ

10/02/2026

Move On ရတာ ဘာလို့ခက်လဲဆိုရင် Move On ချင်စိတ် အပြည့်အဝ မရှိလို့ပါ ။ ပြီးခဲ့တာတွေကို မေ့ဖျောက်ဖို့ကြိုးစားရင်းနဲ့ အဲ့ဒါတွေကိုပဲ ပိုမြင်လာရာကနေ မမေ့နိုင်တဲ့စိတ်က အဲ့ကနေ စတာပါပဲ ။

ပတ်သက်ခဲ့ဖူးတဲ့သူကို ချက်ချင်းကြီး မေ့သွားနိုင်ဖို့ကတော့ ဘယ်သူမှ ဆင်းမကယ်နိုင်ဘူးဗျာ ... နှစ်တစ်လက်မတုတ်နဲ့ အရို-က်ခံပြီး အတိတ်မေ့သွားအောင် လုပ်မှပဲ ရမယ် ။ ဒါပေမယ့် တဖြည်းဖြည်းနဲ့ ‌Move On လို့ရအောင်တော့ လုပ်လို့ရတယ် ။

ဆက်မပတ်သက်ဖို့ ကိုယ့်ဘက်က စိတ်ပိုင်းဖြတ်ပြီးသွားရင် ကျတော့် Move On နည်းက ရှင်းပါတယ် ...
" ပိုကောင်းတဲ့နေရာရောက်ရင် ပိုကောင်းတဲ့သူတွေနဲ့ ဆုံတွေ့နိုင်တယ် " ဆိုတဲ့ စိတ်နဲ့ တချိန်က သူတို့နဲ့ပတ်သက်ခဲ့ဖူးတဲ့ကိုယ်ထက် ပိုတော်တဲ့လူတစ်ယောက် ၊ ပိုသာတဲ့လူတစ်ယောက် ဖြစ်အောင် အားထုတ်တော့တာပါပဲ ။

ပုံတွေလည်း ဖျက်နိုင်တယ်
Conversation လည်း ဖျက်ပစ်နိုင်တယ်
Contact Number တွေလည်း ဖျက်နိုင်တယ် (မှတ်မိနေတာကတော့ အချိန်တစ်ခုကြာရင် သူ့အလိုလို မေ့သွားလိမ့်မယ်)

အရာအားလုံးက အချိန်ပဲ လိုအပ်တာပါဆိုပေမယ့် ကိုယ်တိုင်ကလည်း Move On ချင်စိတ် ရှိဖို့ လိုတယ် ။

နောက်ပြီး မေ့နိုင်သွားတယ်ဆိုတာ လုံးဝ မရှိဘူး ... Memories တွေရှိနေသေးသရွေ့ မေ့နိုင်ဦးမှာ မဟုတ်သေးဘူး ။ သူရှိသည်ဖြစ်စေ ၊ မရှိတော့သည်ဖြစ်စေ ငါ့ဖြစ်တည်မှုက မပျောက်သွားဘူးဆိုတဲ့ စိတ်ပဲ ဖြစ်သွားကြတာ ။ သူ့ကို ပြန်မလိုချင် ၊ ပြန်လည်းမလိုအပ်တော့ဘဲနဲ့ အေးဆေးလေး နေတတ်သွားတာကို Move On နိုင်တယ်လို့ ခေါ်တယ် ။

- အယ်လ်ဇ

07/02/2026

ကိုယ့်ကြောင့် တစ်ဖက်လူ ခက်ခဲကြပ်တည်းသွားတာမျိုး မဖြစ်စေချင်လို့ ထုတ်မပြောခဲ့တာတွေ ရှိပါတယ် ...

ပင်ကိုယ် သိတတ်တဲ့စိတ်လေးများ ရှိမလားလို့ ထင်မိပေမယ့်
ထင်သလို ဖြစ်မလာတော့လည်း
" သူတို့က ငါမှ မဟုတ်တာ " လို့ ပြန်တွေးမိရော ။

အဲ့ဒါကြောင့် အမေက ပြောတာ
အားနာလွန်းတဲ့စိတ်က ကိုယ့်ကိုယ်ကိုယ် ဒုက္ခပေးတာနဲ့ အတူတူပဲ တဲ့

- အယ်လ်ဇ

02/02/2026

တကယ်ချစ်လာတဲ့အခါ " ချစ်တယ် " ဆိုတဲ့စကားက ကိုယ့်အချစ်ကို ဖော်ပြဖို့ မလုံလောက်တော့ဘူး တဲ့ ။

- အယ်လ်ဇ

26/01/2026

ငါဘာလုပ်လုပ် ငါ့ကိုဆူမှာပဲဆိုတာ ကိုယ့်မိဘတွေဆီက အရင်စတယ်။ (လူတိုင်းကို မဆိုလိုပါ)

ဒီလိုတော့ ဖြစ်သွားပြန်ပြီ...
အိမ်ကိုပြောလိုက်ရင် အိမ်ကဆူမှာ ၊ အိမ်ပေါ်ကနှင်ချမှာ... အဖေ / အမေ သ-တ်လိမ့်မယ်ဆိုတဲ့ ကိုယ့်ကိုကိုယ် အပြစ်လို့ခံစားမိတတ်ကြတာ Trauma တစ်ခုလိုပဲ။

ဒီလို Trauma မျိုးကို ကျွန်တော်လည်း ငယ်ငယ်တုန်းကခံစားခဲ့ဖူးတယ်။

ကျွန်တော် (၃) တန်းတုန်းက အဖေဝယ်ပေးတဲ့ ဂဏန်းပေါင်းစက်ကွန်ပါဘူးလေး အခိုးခံလိုက်ရလို့ အိမ်ကိုပြန်ပြောပြချိန်မှာ

- စည်းကမ်းရှိရှိမှ မသိမ်းတာ
- လူမြင်အောင် ပြနေလို့ဖြစ်မှာပေါ့
- ကိုယ့်ပစ္စည်း မပျောက်အောင် မသိမ်းတတ်ဘူးလားဆိုတဲ့ စကားတွေနဲ့ အပြစ်အပြောခံခဲ့ရတယ်။

အဲ့နောက်ပိုင်းမှာ ကျောင်းမှာဘာပဲဖြစ်ဖြစ် ကျွန်တော် အိမ်ကိုပြန်မပြောရဲတော့ဘူး။ ကိုယ်မလုပ်ဘဲ ကိုယ်ခံခဲ့ရလို့ အိမ်ကိုပြန်ပြောပြချင်ရင်တောင် " ငါ့ကို အပြစ်တင်မှာပဲ " ဆိုတဲ့စိတ်က ကျွန်တော့်ကို အမြဲခြောက်လှန့်နေခဲ့တာ ။

ကိစ္စတစ်ခုမှာ ကိုယ်ကမတရားခံရရင်တောင်မှ ကိုယ့်မိသားစုကိုပြန်ပြောပြရင် မြှားဦးက ကိုယ့်ဖက်ကိုပြန်လှည့်လာတယ်။ အဲ့အခါကျ
" ဪ ဟုတ်သားပဲ... ငါ အသုံးမကျလိုက်တာ "
" ငါသာ ငြိမ်ခံလိုက်ရင် ရနေတာကို "
" ငါ မှားသွားပြန်ပြီလား " ဆိုပြီး သူတို့ကိုမပြောခင်မှာ မှန်နေခဲ့တဲ့ကိုယ်ဟာ သူတို့စကားကြောင့် ငါမှားသွားတာ လို့ ကိုယ့်ကိုယ်ကို ကျူးလွန်သူတစ်ယောက်လို ပြန်မြင်မိတယ်။

တကယ်တမ်း ကျူးလွန်သူက သူ
အကျူးလွန်ခံရသူက ကိုယ်
အိမ်ကို ပြန်ပြောပြတော့ " နင်ကိုက မှားတာ " ချည်းပဲ ။

ဥပမာ ပြောရရင် - ကောင်မလေးတစ်ယောက် အဓမ္မအပြုကျင့်ခံရရင်တောင် အဲ့ကောင်မလေးကိုက အနေအထိုင်မတတ်တာ ၊ ဟိုလိုဒီလိုတွေ ဝတ်ထားတော့ ကျင့်ချင်စရာပဲကိုး ဆိုတဲ့ ဖြစ်ရပ်မှန်စကားတွေလိုမျိုးပေါ့။

အသက်အရွယ်တစ်ခု ရောက်လာချိန်မှာ အဲ့စိတ်ကို ဖျောက်ပြီး နေနိုင်ဖို့ လိုအပ်လာပြီ။ အတွေးတွေကို ပြန်ပြောင်းလဲပစ်ဖို့ အချိန်တန်ပြီ။

မှန်တယ် မှားတယ်ကို ကိုယ်တိုင်ဆုံးဖြတ်တတ်ရတော့မယ်
ကိုယ်မှန်ရင် ဖြေရှင်းဖို့ ဝန်မလေးတဲ့လူတစ်ယောက် ဖြစ်သင့်သလို
မှားနေရင်လည်း ဝန်ခံရဲတဲ့ Responsibility ရှိတဲ့ လူတစ်ယောက် ဖြစ်သင့်ပြီ။

မိဘတွေကလည်း ကိုယ့်သားသမီးကို " ဖြစ်မှာပေါ့ နင်မှအသုံးမကျတာ " လို့ အပြစ်မတင်ဘဲ သားသမီးရဲ့ အဆင်မပြေမှု ၊ အခက်အခဲတွေကို နားထောင်ဖြေရှင်းပေးဖို့ အပြုသဘောဆောင်ပြီး အကြံပြုလိုက်ပါတယ်ခင်ဗျာ။




- အယ်လ်ဇ

21/01/2026

ကျတော့်သူငယ်ချင်းတစ်ယောက် နဲ့ ကျဝောာ် အတူ ပြောဖူးတဲ့ စကားတစ်ခွန်းရှိတယ် ...

" ငါ ဝန်ထမ်းအသစ်ဘဝတုန်းက ဆုံချင်ခဲ့တဲ့ Senior တစ်ယောက်လိုမျိုးပဲ Junior (or) အသစ် တွေကို ဆက်ဆံမှာ " လို့ ။

ကျတော် ဟိုးအရင်အလုပ်တွေမှာဆိုလည်း အဲ့လိုပဲ ။
ကိုယ် အသစ်ဘဝတုန်းက ကြောင်တောင်တောင် ၊ ယောင်ချာချာ ဖြစ်ရတဲ့ Feeling က အရမ်း ကသိကအောက် ဖြစ်ရတယ် ။ သူတို့ကလည်း သူတို့ဟာ သူတို့ နေ ၊ ကိုယ်ကလည်း မခေါ် မပြောရဲနဲ့ ကိုယ့်နယ်ပယ်မှာ ကျွမ်းကျင်နေလည်းပဲ အဲ့ဒီလုပ်ငန်းခွင်မှာ ကိုယ်က အသစ်ပဲလေ

ကိုယ့် Workload ကို ကိုယ် နိုင်ရင်တောင်မှပဲ Warmly Welcome ဖြစ်တဲ့ လုပ်ဖော်ကိုင်ဖက် ၊ Senior နဲ့ မတွေ့ရတော့ အလုပ်မှာ စိတ်မပျော်ဘူး ... အရပ်စကားနဲ့ပြောရင် ဘူတာပေါ့ဗျာ ...

ကိုယ် ဝန်ထမ်းအဟောင်းဖြစ်သွားတော့ နောက် ဝင်လာတဲ့ အသစ်တွေကို အဲ့လို Feeling မျိုး မဖြစ်စေချင်ဘူး ။

တရင်းတနှီးမိတ်ဆက်တယ် ၊ စကားတွေ ပြောပေးတယ် ၊ ထမင်းစားချိန်ဘာညာဆိုလည်း သွားစားရအောင်လေ ဆိုပြီး ဦးဆောင် ခေါ်ပေးတယ် ။ တစ်ခုခု မရှင်းရင် မေးနော် ... ပြောနော် ဆိုပြီး တဖွဖွပြောပေးတယ် ။

အသစ်ကို ရောနေတယ်လို့ တွေးရင် တွေးနိုင်တယ်
ဒါပေမယ့် ရောပြီး ပေါပြနေတာ မဟုတ်ဘူး
သူရောက်လာတဲ့ လုပ်ငန်းခွင်မှာ သူ့ကို စိတ်သက်တောင့်သက်သာ ဖြစ်စေချင်တာရယ် ၊ ကိုယ် အသစ်ဘဝတုန်းက မလိုချင်ခဲ့တဲ့ ကြောင်တောင်တောင် Feeling ကြီးကို မရစေချင်တာရယ်ကြောင့်ပဲ ။

- အယ်လ်ဇ

08/01/2026

စိတ်တည်ငြိမ်လာတဲ့သူဟာ Relationship ရဖို့ သိပ်ခက်ခဲသွားတယ် ဆိုတဲ့ စာကြောင်းလေး ဖတ်မိတော့ ကိုယ့်ကိုယ်ကိုယ် ပြန်မြင်ယောင်မိတယ် ။

‌Past Relationship ရဲ့ သုခ ၊ ဒုက္ခအဖုံဖုံကို သူရောကိုယ်ရော ပိုင်ဆိုင်ပြီးတဲ့နောက်မှာ ပိုတိုးတက်ချင်သူကတော့ အရာရာမှာ ဦးနှောက်ကို ရှေ့တန်းတင်ပြီး ဆုံးဖြတ်ကြတာပဲမဟုတ်လား ။

ကိုယ်တိုးတက်ဖို့ ၊ ကိုယ့်ရဲ့ Mental တွေ Stable ဖြစ်ဖို့ ၊ ကိုယ်ကြိုးစားသလောက် အရာထင်ဖို့ စိတ်နှစ်မြုပ်ပြီး လုပ်ကြရတာပဲ ။

အဲ့အချိန်မှာ Relationship ဆိုတာကို သိပ်မတွေးနိုင်တော့ဘူး ။ တစ်နည်းအားဖြင့် အချိန်ပေး မတွေးချင်တော့ဘူးဗျာ ။

Social Media ခေတ်ကြီးမှာ ရည်းစားရဖို့ဆိုတာ ထမင်းစားရေသောက်ထက်ကို ပိုလွယ်ပါတယ် ။ ဒါပေမယ့် ကျတော်တို့စိတ်က အဲ့လို အပေါစားဆန်တဲ့ Relationship Stage ကို လက်ခံဖို့ မလွယ်ကူတာ ။

Relationship တစ်ခုကို တည်ဆောက်ဖို့အတွက် အရမ်းကြီး Serious ဖြစ်တတ်တာမို့ တွေ့ရာ ၊ မြင်ရာနဲ့လည်း Flirt မနေချင်ဘူး ။

လူတစ်ယောက်ကို တည်တည်တံ့တံ့ ချစ်ချင်တဲ့ Quality Person ဖြစ်တာကြောင့်လည်း ပါမယ် ။ ဘယ်အချိန်မှာ ဘယ်လိုတွေးတွေး ကြုံရာလူနဲ့ ကောက်မတွဲချင်ဘူးဆိုတာ သေချာတယ် ။

အဲ့ဒီတော့ Relationship တစ်ခု ပိုင်ဆိုင်ဖို့ သိပ်ခက်ခဲတာပေါ့ ။

- အယ်ယ်ဇ

21/12/2025

တွေးမိတာကတော့ အလုပ်တွေ ဖိလုပ်ဖို့ပါပဲ
ပိုကောင်းတဲ့ နေရာဆီကို ကိုယ့်ကြိုးစားအားထုတ်မှုနဲ့ သွားချင်တယ်
ပိုကောင်းတဲ့ လူတွေနဲ့ ဆုံတွေ့ချင်တယ်
ပိုကောင်းတဲ့ စိတ်ဓာတ်မျိုးကို ပိုင်ဆိုင်ချင်တယ်
ပိုကောင်းတဲ့ အနာဂတ်ကို ဖန်တီးချင်တယ် ။

လက်ရှိမှာ အခက်အခဲတွေ ရှိတယ် ၊ စိတ်ပျော်ရာနောက်ကို လိုက်နေလို့ လစ်ဟင်းနေတာတွေလည်း ရှိတယ် ၊ ကြုံတွေ့နေရတဲ့ ပြဿနာလေးတွေလည်း ရှိနေပြန်တယ် ။

မဖြူပြောသလိုပေါ့
" အခက်အခဲဆိုတာ အလုပ်လုပ်တဲ့လူတိုင်းမှာ ရှိတယ် " တဲ့

ဒါပေမယ့်လည်း ဒါတွေကို ဟန်ချက်မပျက်ဘဲ ကိုယ့်နည်းကိုယ့်ဟန်နဲ့ Handle လုပ်နိုင်လို့လည်း ကိုယ့်ကိုယ်ကိုယ် ကျေးဇူးတင်တယ် ...

နောင်လာမယ့် အနာဂတ်မှာ ကိုယ်မျှော်မှန်းထားသလို ဖြစ်လာဖို့အတွက် အခုချိန်ကစပြီး အရာအားလုံးကို အရင်ထက်ပိုပြီး ၊ အခုထက်ပိုပြီး တစိုက်မတ်မတ် ပိုကြိုးစားရမယ် ...

ပိုကောင်းတဲ့ အနာဂတ်မှာ ပိုကောင်းတဲ့ နေရာတစ်ခုဆီ ရောက်ကို ရောက်စေရမယ် ။

- ELZA

ကိုယ့်ကောင်မလေးကို " ပန်းစည်းလေး ယူမလား " လို့ မေးရင် " အပိုတွေပါ ပန်းစည်းက ဘာလုပ်ရမှာလဲ ပန်းစည်းဝယ်မယ့်ပိုက်ဆံကို မုန့်...
20/12/2025

ကိုယ့်ကောင်မလေးကို " ပန်းစည်းလေး ယူမလား " လို့ မေးရင် " အပိုတွေပါ ပန်းစည်းက ဘာလုပ်ရမှာလဲ ပန်းစည်းဝယ်မယ့်ပိုက်ဆံကို မုန့်ပဲ စားမှာပေါ့ " လို့ ပြောကြလိမ့်မယ် ။ ဒီစကားကို မိန်းကလေးတိုင်း ပြောဖြစ်ကြမှာပါ ။

ဒါပေမယ့် ယောကျာ်းလေးတွေ သိထားရမှာက " ပန်းစည်း ယူမလား " ဆိုတဲ့ မေးခွန်းမျိုး ဘယ်တော့မှ မမေးသင့်ဘူး ။ ကိုယ့်အလိုက်သိစိတ်လေးနဲ့ ပန်းစည်းလက်ဆောင် ပေးသင့်တာ ။

" မိန်းကလေးတိုင်း ပန်း မကြိုက်ကြပါဘူး ... ဒါပေမယ့် သူတို့ကောင်လေး ပေးတဲ့ ပန်းလေးတစ်ပွင့် ၊ ပန်းစည်းလေးကိုတော့ မက်မောကြပါတယ် "

မိန်းကလေးတွေရဲ့ ကြည်နူးမှုဟာ အဲ့ဒါပါပဲ ။
ယောကျာ်းပေါင်းများစွာရဲ့ " ချစ်တယ် " ဆိုတဲ့စကားကို ကြိမ်ဖန်များစွာ ကြားဖူးကြရင် ကြားဖူးလိမ့်မယ် ။ ကိုယ်ချစ်ရတဲ့ အမျိုးသားတစ်ယောက်ဆီကနေ အဓိပ္ပာယ်ပြည့်ဝပြီး တန်ဖိုးဖြတ်မရတဲ့ လက်ဆောင်လေးတစ်ခုကို မသိစိတ်ကနေ မျှော်လင့်မိမှာပဲ ။

High End Brand တွေမှ မဟုတ်ဘူး ... ကိုယ့်ရဲ့ ချစ်ခြင်းမေတ္တာအပြည့်နဲ့ တယုတယ ပေးပို့လိုက်တဲ့ Flower Bouquet လေးလည်း ဖြစ်နေနိုင်တယ် ။

ကိုယ်ချစ်ရပြီး ကိုယ့်ကိုလည်း ချစ်တဲ့ မိန်းကလေးရှိတဲ့အခါ ပန်းစည်းလက်ဆောင် ပေးဖို့ ဘယ်တော့မှ မတွေဝေပါနဲ့ ... ဒါကလည်း Act of Service တစ်မျိုးပဲ ကိုယ့်လူတို့

အချစ်ဆိုတာ သူ ပျော်ရွှင်ဖို့ အဲ့လို သေးသေးလေးတွေကအစ လိုက်တွေးပေးတတ်တာပါပဲ

- ELZA

16/12/2025

မတောင်းတဲ့သူကို ပိုပေးချင်တယ်
အလိုက်သိတဲ့သူကို ပိုငဲ့ညှာချင်တယ်
မပူဆာတဲ့သူကို ပိုဖြည့်ဆည်းပေးချင်တယ်
အပူမပေးတဲ့သူကို ပိုအေးချမ်းစေချင်တယ်

- ELZA

12/12/2025

ကျတော် ပြတ်နိုင်တာ သေချာမှ လမ်းခွဲစကားကို ပြောတယ် ...

စိတ်ဆိုး ၊ စိတ်ကောက် ၊ ရန်ဖြစ်ကြရုံနဲ့ " လမ်းခွဲမယ် " " ပြတ်မယ် " ဆိုတဲ့ စကားမျိုးကို ဘယ်တော့မှ မပြောဘူး ။ ဘာလို့လဲဆိုရင် ဒီပြဿနာတွေလောက်နဲ့တော့ ကျတော် မပြတ်နိုင်သေးလို့ ... ကျတော် မပြတ်နိုင်ဘူးဆိုတာကိုလည်း ကိုယ်တိုင် သိလို့ပါ ။

ဒါပေမယ့် ကိုယ့်ဘက်က " ပြတ်ကြရအောင် " " လမ်းခွဲမယ် " လို့ ပြောလိုက်ပြီဆိုရင် ဘယ်လိုမှ ဆက်ညှိလို့မရတော့တဲ့ အတည်ပြောခြင်းပါ ။ ညှိနှိုင်းတာကို လက်ခံပေးနိုင်စွမ်း ၊ ထပ်သည်းခံနိုင်စွမ်း မရှိတော့ဘူး ...

တကယ်ချစ်တယ်ဆိုရင် " ဒီလောက် ဆွဲထားနေတာ လက်ခံပေးသင့်တာပေါ့ "
" နောက်တစ်ကြိမ် လက်ခံပေးကြည့်မယ် " ဆိုတဲ့အတွေးလည်း မရှိတော့ပါဘူး ... အဲ့အတွေး‌တွေ ၊ အဲ့ဒီသည်းခံနိုင်တဲ့ Limit တွေကို ကျော်လွန်သွားပြီမို့လို့ ပြတ်မယ့်စကားကို အရင်စပြောတဲ့သူပါ ။

ဆိုတော့ ... ဆက်လည်း မဆွဲစေချင်ဘူး
ဆက်လည်း မပတ်သက်ချင်ဘူး

ကျတော် ပြတ်ပြီဆိုရင် တကယ်ကို ပြတ်တာပါ ။

- အယ်လ်ဇ

Address

Yangon

Website

Alerts

Be the first to know and let us send you an email when Your Elza - Guys' Conversation posts news and promotions. Your email address will not be used for any other purpose, and you can unsubscribe at any time.

Shortcuts

Share

Category