A Professional Diary - Patrick

A Professional Diary - Patrick Lesson from 12 years in Corporate Life. Sharing career, leadership, and marketing insights through.

18/05/2026

မြန်မာ့နည်းမြန်မာ့ဟန်နဲ့ လည်ပတ်နေတဲ့ လုပ်ငန်းတွေမှာ Branding/ Marketing/ Sales ဒီသုံးခုကို မကွဲဘူး။ အရောင်းမရရင် ငွေမသုံးချင်ဘူး။

ကိုယ့်ရဲ့ ပင်မလုပ်ငန်းကို လူတွေ ပိုသိလာအောင်၊ Good brand, value brand လို့ မြင်လာအောင် လုပ်ဆောင်ဖို့ထက်... ကိုယ်ရောင်းနေတဲ့ Product ကို ပိုပြီး လျှော့ဈေး ပေးချင်ကြတယ်။ လျှော့ဈေးပေးတာ ခဏခဏလုပ်ရင် ကိုယ့် Brand က တန်ဖိုးမရှိတဲ့ ပစ္စည်းဖြစ်သွားမှန်း သူတို့ သတိမထားမိကြဘူး။

မြန်မာနိုင်ငံမှာ Marketing professional တစ်ယောက်အဖြစ် ရပ်တည်ဖို့ အရမ်းခဲယဉ်းပါတယ်။ ဘာလို့ဆို Marketing ဆိုတာ သေချာနားမလည်ကြသလို Long term – brand investment လုပ်ဖို့ထက် short term benefit ကို ပိုလိုချင်ကြတယ်။ အရိုးရှင်းဆုံး ပြောရရင် Sales က ဒီနေ့အတွက် အလုပ်လုပ်တာ၊ Marketing နဲ့ Branding ကတော့ မနက်ဖြန်တွေအတွက် အလုပ်လုပ်တာ ဖြစ်ပါတယ်။

ဘယ်လိုအချိန်မှာ ပြဿနာတက်မလဲဆိုရင် - International brand ကြီးတွေ ဝင်လာတဲ့အချိန်မှာ သိသာသွားတယ်။ သူတို့က ပစ္စည်းသက်သက် လာရောင်းတာ မဟုတ်ဘူး၊ Brand Image နဲ့ စိတ်ချရမှုကို လာရောင်းတာ။ Local တွေက ဘယ်လောက် အားသာချက်ရှိရှိ - ဘယ်လောက်ပဲ Quality ကောင်းကောင်း လူတွေက နာမည်ကြီးတဲ့ Global brand တွေကိုပဲ ရွေးချယ်ကြတာ ဘာလို့လဲ? Brand Trust ကြောင့်ပဲ။

ဒီပစ္စည်းဝယ်ရင် ဈေးကြီးပေမဲ့ ဒီ brand က စိတ်ချရတယ်၊ Quality ကောင်းတယ်လို့ ထင်လို့ပဲ။ အဲ့လိုထင်အောင် အဲ့လိုမြင်အောင် သူတို့က နှစ်ပေါင်းများစွာ branding လုပ်လာခဲ့တာ။

အခုချိန်က Local business တွေအတွက် Branding လုပ်ဖို့ အချိန်ကောင်းပါ၊ နောက်ပိုင်းနှစ်တွေ ခေတ်ကောင်းလို့ international brand တွေ ပြန်ဝင်လာရင် အဆင်သင့်
ဖြစ်အောင် အခုကတည်းက ပြင်ဆင်ထားသင့်တယ်။

11/05/2026

လက်ရှိ ပြည်တွင်း၊ ပြည်ပ ကုန်စည်စီးဆင်းမှု အခက်အခဲတွေကြောင့် Import Product တွေ ဈေးကွက်ထဲမှာ ရှားပါးလာတာဟာ Local Product/Brands တွေအတွက် နေရာရလာစေမယ့် အခွင့်အလမ်းကောင်းတစ်ခု ဖြစ်ပါတယ်။ ဒါပေမဲ့ ကျွန်တော် သတိထားမိသလောက် Local Brand တော်တော်များများဟာ အောင်မြင်သင့်သလောက် မအောင်မြင်ကြတာကို တွေ့ရပါတယ်။ ဒါဟာ ဘာကြောင့်လဲဆိုတာကို အဓိက အချက် (၃) ချက်နဲ့ ထောက်ပြချင်ပါတယ်။

၁။ Value (တန်ဖိုး) ပျောက်ဆုံးနေခြင်း - ကိုယ့်ရဲ့ Product က "Just a Commodity" ဖြစ်နေတာကို လုပ်ငန်းရှင်တော်တော်များများ သတိမပြုမိကြပါဘူး။ ရိုးရိုးပစ္စည်းတစ်ခုကနေ "Brand Product" တစ်ခု ဖြစ်လာဖို့ဆိုရင် Unique Value Proposition တစ်ခု ရှိဖို့ လိုပါတယ်။ Customer တွေဟာ Value မရှိတဲ့အရာ (သို့မဟုတ်) သူတို့ပြဿနာကို မဖြေရှင်းပေးနိုင်တဲ့အရာအတွက် ပိုက်ဆံမသုံးချင်ကြပါဘူး။

၂။ Competitive Market Positioning - ဈေးကွက်ထဲမှာ နေရာတစ်ခု ရလာပြီဆိုရင် ပြိုင်ဆိုင်မှုက မလွဲမသွေ ကြုံရမှာပါ။ Customer က တခြားပစ္စည်းတွေကို ကျော်ပြီး ကိုယ့် Brand ကိုပဲ ရွေးချယ်လာအောင် ဘာတွေနဲ့ ဆွဲဆောင်မလဲဆိုတာ သတိထားပြင်ဆင်ရပါမယ်။ Customer တစ်ယောက်က ပစ္စည်းတစ်ခုကို ရွေးချယ်သွားတာဟာ ကျပန်းမဟုတ်ပါဘူး၊ ခိုင်လုံတဲ့ အကြောင်းရင်း (Reason to buy) ရှိပါတယ်။ အဲ့ဒီအချက်ကို ရှာဖွေပြီး ကိုယ့်ရဲ့ အားသာချက်ဖြစ်အောင် တည်ဆောက် ရပါမယ်။

၃။ Branding, Marketing နှင့် Advertising ကို ကွဲပြားစွာ နားမလည်ခြင်း - မြန်မာပြည်က လုပ်ငန်းရှင် တော်တော်များများဟာ ဒီ ၃ ခုကို ရောထွေးနေကြပါတယ်။ Marketing ဆိုရင် Cele တွေ၊ TikToker တွေနဲ့ ကြော်ငြာရိုက်တာလောက်လုပ်နေတာ တွေ့ရပါတယ်။ Brand တစ်ခု ရေရှည်တည်တံ့ဖို့ဆိုရင် ဒီ ၃ ခုလုံးကို စနစ်တကျ ချိတ်ဆက်လုပ်ဆောင်ရပါမယ်။
• Branding - လူတွေရဲ့ စိတ်ထဲမှာ ကိုယ့်လုပ်ငန်းအပေါ် ထားရှိမယ့် ခံယူချက် (Perception) နဲ့ Identity ကို တည်ဆောက်တာပါ။
• Marketing - ဈေးကွက်ရဲ့ လိုအပ်ချက်ကို ရှာဖွေပြီး ကိုယ့်ရဲ့ ကုန်ပစ္စည်း/ဝန်ဆောင်မှုကို စိတ်ဝင်စားလာအောင် ဆွဲဆောင်တာပါ။ 4Ps (Product, Price, Place, Promotion) စတဲ့ Strategy တွေနဲ့ ချိတ်ဆက်ပြီး အရောင်း (Sales) တက်လာအောင် ဖန်တီးလို့ရပါတယ်။
• Advertising - ကိုယ့်ရဲ့ Brand message နဲ့ Campaign တွေကို လူတွေ ပိုမိုသိရှိလာအောင် (Reach) ချပြတဲ့ Tool တစ်ခုပါ။ အမြဲတမ်း Cele တွေ သုံးနေဖို့ မလိုပါဘူး။ ကိုယ်ဘာကို ရည်မှန်းထားတာလဲဆိုတဲ့ (Goal) နဲ့ ဒီကြော်ငြာကနေ ဘယ်လို ရလဒ်မျိုး ပြန်ရမှာလဲဆိုတာကို အရင်ဆုံး သိဖို့ လိုပါတယ်။

အားလုံးချုံကြည့်လိုက်မယ်ဆိုရင် အရေးကြီးဆုံးကတော့ Strategy ပါပဲ။ ကိုယ့်မှာ တိကျတဲ့ Strategy မရှိဘဲ လုပ်ဆောင်နေတာဟာ အကြီးမားဆုံး ပြဿနာပါ။ Strategy မပါတဲ့ ဆုံးဖြတ်ချက်တိုင်းဟာ အကျိုးအမြတ်ထက် မလိုအပ်တဲ့ Expense (ကုန်ကျစရိတ်) တွေကိုသာ တက်လာစေပြီး လုပ်ငန်းကို ထိခိုက်စေနိုင်ပါတယ်။

အစမှာ ပြောခဲ့သလိုပဲ လက်ရှိအခြေအနေဟာ Local Brand တွေအတွက် "ရွှေရောင်အခွင့်အလမ်း" တစ်ခု ဖြစ်ပါတယ်။ ဒါပေမဲ့ ဒီအခွင့်အလမ်းကို ရေရှည်တည်တံ့တဲ့ အောင်မြင်မှုအဖြစ် ပြောင်းလဲပစ်ဖို့ဆိုရင်တော့ "ပစ္စည်းကောင်းရုံ" နဲ့ မလုံလောက်တော့ပါဘူး။ စနစ်ကျတဲ့
Marketing Strategy နဲ့ Branding အုတ်မြစ်ကို သေချာချနိုင်မှသာ ပြည်ပသွင်းကုန်တွေ ပြန်ဝင်လာတဲ့အချိန်မှာပါ ဈေးကွက်ကို ခိုင်ခိုင်မာမာ ဆက်လက်ထိန်းချုပ်ထားနိုင်မှာ ဖြစ်ပါတယ်။

AI ကို ခိုင်းတဲ့အခါ ကိုယ်လိုချင်တဲ့ အဖြေအတိအကျရဖို့ 'Prompt Engineering' ကို နည်းစနစ်တကျ လေ့လာထားဖို့ လိုအပ်ပါတယ်။ အခြေခ...
27/04/2026

AI ကို ခိုင်းတဲ့အခါ ကိုယ်လိုချင်တဲ့ အဖြေအတိအကျရဖို့ 'Prompt Engineering' ကို နည်းစနစ်တကျ လေ့လာထားဖို့ လိုအပ်ပါတယ်။ အခြေခံကနေ Advanced အထိ အခမဲ့ လေ့လာချင်သူတွေအတွက် အကောင်းဆုံး Website (၃) ခုကို မျှဝေပေးလိုက်ပါတယ် -
- Learn Prompting (learnprompting.org): Beginner ကနေ Image Generation အထိ အပြည့်စုံဆုံး လမ်းညွှန်ပါ။
- PromptingGuide.ai (DAIR.ai): ပိုပြီး နည်းပညာဆန်ဆန်နဲ့ Research အခြေခံတွေကို လေ့လာချင်သူတွေအတွက်ပါ။
- DeepLearning.AI: Andrew Ng ရဲ့ "ChatGPT Prompt Engineering for Developers" ဆိုတဲ့ Course က Developer တွေအတွက် အသင့်တော်ဆုံးပါ။
အကယ်၍ အချိန်ပေးပြီး မလေ့လာနိုင်သေးရင်တောင် 'CREATE Framework' ကို သုံးကြည့်ပါ။ Prompt တစ်ခုကို စိတ်ကူးထဲရှိသလို ရေးမယ့်အစား ဒီ Formula လေးနဲ့ စမ်းကြည့်စေချင်ပါတယ် -
- Character (C): AI ကို Role တစ်ခုပေးပါ (ဥပမာ - "မင်းက ကျွမ်းကျင်တဲ့ Corporate Communications Manager တစ်ယောက်ပါ")။
- Request (R): ဘာလုပ်ခိုင်းမှာလဲဆိုတာကို ရှင်းရှင်းလင်းလင်း ပြောပါ။
- Examples (E): ကိုယ်လိုချင်တဲ့ ပုံစံမျိုးကို ဥပမာပေးပါ။
- Adjustments (A): ဘာတွေမပါရဘူး၊ ဘာတွေကို ဦးစားပေးရမလဲဆိုတာ ကန့်သတ်ပါ။
- Type of Output (T): ရလဒ်ကို Table နဲ့လား၊ Bullet points နဲ့လား၊ ဒါမှမဟုတ် Script အနေနဲ့လား။
- Extras (E): တခြား လိုအပ်တဲ့ အချက်အလက်တွေ ထည့်ပါ။
ဒီ Framework ကို သုံးလိုက်တာနဲ့ AI ဆီကနေ အရင်ကထက် ပိုပြီး တိကျတဲ့ အဖြေမျိုး ရလာတာကို တွေ့ရပါလိမ့်မယ်။ အသုံးဝင်တယ်ဆိုရင် အခြားသူတွေပါ သိသွားအောင် Repost လုပ်ပေးခြင်းဖြင့် မျှဝေပေးနိုင်ပါတယ်ဗျ။

ဒီ Post လေးကို မြင်တော့ Professional တစ်ယောက်အနေနဲ့ရော၊ လူသားတစ်ယောက်အနေနဲ့ပါ စိတ်မကောင်းဖြစ်မိသလို စဉ်းစားစရာတွေလည်း အမ...
22/04/2026

ဒီ Post လေးကို မြင်တော့ Professional တစ်ယောက်အနေနဲ့ရော၊ လူသားတစ်ယောက်အနေနဲ့ပါ စိတ်မကောင်းဖြစ်မိသလို စဉ်းစားစရာတွေလည်း အများကြီး ရှိလာပါတယ်။
လက်ရှိ Market မှာ Skill set နဲ့ ထိုက်တန်တဲ့ ခံစားခွင့် (Pay Range) ကို အပြည့်အဝ မပေးနိုင်ရင်တောင်မှ အပြန်အလှန် လေးစားမှု (Mutual Respect) ရှိဖို့က အရမ်းအရေးကြီးပါတယ်။ ကုမ္ပဏီတစ်ခုက Budget အကန့်အသတ်ရှိလို့ လစာနည်းနည်းပဲ ပေးနိုင်တာမျိုး ရှိနိုင်ပေမဲ့၊ အဲဒီ Budget နဲ့ မကိုက်ညီတဲ့ Unrealistic ဖြစ်တဲ့ Skill မျိုးကို မျှော်လင့်တာထက်စာရင် Internal & External Equity (မျှတမှု) ရှိဖို့ အရင်စဉ်းစားသင့်ပါတယ်။
ကျွန်တော် အဓိက ပြောချင်တာက 'Interview ဆိုတာ Two-way Conversation' ပါ။
ကုမ္ပဏီဘက်က Candidate ရဲ့ Skill ကို ဆန်းစ်သလို၊ Candidate ဘက်ကလည်း -
ဒီ Company က ငါ့အတွက် တကယ် သင့်တော်ရဲ့လား?
အခု စကားပြောနေတဲ့သူတွေကရော ငါနဲ့ လက်တွဲလုပ်ဖို့ အဆင်ပြေရဲ့လား?
သူတို့ရဲ့ Workplace Culture က ဘယ်လိုလဲ? ဆိုတာတွေကို ဆန်းစစ်ပိုင်ခွင့် အပြည့်အဝ ရှိပါတယ်။
ဒီနေရာမှာ Interview Manager နဲ့ Candidate အကြား နားလည်မှု မလွဲအောင် HR တစ်ယောက် ရှိနေသင့်ပြီး Conversation ကို သေချာ Moderate လုပ်ပေးသင့်ပါတယ်။ အလုပ်ရှင်တွေအနေနဲ့လည်း Hiring Manager တွေကို Interviewer Training သေချာပေးထားဖို့ လိုအပ်ပါတယ်။
Candidate တစ်ယောက်ကို နှိမ်တာမျိုး၊ မလေးမစား ပြောဆိုတာမျိုးက ကုမ္ပဏီရဲ့ Employer Brand ကို အကြီးအကျယ် ထိခိုက်စေပါတယ်။ တိုးတက်စေချင်လို့ အကြံပေးချင်ရင်တောင် လက်ခံနိုင်တဲ့ Approach/Tone မျိုးနဲ့ပဲ ပြောဆိုသင့်ပါတယ်။
ကုမ္ပဏီတစ်ခုရဲ့ ပုံရိပ် (Reputation) ဆိုတာ အလုပ်ခန့်လိုက်တဲ့ ဝန်ထမ်းတွေအပေါ်မှာတင် မဟုတ်ဘဲ၊ အလုပ်မရဘဲ ပြန်သွားတဲ့ Candidate တွေအပေါ် ထားရှိတဲ့ ဆက်ဆံရေးမှာပါ မူတည်နေတာပါ။
Candidate တွေဘက်ကလည်း မိမိအပေါ် မလေးမစား လုပ်လာရင် ငြိမ်ခံနေဖို့ မလိုပါဘူး။ မိမိဘက်က အဆင်မပြေကြောင်းကို ယဉ်ယဉ်ကျေးကျေးနဲ့ ပြတ်ပြတ်သားသား ပြောဆို ငြင်းပယ်ပိုင်ခွင့် ရှိပါတယ်။ (မရိုင်းဖို့တော့ လိုတာပေါ့လေ)။

ကိုယ့်နာမည် ကြားလိုက်တာနဲ့ လူတိုင်း တွဲမြင်တတ်တဲ့ Personality၊ Resultဒါမှမဟုတ် Value တစ်ခုခုဆိုတာ လူတိုင်းမှာ ရှိတတ်ကြပါ...
08/04/2026

ကိုယ့်နာမည် ကြားလိုက်တာနဲ့ လူတိုင်း တွဲမြင်တတ်တဲ့ Personality၊ Resultဒါမှမဟုတ် Value တစ်ခုခုဆိုတာ လူတိုင်းမှာ ရှိတတ်ကြပါတယ်။ ဒါကို ကျွန်တော်တို့ နယ်ပယ်မှာ "Brand Association" လို့လည်း ခေါ်ပါတယ်။ ဥပမာ - "Apple" ဆိုရင် Innovationကို ပြေးမြင်သလိုမျိုး၊ "ကျော်ကျော်" လို့ ကြားလိုက်ရင် Quality နဲ့ Reliabilityကို ပြေးမြင်သွားအောင် တည်ဆောက်တာဟာ အောင်မြင်တဲ့ Personal Branding ပါပဲ။ ဒီနေရာမှာ ကောင်းတာ လဲ ရှိသလို ဆိုးတာနဲ့ တွဲမြင်တာမျိုးလည်း ဖြစ်နိုင်ပါတယ်၊ အချိန်မတိကျသူ၊ အလုပ်ကို မလေးစားသူ၊ ဘုကလန့်ပြောတတ်တဲ့သူ စသည်ဖြစ်ပေါ့။

ဒါတွေက ကိုယ်တိုင် တံဆိပ်ကပ်ယူလို့ ရတာမျိုး မဟုတ်ပါဘူး။ ကိုယ်နေထိုင် ရှင်သန်လာတဲ့ ပုံစံအတိုင်း ဘေးနားကလူတွေက ကိုယ့်ကို တံဆိပ်ကပ်ပေးကြတာပါ။ တစ်နည်းအားဖြင့် ဒါဟာ သင့်ရဲ့ Personal Brand Value ပါပဲ။ ဒီလို Personal Brand ကို အကောင်းဆုံး တည်ဆောက်ဖို့ Tips အနည်းငယ်ကို မျှဝေပေးချင်ပါတယ်။

၁။ အရည်အသွေးကို ကိုယ်ပိုင်စံနှုန်းတစ်ခု သတ်မှတ်ပါ (Set a High Quality Bar) အလုပ်တစ်ခုကို လုပ်တဲ့အခါ တစ်စုံတစ်ယောက်ဆီက ချီးကျူးခံချင်လို့လုပ်တာထက်၊ ကိုယ့်ရဲ့ ကိုယ်ပိုင်စံနှုန်း (Standard) ကို ပြသဖို့အတွက်ပဲ အာရုံစိုက်ပါ။ "သူလုပ်တဲ့ အလုပ်ဆိုရင် ပြီးပြည့်စုံတယ်" ဆိုတဲ့ ယုံကြည်မှုကို တည်ဆောက်နိုင်ခြင်းက သင့်အတွက် အဖိုးမဖြတ်နိုင်တဲ့ Personal Brand တစ်ခု ဖြစ်လာပါလိမ့်မယ်။

၂။ အသေးအဖွဲလေးတွေကအစ ဂရုစိုက်ပါ (Attention to Detail) တစ်ခါတလေမှာ ၉၀ ရာခိုင်နှုန်းသော ကြိုးစားအားထုတ်မှုတွေဟာ အမှားသေးသေးလေးတစ်ခုကြောင့် အရာမထင် ဖြစ်သွားတတ်ပါတယ်။ အချိန်ပေးပြီး အပင်ပန်းခံထားရတာတွေ မနှမြောရလေအောင် အသေးစိတ်ကအစ သေချာစစ်ဆေး တတ်တဲ့ အလေ့အကျင့်ရှိဖို့ အရမ်းအရေးကြီးပါတယ်။

၃။ "ဘာကို မလုပ်ဘူးလဲ" ဆိုတာကို အရင်ဆုံးဖြတ်ပါ (Strategy) အကန့်အသတ်ရှိတဲ့ Resourceတွေကြားထဲမှာ အရာအားလုံးကို လိုက်လုပ်ဖို့ မကြိုးစားပါနဲ့။ တကယ့် Strategy ဆိုတာ ဘာလုပ်မလဲ ဆိုတာထက် "ဘာကို ဖယ်ထုတ်မလဲ (What not to do)" ဆိုတာကို သိခြင်းပါပဲ။ မလုပ်သင့်တာတွေကို ဖယ်ထုတ်ပြီး လုပ်သင့်တာကိုပဲ အင်တိုက်အားတိုက် Focusလုပ်ပါ။

၄။ တာဝန်ယူတတ်သူ ဖြစ်ပါ (Take Accountability) ပြဿနာတစ်ခုခု ကြုံလာတဲ့အခါ "သူ့အမှား၊ ကိုယ့်အမှား" ဆိုပြီး ဘောလီဘော ပုတ်နေတာမျိုးထက်၊ ကိုယ်တိုင် တာဝန်ယူပြီး ဖြေရှင်းနိုင်သူ ဖြစ်အောင် ကြိုးစားပါ။ တာဝန်ယူတတ်သူကိုသာ ပိုပြီးကြီးမားတဲ့ အခွင့်အလမ်းနဲ့ တာဝန်တွေကို ပေးအပ်ရဲတာ ဖြစ်ပါတယ်။

၅။ ပံ့ပိုးကူညီသူ ဖြစ်ပါ (Be a Supportive Teammate) ကိုယ်တိုင် တာဝန်ယူမထားတဲ့ အပိုင်းတွေမှာ ဝေဖန်သူဖြစ်မယ့်အစား၊ တာဝန်ယူထားတဲ့သူတွေ အဆင်ပြေအောင် တတ်နိုင်တဲ့ဘက်က ပံ့ပိုးပေးပါ။ တစ်ပါးသူရဲ့ အောင်မြင်မှုကို ကူညီပေးခြင်းက သင့်ရဲ့ လုပ်ငန်းခွင်ဆက်ဆံရေးကို ပိုမိုခိုင်မာစေပါတယ်။

၆။ အနှစ်သာရမရှိတဲ့ "ဟန်ပြအလုပ်" ကို ရှောင်ပါ (Avoid Busy-work without Purpose) "ထိုင်နေအကောင်း၊ ထသွားမှ ကျိုးမှန်းသိ" ဆိုသလိုပါပဲ။ တကယ်တမ်း အကျိုးရလဒ် (Impact) မထွက်ဘဲ အလုပ်ရှုပ်နေရုံသက်သက် ဟန်ပြလုပ်နေတာမျိုးက ကိုယ့်ရဲ့ Brand ကို ထိခိုက်စေပါတယ်။ မလုပ်ရင်လည်း အရှင်းမလုပ်ပါနဲ့၊ လုပ်ပြီဟေ့ဆိုရင်တော့ တကယ့် Impact ထွက်မယ့် ရလဒ်မျိုးရ အောင်ပဲ အားထုတ်ပါ။

ဒီအချက်လေးတွေက ကျွန်တော်တို့ရဲ့ လုပ်ငန်းခွင် ရလဒ်ကောင်းတွေအတွက် အများကြီး အထောက် အကူပြုမှာပါ။ အလုပ်တိုင်းမှာ အကောင်းဆုံး Performance တွေနဲ့အတူ ကိုယ်တိုင်ဂုဏ်ယူရမယ့် Personal Brand Value တွေကို အတူတူ တည်ဆောက်လိုက်ကြရအောင်။




လုပ်ငန်းခွင်ထဲမှာ စကားပြောတဲ့အခါ တတ်နိုင်သလောက် ချိုသာစွာ ပြောဆိုလေ့ရှိပါတယ်။ မိုးလင်းတာနဲ့ တစ်နေ့တာကို ပျော်ပျော်ရွှင်ရ...
03/04/2026

လုပ်ငန်းခွင်ထဲမှာ စကားပြောတဲ့အခါ တတ်နိုင်သလောက် ချိုသာစွာ ပြောဆိုလေ့ရှိပါတယ်။ မိုးလင်းတာနဲ့ တစ်နေ့တာကို ပျော်ပျော်ရွှင်ရွှင်နဲ့ အကောင်းဆုံး ကုန်ဆုံးဖို့ ကိုယ့်ကိုယ်ကိုယ် Reminder ပေးပြီး တက်တက်ကြွကြွနဲ့ အလုပ်သွားပါတယ်။

ဒါပေမဲ့လည်း လုပ်ငန်းခွင်ဆိုတာ ကစားကွင်းမဟုတ်တာကြောင့် အမြဲတမ်း ပျော်ရွှင်နေဖို့ဆိုတာ မဖြစ်နိုင်ပါဘူး။ တစ်ခါတလေမှာ အမြင်မတူတာတွေ၊ ငြင်းခုံရတာတွေနဲ့ Communication Conflict လေးတွေ ရှိတတ်ပါတယ်။ ဒီလိုအခြေအနေမျိုးမှာ ကျွန်တော်အမြဲ ကျင့်သုံးလေ့ရှိတဲ့ Tips လေးတွေကို မျှဝေပေးချင်ပါတယ် -

၁။ လူကိုယ်တိုင်တွေ့ပြီး ပြောဆိုပါ (Face-to-Face Communication) Email တွေအများကြီး ပို့တာ၊ စာအရှည်ကြီးတွေ ရေးနေတာက သင့်ကို Smart မဖြစ်စေပါဘူး။ ပဋိပက္ခတော်တော်များများက နားလည်မှုလွဲတာကနေ စတာပါ။ အမှားအမှန်ကို လူကြီးတွေသိအောင် Email နဲ့ အပြန်အလှန် တုံ့ပြန်နေမဲ့အစား လူချင်းတွေ့ပြီး နှစ်ဦးနှစ်ဖက်ကြားက Balance Point ကို ရှာလိုက်ပါ။ စာနဲ့ဆက်သွယ်တဲ့အခါ ကိုယ်ပြောချင်တဲ့ Tone ကို တစ်ဖက်က နားလည်မှုလွဲတတ်လို့ ပြဿနာ ပိုရှည်တတ်ပါတယ်။

၂။ အချက်အလက် (Fact) နဲ့ ပြောပါ ကိုယ်ပိုင်နိုင်တဲ့ အရာကိုပဲ ပြောပါ။ မသေချာမရေရာတဲ့ အချက်အလက်မပါဘဲ ကိုယ့်ရဲ့ ထင်မြင်ချက်သက်သက်ကို ဘယ်သူမှ အတည်မပြု (Count) ပါဘူး။ ဒါကြောင့် ခိုင်မာတဲ့ အချက်အလက်ရှိဖို့ လိုပါတယ်။

၃။ အခြားသူကို နားထောင်ပေးပါ (Listen & Respect) ကိုယ်ပြောချင်တာတွေကိုပဲ လုမပြောပါနဲ့။ တစ်ဖက်သားရဲ့ အမြင်နဲ့ ရှင်းပြချက်တွေကိုလည်း သေချာအလေးပေး နားထောင်ပါ။ ဒါက သင့်ကို ပိုရင့်ကျက်တဲ့သူတစ်ယောက်အဖြစ် မြင်စေပါတယ်။

၄။ အပြုံးနဲ့ ရင်ဆိုင်ပါ ခဏတာ စိတ်သဘောထားကွဲလွဲပေမဲ့ အမြဲတမ်း ရန်သူဖြစ်သွားမှာမဟုတ်ပါဘူး။ ကျွန်တော်တို့အားလုံးဟာ အလုပ်အတွက် အကောင်းဆုံးဖြစ်စေချင်လို့ မတူညီတဲ့ Perspective တွေနဲ့ ငြင်းခုံကြတာမို့ နောက်ဆုံး Goal က အတူတူပါပဲ။ ဒါကြောင့် အမြဲ အပြုံးနဲ့ ဆက်ဆံပြောဆိုပါ။

၅။ အားနာတတ်တာကို ရှောင်ပါ (Be Decisive) လုပ်ဖော်ကိုင်ဖက်အချင်းချင်း အရမ်းရင်းနှီးသွားတဲ့အခါ အလုပ်မှာ ပြတ်ပြတ်သားသား ပြောရမဲ့နေရာတွေမှာ အားနာပြီး အလျော့ပေးမိတတ်ပါတယ်။ အလုပ်မှာ သူငယ်ချင်းမရှိဘူး၊ လုပ်ဖော်ကိုင်ဖက် (Colleagues) ပဲ ရှိတယ်လို့ အမြဲသတိထားပါ။ ခင်မင်လို့ရပေမဲ့ အလုပ်ကိစ္စမှာတော့ အားနာလို့မရပါဘူး။

၆။ မှားမှန်ထက် ပြဿနာပြေလည်ဖို့ ဦးစားပေးပါ တစ်ခါတလေ ဘယ်သူမှားလဲ၊ ဘယ်သူမှန်လဲ ဆိုတာထက် ကိုယ်က အရင်တောင်းပန်လိုက်တာက စကားနည်းရန်စဲ ဖြစ်စေပါတယ်။ ဒီ Conversation ကနေ အကောင်းဆုံး အဖြေထွက်သွားဖို့ကသာ အရေးကြီးဆုံးမို့ ကိုယ်က အလျှော့ပေးလိုက်တာဟာ မမှားပါဘူး။

ဘယ်တော့မှမမေ့ပါနဲ့... ကိုယ့်ရဲ့ တစ်နေ့တာတိုင်းက တန်ဖိုးရှိပါတယ်။ နေ့တိုင်း ပျော်ရွှင်ဖို့နဲ့ စိတ်ချမ်းသာဖို့က အရေးကြီးဆုံးပါ။ ဘယ်သူ့ကြောင့်မှ ကိုယ့်ရဲ့ "အကြည်ဓာတ်" ကို အထိခိုက်မခံပါနဲ့။

#သိုးမည်း အဖေက မာနကြီးတယ်။ မိသားစုဝင် တစ်ယောက်ယောက်ကို စိတ်ကောက်ရင် စကားမပြောတာ နှစ်နဲ့ချီပြီးပဲ။ အမကြီးဆုံးနဲ့ အဖေဆို ...
24/03/2026

#သိုးမည်း

အဖေက မာနကြီးတယ်။ မိသားစုဝင် တစ်ယောက်ယောက်ကို စိတ်ကောက်ရင် စကားမပြောတာ နှစ်နဲ့ချီပြီးပဲ။ အမကြီးဆုံးနဲ့ အဖေဆို တစ်အိမ်တည်းနေပြီး ကိုယ့်သက်တမ်းတစ်လျှောက် သူတို့အချင်းချင်း စကားပြောတာ တစ်ခါမှ မမြင်ဖူးဘူး။

အဖေနဲ့ အမေနဲ့လည်း ဒီလိုပဲ၊ ခဏခဏ အကြာကြီး စကားမပြောဘဲ နေကြတယ်။

အဖေနဲ့ အစ်မကြီးဆီကနေ လက်ဆင့်ကမ်းလာတဲ့ အဲဒီ 'တိတ်ဆိတ်ခြင်း' က ကျွန်တော့်သွေးထဲမှာလည်း ပါလာခဲ့တယ်။ တစ်ခါတလေ တစ်ဖက်လူကို စိတ်ကုန်လာရင် ဖြေရှင်းဖို့ထက်၊ စကားမပြောဘဲ နေလိုက်တာက ပိုလွယ်တယ်လို့ ထင်ခဲ့မိတာ။ ဒီလိုနဲ့ပဲ ဘဝထဲက အရင်းနှီးဆုံးလူတော်တော်များများကို ဆုံးရှုံးခဲ့ရဖူးတယ်။ အဲဒီအကျင့်ကပဲ နောက်ဆုံးမှာ အဖေနဲ့ ကျွန်တော့်ကြားက နောက်ဆုံးစကား ပြောခွင့်ကိုပါ လုယူသွားခဲ့သလားပဲ။

မိသားစုမှာ မောင်နှမ ငါးယောက်၊ အကြီးဆုံး အမကြီးရှိတယ်၊ ကြားမှာ အစ်ကိုသုံးယောက်၊ ပြီးရင် ကိုယ်က အငယ်ဆုံး၊ အလိမ္မာဆုံးနဲ့ အဆိုးဆုံး။ အစ်မကြီးကလည်း အကြီးဆုံးဖြစ်သလို လူမှန်းသိတတ်စကတည်းက မိသားစုတာဝန်အကုန်ထမ်းရသူမို့ အဖေနဲ့ ထိပ်တိုက်တွေ့တာ အမြဲပဲ၊ ဒါကြောင့် သူတို့ချင်း တစ်သက်လုံး ရှောင်နေကြတာ။ ကိုယ်က အစပိုင်း ကလေးဘဝမှာတော့ အဖေနဲ့ အဆင်ပြေသလို အချစ်ခံရပေမဲ့ လူပျိုပေါက်အရွယ်ကစလို့ အဖေနဲ့ အစ်မကြီးက တစ်ဖက်၊ ကိုယ်က တစ်ဖက် ဖြစ်လာတယ်။

သူတို့က ကိုယ့်ကို မိရိုးဖလာ အရောင်းအဝယ် အလုပ်ပဲ လုပ်စေချင်တာ၊ ရင်ခွင်ထဲမှာပဲ ပိုက်ထားချင်တာ။ ခပ်ပျော့ပျော့ အငယ်ဆုံးသားလေးမို့ စိတ်မချတာလည်း ပါမှာပါ။
ဒါပေမဲ့ ကိုယ်က အားလုံးနဲ့မတူဘဲ မြို့ကြီးပြကြီးမှာ အလုပ်လုပ်ပြီး ဘဝကို အဆင့်အတန်းမြင့်မြင့် ရှင်သန်ချင်တဲ့သူဆိုတော့ နောက်ဆုံး အိမ်ကနေ ခိုးထွက်ခဲ့တယ်။ ၃ နှစ်လောက် အဆက်အသွယ် မလုပ်ခဲ့ဘူး။ 'ခဏနေ အဆင်မပြေရင် အိမ်ပြန်လာမှာပါ' ဆိုပြီး သူတို့ဘက်က လှမ်းကြည့်နေခဲ့တာကိုလည်း သိတယ်၊ ဒါပေမဲ့ ကိုယ်က မာနကို တင်းထားပြီး မိသားစုရှေ့မှာ လက်မထောင်ချင်လို့ သူစိမ်းဆီမှာ အောက်ကျခံ ကြိုးစားခဲ့တယ်။

ဒီလိုနဲ့ ၃ နှစ်အကြာ အလုပ်အကိုင် အတည်တကျဖြစ်တဲ့အချိန်လောက်မှာ အစ်မကြီးက လာဆက်သွယ်တယ်။ အဖေကတော့ အရင်အတိုင်းပဲ၊ အခေါ်အပြောမရှိဘူး။ ကိုယ့်ဘက်က မိဘဝတ္တရားအတိုင်း လုပ်ပေးပေမဲ့ သူက အမြဲငြင်းတယ်။
အဖေက ကျွန်တော်ပေးတာမှန်သမျှ ငြင်းခဲ့တာဟာ 'မလိုချင်လို့' မဟုတ်ဘဲ 'သူ့ရင်ခွင်ထဲက ထွက်သွားတဲ့ သားကို အလျှော့မပေးချင်တဲ့ မာန' ကြောင့်ဆိုတာ အခုမှ ရိပ်မိတော့တယ်။ သူက ကျွန်တော့်ကို အောင်မြင်တဲ့သူတစ်ယောက်ထက်၊ သူ့ဘေးမှာရှိနေတဲ့ အငယ်ဆုံးသားလေးပဲ ဖြစ်စေချင်ခဲ့တာလေ...

နောက်ဆုံး အဖေ အူမကြီးကင်ဆာဖြစ်တော့ ရန်ကုန် ဆေးလာပြတဲ့အချိန်ဟာ အိမ်ကထွက်လာပြီး ၁၀ နှစ်အကြာမှာ အဖေ့ကို ပထမဆုံးနဲ့ နောက်ဆုံး မြင်တွေ့လိုက်ရခြင်းပါပဲ။
အဖေ ဆေးရုံ ၃ လလောက် တက်ရတယ်။
မဆုံးခင်အချိန်အထိ ကိုယ်လည်း အဖေ့ဆေးစရိတ်အတွက် ရုန်းကန်ရတာနဲ့တင် အရမ်းပင်ပန်းခဲ့တယ်။ အဖေနဲ့ စစ်ပြေငြိမ်းဖို့၊ မာနတွေလျှော့ပြီး အေးအေးဆေးဆေး စကားပြောဖို့တောင် မေ့နေခဲ့တယ်။ ဒီလိုနဲ့ အဖေ ဆုံးသွားတယ်။ သူဆုံးတဲ့အချိန် အလုပ်ကြောင့် သူ့အနားမှာ မရှိနိုင်ခဲ့ဘူး။ 'အဖေ ကိုယ့်ကို မျှော်နေခဲ့မလား၊ ပြောချင်တဲ့ စကားတွေ ရှိနေခဲ့မလား' ဆိုပြီး တွေးမိတိုင်း အခုထိ Guilty ဖြစ်နေရတုန်းပဲ။

စကားတွေ အများကြီး မပြောဖြစ်ခဲ့ပေမဲ့ အဲဒီ ၃ လတာ ဆေးရုံခုတင်ဘေးမှာ ကျွန်တော်ရှိနေ ပေးတာဟာ ကျွန်တော့်ဘက်က 'တောင်းပန်ခြင်း' ဖြစ်သလို၊ အဖေ့ဘက်က ငြိမ်သက်နေတာဟာလည်း 'ခွင့်လွှတ်ခြင်း' တစ်မျိုးပဲလို့ အခုတော့ ယုံကြည်လိုက်ချင်တယ်...
ကဲ... ဒီဇာတ်လမ်းမှာ ဘယ်သူက သိုးမည်းလဲ? ဘယ်နားမှာ မှားသွားခဲ့တယ်လို့ထင်လဲ?
တကယ်တော့ ဒီဇာတ်လမ်းမှာ ဘယ်သူမှ သိုးမည်းမဟုတ်ခဲ့ပါဘူး။ ကျွန်တော်တို့အားလုံးဟာ မာနကို 'အချစ်' ထက် ပိုပြီး တန်ဖိုးထားမိခဲ့ကြတဲ့ လူသားတွေပါပဲ။

ဒီရက်တွေမှာ ကိုယ့်ကိုယ်ကိုယ် ကျေးဇူးတင်နေမိသလို၊ ကိုယ့်ဘေးမှာ ရှိနေတဲ့ သူတွေကိုရော ကျေးဇူးတင်မိပါတယ်။ကျွန်တော် အသက် ၂၅/၂...
23/03/2026

ဒီရက်တွေမှာ ကိုယ့်ကိုယ်ကိုယ် ကျေးဇူးတင်နေမိသလို၊ ကိုယ့်ဘေးမှာ ရှိနေတဲ့ သူတွေကိုရော ကျေးဇူးတင်မိပါတယ်။
ကျွန်တော် အသက် ၂၅/၂၆ လောက်အထိ အားကစားမလုပ်ခဲ့ဘူး။ လုပ်ရကောင်းမှန်းမသိတာလည်း ပါသလို၊ ကိုယ့်ကို အားကစား လုပ်ဖို့ ခေါ်တဲ့ မိတ်ဆွေထက် အရက်ဆိုင်ခေါ်တဲ့ မိတ်ဆွေ ပိုများခဲ့တာပေါ့ (ဟဟ)။ အဲဒီတုန်းကဆို အမြဲ ညောင်းကိုက်၊ ခြေထောက် အကြောတက်နဲ့ ဆေးတွေလိမ်း၊ မနက်နိုးရင် အမြဲ လေးလံနေတာပဲ။ ရုံးက စားပွဲပေါ်မှာဆိုရင် ဆေးပေါင်းစုံနဲ့ ဆေးဆိုင်ဖွင့်ထားသလား ထင်ရတယ်။
ဒါပေမဲ့ လက်ရှိအလုပ်ကို ရောက်ပြီးမှာ Lifestyle အပြောင်းအလဲတွေ အများကြီးဖြစ်တယ်။ ကိုယ်နေတိုင်း ထိတွေ့ဆက်ဆံနေရတဲ့ အလုပ်ကလူတွေ ဘာလုပ်လဲ ဘယ်လို နေထိုင်လဲ ဆိုတာက ကိုယ့်အပေါ် အမြဲ သက်ရောက်မှု ရှိတယ်။
လက်ရှိအလုပ်က ဝန်ထမ်းတော်တော်များများက Well-being, Work-Life Balance ကို တော်တော်လေး အလေးထားကြတယ်။ တော်တော် များများက လေ့ကျင့်ခန်း ပုံမှန် လုပ်ကြတယ်။ အစားသောက် သေချာလေး ဂရုစိုက်ပြီး စားကြတယ်။
ဒီလိုနဲ့ အလုပ်က လူတွေပဲ ဆွဲခေါ်ရင်း အခု လို ပုံမှန် လေ့ကျင့်ခန်းလုပ်ဖြစ်တယ်။ ပိတ်ရက်တွေ ပြေးတယ်။ အခုနောက်ပိုင်းမှာ အရမ်းနေလို့ကောင်းလာတယ်။ အရင်လို ကိုက်ခဲ ညောင်းညာတာတွေ မရှိတော့ဘူး။ အိပ်ရေး ဝဝ အိပ်ဖြစ်တော့ နောက်နေ့ကို ကြည်တောက်ရှင်းနိုးထလာရတဲ့ အရသာ က ဘာနဲ့မှ မလဲနိုင်ဘူး။ အလုပ်ကိုလည်း ပိုပြီး Focus လုပ်လာနိုင်သလို၊ ပိုပြီး Productive ဖြစ်လာတာ ခံစားရတယ်။
ကိုယ်ကြုံနေရတဲ့ အိပ်မပျော်တဲ့ ပြသနာ လည်း
သူ့အလိုလို ဖြေရှင်းပြီး ဖြစ်သွားတယ်။
ဒါကြောင့် အားလုံးကိုလည်း တိုက်တွန်းပါတယ်။ အလုပ်ကြီးပဲ လုပ်မနေပါနဲ့။ အကြာကြီး အလုပ်လုပ်နိုင်ဖို့ ကိုယ့်ကိုယ်ကိုယ်လည်း Train ဖို့ မမေ့ပါနဲ့။
So grateful for such an energetic morning. 🌱☀️


မြန်မာပြည်နှင့် နိုင်ငံခြားသားကြောက်ရောဂါ (Xenocentrism)ဒါက ပြောချင်ပေမဲ့ မပြောဖြစ်ခဲ့တဲ့ အကြောင်းအရာတစ်ခုပါ။လွန်ခဲ့တဲ့ ...
05/03/2026

မြန်မာပြည်နှင့် နိုင်ငံခြားသားကြောက်ရောဂါ (Xenocentrism)

ဒါက ပြောချင်ပေမဲ့ မပြောဖြစ်ခဲ့တဲ့ အကြောင်းအရာတစ်ခုပါ။

လွန်ခဲ့တဲ့ ၈ နှစ်လောက်က မြန်မာနိုင်ငံမှာ အခုထက်ပိုပြီး အခွင့်အလမ်းတွေကောင်းလို့ Corporate သမားတွေ ဦးမော့ခဲ့တဲ့ အချိန်ပေါ့။ ပြည်တွင်းလုပ်သားဈေးကွက် အတော်ကောင်းပြီး လုပ်ငန်းတွေကလည်း အပြိုင်အဆိုင် ငှားရမ်းကြတော့ လစာ (Pay) တွေလည်း ကောင်းတာပေါ့။ ဒီလိုပဲ တစ်ဖက်မှာ နိုင်ငံစုံက Professional တွေလည်း ဝင်လာကြတယ်။ နိုင်ငံခြားသားတွေပေါ့။ ဒီတော့ ကုမ္ပဏီတွေမှာ နိုင်ငံခြားသားတွေရော၊ ကိုယ့်နိုင်ငံသားတွေရော အတူတူ အလုပ်လုပ်ကြတာ ပျော်စရာပါ။

ဒီနေရာမှာ ကျွန်တော် တကယ်တော်တဲ့ လေးစားအားကျရလောက်တဲ့ နိုင်ငံခြားသား Professional တွေအများကြီးနဲ့လည်း တွေ့ခဲ့ဖူးသလို၊ လုံးဝသုံးစားမရတာတွေကိုလည်း အများကြီး ကြုံခဲ့ဖူးပါတယ်။ တစ်ခါတလေ "ဒီလူကို ဒီလောက်ပေးပြီး ငှားလာတဲ့ HR ကိုတောင် အံ့သြမိရတဲ့အထိ" ပါပဲ။ တစ်ချို့နိုင်ငံခြားသားတွေက ပေးရတဲ့လစာနဲ့ လုံးဝမတန်တာပါ။

ဒါပေမဲ့ ဒီနေရာမှာ အဓိက ပြောချင်တာက ကိုယ့်နိုင်ငံက ဝန်ထမ်းတွေ အကြောင်းပါ။ ကိုယ့်နိုင်ငံက ဝန်ထမ်းတော်တော်များများက ကိုယ့်လူမျိုးချင်းဆိုရင်သာ စွာကြတာ၊ အနိုင်ကျင့်ချင်ကြတာ။ နိုင်ငံခြား သားက ဘာမှ မပြောရသေးဘူး "Hi" ဆိုတာနဲ့တင် ပြုံးချိုပြီး အကုန်လိုက်လုပ်ပေးချင် နေတဲ့သူ တွေကလည်း အများသား။ ဘာကို အထင်ကြီးမှန်းမသိ၊ နိုင်ငံခြားသားနဲ့ စကားပြောရတာကပဲ သူ့ဘဝရဲ့ အောင်မြင်မှု တစ်ခုလိုလို။ ဆိုင်တာရော မဆိုင်တာရော နိုင်ငံခြားသားခိုင်းရင် အကုန်ပြုံးပြီး လုပ်ပေးချင် ကြတယ်။ မြန်မာချင်းပြောရင်တော့ မလုပ်ပေးချင်သလိုလိုနဲ့ ကွေ့ဝိုက်နေတတ်ကြတယ်။

တကယ်တမ်း သူတင်ကိုယ်တင် အကြောင်းအရာတစ်ခုကို Meeting ထဲမှာ ငြင်းကြခုံကြမယ်ဆိုရင် ကိုယ့် Perspective ကို ပြန်ပြောဖို့နေနေသာသာ "Yes, Noted" ဆိုပြီး ခေါင်းငုံ့ပြန်လာကြတာတွေက ပြင်သင့်တဲ့အချက်ပါ။

နိုင်ငံခြားသားလည်း လူပါပဲ။ သူယူထားတဲ့ Title နဲ့ ထိုက်တန်တဲ့ အားထုတ်ကြိုးစားမှု၊ အရည်အချင်း ရှိတယ်၊ Leadership နဲ့ Management ကောင်းတယ်ဆိုရင် လေးစားရမှာ မှန်ပေမဲ့ ကိုယ့်ကိုယ်ကိုယ်တော့ တစ်ဆင့်နှိမ့်စရာမလိုပါဘူး။ ဒီနေရာမှာ နိုင်ငံခြားသားတွေနဲ့ ရင်ဘောင်တန်းပြီး၊ သူတို့ထက် ပိုတော်ပြီး အထက်မှာ Lead လုပ်နေတဲ့ Local Leaders တွေ အများကြီးလည်း မြင်ဖူးပါတယ်။ တကယ်လေးစား အတုယူရတဲ့ သူတွေပါ။

အကယ်၍ အသုံးမကျတဲ့ နိုင်ငံခြားသားနဲ့တွေ့ရင်လည်း အနိုင်ကျင့်ခံစရာမလိုပါဘူး။ မတရားရင် ပြန်ပြောရဲရမယ်။ တစ်ခါက နိုင်ငံခြားသား GM တစ်ယောက်က Meeting မှာ သူ့ဘက်ကိုယ့်ဘက် ဆွေးနွေးငြင်းခုန်ကြရင်း ကိုယ့်ကို “So stupid, useless” ဆိုပြီး ရိုင်းရိုင်းစိုင်းစိုင်း အော်ဖူးတယ်။ (အဲ့တုန်းက ကိုယ်က Senior Supervisor ပဲ ရှိသေးတယ်)
အဲ့ဒီမှာတင် ကျွန်တော်က— “Don’t bully me in my country, I will sue you!” လို့ အားလုံးရှေ့မှာ ပြတ်ပြတ်သားသား ပြန်ပြောလိုက်တယ်။

ကိုယ်လက်ကိုင်ထားတဲ့ အရာက မှန်နေတယ်ဆို ကိုယ့်ကို အနိုင်ကျင့်တာမခံတဲ့ စိတ်နဲ့ပဲ ပြန်တုံ့ပြန်ခဲ့ တာပါ။ တစ်ယောက်ချင်းစီရဲ့ ရာထူးဂုဏ်ဒြပ်တွေထက် ငါတို့လုပ်ဆောင်နေတဲ့အရာက Company အတွက် အကောင်းဆုံးပဲ ဖြစ်စေချင်လို့ ထောက်ပြတာကို လူကြီးတစ်ယောက်အနေနဲ့ "ငါနဲ့မတူ ရန်သူ" ဆိုတဲ့ ပုံစံမျိုး လာလုပ်လို့မရပါဘူး။ လူရှေ့မှာ အော်လိုက်ရင် သူကြောက်သွားမှာပဲဆိုတဲ့ ပုံစံမျိုးမို့ လာလုပ်တာမို့ သူနဲ့ အတူတူ သူ့ပုံစံအတိုင်း ပြန်တုံ့ပြန်လိုက်တာပါ။

အဲ့ဒီနောက်ပိုင်းမှ သူ ငြိမ်သွားတော့တယ်။ မဟုတ်ရင် သူက လူတကာကို လိုက်ပြီး ပြဿနာရှာနေတာ။ တကယ်လို့ သူမှန်တယ်ဆို သူဘယ်ငြိမ်နေမလဲ။ ကျွန်တော့်ကို ပြဿနာအကြီးကြီး ဆက်ရှာမှာပဲမလား။

ဒီအခြေအနေမှာ ဘယ်သူမှားတယ် မှန်တယ်ထက်... အဓိက ပြောချင်တာက လုပ်ငန်းခွင်မှာ ဘယ်တော့မှ ကိုယ့်ကိုယ်ကိုယ် မနှိမ်ထားပါနဲ့။ ကိုယ့်ကိုယ်ကိုယ် တစ်ဆင့်နှိမ့်ထားသရွေ့ ဘယ်သူကမှ သင့်ကို လေးစားမှာမဟုတ်ပါဘူး။ သူတို့လေးစားတာကို ခံချင်ရင် သူတို့ထက်တော်အောင် အရင်ကြိုးစားပြပါ။ ပြီးရင် ကိုယ့် Perspective ကို ယုံကြည်မှုရှိရှိနဲ့ ချပြပါ။

အရေးကြီးတာက... အသားအရောင်နဲ့ Title က လူတစ်ယောက်ရဲ့ တန်ဖိုးကို သတ်မှတ်တာမဟုတ်ဘဲ သူ့ရဲ့ Integrity နဲ့ အရည်အချင်းကသာ သူဘယ်လောက်ထိုက်တန်တယ်ဆိုတာ အမှန်တကယ် သတ်မှတ်တာပါ။

24/02/2026

မင်္ဂလာပါ... ကျွန်တော့်ရဲ့ Project အချို့အတွက် Video ရိုက်ကူးခြင်းနဲ့ တည်းဖြတ်ခြင်း (Filming & Editing) ပိုင်းမှာ လက်တွဲလုပ်ကိုင်နိုင်မယ့် Freelance Videographers ဒါမှမဟုတ် Production အသေးစားလေးတွေကို ရှာဖွေနေပါတယ်။
အလုပ်အတွက် လိုအပ်တဲ့ Video Content လေးတွေကို အရည်အသွေးရှိရှိနဲ့ ဖန်တီးပေးနိုင်မယ့်သူတွေ ရှိရင် လက်တွဲလုပ်ကိုင်သွားချင်ပါတယ်။
စိတ်ဝင်စားသူများအနေနဲ့-
• မိမိတို့ ဖန်တီးခဲ့ဖူးတဲ့ Video Portfolio (နမူနာ) များ
• Profile သို့မဟုတ် CV တို့ကို Page messenger မှတစ်ဆင့် ပေးပို့ပေးရန် ဖိတ်ခေါ်အပ်ပါတယ်။
Creative ဖြစ်တဲ့ မိတ်ဆွေသစ်တွေနဲ့ လက်တွဲခွင့်ရဖို့ မျှော်လင့်နေပါတယ်။ အနီးနားက သိတဲ့သူတွေရှိရင်လည်း Mention ခေါ်ပေးပြီး ကူညီပေးကြပါဦးခင်ဗျာ။

Address

Yangon

Website

Alerts

Be the first to know and let us send you an email when A Professional Diary - Patrick posts news and promotions. Your email address will not be used for any other purpose, and you can unsubscribe at any time.

Shortcuts

Share

Category