12/02/2026
ဒီနေ့ပိတ်ရက်ဆိုတော့ဘာလုပ်ကြမှာလဲ
ဩတော့အခုမှထပြီး အိမ်မှာချက်တဲ့မုန့်ဟင်းခါးပေါ့ပေါ့လေးရယ် ကော်ဖီမဲမဲလေးရယ်သောက်ပါမယ် 🥰
မုန့်ဟင်းခါးကိုအရမ်းကြိုက်တဲ့အထဲမပါပေမယ့် အိမ်ကချက်ထားရင်တော့စားလိုက်ပါတယ် အပြင်ဆိုင်တွေမှာ စားလေ့မရှိပါဘူး စားဖြစ်ရင်တောင်ဆိုင်တော်တော်ရွေးပါတယ် အဓိကကတော့အရသာအရမ်းပြင်းတာတွေမစားနိုင်တာပါ
ဩတို့မြန်မာလူမျိုးအများစုက အရသာပိုင်းမှာ ထိထိမိမိလေးတွေမှစားချင်ကြတာလေနော် ချဉ်ချဉ်ငံငံစပ်စပ်လေးဆိုတာမျိုးပေါ့
ဒါတွေက မြန်မာပြည်မှာနေရင်တော့မထူးဆန်းပါဘူး ဒါပေမယ့် တစ်သက်လုံးစားလာတဲ့အခါ ကာလအပိုင်းအခြားတစ်ခုရောက်လာရင် အစာကဆေးမဟုတ်တော့ဘဲ ဘေးဖြစ်လာပါတယ်
စားချင်တာရှိရင်တော့စားမယ် သို့သော် ကိုယ့်အတွက်ဘေးမဖြစ်အောင်စားတတ်မယ်ဆို ဩတို့တွေအချိန်ကြာကြာကျန်းကျန်းမာမာနေကြရမှာပါ
🥳 ဥပမာ ဒီနေ့ကစပြီး အရသာလေးလေးမှစားတတ်တာ စားနေကြဆိုတဲ့သူတွေ နည်းနည်းလေးအငံလျှော့စားကြည့်ကြရအောင်
🥳 မုန့်ဟင်းခါးစားရင် ဟင်းရည်အရသာပေါ့လို့ဆိုပြီး ငံပြာရည်ထပ်မထည့် ငရုတ်သီးမှုန့်လေးလဲနည်းနည်းလျှော့ပြီး စားကြည့်ကြရအောင်
ကြီးကြီးမားမားမဟုတ်ပါဘူး တစ်နေ့ချင်းဆီ သေးသေးလေးတွေပြောင်းလဲသွားကြမယ်နော် ❤️
#မုန့်ဟင်းခါး #မနက်စာ
