https://mpvnews.websites.co.in/

MPV News, Main Road, Yatsauk (2025)

02/08/2021

ရွှေမန်း မိုးထဲလေထဲ ကြွေးကြော်နေဆဲ

မဟာမိတ်တပ်ပေါင်းစု ရဲ့ ညသပိတ်အောင်ပွဲ

2 , August ,2021

#အရေးတော်ပုံ_အောင်ရမည်

#လုံးဝအုပ်ချုပ်ခွင့်မရစေရ

#စစ်အာဏာရှင်မုချကျရှုံးရမည်

Revolution by Heros

02/08/2021

ခလရ(၆၀)မှ ဘောမူတံတားပေါ်တွင် ဂိတ်ချထားပြီး ကျေးရွာသူ/ရွာသားများ လယ်ထဲဆင်းခြင်းနှင့် နွားစာသွားရိတ်ခြင်းတိုကို ပိတ်ပင်ထား
=============
ဩဂုတ်လ(၂)ရက်၊ ၂၀၂၁ ခုနှစ်။ သူးလေသတင်းစဉ်။

ဩဂုတ်လ(၁)ရက်နေ့တွင် စစ်ကောင်စီတပ်၏ ခလရ(၆၀)မှ ဗိုလ်ကြီးအဆင့်ရှိသူ ဇေယျာလင်း ဦးဆောင်ပြီး ကေအဲန်ယူ-ကရင်အမျိုးသားအစည်းအရုံး၊ ညောင်လေးပင်ခရိုင်၊ ကျောက်ကြီးမြိုနယ်၊ လယ်ဝိုင်းကြီးကျေးရွာ အနီးရှိ ဘောမူတံတားပေါ်တွင် ဂိတ်ချထားပြီး လယ်ထဲဆင်းခြင်းနှင့် နွားစာသွားရိတ်ခြင်း တိုကို ပိတ်ပင်တားမြစ်ခဲ့သည်။ သွားလာမှုတွေ့ရှိပါက သေနတ်ဖြင့် ပစ်ခတ်မည်ဟု ခြိမ်းခြောက်ခဲ့သည်။ ကျေးရွာသူ/ရွာသားများက ၎င်းတံတားကို ဖြတ်ပြီး လယ်ထဲသိုဆင်းရသောကြောင့် ကျေးရွာသူ/ရွာသားများ၏ စားဝတ်နေရေးနှင့် အိမ်မွေးတိရိစ္ဆာန်များအတွက် များစွာအခက်အခဲဖြစ်စေသည်။

၂၀၂၁ ခုနှစ်၊ ဇွန်လ (၁၆)ရက်နေ့တွင် စစ်ကောင်စီအဖွဲမှ ကျောက်ကြီးမြိုနယ်ရှိ ကျေးရွာအုပ်စု ခေါင်းဆောင်များကို အင်းလေလံဆွဲရန်အတွက် တစ်ကြိမ် ခေါ်တွေ့ခဲ့ပြီးဖြစ်သည်။ ဇူလိုင်လ(၂၆)ရက်နေ့တွင် စစ်ကောင်စီ၏ ခလရ(၆၀)မှ ဗိုလ်ကြီးအဆင်းရှိသူ ဇေယျာလင်းသည် လယ်ဝိုင်းကြီးကျေးရွာအုပ်စု၊ လယ်ဝိုင်းကြီးကျေးရွာရှိ တီးရွှေမိုးနှင့် မုန်းမြိုနယ်ရှိ တပ်ကုန်းကျေးရွာအုပ်စု၊ ရွာဟောင်းကျေးရွာရှိ တီးလားဆဲတိုကို စစ်ကောင်စီမှ လေလံပစ်သည့် အင်းများကို လုပ်ကိုင်စေရန်အတွက် ခေါ်ယူတွေ့ဆုံခဲ့သည်။ သိုသော် ကျေးရွာသူ/ရွာသားများမှ စစ်ကောင်စီ၏ အုပ်ချုပ်မှုကို လက်မခံသည့်အတွက် စစ်ကောင်စီမှ လေလံပစ်မည့် အင်းများကို မဆွဲခဲ့ခြင်းဖြစ်သည်။ ကျေးရွာသူ/ရွာသားများမှ ယခုလို ပြုလုပ်ခြင်းကြောင့် စစ်ကောင်စီမှ မကျေမနပ်ဖြစ်ကာ ခြိမ်းခြောက်ကြိမ်းမောင်းခြင်းနှင့် ပိတ်ပင်ခြင်းများကို ပြုလုပ်ခြင်းဖြစ်သည်ဟု သိရသည်။

02/08/2021

ကရင်ပြည်နယ်တွင် မိုးသည်းထန်ရေကြီးပြီး မိုးစပါးဧက ၇၀၀၀ ခန့် ရေနစ်မြုပ်

“အခုက မျိုးကြဲပြီးတာနဲ့ရေမြုပ်တာ။ ပျက်ကုန်ပြီး။ အခုက ခေတ်ကမကောင်း။ အဆင်ကမပြေ။ ဘယ်လိုလုပ်ရမလဲ မသိတော့ဘူး။ အရင်အစိုးရတုန်းက ထောက်ပံ့တာရှိတယ်။ စကစပေးတာကို မမျှော်လင့်ဘူး”

02/08/2021

ည ၈း၀၀ နာရီသတင်း တိုက်ရိုက် (Live)
https://fb.watch/77Gd8gTP2C/

02/08/2021

ဟားခါး CDFအဖွဲ့က ဆူရ်ခွာမြို့၏ကက်သလစ်ဘုန်းတော်ကြီးနှင့်ကက်သလစ်ပါစတာတို့ကိုဖမ်းဆီးထားရခြင်းအကြောင်းအရင်း စွပ်စွဲချက် ၃ ခု ကို အများပြည်သူသိရှိနိုင်ရန်အသိပေးဖြေရှင်းစာ
===============

02/08/2021

ဖမ်းဆီးခံ ဟားခါးနှင့်ဖလမ်းမြို့ကလူငယ် ၅ ယောက်ပြန်လွတ်လာ
==============
စစ်တပ်အာဏာသိမ်းပြီးနောက် ချင်းပြည်နယ်တွင် စစ်အာဏာသိမ်းခြင်းကိုဆန့်ကျင်သည့်သပိတ်များတွင်ပါ၀င်ခြင်းကြောင့်ဖမ်းဆီးခံခဲ့ရသည့်မှာ ၅ လ ၀န်းကျင်ကြာပြီဖြစ်သည့် ဟားခါးမြို့ရဲစခန်းအချုပ်မှ လူငယ် ၄ ဦး ဖလမ်းမြို့ရဲစခန်းအချုပ်ခန်းမှ လူငယ် ၁ ဦးတို့ကို အမှုမှပိတ်သိမ်းကာ ယနေ့ သြဂုတ်လ ၂ ရက်နေ့တွင်ပြန်လည်လွတ်မြောက်လာခဲ့ကြောင်းသိရသည်။

02/08/2021

ဖလမ်းမြို့တွင် ကိုဗစ်ကာကွယ်ဆေး စတင်ထိုးနှံ
=======
ချင်းပြည်နယ်၊ ဖလမ်းမြို့တွင် လူဦးရေ ၂၅၀ အတွက် စစ်ကောင်စီထံက ကိုဗစ်ကာကွယ်ဆေးရောက်လာရာ ယနေ့ဩဂုတ်လ ၂ ရက်ကစပြီး ပညာရေးရုံးဝန်ထမ်းများ၊ သင်းအုပ်ဆရာတော်များ၊ ကိုဗစ်စေတနာ့ဝန်ထမ်းများကို ဦးစားပေးကာ စတင်ထိုးနှံကြတယ်လို့သတင်းရရှိပါတယ်။

02/08/2021

ဝန်ခြုံးရွာ အနောက်ဘက် တောင်ကုန်းပေါ်တလျောက်ကို စစ်ကောင်စီ အကြမ်းဖက်စစ်တပ်နှင့် ပျူစောထီများက လက်နက်ကြီးတွေ လှမ်းပစ်
=========================
ဩဂုတ်လ ၂ရက်။

မကွေးတိုင်း၊ ပခုက္ကူခရိုင်၊ ပေါက်မြို့နယ် ဝန်ခြုံးရွာ အနောက်ဘက်အထိ တောင်ကုန်းတိုင်းကို စစ်ကောင်စီ အကြမ်းဖက်စစ်တပ်နှင့် ပျူစောထီးများက ဒီနေ့ ည ၇နာရီဝန်းကျင်ခန့်က လက်နက်ကြီးတွေနဲ့ လှန်းပစ်နေပါတယ်လို့ ဒေသခံတစ်ဦးက ပြောသည်။

" ရွာအနောက်ဘက်အထိတော့ အင်အား ၁၀လောက် ရှိတယ်။ ရွာသူရွာသားများလည်း ဘေးလွတ်ရာသို့ ထပ်ဆင့်ရှောင်ပြေးနေပါတယ်ခင်ဗျ။"ဟု ဒေသခံတစ်ဦးက ပြောသည်။

02/08/2021

ဒေါပုံမြို့နယ် နွယ်အေး စွန္နီဂျာမေ့အ်ဗလီ လူမှုကူညီရေးအသင်းက အောက်ဆီဂျင်တိုင်းကိရိယာ Oximeter တွေကို တစ်လုံး ကျပ် ၆၀၀၀ နှုန်းနဲ့ ပြည်နယ်နဲ့တိုင်းဒေသကြီးတချို့မှာ အရင်းတိုင်း ရောင်းချပေးနေပါတယ်။

လက်ရှိမှာတော့ ရန်ကုန်၊ပဲခူး၊ မန္တလေး၊ဧရာဝတီနဲ့ ကချင်ပြည်နယ်က နေရာအနည်းငယ်မှာသာ ရောင်းချပေးနိုင်ပေမဲ့ တစ်နိုင်ငံလုံးအတိုင်းအတာအထိ နေရာစုံအောင်လုပ်ဆောင်သွားဖို့ စီစဉ်နေတဲ့အပြင် တခြားအသင်းအဖွဲ့တွေနဲ့ ချိတ်ဆက်ကာ အရင်းအတိုင်းပြန်လည် ရောင်းချပေးဖို့ မေတ္တာရပ်ခံထားပါတယ်။ ဒါ့အပြင် အောက်ဆီဂျင်ဆက်စပ်ပစ္စည်းတွေနဲ့ အောက်ဆီဂျင်အိုးတွေကိုလည်း ဈေးနှုန်းသက်သာစွာ ရောင်းချပေးဖို့ ပြင်ဆင်နေပြီလို့လည်း သိရပါတယ်

02/08/2021

ကျောင်းအုပ်ဆရာမကြီးတဦး သာယာဝတီထောင်မှ ဒီကနေ့လွတ်မြောက်
=============
သာယာဝတီ၊ ဩဂုတ် ၂၊ ၂၀၁။

ပဲခူးတိုင်းအနောက်ခြမ်း၊ သာယာဝတီမြို့နယ်၊ သုံးဆယ်မြို့၊ ပေပင်ကုန်းကျေးရွာမှ ကျောင်းအုပ်ဆရာမကြီး ဒေါ်အိအိဖြိုးပိုင်အေးမှာ သာယာဝတီထောင်မှ ဒီကနေ လွတ်မြောက်လာကြောင်း ပညာရေးဌာနနှင့် နီးစပ်သူများထံမှ သိရသည်။

ပေပင်ကုန်းကျေးရွာ ကျောင်းအုပ်ဆရာမကြီး ဒေါ်အိအိဖြိုးပိုင်အေးကို မေလ ၁၀ ရက်နေ့နံနက်ပိုင်းက သာယာဝတီခရိုင်၊ မင်းလှမြို့နယ်၊ စစ်ကွင်းမြို့၊ ဘုရားကြီးလမ်းရှိ ဆရာမကြီး၏ နေအိမ်တွင် စစ်သားနှင့် ရဲတပ်ဖွဲဝင်များက လာရောက်ဖမ်းဆီးခဲ့ခြင်းဖြစ်သည်။ သာယာဝတီထောင်အတွင်း ပုဒ်မ ၅၀၅(က) ဖြင့် တရားရင်ဆိုင်နေရကာ ၃ လနီးပါး ထိမ်းသိမ်းခံရပြီး ဒီကနေ့မှာ ပြန်လည်လွတ်မြောက်လာခြင်းဖြစ်ကြောင်း သိရသည်။

02/08/2021

စစ်ကြောရေးတွင် မတရားဖမ်းဆီးခံထားရသူ
ထက်ကိုဦး၏ ရုပ်အလောင်းအား ယနေ့လာရောက်ထုတ်ယူရန်စစ်ကောင်စီမှ မိသားစုဝင်အား အသိပေး....
ပြည်သူများ သွေးအေးနေကြပြီလား?
===========

02/08/2021

ပျူစောထီးတွေ စခတွေ ဝန်ခြုံးရွာရဲ့ အနောက်ဘက်အထိ တောင်ကုန်းတိုင်းကို လှန်းပစ်နေပါတယ် ရွာအနောက်ဘက်အထိတော့ အင်အား ၁၀လောက် ရှိပါတယ် ရွာသူရွာသားများလည်း လွတ်ရာသို့ ထပ်ဆင့်ရှောင်ပြေးနေပါတယ်ခင်ဗျ။
====

02/08/2021

ဖေဖော်ဝါရီလ ၁ ရက်နေ့မှ ယနေ့ ဩဂုတ်လ ၂ ရက်နေ့ထိတိုင် ဖမ်းဆီးချုပ်နှောင်ခြင်းခံထားရသူ စုစုပေါင်း (၅၄၇၄) ဦးရှိပြီး ၎င်းတို့အနက်မှ (၂၅၅) ဦး မှာ ထောင်ဒဏ်ချမှတ်ခြင်းခံထားရသည်။ကျဆုံးခဲ့ရသူ စုစုပေါင်းမှာ ယမန်နေ့အထိ (၉၄၅) ဦး ရှိခဲ့ပြီဖြစ်ပါသည်။ အဆိုပါအရေအတွက်သည် AAPP မှ ကောက်ယူ ရရှိထားသည့် အရေအတွက် ဖြစ်ပြီး အမှန်တကယ် ကျဆုံးသွားသူများမှာ အဆိုပါအရေအတွက်ထက် ပိုများနေနိုင်ပါသည်။
=========

02/08/2021

Fake Page ကနေတင်တဲ့ Fake သတင်းသာဖြစ်ပါတယ်

IndiGo လေကြောင်းလိုင်းက ပုံတွေပါ

report ထုခြင်းဖြင့် ကူညီကြပါ 👉 https://m.facebook.com/permalink.php?story_fbid=111885204524753&id=108518634861410

02/08/2021

ဘုတလင်မြို့၌ ကွမ်းယာရောင်းသည့်အမျိုးသမီး ၁ ဦးနှင့် လူငယ် ၄ ဦးကို စစ်တပ်ကဖမ်းဆီး
===============
စစ်ကိုင်းတိုင်း၊ ဘုတလင်မြို့ပေါ် စက်မှုလယ်ယာတိုက်တန်းမှာ ကွမ်းယာဆိုင်ပိုင်ရှင်အမျိုးသမီး တစ်ယောက်နဲ့ ကွမ်းယာဝယ်နေတဲ့ လူငယ် ၄ ယောက်ကို စစ်ကောင်စီတပ်က ဩဂုတ် ၂ ရက် ဒီနေ့ မွန်းလွဲ ၂နာရီလောက်မှာ ဖမ်းဆီးသွားပါတယ်။

ဘုတလင်မြို့ခံတစ်ဦးက “ ဘာကြောင့်ဖမ်းလဲဆိုတော့ မနေ့က ဩဂုတ် ၁ ရက်နေ့က တွင်းတောင်ကျေးရွာမှာ အသတ်ခံရတဲ့ အုပ်ချုပ်ရေးမှူးရဲ့ သားမက်က သူ့ယောက္ခမကို သတ်တဲ့သူတွေလိုဆိုပြီး ပုဂ္ဂိုလ်ရေးအရ မုန်းတီးတဲ့သူတွေကို မိုးကြိုးမုန်းတိုင်းအဖွဲ့ကပါ ဆိုပြီး စစ်ကောင်စီတပ်တွေကို အဖမ်းခိုင်းတာ။ ကွမ်းသီး၊ ကွမ်းရွက်နဲ့ ကွမ်းယာပါရောင်း တဲ့ အသက် ၅၀ အမျိုးသမီးပါ ဖမ်းတာဆိုတော့ ဘယ်မိုးကြိုးမုန်းတိုင်းမှမဟုတ်ဘူး။”လို့ ပြောပါတယ်။

စစ်တပ်က လူငယ်တွေကို ထင်ကြေးနဲ့ဖမ်းဆီးပြီး ပြစ်မှုကျူးလွန်သည်ဖြစ်စေ၊ မကျူးလွန်သည်ဖြစ်စေ စစ်ကြောရေးစခန်းတွေမှာ ရိုက်နှက်စစ်ဆေးပြီး ပြစ်မှုကျူးလွန်တယ်လို့ ခြိမ်းခြောက်ဖိအားပေး ခိုင်းစေပြီး သတင်းတွေ လိမ်ညာထုတ်ပြန်တာတွေလည်း ရှိပါတယ်။ ဖမ်းဆီးခံရသူတွေကို စစ်ကြောရေးစခန်းမှာ ရိုက်နှက် စစ်ဆေးတာတွရှိပြီး လက်လွန် အသက်ဆုံးရှုံးတာတွေလည်းရှိနေတာကြောင့် အခုအဖမ်းခံရတဲ့ လူငယ်လေးတွေအတွက်လည်း စိုးရိမ်တယ်လို့ ဘုတင်မြို့ခံ က ပြောပါတယ်။

02/08/2021

ကိုဗစ် - ၁၉ ရောဂါ ကာကွယ်၊ ထိန်းချုပ်၊ ကုသရေးဆိုင်ရာ ဆဋ္ဌမအကြိမ် ညှိနှိုင်း အစည်းအဝေးပြုလုပ်

နေပြည်တော်၊ ဩဂုတ် - ၂ (MHTnews)

ကိုဗစ် - ၁၉ ရောဂါ ကာကွယ်၊ ထိန်းချုပ်၊ ကုသရေးဆိုင်ရာ ဆဋ္ဌမအကြိမ် ညှိနှိုင်းအစည်းအဝေးကို ယနေ့နံနက် ၁၀ နာရီတွင် နေပြည်တော်ရှိ ဘုရင့်နောင်ရိပ်သာ အစည်းအဝေးခန်းမ၌ ကျင်းပပြုလုပ်ခဲ့ပြီး နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊ ပြည်ထောင်စုသမ္မတမြန်မာနိုင်ငံတော် အိမ်စောင့်အစိုးရအဖွဲ့၊ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက် အမှာစကားပြောကြားသည်။

အစည်းအဝေးသို့ နိုင်ငံတော် စီမံအုပ်ချုပ်ရေးကောင်စီဒုတိယဥက္ကဋ္ဌ ၊ နိုင်ငံတော် ဒုတိယဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ ကောင်စီအဖွဲ့ဝင်များဖြစ်ကြသည့် ဗိုလ်ချုပ်ကြီး တင်အောင်စန်း၊ ဒုတိယဗိုလ်ချုပ်ကြီး မိုးမြင့်ထွန်း၊ ဒုတိယဗိုလ်ချုပ်ကြီး စိုးထွဋ်၊ တွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင်၊ ကျန်းမာရေး ဝန်ကြီးဌာန ပြည်ထောင်စုဝန်ကြီး ဒေါက်တာ သက်ခိုင်ဝင်း၊ ကာကွယ်ရေးဦးစီးချုပ်ရုံး (ကြည်း)မှ တပ်မတော်အရာရှိကြီးများနှင့် တာဝန်ရှိသူများ တက်ရောက်ကြပြီး တိုင်းဒေသကြီးနှင့် ပြည်နယ်အစိုးရအဖွဲ့ ဝန်ကြီးချုပ်များ၊ တာဝန်ရှိသူများက Video Conferencing ဖြင့် တက်ရောက်ကြသည်။

ဦးစွာ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊ နိုင်ငံတော်ဝန်ကြီးချုပ်က အဖွင့်အမှာစကားပြောကြားသည်။ ထို့နောက် ကိုဗစ် - ၁၉ ရောဂါ ကာကွယ်ဆေး များရောက်ရှိမှုနှင့် ပြည်သူများသို့ ထိုးနှံပေးလျက်ရှိသည့် အခြေအနေများ၊ ကာကွယ် ဆေးများ ဆက်လက်ရောက်ရှိလာမည့် အခြေအနေများနှင့် ထပ်မံမှာယူထားရှိမှု အခြေအနေများ၊ အောက်ဆီဂျင်များကို ပြည်တွင်း စက်ရုံ၊ အလုပ်ရုံများတွင် တိုးမြှင့် ထုတ်လုပ်နေမှုနှင့် ပြည်ပမှလည်း အဆက်မပြတ်တင်သွင်းလျက်ရှိသည့် အခြေအနေ များ၊ ရောဂါ ကာကွယ်ထိန်းချုပ် ကုသရေးဆိုင်ရာ ဆက်လက်ဆောင်ရွက်ပေးနိုင်မည့် အခြေအနေများနှင့် ပတ်သက်၍ ဆွေးနွေးခဲ့ကြောင်း သတင်းရရှိသည်။

02/08/2021

သြဂုတ်လ ၂ ရက်နေ့ ညနေခင်းသတင်းအစီအစဉ်
■ သမ္မတ၊ အတိုင်ပင်ခံပုဂ္ဂိုလ် အမှုရုံးချိန်းများအား သြဂုတ် ၉ ရက်နှင့် ၁၀ ရက်သို ထပ်မံချိန်းဆို
■ ဖမ်းဆီးထိန်းသိမ်းခံထားရသည့် ပုသိမ်ခရိုင်ဆေးရုံအုပ်ကြီး ဒေါက်တာသန်းမင်းထွဋ် ပြန်လည်လွတ်မြောက်
■ ကိုဗစ်ကူးစက်မှု မြင့်တက်လာသဖြင့် တရုတ်နိုင်ငံ၏ မြိုကြီးများ၌ လူသန်းပေါင်းများစွာကို ဆေးစစ်မှုများ အရှိန်မြှင့်လုပ်ဆောင်နေ
■ အင်ဒိုနီးရှားတိရစ္ဆာန်ရုံတွင် ဆူမားတြားကျားနှစ်ကောင် ကိုဗစ်ကူးစက်ခံရ
■ အာဆင်နယ်တွင် ချာကာ ဆက်ရှိမည်ဟု အာတီတာ အတည်ပြု

02/08/2021

ဖားကန့် ကံဆီး KIA ရှိရာဘက် စစ်ကောင်စီ လက်နက်ကြီးဖြင့် ပစ်ခတ်နေ

Z Fighter August 2

ဖားကန့်မြို့နယ် ကံဆီးကျေးရွာ (Ginsi Mare) တွင် အာဏာသိမ်းစစ်ကောင်စီတပ်ဖွဲ့က ကချင်လွတ်လပ်ရေးတပ်မတော် KIA ရှိရာသို့ လက်နက်ကြီးများဖြင့် ရမ်းသမ်းပစ်ခတ်နေသောကြောင့် ကျေးရွာအတွင်း လက်နက်ကြီးကျမည်ကို ဒေသခံများ စိုးရိမ်နေကြသည်။

ယနေ့ မွန်းလွဲ ၃နာရီဝန်းကျင် ကံဆီးကျေးရွာအခြေစိုက် စစ်တပ်ကုန်းမှ ကျေးရွာနှင့် ၃ မိုင်ခန့်ဝေးသည့် ပီးလန်ဘွမ် (pyi Len Bum) သို့ လက်နက်ကြီးများ ရမ်းသမ်ပစ်ခတ်နေသဖြင့် ဒေသခံများက လုံခြုံသည့်နေရာများတွင် ထွက်ပြေးခိုလှုံနေရကြောင်း ဒေသခံတစ်ဦးက KNG သတင်းဌာနကို ပြောဆိုခဲ့သည်။

“တိုက်ပွဲဖြစ်နေတာလားတော့ ကျနော်တို့လည်းမသိဘူး။ ဒါပေမယ့် စစ်တပ်ကုန်းက KIA ရှိတဲ့ဘက်ကို လက်နက်ကြီးတွေနဲ့ ပစ်နေတာ ၅ ကြိမ်လောက်ရှိနေပြီ။ ရွာသားတွေက ကြောက်လန့်ပြီး ဘုရားကျောင်း တွေမှာ ဝင်ပုန်းနေကြတယ်” ဟု ပြောဆိုသည်။

ဖားကန့်လမ်းမပေါ် နန့်တိန်းနှင့် ပျားအုံး ကြားရှိ ယုန်းတုန်ကျေးရွာတွင် ယနေ့ နံနက်ပိုင်းက စစ်ကောင်စီ စစ်ကြောင်းတစ်ခုကို KIA က မိုင်းခွဲ တိုက်ခိုက်ခဲ့ကြောင်း သိရသည်။

MPV News

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

02/08/2021

Address

Telephone

Website

Alerts

Contact The Business

Shortcuts

Share

Category