10/06/2026
Хүүхдийг болзошгүй эрсдлээс сэргийлэх зорилгоор бага насны хүүхэдтэй төрийн албан хаагчдыг 6/20-нд ЕБС-ийн хичээл амрах хүртэл цахимаар ажиллуулна.
Аймгийн Удирдах ажилтны шуурхай хуралдаанаар аймгийн Засаг дарга Ш.Ёл бага насны хүүхдийг аливаа осол, эрсдэлээс урьдчилан сэргийлэх, хүүхдийн аюулгүй байдлыг хангах чиглэлээр холбогдох байгууллагуудад үүрэг, чиглэл өглөө.
Энэ хүрээнд ерөнхий боловсролын сургуулийн хичээл, сургалтын үйл ажиллагаа амрах хүртэлх хугацаанд буюу 2026 оны 06 дугаар сарын 20-ны өдрийг хүртэл 0-5 насны хүүхэдтэй төрийн албан хаагчдыг байгууллагын үйл ажиллагааны хэвийн тасралтгүй байдлыг ханган, ажлын чиг үүргээ цахим хэлбэрээр гүйцэтгэх нөхцөлөөр ажиллуулахыг холбогдох байгууллагын удирдлагуудад үүрэг болголоо.