21/08/2026
Цагдаагийн байгууллагаас сэрэмжүүлж байна шүү. ‼️102 луу залга
‼️ Иргэний сэрэмжүүлэг: ‼️
Өнөөдөр өглөө 99099290, 99092837 дугааруудаас над руу залгаж, өөрийгөө СБД-ийн Онц хүнд гэмт хэрэгтэй тэмцэх тасгийн байцаагч Амархүү гэж танилцуулсан хүн ярив.
Тэрээр:
«“Таны нэр дээр ХААН Банкинд данс нээж, уг дансаар 300 гаруй сая төгрөг орж, гарсан байна. Зарим гэмт хэрэгтнүүд баригдсан. Тэд таны дансыг ашиглаж, хууль бус мөнгөнийхөө 10 хувийг танд өгөхөөр тохиролцсон гэж мэдүүлсэн”
гэж хэлсэн.»
Ингээд “аудио байцаалт авна” гээд асуулт асууж, би ч өгчихөв. Дараа нь хэрэг шалгагдаж дуустал миний бүх дансыг царцааж шалгана гэж сүрдүүлж эхэлсэн.
Би “Яагаад данс царцаах гэж байгаа юм бэ?” гэж асуухад:
«“Хариуцсан прокурортойгоо учраа сайн ол. Нотариатаар батлуулаад 2-3 цаг битүүмжилж шалгаж болох юм”
гэж яриад, улмаар намайг “прокурортой” холбож өгсөн.»
Удалгүй нэг эмэгтэй утас авч, өөрийгөө Нийслэлийн прокурор Жаргал гэж танилцуулна. Цаана нь хүмүүсийн дуу чимээ сонсогдож, яг л албан байгууллагын орчинд байгаа мэтээр жүжиглэнэ. “Үүдэнд хүлээж бай”, “10 минутын дараа энэ шугамаар холбоно” гэх мэтээр яриад л...
Тэгээд эцэст нь миний бүх дансны үлдэгдлийг нэг дансанд нэгтгээд, М банкны IBAN: 110039008734158535, Төмөрхуяг Мөнх-Оргил гэсэн хувь хүний данс руу шилжүүлэхийг шаардсан.
‼️ ЯГ ЭНЭ МӨЧИД Л БҮХ ЗҮЙЛ ТОДОРХОЙ БОЛСОН.
“Яагаад би бүх мөнгөө хувь хүний данс руу шилжүүлэх ёстой юм бэ? Би өмгөөлөгчтэйгээ ярья” гэж хэлснээр энэ бүх “жүжиг” дууссан.
Дараа нь танилаараа дамжуулж дээрх дугааруудыг шалгуултал, нэг дугаарт нь 34 өргөдөл буюу хохирогч бүртгэгдсэн гэх мэдээлэл авлаа.
⚠️ Гучин тав дахь хохирогч болохоосоо өмнө энэ мэдээллийг уншаарай!
Эдгээр хүмүүс маш итгэл төрүүлэхээр, албан байгууллагын нэр, албан тушаал, прокурор, байцаагч гэх мэтээр өөрсдийгөө танилцуулж, цаана нь хүмүүсийн дуу чимээ хүртэл оруулан яг л бодит хэрэг явж байгаа мэтээр жүжиглэж байна.
Сайн анхаарч сонсвол ярианд нь логикийн олон зөрчил байсан. Гэхдээ тэр бүхнийг энд дэлгэрэнгүй бичээд луйварчдад дараагийн удаа “алдаагаа засах” боломж өгмөөргүй байна.
‼️ Хамгийн гол нь цагдаа, прокурорын нэр барьж хэн нэгэн утсаар ярин дансны мэдээлэл, нууц код, мөнгө шилжүүлэхийг шаардаж байвал маш сайн нягталж шалгаарай.
Сандарч болохгүй. Утсаар өгсөн зааврын дагуу мөнгө шилжүүлэхгүй. Албан ёсны байгууллагатай өөрийн биеэр холбогдож шалгаарай.
Би ч гэсэн 35 дахь хохирогч болох дөхлөө. Тиймээс бусдыгаа сэрэмжлүүлэх үүднээс энэ мэдээллийг хуваалцаж байна.
🙏 Болгоомж, сэрэмжээ дээшлүүлээрэй. Нэг удаагийн сандрал бүх хадгаламж, хөдөлмөрийн мөнгөө алдах шалтгаан болж болох нь байна шүү!
‼️ ХУВААЛЦААД ОЙР ДОТНЫХОНДОО СЭРЭМЖЛҮҮЛЭЭРЭЙ!
