Дорноговь СПОРТ

01/11/2025

Азийн наадмын хүрэл медальт 👏👏👏👏👏

01/11/2025

25/10/2025

25/10/2025

24/10/2025

14/10/2025

УЛСЫН ЧАНАРТАЙ УРАЛДААН ТЭМЦЭЭНИЙГ ОРОН НУТАГТ ЗОХИОН БАЙГУУЛАХ АЧ ХОБОГДОЛ:
2015 оны Үндэсний бөхийн өсвөр үеийн Монгол улсын аварга шалгаруулах барилдааныг Дорноговь аймаг Сайншанд хотод анх удаа зохион байгуулсан. Энэхүү томоохон хэмжээний тэмцээний ерөнхий зохион байгуулагчаар Дорноговь аймгийн Засаг даргын тамгын газар, Дорноговь аймгийн үндэсний бөхий холбоо, хамтран зохион байгуулагчаар Монголын үндэсний бөхийн холбоо ажилласан.
Улс орныг хамарсан том тэмцээний ач холбогдол:
1. Залгамж халаа өсвөрийн бөхчүүд, хүүхэд залуус, ард иргэдэд үндэсний спортыг сурталчилан таниулах. Хичээллэх, үзэх, дэмжих хүсэл сонирхолыг нэмэгдүүлэх
2. Бөхийн спортоор дамжуулан залуучуудад бие бялдарын өв тэгш хүмүүжил, бие бялдарын хөгжил, биеийн тамирын боловсрол олгох.
3. Монгол үндэсний бөхийн дэг жаяг, ёс жудаг, эрэмбэ дарааг хойч үед үлгэрлэн харуулах
4. Орон нутгийн ард иргэдийн чөлөөт цагийг зөв боловсон өнгөрүүлэх
5. Олон улс, улсын чанартай тэмцээн зохион байгуулах туршлага хуримтлуулах
6. Орон нутагруу мөнгөний урсгалыг татах эдийн засгийн ач холбогдолтой.
Энэ жилийн үндэсний бөхийн өсвөрийн үндэсний бөхийн Монгол улсын аваргыг зохион байгуулах зардалд 6107000 /Зургаан сая нэг зуун долоон мянган/ төгрөгийг Дорноговь аймгийн орон нутгийн төсвийн нөөц хөрөнгөөс гарган санхүүжүүлсэн байна. Мөн Монголын үндэсний бөхийн холбооны төлөөлөлөгчид, хэвлэл мэдээллийн ажилтан, дасгалжуулагч нарын хүлээн авалтанд Дорноговь аймгийн үндэсний бөхийн холбооноос хоёр сая гаруй төгрөгийг зарцуулжээ. Хэдийгээр тэмцээний зохион байгуулалтанд хөрөнгө зарцуулж байгаа боловч эргээд өгөх үр өгөөж ихтэй нь харагдаж байна. Тэмцээний туршид 3-4 өдрийн хугацаанд Дорноговь аймгийг зорьж ирж байгаа өсвөрийн бөхчүүд, багш, дасгалжуулагчид, үзэгчдийн тоо эрс нэмэгдсэн. Эдгээр хүмүүс нь Сайншанд хотод байх хугацаандаа орон нутагт үйл ажиллагаа эрхэлж байгаа хувийн хэвшил, аж ахуй нэгжүүдийн орлогын эх үүсвэрийн тодорхой хэсгийг нэмэгдүүлж байна. Үүний тод жишээ нь тэмцээнд оролцсон багуудаас авсан зардлын судалгааны байр, хоолны талаарх мэдээллийг хүргэвэл: 19 аймаг, 9 дүүргийн тамирчин, дасгалжуулагч нийлсэн 100 гаруй хүнээс авсан тус судалгаагаар байрны зардалд – 3628000 төгрөгийг зарцуулсан байна. Харин хоолны зардалд – 6625000 төгрөг гэхээр зөвхөн байр, хоолны өртөгт нийт 10253000 төгрөгийн орлогыг нутгийн хувийн хэвшилд оруулжээ. Энэ судалгаанд дийлэнх багуудын хамрагдсан Хамрын хийд- Хар уулын аялал болон бусад зардал ороогүй болно. Эндээс дүгнэлт хийхэд нэр хүнд бүхий цар хүрээ өргөнтэй 1-2 тэмцээнийг жилд зохион байгуулсанаар тухайн нутаг оронд үлдэх үр өгөөж, ашиг тус өндөр гэдэг нь ажиглагдаж байна. Тиймээс энэ нь тухайн нутгийн удирдлага ард иргэдийнхээ үйл ажиллагааг бодлогын түвшинд дэмжих, эргээд ард иргэд нь өөрсдийн нутгийн хөгжил цэцэглэлтэнд хувь нэмрээ оруулах зэрэг эргэх холбоотой арга хэмжээ болж байна.

05/10/2025

10-Н ЖИЛИЙН ӨМНӨ….

Улсын аварга: Үндэсний бөхийн өсвөрийн шилдгүүд тодорлоо

Анх 1964 оноос зохион байгуулагдах болсон үндэсний бөхийн өсвөр үеийн улсын аварга шалгаруулах 52 дахь удаагийн барилдаан Дорноговь аймгийн төв Сайншанд хотод хоёр өдрийн турш амжилттай зохион байгуулагдлаа. Ирээдүйн аварга, арслан, гарьд , заануудын залгамж халаа болсон өсвөрийн хүчтэнгүүд гурван насны ангилалд уран мэхийг уралдуулсан. Догшин хутагт Данзанравжаагийн өлгий нутагт анх удаа болж байгаа өсвөр үеийн Улсын аварга шалгаруулах тэмцээнд Орхон, Баян-Өлгийгөөс бусад 19 аймаг , 9 дүүргээс шалгарсан 16, 17, 18 насны 80 гаруй бөхчүүд барилдсан. Эдгээрээс 16 насанд Сүхбаатар аймгийн бөх сумын заан Н.Өсөхбаяр тэргүүн байрт шалгарсан бол удаах байруудад Өмнөговь аймгийн Т.Дашжамц, Хан-Уул дүүргийн Ж.Жавхлан нар тодорлоо. Харин дунд нас 17 насны ангиалалд Өсвөрийн улсын шонхор, Өвөрхангай аймгийн Нарийнтээл сумын харъяат Чингэлтэй дүүргийн бөх аймгийн арслан Б.Лхагвадорж түрүүлж өсвөрийн улсын хошой аварга боллоо. Тус насанд дараагийн байруудад Баянхонгор аймгийн бөх Ч.Алтангэрэл, Хан-Уул дүүргийн бөх Л.Лхагвагэрэл нар тус тус шалгарлаа. Дээд нас болох 18 насанд өнгөрсөн хоёр жил 16,17 насанд түрүүлээд байсан Дорноговь аймгийн Хөвсгөл сумын харъяат аймгийн начин Б.Бат-Эрдэнэ түрүүлсэн. Мөнгө, хүрэл медалыг Сэлэнгэ аймгийн бөх Х.Наранбаяр, Чингэлтэй дүүргийн бөх Б.Түвшинтөгс нар хүртлээ. 2015 оны өсвөр үеийн улсын аваргад багийн дүнгээр Ц.Шийрэв дасгалжуулагчтай Чингэлтэй дүүргийн баг шилдгээр шалгарлаа. Дэд байрт МУ-ын начин Б.Адъяахүү дасгалжуулагчтай Хан-Уул дүүргийн баг Б.Энхтөр дасгалжуулагчтай Өвөрхангай аймгийн багууд энэ жилийн шилдгээр шалгарлаа. Барилдааны онцлогоос дурьдвал 18 насанд түрүүлсэн Дорноговь аймгийн Хөвсгөл сумын харъяат Аймгийн начин Б.Бат-Эрдэнийн хувьд өсвөрийн улсын аварга шалгаруулах барилдааны гурван насанд дараалан түрүүлсэн анхны бөх болсон түүхэн амжилтыг үзүүллээ. Харин Өвөрхангай аймгийн Нарийнтээл сумын уугуул аймгийн арслан Б.Лхагвадоржын хувьд өнгөрсөн жил 16 насанд түрүүлсэн бол энэ жил 17 насанд түрүүллээ. Бага нас 16 насанд анх удаа орсон Сүхбаатар аймгийн бөх Н.Өсөхбаярын хувьд улсын аваргын анхны түрүүгээ авлаа. Гурван насанд түрүүлсэн энэ гурван залуу хүчтэний хувьд нэг ч унаагүй үеийн шилдгүүддээ торолгүй түрүүллээ.Өсвөрийн улсын аваргын ерөнхий зохион байгуулагчаар Дорноговь аймгийн Засаг даргын тамгын газар, Дорноговь аймгийн биеийн тамир спортын газар, хамтран зохион байгуулагчаар Монголын үндэсний бөхийн холбоо ажилласан.

26/09/2025

Монголын бүх ард түмний спортын XVI наадамд Дорноговь аймгийн баг тамирчид амжилттай оролцлоо

🏆 Монголын бүх ард түмний спортын XVI наадамд манай аймгийн баг тамирчид спортын 14 төрөлд хүч үзэж, нийт 11 медаль хүртлээ. Үүнд:

🥇 Алтан медаль-3
🥈 Мөнгөн медаль-1
🥉 Хүрэл медаль-7 тус тус хүртэж нийт 11 медалийн эзэд боллоо.

🔥 Амжилтаа ахиулж, нутгийн зүг баяр хөөр, бахархал дүүрэн буцах гэж буй нийт баг тамирчид, дасгалжуулагч, багш нартаа спортын өндөр амжилт хүсье! 💪✨

#ДОРНОГОВЬ #АМЖИЛТ

31/05/2025

14/02/2025

🇲🇳 М.ӨЭЛҮН АЗИ ТИВИЙН МӨНГӨН МЕДАЛЬТАН БОЛЛОО

#Өнөөдөр 🇹🇭Тайланд улсын Бангкок хотноо эхэлсэн Жюү Жицүгийн Ази тивийн аварга шалгаруулах тэмцээний U16 ангиллын -57кг жинд барилдсан Дорноговь аймгийн Хилэнц дэвжээний тамирчин Мөнх-Эрдэнийн Өэлүн Энэтхэг, Казахстан, Солонгос улсын тамирчдыг ялж аваргын төлөө Казахстан улсын тамирчинтай барилдаж МӨНГӨН 🥈 медаль хүртлээ. БАЯР ХҮРГЭЕ 👏🏻👏🏻💐💐💐

#Дорноговь #Жюүжицү