23/07/2025
Мөрийтэй тоглоомд дансаа ашиглуулсан этгээд тээврийн хэрэгслээ хураалгажээ.
Манай улсад цахим мөрийтэй тоглоомын хориглох хууль 7 сарын 1-ээс хэрэгжиж эхэлсэн. Үүнтэй холбоотой хууль хяналтын байгууллагаас шалгалтын ажиллагааг эрчимжүүлсэн бөгөөд 1xBet-ээс ашиг олох зорилгоор бусдад дансаа ашиглуулсан иргэнийг олж тогтоон, 50 сая төгрөгөөр торгох шийтгэл ноогдуулжээ. Гэмт этгээд торгуулиа төлөөгүй тул албадан торгуулийн арга хэмжээ болгон автомашиныг нь хураан авч, улсын орлого болгосон байна.
Төлбөрт таавар, бооцоот тоглоом, цахим мөрийтэй тоглоом тоглож мөнгөө алдсан иргэд орон байраа барьцаалах, ойр дотны хүнээс мөнгө зээлэх зэргээр өрийн дарамтанд орж, улмаар сэтгэл санаагаар унах, донтох, стрес дэх, гэр бүлийн харилцаанд сөргөөр нөлөөлөх, хувийн мэдээллээ алдах, цаашлаад амиа хорлох хүртэл хор уршиг дагуулж байгаа юм. Тиймээс энэ төрлийн тоглоом тоглох, зохион байгуулах, өөрийн, эсхүл бусдын нэр дээрх төлбөр тооцооны данс, цахим мөнгө, виртуал хөрөнгө, харилцаа холбооны сүлжээний дугаар, цахим тодорхойлогчийг ашиглуулах зэрэг хууль бус үйлдлээс татгалзахыг цагдаагийн байгууллагаас анхааруулав.
